الاثنين، يناير 12، 2009

حسبي الله ونعم الوكيل


والله حسبي الله ونعم الوكيل فيكو



والله حسبي الله ونعم الوكيل فيكو ياعرب

ايه ده انتي داخله ليه كده يانيمو هو في ايه هما عملوا ايه ؟

عملوا العن شئ

" الكتاب الاوربيين في القرن ال18-19 ذكروا ايه ان الاسلام دين هرطقه ويطلقون عليه الدين المحمدي وعلي المسلمين اسم المحمدين وينسب مااصاب شعوب الشرق من تخلف ناتج عن اتساع فجوه التطور الاقتصادي والسياسي الي الدين الاسلامي ذاته ويزعمون ان هذا الدين يحض علي الكسل والتقاعس وليس العمل ولذلك لا نجاه لشعوب الشرق من التخلف الا باعتناقها المسيحيه واخذها بحضارتها "

فل عليه الكلام ده امتي كان في القرن 18 يعني ياناس من 3 قرون عملنا ايه بقي من ساعتها عشان نثبت عكس كلامهم فل شاطرين نشتري منتجهم وتكنولوجيتهم واحنا اهو بلد متحضر بنستخدم احدث الاجهزه طب تفهموا ايه بقي في الجهاز اللي بتستخدموه ؟؟؟؟



امال امتي هنرفع ايدينا ونعلي صوتنا ونقول يابشر الاسلام بيحثنا علي اننا نخترع ونطور امتي بس !

ده كل نظره الغرب للاسلام انه ديت تكاسل والله والله العيب مش منهم العيب فينا احنا عشان من قرون فاتت معرفناش نقولهم لا الاسلام بيهذب العلم مش بيقتله وهيعرفوا اصلا ان الاسلام كده كل واحد له بالظاهر ووليس الباطن

احنا عمالين نقول بيسبوا رسولنا بيهجوا اسلامنا بيحاربونا طب احنا حاولنا نقولهم بالفعل وليس بالكلام لا الاسلام عمره ماكان كده هيعرفوا ازاي لا بكلام ولا اعلام بالفعل فقط انهضوا بقي فووووقووووووووا كل الي شاغلنا مهاترات فلان عمل وفلان سوي وفلان زفت اصل الاهلي مخدش حقه من الحضري اصل الشامبو سيف هير بيعمل في بصيلات الشعر ايه اصل ده بيبصلي اصل المدير غاب فهفلسع منه اصل هعمل اجازه مرضي عشان عندي انفلونزا

كفاااااااااااااااااااااااااااااااااااااا اااااااااااايه

امتي بقي كل واحد يعمل اللي عليه امتي نرعي ضميرنا امتي

فوقوا احنا غرقنا كل شي بينهار حتي الاخلاق بس فيه لسه خير رسولنا قال كده عليه الصلاه والسلام يلا قبل اما يفوت الاونان كل واحد يفكر ازاي يدي للاسلام مش للبلد يلا اتحدوا وعلوا دينكم مش بالشعارات ولا بالكلام

معلش بقي فقره وانا بذاكر قراتها واستفذتني وكتبت بقي الكلام ده

لكم تمنياتي بالتوفيق

0 كلام قلوبهم: