الأربعاء، يناير 28، 2009

قلبي يدمع دما

قبل اي كلام عاوزه اقول لصحبتي وبنتي وحبيبتي ليدي اللي اعرفها من 3 سنين كل سنة وانتى طيبة وكان نفسي اعملك احلي كرنفال بس انتي عارفه ان نفسيا مش متظبطه كل سنة وانتى طيبة يااحلي بسبس بالكسره :) 
 
~~~~~~~~~~~~~~~~~~~~~~~~~~~~~~~~~~~~ 
 
البوست دا كتبته قبل كدا زمان ومش عارفه ليه عاوزه انزله دلوقتي


قلبي يدمع دماً كان ياماكان في ذات الأيام ... 


كائن أسمه إنسان شق طريقه وجد فيه ورود و أشواك ...


و من الناس الوان و هذه طبيعه الحال .... خير و شر .... 


في كل زمان ومكان و لكن و من الصعب أن يقابل إنسان ...


أشواك تقتله و تدمره و تهدم أمانيه أشواك تعلم جيدا ماذا يريد 


و بماذا يحلم و تكون هي سبب ضياع حلمه و تجعله غريب عن داره غريب مع نفسه


و الأصعب من ذلك عندما ينخدع الإنسان في هذه الأشواك و يتوهم إنها ورود 


و يسقيها و يرعاها بحبه و حنانه و عندما تكبر هذه الورود و تتفتح يتفاجئ أنه كان يزرع


أشواكاً في أحضانه أشواكاً تتغلغل الى قلبه و تجرحه و تجعله ينزف دماً و الأصعب من هذا و ذاك 


الورود التي بها أشواك و هي تعتقد أنها ورده حانيه تعمل لصالحك وحمايتك لكنها لا تدرك ماذا تفعل 

بك فتكسر ظهرك و تجد نفسك بلا ظهر يحميك فتكسر قوتك و تجد نفسك ضعيف أمام الجميع فتنزف 


و تنزف أمامها و هي تقف موقف المشاهد أمام ضحيته فهي لا تعلم أنك ضحيتها و بشوكها ... 


جرحت قلبك و جعلته يقطر دماً و ما أصعبه جرحا الذي يجعل القلب ينزف دماً 

 




 


و ما أقصده فيما ذكرت هو أن أحياناً نعطي الثقه لإناس ليس أهل لها 

  و للأسف نتوهم أنهم الحضن و الامان لنا و بأيدينا نعلي ونكبر من مقامهم عندنا


و بعد فوات الأوان نتفاجئ بهذه الورود خنجراً و نحن من صنعناه بأيدينا 

و أيضاً نحن أول من غرس سنه في قلبنا يالله على مثل هؤلاء الإناس

و لكن أظلموا كما شئتم 

  خونوا الثقه كما شئتم

أجرحوا كما شئتم 


  أقتلوا الاحلام كما شئتم


فالديان لايموت أبداً 

تحياتي كيارا

63 كلام قلوبهم:

الازهرى يقول...

اوووول تعليق

الازهرى يقول...

هييييييييييه
انا لسه واصل واول تعليق

الازهرى يقول...

تحيا مصر
تحيا مصر

كيــــــــــــارا يقول...

ههههههههههههههههه

اه اقعد احجز بقي وخلص التعليقات :))

الازهرى يقول...

وكمان تعليق

كيــــــــــــارا يقول...

هههههههههههههههههه

شكلك ناوي تعمل الرقم القياسي :)

الازهرى يقول...

يا خسارة كان نفسى اضرب الرقم القياسى عند ابو على

الازهرى يقول...

بقى كده تضيعيه منى
ما علينا

كيــــــــــــارا يقول...

اضيع ايه بس عاااااااااااااااااااااا

الازهرى يقول...

انشر موضوعى الجديد وبعدين اقرا واعلق

كيــــــــــــارا يقول...

اوووووووووكش انشره وتعالي اقرا براحتك

الازهرى يقول...

بعد عتاب كبيييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييير جدا

كيــــــــــــارا يقول...

عتاب لييييييييييييه ؟؟؟؟؟؟؟

وومن يقول...

مش عارفة اقول ايه بس حاسة كأني بتتكلمي عني وأكيد ناس تانية هاتحس كدة برضة يمكن علشان هي دي طبيعة البشر

يمكن

كيــــــــــــارا يقول...

اكيد ياوومن

كتير هيحس الكلام دا الكلام دا من قلب موجوع وشاف كتير :(

الازهرى يقول...

الكارثة الكبرى فى ان الجراح تخلى الانسان

غريب مع نفسه

لان ده معناه ان الرجوع بقى صعب

وان المشوار اكيد طويل

حاسوباتيه يقول...

كلمات جميله فعلا وبتعبر عن حاجات كتير جوانا

BA5MA يقول...

كيارا
مدونتك جميلة زكلامك اجمل
دة اول تعليق ليا وانشاء الله مش الاخير

تقبلى مرورى
تحياتى
بسمة

hak يقول...

الف الف شكر على مدونتك الجميله
افلام اغانى فديو كليب افلام عربية - افلام مصريه -صور بنات,صور فنانات,صور هيفاء وهبي,اليسا,نانسي عجرم
مسلسل التركي المسلسلات التركية فيديوهات عربية - مسلسلات تركية - مسلسل لحظة وداع - مسلسل الاجنحة المنكسرة - مسلسل الحلم الضائع - مسلسل ويبقى الحب

http://afla2am.blogspot.com
http://afla2m.blogspot.com

romansy يقول...

الجراج واخداع اوقات بتكون موجوده فى الدنيا بس نتمنى انها تتبدل وتتملى الدنيا بالامل
حمد الله على سلامتك يا كيارا
ارجعلنا بدمك الخفيف زى الاول بقى

إشراقة أمل يقول...

كيارا
كيفك
بوست رائع
كلام طالع من القلب ويحس فية كل انسان
صعب جدا انك تحسي بالخيانة من اعز الناس ليكي
بس هي حال الدنيا كدا يوم ليكي ويوم عليكي
هون الله عنكي وعن كل من يشعر بهذا الاحساس القاتل
تحياتي
اشراقة

موناليزا يقول...

يكفى ان كل منهم يأتى يوم القيامة يحمل لواء غدرته

هانى زينهم يقول...

اكتر حد بيحس بالغدر هو اكتر انسان بيحس . وصدقينى الغدر اول سلاح ضد صاحبه لانه مش بيامن لحد بعد كدة .وكفاية انك تحسى انك ما ظلمتيش ولا خنتى وده فى حد ذاته حاجة مريحة جدا مهما تعبنا منها شوية فى الاول .

جمعاوي صاحب "عيادة أسنان" يقول...

السلم عليكم كيارا

بصى انا صراحة موضوعك ده ممكن تقولى شبه عملى صدمة مش عارف الكلام ده هتستغربيه واللا ايه بس الموضوع ان كلامك...
---------------------
و ما أقصده فيما ذكرت هو أن أحياناً نعطي الثقه لإناس ليس أهل لها


و للأسف نتوهم أنهم الحضن و الامان لنا


و بأيدينا نعلي ونكبر من مقامهم عندنا


و بعد فوات الأوان نتفاجئ بهذه الورود خنجراً و نحن من صنعناه بأيدين
---------------------------

الكلام ده او الفكرة دى مخليانى عامل شبه حاجز بينى وبين الكثير من الناس خوفا من هذا الخنجر

المهم ربنا يعينك ويسترها علينا جميعا

وطبعا لازم أشطر حضرتك على دعائك الغالى لى علشان الامتحانات وربنا يبارك فى حضرتك ويلا سلام

maioya يقول...

الديان لايموت
وفي حاجه تانيه
الواحد مش بيتعلم ببلاش
لازم ينكسر مره واتنين
عشان يبقي اقوي ويعرف ان الناس مش زي بعضها :))

بنوتة يقول...

السلام عليكم
كلماتك جميلة جدا ومعبرة
بس ياريت تحاولى تخرجى نفسك من الجو السئ ده
تحياتى ليكى

لحظة تأمل يقول...

كيارا الجميلة

قلتى كلام بيحصلنا كلنا وكتير كمان
وساعات بيتسبب اننا نحس بغربة

بس متخليش ده ياثر عليكى وقت كبير ولا ياخدك من نفسك
لسه فى ورود بجد

دمتى بخير

Nabil يقول...

السلام عليكم...

ازيك اخبارك ايه؟؟ يرب يكون كله تمام

كلام جمييييييل جدا ومعبر جدا جدا

اطيب تحيه وسلامى ليكى

زى الهوا يقول...

ايه المود دا ياكيارا ؟؟؟

حاولى تكونى اقوى من كدة

صوت من مصر يقول...

يا كياره لو الدموع بتنفع كنا دمعنا بدل الدم انهار ؟
لكن للاسف ملهاش ذنب الدموع تنسال ؟

smilyrose يقول...

وحشتينى قوووووووووووووى

ومحتجالللللللللللللك

كلامك وجعنى جداااااااااااا

وكأنك دخلتى جوايا وحسيتى باللى بيه

انا قربت انهار بكل المقاييس

مش عارفة ليه كل العذاب

ليه كل الجراح

ليه كل الألم

هو الذنب دلوقتى اننا نحب

ونعيش ونحلم وفجأة يتحول الحلم لجحيم

حرااااااااااااااااااام

smilyrose

روح الحب الصادق

mohamed ghalia يقول...

هى دى المشكلة إننا ممكن ندى الثقة لشخص ميستحقش
بس لازم نقوم بعد كل موقف ونكون أقوى من الأول
والمهم نتعلم كويس
دمتى بكل الود
أسعد الله أيامك دائما

Lady E يقول...

نونا يا حبيبتي بصي بقى هذه ارادة السماء كل سنة في نفس ذات الوقت بتبقى زحلانة عااااااا ومش بتحتفلي بعيد ميلادي بصي بقى السنة الجاية مش هعديها نو نو نو مش هعديها خااااالث خالث خالث

وبعدين يا نونا روقي يا حبيبتي مفيش حاجة مستاهلة فعلا الديان لا يموت وكما تدين تدان

وضاع العمر يا والدي بقالنا 3 سنين نعرف بعضياتنا بس بجد احلى 3 سنين
انتي احلى اخت وصديقة وربنا يسعدك و ميحرمنيش منك يا قمرايا

قطرات من شواطئ الحياة يقول...

كيارا بجد كلامك في البوست ده أثر فيا أوي .. شوفت فيه حاجات كتير حصلتلي و حصلت لناس بحبها
بس كان لازم دايما بعد ما نقع نتعلم إزاي نقوم تاني بسرعة لأن الحياة ماينفعش تقف علشان جرحنا لازم نكمل و نتأكد إن بعد كل غروب فيه شروق حيجي يبعد ظلمه و يبدله بالنور

تحياتي لقلمك المبدع

Dr Ibrahim يقول...

فعلا الديان لايموت...

يابن آدم افعل ماشئت فكما تدين تدان

ولكن ايضا اريد أن اقول

اللى يكسرك يقويك

فغالبا ما يكون الالم والظلم والاشواك التى فى حياتنا تنير شمعة والتى تكون بمثابةدافع لحياة جديدة جيدة..

تحياتى

Soul.o0o.Whisper يقول...

السلام عليكم و رحمة الله و بركاته



كيورى

أولا : مبروك التامبلت الجديد يا قمر

ثانيا : وجعتى قلبى يا كيتى والله
فعلا .. اللى يمشى فى دنيا البشر دى ياما يشوف

و المشكلة ان كل واحد شايف ان اللى بيعمله دا فى مصلحة الشخص اللى قدامه
و دا طبعا من وجهة نظره هو
لكن لو يبص للامر من وجهة نظر الشخص اللى فعلا بيعمل له الحاجة دى
اكيد كان الوضع اتغير


بجد يا كيتى أنا فعلا أيقنت ان حديث رسول الله -صلى الله عليه و سلم- دا صح مليون المية " أحبب حبيبك هونا ما عسى أن يكون بغيضك يوم ما ، و أبغض بغيضك هونا ما عسى أن يكون حبيبك يوما ما "




هون الله عليكى حبيبتى
و خفف عنك ، و رزقك الرضا ..
آمين




خالص ودى يا قمرى

شفقة هانم واحسان بك يقول...

حلو اوى اوى يا كيارا
كل سنة وليدى طيبة

Habiba يقول...

فهمت المضمون من الاول اللى بيرويه وبيكبر قلت اكيد فى الاخر هيشوكه

وياما روينا ورد وطلع شوك
واديكى قلتى الديان لا يموت
ازيك ياقمرى عامله ايه؟

ربنا يبعد عنك الاشواك يارب

محمد عبد الباسط يقول...

والله كانك قرأتى ما بقلبى
صدقتى والله فى كل كلمة حتى انا احيانا اجزن لثقتى فى الشخص ده اكثر من جزنى على فعلته فى ولكن الديان لا يموت
بورك بكم وتقبلوا تحياتى

حلم كبير

ضد التيار يقول...

اولا مبرووووك شكل المدونه

بس ليه السواااااااااااااد .. ايه الحكاية هو كل اللى كان بيطلب تفتيح المدونة

بقى هو اللى بيغمق المدونة بتاعته .. ايه هى شوطة فى المدونين ولا ايه )):

ثانيا كل سنه و ليدى طيبة

ثالثا بقى ربنا يسامحك على رجوع البوست ده )):

Soooo يقول...

الشوك بيبقى موجود في الورد .. عشان نتعب شويه ونقدر نشيله ونحس بحلاوة الورده وهي في ايدنا
والدنيا كده برضه
فيها شوك
ولازم نشيله بنفسنا عشان نقدر نحس بحلاوة الدنيا





سلامووووووووووووز

ريهام العربي يقول...

ايه ده ايه الحلاوه دي مش عارفه هو انا اللي فقد الذاكره كالعادي يعني ولا فعلا استايل البوج اتغير المهم انو جاااااااااااااااااااامد جدا جدا جدا اقراء البوست وبعدين ارجع احط كومنت يا سكره

ريهام العربي يقول...

ياااااااااااااااااااااااااااااااةة ليه بس هو انا ناقصه تقليب مواجع يا كايرا بس بجد بوست حلو وحقيقي جدا جدا وبذات الجزء ده

((أحياناً نعطي الثقه لإناس ليس أهل لها


و للأسف نتوهم أنهم الحضن و الامان لنا


و بأيدينا نعلي ونكبر من مقامهم عندنا


و بعد فوات الأوان نتفاجئ بهذه الورود خنجراً و نحن من صنعناه بأيدينا


و أيضاً نحن أول من غرس سنه في قلبنا


يالله على مثل هؤلاء الإناس ))

الجزء ده وانا بقراه حسيت كان جرح جوايا كان متغطي بشاش وبدا يطيب بس الشاش كان لازق علي الجرح وانت جيتي نزعتيه بكل قوة

مع الاسف النوعيه دي انا موعوده بيها من زمان لدرجه اني بقيت بخاف وبحاول اخلي علاقاتي سطحيه مع اللي حواليه


بوست موجع لكن واقعي 100%

تحياتي :)

وردة يقول...

اول ما قريت البوست دماغي لفت 360درجة واسترجعت شريط الذكريات
وملقيتش ابلغ من كلماتك للتعبير عن اللي حسيته
احنا فعلا بنرعي الشوك ونرويه ونحتضنه علي اساس انو ورد جميل
ابدعتي ياعزيزتي
بجد برافووووووووووو
سلام

حسن حنفى يقول...

اصعب احساس اما يكون فيه انسان انت مديله كل ثقتك وحاسس

ان لو كل الناس خانتك هو مش هيخونك وهيفضل جنبك

وتضحي بحاجات كتير علشانه وفي الاخر تكتشف انه مجرد اشواك

وانت اللي زرعتها بيكون احساس قاتل ممكن يخلي الانسان مش يثق في حد تاني


:(

فراشة يقول...

جميل اوى يا كيارا
كنتى مخبيه الكلام ده فين
كل سنه وبسبس طيبة وعقبال 100 سنه

بنت الغربة يقول...

ايه اللوك الجميييييييييل قوى ده؟؟
كلامك حلو قوى ياكيارا
بجد بيمس القلب
بس والله الواحد فيه اللى مكفيه ..
بس اسلوبك زى العسل
تحياتى

princess يقول...

ليه الحزن ده؟؟:((

البت المشمشية حلوة بس شقية يقول...

عجبنى النيو لوك ده موووت شبهك خالص

mosh 3aref يقول...

ازيك يا كيارا
يارب تكونى بخير

بس خديها نصيحه الدنيا فعلا مش بتقف على حد لازم نكمل حياتنا وننسى وان شاء الله ربنا يوفقك

تحياتى ليكى

عاشقه الرومانسيه يقول...

انا حاسه بكل كلمه قلتيها
لانى تعرضت لمواقف من دى كتيييييير
واخرهم كان موقف مع صديقه لى واسفه انى باقول عليها صديقه
كنت بافضلها على نفسى واحاول انى احل لها مشاكلها (طبع فيا ونفسى ابطله علشان ارتاح)
ووقفت معاها كتير وهى عارفه كده كويس
ومع اول مشكله حصلت معايا اتخلت عنى
ومافكرتش حتى مجرد تفكير انها تسال عنى ولو بالتليفون

هى دى الورده اللى زرعتها فى حضنى وطرحت شوك

قلبتى عليا المواجع والله

بس البوست رووووعه

تحيـــــاتـى

فارس القمر يقول...

فين خفة دمك ياكيارا

فين الروح الجميله اللى كلنا عارفنها

انتى فين؟؟؟

ليه دايما متذكرة الالالم والاحزان ووجع القلب
يارب تكونى بخير

محمد يقول...

