الخميس، ديسمبر 31، 2009

لا تعليق

47 كلام قلوبهم

من كام يوم قاعده مع  بنات وفي بنت منهم جالها عريس

وهو انسان محترم جدا والكل بيشهد له علي احترامه واخلاقه

فبنسالها عملتي ايه مع "ع " مش في اخبار لسه ؟

قالت اخويا رفضه

استغربت فقلت  ليه؟؟ دا انسان كويس وهتخسريه بجد

قالت اصل اخويا  شافه ماسك مصحف !!!!

 

ولا تعليق …..

الجمعة، ديسمبر 18، 2009

حوار بين كيارا ومولان

138 كلام قلوبهم

Mondinsieme_2007_Logo_Mani_500px

بقالي كام يوم بفكر ارجع للتدوين من تاني وارجع ارد واتابع واطمن

وناس كتير كلمتني اني ارجع واكتب من تاني بس ولانهم غاليين عليا مش اقدر مش البي الندا

واديني جيت

ولما جيت لقيت مولان المشتاقة ليا بتكلمني وحصل الحوار دا

مولان : ازيك ياكيارا المكان  محتاجكك التراب بقي في المكان محتاج كلامك روحك طبعك

كيارا : انا جيت لكن لما دخلت تقريبا بعض المدونات لاقيت  كوارث تتوزن  بالطن اه والله بالطن

وانا بقراها محستش غير ودموعي نازله وبتلسع قلت لا مش هرجع تاني المكان بئا مش يتسكت عليه

مش بقي  البيت اللي بعرف منه الاخبار الطازه مش بقي  المكان اللي اضحك والضحكة  تتحس من القلب

مش بقي  المكان اللي اكتب فيه احساسي

مولان : ايييييييييييييييييه مش المكان دا .. اللي يدايقك اخلصلك عليه و مش تنسي ان الخير دايما باقى

كيارا:  انتي مش شايفه محاسن صابر وبوستها وزعلها من الناس اللي بيتكلمو ليها

        مش شايفه صبرني يارب والكام بوست اللي في الاخر و قفلت التعليقات ومش عاوزه حد

فين بابا عصام اخر بوست من اسبوع ومش بيرد علي الناس

        فين بابا عمرو حبشتكنات اللي غايب بقاله كتير ومش في حد عارف يوصله بجد انسان ملوش حل ومفتقداه بشدة

        فين بابا من غير عنوان  اللي كل فتره ينزل بوست ويختفي تاني

        فين بابا وميض ابتسامه

        فين مامتي شمس النهار اللي ضيقوها وبعتولها ميلات وحشه وسابت البلوجر

       وريم اللي كانت هتقفل مدونتها ورجعت تاني

        فين عم فشكول

        فين ازهري   اللي ان شاء الله هولع فيه لو مش رجع

       فين اكون او لا اكون و ماما مازن و الطالبة عفو الله زوزو وبنت القاضي

      دكتور ياسر عمر عبدالفتاح  فين طوبة فضة وطوبة دهب  وبحبك وحشتيني ويوميات زوجه مخنوقة وروفى و  الشاعر   و  رقة الاحساس وخمسة فضفضه ومحمود قصر الرئاسة وسمكة واحده و  حاسوبتيه وغربتي و مجنون و يوميات طالب ثانوي وميمي و وماكس بتاع زمان ودكتور رامى شهاب الدين  و قصاصة ورق و انا مسلمة

       في ناس كتيييييييييييير مش موجوده ومشيت بسبب الخفافيش

        فين اللمه الحلوه اللي كنت بحسها وانا داخله اي بوست

        فين لما كنا بنتسابق علي التعليقات

        فين الهقهقه اللي من القلب مش بقي في غير صبرني عملت

  ومحاسن بتقول وبيعد وفلان بيزيد وفلان بيالف وفلان علي علاقة ومش عارف

مين اتجوز ومين طلق ومين حب ومين كره  خلاص خلصنا كل مشاكلنا ومش بقي لينا غير الكلام في سيرة الناس  اييييييييييييييييه دا بلوجر مش كان كدا

مولان : خلاص خلصتي كلامك

كيارا: لا لسه اما افتكر هقول :)

مولان: خلاص هرد علي كلامك ولما تفتكري حاجه قولي

       لوالعماره اللي انتي ساكنه فيها فيها  جيران وحشه ونمامه ومش بتعرف ربنا  هتعزلي انتي وجيرانك

كيارا :لا طبعا هو الواحد بيلاقي الشقه بسهوله

مولان :امال هتعملي ايه ياشاطرة

كيارا :هتفق انا وجيراني الكويسين ونغير العمارة ودايما الصالح بيبقي والطالح بيظهر

مولان: لوجر هو العماره والشقه هي مدونتك بنتيها بايدك يوم بيوم وتعبتي فيها تسبيها بسهوله عشان شويه كائنات مش بيراعو ربنا  ولا تمسكي فيها بايدك وبكل ما تمليكي عشان تحافظي علي تعبك

كنت قريت حكمة بتقول

من هتك حجاب أخيه هتكت عوراته

تفتكري ان ربنا مش شايف وعارف داانتي كل شويه تقولي داين تدان فالديان لايموت

يبقي ليه الياس ليه تنفذو اللي هما عاوزينه وتسبولهم الدنيا .. لا .. انتم تقعدو وتكتبو  وتعلقووتوصلوا صوتكو ورسالتكم واعرفي دايما انهم مجرد خفافيش مش بتظهر غير في الضلمة يبقي اللي عليكو انكم تكونوا ايد واحده وتملوا الدنيا نوووووووووررررررررررررررر وهما هيتمحو لوحدهم صح ياكيارا ولا لا

كيارا : وانا هقدر اتكلم

^^^^^

سئل أبو حازم ماشكر العينين؟ قال: إذا رأيت بهما خيراً أذعته وإذا رأيت شراً سترته.
وسئل ماشكر الأذنين؟
فقال: إذا سمعت بهما خيراً حفظته وإذا سمعت بهما شراً نسيته.

بالله عليكو اتقوا الله اللي عمال يتكلم ويلك في سيرة الناس احنا في ايام مايعلم بيها الا ربنا نفسي اعرف انت متخيل منظرك وانت واقف قدام ربنا سبحانه وتعالي وانت جايب في سيرة ناس اتقوا الله اتقوالله وارحمونا بئا

^^^^^^^

نداء عاجل

بابا عمرو وماما شمس و بابا من غير عنوان و ازهري وعم فشكول  ارجعو لينا تاني

و محاسن وصبرني عشان خاطري مش تتضايقو كدا

نداء لكل الغايبين ارجعوووووووووواااااااا

 

الجمعة، نوفمبر 27، 2009

شوية سرحان

44 كلام قلوبهم

 

من مدة اتسالت سؤال

النيل بيمثلك ايه ؟

nile misr

كانت اجابتي المختصره جدااااااااا

هى

^^^

اااااااااااااااااااااااااه النيل حبيبي وصديقي الوفي


النيل ده اول اما اشوفه بحس اني رحت دنيا تانيه خالص

بحس انه بيسحبني من كل حياتي  وبنسي معاه العالم والناس

 

وبيخليني اسرح فيه


وفي موجته الخفيفه اللي طبعا مش زي البحر


النيل حبيب العشاق السهرانين


النيل ونيس الوحدانين


النيل رمز للجمال


معه بتحس انك في دنيا مش فيها اي خداع ولا غش ولاكدب


بتحس انه بياخدك للعالم المثالي


بفكر كام واحد شرب منه وارتوي وجري في شراينه


كام واحد عاش من خيره 


كام واحد نجح في حياته بيه


كام واحد اذي الناس بيه


كام واحد اشتكاله ورمي حموله فيه

كام حبيب وحبيبه راحوله ويشهدوه علي  حبهم


كام واحد عمل زفافه فيه وكان طاير من فرحته


كنت فاكره ان الناس اللي شغلها فيه مش بيبقي عندها هموم


وبتبقي في قمه سعادتها وهما معاه


طلع ان اللي حاسس بيه هو البعيد عنه


واللي دايما بيشتقاله


لكن اللي بيشتغلوا فيه


لا يعني لهم شي


وبيهملوا فيه

النيـــــــــــــــــــــــــــــــــــل فيه غموض بيشدك للتفكير


اوقات لما بشوفه بقول لا انا مش هسرح تاني


عاوزه ابصله وبس

 
شي غريب لما تشوفه يدفعك انك تسرح في جماله


تسرح في كلامه ليك  لما بيكلمك وبيجاوبك علي اسالتك ليه


اه النيل بيكلمك


ممكن مش بلسان زي البشر


لكن بالاحساس


كفايه لحظه ماشوفه قلبي بيدق اوي اوي اوي


بحس اني سعيده اوي


زي مابتشوف الجد  وترمي كل اللي جواك فيه

ومن حبه فيك بياخد منك همومك وبيغسل قلبك كمان من الهموم

واول اما تبص له لا تملك سوي كلمة ..  الله سبحانك

تخيلوا بئا كام واحد وواحده رموا فيه همومهم وهو غسلها

 

 

ده النيل حكاااااااااااااااايه ومهما اتكلم


مش بيعبر عن شي جوايا

وهتفضل يانيلنا  الجد الطيب اللي بيحتوي كل الناس

الخميس، نوفمبر 26، 2009

كل سنة واهل مصر والعالم طيبين

24 كلام قلوبهم

081201140307K4Ao

انا بكل فخر واحد بيحب مصر


بحب حواريها


وكل م فيها


بيوتها شوارعها


كنايسها جوامعها


وبلاد الكون جميعها عندى مش زى مصر


^^^^^


ايووه يا اسكندرية بأعشق كرم الشراقوة


والبت المنصورية بأرقيها الف رقوة


ومقام مولانا الشيخ بحب اهل طنطا


منوفية وكفر الشيخ رجالة مش اونطة


والاهرامات فى الجيزة شباب نفسه عزيزة


سلام للفلاحين وتحية للصعايدة


والبندرية تماً فى كل حتة فى مصر


^^^


سلامات يا اسماعيلية دراويش وسمسمية


حلاوة البورسعيدية وطوخ ويا الغربية


مش ناسى الدمياطية وولا اهل راس البر


بنها والقليوبية


مطرح يا احلى بر


حود بقه على السويس ومصانع المحلة


وخدنى للعريش


ومارينا وشرم يلا


ده انا عمرى م شوفت ابدً حتة فى حلاوة مصر

وكل سنة واهل بلدي  بخييييييييير

وكل سنة وامي الغاليه بخير

وكل سنة وبابتي حبيبي بخير

وكل سنة وزوج المستقبل باذن الله بخير

وكل سنة وكل اصحابي بخير

وكل سنة وانا طيوبة بئا اسمعزا انا يحني

التعلييييييق فووووووووووووق

 

 

 

الثلاثاء، نوفمبر 17، 2009

اعتــرافــات رئيــس ســـابـق

39 كلام قلوبهم

كتاب اعترافات رئيس سابق  تاليف الكاتب مصطفى ريان ابن منطقتى 

اول حاجه لفتت نظري هو

~~ الاهداء ~~

اهداء الي روح ابي رحمه الله

والي امى

ربنا يجعلك دايما بار بيهم ياابن منطقتي

^^^^^

قبل اما اتكلم عن الكتاب عاوزه اقولكم ان اسلوبة روعه وبصراحه كنت حاسه اني بقرا لكاتب بيكتب من زمااااااااان مش اول كتاب ليه وخلصت الكتاب كله في حوالي ساعتين ببص لقتني خلصته حسيت بحزن شديد انه خلص وقعدت اقول في سري هو مستعجل ليه ايه الناس دي ماكان يحط كام قصه كمان ياساتر علي البخل وقلت يلا تتعوض في الكتاب الجاي اللي لن اقبل انه يكون قليل زي الكتاب دا لازم يحطله 100 قصه قصيرة ولا حاجه

~~ هناك فرق ~~

القصه هنا باختصار شديد رجل تزوج من امرأه علي حد قوله نكدية ههههههه واول اما توفت طلقها واتجوز من واحده تانيه مش نكدية بس مصاريفها كتير (^_^)

هنا طبعا هو سلط الضوء علي حاجه مهمه جدا وانا دايما بفكر فيها اني لما ارحل لاي سبب الناس تفتكر الذكري الحلوه مش تقول الحمد لله انها راحت

نقطة تانيه ان برغم ان الزوجه التانيه كانت مصاريفها كتيرة الا انها لما رحلت سابت ذكري حلوه عند الزوج واي حد هيقرا القصه دي مش هيقول غير فعلا هناك فرق

~~ناسيا العالم من حولي ~~

هنا بيوصف شعور بجد هو بيكون جوا كل حد عاشق للكتاب لما يكون بيقرا في كتا بالفعل بينفصل عن العالم ولو حد زعق حتي ولا هيسمع  واعتقد ان الاجيال الجايه هتفتقد الشعور دا تدريجيا .

~~ الحل الامثل ~~

هنا القصه باختصار زوجين بنو حياتهم سوا لكن الزوجه اهملت الزوج بشكل بشع فراح عمل ميل علي انه بنت وفبرك قصه وبعتها لزوجته وكان رد فعل زوجته انها رجعت ملكة قلبة كما كانت

رد الفعل الطبيعي بعد القصه الجميله دي ابتسامه رقيقه

بس السؤال اللي ورا القصه ليه دايما لما بنحس اننا امتلكنا حد بنهمله ومش بنراعيه وكاننا خلاص مسكنا في ايدنا وبننسي ان الضغط والمعامله السيئة ممكن تخلية يحارب قبضة ايدنا ويحاول الفرار ولما يبعد نقعد ننعي حظنا ونقول ياريت اللي جرا ماكان !!

ليه مش نراعي اللي حبانهم وحبونا وتكون معامله اول العلاقة مستمرة مش لحظات وتختفي ؟؟

سؤال يطرح نفسه لكن لن اجد اجابة !!

هكمل بئا المجموعه القصصية البوست الجاي

التعليق فوق

 

 

الجمعة، نوفمبر 06، 2009

وفاتت سنه

42 كلام قلوبهم

15845_1287093056869_1216445108_858671_1086439_n

في نفس الشهر دا من سنه

راحت مني ضي القمر

راحت مني لحظات لايمكن انساها

راحت مني تعليقات محفوره جوايا

وراحت بشكل مؤلم

اتاخدت مني لما بشوف البوستات بتاعت ضي القمر مش بحس بيها

اد ماكنت بحس تعليقات الناس فيها

لكن تاتي الرياح بما لاتشتهي السفن

وعملت عالم مولان اللي عمره الان سنه

وكل اللي دخل العالم دا في البدايه

كان بيدعي ان العالم دا يكون افضل من ضي القمر

وبصراحه مش عارفه هو فعلا كان افضل ولا لا

الحكم ليكم خاصه الناس اللي كانت عارفه ضي القمر وكانت متبعاه

ومعلش هستاذنكم اني هغيب شويه عنكم عن التدوين والميل كمان

بس اكيد هبقي اطمن عليكم من وقت للتاني

وبتمني ان عالم مولان كان ضيف خفيف عليكم السنه دي

البوست مفتوح قدامكم قولو رايكم في العالم دا وفي كل بوستاته

ايه الغلطات اللي وقعت فيها والمميزات

 

وسلامي للجميع 

 

السبت، أكتوبر 31، 2009

ياجمااااااااااااااااااااعه تنبيه هام

33 كلام قلوبهم
المدونات بتتسرق واللي بيهكرها بيشيل كل البوستات بتاعت المدونه وبيحط كلام بيسئ لربنا وللرسول وكلام بجد مقدرش اقوله وبيحطو صور سافله سافله سافله استغفرك ربي واتوب اليك غيرو الباسوردات واعملوا الموديرشين معلش فتره كدا وغيرو الباسورد كل يومين وخلوه صعب جداااااااااااااااا اللهم إنا نسألك بأنا نشهد أنك أنت الله لا إله إلا أنت الواحد الأحد الفرد الصمد ، الذي لم يلد و لم يولد ، و لم يكن له كفوا أحد نسألك يا منان يا كريم ، يا بديع السماوات والأرض يا ذا الجلال والإكرام يا حي يا قيوم يا رحمن يا رحيم ، يا قاضي الحاجات ، يا مجيب الدعوات يا من له العزة و الجلال ، يا من له القدرة و الكمال ، يا من هو الكبير المتعال نسألك اللهم عزا و تمكينا و نصرا للإسلام والمسلمين و نسألك ذلا وخسرانا وهزيمة للشرك والمشركين اللهم دمر أعداء الدين

الأربعاء، أكتوبر 28، 2009

لن اكون غير انا

60 كلام قلوبهم

 

11137alsh3er

في فتره من حياتي كنت مش اجتماعية نهائي ومش بتكلم زي دلوقت ومش كنت افهم حاجه

في نفوس الناس او انواعهم زي اغلبنا

وكان في بنات بتحاول تقربلي وكان اي بنت بتعرف عليها لازم تعدي من الرقابة وهو ماما طبعا

اتعرفت ببنت مش مهم اسمها لكن الحياه اكدتلي انها موجوده في الدنيا دي باسماء كتير اوي

وكلنا بنقابلهم

كانت كوبي مني بالضبط

بمعني

اجيب الطقم الفلاني مثلا اول اما تشوفه تاني يوم تجيب زيه تيبكال حتي نفس اللون اجيب مثلا

كشكول شكلا ما تفضل تدور لحد اما تجيب زيه

اخد درس عند مدرس ما تاخد عند نفس المدرس

كانت كوبي مني في كل حاجه لدرجه انها كانت بتاخد كلامي مثلا وتقوله

الاول كنت فاكرة ان دا من حبها ليا لكن بالوقت عرفت ان دا رغبه في ان الناس تحبها زي ما

شايفه حب الناس ليا

لدرجه ان كان استاذ انور مره قالها طيب طالما بتحبي تقلدي مني في الحاجت دي ليه مش

بتزاكري زيها

اقول انا بحب المثاثه بقدرة قادر تحب المثاثه اكل المثاثه في الشارع تنتقدني وتقولي ايه شغل

العيال دا ولما اجيبها ومثلا نهزر انا وبقيت اصحابي

تروح تشتريها وتاكلها في الشارع

كان لحد  المواقف دي التقليد بيعدي كانت بكل الطرق بتحاول تتقمصني بشكل بشع بشكل

خلاها حد ماسخ ملوش اي شخصية ولا له شكل ولا استايل خاص بيه

لحد اما بدات تشوف لبسي قبل اما اي حد يشوفه وتقوم تجيب زيه وتقول لاصحابنا دي مني

مستلفه اللبس مني

لحد اما بنت تانيه كسفتها وقالتلها ازااااااااااااي وانتي طويلة وهي قصننه

كنت بحكي لماما ومتعصبة من دا اصله موضوع يخنق لما تلاقي حد بيحاول ينسخك كدا

ماما كانت بترد عليا

يااااااااااااااااااريت في حد يعمل معايا  اللي صحبتك بتعمله دا

ابقي مستغربه

تقولي كلمة واحده

دا معناه يامني انك بنوته شاطرة وناجحه وهي شايفه دا وعاوزه تبقي زيك

بعد فتره بعدت عنها وريحت دماغي

لكن فضلت اقابل نماذجها دي في الجامعه وفي الشغل وفي النت كمان

 

كنت مش مستغربه من حاجه اد موضوع النت

لان مش في استايل معروف للشخص

لكن النت هو القلم اللي بطلع منه افكاري اسلوبي في الكلام ولاني بكتب زي مابتكلم

فتلاقي الفاظ معينه اقولها وتلاقي الالفاظ دي بقت منتشرة لدرجه انها بقت اساس لغة

ماعلينا من النقطه دي

وانا بفكر في الموضوع

قلت مش غلط اني اتعلم من  حد طالما شيفاه  شخصية ناجحه

بس اتعلم منه ازاي ؟؟؟

مش اروح زي الهبله اخد القشرة الخارجيه لبسه .. اسلوبه .. طريقه كلامه … الفاظه

لا

لا

والف لا

ادخل جواه واتعلم

الاقيه مثلا عارف طريقه

يبقي اختلي بنفسي واحدد انا بحلم بايه واحد خطوات عشان الحلم يتحقق والخطوات احولها

لنقط كل نقطه هدف اخلص هدف اروح للي بعده وهكذا

متصالح مع نفسه

اقعد مع نفسي اشوف الكلام اللي بقوله والكلام اللي بكتبه واشوف الكلام اليل جوايا ومش

بيطلع للناس واشوف انا مقتنعه باللي برا واللي جوا ولا في كلام بقوله وانا مش بنفذه ولا في

كلام بقوله زي البغبان مجرد اني سمعته في نشرة اخبار ولا حد قاله قدامي من غير لا فهم ولا

وعي ولا اي حاجه

انه بيتقي ربنا

اقرب من ربنا وارا القران دليلي للطريق الصحيح

انه مثقف ( اقرا واتعلم )

ان قرارته حد السف

انه صديق صح

الخ الخ الخ 

وكل صفه وصفه انا لاحظتها  انا هتعب فيها

عشان تكون صفه مني انا مش من حد 

بمعني ان مش اقول خلاص انا بقيت كذا وكذا وكذا

النقط دي مش لبس هلبسه ولا ماسك هحطه دا بتدخل في تكوين شخصية الانسان

يعني هتاخد من اي حد  كتير وكتير عشان يكون كدا

لكن

اشباااااااااااااااااااااااااااااااه الاشخاص دي

 

اللي شغالين يقلدو عشان يسلبو حب ناس لشخص ما ليهم 

علي فكرا

الناس لما بتحب فلان

مش بتحبه عشان هو بيكتب كيكيكيكييك ولا بيقول عاوز مثاثه

ولا بتحبه عشان كتب القصه الفلانيه ولا لبس الطقم اللي لونه كذا ولا عشان مش بيسمع

اغاني ولا عشان مش بيسمع ولا عشان بيرسم

ولا عشان اي حاجه

الناس حبته عشان قلبه اللي جواه الصفات اللي فوق دي وضيف عليها حاجات كدا خلت

لشخصيته رونق خاص

ممكن اي حد يقلده لكن مش هيكون زيه لانه عمل لنفسه شخصية ومش كان غير هو لا

متقمص شخصيه حد ولا بيقلد حد

ولان كل انسان له حاجه خاصه بيه هي اللي خلت لكل حد شكل غير المظهر

والاصلي هيفضل الاصلىىىىىىىىىىىىىى

الثلاثاء، أكتوبر 06، 2009

مين الضحية (تحديث )

49 كلام قلوبهم

انا مش قصدت بالضحيه حاله البنت بس انا بتكلم في العموم اللي عاملين دور الضحيه

في اي مكان واي موقف واي مجال بنقابلهم في كل مكان وزمان في الشارع في الشغل

في النت في في اي علاقه انسانيه  انا سلطت الضوء علي البنت لكن منها اتكلمت عن نوع

من البشر موجود بينا

حاجه كمان الحادثه دي حصلت في مايو تقريبا علي ما اتذكر

*******************

اكيد كلنا عرفنا حادثة الاغتصاب اللى هي

طفلة عندها 9 سنوات مش هتكلم

في الحادثه نفسها لان كتير اتكلم عنها وزيها بيحصل كل يوم  لكن وقفت عند موقف منها

اهل الجانى بيقولو لاخت المجنى عليها انتو فضحتونااااااااااا

قالت الاخت احنا المجنى علينا مش انتو

لا حظوا بقي معايا

الطفلة ــــــــــــــــ المجنى عليها

المغتصب ـــــــــــــ الجانى

ايه الفرق بينهم

الفرق كبير

اه ايه هو

مغتصب يعني مغتصب حق مش حقه

طفله اتسرق منها حقها

طيب هتسالوني انتي دلوقتي عاوزه توصلي لايه

~~~~~~~~~~~~~~

دور الضحيه الجاني عاوز ياخده من المجني عليها

الكل حابب الدور دا اوي

حابب دور الضحية حابب انه يطلع بدور المسكين عشان يسلب عطف الناس

وعشان يريح ضميره وينيمه

بس علي مييييييين

الضمير دا محدش يقدر يغلبه وهيفضل يتعب الجاني او اللي عامل نفسه ضحيه في

حياته لحد اما يفتح قلبه ويتوب ويصفى كل خلافاته ويبقي ابيض

لكن اللي حابب دور الضحيه وهو اصلا جزار يبقي هيفضل طول عمره

مناقض نفسه والناس

الناس عمرها ماهيتضحك عليها كتير بيعرفوا يفرقوا بين الجاني والمجني عليه

رساله لكل جاني

صفي قلبك وارجع لفطرتك اللي اتخلقت عليها

ارجع انسان

رساله لكل من توهم انه ضحية

واجه نفسك وارجعلها وقبل اما تقول انا ضحيه اتاكد انك ضحيه فعلا

مش وهم بتوهم نفسك بيه عشان ضميرك ينام

لو واجهنا نفسنا وحاسبناها اهون كتير من اننا نقل في نظر نفسنا و

غيرنا واهون اكتر من يوم الحساب

دعوه

ياريت نقابل ربنا ونفوسنا مش ظالمه حد مش قاتله حد مش مغتصبه براءه حد مش ... مش ... مش .......

يوم اما دا يكون يحصل فعلا الفرق هيكون كبير

وطبعا القصد في كلامي مش الحادثه اقصد عن اي حد عامل نفسه

مسكين وضحيه وهو اصلا مش كدا

اما الضحايا اللي اتظلمو بجد اللي اتاخدو غدر اللي اتشردو في دنيا معرفتش معني

انسانيه وماتت فيها الضماير من كل جانب فدول اللي بجد ربنا معاهم ومش هيتظلموا

كتير عارفين ليه

لان مهما طال الظلم فالديان لايموت

كما تدين تدان

الضحايا اللي هما بجد ضحايا قليليين اوي لان اي انسان فيه عقل يفكر امال العقل

معمول ليه عشان نحشي بيه محشي ولا ايه

~~~~~~~~~

كلمة اخيره

اللي بيقولوا عليه اسمه ايه استغفر الله العظيم لساني مش قادر يطاوعني وينطق اسمه

اتقى الله

وسلام بقي عشان انا مفروسة عاااااااااااااااااااااا

الاثنين، سبتمبر 28، 2009

كل سنة وانا طيبة

152 كلام قلوبهم

1116fb3gz

هييييييييييييييييييييييه سنة عدت

سنة عدت عليا  اخيرا

197878_21248203509

بحلوها ومرها

ومع بداية يوم جديد في حياتي

هقول

انا مســـــــــــــامحه اي حد اساء ليا وظلمني وجرحني وجه عليا في السنة دي

وكمان هقوووووووووووووول

اســـــــــــــــــــفة لاي حد غلطت فيه بقصد او بغير قصد اي حد اتعصبت عليه اي حد جرحته بدون قصد

15379.imgcache

يااااااااااااااااااااااه السنة دي اخيرا عدت

بس احداث السنة دي احداث مش هينة بالنسبة ليا دي اكنها سنين مش سنة

فيها اكتشفت ناس علي حقيقتها انا مسمحاهم  يلا خليها عليكي يابت ياكيتي

 

191434

فيها قربت من ناس بعتبر اني حظي من ماس اني قربتلهم

mario-wedding-cake

وطبعا هما اجمل تلات شخصيات في التدوين بلا منازع

مامتي حبيبتي شمس النهار – بابتي  دكتور عصام – بابتي  استاذ عمرو

فيه كمن اشخاص بيعاملوني علي اني بنتهم  وهما

استاذ عبدالله السهيلي واستاذ ياسر (ابو شوشو )

طبعا ثقتهم فيا دي حاجه كبيره ليا

واستاذ ياسر اللي ملقبني بفارسةعالم الحب و الفارسة مولان رغم انه لقب كبير عليا الا اني بعتز بيه جدا

واجمل لقب من مامتي حبيبيتي فيلسوفة بلوجر مع انه لقب كبير عليا وانا مش اده اطلاقا الا انه طالع زي الثكر من مامتي الغاليه

365_p12010

كحصاد للسنة  هقدر اقول

اتمنيت 3 امنيات في السنة اللي فاتت وهتلقوهم في بوست 2008

اتنين منهم اتحققوا وكنت سعيده بيهم جدا لانهم غيروا مجري حياتي للنقيض

وهي اني انزل شغل انا مرتاحه نفسيا فيه واني انجح في التمهيدي عقبال الماستر الجملي بقي

الحلم التالت هو اني الاقي فارس احلامي وانه يتجسد في صورة انسان

ومش في حد بئا يسال عن الحلم التالت انا بتكزف

ياكزوووووووووفي ياني وشي جاب الوان اهو

bowsbouquets_jpeg

ام هند بقول لكل الناس اللي بحبهم السنة دي مكانتش حلوووووووووووووه الا بيكم انتم

الحكمة الي اتعلمتها السنة دي من كل اللي مر عليا فيها

لا تعاشر إلا اناساً من مقامك وقدرك فلا يمزج الزيت مع الماء ولا الخل مع الحليب

والشافعى كان قال 

اذا نطق السفيه فلا تجبه فخير من اجابته السكوت
فان كلمته فرجت عنه و ان خليته كمدا يموت

وانا سكت علي ناس كتير  هههههههههههههههههه

أصحاب المبادئ يعيشون مئات السنين و أصحاب المصالح يموتون مئات المرات.

عامل الناس بأحب الأشياء التي أنت تريد أن يعاملونك حتى يتأثروا بك و تكون لهم أعز الأحباب.

لا تستهتر بالأمور الصغيرة لأنك سوف تجد لها أثر كبير فيما بعد.

979715322267226434

ايه الكلام الكبير اللي فوق دا يالهوووووووووووووي دا انا رغاية رغي سيبوووووكم بقي من الكلام اللي فوق وركزوااااااااااااااااااااا

انا حاسه اني طااااااااااايره

050927052426119_thumbnail1s

ادي التوررررررررررررت اهي

Bgrainbow

Halloween Cake

babygoround_lg

1199613628

1199614705 

1199614637

485574206327200994933

1199613441

1238254614

1199613754

1199613393

14663483ef92d9bb75d275f047160a3181702e30

366_p61837

002_primary

191439

366_p61826

191424

191429

14938_1160252017

191427

191440

197878_81248203509 

71217959839

191442

cakes

10747928_f0632599a3

واللي جايه دي ليا انا وزوج المستقبل ان شاء الله

47

230000_1

يلا بينا علي الشكولاته

f7bfbd3e80

2870

5380275020-65364204

2804 

3d635d3a3b

3726974570_ee340ce132

recette-gateau-chocolat

00000000 

0000000100000003

00000007

00000004

00000006

00000031

00000022

00000039

00000025

1730_17618_1145596423

1730_17618_1145596481

00000087

juice 

1730_17618_1145596351

 

xex52690hj2 

orange_juice

200161125-001

HCK2196_mp 

 

1242085288

coffee

31678x400

n648981065_2126554_2403

pepsi

krokantbecher

ودي تسالي

200712031324480

13 

ودي الشيشه

Rotator_Hookah_Sheesha

Infinity Hookah

وادي البنبوووووووووون

X138_c

bgbouquetmaryellenvy2

باقة الورد دي بهديهاا لاجمل اخوات في الدنيا

showImage.php

اما هديتي ليكو هديتي اللي معنديش اغلي منها هي قلبي بهديه ليكو وشايفه انه اقل حاجه اقدر اقدمها للحب اللي ادتهووووني بجد حسيت اني ليا عيلة واني لما ازعل الاقي اللي بيطبطب ولما اغلط الاقي اللي بينبه ولما افرح الاقي اللي بيزقططلي

ربنا مايحرمني منكم ابدااااااااااااااااااااا

256565_01248482377