الاثنين، يناير 12، 2009

عيد ميلادي



من اووووووووووولها اللي هيدخل هنا لازم المصااااااااصه

اممممممممم النهارده عيــــــد ميــــــلادي

يوم كده يعني مش طلع ليه شمس ولا نور طبعا مهو انا اللي جيت تبعا تبعا

سمعاكو ا بتقول ضلمت البيت

عااااااااااااااااااااااااا انا ضلمته انا .....

كل اللي بيجي عيد ميلاده بحس انه حزين يمكن لان العمر بيجري بيه

او لانه اتالم في حياته كتير

يمكن انا نفسي كان مر في عيد ميلادي اللي فات كده

وقلت اهو سنه بتزيد في عمري وخلاص

مش اقدر انكر ان السنه اللي فات اتالمت فيها كتير

بس انا مبسوطه اوي

بعيد ميلادي ده حسه ان هبدا حياه جديده حاسه ان ماما بتولدني النهارده

في اليوم ده حسه بصرختي وانا بخرج منها

وبيقولولي حلاقاتك برجلاتك كيككيكيكيكيكيك


النهارده انا هبدا يوم جديد وشوفوا حظي عيدي جاي في عيد

انا مبسوطه اوي ان عيد ميلادي وصل

وحاسه ان السنه دي بجد هتكون خير ليا ان شاء الله

وكل اللي بحلم بيه هيتحقق باذن الله

حاسه السنه دي كل لحظه فيها مش هتكون الم عشان انا نظرتي ليها مختلفه

السنه دي ببدا من جديد حياتي وبعتبر اللي فات ده ماضي مش هنساه

لكن مش هفتكر اساها

هفتكر دروسه بس عشان تفيد مستقبلي زي مااتعلمت من دراستي

وانا بكتب البوست بفتكر ايـامي وايـام حيـاتي

مش هقول ان كنت عاقله ورزينه والحكمه مش تطلع الا مني

انا طول حياتي طفله بس العقل جواها كتير قالولي اني طفله

ويمكن كمان في اطفال مش بيعتبروني واحده كبيره اصلا

وبيعاملوني علي اني اصغر منهم ههههههههههه

ببدا معاكم اليوم ده وان شاء الله كل حياتنا هتكون خير

ومع اولي فـقـرات الحفـــــــــــــــــــــل


سماعكم بتقولوا التورته لالالالالالالا مش دلوقتي

مع الفضاااااااااايح انما ايه من العيار التقيل يالهوي البت كيارا بتقول فضايح

ايوااااااااااااااان فضايح فضايح هييييييييييييه

ايه فضايح ديه اه فضايح منا هقولكم بقي قصه حياتي (كتاب حياتي ياعين احم

احم صوتي حلو مس كدا حد له شوق في حاجه كيكيكيكيك )

نيجي بقي في يوم من ذات الايام

بابايا راح لجدو وخطب مامتي الكلام ده كان في اخر سبعه كدا سنه 1984

وقالوا ياعمي حلوه ياعمي دي

انا شوفت البت بنتك واحنا جويران وادهاني بقي ...

جدوا حبيبي قالوا خدها ان شاءالله حتي تموتوا بعض

( كان بيعز بابا اوي هيق هيق هيق ) المهم اييه انتوا هتناموا

اسمعوا تي قصه حياتي

بابايا وامامتي اتجوزوا في سهر 8 اخره كدا يعني مس فاكره قالولي امتي

ولا عاوزني اسوف عقد الكواز اروح اجيبه كيكيكيكيكيك

وفي ليله من ذات الليالي الدكتور قال لجدو مبروك المدام حامل

قالوا ايه حامل وعمل الوش المزبهل

قاله هي مس متجوزه انا اسف قاله ايه ده ده جوزها هيع هيع هيع

جدو بيعرف يعمل اكشنات كيكيكيكيكيك

وطبعا انا البكريه يعني مس جيت غلط بقي اهو

ويوم الاحد29-9-1985 الصبح الساعه 7 ماما بقي وهي بتولدني بتقولهم ايه انا

عاوزه اروح السغل يقولها انتي بتولدي شغل ايه

وهي تقول ودوني السغل

انتي بتوووووووووووووولدي

وهي مصمصمه

وهما انتي بتوووووووووووولدي

وهي بقي فضلت تصوت لحد اما انا قلت ايييييه

وااااااااء واااااااء

انا كيييييت نورت قلب مامتي وبابايا

بس ياخساره الدكتور قالها دي هتموت نازله ضعيفه موت (دكتور وحس مس عاوزني

كنت اعيش واعمل الدمار اللي بعمله دوقتي ده )