والله
أن قلبى وعقلى ينزف سائل الحياه
حزنا على ما وصلنا اليه كبشر او حتى حجر
لكى تاج عندى

الوان الحياة يقول...

السلام عليكم
كيفك يا كيارة
حلو اقوي بس مولم جدا
بس انا بشبه بالسم في العسل
لانه حصل معايا قبل كده من اقرب صديقه ليه
تحياتي

ريمان يقول...

كياااااااراااااااا


ايه الجمال ده

المدونه شكلها جمييل اوى ورمانسيه

وااااااااو بجد

الله على ذوقك

عايزه اقولك ان النت بقاله يومين فاصل عندى

اسفه بجد ع التاخير


كلمات البوست صعبه اوى وبتكشف عن الحقيقه القاسيه اللى بتحصل مع كتير مننا

قلبتى عليا المووااااااااجع

kemet يقول...

السلام عليكم ورحمة الله وبركاته

معاكي حق في اننا بندي ثقتنا للناس وفي الغالب بيكونوا ميستحقوش والبوست دا من اول سطرين رنت في اذني غنوة عبد الحليم للشاعر الجميل الابنودي مشيت على الاشواك

لكن السؤال عزيزتي هو مين اللي اعطى الثقة مش احنا يعني بمزاجنا اكيد مش كل اللي اتخدعنا فيهم كانوا لابسين رداء الملائكه اكيد كان فيه اشياء بتدل على انهم مايستحقوش ما وهبناه لهم من ثقه بس الانسان البريئ لما بيحب الحب بتاعه بيكون زي النضارة السوده المعتمه مش بيشوف من وراها بوضوح لكن لما بيتوجع بيخلعها من على وجهه لكي يتأكد من سبب ما من الامه

تحياتي
الى اللقاء

مشمشه يقول...

السلام عليكم ورحمة الله وبركاته
ازيك يا كيارا عامله ايه يا رب تكونى بخير كلماتك جميله جدا وجت على الجرح بصراحه بس انتى قولتيها فى الاخر افعل يا ابن ادم ما شئت فكما تدين تدان والديان حى لا يموت ربنا يفك الكرب عنك يا رب

حـــــدوتـــــة يقول...

السلام عليكم

بوست جميل وياريت التفائل ده يتنقل لكل الناس

سلالالالالالالالالالالالالالالالالالالالالالالالام

roody hanem يقول...

بخخخخخخخخخ

ازيك يا كيارتى عامله ايه

وحشانى جدا اوى خالث والله

بالنسبه للثقه فانتى عندك حق فعلا فيه كتير بننخدع فيهم وبنديهم ثقتنا وهما ميتحقوهاش خالص

بس الحياه مبتقفش عندهم ابدا ولا عند خيانتهم لينا

لا بننساهم ونتعرف على ناس تانيه يكونوا محل لثقتنا دى وطبعا بنتعلم من اخطائنااللى قبل كده

بس بينى وبينك انا شايفه ان نفس الانسان هى الوحيده اللى تستحق ثقتنا دى لان البشر اخلاقهم اتغيرت واحنا كمان اخلاقنا اتغيرت انحدرت الاخلاق والقيم وبقىنا فى زمن الطيبه فيه بقت هبل

elsha3er يقول...

دى طبيعة كل البشر


تحياتى


احمد الشاعر

شبــ اون لاين ـــاب يقول...

و خصوصا لو كنتى بتعاملى الناس دول من القلب

و تلاقيهم مش اهل للثقه و خانوكى

احساس وحش اوى

و للاسف حصل ليا من قريب

بس حنعمل ايه



------------------------------
كان معك من امام الكيبورد
واحد مخه لاسع شويه
شبـــــ اون لاين ـــاب
الاسكندريه
----------------------------

fashkool يقول...

العزيزه كيارا
هكذا الحياه .. فيها الانسان .. والانسان يحكمه انفعالات شتى منها الطيب ومنها الخبيث .. وكل يفعل عقله ويسير وراء ما يهديه اليه اما الى الطيب واما الى الخبيث .. واذا حاولنا تجنب هذه الاشياء .. هيهات .. لان غير الانسان انسان وعلاقة الانسان بالانسان والانسان تختلف احلامه وعقوله .. والله هو المستعان وهو المنقذ وهو الحارس
تحياتى

ahmed_k يقول...

كل سنه وليدي بألف خير
وبالنسبه للبوست أقول ما قال الشاعر
أعلمه الرماية كل يوم
فلما إشتد ساعده رماني
وكم علمته نظم القوافي
فلما قال قافية هجاني

دمتي بكل خير