عالــم مــولان عالــم مــولان
randomposts

آخر الأخبار

randomposts
randomposts
جاري التحميل ...

قلبك بيشوف الحقيقه .. الخوف والشك بس هما اللي بيعموا

  1. كيارا الجميله.....
    مش كنتي تقولي إنك إنتي ...
    كنت جبت معايه علبة(مصاصات)هديه..
    ........
    كله لخير تأكدي من ذلك..
    وكل أحبابك لاحقينك على عالم مولان..
    مش حنسيبك أبدا يا قمرايه..
    ........
    هو باباكي يخلص من مامتك العثوله..
    تطلعيه إنتي عاوزه تولعي بالشقه..
    ........
    خفو على الراجل حرام عليكم..
    .........
    في أمان الله يا قمر..
    سلامي لماما..

    ردحذف
  2. هههههههههههههههههه
    طيب الحمد لله أنا كنت مفكره ان انتى اللى بتشتغلينا
    بس برده طبعا زعلانع على ضى القمر بس ان شاء الله ده يبقى أحسن منه
    وترجعيلنا بالسلامه ان شاء الله .

    ردحذف
  3. كيارا انا فعلا دخلت عندك ومش لاقيه المدونة بتاعتك وكنت زعلانة جدا بس الحمد لله اسلام عرفنا طريقك عموما ما تزعليش ومبروك على المدونة الجديدة

    ردحذف
  4. سلاموز باللوز يااشطه
    ابقى تعالى تانى
    اى ويل ويت فور يو
    اوك؟
    سى يو
    بااااااااااى :))

    ردحذف
  5. ياااااه ياكيارا مش تقولى اخ منك عرفتى تخدعينا بس ولا يهمك ياجميل المهم انك معانا ويارب دايما معانا وبتسعدينا ببوستاتك

    ردحذف
  6. معلش بقى على ضى القمر رغم انى زعلت عليها قوى )):

    و مبروك عليكى المدونه الجديده (:

    ترجعى بالسلامه ياجميل (بوسه ليكى كبييييييييييييييرة)

    ردحذف
  7. M.K

    ********

    هههههههههههههههههههه بابا ليه ربنا بجد مش تتخيلي كم التعب والارهاق اللي احنا فيه

    وفين مصاصتي بقي

    ردحذف
  8. Butterfly

    **********

    عاااااااا سفتي ضي القمر راحت عاااااااا

    منوراني في عالمي الجديد

    ردحذف
  9. شفقتي حبيبتي

    **********

    شفتي اللي حصل انا لسه مش لفيت عليكم

    نورتيني ياثكره في عالمي الجديد

    اممممممموه

    ردحذف
  10. حبيبه قلبي

    *********

    نورتيني ياثكره وطبعا هاجي تاني


    وحشاني ياقمر

    ردحذف
  11. انسانه عاديه


    هههههههههههههههههه شفتي طلعت انا ههههههههه هييييييييييييه عملت خدعه فيكي اءاءاءاء

    ردحذف
  12. ضد ياضد انا كنت هتحرم من اني اقول ضد ياضد ياضد عشان متكشفنيش

    دلوقتي هقولها براحتي اء اءاءاءاءاء


    بووووسه كبيره ليكي انتي كمان

    ردحذف
  13. كيارااااااااااااا
    أهلا بعودتك
    بجد سعيدة إنك رجعتلنا تاني
    و فداكي مليون مدونة
    ألفين مبرووووك :)

    ردحذف
  14. عاااااااااااااااااااااااااااااااااااااااااااااااااااااااااااا

    ياربى انا اكتر واحده كانت من مصلحتها انك تفضلى مختفيه عشان الكلمه

    عااااااااااااااااااااااااااااااااااااااااا

    ده انا كنت فرحانه مووووووووووووووت بسبب كده

    عااااااااااااااااااااااااااااااااااااااااااااااااا

    منه لله اللى كان السبب

    عااااااااااااااااااااااااااااااااااااااااااا

    بت بت بت انتى مش المفروض عندكم توضيب ايه اللى دخلك هه

    امشى امششششششششششششششششششى

    يارب و انتم بتوضبه تقع عليكى البويه ماتعرفى تشيليها هه

    و العيال وراكى يزفوكى و بدل ماتكون مولان تبقى سايبس P-:

    البت سايبس اهى البت سايبس اهى

    طيب تخيلى هايبقى منظرك تووووووووووووووحفه

    ردحذف
  15. ضي القمر اكيد عزيزة بس صاحبتها موجودة و كمان الناس اللي عملت كومنتات لسه موجودة و ده المهم

    و كلنا شيلنا اللينك القديم و حطينا الجدبد :):)

    و لو علي الشقة انا ممكن اعملك حملة علي البلوج بتاعتي و نسميها (وضب الشقة)....و يبقي شعاره (معا من اجل عودة سريعة لكيارا او مولان)
    و ممكن نعمل بعثات من المدونين و نخلص الشقة في يومين :):):)

    عادل
    http://elbald-dy.blogspot.com/

    ردحذف
  16. بعتي شكوي لبلوجر؟ ولا انت من اللي بيسيبوا حقهم؟ :(

    ردحذف
  17. خلي حد من صحابك يبعتهالك

    ردحذف
  18. السلام عليكم و رحمة الله و بركاته

    الجميلة كيارا
    وحثتيني خالث خالث بجد

    وبرغم اني زعلت عثان ضي القمر
    بث عسى ان تكرهوا شيئا وهو خير لكم
    وبعدين يا كيارا انتي يا كميلة اللي بتعملي روح وبسمه في اي مكان تروحيه حتى لو مكان لسه صحرا هتخضريه بروحك يا قمر
    وربنا يوفقك يارب
    بس قوليلي انتم بتوضبواالشقه لسه ديكور جديد ولا ناقلين بيت جديد

    عشان انا كمان قربت اكون زيك ديكور جديد بس لسه ساعه الصفر موش جت

    اي مساعده ايام هير يا كميله

    وربنا يوفقك يارب

    اه على فكرة متهيالي اللي حصل في ضي القمر حد عارفك يحني مقثوده مقثوده
    يلا منه لله وبرده احنا معاكي دايما يا قمر
    موث تنثي مثاثتي بقى

    في رعاية الله

    ردحذف
  19. لعله خير
    ماتزعليش ياحبيبتى
    ان شاء الله دى تبقى احلى واحلى

    ردحذف
  20. انا صدمت يا كيارا بجد
    شفت اسم مدونتك فى الريدر عند ابوعلى واستغربت من العنوان
    وبعدين انتى قلتى هتاخدى اجازة علشان الشقة

    بس عارفه ايه اللى حصل
    اكيد اللى عمل المدونة لما لقى مدونتك اتحذفت كان الاسم متوفر فعمل على نفس عنوان مدونتك اكونت ليه... ده احتمال كبير والله اعلم

    حسبى الله ونعم الوكيل
    انا متنرفززززززززززه جدا

    المهم متسكتيش يا كوكتى
    خلصى اللى انتى فيه دلوقتى وربنا يعينك وبعدها اعملى شكوى اتصرفى اعملى اى حاجه
    والله انا منا عارفه اعمل ايه
    بس عارفه كله خير الحمد لله

    المهممممممممممم
    ان انتى معانا الحمد لله ودى اهم حاجه

    ردحذف
  21. مبروك يا جميل عالمدونة الجديدة
    ربنا يديها الصحة وطوووووووول العمر ويبعد عنها حذف الاكاونت

    ربنا معاكوا

    سالى

    ردحذف
  22. السلام عليكم::

    الحمد لله يا كيارا انك رجعتلنا

    والله انا اتخضيت لما لقيت ضي القمر بالمنظر دوت وسألت عليكي

    المهم إن النهاية سعيدة ورجعتلنا من تاني

    وشكراً ليكي انك عرفتيني مدونتك الجديدة

    أخوك في الله

    مفكر

    ردحذف
  23. كيارا ؟!!
    بقى كدة ؟؟
    تطلعى انتى فى الاخر !!
    عموما مش هاكدب عليكى واقول انى توقعت ده انما المهم كان نفسى اقولك ان ضى القمر فى النهاية مجرد مدونة وراحت انما طول ما انت موجودة هيفضل القمر نفسه موجود ومش مهم الاسم .
    ان شاء الله عالم مولان يكون احسن بكتير من ضى القمر .
    ارجعى بسرعة بقه عشان التدوين غلس اوى من غيرك .

    ردحذف
  24. نورتى مكانك تان يا كيارا

    افتقدتينا

    وافتقدناكى اكتر

    ان شاء اللة الشقة لما تتوضب بتاعنكو تكون احلى من الاول بس المهم عاوزين عزومة على الغدا للمدونين كلهم

    اهوة

    تدبيسة بقى

    هههههههههههههههه

    ردحذف
  25. ضى القمر جالوا خسوف
    وبدانا مع مولان من غير كسوف

    ربنا يعينا

    ردحذف
  26. معلش على ضي القمر بس اكيد هتعوضيها ان شاء الله في عالم مولان

    ترجعي بالسلامة يا قمر



    تحياتي

    ردحذف
  27. مين قال أن ضي القمر راحت لأ بالعكس
    ربنا يخليلنا العم جوجل كل فتره بيعمل كوبي للمدونات
    أدخلي جوجل وأكتبي في البحث
    مدونة ضي القمر
    حتلاقي نسخ من مقالاتك موجوده تحت أسم نسخ مخبأه
    وموجود فيها كل الكومنتات بتاعت كل بوست كمان

    ردحذف
  28. wlahy ! ana shklee 7at3'aba !

    looool


    aih ya benty tab ma t2oleee men el 2awel w ana day5 3shan ala2eee el blog bta3tek w enty hena !


    mashin lma ashooofk 3 el blog bs

    ah sorry el keyboard mesh bykteb arabic :d

    yalla bye :-h

    ردحذف
  29. مش معقول

    انا مش دخلت من زمان لان برضه الجهاز اتشال لغايه يوم الجمعه الجاي بيتصلح

    بس والله ضي القمر دي اخر مدونه كنت اتوقع انها تتحذف انا حسبت ان ده عطل فني بجد وهترجع تاني

    علشان كده هي لسه عندي في الريدر
    بجد انا حزين انها اتحذفت بس بلاش بقي
    نقلب علشان انا عارف انك كمان
    زعلانه

    بس ان شاء الله تعوضي في عالم مولان

    مستنين جديدك

    ردحذف
  30. السلام عليك حبيبتي
    أنا كمان زعلت على ضي القمر بس تعددت الأماكن وأسير قلوبنا واحد يعني مولان ولا ضي القمر ولا أي حاجه المهم كيارا بقلبها الطيب وروحها المرحة ويانا وجوانه ياقمر
    ربنا يباركلك بمدونتك الجديده ويستر عليك وينور طريقك ياقلبي في إنتظار بوستاتك الهايله
    دمتي بكل حب وود

    ردحذف
  31. انا كده عرفت حكاية عاااا دى:)
    ان شاء الله هنا كمان تعملى ذكريات حلوة مش انتى نفس الشخص واحنا نفس الاشخاص خلاص متقلقيش:)
    سلميلى على سايبس وباكين

    ردحذف
  32. اقسم بالله العظيم
    انا قلبي كان حاسس بكده
    اقول من امتا من اول تعليق البوست الي فات


    تصدقي بالله انا اهتميت بالموضوع وجاري البحث مع استاذ ماده الهكر على طريقه نشوف ازاي هترجعي بيها المدونه

    بس المشكله انها لسه بيحاول يشوف سيستم بتاع البلوجر وربنا يقدم الي فيه الخير متقلقيش

    ياااااااااااااااااااارب

    منورة حبيبيتي انا مكتبتش كتير اصل الحقنه وجعت ايدي

    ردحذف
  33. كيارا الحمدلله انك بخير
    من حقك تزعلى فعلا معلش اكيد خير

    تحياتى

    ردحذف
  34. .
    معلش يا كوكى متزعليش حبيبى

    واصحابك لسه موجودين ويملو عليكى عالمك الجميل دة
    وانا فعلا حذفت مدونتك التانيه من عندى بعد البوست دة

    وربنا معاكو وتخلصو شغل
    وترجعى معانا دايما يا قمرة
    .

    ردحذف
  35. السلام عليكم

    أغاب ضى القمر

    لا أظن لم أشعر بغيابه

    الأنه أجده عند كل أحبائى ؟

    أم لأننى لم أجد منه الا كل خير فلذلك

    دوما أذكرة حاضرا لا غائبا

    ذلك لا يهم

    المهم هو أنك مولان كنت أم ضى القمر

    ستكونين معنا دوما وستنيرين لنا


    تحيتى

    ردحذف
  36. كياراااااااااااااااااا اخيرا انا عماله احاول اجيب المدونه بتاعتك بقالى تلات ايام ومش فاهمه ايه الى بيحصل اهم حاجه انى اطمنت عليكى ووحشتينى بجد ومش تحزنى على حاجه ضى القمر موجوده بيكى لانك كاتبه كل حاجه فيها الى ساب كومنت هناك اكيد حسيب كومنت هنا لاننا ارتبطنا بيكى جدا وربنا معاكى فى توضيب الشقه ومش تغيبى عننا كتير

    ردحذف
  37. المهم انك موجودة
    وكل شئ وارد بس المرة الجاية لازم احتياطات

    تحياتي

    ردحذف
  38. وحشتينى موووووووت يا كيارل ولا يهمك اى مدونه احنا معاكى وراكى وراكى لحد ما نزهقك تحياتى لحد ما القاكى سلام ياقمر

    ردحذف
  39. كنت تقولى يابنتى انك انتى
    وحشانى والله بجد
    مش تزعلى على ضى القمر
    احنا معاكى دايما
    وفى اى مكان
    ومش تغيبى عننا كتير
    خلى بالك من نفسك

    أختك
    RaRa

    ردحذف
  40. السلام عليكم ورحمة الله وبركاته

    هو ايه اللي حصل .. بجد مزعوجه

    فين مدونتك التانيه وازاي اتحذفت

    المهم قدر الله وما شاء فعل

    ومبرروك عليك المدونه الجديده



    دمت بكل خير

    ردحذف
  41. معلش احمدي ربنا علي كل شئ
    ولا يهمك
    وباذن الله الي جاي احسن باذن الله
    تحياتي
    مي

    ردحذف
  42. مبروك ياكيارا ع المدونة الجديدة
    انا كنت زعلانة اوي علشان ملقيتش مدونتك ضي القمر لكن الحمد لله عرفت انك مولان وان شاء الله المدونة دي تكون احسن كمان من التانية وهيبقي لكي فيها ذكريات كتير جديدة مع كل اصحابك اللي بيحبوكي
    مستنينك ترجعي لنا بعد ماتخلصوا الشغل اللي في شقتكم
    تحياتي لكي ياقمرة

    ردحذف
  43. هو أنا للأسف فاتني ضي القمر...

    بس مش عارفة ليه عالم مولان عاجبني جدا.. حاسة انه حاجة جميلة أوي!!

    هستناكي تيجي واتابع من الأول بقى :)

    ردحذف
  44. طبعا انا اسفه ع التاخير س كان لازم انزل عشان الكليه

    منورة يا قمر ويارب اقدر اشوف طريقه ارجعلك بيها مدونتك

    وحشتنيني

    وع فكره انا برده كنت متأكده من انك

    كيارا
    طيب اقول مولان يقا دلواتي

    وحشتين يا مومولان

    ردحذف
  45. اهلا بمولان
    كيارا سابقا

    ولا يهمك
    نقدر نعمل ذكريات غيرها اتعودى دايما لا تبكى على اللبن المسكوب
    طالما انا بنحبك
    وبتعزينا
    واحنا موجودين معاكى
    هنقدر تكتب احلى تعليقات عندك

    ردحذف
  46. لألألألألألألألأ
    مش ممكنننن
    هو انتى كيارا
    انا انخدعت يارجالة
    طيب ازاى وامتى
    ومين وكام كمان!
    يلا مش مشكلة
    المهم انتى بخير

    ردحذف
  47. معلش المهم انك تبتدي من جديد
    هي الحياه كده نقوم ونقف ونجري ونتكعبل ونقوم تاني
    ان شاء الله هتكون احلا من الاول
    بحب المدونين لك ولكلامك

    ردحذف
  48. مبروك المدونه الجديده ياوردتي الغاليه...

    انا كان همي كله على ايام زمان... يمكن لانها مدونه فيها تاريخ... بس اللي قدر يعمل ايام زمان الاولي قادر انه يعمل تانيه واحسن كمان....
    مستنيين ابداعاتك ان شاء الله...

    ردحذف
  49. قطرات من شواطئ الحياة

    *********

    ربنا يخليكي ياثكر والله يبارك فيكي انا اللي سعيده انك معايا

    ردحذف
  50. ضد التيار

    ***************

    ههههههههههههههههههههههههههههه ياحيني يعني ياضد طلعتي

    بتضايقي من ضد ال ياضد صحيح يعني انتي نفسك في اغنيه ضد ياضد

    ااااااااه بتحبيها طب اغنيها

    تيراررارار

    باشا باشا باشا

    ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد ضد ياضد ياضد ياضد هو فين ضد ده

    باشا باشا حبيبي ماله ماله ياخويا

    خطفني يالهوي كسفني يالهوي


    هههههههههههههههههههههههههههههههههههههههههه كمليها بقي عشان تقولي سايبس تاني

    وضد ياضد ياضد

    ردحذف
  51. adel

    ********

    ربنا يخليك ياعادل لكلامك بجد رفعت من منعوياتي :)

    --------


    و لو علي الشقة انا ممكن اعملك حملة علي البلوج بتاعتي و نسميها (وضب الشقة)....و يبقي شعاره (معا من اجل عودة سريعة لكيارا او مولان)
    و ممكن نعمل بعثات من المدونين و نخلص الشقة في يومين :):):)

    --------


    ههههههههههههههههههههههههههه ياسلام ده شرف ليا

    بس علي اللي انا فيه ولا شهر عااااااااااااااااااااااااااا

    ردحذف
  52. mido

    ********
    بعتي شكوي لبلوجر؟ ولا انت من اللي بيسيبوا حقهم؟ :(

    المشكله ان بعد اما لاقينا كده حذفت المدونه لكن متحذفتش مش موجوده عندي في لوحه التحكم الكلام ده لو لسه مش حذفاها
    وميرسي لسوالك عني

    ردحذف
  53. mero-moory

    السلام عليكم و رحمة الله و بركاته

    --------
    وعليكم السلام ورحمه الله وبركاته

    --------

    الجميلة كيارا
    وحثتيني خالث خالث بجد

    -------
    وانتي وحثتيني خالث خالث خالث خالث

    --------

    وبرغم اني زعلت عثان ضي القمر
    بث عسى ان تكرهوا شيئا وهو خير لكم

    -----------

    عاااااااااااااااااااااااااااااااااا معاكي حق ياقمر

    ---------
    وبعدين يا كيارا انتي يا كميلة اللي بتعملي روح وبسمه في اي مكان تروحيه حتى لو مكان لسه صحرا هتخضريه بروحك يا قمر
    وربنا يوفقك يارب

    ---------
    ياكثوووووووووووووووووووووووووووووفي انا مش اد الكلام الحلو ده
    -----------
    بس قوليلي انتم بتوضبواالشقه لسه ديكور جديد ولا ناقلين بيت جديد

    ---------

    لا ديكور جديد وبلاش تجيبي سيره نقل لحسن هصوت وهدبد في الارض

    عاااااااااااااااااااااااااااااااااااااااااااااا

    --------------

    عشان انا كمان قربت اكون زيك ديكور جديد بس لسه ساعه الصفر موش جت

    --------------

    ربنا معااااااااااااااااااااااااااااااااكي ده الموضوع مش سهل اول مره يكون التوضيب وانا جوا البيت دايما بيبقي واحنا بننقل لكن بالشكل الكبير وهد ده انا جالي صدااااااااااااااااااااااع
    ---------

    اي مساعده ايام هير يا كميله

    وربنا يوفقك يارب

    ----------
    ربنا يخليكي ياثكراياااااااااااااا
    -------
    اه على فكرة متهيالي اللي حصل في ضي القمر حد عارفك يحني مقثوده مقثوده
    يلا منه لله وبرده احنا معاكي دايما يا قمر

    ---------
    معرفش حد يكون بيكهرني كدا اه اكيد ليا ناس مش بتحبني لكن مش بتكرهني كدا

    ---------
    موث تنثي مثاثتي بقى

    في رعاية الله

    ---------
    عاااااااااااااااااا بقالي 3 ايام مث اكلتها بقي عاااااااااااااااااااا

    في حفظ الله

    ردحذف
  54. مبروك على المدونة الجميلة الجديدة

    ربنا يبارك لك فى بيتك ويجعله فتحة خير عليكى

    ردحذف
  55. موناليزا

    *******

    الحمد لله علي كل شي

    ان شاؤ الله وكفايه انك نورتيني فيها

    ردحذف
  56. Sometimes

    *************
    انا صدمت يا كيارا بجد
    شفت اسم مدونتك فى الريدر عند ابوعلى واستغربت من العنوان
    وبعدين انتى قلتى هتاخدى اجازة علشان الشقة

    *********

    انا عرفت الخبر والله بالتليفون بس علي فكره انا مش كنت حذفت المدونه المدونه انا حذفتها بعد اللي حصل واتشالت من لوحه التحكم لكن برده في بوستس بتنزل مش عارفه الموضوع ازاي
    وانا علي اخري بس هعمل ايه يعوض ربنا عليا

    ردحذف
  57. مبروووووووووك المدونة
    انا ماشفتش ضي القمر
    دي اول مرة ازرو المدونة

    لكن الف مبرروك ومستنيينك

    ردحذف
  58. حاجات جوايا

    ********
    الله يبارك فيكي ياقمر ويارب يبعد عننا حذف الاكونتات

    نورتيني ياثكره

    ردحذف
  59. مفكر

    السلام عليكم::
    وعليكم السلامه ورحمه الله

    الحمد لله علي كل حال وميرسي بجد علي سوالك وكان لازم ابلغك طبعا

    ردحذف
  60. هانى زينهم

    كيارا ؟!!
    بقى كدة ؟؟
    تطلعى انتى فى الاخر !!

    --------

    ههههههههههههههههههههههههه كنت فاكره انك هتعرفني

    ----------
    عموما مش هاكدب عليكى واقول انى توقعت ده انما المهم كان نفسى اقولك ان ضى القمر فى النهاية مجرد مدونة وراحت انما طول ما انت موجودة هيفضل القمر نفسه موجود ومش مهم الاسم .

    ----------
    ربنا يخليك يارب ياهاني ده بس من زوقك

    ----------
    ان شاء الله عالم مولان يكون احسن بكتير من ضى القمر .
    ارجعى بسرعة بقه عشان التدوين غلس اوى من غيرك .

    ----------

    بحاول اتواجد لحد اما يبدوا شغل في الصالوان هختفي :(

    ردحذف
  61. صباح الصباح

    *******
    هههههههههههههههه


    ههههههههههههههههههههه والله بجد افتقدتكو وحلوه التدبيسه دي بجد يبقي يوم جميل والبيت يساع من الحبايب الف ومليون

    ردحذف
  62. ABOALI

    *********
    ههههههههههههههههه لا بكسوووووووووف منا برده لسه نفس البنوته :)

    ردحذف
  63. Purplewaves
    ***********

    ان شاء الله ياقمر الله يسلمك ياقمر

    نورتيني ياقمر

    ردحذف
  64. ahmed_k

    **********
    مش عارفه ازاي يعني يعني جوجل عنده البوستات والكومنتات ؟؟؟

    ردحذف
  65. من غير عنـــوان

    **********

    ان شاء الله

    نورتني

    ردحذف
  66. المبرمج المحترف

    *********

    والله انا اصلا ساعتها مش كنت بدخل نت عشان التوضيبات وكنت هرد عليك لما تنزل بوست جديد عشان اعرفك اني كيارا وولايهمك المهم انك نورتني

    ردحذف
  67. حسن حنفى

    ********

    عاااااااااااااااااااااااااااااااااااااااااااا

    راحت ضي القمر راحت خلاص راحت عاااااااااااااااااااااااااااااااااااااااااااااااااااااااا

    ردحذف
  68. حـــــ الــجــنــة ـــــور

    ***********

    ربنا يخليكي بجد يارافعه منعوياااااااااااااااااااتي اممممممموه

    وطبعا واحد بس في ذكريات فيها :(

    ردحذف
  69. princess
    **********

    عاااااااااااااااااااااا ال سايبس وباكين ال هو كلكوا عليا ولا ايه انتي وضد طب عااااااااااااااااااااااااااا


    طبعا ياقمر واحد واحلي حاجه انكم معايا

    نورتيني ياصديقتي

    ردحذف
  70. Teawater

    ***********

    عارفه انك هتعرفيني

    بس في مشكله ان انا عملت دليت للمدونه يبقي هترجع ازاي

    ردحذف
  71. المستنصر بالله

    *********

    الحمد لله وطبعا ازعل عليها اوي :(

    الحمد لله علي اي حال

    ردحذف
  72. كناريتي
    ****
    .
    كفايه وجودكم معايا وان شاء اله العالم ده هيكون افضل
    نورتيني ياكناريتي :)

    ردحذف
  73. المحارب المتيم

    *******
    وعليكم السلام

    ايه الكلام الجامد ده

    ربنا يخليك يارب :)

    ردحذف
  74. مشمشه

    **********

    ربنا يخليكي يااحلي مشمشه وانا اهو معاكي وبجد انا كنت مفتقداكم وبجد وحثتينىىىىىىىىىىىى

    نورتيني ياثكره

    ردحذف
  75. (أم البنين)

    *********
    :) اه انا كيارا ياقمر

    ردحذف
  76. kochia

    *********

    ايه هي الاحتياطات اللي ممكن نعملها

    الحمد لله علي كل حال

    ردحذف
  77. طوبة ذهب وطوبة فضة

    ************
    وانتي وحشتييييييييييييني اوي وعمركم ماهتزهقوني ابدا ايدا

    مش تغيبي تاني لازحل منك هه بس

    ردحذف
  78. rara

    *******

    منا قولت اهوو الحمد لله ب ضي وحشتني بقي عااااااااااااااا

    نورتيني ياقمري

    امممممموه

    ردحذف
  79. ghorBty

    *********

    وعليكم السلام ورحمه الله وبركاته

    اتعملها هاك واتحولت لموقع اياحي رحت حذفتها من لوحه التحكم ولسه برده الموقع موجود

    الحمد لله علي كل حال


    نورتيني ياقمر

    ردحذف
  80. حبيبة الروح

    *********
    مش ممكن مايويا هنا

    يامراحب يامراحب

    الحمد لله علي كل حال يامي

    قدر الله وما شاء فعل

    نورتيني ياثكر

    ردحذف
  81. حبيبه

    *******

    حبيبه

    ربنا يخليكي يارب لكلامك اللي زي الثكره ده

    وياريت فعلا عالم مولان يكون احلي من ضي القمر

    ربنا مايحرمني منك ياقمرايا

    ردحذف
  82. كأنني أنا

    ********

    ضي القمر مش انا اللي هقولك عنها لكن اتمني روحها تكون في مولان وتعرف منها ضي القمر كانت ايه

    وتبعا هيتم التواصل ان شاء الله انا ضفت مدونتك عندي في الريدر

    نورتني باول زياره

    ردحذف
  83. Teawater

    ********

    وانتي وحشتيني ياقمر وطبعا ولا يهمك المهم عامله ايه

    وياريت يكون في طريقه نرجعها بيها

    ردحذف
  84. romansy
    *********

    اربنا يخليك يااحمد وان شاء الله مولان تكون عالم جميل واقدر اظهر العالم بتاعي بجد فيه

    ردحذف
  85. norahaty

    *********

    ههههههههههههههههههههههههههههههههههههههههههههه

    موتيني من الضحك شفتي الحنكه ههههههههههههههه

    وحشاني ياثكر

    ردحذف
  86. شمس النهار

    *********

    ربنا يخليكي ياشموستي ومش تنسي تدعيلي اوي وربنا معاكي هناااااااااااااااااااااااك

    ردحذف
  87. أكون أو لا أكون

    *********

    حبيبتي ايام زمان الحمد لله مش طالها اذي الحمد لله احمد ربنا واشكر فضله بجد انا تعبت فيها خاصه ان مش عندي البوستات علي الجهاز

    والله يبارك فيكي ياقمررررري

    ردحذف
  88. Mahdi Mahdi

    **********

    ان شاء الله هزور حضرتك

    ردحذف
  89. كلمة حق _ الحب كما ينبغى أن يكون

    **********

    الله يبارك فيك ويارب اقدر اخليه زي عالمي بجد

    ردحذف
  90. أخـــ مسلمة ـــت
    *********

    الله يبارك فيكي ويشرفني وجودك هنا في عالمي

    نورتيني ياقمر

    ردحذف
  91. السلام عليكم و رحمة الله و بركاته

    كيكي أنا جيت أثلم بقى غلاثه ههههههههههههههه
    وأسال أخبار التوضيب ايه ياحيني حليكي عازراكي والله يااختي

    مجربة السنه اللي فاتت جزء في الشقه لسه الجزء التاني وكنت بصوت من الصداع
    معلثي ربنا معاكي يا قمر

    وبعدين حاولي بقى وقت فراغك تتسلي وتنزلي موضوع وحثتني موضوعاتك يا قمر

    وموث تنثي مثاثتي وثوكولاتي بقى ماثي يا ثكرتي

    في رعاية الله يا كميلة

    ردحذف
  92. ولان -- كيارا
    انتى فى قلبى
    :)

