الاثنين، يناير 12، 2009

اعرف عدوك


اعرف عدوك

انا في البدايه احتارت الموضوع اكتبه ازاي ولا اقول اسمه ايه

ولا هيبقي مهم عندكم ولا لا بس هو مهم جدا عندي

وقضيه غايه في الاهميه بالنسبه لي

عشان مش اطول عليكم وارغي

طبعا في منكم عارف ان عندي مدونه اسمها ايام زمان

ودي متخصصه للتاريخ وبعرض فيها الان سلسله لحضاره مصر الفرعونيه

وانا بشوف مين اللي بيوصل ليها عن طريق جوجل

وكان بيبحث عن ايه وجدت الاتي

انواع الاخشاب في مصر الفرعونيه

المعادن في مصر الفرعونيه

الكتابه الهيروغليفيه

التجاره في عهد الفراعنه

طريقه صناع المراكب في زمن الفراعنه

صهر النحاس الاصفر

النيل مع الحيوانات


صور عن حضاره مصر

حضاره مصر الفرعونيه


صور الناس في مصر زمان

مصر ايام زمان

مدارس النبلاء

الحضاره الفرعونيه بالصور



وكتير كتير مش هقدر اكتب بحث الناس دي للحاجات دي اكتر من 3 شهور وجوجل بيوديهم

لمدونتي لوجود كلمات البحث داخل مواضيعيي


وابص اشوف مين بقي الناس دي اللي بتبحث عن الحاجات دي الاقي مين



كمان اكتر ناس بتدخل ايام زمان وبلاحظ وجودهم هما دول

والله اعلم بيبحثوا عن ايه تاني خاصه ان انا مش عرضت كل شي عن

الفراعنه انا لسه يادوب في الجزء الخامس

شوفتوا هما بيفكرو ازاي حد فينا فكر يشوف هما بيفكروا ازاي

او يشوف هما كانوا ازاي عشان نعرف نتعامل معهم صح

بلاش حد فينا فكر يعرف عن حضارتنا احنا نفسينا

معتقدش

مش عارفه اقول ايه تاني

كل سنه وانتم طيبين

والتعليق متروك لكم


تحياتي

كيارا

0 كلام قلوبهم: