الاثنين، يناير 12، 2009

اشطة وبقينا في التراوه

ممممممممممممم الموضوع المره دي عن حاجه مهمه جدا حاجه


بتستنزف طاقه الشباب

هي المخــــــــــــــــــــــــــــــدرات

انا في البوست ده لا هجيب لينكات ولا هعمل حاجه هتكلم عن حالات حيه اتكلمت معهم بنفسي

الاول كتير هيقولوا ازاي زرت ناس مدمنه

انا كنت شغاله في مستشفي من سنه تقريبا المهم كان بصفه وظيفتي

من حقي ادخل اي اوضه واتكلم مع اي مريض واشوف محتاج ايه


وكده كمان فيه الهول كان المرضي اللي بيقدروا يقوموا كانن فيهم ناس


بتقعد فيه كان في حوالي 3 حالات مدمنين الدراجز مش ينفع يعدي

الموضوع عليا كده

كان في حاله عليها هاله كده من الغموض والده طالب من الدكتور ان ممنوع


اي

حد يكلمه لا من شغله ولا خطيبته ولا اي حاجه

ولو حد سال عنه مش قولوا انه مدمن دراجز

المهم الشخص ده اقول ايه شكله فعلا من الشباب اللي هما بيحافظوا


علي نفسهم شكلا وموضوعا وعقليا وانه متربي جدا

استفزني اوي الموضوع المهم بقيت اجمع معلومه من هنا علي معلومه من هنا

معلومه من الممرضه المسئوله عنه علي التشخيص المبدئي


وطبعا مدمنين الدراجز بيبقوا في اوقات في حاله هياج واوقات تانيه


كويسين المهم اتكلمت معه

كان الحوار الاتي

انا السلام عليكم


ممكن اتكلم معاك شويه

هو قالي اتفضلي

قلتله في سوال محيرني بجد من ساعه اما جيت هنا

قالي اقولهولك

قلتله قوله

قالي انتي بتقولي ازاي انا كده وضعفت وادمنت

قلتله فعلا

قالي انا من الناس المتميزه في دراستها وعملها ولا يمكن كان يخطر


في بالي في لحظه ان ممكن ادخن سجاير مش اني اشرب دراجز

قلتله امال ليه

قالي الموضوع كان تحدي بيني وبين اصحابي واديني وصلت للدرجه دي


بس انا مش حالتي خطيره انا بتعالج في الاول قبل اما اوصل لدرجه موحشه


قلتله فعلا النرس قالتلي كدا

طيب ليه مانعين عنك اي تليفون من اصحابك من الشغل

قالي انا واخد اجازه بحجه اني هعمل عمليه الزايده

كمان لو حد عرف من شغلي هيسبب مشاكل ومش بعيد يطردوني

كمان انا شغلي حساس جدا لازم اكون واعي جدا لكل شي

قلتله صح كدا طيب وخطيبتك مش المفروض تكون معك في ازمه زي دي


بالعكس قربها منك هيديك العزيمه انك تستمر في العلاج

قالي بصراحه انا متاكد ان لما هي تعرف اللي انا فيه اول قرار هتاخده


فسخ الخطوبه مش هيهمها ان كنت لسه في اول الموضوع او لا

قلتله لو بتحبك هتستمر معك قالي ده في الاغاني يانسه مفيش حد بيحب


حد كله بيجري ولا مصلحته

كلامه كان محتاج نقاش بس قلت بلاش اتكلم في اي نقطه غير الدراجز

المهم قالي انا هدخل انام دلوقتي تؤمري بشي

قلتله لا شكرا

بعدها بيومين اتكلمت مع واحده كويتيه جت مصر تتعالج من الدراجز برده

بس كلامها بقي كان صعب والصوت تحس انه راجل بيتكلم

انا بصراحه مش كنت افهم ليه خاصه ان نبره الصوت مش فيها


اي شي يدل علي انها انثي

المهم سالت قالتلي انها بتشرب شيشه وسجاير وبانجو وقالت


حاجت كتير كده الصراحه مش عرفت افتكر الاصناف لما روحت

المهم فهمت انها مدمنه تقيله وجات المستشفي كتير وتتعالج


وبعدها بفتره ترجع كما كنت وترجع

وهكذا ولما سالتها ليه وكده مكنتش بتجاوب زي التاني لا قالتلي


دي روشنه هو ينفع مشربش كنت اتفضح

وقامت ومش فهمت منها حاجه

المهم نزلت ارشيف المستشفي بصراحه يعني ( عملت نفسي بساعد المسئول عنه


في ارشفه سنه 2007 ) عشان اقدر اشوف الحالات اللي دخلت من زمان


خاصه بالدراجز

وقعدت في الارشيف حوالي شهر كامل بارشيف 2007

لاقيت حالات كتييييييييير جدا وحالات هروب المستشفي وقفت فيها علي رجل واحده

وبلاغات وبوليس وشغلانه ملهاش اخر

طبعا في حالتين كمان اتكلمت معهم بس حفاظا علي وعدي ليهم اني


مش هحكي لحد انا مش هقول حاجه عنهم لكن برده السبب الاصحاب


والشكل الاجتماعي وان لو مش شربوا هيبقوا عيال

ليه مش بنفكر ان في جهات عاوزه تغيب عقولنا عشان عمرنا


مانتقدم ابدا

ليه مش نفكر ان في ناس مش عاوزنا لا نقدر نقول اه


ولا نقول لا نبقي في التراوووووووووووووووه

0 كلام قلوبهم: