الجمعة، يناير 30، 2009

تحديث هام

0 كلام قلوبهم

ماما : حبيبيي

بابا : ااااااااااااااااه انتي بتناديني بحبيبي يبقي في حاجه خييييييير

ماما : ايه ياراجل هو انا مش بدلعك الا لو حصل مصيبه

بابا : قولي في اييييييييييه

ماما :طيب حاضر بس متشخطش

بابا :قولي خير وبعدين نتكلم

ماما :الشقه عاوزه تتوضب

بابا :ايه تتوضب ليييييييييييييييييييه هو كورس كل

سنتين ده احنا لسه معزلين حرام عليكي الفلوس اللي

بتروح كل شويه للتوضيب دي خليها للعيال تنفعهم في

جوازه

ماما :الله هو يعني مليش نفس احس ان الشقه نضيفه

بابا :الله هي وحشه ده كتير بيحسدونا احمدي ربنا

واسكتي وقفلي علي السيره

ماما :يوه بقي هو كل حاجه اسكت اسكت ماشي هسكت

-----------

تاني يوم

ماما :ياحبيبي

بابا :خييييييييييييير

ماما :الشقه ومش تشخط خلينا نتناقش

بابا :عاوزه تعملي فيها ايه

ماما :ايوه كده عاوزه اهد الحيطه بتاعت الصالون

وافتحها علي الصاله واهد الحيطه بتاعه المطبخ وافتحها

علي الصاله واهد البلكونه وافتحها علي المطبخ

بابا :حيلك حيلك حيلك متلخصي وقولي نهد الشقه ونعيش

في الشارع ههههههههههه

ماما :لا مش كده اصل عاوزه اعملها نفس الاستايل بتاع

المعادي

بابا :اااااااااااااه المعادي كانت تقسيمتها غير كده

ماما :اه مهو انت اللي بعتها في حد يسيب المعادي ويجي

هنا كنت سيبتها لحد من العيال

بابا :هنرجع تاني مااحنا جينا هنا عشان نبقي جنب

اخواتك ومش نبقي لوحدينا

ماما :خلاص خلاص الشقه انا كلمت عم جمال عشان

يجي يهد يجي يقابلك امتي

بابا :خلاص قررتي نوضب

ماما :لا طبعا القرار قرارك هو انا اقدر اقول حاجه بس

انت شايف الشقه

بابا : طيب اجلي لحد اما افضي شويه

ماما : وهي مبسوطه هييييييييييييييييييييييه

---------

وقررت المحكمه الاسريه بهد الشقه وبناءها من اول

وجديد واجرنا شقه نحط فيه الفرش

وبناء عليه هغييب حوالي 20 يوم عن الكمبيوتر نت وكله

هتوحشوني اوي

وطبعا هعمل اشراف علي التعليقات لان دول 20 يوم

واحتمال يزيدو

هتوحشوني بجد

هههههههههه مغامرات ماما مع بابا(تحديث )

52 كلام قلوبهم


تبعا تبعا حارفين مامتي حملت ايه الشهر اللي فات في التوضييييييييييييب ههههههههههههههه واللي مش حارف يضغط هنا وهيحرفالنهاردا خير اللهم اجعله خير نايمه بقي اجااااااااااااااااااازه ياناس مش المفروض اصحي بلاحتي بقي قلت خيل خيل والاقي صوت صغنوووووووووووووون بيزززززززززززززن اللي هي مامتي واللي هو باباتي في اوضتهم وانا بقي سمعاهم من اوضتي شفتو صوت صغنون ازاي هههههههههههههههههه مامتي وبابتي تقريبا كانوا واقفين حسب تخيلاتي يعني منا مش شيافه انا راميه ودني بس ههههههههههههههههههههه مامتي بتقول لبابتي ايه حبيبي ااااااااااااااااااااااااه عرفتوا كدا اللي جاي هيكون ايه ههههههههههههههههههههههههههه بابا بيقولها استر ياللي بتستر خير ماما ايه المحامله دي بقولك حبيبي تقول استر ياللي بتستر مش معامله دي وعملت الوش المقموص بابا بقي لالالا مقدرش علي القمصه دي عاوزه ايه ياحبيبه قلبي وشريكة عمري شريكه عمري من حندي هو قال حبيبه قلبي بس :) ماما بقي عاوزه اغير اوضه النوم بابا اييييييييييييييييييييييييييييييييييييييييييييييييييه ليه حرام والله حرام دا احنا مغيرناها من سنتين بس لالالالالا كفايه كدا اه ياضهري ماما بقي ميته من الضحك وتقوله فيه ايه بس اص اص اص اصل انا عاوزها تكون السرير لوحده والدولاب لوحده بابا ومن سنتين كان نفسك ان السرير يكون جوا الدولاب وتقولي الديكور ومش الديكور صبرني يارب ماما بقي بحونية مهو اص اص انت مش عارف بابا عرفيني يمكن بالي مش معايا دلوقتي من هول الصدمة ماما انا بحب التغيير ومش بقدر اتحمل مكان بديكوره اكتر من سنة يعني انا صبرت سنتين اهووو ابقي كدا شاطرة مش صح بابا ياحيني مش سمعتله اي صوت واكنه بيقول في سره ابوس ايدك غيرييييييييني منا 25 سنه معاكي ليه مش غيرتيني هههههههههههههههههههههههههههههههههههههههههه ماما طب مش هكلفك احنا نشيل المكتبه والبتاع اللي فوق ونضم الناحيتين علي بعض ونعمل بتاعه كديدة للسرير اهو وبابا مش سمعت له اي صوت ماما انت مش بترد عليا ليه وقعدت مقموصه فراح بابا قالها طيب مش تزعلي مش يهون عليا زعلك اول اما افوق من الشغل اللي انا فيه هعملك الاوضه زي ماانتي عاوزه سليم كدا ماما بقي فرحت وقالت له حبيبي كنت قمت بقي اشوفهم لقيت بابا تنح تتنيحه ورحت قلت انا مكانه استر ياللي بتسسسسسسسسسسسسسستر خير يامامتي راحت تقولي اجري يابت من هنا منا هغير يعني هغير انا بقي لاااااااااااااااااااااا ممكن ابدا علي رقبتي مش ممكن بابا بصلي ومش فاهم فراح قالي هو في ايه قلتله عاوزه تاخد اوضتي وتديني اوضتكم بابا تنح نفس التتنيحه هو انتي مش من سنتين كنا في نفس الاوضه وصممتي تاخدي اوضتها شحتتي البت من اوضه لاوضه ههههههههههههههه وانا هموووووووووووووووووووووووووووووووت من الضحك يالهوي يامامتي بعدها بقي لقيت بابا بيقول انه نازل عشان صلاة الجمعه ماما قالت له لسه بدري قالها لا هدعي دعوتين يمكن يستجابوا قالتله ايه هما بقي قالها ان ربنا يهدييييييييييييييييييييييييييييكي ههههههههههههههههههه ياحيني عليا هههههههههههه معلش يامحاسن والله كان في نيتي اروح المعرض اليوم واشوفك بس ان شاء الله هشوفك قريبااااااااااااااااااااااا

الأربعاء، يناير 28، 2009

قلبي يدمع دما

63 كلام قلوبهم
قبل اي كلام عاوزه اقول لصحبتي وبنتي وحبيبتي ليدي اللي اعرفها من 3 سنين كل سنة وانتى طيبة وكان نفسي اعملك احلي كرنفال بس انتي عارفه ان نفسيا مش متظبطه كل سنة وانتى طيبة يااحلي بسبس بالكسره :) 
 
~~~~~~~~~~~~~~~~~~~~~~~~~~~~~~~~~~~~ 
 
البوست دا كتبته قبل كدا زمان ومش عارفه ليه عاوزه انزله دلوقتي


قلبي يدمع دماً كان ياماكان في ذات الأيام ... 


كائن أسمه إنسان شق طريقه وجد فيه ورود و أشواك ...


و من الناس الوان و هذه طبيعه الحال .... خير و شر .... 


في كل زمان ومكان و لكن و من الصعب أن يقابل إنسان ...


أشواك تقتله و تدمره و تهدم أمانيه أشواك تعلم جيدا ماذا يريد 


و بماذا يحلم و تكون هي سبب ضياع حلمه و تجعله غريب عن داره غريب مع نفسه


و الأصعب من ذلك عندما ينخدع الإنسان في هذه الأشواك و يتوهم إنها ورود 


و يسقيها و يرعاها بحبه و حنانه و عندما تكبر هذه الورود و تتفتح يتفاجئ أنه كان يزرع


أشواكاً في أحضانه أشواكاً تتغلغل الى قلبه و تجرحه و تجعله ينزف دماً و الأصعب من هذا و ذاك 


الورود التي بها أشواك و هي تعتقد أنها ورده حانيه تعمل لصالحك وحمايتك لكنها لا تدرك ماذا تفعل 

بك فتكسر ظهرك و تجد نفسك بلا ظهر يحميك فتكسر قوتك و تجد نفسك ضعيف أمام الجميع فتنزف 


و تنزف أمامها و هي تقف موقف المشاهد أمام ضحيته فهي لا تعلم أنك ضحيتها و بشوكها ... 


جرحت قلبك و جعلته يقطر دماً و ما أصعبه جرحا الذي يجعل القلب ينزف دماً 

 




 


و ما أقصده فيما ذكرت هو أن أحياناً نعطي الثقه لإناس ليس أهل لها 

  و للأسف نتوهم أنهم الحضن و الامان لنا و بأيدينا نعلي ونكبر من مقامهم عندنا


و بعد فوات الأوان نتفاجئ بهذه الورود خنجراً و نحن من صنعناه بأيدينا 

و أيضاً نحن أول من غرس سنه في قلبنا يالله على مثل هؤلاء الإناس

و لكن أظلموا كما شئتم 

  خونوا الثقه كما شئتم

أجرحوا كما شئتم 


  أقتلوا الاحلام كما شئتم


فالديان لايموت أبداً 

تحياتي كيارا

الثلاثاء، يناير 13، 2009

كل سنة ونيمو ووكيارا ومولان بالمره طيبين

69 كلام قلوبهم
من غير اي مقدمات بدايه التدوين عندي كان في نوفمبر 2007 كنت في مدونة مجرد انسانه وبس هي مغلقه دلوقتي كنت فيها مع انتيمي نورا مهدي اللي بقت بعد كدا صاحبه مدونه حنين واحمد وكان اول بوست انزله في مجرد انسانه وبس هو حضارة مصر الفرعونية الجزء الاول وكان بالاكونت ده nimo 2007 كنت فيه اول مرة اتعامل مع التدوين والمدونات وكنت متعوده علي المنتديات حتي اول بوست ده نزلته انا وهي كانت معايا وكان الجزء اللي مخصيه من فات قديمه وتاه وبقي بعد كدا هي تقولي في حد رد عليكي مثلا عشان تردي علي حد افتحي مدونته الاول عشان تعرفي بيفكر ازاي وكانت المدونات اللي بتابعها زمان اشهرهم مدونة شهروزة والصباغ يعني وكان فيه اللي بيرد ان فعلا شايف الحضاره دي مهمه جدا وفيه اللي لا علي فكرا الاكونت فيه مدونة بس انا خفياها ماعلينا واستمرت الايام وكانت فتره التمهيدي بتاعي اللي كنت خارج الصلاحية اغلب الوقت حتي لما انتيمي نزلت مسابقه في المنتدي وقالت اني لازم انزل بوست كوميدي وانا اصلا كنت بستعد لقفل النت والدنيا كلها قلت لا لازم اعملها حاجه فكتبتلها البوست ده حتي مش قدرت اتابعها واعمله يتبع مكالمة تليفون وكان اول حاجه كوميدي اكتبها بعدها لما رجعت للنت تاني بشهرين كنت حسه اني مش عارفه حد في المنتدي وكان مستر عز بيقولي بكرا هتتعودي ففكرت اني اعمل ضي القمر اللي كلكم عرفتوها وكانت بالاكونت ده كيــــارا وعملت فيه مدونة ضي القمر وكنت اصلا بحاول افتكر الاكونت بتاع نيمو عشان اعمل بيه المدونة لكن كان الزهيمر عمل عمايله ونسيته خاصه اني اصلا مش بحفظ باسوردات انا عندي ملف بكتب فيه الميل والباسورد وحسابي مثلا في منتدي او في اي حاجه فالملف ده اتنسي طبعا وفي نوفمبر 2008 كنت قلت اعمل مدونة المكان اللي ارتاح فيه بس واضح ان ضي القمر زعلت مني لما عملت كدا واتعملها هاك واتقلبت لموقع اباحي وبعدها باسبوع اتحذفت وانا قلت يبقي الخيره في مااختاره الله واستمريت في عالم مولان اللي عملتها بالاكونت اللي بكلمكم منه بس عملت مدونه سمتها ضي القمر وحطيت فيها كل البوستات اللي نزلتها في ضي القمر ماعدا بوستات الاجازه والرحيل والزعل يعني ولينكها اهو ضي القمر اصل بيني وبينكم كل اما اقراها وافتكر كل بوست كانت تعليقاته ازاي كانت عنيا بتدمع مهو الانسان ايه غير زكريات سعيده وحزينه بتمر بيه وكتير دخل مولان وعالمي ومش يعرف اني كيارا او اني نيمو اللي كانت مع نورا مهدي في مجرد انسانه وبس الحمد لله من نوفمبر 2007 لحد الان ومن قبلها كمان في المنتديات الحمد لله ربنا رزقني باجمل رزق ممكن حد يتمناه في حياته وهو حب الناس وبصراحة مش هقول اهم البوستات اللي نزلتها لان كل بوست انا بكتبه مهما كان بيكون اخد مني ومن تفكيري واحساسي لاني لما بكتب حاجه مش بكتبها بعقل مجرد من القلب بكتبها في الاول والاخر باحساسي وخوفي علي الموضوع اللي بيكون شاغل تفكيري اوقات بحس ان في قواضي مهمه جدا اكتر من اني اتكلم في سياسة دولة وغيرها معاني في حياة الانسان بتختفي يوم عن يوم بسبب التكنولوجيا اللي بعدتت عننا زي صلة الرحم وزياره المسنين وغيرها وهتعرفوا ده من وسط المواضيع اللي نزلتها وكان اي بوست بنزله بيبقي فيه خفه دم وشقاوه عشان يوصل ده بالنسبه للحياه العامة اما بالنسبه لمدونة ايام زمان اللي بعتبرها من اهم المدونات مش لاني انا اللي بعملها لا والله بس لان كل بوست بينزل بيبقي متعوب فيه مش كلمتين بكتبهم من دماغي وخلاص ايام زمان من شهر يونيو عدد البوستات فيها 11 بوست فقط عرفتوا من خلال كل المدونات اللي عملتها سواء المحذوفة او الحيه كيارا الشقيه اللي دمها خفيف واي حد بقربلها بسهوله وعرفتوا كيارا العصبيه لما بيكون النقاش في قضية هي شيفاها مهمه انا سهل اتعصب اوي وردود افعالي غير معروفه هههههههههه كانت انتيمي تقولي لما كانت في العريش بخاف تتعصبي عشان مش هعرف اجيبك لانك هتقفلي كله لكن في القاهره بعرف اجيبك كويس بس برده قصاد ده سهل اوي اروق كان دايما معتز ربيع عضو في المنتدي اللي كنت فيه بيقولي دايما بحس ان في ورا الشاشه قطة وبتسن مخالبها لاي هفوه :) المفروض ان السنه دي اكون قايلها بمود فيه شقاوه وكدا بس هي طلعت كدا في الاخر هقول اني عملت البوست متاخر شهرين واني هغيب كام يوم عشان اولا بابا راجع بكرا من اسكندريه وواحشني اووووووي وكمان عندي شغل كتير وبتاخر ومش بعرف افضي حبه كل سنه وانتم طيبين ويارب السنه الجايه اقدر اقدم شي يفيدكم واقدر استفيد من خبراتكم في حياتي تحياتي نـــــــيمـــ كيارا ــــ مولان ــــو

الاثنين، يناير 12، 2009

استوووووووووووب

0 كلام قلوبهم

لحد كده وستوب

انا هفضل انا

مش هتغير

واللي هيحاول يغيرني

مش هيقدر

لاني هفضل انا

مش هسمح لحد يسحبني للدنيا دي

لدنيا فيها المصلحه هي اهم شي

مش هسمح لحد يبعدني عن الدنيا بتاعتي

دنيا انا اللي عملاها بنفسي

دنيتي اللي بكون سعيده فيها واللي

الكل حبني عشان انا منها

انا بقولها وباعلي صوت

للي بيحاول يبعدني عن دنيتي

بقووووووووول

ستووووووووووووووووووووووووووووووب

مش هتقدروا

انا هفضل انا

البنوته ام قلب ابيض اللي بينسي ويسامح

مش هتقدرو تحولوني وتجروني لدنيتكم

دنيتكم فيها غش وخداع ولعب

انا مش كده

--------------

الفتره اللي فاتت وبالتحديد اخر 3 اسابيع

حسيت ان في ناس حاولت تشدني

للدنيا دي وبجد نفسيا كنت متدمره

كنت بحاول اضحك لكن الضحكه

كانت دايما مبتوره

كان مستخبي وراها حزن كبير

بحاول ان مش في حد يشوفه او يقراه

لان عمري مااحب ان اي حد غالي

عندي يشوفني كده

لانه طبيعي هيحس بيا

وبالمي

وهيتالم ليا وده انا رفضاه

رافضه احس انهم بيتالمو علشاني

كنت مصدر بسمتهم

استحاله اكون مصدر دمعتهم

ده موتي يكون اهون ليا

ولا ني اشوف الدمعه جواه عيونه

وعشان كده اخدت الاجازه

اجازه من التدوين ويمكن اخدتها 3 مرات

مره قولت عليها

ومرتين من غير اما اقول

بس انا راجعت لنفسي

رجعت ليا تاني بعد غياب

دام 3 اسابيع

ومحدش هيقدر يبعدني عن الدنيا بتاعتي تاني

*******

انا بعتذر طبعا للي بيقرا البوست ده

بس كان لازم وقفه عشان افوق

كان لازم اتهز عشان احس اني بتسحب

لدنيا كلها غدر ومش مهم فيها الانسان

الرافعي 1

0 كلام قلوبهم

طبعا كل البوستات اللي بنزلها بقالي كذا

Party شهر عن مواقف شخصيه ليا

Striaght Faceاو قضايا هامه تؤرقني

لكن

في هذا الموضوع مهتمه اني اسلط الضوء

علي شخصيه تستحق الثناء والتقدير

Rose Rose عبد الرحمن الرافعي RoseRose

200px-Abdul_al-Rahman_al-Rafai

طبعا البحث طويل ويمكن اكون

وانا بعمله كنت مسلطه الضوء عن الجزء التاريخي

لكن قلت مش ينفع البوست يكون البحث كاملا

لكن البوست هيكون ملخص للبحث

هتكلم عن حياته بشكل مختصر جدا جدا

عن علاقته بزوجته بصراحه عشان كل البنات

تتعلم ازاي تكون بتحب من غير كلمه حب

هتكلم عن رايه في التاريخ

هتكلم عن الكتب اللي كتبها فقط دون تفسير

وطبعا شخصيه ذي الرافعي فعلا عاوزه مدونه لوحدها

يلا عشان مش نرغي

********

اطفال 2

مولده : ولد في 7فبراير 1889 بالقاهره

بمنزل الشيخ رضوان بعطفه ابوداود

رقم 2 ش درب الحصر

****

images_NEWS3_M03_D21_13-1

والدته كانت السيده حميده كريمه الشيخ

محمد رضوان من اهل القاهره

وقد توفيت في 1893 وكان عبد الرحمن

لازال طفلا لايزيد عن الاربع سنوات

فتربي عبد الرحمن في اسره سمتها الاساسيه

الخلق والحسن والاجاده والعمل واتقانه

****

img885

المراحل الدراسيه

حصل علي الشهاده الابتدائية في يوليو 1901

ثم دخل القسم الثانوي القسم الفرنسي بمدرسة راس التين

وكان في معظم سنوات الدراسه الثانوي لا يعي شئ

من الشئون العامه الي ان جاء عام 1904 وبدأ يتردد علي

قهوه انيقه في راس التين وبدأ صاحبها الحاج احمد يطلعهم

علي الصحف ومنها اللواء لمصطفي كامل

وقد نال شهاده البكالوريا من مدرسه راس التين

في مايو 1904 وكان ترتيبه الثالث وقد اراد

والد الرافعي ادخاله الازهر لكن الرافعي اصر

علي كليه الحقوق وبالفعل تم له مااراد وبدأ

وعي الرافعي يتقدم في مدرسه الحقوق .

*******

اول مقاله للرافعي كانت في سنه 1908

كانت تحت عنوان " تبدد الشعور الوطني وتجمعه "

كتبها بعد وفاه مصطفي كامل بشهور

وكانت في عدد 9 مارس 1908

********

كتسلسل تاريخي المفروض اكتب حياته العمليه

وبعدها حياته مع زوجته

لكن انا هكتب حياته الزوجيه والجزء

القادم ان شاء الله هكتب حياته العمليه

****

1

زواج الرافعي

يذكر الرافعي في مذكراته ان كان ليه صديق

دائما يحدثه عن زواجه وانه يجب ان يتزوج من

فتاه ثريه فصديقه يري ان السعاده في المال

لكن لم يستمع الرافعي لصديقه وتزوج

من بنت خاله محمد المعايرجي في 12 مارس 1920

وكان في الحاديه والثلاثين من عمره

ذكر الرافعي انه وجد فيه شريكه حياته التي تعاونه

علي توفير الحياه المنزليه السعيده

وعدد في صفات زوجته وذكر بعض المواقف

وما اذكره من هذه المواقف

انه عندما مرض بالتيفوئيد سنه 1923

كان الاطباء يقرأون درجه حراراته من وجه زوجته

قبل ان يقيسوها بميزان الحراره ويذكرون

ان وجهها هو الترمومتر الصادق لحالته الصحيه

كان هذا الموقف له اكبر الاثر في نفسي حقا

موقف اخر عندما توفيت والدتها 1943

وكان الرافعي في رحله خارج مصر

عندما عاد في اعقاب الوفاه

ابت زوجته ان تقابله بملابس الحداد وقابلته بملابس

بيضاء وكتمت حزنها بين جوانحها

وكانت تتابع كل اعماله وتبدي رايها في اعماله

وكانت تصارحه برايها في اعماله

وكان يقول لها لكن الناس كان رايها عكس ذلك

تقول له ربما كانو يجاملوك

فكانت المراه الحقيقيه لاعماله والناقد البناء حقا

فحقا هي زوجه مثاليه بالنسبه لي واتمني

ان كل البنات يكونوا مثلها بل واكثر منها

*******

الجزء القادم ان شاء الله هيكون الحياه العمليه

WaveWaveWaveWave

طرف تالت

0 كلام قلوبهم
طرف تالت
ليه دايما بيكون موجود
ليه بيكون دايما مؤثر
ليه دايما تاثيره سلبىىىىىىىىىىىى
عارفه انكم بتقولوا البت كيارا اتجننت
هقولكم قصدي ايه
اي اتنين لو لوحدهم في حياتهم بيكونوا زي الفل وميت فل وتمناشر
لكن وبدخول الطرف التالت
تلاقي كللللله بقي عك
والاتنين لو اتخانقوا الخناقه بتيزيد وبتولع
و السبب النار اللي سببها الطرف التالت
لا ده قال لا ده عاد
يخلي الطرف الاولاني نار من الطرف التاني والعكس
يمكن لو الطرف التالت مش علي الخريطه
كانت الخناقه خمدت من اول رشه ميه
لكن ازاي
لازم الطرف التالت يولع في الدنيا
لو كان الطرف الاول فكر شويه ان الطرف التالت هدفه انك تكون لوحدك من غير الطرف التاني
لو يفكر ان هو عاوزه لوحده عشان يكون ضعيف او مش يكون شايف الصوره كامله
لو يفكر ان الطرف التالت مش بيحبه ولا بيعزه لما بيولعها مع الطرف التاني اللي هو الدنيا من غير الطرفين مش تتعاش كان كتير اتغير
*******
كلامي كتير هيفهموه اني اقصد اي اتنين بيحبوا بعض
لكن لا مش ده هدفي
مع انه برده كلامي للي بيحبوا
( المتزوجين ) بلاش طرف تالت يدخل بينكم مهما كان درجه قرابته
********
كلامي في البوست ده
اقصد بيه
المسلمين والمسيحيين
كتير بنلاقي فتن
كتير ظهر في الاونه الاخيره
خلافات والمبرر
ده مسلم
ده مسيحي
عاوزه اقولكم حاجه
لا المسلمين اعداء للمسيحيين
ولا المسحيين اعداء للمسلمين
احنا مصريييييييييييييييييييييييين
وعرررررررررررررررررررب
ياريت نفهم بقي
اننا جنسيتنا مصريه
و من الوطن العربي
نرجع بكلامنا للطرف الثالث
الطرف الثالث هنا ياإخوانا
هو صاحب مبدا
فرق تسد
فرررررررررررررق تسوووووووود
فكرو مين عاوز يقومنا علي بعض
مين عاوزنا نعمل فتن وحروب ونقلب علي بعض
ونعادي بعض
والله لما نعادي بعض
ايه اللي هنستفيده
نفسي اعرف
احنا في وطنا العربي اخوه
الرسول عليه الصلاة والسلام كان متزوج من قبطيه
طول عمرنا مسلمين ومسحيين سوا
مش في اي فرق بينا
لكم دينكم وليا ديني
و يوم حرب اكتوبر
كانت ايدنا واحده ودمنا واحد وبنحارب بايد واحده عشان دي ارضناااااااااااااااا
مش ارض حد لوحده ارضنا
وبدمناااااااااااااا نسقيها
في ثورة 1919 كان الشيوخ والقساوسه ايد واحده
ايه اللي بنعمله في نفسينا ده
كام خناقه وخناقه بين المسلمين والمسيحيين في الفتره الاخيره
جدتي بتقولي
ان مش كان في حد بيقول ده مسيحي وده مسلم
كانو جيران وفي بيوت بعض
وفي ازمات بعض
وفي فرح بعض
واااااااااااااااااااااااااااااحد
في الاعياد واااااااااااااااحد
ليه بقي احنا الجيل ده بقي كده
ليه نفسي اعرف ؟؟؟؟؟؟؟؟؟؟؟؟؟
جاوبويني انتوا
وردوا عليا
لان السوال بجد خنقني

يوم من عمري

0 كلام قلوبهم

في الاول كده طبعا كتير سال ايه تك تك تك

اللي نزل

ده كان تنويه عن المدونه الجديده حالتي في اغنيه

وكانت هتبقي مفتوحه

للجميع لكن لاخر لحظه قلت تبقي خاصه افضل

وبعدها تم الغاءها نهائيا

اما الاجازه اللي اخدتها كانت للاستجمام

وترتيب الافكار وللتفرغ لعمل بحث شاغلني

نيجي بقي لليوم اللي بجد بكون اسعد مخلوقه في العالم

********

انا في الغالب بنام 6 الصبح وبصحي علي الضهر

وعلي 7 الصبح كده لقيت النور اتفتح واللي عمال

يقولي كيارا ( اسم الدلع بتاعي )

انا بقي بفتح عين وبقفل عين عشان النور

مين هناك

لقيت اللي بتقول

علي اساس اني حرامي وانتي العسكري

فوقي يابت عاوزه اقولك كلمتين

ايه بس ياماما سبيني انام وبعدها قوليلي اللي انتي عاوزاه

قلتلي خالتك اتصلت بيا وهدي وندي ومنه جايين النهارده

مش تنامي اوي عشان لو خبطو

انا قلتلها هما بيجو الضهر مش تقلقي

ونمت تاني

لحد اما لقيت ايد صغننه عماله تخبط فيا

وحد صغنن كدا عمال يتنطط عليا

انا قمت مفزوعه في ايه

ولقيت بقي نهال وهدي وندي

جم يصحوني ويجبوني

واللي فتحلهم الباب كان محمد اخويا

بقولهم هي الساعه كام

نهال نطقت وقالت 9

قلتلها انتو جايين بدري كده ليه مش قلتوا امبارح ليه

انكم جايين كنت نمت بدري يالهوي عليكو

ولقتهم بيضحكوا عليا وانا بفتح عين واقفل في عين

ولقيت اللي جابت ازازه

وتشششششششششششششششششششششششش

هههههههههههههههههه

متخيلين بقي الصحيان علي ايه

ازازه وفي وشك علطول

المهم غسلت وشي وصليت الضحي

ونزلنا طبعا اول حاجه نروح عليها ميييييييييين

ام مينا

قلتلهم اشترو انتو وانا بعديكو

هما لا اشتري انتي الاول

قلتلهم ماشي

انا اشتريت مصاصتين بالبرتقال وبوزو

طبعا هما ورايا وجابو زيي

وجري علي تيتا

اول اما دخلت سلمت علي خالتي وطبعا خناقه كل مره

انتي هتفسدي العيال

مصاصه ايه اللي جيبهالهم جيبي لهم حاجه مفيده

انا بقي

بت ياندي بت ياهدي مين اللي اختار

هدي انتي

هههههههههههههههههههههه

يخربيتكم هتودوني في داهيه

يعني انا اللي قلتلكم جيبوا مصاصه ندي قالت لا

المهم ولسه بنتناقش مين لمحتني

منه

وصررررريخ

مش سكتت لما شلتها

وانا بقي شيلاها الغيره تدب في قلب ندي وهدي

وكان في تسلق اشجار بالضبط عشان يوقعوا منه

وانا بقي الحقوووووووووني حد ياخد منه هتقع مني

يقوم مين يلقفها محمود ابن خالي

طبعا محمود ده برغم اننا جيران الا اني مش بشوفه

الا من السنه للسنه

وكنت انا وهو حبايب جدي الله رحمه

كان بس حد يقول بم لينا

كان جدي هو اللي بيقفله حتي لو كان مين

المهم نكمل

طبعا قولتله محمود عاش من شافك يبني

قالي عاش من شافك انتي انا مرزي هنا

كل يوم انتي اللي مش بنشوفك

قولت له فوتها بقي

قالي منا مفوت

المهم قال انا نازل اجيب فطار تحبي اجبلك ايه

قولتله ماننت عارف مش بفطر قالي لسه زي مانتي

قولتله طبعا

هو خرج من هنا

وولقيت حاجه بتشدني

كان ميييييييييين

كانت هدي وندي ونهال وبيقولولي ايه

يلا نلعب انا قلت ع الصبح

قالوا ااااااااااااااااااه علي الصبح

وقولتلهم نلعب استغمايه

ايه رايكو

وافقوا ووقفت البت ندي مستغميه

وانا رحت جوا الدولاب استخبيت

وهما بقي خلاص قفشو في بعض ويقولوا فين كيارا

فين كيارا طبعا انا طفشانه لحد اما زعقوا وقالوا اظهري بقي

محمود بقي جه ومعه الفطار فطر

ونزل تاني يلعب مع اصحابه تحت

طبعا دخلنا في معركه الاكل

هما مش عاوزين ياكلو وعاوزين يلعبو

طب اعمل ايه

بقينا نلعب بالاكل واقول مين هيجي ياخد دي

وبقوا بدل اما كانو مش عاوزين ياكلوا بقي يجروا ورايا عشان ياكلو

وبعدها لعبنا كوتشينه وكان الشايب

كل شويه يجي عندي وشغالين احكام عليا

عااااااااااااااااااااااااااا

الساعه بقت 3 خدوا بالكو انا تقريبا بلعب من 9.30 لحد 3 العصر

ومش نايمه المهم انا تعبت وقولتلهم انا عاوزه ارتاح ودول مكن

يالهوي

رفضوا الراحه

فين وفين علي اما اقنعتهم

اننا نتفرج علي اي حاجه علي الكمبيوتر

وافقوووووووووووووووو هيييييييييييييييييييه

اتفرجنا علي شركه المرعبين المتحده

وتيمون وبومبه

وتوم جيري

ونيموووووووووووووووووووووووووو حبيبي

الاسم اللي لازمني كتير من حياتي وكتير بيناديني بيه

والجميل ان في مواعيد الصلاه كنا بنتوضي ونصلي احنا

الاربعه جنب بعض كنت ببقي فرحانه اوي بشكل ندي وهدي

وهما بيحبوا الصلاه

طبعا كانت الساعه بقت 6

وماما جت بقي

المهم اول اما بيشوفوا ماما

بيعرفو اني قربت امشي

فضلنا في الاوضه جوا شغالين نزغزغ بعض ونجري ورا بعض

وقلنا نشغل اغاني بقي ونشوف مواهب

ندي وهدي عشان مصممين يرقصو

وشغلنا اغنيه مش فاكره اسمها

وندي وهدي ادوها بقي وصورتهم بالموبايل

لحد اما جت الساعه 8 وبابا جه طبعا بابا جه لازم هدؤؤؤؤ

ومش في بقي الهيصه اللي كنا عاملينها

وخرجنا برا نشرب العصير

وساكتين خالص وعلي 9 بابا قال يلا

طبعا لقيت اااالعياط والصويت وحاجه بتنكد عليا اوي

هدي

تمسكني من رجلي

وندي تنط عليا ومش عاوزه تسبني

ونهال تقفل الباب بالمفتاح

وتخبيه ومش بعرف اتحرك وافضل حضانهم

واقولهم لو بتحبوني بلاش عياط وهما بقي والله بيعيطو

بحرقه بجد مش قارده انسي اللحظه دي

وطبعا كله بيتجمع ويمسك هدي وندي وبيشخطو في نهال

ياعيني البت عشان الكبيره بيجوا عليها ويشخطو

وبعرف انهم بيفضلوا يعيطوا لحد الساعه 12 وهما بقي مروحين

بيقولوا لخالتو لوجوز خالتو بيت كيارا اهو يلا نروح

طبعا بيفضلوا باصيين علي البلكونه ويصرخوا في الشارع

يعني اليوم بجد بيبقي اجمل يوم في حياتي بحس

فيه ان في ناس بتحبني عشاني انا

بتبقي فرحانه معايا

انا وسميلي

0 كلام قلوبهم
انا والبت سميل اييييييه خير اللهم اجعله خير اتقابلنا

هاحكيلكوا من الاول خالص خالص مالص بالص وتشوفي البلاوي كيكيكيك


قبل العيد لاقتها بتقولي ايه عاوزه اقابلك قولتلها ماشي اتفق مع ماما علي يوم

المهم جالي تليفون امبارح اللي هو الاربع انها هتقبلني ايه بكره
وقولتلها طيب الساعه 10 كويس قالتلي ماشي

قالت انهو محطه من هنا لهنا قالت طيب اجيلك المحطه بتاعتك اللي هي الحدايق

وقلت لماما وقالتلي ماشي بس مش تتاخري قولتلها مش تقلقي يامامتي

صحيت الساعه 8 الصبح وقلت اما اشوف البونيه هتقابلني ولا طناش

لاقتها بتقوووولي ايه انا في الطريق

نهار الوان ده انا لسه مش جهزت ولا عملت الشقه

قلتلها طيب لما توصلي محطه دار السلام رني عليا قالتلي ماشي

المهم عملت الشقه وجيت اقعد علي الجهاز كانت حوالي 9 وعشره

ايه ده البت كل ده مش رنت هو الطريق اد ايه ده انا حتي قريبه ههههههههههههههههههههه

كلمتها بتقولي ايييه انها في المطريه نهار الوان

مطريه
طيب مطريه ايه كول ده

قفلت رحت اتصلت تاني في نفس اللحظة جبتلها روشه

قولتلها بقولك ايه روحي علي ملك الصالح وانا كمان هروحلك هناك عشان نقرب المسافات

وجهزت ونزلت وانا في المعصره لقتها بتتصل قلتلها انتي فين قالت ملك الصالح

بيني وبين نفساويتي بقي قلت يالهوي ده انا قدامي

وقت هلطعها كول ده رووووحت قولتلها طيب روحي المعادي

دوختها ياحيني عليها مس عارفه استحملتني ازاي

المهم انا وصلت المعادي واستني انها تيجي ابدا وبعدها لقتها اتصلت

بتقولي انتي فين

قلتلها انا تحت السلم

وعماله الف شمال ويمين لحد اما مش فاكره قالت ايه رحت ضحكت

راحت قالتلي بس عرفتك من ضحكتك ( عرفت منها بعد كده ان ضحكتي مميزه هههههههههههههههههههه)

المهم استني ان حد يجي ابدا ولقيت اللي من ورايا بيقول كيارا

بيني وبينكم الاسم كان غريب علي ودني اول مره حد يناديني بيه في شارع او كده

اول اما قفشتني مش نقول ازيك ولا حاجه

ايه ده انتي مش عارفه اسمي ولسه هقول عاااااااااااااااا

لقتها قالت لالالالالا عارفاه وراحت قالته ولاشريط يسف هونا

وكانت معاها بقي ميييييييييييين الانسه ميم

البت ميم دي بقي حووووكايه وتبعا انا ناويه اشردها

المهم بيقولولي هنعمل ايه قولت بقي ههننزل ملك الصالح ونروح عند لارين

في جنبه اماكن كتيره او ننزل وسط البلد او لسه بكمل الاختيارات


ولقيت اللي بتقول

اااااااااه هنروح كده علي 5

انا سمعت 5 اتخضيت قلت ليه ده ساعه رايح وساعتين نقعد مع بعض وبعد كده نروح

يعني اقصاها 1 الضهر

لقيت اللي بتقولي الساعه 12 ببص ورايا لقيت ساعه المحطه 12 قلت نهار الوان

واتخضيتت ازاي كل ده في طريق عشان نتقابل ما الساعه معايا 10

راحت سميل لحقتني من الصدمه وقالت الساعه 10 ساعه المحطه بايظه هههههههههههههه

ومتنا من الضحك اصل كنت هقولهم مش اعطلكوا وبقي وسلاموز بالموز

قلت ايوان كده انا اتخضيت

بعدها بقي اييييييه

لقيت الانسه ميم بتقول هنروح فين رحت قلتلهم اقتراحتي ولقيت اللي بتقول لا نروح حلوان

فتحت بوقي حلوان هو في ايه يتراح في حلوان انا مش اعرف الا فوانيس

قالت ماشي نروح فوانيس

قلت انا والبت سميلي ايه فوانيس وفي اول مقابله

المهم قلتلها طيب نسال عن اي كافيه او كازنوا هنا نروحه اوكش

قالت ماشي لقينا واحد بتاع حاجات حلوه رحت قلتله

في كازينو هنا

قالي ايه

قلتله ايه كازينو وياحيني كانه اخد كاسين قبل اما اكلمه من الصدمه
بنات وبتسال عن كازينو شكلها كديده

قالي شايفه الجامع

قلتله اه
قالي عنده

رحنا احنا التلاته رحنا علي الجامع ندور اننا نلاقي حاجه ابدااااا

بعد كده رحنا عدينا الطريق ووقفنا عد سوبر ماركت

كان فيها واحد رغاي اوي شغال رغي في التليفون فضلنا مستنين المهم سالته

في كازينو هنا

تنح برده نفس التتنيحه واكني بقوله بقرشين حشيش مثلا


قال في ده بس ده فيه اجانب

سميلي قالت اجانب اجانب

بس هو كمل كلامه ولا اكنه سمعها وقال

روحوا كازينو علي النيل وتقعدوا بقي وجنبكوا النيل

والله حسسني وهو بيوصف ان ولد وبنت ملفلفين هيقعدوا بقي في لحظه تجلي ههههههههههههه


تيرار ارارار وغني ياحلييييييييييييييم


المهم سميلي قالت وماله بتاع الاجانب ههههههههه

اخدنا تاكس وقولناله اقرب كازينو علي النيل ورحنا

ولسه بنقعد لقينا اللي بيقول بعد ربع ساعه الطلبات مش دلوقتي

رحنا قلناله يعني نقوم قال لا اتفضلو بس انا بقولكم

قلناله طيب واحنا مش هنطلب حالا براحتنا

البت سميلي بقي ايه طلعت المصاصات اللي جابتهالي

بيني وبينكم ريقي جري رحت فتحت واحده وانا بفتح لقتها بتبصلي

رحت مت علي نفسي من الضحك قلتلها انتي عاوزه تشوفيني

وانا باكلهاهههههههههههههههههه

قالتلي اه

ولسه بحطها في بقي ولقيت حركات خيانه

الموبايل اتفتح وعاااااوزه تصور
قلتلها لالالالالالالالا انتي عاوزه تصوريني بيها وطبعا كنت خلاص مت من الضحك

ومش عارفه احط المصاصه في بقي كانت كبيره وكمان من الضحك مش عارفه هههههههههههههههههه كان منظري تشششششششششرد قلتلها طب خليها فجاه

كل اما انسي انها عاوزه تصور المح الموبايل افتكر اضحك

ولقينا المتر ده بيقول هيفتح الساعه 12

والبت ميم مبتسكتش زن زن زن زن

رحنا قلنا نتمشي شويه يمكن نلاقي واحد تاني

لسه بنلف لاقينا واحد سالنا الراجل فتح ولا لا قال اه فتح اتفضلو

واول اما دخلنا

نلاقينا منظرنا عااااار

كل اللي قاعدين

بنت وولد

بنت وولد

واحنا بقي اللي داخلين تلات بنات ولوحدنا

بقي الكل مستغرب وكأن الصح ولد وبنت اما بنات تؤتؤتؤ عييييييييييب

عديها يابت

المهم قعدنا والمتر اللي كان بينام جه وادانا بقي المنيو

لاقينا بيرا ياجدعان طبعا مقولكوش ده النوع المفضل بتاعي هههههههههههه

طلبنا ايس كريم

المهم اناوسميلي لقينا واحده بالميكرسكوب شغاله تصوير

مره واحنا بناكل الايس كريم ومره واحنا بنبص لبعض

رحنا انا والبت سميلي اتفقنا عليها وصورناها

وقولنالها بقي مع شويه تظبيط بالفوتوشوب ونحطها علي الفيس بوك

مصر كلها هتعرفك وهتتجوزي يابت وتبقي مشهوره
(مشهوور اوي زي اللي بتقولها مني ذكي في كده اوكيه )هههههههههههههه

وطبعا كام كلمه من بتوع تشريد كيارا بقت فل

اه مقولتلكمش سميلي كل اللي عليها

عارفه لو شردتيني ياكيارا عارفه لو شردتيني كانت واخده فكره حلوه اوي عني ههههههههههه
وعماله تقولي انتي شردتي الراجل اصدها العريس مش هتشرديني

قلتلها عيييييب انا بتاعت كده

وبصراحه القعده كانت جميله جدا وكنا بنضحك

وفجاه جالي تليفون من زميلتي بتقولي النتيجه طلعت قولتلها طيب ايه قالت مش في حد شافها

طبعا ركبي خبطت في بعضها وحسيت ان خلاص الهبوط جالي والضحكه اتغيرت لخووووووف

وكانت البت ميم مامتها اتصلت عشان اتاخرت والمفروض تروح

فقلنا نروحي وهما بقي بيوصلوني عند محطه المعادي مش عارفه قالوا ايه ورحت قلت كيكييكيكيكيك

كانت الفاجعه والطامه الكبري لسميلي طبعا ماتت من الضحك لانها اول مره تسمعها صوت مش كتابه وبس


قمنا ورحت علي الكليه عاوزه اقولكم مسافه الطريق كنت خلاص بقيت لوح تلج

ماشيه مش سامعه اي صوت حواليا فاقده حاسه السمع والبصر كنت يادوب بشوف خيالات لحد

اما وصلت للبتاعه بتاعه النتيجه

فين انا كله نازل نازل نازل

ايه ده قلبي خلاص بيروح مني عااااااااااااا

لقيت اسمي مرضي
يااااااااااااااااااه حسيت ان روحي اترضت

طبعا كنت اكني طايره في السما

وانتهي اليوووووم
سلاموز بالموز :)

----------

المقابله كانت بتاريخ

9-10-2008