الاثنين، يناير 12، 2009

شقي عمرهم راح


تم اضافه لينك من عالم حبيب عن محاضرة اسمها " أمي " للشيخ خالد الراشد .. أرجوكم اسمعوها



************



والله ماعارفه هبدا ازاي بس هبدا مهو كل شي له بدايه والبدايه هنا

هي يوم اما نتولد يوم اما تبدا زهرة تنفتح وتتفتح للحياه


اب وام يبدوا يلاعبوا ويربوا ويشيلوا ويغيروا و........و......... والطفل يكبر يوم بعد يوم والام والاب بيدلعوا ويدعوه دايما يارب فرحهه يارب نجحه يارب وقفله ولاد الحلال يارب يارب يارب
ويبدئ الطفل يكبر يوم عن يوم ويبدا يتفرد عوده ويبدا يشتغل ويتجوز والحياه بتعدي

لكن يوم يجي يبص وراه ويقول لازم ادي اهلي الحنان اللي محتجينه زي ما ادوني

يوم ادي اهلي الحضن اللي مفتقدينه زي ماحضنوني زمان

يوم يروح يزور اهله بس في يوم غير المناسبات الرسميه ده اذا راحها

لاسف الاغلب بقي لما يتجوز ويلاقي امه ولا ابوه بقي لوحديهم بقي يرميهم في اقرب دار

مسنين ومع السلامه بعد كدا ده عدل بقي الايد اللي شالت تنداس كدا الام اللي سهرت

وهي بتداويك ولو تطول تاخد اللي فيك فيها تستاهل الهجر ده كله


ليه وصل لقلوبنا القسوه دي ليه اما الام ولا الاب يموت بيرحوا يجروا علي الفلوس اللي

سابها لكن انهم يحزنوا علي الانسان اللي راح ابداااا ليه نسيب الحال يوصل لكدا "دار مسنين"


صحيح ياما في مساكين


الموضوع ده اد ايه وجعني لما شفت ام بتنطرد من بيتها عشان مرات ابنها مش عاوزاها

في البيت ياااااااااااه ابن يتجرء ويزق امه بايده "الهي تنشل " برا البيت ويقولها شوفيلك

بيت مسنين يتاويكي


ياسبحان الله اللي معاه نعمه مش حاسس بيها طيب يشوفوا الايتام اللي بيتمنوا يقولوا

بابا ولا ماما


والله حراااااااااااااااااااااااااااااااااااااا ااااااااااااااااااااااااااااام




من كام يوم رحت دار مسنين في مدينه نصر طبعا شفت امهات كتيره وغلاااااابه اوي

مش اقصد ماديا طبعا لكن كل واحده حكتلي حكايتها انا كل اما اقعد مع واحده ابكي بجد

اللي بنتها عندها دلوقتي 40 سنه ومبتزورش امها من 20 سنه برغم ان هما الاتني في

دوله واحده امها مش بتقدر تمشي عارفين قالتلي ايه انا لو اعرف اوصلها هروحلها وانا

بزحف بس اشوفها بس ياااااااااااه علي قساوه البنت دي علي امها


وواحده تانيه شافت امها بقت محتاجه رعايه راعيتها كام يوم لكن بعد كده بقت بتسيبها

بالشهر متسالش عنها حتي بالتليفون والست بتقولي الجيران هما اللي بقوا يعملولي

الاكل ويبعتهولي وفيه اللي بتقعد معايا لحد اما جوزها يجي وبعد كده واحده قالتلها

متروحي دار مسنين ياحجه هناك هتلاقي اللي يرعاكي وفي نفس الوقت هتلاقي ناس ممن

سنك تتكلمي معهم طول اليوم بدل قعدتك لوحدك انا بخاف وانا بخبط عليكي تاني يوم انك

مش تفتحلي يااااااه شفتوا جبروت اكتر من كده طيب لو مثلا البنت دي عندها مشاكل مع

جوزها ممكن تجيب حد يخدم مامتها وتكلمها تليفون مره حتي في الاسبوع ده ايه العقوق

ده وبالفعل الام راحت لدار المسنين وبتقولي اهو بلاقي حد زيك يابنتي بيجي يطل عليا

وبينوسني نتكلم انا واخواتي في الدار واهو ايام بتتقضي لحد اما يطوينا التراب


وستات كتير اوي اوي ورجاله هجروهم عيالهم ليه كل ده ليه هو ايه مكنش في حاجه

حلوه بس عملوها ليهم ربوهم وجوزهم


وشقاهم راح وضاع

حسبي الله ونعم الوكيل بجد


تحياتي



كيارا

0 كلام قلوبهم: