فوقي ياقطة احنا في غابه

السلام عليكم ورحمة الله وبركاته




عووووووووووووووووووووو انا جييييت نورت البيت 


طبعا كفايه حب بقي بقالي كام بوست شغاله احب في صبحاتي مع ان لسه في كذا صحبه ليا لسه ليهم مفاجاه بس صبرا ياكميل في يوم وانا في الجامعه وكنا فيها لحد الساعه 7 كدا كنت مروحه انا وصحباتي وكان كوبري الجامعه زحمه مووووووووووووووووووووت فقلت لاصحابي ماتيجي نتمشي الكل هب فيا نمشي كل ده يامفتريه قولتلهم وايه المشكله يعني وفعلا نزلنا واتمشينا من الجامعه لحد ملك الصالح يعني اكتر من المفروض كمان بس كنا مستمتعين جدا ماشين علي الكورنيش وبناكل ايس كريم بقي بس كانت ماما كل شويه تليفون عشان متاخره فاكنت بتسال ركبتي المترو ولا لا اقولها لسه تقولي خدي تاكسي اقولها مش هينفع لما هركب هكلمك مش مهم كل ده المهم واحنا ماشين بقي نلاقي اتنين اتنين وانا وانت ياقلبي بقينا فين نياهاهاهاها 


  لالا جد بقي  




كنا نلاقي كل اتنين قافشين في بعض كدا قله ادب والله معلش يعني هو لو بيحبك ياقطه كان عمره ماهيخلي الناس تبصلك بصه موش ولابد لو بيحبك ياقطه كان راح بابك وخبط عليه فوقي ياقطه انتي وهي ايه القرف اللي انتو فيه ده طب بلاش تفكري في اهلك اللي ربوكي وتعبو وسهروا عليكي بلاش تفكري في ربك اللي خلاكي كنز وجوهره صعب خدشها ووصي الراجل عليها يلاش تفكري في زوجك اللي هيتجوزك في المستقبل انه مش يستحق منك كل ده يلاش بلاش غوري يابت من وشي بدل اما تخرجيني عن شعوري هو لو بيحبك كان حماكي وخاف عليكي قدام الكل مش يقل ادبه وفي الشارع كتكوا الارف انتي وهو مليتوا البلد وبالبد اللي جنب البلد  


بصي ياقطه الحب شي جميل لكن لما بيكون قدام ربنا مش بتخافي ان باباكي ولا مامتك ولا حد يعرفك يشوفك معاه ادام خايفه يبقي بتعملي غلط افهمي ده كويس واخر كلام لاي بنت ممكن ترخص نفسها بنفسها هقولك مقارنه كنت عاملها زمان


المقارنه بين زواج شاب وفتاه علي سنه الله ورسوله وزواج شاب وفتاه عرفي او بالكاسيت او بالدم او.......او..........او........  




اي علاقه في العالم غالبا بتبدي ان الشاب بيري الفتاه في اي مكان شارع,جامعه,مواصلات.....,......... الفتاه شدته بنظرتها او بكلامها او تفكيرها او شكلها او............ او................. 




 نيجي للخطوه التانيه ان الشاب يروح يكلم البنت ديه مباشره لو الفتاه كويسه هيتلكك باي حاجه عشان يكلمها وطبعا البنت هترفض الحديث معاه اما لوالشيطان بيلعب بيها هنلاقيها كلمته بكل سهوله وخرجت معاه عادي خالص وانتو عارفين الباقي بقي 




 نيجي للخطوه التالته بالنسبه للبنت الاولي طبعا الشاب تعب علشان يكلمها فهيشوفها غاليه اوي وهيعمل كل مابوسعه عشان يوصلها وده عن طريق انه يتقدم لابوها وبكده هيكبر في نظرهاوبعدين بقت البنت غاليه لانه دخل من الباب مش الشباك اما البنت التانيه هيقولها احنا هنقضيها غرام وانتقام انا تعبت انا بحبك ومشتقالك وعاوزك تكوني مراتي امبارح قبل النهارده وانا معنديش امكانيات الزواج وازاي هقابل باباكي وانا معنديش اي فلوس ولسه...........ولسه.........ولسه.......... ايه رايك نتجوز وبعد كده اما الحال ينصلح ابقي اتقدملك ونغير العقد طبعا البنت هتتمنع في الاول لكن هتوافق مهو ضحك عليها بنغمه الحب شوفوا الفرق بقي ده اتقدم للبنت نفسها ومعملش حساب اهلها يعني رخيصه جدا جدا جدا في نظره والتانيه راح وخبط باب بيتها






  نيجي بقي لكتابه العقد الاولي ابوها وكيلها قدام الناس اواي حدكبير في عيلتها يبقي وكيلها واهلها واصحابها حواليها وبعد اتمام الزواج الكل بيدعيلها بالتوفيق اما التانيه هي والاستاذ لوحديهم اومعاهم شويه شباب صايعه .....اسفه في اللفظ وبيكتبوا ورقه مش مفهومه لافيها حقوق ولا شروط ولا اي حاجه نيجي للزفاف عروستنا متزوقه والكل حواليها ورافعه راسها وبتكون اجمل بنت في العالم اما التانيه بتبقي عاديه ورخيصه ولوحدها 




نيجي بقي وهما داخلين عش الزوجيه الاولي داخله بيتها ومعاها اهلها ومفتخره بنفسها ورافعه راسها والخجل في وجهها وبيتقفل الباب الي الابد باذن الله اما التانيه اي مكان بيرحوه شقه مفروشه اوايجاراو...........او........... بتبقي خايفه وبتبص حواليها لحد يشوفها




  الحمل الاولي يوم حملها بيكون اسعد يوم واللي حواليها بيعملو كل حاجه عشان يريحوها ويحافظوا علي البيبي بتاعهاوبتبقي فرحانه وهي في الشارع مش مكسوفه من بطنها مهو من حلال اما التانيه بيكون اسود يوم عليها وبتخاف لتتفضح وتلف علي الاطباء عشان تنزله وتروح للزفت اللي اتجوزته يقوم يهرب ويقولها انا لاقي اكل عشان اصرف علي عيل ويروح وميرجعش واهلها يعرفو وياما يقتلوها ياما يهربوا بيها وبتبقي ماشيه في الشارع حاطه راسها في الارض مهو من حرام  


نيجي ساعه الولاده الاولي الكل بيدعي سلامتها هي والمولود والتانيه الكل بيتمني موتها هي والمولود  


بعد الولاده الاولي بيبقي كل اللي شاغلهم اسم المولود التانيه كل اللي شاغلهم اسم ابو المولود اما 


الطفل يشد حيله الاولي بيكون عارف مين باباه ورافع راسه التانيه هتقعد تقوله سافر او مات او .........او.......... وفي الاخر بيعرف الحقيقه وبتبقي راسه في الارض واوقات بيحاول ينتحر  


كلمه للولاد ياريت تتقوا الله في اللي بتعملوه داين تدان  


ديه المقارنه من وجهه نظري يارب تعجبكم واسفه علي الاطاله انتظر مناقشتكم في الموضوع تقبلوا تحياتي