الاثنين، يناير 12، 2009

حاجه غريبه

انا فاكره اني قريت موقف للرسول ان جار للرسول عليه الصلاه والسلام

بيرمي زبالته امام منزل الرسول وجه في مره مش رمي زبالته

فالرسول صلي الله عليه وسلم قلق عليه وراح سال عن صحته

النهارده بقي حصل موقف غريب استفذني اوي ويمكن قلت فين اسلامنا فين السماحه فين الطيبه

فين العقل فين الجيره ده النبي وصي علي الجار

مش هطول وهدخل في الموقف

انا طالعه من السلم لقيت طنط بترمي زبالتها قدام شقه جنبهم

استفذتني الطريقه وسكت بعدها نزلت اروح لتيتا لقيت عمو راح رامي الزباله بتاعت طنط

قدام شقتها بس بقي مفرغها من الكيس ومتنعكشه منظر غير حضاري

ولقيته حاطط حجر كبير قدام شقته

رحت سالت ماما هو ايه الحجر ده

راحت قالتلي عشان يبقي واقف قدام شقت طنط وشقته

وعرفت انهم اتخانقوا كتير علي المنظر ده وان الموضوع اوقات بيوصل

لتلفظ بكلامات خارجه وسباب وحاجه لاحضاريه بالمره

وهي بتحكيلي افتكرت سماحه رسولنا الكريم لما جاره مش رمي يوم الفضلات بتاعته راح سال عليه

مش حاجه تقشعر لها الابدان ان يكون فيه بين

اتنين كده مع ان عمو وطنط مش يعرفوا بعض اصل عمو جار جديد ومش يعرف المنطقه

بس اصلا فيه ناس مسئوله عن نضافه المدينه واصلا لو طط كل يوم بتاخد الزباله وبتوديها لمكانها المخصص

مش هتبقي فيه مشكله

بس ازاي لازم بقي نتطبع بطبع غيرنا مع ان رسولنا اللي هو احسن منااا بملايين المراحل مكنش كده

ليه مش نقتدي بيه
ليه نتخانق عشان حاجه زي كده
ليه مبقناش متحملين بعض

ليه بقينا كده ليه مبنقتديش برسولنا وحبيبنا المصطفي

0 كلام قلوبهم: