السبت، نوفمبر 29، 2008

معلش بقي(تحديث)

124 كلام قلوبهم
تحديث الحمد لله بقيت تمام ومش عارفه بجد اقولكم ايه علي دعائكم ووقوفكم جنبي انا رجعت البيت دلوقتي بجد وحشتوني اووووووووي 

**************** 

كتير لاحظ غيابي الفترة اللي فاتت 

وده لتعبي الشديد وكنت مقيمه عند جدتي عشان طبعا البيت عندنا مش ينفع اقعد فيه وهو متبهدل 

مش كان هيبقي فيه رعاية 

الحمد لله اول امبارح ابتديت افوق واتحسنت الحمد لله 

بعتذر طبعا عن عدم متابعتي ليكو واني مش قادره ارد عليكم

كلكم وحشتوني انا دخلت اقولكم كل سنه وانتم طيبيييين 

وادعولي اقدر ارجع عشان اعمل بوست العيد هتوحشوني 

وادعولي اخف خالص واول اما ارجع هرد عليكم 

وهقرا البوستات اللي فاتتني في امان الله

الخميس، نوفمبر 20، 2008

كلمتين وبس

222 كلام قلوبهم
كلمتين وبس

وانا عماله افكر اول بوست في عالمي هيكون ايه

قلت ادور في دفاتري وانا بقلب في الصفحات

لقيت حاجه شدتني اوي اوي وقلت يبقي هي دي اللي

لازم اتكلم عنها

واللي قريته كان بعنوان الفيل ياملك الزمان

في يوم كان عيد ميلاد ملك الزمان فقام ملك بجواره باهدائه

فيل ضخم جداااااااا

فانبهر به ملك الزمان لانه اول مره يشوف حيوان بالحجم ده

فترك له المدينه يتجووول بها

تخيلو انتو بقي فيل ماشي في الشارع!!!!!! هههههههههههههه

كسر كل حاجه بهدل الدنيا

فاهالي المدينه جمعوا بعضهم وقرروا يروحوا للملك ويشتكوا من الفيل

فاحتاروا من يكون زعيمهم المهم تراسهم احد الاشخاص

بس قالهم اول ما اقول الفيل ياملك الزمان ترودو وتقولو دمر اراضينا

الفيل ياملك الزمان تقولو كسر حوانيتنا

وهكذا

المهم راحوا للملك

فقام زعيمهم بمقابله الملك

فقال الفيل ياملك الزمان .......... سكوت

الفيل ياملك الزمان ..........سكوت

كررها عده مرات

بعد كده الملك قاله ماله الفيل

فقاله وحيد غلبان لازم تجيبله فيلايه تانس وحدته

ههههههههههههههه

طبعا ممكن بعضكم مش يكون فهم قصدي

اقصد

لايضيع حق مدام ورائه مطالب

لو كان الاهالي اتكلمو مكنش زعيمهم طلب فيل اخر

وكان ممكن الملك حل المشكله

تحياتي

مولان

الأربعاء، نوفمبر 19، 2008

عاااااااااااااااااااااااااااااااااااااااااااااااااا

144 كلام قلوبهم
 
في الاول مش كنت احب اول بوست يكون كدا لكن تاتي الرياح بما لا تشتهي السفن حزنت اوي اوي اوي علي نهاية ضي القمر اللي بجد كل حاجه فيها ليها ذكري والاهم من البوستات اللي كنت بنزلها هي الكومنتات اللي كنت مش احب انها تروح ضي القمر مش كانت ملكي كانت ملكم وليها ذكري معاكم انا لحد الان مش عارفه ازاي تتحول لموقع وحش كدا المشكله ان احنا حذفناها وبرده الموقع موجود طبعا مش كنت حابه ان اكشف شخصية مولان لكن كان لازم اكشفها عشان موضوع ضي القمر الكل يشيل الرابط الخاص بيها طبعا انا بشكر د/ عمرو فاروق وضد التيار وطائر الليل واسلام علي التنويهات اللي عملوها انا والله ماكنت عارفه ادخل لانكم عارفين توضيبات الشقه بجد انا بقيت في صحراء ولسه هغيب تاني طبعا لما هرجع هرجع ازوركم تاني وان شاء الله العالم ده يكون مريح لي ومش يبقي فيه اي شي يزعلني زي ضي القمر انا والله مشغله الكهربا باعجوبه وبعد محايله كتيره مني لبابا خاصه ان انا موصله الكهربا بسلكه والله داخله باعجوبه وربنا يستر بقي بعا انا لقيت الريدر ماشاء الله بوستات كتيره ان شاء الله لما حتي الصالون يخلص علي الاقل هبدا ادخل سلاموز باللوز


 

الأحد، نوفمبر 16، 2008

دوم تك دو م تك

144 كلام قلوبهم
    طبعا في الاول انا بقول للي دخل العالم الخاص بيا

    اني سعيد اوي انه تواجد معي في العالم ده

    ويارب افضل جوا قلوبكم زي ما كنت زمان

    وعشان  مش في حد يشك فانا بالفعل مدونه سابقه

    اتمني تتقبلوني بينكم زي زمان

    تحياتي

    مولان