    تحياتى يا قمرى
    و متغبيش علينا

    ردحذف
  93. ماتزعليش نفسك ياكيارا
    انتي اهم من المدونة
    ربنا يخليكي لينا

    ردحذف
  94. ازيك يا مولان او يا كيارا , معلش انا مكنش علي علم بالتطورات الاخيره , وانشاءالله تكون دي مولودك الجديد اللي يعوضك عن المدونه اللي ضاعت حتي وان كانت اكيد غاليه عليكي

    علي فكره انا شفت كرتون مولان وهو انيمي صيني وشخصية مولان شخصيه قويه وعنيده ويبدو انه يشبه شخصيتك لذلك اخترتيها اسم لكي ولمدونتك

    تحياتي دائما

    ردحذف
  95. مولان أو كيارا

    معلش حبيبتى
    تفرج بعون الله
    و يكون أحلى و أحلى

    و أحنا معاكى مش هنسيبك


    أهم شئ خدى بالك من نفسك



    تحياتى ليكى يا قمر

    ردحذف
  96. حبيبتى وحشتينى


    بكل المقاييس

    ولا يهمك

    بجد هى ليها معانا ذكريات جميلة

    بس المهم وجودك معانا

    انتى الاصل

    وبعدين يابت انتى بجد وحشانى

    مش عاوزة مصاصة ولا ايه

    وحشتيييييييييييييييييينى مووووووووووت

    smilyrose

    روح الحب الصادق

    ردحذف
  97. غالسلام عليكم ورحمه الله وبركاته
    مولان مش تزعلى
    قدر الله وماشاء فعل
    دى ان شاء الله تكون افضل منها
    وكمان دكتور عمر نزل لينك مدونتك الجديده وقالها انها بتاعتحك
    كدا خلاص هنشوفك تانى وهتشوفى كل المدونين عندك
    مستنينك

    ردحذف
  98. طي اعملى امبورت لمدونتك على الوورد بريس كدة من الاول علشان نضمن ان كلامك مش هيضيع تانى

    كلنا وراءك يامولان

    بس اسم كيارا احسن

    ردحذف
  99. هو ايه حصل لضي القمر
    انا موش فهمان اي حاجة
    بس اعرف اسم كيارا من زمن الزمان

    ردحذف
  100. مبروك عليكى عالمك الجديد

    على الرغم من انك وحثه خالث ومش قولتيلى عليه

    الا انى عرفت اجيبك برضه

    بعتذر عن تغيبى عن التعليقات فتره طويله

    دعواتك بقى معايا خلصنا الضفادع الحمد لله ودخلنا عالامتحانات

    سلاموز يا عثل

    ردحذف
  101. كيارا معلش بقى
    انا زعلت
    بس تقبلك للموقف بجد يوضح انك حد طيب جدااا
    بس ابقى اعملى الطريقة اللى انا كاتبها فالبلوج عندى
    عشان ميتحذفش تانى
    و مبروك على مولان

    ردحذف
  102. ان شاء الله حبيبتى
    ربنا يعوضنك عنها خير
    وعسى ان تكرهو شيئا وهو خيراا لكم

    عندى ملاحظه صغيره اتمنى لو تتقبليها بصدر رحب


    تحيه الاسلام حبيبتى هى السلام عليكم ورحمة الله وبركاته
    لايصح ان نغيرها الى تعبير ارى انه يضيع معنى السلام(سلاموز باللوز )
    لاننا اذا استمرينا فى تحريف المعانى والاسماء على هذا المنوال لن يبقى لنا من لغتنا العربيه وسنه نبينا شىء
    جزاكى الله خيراا
    وانا احبك فى الله

    ردحذف
  103. بجد عالم مولان ممتازة

    بس أنا كنت بدخل كتير ضى القمر

    ومش عارف متعلق بيها ليه

    بس برضه إن شاء الله هنلاقى هنا حاجات حلوه كتير

    ردحذف
  104. للاسف معنديش فكره عن ضى اقمر

    بس أن شاء الله هتابع معاكى فى عالمك

    ردحذف
  105. سورى كيارا

    اتخلط عليا الامر

    ان لله وانا اليه راجعون حصل امتى الكلام ده معلش بقالى فتره غايب

    ردحذف
  106. بص عامة
    مدونة تفوت ولا حد يموت
    اسال الله ان يبدلك خيرا منها

    تقبلى منى الهدية الحلوة دى

    http://209.85.129.132/search?q=cache:YDVy1SZatRgJ:nimo2007.blogspot.com/2008/11/blog-post_03.html+%D9%85%D8%AF%D9%88%D9%86%D8%A9+%D8%B6%D9%89+%D8%A7%D9%84%D9%82%D9%85%D8%B1+%D8%A7%D8%B3%D8%AA%D8%B1%D8%A7%D8%AD%D8%A9+%D8%AA%D8%AF%D9%88%D9%8A%D9%86%D9%8A%D8%A9&hl=ar&ct=clnk&cd=1&gl=sa


    اعملى كوبى وبست فى الاكسبلورير
    وكملى بقى
    واى مقال كتبتيه
    ممكن تكتبى
    مدونة ضى القمر +اسم المقال
    فى جوجل
    وبعدين تدخلى على نسخة مخبأة


    تحياتى

    ردحذف
  107. وانا كمان ليكي عندي هديه
    ويمكن احلي كمان
    خدي الينك ده بس ده للمستقبل
    عشان مش تضيع منك حاجه بعد كدا
    draft.blogger.com
    وبعد كدا تدخلي علي Settings
    وتعملي ديمن Export blog
    دي هتديكي كوبي للمدونه بتاعتك بتعليقاتها وقت لما لو لا قدر الله بعد الشر يعني وحصل اي حاجه للمدونه
    تروحي جيباها تاني وتجيبي نفس اللينك بس تعمليImport blog
    وبس ترجع بوستاتك بتعليقاتها
    اي خدمه
    انشريها بقي
    بس علي فكره انا قريتها في مكان ما يعني مش انا الي عرفتها لوحدي
    بس جربتها ونفعت
    سلام

    ردحذف
  108. كيكــــو
    نورتى مدونتك الجديدة
    وانسى كل اللى حصل
    وعسى ان تكرهوا وهو خير لكم
    تحيااااتى

    ردحذف
  109. حسبى الله ونعم الوكيل فى اللى بيعملوا كدة

    ربنا يهديهم

    بس ولا يهمك يا قمر اكيد دى هتكون زيها واحسن لان مولان هى كيارا واللى عملت ضى القمر هى اللى هتعمل مولان

    واسفة لو كنت قصرت الفترة اللى فاتت

    تحياتى يا اجمل مولان

    ايمى

    ردحذف
  110. السلام عليكم ورحمة الله وبركاته

    يمكن ما دخلتش عندك كتير وتقريبا ماعلقتش بره تقريبا خالص قبل كده
    اعذريني الالزاهيمر بقي يابنتي انتي عارفه مشاكل السن هههههههههههه

    عموما في انتظار جديدك
    متتأخريش

    تحياتي
    الي اللقاء

    ردحذف
  111. الله الله
    انا التعليق ال 115؟
    ربنا يسهله يا عم
    وعموما يلا ماتتأخريش
    وحشتينا من قبل ما تغيبى حتى

    ردحذف
  112. يلا خير الحمد لله
    حقيقى احنا كمان هنفتقد ضىء القمر وكيارا
    انتى كل مرة هتطلعلنا بإسم هههههههه
    على العموم حلو مولان
    وإحنا إلى بنصنع المدونات
    تقدرى تقدمى حاجة أحسن
    تحياتى
    دمتى بكل الود

    ردحذف
  113. mero-moory

    *********
    وعليكم السلام ورحمه الله وبركاته

    هههههههههههههههههههه غلثثثىىىىىىى براحتك ياثكرايا

    التوضيب سيبتلهم البيت ورحت عند تيتا وبجلهم اخر اليوم احمل ايه يعني مهو يومين كمان وهقولهم يشترولوي دماغ كديده

    اما البوثت انا نزلت بوست يارب يعجبك

    وحثتيييييني ياقمر

    ردحذف
  114. Rania

    *********

    ده انتي اللي في قلبي ياقمرايا

    اممممممممموه

    ردحذف
  115. المـــفـــــــقــــــــوعـــــة مــرارتـهــا

    **********

    ربنا يخليكي ياقمرايا لكلامك الثكر وربنا مش يحرمني منكم

    ردحذف
  116. الفارس الملثم
    ***********


    ازيك يا مولان او يا كيارا , معلش انا مكنش علي علم بالتطورات الاخيره , وانشاءالله تكون دي مولودك الجديد اللي يعوضك عن المدونه اللي ضاعت حتي وان كانت اكيد غاليه عليكي

    علي فكره انا شفت كرتون مولان وهو انيمي صيني وشخصية مولان شخصيه قويه وعنيده ويبدو انه يشبه شخصيتك لذلك اخترتيها اسم لكي ولمدونتك

    تحياتي دائما

    ********

    ازيك انت اخبارك يه

    وان شاء الله عالم مولان يكون خير عليا وعليكم

    مولان شخصيه قويه جدا وعندها عزيمه ومهما تقع بتقدر تقف

    اختياري ليها لانها فيها كتير مني

    ردحذف
  117. Soul.o0o.Whisper

    *********


    ربنا يخليكي حبيبتي


    وطبعا انتوا معايا وانا والله بحبكم اوي


    ربنا مايحرمني منك ياثكر

    ردحذف
  118. smilyrose

    **********

    وانتي اللي وحشااااني اوي اسفه اني قلقتك عليا النهارده

    عارفه حبيبتي انك لما لقيتي التليفون مقفول انك قلقتي بس هو والله فصل شحن

    ربنا مايحرمني منك ياثكره

    والمثاثه عاوزاها تبعا

    امممممممممممموه

    ردحذف
  119. هــــــــــــايدي

    ********

    وعليكم السلام ورحمه الله وبركاته

    قدر الله وماشاء فعل الحمد لله علي كل حال


    هو فعلا عمرو نزل تنويه عن اللي حصل

    ان شاء الله تكونوا معايا دايما

    ميرسي ليكي ياقمر

    ردحذف
  120. طالب ثانوى


    *******

    انا فعلا هعمل امبورت عشان مش يحصل كده تاني

    وكيار ومولان بيكملوا بعض

    ردحذف
  121. كلام حسام

    ******

    ضي القمر اتعملها هااااك


    وبقيت مولان

    كيارا خلاص اتقفلت

    ردحذف
  122. roody hanem

    **********
    الله يبارك فيكي ياقمر

    انا مش قلتلك كنت مستنيه انك تنزلي بوست جديد عشان اقولك مش كان ينفع اني اعدي كده

    وربنا معاكي في الامتحانات

    وحثتيني ياقمر

    ردحذف
  123. مواطن مصرى نايم

    *********
    الله يبارك فيك يااسلام وميرسي اوي علي التنويه

    والحمد لله لازم اتقبل الامر خاصه ان اللي علقوا لسه معايا والحمد لله

    وهعمل الطريقه اكيد

    ميرسي اوي يااسلام

    مش عارفه اقولك ايه بجد

    ردحذف
  124. الرومـيصاء

    ان شاء الله حبيبتى
    ربنا يعوضنك عنها خير
    وعسى ان تكرهو شيئا وهو خيراا لكم


    *******

    ان شاء الله حبيبتي

    *******
    عندى ملاحظه صغيره اتمنى لو تتقبليها بصدر رحب


    تحيه الاسلام حبيبتى هى السلام عليكم ورحمة الله وبركاته
    لايصح ان نغيرها الى تعبير ارى انه يضيع معنى السلام(سلاموز باللوز )
    لاننا اذا استمرينا فى تحريف المعانى والاسماء على هذا المنوال لن يبقى لنا من لغتنا العربيه وسنه نبينا شىء
    جزاكى الله خيراا
    وانا احبك فى الله


    **********
    اممممممممم مش عارفه اقولك ايه شكرا اول علي الملحوظه دي وان شاء الله اخلي بالي بعد كده

    ربنا مايحرمني منك

    ردحذف
  125. الحشرى - سيد يونس


    **********
    عااااااااااااااااا


    وانا كمان متعلقه بيها اوي

    يارب يكون مولان فيها الخير

    نورتني

    تحياتي

    ردحذف
  126. arsenalwy

    ********

    الحمد لله علي كل حال

    وان شاء الله عالم مولان يحوز علي اعجابك مثل ضي القمر

    نورتني

    وحمد الله علي السلامه

    ردحذف
  127. على عبدالله

    ********

    بجد بجد مش عارفه اقولك ايه

    احلي هديه فرحت بيها اوووووووووووووووووووووي


    وان شاء الله عالم مولان يكون زي ضي القمر

    ردحذف
  128. حبيبة الروح

    ******


    مايويا ربنا يخليكي ياقمر علي الهديه الجميله دي

    ميرسي اوي اوي اوي

    وربنا مايحرمني منك ياثكر

    ردحذف
  129. طـــائر الليــــل الحـــــزين .

    *********

    حبيبتي

    ربنا مايحرمني منك ومن صداقتك ياقمر

    وان شاء الله كل حاجه خير

    سيباها لله والله

    ردحذف
  130. EMMY BABY


    *************

    حبيبتي ايمي

    نورتيني ياقمر

    وايه الكلام الحلو ده انا مش اد كده

    وبجد انا مش عارفه اعمل ايه

    يلا الحمد لله وربنا معاكي انا مقدره ظروفك ياقمر

    المهم انك معايا دايما

    ردحذف
  131. انت تسال والكمبيوتر يجيب

    ************

    ان شاء الله هزورها

    ردحذف
  132. kemet


    *********

    وعليكم السلام ورحمه الله وبركاته

    انتي تنوري اي وقت ياقمر

    وكفايه طلتك اللي زي العثل وتشرفي بيها اي مدونه

    انا نزلت بوست اهو يارب يعجبك

    ردحذف
  133. blue-wave

    **********

    ههههههههههههههههههههههههههههه
    ده اسميه ايه بقي ههههههههههههههههههه

    وربنا يخليك ياعمرو

    وانا مش غبت اهو

    ردحذف
  134. mohamed ghalia

    **********

    هههههههههههههههههههه

    معلش بقي عشان يبقي مناسب للاسم كمان مولان

    بنت جميله اوي من جواها يعني ان شاء الله

    ادخل قلوبكم بمولان زي مادخلته بكيارا

    ردحذف
  135. كيارا...

    انا فعلا لاحظت ان ضى القمر با ينزل قيها موضوعات غريبه لانها فى المفضله

    ويمكن انت حذفتيها والشخص الاخر ده عمل واحده تانيه بنفس العنوان

    مع الفارق بين الحدائق والمزابل.

    ارق تحيه وعود حميد

    ردحذف
  136. السلام عليكم ورحمة الله وبركاته

    كيارا .. الله المستعان .. ربنا يعوضك خير يارب .. ولعله خير ياكيارا

    من أول تعليق عندي في المدونة حسيت إن انسانة من الناس اللي تربطنا بهم علاقة جميلة في عالم التدوين وإن كنت لا أعرف من أنتي ساعتها .. وربنا يعوضك الخير ان شاء الله

    وسواء كيارا أو مولان .. فإحنا وراكي وراكي : )

    ردحذف
  137. انا دخلت عندك فعلا يا كيارا ومكنتش لاقيه مدونتك بس الحمد لله اني لقيتك هنا
    متزعليش نفسك ان شاء الله المدونه دي تكسر الدنيا زي ضي القمر..
    دمتي بخير

    تحياتي

    ردحذف
  138. Nabil

    **********

    للاسف انا حذفتها بعد اللي حصل

    وحتي بعد الحذف لسه برده المدونه شغاله

    انا مبقتش فاهمه في ايه

    الحمد لله علي كل حال

    ردحذف
  139. عالم حبيب

    *********

    وعليكم السلام ورحمه الله وبركاته

    الحمد لله علي اللي حصل

    واحساسك مش خاب

    وانا اللي ببقي فرحانه انكم معايا

    ربا يخليك ياحبيب

    تحياتي

    ردحذف
  140. hager za3bal

    **************
    هاجوره وحشتيني ياقمر

    ويارب المدونه دي تكون زي ضي القمر وافضل

    نورتيني ياثكره

    ردحذف

عاااااااااااااااااااااااااااااااااااااااااااااااااا

 
في الاول مش كنت احب اول بوست يكون كدا لكن تاتي الرياح بما لا تشتهي السفن حزنت اوي اوي اوي علي نهاية ضي القمر اللي بجد كل حاجه فيها ليها ذكري والاهم من البوستات اللي كنت بنزلها هي الكومنتات اللي كنت مش احب انها تروح ضي القمر مش كانت ملكي كانت ملكم وليها ذكري معاكم انا لحد الان مش عارفه ازاي تتحول لموقع وحش كدا المشكله ان احنا حذفناها وبرده الموقع موجود طبعا مش كنت حابه ان اكشف شخصية مولان لكن كان لازم اكشفها عشان موضوع ضي القمر الكل يشيل الرابط الخاص بيها طبعا انا بشكر د/ عمرو فاروق وضد التيار وطائر الليل واسلام علي التنويهات اللي عملوها انا والله ماكنت عارفه ادخل لانكم عارفين توضيبات الشقه بجد انا بقيت في صحراء ولسه هغيب تاني طبعا لما هرجع هرجع ازوركم تاني وان شاء الله العالم ده يكون مريح لي ومش يبقي فيه اي شي يزعلني زي ضي القمر انا والله مشغله الكهربا باعجوبه وبعد محايله كتيره مني لبابا خاصه ان انا موصله الكهربا بسلكه والله داخله باعجوبه وربنا يستر بقي بعا انا لقيت الريدر ماشاء الله بوستات كتيره ان شاء الله لما حتي الصالون يخلص علي الاقل هبدا ادخل سلاموز باللوز


 

عن الكاتب

Kiara بنت مصريه بحلم بدنيا صافيه مش فيها غدر وكل اللي فيها اننا نحب بعض مش لهدف ما لكن نحب بعض عشان نشوف الدنيا صح

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

عالــم مــولان