الاثنين، يناير 12، 2009

اقنعه الاحبه



من فتره كنت نزلت موضوع اسمه تجاره العواطف وان العواطف بيتاجر بيها

بعد مده اكتشفت حاجه اكبر وهي اقنعه الاحبه حاجه فوق اي تصور فيها لعب بالمشاعر والاحاسيس

الحبيب او الحبيبه بيلبسوا القناع ده

اصلا مينفعش نطلق علي اي محب لقب محب مدام لابس الماسك اللي بيزور بيه نفسه لمجرد انه يخدع مشاعر الطرف الاخر

الماسك ده سلاحه عشان يكون وسيله لاختراقه لقلب الطرف الاخر لكن بستغرب ازاي يقدر يلبس الماسك ده مده طويله

اللي اعرفه ان اي انسان مهما حاول يلون ويزوق في شخصيته بطول المده الالوان بتروح والزواق بيبهت وبيظهر

مهما كان مخبي وراه ايه


ازاي المحب يقدر يلبس الماسك ده لشهور وسنين

ازاي يعيش حياته ممثل دور مش دوره لمجرد انه يوصل لمتعه موقته ومزيفه مش من حقه ياخدها

ازاي يعيش الوقت ده كله بيكذب وبيالف وبيلف ويدور ومش هامه مشاعر الطرف الاخر وبيمشي ويدوس ويجرح


بتكون نتيجته ان الطرف الاخر بيموت مش شرط انه يفارق الحياه لكن كفايه موت القلب


اكبر كارثه

ليه نلبس اقنعه مع ناس كل ذنبهم في الدنيا انهم حبونا وكان كل همهم يسعدونا

ليه نلبس اقنعه مع ناس كان كل شاغلهم الشاغل الحفاظ علي مشاعرنا

ليه جاوبوني انا هنفجر عشان الاقي اجابه


للد رجه دي مشاعر الانسان بقت رخيصه عشان يتداس عليها


المجاريح بقوا كتير فعلا كل يوم

في الدنيا دي بيتولد مجروح كل يوم وكل لحظه وكل دقيقه


مجروح ممكن يدمر لانه مش باقي علي شي ماهو خلاص بيبقي شايف انه خسر الدنيا كلها

نصيحه لكل مجروح

مش اللي حب بضمير هو اللي بيخسر بالعكس كفايه انه لما يفكر انه قصر بيلاقي انه حب وبضمير وراعي مشاعر الاخر

اما بقي ان الطرف الاخر مش راعي المشاعر دي والوفاء والحب ده يبقي هو اللي خسر

خسر اخلاص شخص ليه خسر انسان بيفهمه من اول همسه


خسر انسان بيخاف عليه وياعالم هيقابل مين بعد كده هيلاقي اللي يعرفه معني الحق

وهيندم لكن هيكون فات وقت الندم


كلمه لكل مجروح :


ارفع راسك لفوق انت مخنتش انت ملبستش قناع وزورت وخبيت ودلست ويكفيك ذلك

يكفيك انك حبيت بضمير واخلاص


تحياتي لكل من لبس قناع في حبه واقوله خسرت كتير


تحياتي لكل من لم يلبس قناع واقوله حتكسب كتير طالما عندك ضمير بس انتظر هيجي اكيد اللي يقدر ده


تحياتي للجميع

كيارا

0 كلام قلوبهم: