الجمعة، يونيو 27، 2008

ملهمش ذنب

0 كلام قلوبهم
ازيكم عاملين ايه بصراحه بقالي كتير مكتبتش وده لان مفيش اي قضيه اثارت ذهني

لكن وانا في المترو وكالعاده المترو ده في الدنيا كلها الواحد بيعرف الدنيا فيها ايه من المترو

المهم ادخلي ولخصي يانيمو عشان مبنحبش الرغايين

حاااضر

وانا راكبه المترو وكنت قاعده وهلكانه موت كان اخر يوم في امتحاني ومكنتش بقي مركزه

فليقيت بنوته صغننه خااااالص حوالي 3 سنين

رايحه جايه في العربيه بتاعت السيدات وطبعا في ستات كبار بينفخوا ماهو مش عاوزين دوشه

البنوته دي كانت تقريبا لابسه لبس رث جدا ومتسخه جدا مع ان عنيها والله خضرا ومستويه ولو استحمت هتبقي قمر

البنت جميله لكن استفذني حالها وعماله اقول في نفسي

ناس يخواتي نفسهم في حتته طفل وبيصرفوا الوفات عشان يجبوه

وناس راميين عيالهم في الشارع

مش مقدريين النعمه طب والحل جتلي فكره مجنونه انا عارفه اني مش ممكن انفذها بس اهي فكره

اني اخد البنت دي اوديها القسم واشوف طريقه واخدها اربيها بس طبعا انا جاهله في الاجراءات يوه اقصد الروتينيات

طب لو البنت دي ليها ام ليه سيباها كده ليه سيباها وهي طفله تواجه الدنيا بالشكل الفج ده لو مش عاوزاها مكنتش جابتها من الاساس

فالبنوته دي اثارت موضوع اطفال الشوارع انا عارفه اني نزلته قبل كده لكن بجد كل يوم الموضوع بيزيد ومفيش حل جزري ليه

اطفال زي القمر بيشحتوا عشان المعلم بتاعهم ياخد الفلوس

هي حتي فترات الطفوله الناس بتستهون بيها

ماعلينا يانيمو من الكلام ده بس قولي انتي عاوزه توصلي لايه

عاوزه اعرف لو لاقيت طفل زي البنوته دي ممكن فعلا تاخدها وتنضفها وتربيها وتحنو عليها في ظل الظروف اللي بتواجهنا

طيب لو مش قدرت ممكن تعمل عمل ايجابي انك تاخدها لاقرب ملجا او قسم

طيب ولو ده حل غلط طيب ايه الحل للظاهره دي من وجهه نظركم

معلش دوشتكم بس الموضوع بجد خطير ده جيل المستقبل ياناس

انا حبيت انزل الموضوع بدون اي احصائيات ولا اي شي وخليته كدردرشه بسيطه

بجد اتمني حل للظاهره

مع تمنياتي بالتوفيق للجميع

نيمو

اين النخوه ياناس ياهو

0 كلام قلوبهم


النخوة
اين هي
هل اختفت في زحمه الحياه
هل اصبحت ذكري نسترجعها في ازهاننا




بجد هتستغربوا من كلامي
وتقولوا اني بقول كلام مش بيحصل
لكن انا بقولكم فعلا النخوة والرجوله اختفت وهدخل في الموضوع علطول
في صفحات قسم النقاش الجاد هنا هتلاقوووا مواضيع عن المعاكسه ومين بيبدائها ومين السبب في الحال اللي وصل
وزادت النقاشات كتير يقولوا البنت وكتير يقولوا الولد وبتختلف الاراء
ادخل في الموضوع بدل اما اخرج عن اللب اللي عاوزه اوصله




انا هتكلم عن موقفين حصلولي فعلا بجد استفزيت منهم وخلوني اكتب الموضوع ده
في يوم وانا في الكليه عادي جدا وفي رست وكلنا بنتجمع وبنقعد مثلا نشوف الموبايلات وكده .
المهم انا ابعت اللي عندي ودي ودي وهكذا
المهم جت بنت بتورينا كليب لرقصه لدينا بس مش عارفه استغربت المهم صممت ان البنت تمسحه
راحت قالتلي بشكل غريب اييييييييييييييييييييييه ده انا واخداه من بابا
انا تنحت وسكت خلاص بقي الاب بنفسه اللي بيدي لبنته الحاجات دي علي الرغم ان في ابهات تانيه
بتشيت دايما علي الموبيلات والافلام قبل اما اشوفها ماعلينا اكمل بقيت سلسه غياب النخوه



والموقف التاني

انا في الجامعه بخلص تقريبا 6 وبروح البيت علي 7 في الرينج ده
طبعا انا بقوم علي بيتي علطول لكن اصحابي بيبداوا للخروج ويروحوا بيتهم علي 12 او 1 بليل
ولاني مش بروح معاهم فبسمع كل يوم كلام من المنقي تريقه بقي والل يانته عارفينه
السوال بقي
هو مواعيد خروج البنت راحت خلاص ؟
هي بقت زي الولد تتاخر عادي ؟
ده اخويا لو جه بعد 12 ومش في شغله بيبقي الحرب العالميه اتنقلت عندنا !!





ده الموقفين
والله ماعارفه احنا هنوصل لفين لما البنت بقت كده والاب بقي سايب بنته كده وموافق تروح 1 بليل
يانهار ابيض فين النخوه ياخلق ياهو

عن عبد الله بن عمر أن رسول الله صلى الله عليه على آله وسلم قال : ثلاثةٌ قد حَرّمَ اللهُ - تَبَارَكَ وَتَعَالَى - عليهم الجنةَ : مُدْمِنُ الخمر ، والعاقّ ، والدّيّوثُ الذي يُقِرُّ في أَهْلِهِ الخُبْثَ . رواه أحمد والنسائي .


مخنوق ليه

0 كلام قلوبهم
ايه ياعم ايه يابنتي زعلانين ليه اتظلمتوا اتأزيتوا اتجرحتوا
الناس ظلمتكوا وحاسين ان العالم ضدكم
لا اقف انت احمد ربنا علي اللي انت فيه بلاش نكران للنعمه 36_1_30[1].gif

انا بنزل مستشفيات علشان شغلي تمام
بس النهارده انا رحت مكان بجد انا بحمد ربنا مليون مره علي كل حاجه تاعلي عدد نعمك
هتلاقي اللي مش عنده رجلين وبيحمد ربنا
واللي حصلتله حادثه ومبقاش يمشي
واللي زاد اني لاقيت اطفال يااااااااااااااااااااااااه
36_1_44[1].gif 36_1_44[1].gif
تبكي دم لما تشوفهم
وشوفوا المعاقين جسديا وزهنيا انا
انا عندي صور انا خايفه انزلها بجد بجد محزنه جدااااااا
بس هنزلكم صور خفيفه عشان تحمدوا الله
ومتقولوش حبيب جرحني او فلان عملي او ......


واحد عنده 26 سنه متزوج وعنده طفلين
وعايش عادي زي الناس كلها
وفي لحظه جاله مرض السرطان وفي المخ دخل قسم المخ والاعصاب
واهو في غيبوبه لحد الان
يبقي نحمد ربنا اننا بنتكلم ولا لا
نحمد الله اننا بنشوف ولا لا


ولو وافقتوا انا هنزل الصور اللي عندي بس قبل اما انزلها لازم يكون قلبكم من حجر صوان
وهتعرفوا النعمه بجد

لكم مني ارق تحيات

الابتسامه الصفرا

1 كلام قلوبهم
بسم الله الرحمن الرحيم



انا هتكلم في موضوع مش جديد بس اكيد كتير منكم يعاني منه
كتير بنلاقي ناس مش بتحبك بس بتبتسم ابتسامه صفرا علشان مصلحة
عارفه انك هتعملهاليه
كتير بنلاقي حد يكلمك لمجرد الجنتله وهو اصلا مش عاوز يتكلم
كتير نلاقي ابتسامات مرسومة علي الوجة
وياحبيبتي ويانور عيني وانتي جوا القلب (لكن الله يعلم بما يكنة لك من ضغينة)


الموصوع ده كتير مخليني مخنوقه ولذلك هعرض شوية اسئله احب اشوف ردودكم عليها


1- هل تبتسم ابتسامة صفرا ؟
2- تقدر تكلم حد انت مش بتحبة ؟
3- بتعرف مين اللي بيبتسم ا بتسامة صفرا في وجههك؟
4- هل الابتسامة الصفرا وصلت في مجتمعنا للحد اللي نقول عليها عادي كتير نكلم ناس واحنا مش طايقينها لمجرد ان الظروف تحتم اني اتحدث معاه؟



واسئلة كتير جوايا واللي يحب يسال بجد يدخل ويسال ويجاوب وتكون مناقشة مكتوب عليها الصراحة

لكم مني ارق تحيات
ومنتظرة تجاوبكم