وماما تعيط وبابا خايف عليا خايف اني مس اكمل حياه اهئ اهئ اهئ

ومس جاب السبوع لحد يوم السبوع عاااااااااااااااااا

فتيتا بقي يوم السبوع بتقوله الناس جت روح جيب سبوع البت

وكابلي سبوع لحد الان عندي صوره كنت فقر وانا صغننه

بيني وبينكم لقيت صوري وانا صغننه عن خالي راحت خالتوا ادتهاني مره

ولحد الان مس ادتهالهم وهيتكننوا مني

المهم بقي انا كيت للدنيا

وعشت اهم فتره في حياتي اللي هي طفولتي عند جدو


مش عارفه ليه وانا بكتب الموضوع مش فيه في ذاكرتي الا نونا اللي عندها 7 سنين

وهي في المدرسه والفصل عامل دوشه ميس امنه صممت تضرب الفصل وكعادت نونا

الشقيه المجنونه المروشه اللي كانت في اول دسك بقدره قادر بقت في اخر دسك و لما

الدور جه عليها فضلت تلفف المس الفصل كله وبعدها خرجت من الفصل والمس ورها

وجريت جريت نزلت السلم وراحت علي الحوش والمس وراها بتجري لحد اما لففت

المس الملعب ومش عرفت تضربها والمس راحت لمامتها وقعدت تشتكيلها (اللي هي

مامتي يعني احم احم )

*********
وافتكرت الموقف التاني لما كنت في اولي اعدادي والحكيمه جايه تشكنا عشان تعرف

فصيله الدم طبعا لففتهم الفصل كعاده شكلي بحب ادوخهم لا ومش بس كدا رحت لتيتا

سفتي ياتيتا اخدو مني دم وعملولي واوا وتيتا شربتني اللبن ونيمتني ومتوصتش بقي

لما ماما وصلت شفتي المدرسه عملوا ايه اخدوا دم من بنتك اللي لسه عندها 11 سنه

ماما بقي هاجت وصوتها جاب اخر الشارع ازاي ياخدو دم من طفله انا هوديهم في

داهيه هعمل واسوي وجت بقي تصحيني وتسالني وانا بوريها صباعي وبعيط ثفتي

ياماما الواوا ماما قالت واوا هي دي الواوا ماما بقي تنحت واوزيهلت وجالها فقدان

عام شامل للذاكره وقامت جبت لماما سكته كيكيكييكيكيكيكييكيكيك

******

وبرده وانا عندي 5 سنين بمناسبه رمضان بقي كانا كلنا عند تيتا واول يوم رمضان انا

بصوم من وانا صغيره المهم كااي طفله بحب المصاصه واللوليتا طبعا مش موجوده

دلوقتي بس كانت ببريزه المهم الكل بيستعد المغرب هياذن وانا فاتحه المصاصه

وموقفاها ومستنيه الادان والكل بيتفرج عليا كووووول قرايبي كانوا موجودين في اليوم

ده باخوات تيتا بولادهم وكوووووله وانا ماسكه المصاصه ولا هامنني وبابا يقولي

طب بعد الفطار اقوله تؤتؤتؤتؤتؤ هو دلوقتي يهديكي يرضيكي والكل يقول طيب نفسك

هتتسد انتي مش جعانه وهما بيدنوا في مالطه وانا ماسكه المصاصه ومستتتتتتعده

واول اما الاذان اذن قعدت امص المصاصه بقي وكلهم مش يفطروا لا فاطسنين من

الضحك عليا وتقولش بزغزهم ولا حاجه ايه ده بقي مخمصاهم هه بس


**********
بعتبر اول مراحل حياتي في السنه اللي فاتت دي هي وجود

( نورا- نالا – سحابتي - زهره وطبعا بقيه اصحابي بس اللي ذكرتهم اقرب الناس لي )

تاني مرحله في السنه دي هو الدراسه

طبعا مش هقول تفاصيل بس استفدت علميا كتير جدا ولفيت كتير جدا علي المكاتب

وبرده شفت ناس كتير اوي بكل الاشكال وفهمت شويه الدنيا

تالت مرحله دخولي عالم التدوين

بجد رغم اني اعتبر جديده خالص فيه لكن ربنا العالم انكم اثرتوا فيا جدا

انا طبعا في السنه دي هفتح صفحه جديده بيضا في حياتي وانا الحمد لله بقدر علي ده

هنسا اي حد ظلمني وجرحني وجني عليا هنسي ومش هفتكر من صفحات مطويه

الا كل خير لكل الناس


انا رغييييت كتير يلا بقي علي التورتات عشان محدش يقول البت كيارا عامله عيد

ميلادها اي كولااااااااااااام


اللي بيحب الشوكلااااااااااااااااااته



ودي ليا انا وعريس المستقبل جيباله تورته مش نسياه بس يجي بس ادعوووووولي



ودي للاطفاااال اللي بيحبوا كيارااااااااااااااا




ودي ليا انا لوحددددددددي




ودي للي بيحب الكرريمه





ودي لكوووووول المدونين



وادي الشكولاااااااااااااااته




ايه تاني ياكيارا ااااااااه الساااااااقع


وده كومتيل عشان اللي مش بيحب الكولا



وده العصاير عشان اللي مش بيحب الساقع



وده السخن عشان اللي بيحب الحاجات السخنه

تنويه : انا البوست كنت ناويه انزله يوم 29 الساعه 12 صباحا بالضبط لكن ولسفر انسانه غاليه

عندي عاوزها تكون معايا في اليوم ده عشان كده نزلته بدري يوم حظي بقي حلو هحتفل بيه في

رمضان والعيد كيكيكيكيكيكييكيك

وكووووووووووووول سنه وانا طيبه ومن ربي قريبه

وكل سنه وانتم طيبين بمناسبه العيد

0 كلام قلوبهم: