عالــم مــولان عالــم مــولان
randomposts

آخر الأخبار

randomposts
randomposts
جاري التحميل ...

قلبك بيشوف الحقيقه .. الخوف والشك بس هما اللي بيعموا

  1. السلام عليكم و رحمة الله و بركاته

    اول تعليق هييييييييييييييييييييه

    كيالك تاني يا ثبحتي

    في رعاية الله

    ردحذف
  2. السلام عليكم و رحمة الله و بركاته
    الله الله الله الله

    اكتر حاجه بحبها في الانثى العناد ياااااه بس موش في كل الاحوال مع اللي يستاهل وموش في احلى من العند في الكرامه عشان نحافظ على الكبرياء والكرامه لازم تظهر شخصية عناد الانثى بحييكي يا كيتي بجد

    على فكرة انا عنيييييييييده جدا وصعب اتنازل لحد موش يستاهل وكمان لو يستاهل يبقى بمزاجي ولو ان اثلا اثلا

    مفيث ولا ولد يثتاهل حاكه هههههههههههه

    ربنا يستر حليكي حبيبتي من عند البوست ههههههههه

    تحديث هاااااااام فاهماني طبحا هههههه

    بموووووووووووت فيكي ويارب دايما نكون توأم في كل حاكه يااوحي

    بوثه كبيله خالث

    امواااااه

    في رعاية الله

    ردحذف
  3. وعليكم السلام ورحمه الله وبركاته

    ههههههههههههههههههههههههههه

    فاهمه فاهمه موضوع التحديث

    يابت كلكم غاليين خالث مالث حليا

    ردحذف
  4. السلام عليكم و رحمة الله و بركاته

    هههههههههههههههه فلثه بقى موث في حد غيري

    يالهووووووووز يا لهوووووووز البوست هيجنني عنادية عنادية يحني ايوه يابت خليكي كده وربنا ثبه بوعضينا

    ربنا يخليكي ليا يا تحديث ههههههههههه عالفه انك هتثخثخي بث هفضل اقولها لحد ما تبطلي هههههههههههه

    انا عناديه وبحب الي يموت فيا
    ويطمن قلبي وعنيا
    تقسى عليا مبكيش غير بالحنية
    اهده يا حبيب قلبي شوية

    عنديه واعند لنا لو حتعدبني
    مية مية ومعاك كده لو مش حتسبني

    انا وانتي توام موث بقولك في حاجه ههههههههههه

    في رعاية الله

    ردحذف
  5. نيجي بقي للكومنت بتاععك

    بصي انا عنديه جداااااااااااااااااااا فوق اي تثور ولما بتنازل بيبقي بمزاجي انا

    اما بالنسبه للكرامه فدي هقولك فيها حاجه

    مش في حاجه اسمها كرامه بين اتنين بيحبوا بعض لانهم بيكونوا واحد

    لكن لما بيبقوا اتنين بيبقي في كرامه وكبرياء

    بس عاوزه اقولك ان في كتير يساتهلوا بس دول من الماس مش الازاز

    وبتقولي ربنا يستر عليي من البوست ليه بس

    هو وحش ولا ايه ؟؟؟؟؟؟؟

    ردحذف
  6. انا عناديه وبحب الي يموت فيا
    ويطمن قلبي وعنيا
    تقسى عليا مبكيش غير بالحنية
    اهده يا حبيب قلبي شوية

    عنديه واعند لنا لو حتعدبني
    مية مية ومعاك كده لو مش حتسبني

    **********

    ههههههههههههههههههههه

    يالهوووووووووووي اكنك بتقولي اللي فيا


    احنا ثبه بعد خالث

    ومث ممكن اتخنق منك خالث بس مث تقولي تحديث تاني :)

    ردحذف
  7. السلام عليكم ورحمة
    الله تعالى وبركاته
    ( وحياة دموعي الغالية وقلبي اللي حبك

    هتشوف واحدة تانيه تكسر بايدها قلبك)
    ليه بس كده ؟قلبك ابيض؟:)
    بس باين انها لسه بتحبه :)
    وكل الكلام ده من ورا قلبها :)

    ردحذف
  8. السلام عليكم و رحمة الله و بركاته

    ماانا عالفه يابت انك اوحك فيا وانا كمان اوحي فيكي

    وبنموت في بوعضينا وبحدين احنا موث ثبه بعض بث يالهوووز ده احنا توام ملتثق في كل حاكه

    هنتحثد تده ربنا يستر حلينا

    هههههههههه

    ربنا يخلينا لبعض يا قطقوطتي

    هعلق على كومنتك كمان ثويه

    في رعاية الله

    ردحذف
  9. ياكيكى ياجاااااااااامد

    صح كدا خليكى قويه وعنديه

    ردحذف
  10. بت يا كيرا ايه الكلام الجامد دا

    بس جامدة بجدة

    ابعتيلى شوية قسية من دى

    يمكن يتصلح حالى شوية

    يمكن ااقدر ابين للغالى قيمة عنية

    يمكن يقدر فى يوم حبى ليه

    بس سيبك انت جامدة

    قولى للبت ميرو انى بحبها انا كمان

    ههههههههههههههههههههههه

    ايوة عشان نبقى مثلث جميل

    SMILYROSE

    روح الحب الصادق

    ردحذف
  11. الله عليكي يا كيارا


    وحياة دموعي الغالية وقلبي اللي حبك

    هتشوف واحدة تانيه تكسر بايدها قلبك

    و هتتعذب عشانها من حرقة انتقامها

    وترد تقول لقلبك تستاهل علشان خانها

    ---------------------------------

    فعلا
    هو دا اللي هيحصل

    عارفه
    اللي خان بيدخل الدايره المقفوله
    خان هيتخان
    جرح هيتجرح
    لعب بقلب حد هيحب حد اوي ويكتشف انه كان بيلعب بيه..


    بس اقولك علي حاجه
    سامحي بجد من قلبك
    ولو اي حد جه في يوم عليكي تأكدي ان ربنا هيعوضك اووووووي وهياخدلك حقك من كووووول اللي ضايقوكي :)

    دمتي بكل خير وود

    تحياتي

    ردحذف
  12. دكتور نوراهاتى عندها حق شكلها بتموت فيه . اللى بيكره حد..... بس بينساه !!

    ردحذف
  13. ههههههههههههه
    حلوه والله حرب الاستعمار دى
    عند فى عند
    انا كمان عنيد
    هاتدينى بالقلم
    هاخدك انا باليد
    انتى اللى جبتى ده لنفسك
    ومش عاوز صويت
    انتى اللى واصلتينى لكده
    وبصى لنفسك بقيتى دقيق
    وبكره كمان من كده
    وهاطلع عليكى كل قديم وجديد
    ماهو عند فى عند
    واسهل من العند مافيش
    اخرته قصف العمر
    وضياع بسمة طفل وليد



    تحياتى يا مولان وكيارا
    وكفايه عند فى بعض
    احسن من الحب مافيش
    ولسه الحياه بتنادى
    وممكن نعمل قراقيش


    ولالالالالالالالالالالالالالالالالالالالا ايه

    ردحذف
  14. انت الي كاتبة ده ولا دي أغنية والله ما عارف
    عموما بجد أكتر من رائعة والله ولو انت كتباها تبقى أستااااااااااذة كبيييييييرة جدا جدا جدا في تلات حجات الأولى المهارة الي كتبتيها بيها التانية القسوة الي غلفتيها بيها التالتة الكلام الي اخترتيه فيها
    مودتي
    بجد عجباني ممكن أستلفها هههههههههه

    ردحذف
  15. السلام عليكم و رحمة الله و بركاته
    وانا بحبك يا سمايلي اوي

    ومعلثي يا هاجر هعلق على كلامك كيارا زيي موث هتسامح الا اللي يستاهل وبعدين ليه مطلوب م الانثى تسامح دايما ليه التنازل لازم يجي من عندنا

    كده كده ربنا هينتقم من كل اللي بيجرح قلب والدايرة تتقفل عليه لحد ما يتخنق ويعرف ان الله حق وكما تدين تدان

    بت يا كيتي استمري في العند هههههههههههه

    وعلى فكرة يا كيتي اعتراضي على حفظ الانثى على كرامتها لاننا بقينا في زمن حب الذات والحب موش بقى اللي يعتبر نفسه كيان واحد لحبيبه ومنه وإليه يعود لكن دلوقتي بقوا فردين موث فرد واحد واديكي قولتيها بقوا ازااااااااااز وصعب تلاقي الراجل اللي يستاهل في الزمن ده

    صعب لكن موث مستحيل

    فاهماني يا كيتي طبحا ههههههه واستمري في العناااااااد زيي

    ههههههههه

    في رعاية الله

    ردحذف
  16. ايه ده يا عنادية
    ده انتي شريرة بقه وانا مش واخدة بالى
    بس جدعة
    وربنا جدعة
    البنت بطلة القصيدة دي جامدة
    هو هيمثل
    فاكر انه لما يخونها ويبعد عنها ويستخف بيها
    ويجي بعد كده ياخد علي نفوخه ويرجع يندم عليها انها هتنخ وترجعله
    ياخي ده ايه ده
    ومن مكاني هذا احب اوجهله رساله واقوله فوق يا ريس
    فوق يا حاج
    ده انت هتتقطع النهاردة

    ردحذف
  17. يا سلام بجد ان كيدهن عظيم

    بس ياريت بجد نكون عنادين كدا مش ساعة الجد نحن ونرق

    يسلم ايديك يا كيارا

    كلام جميل ومعبر

    غربتي

    ردحذف
  18. عسسسسسسسسسسسسسل بجد

    بس بتهيألى مفيش بنت قويه كده
    دا بيضحك عليها بكلمتين وترجع تانى
    ههههههههههه

    بس كمان

    طالما حبيتى اووووووى ومحدش قدر حبك
    تعملى اكتر من كده

    تحفة بجد

    تحياتى ليكى

    ردحذف
  19. norahaty

    *********

    وعليكم السلام ورحمه الله وبركاته


    بالعكس ده كل كلمه بتقول فيها ان خلاص الحب انتهي وان هو هيدفع تمن العذاب اللي شافته والليالي اللي قضتها ودموعها علي خدها وما اغلي دموع انسان كله ذنبه انه حب

    ردحذف
  20. ميرو

    *********


    تبعا تبعا انتي اوحي اوحي اوحي ياأووووووووووحي


    امممممممممممممموه

    ردحذف
  21. انا حره

    *****************

    جددددددددددددددددددددعه هو ده الكلام

    ردحذف
  22. smilyrose

    *************


    انتي لو مش عملتي كدا يبقي هتفضلي في الحال ده
    مستنيه ايه بعد كدا عشان تقسي قلبك مستنيييييييييييه ايه


    لازم ياسميلي تكوني اكبر عنديه في الكون لانك زهره جميله وغاليه ونادرررره

    وهي بتحبك مووووت واحلي مثلث ياقمر

    ردحذف
  23. hager za3bal


    **************


    ميرو قالتلك كلام انا كنت هقوله

    مش كل حد ممكن نسامحه خاصه لو الجرح كان قوي


    احنا بشر مش ملايكه

    ردحذف
  24. هانى زينهم


    ***********

    وانا هرد عليك زي مارديت علي نوراهاتي


    بالعكس ده كل كلمه بتقول فيها ان خلاص الحب انتهي وان هو هيدفع تمن العذاب اللي شافته والليالي اللي قضتها ودموعها علي خدها وما اغلي دموع انسان كله ذنبه انه حب هي باعته وهي كسبانه لانه عمره ماهيلاقي ولا هيحس بالحب ده ابدا

    هي باعت وعارفه انه عمره ماهيلاقي الحب الا معاها وعشان كده زي ما باع وفاكر انها هترجعله تاني يبقى بيحلم
    وكمان موش هيلاقي اللي كانت مدياهوله من حب واهتمام وحنان واخلاص وهيشرب من نفس الكاس


    ولا ايييييييييييييه

    ردحذف
  25. هاى
    ايه الكلام الكبير ده:)))
    عموما انا مش بحب حكاية الانتقام والكلام ده
    بصى مهما حد عمل خلاص الواحد بيقفل الصفحة وبيحاول يعيش حياته
    مش معقول ميكنش فى ذكرى واحدة حلوة تخلى الواحد يقول كانت ايام وينسى الموضوع
    عارفة ان الجرح مبيتنسيش بس مش الحل ان الواحد يتمنى جرح اللى قدامه عشان يحس ان حقه رجعله
    اما موضوع العند فتقريبا كل البنات عندية ههههههه دماغنا طوبة كبيرة
    تحياتى

    ردحذف
  26. يا سلام يا سلام
    ايه العند ده يا جميل يا واد يا جامد
    امسك الخشب
    بس تعرفي بجد نفسي اكون في الحاله دي حاولت شويه بس بردو رجعت احنله تاني واشتاقله تاني وهو رجع يبعد تاني
    يلا نصيب
    الحمد لله
    بس طلعتي قويه ومستقويه يا قطتي
    هههههههههههههههههههههههههه
    اسميكي بعد كدا قداره
    ههههههههههههههه
    اوعي تزعلي انا بهزر
    وحشتني
    امواااااااااااااااااااااااااة

    ردحذف
  27. الست عناديه هانم اليى وحشانى جدا جدا
    ازيك يا كيارتى اخبارك ايه
    وحشتينى جدا جدا يا جميله
    مع انى زعلانه منك ومش هقولك ليه

    ردحذف
  28. ابو علي

    ******

    وهو لما هتدي بالايد انا هسكت نووووو

    هتلاقي نمر بيسن مخالبه مش قطه سيامي

    وهيندم علي انه خلي القطه السيامي تبقي نمر سانن مخالبه ومتاهب لاي رد فعل


    عند بعند كان جرح ليه من البدايه وقسي وعلم القلب القساوه

    ماكان القلب شاري ومناه يسمع كلمه وانا شاري

    خلاص كل شي انتهي

    ردحذف
  29. كاتب مصري

    *********

    لا مش اغنيه والحمد لله انها عجبتك


    ودايما اللي بيبقي جوا الانسان بيطلع في شكل حروف

    ودايما الحروف مش بتقول كل حاجه جوانا بيبقي اللي جواه كتييييييييير

    ردحذف
  30. mero-moory

    **************

    وعليكم السلام ورحمه الله وبركاته

    ايه البت اللي رايحه جايه عليا دي

    ههههههههههه انتي تنوري اي وقت ياحبيبتي

    وكلامك من جوايا انا ياقمر

    بس اكيد في حد يستاهل بس هو فين ده اللي ربنا اكيد هيرزقنا بيه الطيبون للطيبات

    ردحذف
  31. بصي انامعاكي مافيش حاجةاسمها كرامة بين اتنين بيحبو بعض
    لأنهم بيكونو واحد
    بصراحة يامولان العند مش بيكون كويس في كل حاجة
    والراجل بيحب الست اللي تسمع كلامه لكن اقولها يمين تقول شمال تبقي صعب قوي
    واي رجل يبلغ منها فرار
    لكن لما حد يجرحني ويرجع تاني والله لو كان تاب وعرف الرس وحسيت في كلامة انه اتعلم وانه بيحب بجد اكمل وانسى الجرح
    وابدا صفحة جديدة
    لكن بقي لو حسيت انه بيهزر ومش ناوي جد
    يبقي اقوله سلام واخلي دماغي جبل المقطم
    مش حجر من حجارته بس
    ارجو انك تتفهمي وجهة نظري

    ردحذف
  32. maha zein

    ************

    حلوه اوي الرساله دي

    تمام كدا

    اصل فاكرين ان البنت تحت امرهم

    لا دي قلوبنا غاليه اوي وجرحها مش بالساهل

    ولو كان بالساهل يبقي مش نستحق اننا نعيش

    ردحذف
  33. تعليق تاني
    اللي بيحب مش بينتقم
    وحتى
    لو جرحني مش هنتقم منه ولا احرق قلبه
    كفايه قوي اني ابعد عنه وانه يتعذب بغيابي عنه كفايه قوي انه يفتكرني ويندم عليا ويشوفني وانا فرحان وهو لوحده لأني اكيد هحب تاني لكن هو هيعيش طول عمره لوحده .. دي كفايةقوي عليه

    ردحذف
  34. ghorBty

    **********

    القسوه بتعلم القلب القسوه ومهما كان جوانا حنان مش بنظهره لان كل اما هنلاقيها تظهر نفكر اننا في يوم اتقسي علينا واتجرحنا ابشع جرح نيمنا ليالي وليالي الدموع مش بتجف والقلب معصور من حرقته

    يبقي ازاي نحن ليه

    ردحذف
  35. e_emy

    *************

    ده انتي اللي عثثثثثثثثل


    اديكي قولتيها طالما حبيتي اوي

    ومحدش قدر حبك يبقي تعملي اكتر من كدااااااااا

    ومش اي حد اللي يتضحك عليه بكلمتين

    انا عنااااااااديه

    ردحذف
  36. ياخراشى على البنات يااختشى وعمايلهم
    ان كيدهن عظيم
    ولما الوحدة فينا بتقاسى
    بتدوس على قلبها وتديلو بلجذمة

    ردحذف
  37. يبقى كده أقدر أقولك والله انت مبدعة قوي قوي قوي والله تنفع أغنية موزونة ومظبوطة وآخر حلاوة وتمام بجد ليه متفكريش طالما انت بتعرفي تكتبي ببراعة كده تراسلي حد من الي بيغنوا بس صوته يبقى حلو كده وتتعاملي معاه والله مشروع حلو بس يا ترى فلوسه هتبقى حلال هههههههه أقلك بلاش تاخدي فلوس
    مش عارف بس بجد حرام تندفن الموهبة الرائعة دي ولا هي مش مدفونة طالما احنا بنتابعك والي بيحبوكي كتير
    مقلتليش مينفعش أستلفها ههههههه
    بهزر
    مودتي ومعلش لو طولت قوي ورغيت

    ردحذف
  38. princess

    **************
    هاي و رحمة الله و بركاته (وعليكم السلام )
    الموضوع موش كبير ولا حاجه بس على فكرة طبيعة الانثى الداخليه انها عنيده وفيها عند بطريقه فظيعه
    ممكن موش يكون ظاهر ولا يظهر خالث لكن كتر القساوة بتعلم الجفا وكتر الضغط بيولد عند وانفجار وعند الانثى موش كيد وبس في اكتر من كده زي ما قلت في البوست
    وبعدين موش حكاية تحبي الانتقام او تكرهيه لان اي بنت بتختلف رأيها لانها موش بتكون في نفس الموقف بس صدقيني النتيجه بتكون واحده وبعدين مين قال ان البطله هتنتقم موش في انتقام مادي الانتقام المقصود اظن ان ربنا سبحانه وتعالى ذكره وحذر بيه في القرآن ان كيدهن عظيم
    ولو زي ما بتقولي اكتفي بقفل الصفحه وافتكر له ذكرى حلوة بينا فموش اظن اني لما افتكر هرتاح بالعكس هفتكر ذكرى واحده هو عطالي فيها ايه وافتكر ذكريااااااااات انا عطيتله فيها ايه وكان رد فعله سالب انانيه عايز ياخد وبس لكن يدي ابدا انانيه مطلقه وبعدين كل انثى رد فعلها بيختلف من واحده لاخرى لكن النتيجة في الاخر واحده كيد النسا غلب كيد الرجال وبعدين نسيت اقولك حاجه وقت لما الانثى بتنجرح ويكون الجرح جامد وصاحي جواها مهما حاولت تنسى عمرها ما هتقدر تعمل زي ماانتي بتقولي

    ردحذف
  39. حبيبة الروح


    **********
    من غير ياسلام الله اكبر عندنا كتكوت وكبر هههههههههه ميرسي اوي وبما انك نفسك تكوني في نفس الحاله تعالي اسلفك ثوية عناد من عندي وانتي تعرفي بس على فكرة موش كل حد بيقدر يكون عنيد وفيه اللي بكلمتين بيذوب بسرعه وما يصدق يسمع كلمتين ناعمين يحن لكن على مين انا عن نفسي موث تده خالث وعنيده مووووت طالما هكون مرتاحه وموش مجروحه ولو على قداره فانا في العند قادرة ونث وبعدين لو خدتي ثوية عند مني هتكون انتي كمان قدارة وقدرية ههههههه

    ردحذف
  40. mahasen saber

    *****************

    وانتي وحشااااااااااااااااااااااااني اوي وللاسف عارققه انتي زعلانه ليه بس والله العظيم ظروف

    اما اقابلك بس

    امممممممممممممممموه

    ردحذف
  41. mostafa rayan


    ****************

    انا فعلا قلت موث في كرامة بين اتنين بيحبوا بعض بس ده امتي ده في حالة ما اذا كانوا م الاول واحد وهو بيحبها بجد وهي كمان وموش في حد ناقصه حاجه وعايشين في سعاده وموش في حد منهم يتحمل خدش في التاني موش جرح لكن لما يحصل ان طرف واحد اللي يفضل يقدم تنازلات ويحب ويخلص لا كله الا الكرامه ساعتها هنكون اتنين وبعدين الراجل موش بيحب اللي يقوله شمال تقوله يمين ليه ان شاء الله وهي في بنت هتعند من نفسها على فكرة الراجل هو اللي بيوصل البنت لكده موش في عند بيجي من فراغ صدقني يا مصطفى لو في م الاول حب وحنان م الطرفين
    كانت هتبقى الحياة جميلة وموش ناقصنا حاجه لكن الراجل في القصة هو اللي ابتدى ولذلك كان رد فعل طبيعي للانثى اقل سلاح عندها تستخدمه هو العند وموش قصدت بانتقامي
    اني اقتله او ااذيه لان موش ده المقصود خالث في الكلام لكن المقصود اني وانا معاه شفت الجزء اللي مريحك وموش ورتني الجزء اللي يريحني لكن شيلتني هموم وجراح أد كده وموش راعيت ربنا فيا ومع ذلك عايزني افضل معاك وانت خاين وموش في فايده فيك لا كان لازم بقى عند الانثى يظهر وزي ما قلت ده سلاح معنوي موش مادي
    واقل حاجه لان كيد النسا لسه موش ظهر وربنا يكفيك شره ههههههه استخبى بقى لكيد نسا يقع عليك ههههه
    اه وعلى فكرة يا مصطفى
    موش البعد بس اللي بيوجع حااجت كتير
    بس بما اني عناديه بحب رد فعلي يبان فيه حاجات كتير زي الكوكتيل كده لما بنشربه او بناكله بننتعش فيتامينات هو كمان يا حيني حليه هينتعش بس بعندي هههههههه

    ردحذف
  42. انا مش قصدى النسيان بالمعنى الحرفى مفيش جرح بيتنسى
    بس قصدى مش هشغل دماغى انه يدوق اللى انا دقته او انه حتى يعرف قيمتى
    المشاعر بتبقى بيور جدا ومع اى حاجة تدخل عليها بتبوظ وبعد ما تبوظ خالاص بقى مفيش اى حاجة هتخلى الجرح يخف ولا كيد ولا اى حاجة:)
    بس كده

    ردحذف
  43. البت المشمشية حلوة بس شقية

    ***********

    انتي قولتيها ان كيدهن عظيييييييييييييم

    ردحذف
  44. السلام عليكم....
    يا كيارا يا جامده...
    أحسن يستاهل ....
    عاوزاكي كده دايما..
    ........
    جميل إلي كتبتيه ياقمر ...
    ......
    دمتي بخير..

    ردحذف
  45. كاتب مصري

    *********
    لما بكتب حاجه بخرج بيها شي جوايا وبعدين انا علي ادي خالث خالث

    والاهم ان انتوا بتقرو الللي جوايا

    وطووول براحتك وجودك بيسعدني اكيد

    ردحذف
  46. السلام عليكم ورحمة الله وبركاته

    انا مش قصدى النسيان بالمعنى الحرفى مفيش جرح بيتنسى
    بس قصدى مش هشغل دماغى انه يدوق اللى انا دقته او انه حتى يعرف قيمتى
    المشاعر بتبقى بيور جدا ومع اى حاجة تدخل عليها بتبوظ وبعد ما تبوظ خالاص بقى مفيش اى حاجة هتخلى الجرح يخف ولا كيد ولا اى حاجة:)
    بس كده

    بعد إذنك يا كيتي يا ثبحتي هرد على الكومنت ده ... احم احم

    لا يا برينسيس الجرح موش بيتنسي وموش بيدوم كمان
    كل الجروح بتلم وتخف بس مع الوقت لان النسيان في حد ذاته نعمه من نعم ربنا
    وبعدين في فرق بين النسيان والتناسي والتناسي ده احنا اللي بنصنعه عشان نقدر نكمل حياتنا وننجح ونركز في اللي بايدنا وبعدين بطلة العند موش قالت هتسيب حياتها وتفضى له بالعكس

    هي عشان تنسى بتخصص جزء من وقتها تتفرج على مسرحية خلاها هو بطلتها في يوم م الايام وعيشها في وهم بس قبل ما تنزل الستاره حبت تفرجه على المسرحيه بطريقتها وفضلت معاه لحد ما الكيل فاض بيها وقالت استوووب هفرجك على نهاية المسرحية لو كانت عايزة تشغل بالها بجد وتوريه الانتقام اللي بجد مهما كان حبها ليه مستمر او فاضل منه جزء او بايعاه زي ما باعها كانت قالت في كلامها عن كيد النسا وكيتي موش وضحكت ده ولا قالت ده ده اكتفت انها وصفت البطله كانت معاه ايه وهو معاه ايه وبعد ده كله وانه ينكد عليها بعد الوهم اللي عاشت فيه بسببه تضحك عليه في الاخر وهي بتعند وتبعد وتتفرج عليه وياسلام لو كانت الفرجه وهو زي الدبور موث نحله ان النحله موث بتاذي لا انا من رايي ان البطل يكون دبور وبيروح لك زهره شويه نفسه يقطف منها اللي يقدر عليها ولذلك هو اللي جابه لنفسه دبور وزن على خراب عشه لانه اختار بطله ممنوع منها الاقتراب او التصوير ولو قرب ليها بجرح هيترد له كده كده من ربنا كما تدين تدان لكن هتعمل قرصة ودن لعل وعسى يفوق ولو فاق موش معناه هتبقي عليه زي ما شربت جزء م الكاس هتخليه يكمله كله وتزوده عشان يشوف زي ما قالت حرقة انتقامها لو فكرت بس تنتقم هيكون طعم الكاس في حياته وليس فمه شكله ايه

    وياريت كل ولد يفهم كلام عنادية كويس ويفهم ان جرح النثى موش الساهل وموش في بنت هتموت بجرح ولد ليها لانه قوي جسديا لكن بقوة وذكاء الانثى لا يوجد

    فحرصوا بقى يا رجاله ههههههههههه

    فهمتي عنادية بقى كيتي تقصد بيها ايه يا برنسيس

    سوري يا قطتي على المداخله معلثي بس توضيح كان لابد منه

    لاني انا كمان زيك عناديه ونث

    اموااااه حبيكي خالث يااوحي

    في رعاية الله

    ردحذف
  47. برنسيس

    ********

    ميرو ردت عليكي ياقمر واعتقد انها وضحت قصد عناديه ايه

    ردحذف
  48. نهار

    ****

    ايوه ياقمرتي هو ده الكلااااااااااااام

    ردحذف
  49. جميلة جدا ونهايتها بالذات عجبتنى جدا
    برافو عليكى

    ردحذف
  50. الحمد لله ان النهايه عجبتك ياقمر

    وهو ده الكلام

    ردحذف
  51. العند من الصفات المميزة فيا بردو
    بس اللى بيحب اوى مش بيحاول يجرح غير لو اتأذى اوى وبيتقلب الحب لكرة كبير جدا بيكون هو الدافع على ما اعتقد :D

    ردحذف
  52. يا نهار ابيض

    بقى دا كله يطلع منك

    ربنا يكون فى عونه

    ردحذف
  53. انا اعلمت ان اللي يعند م حبيبه


    يبقي اما بيدلع عليه او انه بيحبه بس مش عاوز يظهر حبه ليه

    :d

    ردحذف
  54. ازيك ناسف على التاخير
    وعدم قرات باقي المواضيع
    وبعدين ايه الجمال ده انت بتقولي اشعار ولا ايه
    هههههههههههه
    بس معلومة العناد مش هيفيد كتير

    ردحذف
  55. لالالالالا
    فى حاجة غريبة
    ثوانى اغسل وشى وارجع اقرا تانى
    اصلى لسه صاحى يا دوب

    ايه الحرب دى كلها
    ايوه كده
    جه اليوم وشافت عينى رجوع كيارا من تانى
    لكن بقوة مش عند
    قالوا العند يولد الكفر

    احلى حته
    لكن هضحك وأغيظك بنهاية المسرحية
    من يضحك اخيرا يضحك كثيرا

    سلام
    لأ ثوانى
    عندية وليس عنادية

    ردحذف
  56. مش دايماً العند بينفع ساعات السياسة بتجيب نتيجة أفضل
    حاولى تقللى شوية من درجة عنادك عشان ساعات بنندم على حاجات عملناها لمجرد العند
    تحياتى , أحييكِ على الشكل الجديد للمدونة

    ردحذف
  57. السلام عليكم ورحمة الله وبركاته

    يا كيارااااااااااااا يا جامد

    ايه الحلاوه دى لالالالالالا كلام جامد اوووى

    وعجبنى جدا

    معلش بقى بقلنا كتير مختفين

    وهنختفى شويه كمان علشان الامتحانات

    ادعلنا بقى

    فى رعايه الله

    joker

    ردحذف
  58. السلام عليكم ورحمة الله وبركاته
    كيار ازيك
    ايه الجمال ده كله
    فعلا احنا البنات عنادين جدا ولم بنحب نعمل حاجه بنعهملها حتي لو ها نخسر
    تحياتي

    ردحذف
  59. البوست جميل .. ولكن لا احد يستحق دمعة من عيونك الجميلة فأنت محقة اللى يخون مرة يخون ألف مرة ... فحقك ان ترفضى الخيانة .. ولكن اذا شوفتى التوبة فى عنيه " توبة صادقة " .. سامحى واغفرى وأبدئ حياة جديدة .

    نفرتارى

    ردحذف
  60. حبيبتى كيارا
    قصيده حلوة قوى
    بس الخاين مايستاهلش يتعمله قصيده من اساسه
    يستاهل جزمه بكعب رفيع تخرم وشه
    تحياتى ليك وكل سنه وانت طيبه

    ردحذف
  61. حلوة جدا البوست بجداكتر من رائع

    ردحذف
  62. ازيك كيارا

    ايه الكلام الجامد ده
    بس بجد حلوة جدا

    واتفق جدا مع برنسيس في اللي قالته
    ولو كان لبعض الرجال كيد عظيم سيظل كيد النساء أعظم

    تحياتي يا ضي القمر

    ردحذف
  63. انا شايفه ان الحب احيان كتير بيبقى مزيف واحيان بيبقى وهم
    لكن الي متاكد منه ان الانتقام ده بيبقى نابع من شيء واحد هو الحب الجامد اوووووي
    حلو اووووي الاسلوب ده دمه خفيف ويخليك تقري للاخر

    ردحذف
  64. السلام عليكم...

    الله ايه التنوع ده

    لاهنسى ولا هسامح ولا أقول ربي يسامح

    لكن هضحك وأغيظك بنهاية المسرحية
    ********
    بس انت صعبه اوى يعنى حتى مفيش امل تسامحى ابدا كده


    عموما بوست حلو
    ارق تحيه

    ردحذف
  65. يا ساتر يا رب

    الكلام جميل بس تقيل قوي

    بس اكيد الشخص ده يستاهله

    على العموم كويس ان الانسان يبقى قوي لان الغابة اللي احنا فيها للاسف مابينفعش فيها الا النوعية دي بس طبعا مش مع أي حد مع اللي يستحق بس ولا إيه؟

    تحياتي

    ردحذف
  66. جميل اوى اسلوبك يا كيارا فعلا اكبر رد للكرامه ان الانسان اللى جرحها يرجع لها تانى بعد ما يحس بقيمتها وانه فعلا ما يقدرش يعيش من غيرها لكن انا مش معاكى انها تبقى عناديه وتاخد جرح قصاد جرح كفايه اوى انها عرفته وانها ترفض ترجع له لكن واحده بواحده دى اكبر غلط والجرح ما يتردش عليه بجرح هى تسيبه وبكره هتشوفه وهو بينجرح قدام عنيها لان ربنا مش بيضيع حق حد ويارب كلامى ما يزعلكيش تسلم ايدك ياقمر

    ردحذف
  67. على فكرة لو عندك اكتئاب مزمن تعالى فى ذكريات
    وانتى هتلاقى علاج سريع
    صدقينى

    ردحذف
  68. شوفتى الزهايمر ومشاكله
    انا كتبت باقى قصة الامير ذو المصير المحتوم فى ايام زمان
    اعذرينى على السريع لكن
    اوعدك قريب اهديلك القصة كاملة

    ردحذف
  69. انا مش بقيت مش فاهمه هوانتي رجعت لي مدونتيك الاول فاهمني حاصل رودي عليهفي مدونتي

    ردحذف
  70. السلام عليكم ورحمه الله وبركاته

    مش عارف اقولك ايه ياستاذة

    بس حسيت انوا مترصدلكوانتى بتديلوا على دماغوا بس لسى مش مسكتى فيه لما تمسى فيه خناقه يعنى ابقى ابعتيلى اتفرج وانتى بتضربيه
    بس كلام بجد بقى

    لو هو حس بغلطتوا وعرف قيمتك صح ونادم على انوا تركك فلا داعى للكلام دا كلوا وصفحه جديدة مش هتخسر

    وانتى وتفكيرك


    دمتى بخير

    كل سنه وانتى بخير

    ردحذف
  71. طب كنتى فى الاخر طلعي مطوه وغزيه يا بت

    ههههههههههههههههههههههههه

    ردحذف
  72. كيارا

    بجد موضوعك جامد جدا

    العند دا يا بنتى اخرته وحشه
    هههههههه
    بالتفاهم والنقاش اكيد بيبقى فيه حل

    وربنا يوفقك

    ردحذف
  73. على الرغم اني شامم ريحة حرب على الرجاله
    انما الراجل اللي يعمل كده يستحق فعلا ياخد على دماغه بالشبشب بلاش بالجزمه
    بس بتهيالي تطبيق كلامك ده عملي بيباه صعب شويه
    لان اللي بيحب بيسامح وبيغفر
    مهما كان الذنب اللي حصل

    تحياتي

    ردحذف
  74. وحياة دموعي الغالية وقلبي اللي حبك

    هتشوف واحدة تانيه تكسر بايدها قلبك

    و هتتعذب عشانها من حرقة انتقامها

    وترد تقول لقلبك تستاهل علشان خانها

    *****&*****
    ياريت الكل يبقي كده :)

    ردحذف
  75. حلو قوى الموضوع دة ياريت تبعتيلى شوية اسوة لحسن انا مبعرفش ومبأدرش عليها ........تحياتى لكى

    ردحذف
  76. مولان...كيارا
    ..........
    حبيت اسلم عليكي بس..
    واقوللك ان البوست ممتع
    ...
    سلام :)

    ردحذف
  77. كيارتي الجميله وحشتيني والله ،
    انتي طبعاً يا كيارتي عارفه رأيي كويس في كلامك بجد إبداع والمره دي تحسي الكلمات ، كلمات أغنيه ومتلحنه جاهز كمان ،
    متميزه جدا يا عنديه
    ما تحرميناش من الكلمات الجامده دي لسه عندك كتير وانا عارفه كده كويس،
    سلام بقه يا حبيبتي

    ردحذف

عنــــــــادية


عنادية فكرت تتحداني
ونسيت يا حبيبي انا مين
روح إلعب على ادك
وشوف طريقك فين
ده انا لو بصيت في عينيك
هشوف انسان خاين

والطبع فيك غلاب

واصيل وباين

ولو بصيت في عينيا
هتلاقي واحده تانيه
من غدرك قسيت قلبها
وبقيت عليها هاين
وكمان جاي تتحداني
وتقول هرجعلك تاني
طب فوق من وهمك
فوق وبلاش تبص لفوق
ده لسه عنادي جاي وريني مين هيطبطب
ويقولك اهدى و روق
وحياة دموعي الغالية
وقلبي اللي حبك
هتشوف واحدة تانيه
تكسر بايدها قلبك
و هتتعذب عشانها
من حرقة انتقامها
وترد تقول لقلبك
تستاهل علشان خانها
صدقني هتقول كده
وتقول أكتر من كده
ما انا هعمل فيك وفيك
اللي اكتر من كده
عرفت إني عنادية
ودي آخرة عمايلك فيا
لاهنسى ولا هسامح
ولا أقول ربي يسامح
لكن هضحك وأغيظك
بنهاية المسرحية

عن الكاتب

Kiara بنت مصريه بحلم بدنيا صافيه مش فيها غدر وكل اللي فيها اننا نحب بعض مش لهدف ما لكن نحب بعض عشان نشوف الدنيا صح

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

عالــم مــولان