السبت، فبراير 28، 2009

اضحك الصوره تطلع حلوه

100 كلام قلوبهم

من طبعى اني ابتسم
 لان المفروض يعني ان الابتسامة مش تروح من الوجه 
حتي لو جواك مشاكل العالم
 ابتسم للحياه الحياه تبتسم لك
 والله في احلك لحظات حياتي بقعد اهزر واضحك حتي ماما بتستغرب وبتسالني 
هو انتي مش كنتي بتعيطي من شويه
 اقولها ياستي دول دمعتين وكنت مزنوقه فيهم وخرجوا .
مممممممم برغى صح طب خلاص خلاص انا هحكي ويارب توصلوا للي عاوز اقوله 
انا بخرج الصبح الساعه 7.30 من البيت وانا خارجه ببقي مبتسمه
 والابتسامه دي احلي ميك اب طبيعي خلقه الرحمن بتنور الوش وبتخليه جميل اوي
 وفي مره واحده اد مامتي وقفتني وقالتلي انا كل يوم بشوفك وبشوف ابتسامتك ببقي مبسوطه اوي 
لما بنزل واشوفك بحس ان اليوم فيه تفاءل ساعتها حسيت بقيمة ابتسامتى
 نها خلت اليوم حلو عندي وعند غيري وسالتني انتي مخطوبه قلتلها لا قالتلي
 عندك كام سنه قلتلها 23 سنه قالتلي طيب انتي بتحبي قلتلها حب شخص لسه مش في نصيب 
 لكن بحب الدنيا والحياه والناس واصحابي بحب الحياه  قالتلي  بجد بجد ابتسامتك علي الصبح ساحره ربنا يكرمك
 
ويرزقك بكل اللي تتمنيه وبعدها كلمتني شويه وفهمت انها جاره خالتي شوف الصدف 
واستاذنت منها عشان مش اتاخر وانا طالعه السلم عشان اروح الناحية التانيه لقيت واحد بيقول لواحد اهي جت اهي 
وبنفس الابتسامه قلت في سري هو مستني ولا ايه طنشي يابت  ولقيت التاني بيقول
 للاولاني انابجد عمري ماشفت حد بيبتسم 
وهو ماشي كدا الكل مبوز ومكشر وحاله كئيبيه بيكرهوني في الحياه
 المهم هما طالعين جمبي قمت مديت شويه عشان اسبقهم  
وبعدها ركبت  المترو بنفس الابتسامه وكان فيه بنتين في عربيه السيدات ميتين من الضحك لدرجه ان عنيهم دمعت 
ولقيت واحده كبيره بتقول ايه المسخرة دي انا تنحت 
ومش حسيت بنفسي الا وانا بكلم طنط وقلتلها اولا دول ياطنط بيضحكو في عربيه
 السيدات مش في رجاله هتعاكس يعني 
تاني حاجه  الافضل يضحكوا ولا يعيطوا 
 هو لازم يعني نعيط عشان نبقي محتشمين ومؤدبين ايه المشكله اني مؤدبة بس بضحك وضاربه الدنيا طناش 
ولقيها قالت تضحك بس مش بالطريقه دي قلتلها تضحك باي طريقه المهم انها تضحك 
رحت الشغل بنفس الابتسامه لقيت زملتي قالت ليا بتعجبيني بابتسامتك بكره تتجوزي والابتسامه تروح
 قلتلها ابداااا لا ممكن 
السؤال بقي ليه الناس بتمشي وفي حد ضاربها ومكشره دا المسلم اللي بجد لازم يكون بشوش ومبتسم للحياه
 
يقول جرير بن عبدالله رضي الله عنه: ما رآني رسول الله صلى الله عليه وسلم إلا ابتسم في وجهي,
 تأمل! ما هو الشيء الذي خلد في ذاكرة هذا الصحابي؟ إنها البسمة الحلوة الدائمة
 من رسول الله صلى الله عليه وسلم. ويقول ابن عباس رضي الله عنهما: كان رسول الله صلى الله عليه
 وسلم أجوَدَ أَبَشْ, أي بشوش مبتسم. وجعل النبي صلى الله عليه وسلم
 حركة الشفة صدقة يثاب عليها الإنسان إذ قال: تبسمك في وجه أخيك صدقة
. فلو لم تملك المال كي تنفقه صدقة في سبيل الله, فإن البسمة وسماحة النفس صدقة عظيمة
, وكيف لا تكون صدقة, وبها تبهج من أمامك, وتشرح صدره, وتدخل السرور عليه,
 وتخفف بها من معاناته, وتكون هي البوابة للمحبة والمودة؟.
تنويه : بوست الوصيه مش كنت مكتئبه فيه ولا حاجه بالعكس  تماما
وان شاء الله هكون في لقاء المدونين يوم الثلاثاء 3-3 الساعه 4.30 
المكان
المركز الثقافى الدولى
17 ش السد العالى ميدان فينى الدقى
الشارع المقابل لشيراتون الجزيرة
اقرب محطة مترو انفاق محطة الاوبرا
الزمان 
يوم 3 مارس الساعه 4.30 عصرا
 

الخميس، فبراير 26، 2009

وصيتى + بوست

81 كلام قلوبهم
الاول انا جيت اهوووووووو والله وحشتونى خالث خالث لازمن نكون متفقين ان الاعمار بيد الله صح ولا مش صح ( صح طبعا ) الكلام اللي هقوله انا قلته لماما وكتبته في ورقى يعني لما اموت ان شاء الله لما هيدوروا في ورقى هيلاقوه الوصيه دي مكتوبه وطبعا اما اموت ان شاء الله ممكن ماما تنسي ودا انا خايفه منه وعشان كدا فكرت اكتب الوصيه في المدونه كمان وواللي مش هيعرف يوصل لاهلي عن طريق الموبايل هتكون الوسيلة التانيه تليفون البيت اللي مع 3 ضد التيار وسميلي روز وشمس النهار اول حاجه انا مش هوزع حاجه بس ليا الحق تقريبا في 1/3 الميراث دا اللي اعرفه والله اعلم برده اصلي مش فكرت قبل كدا في توزيع المواريث فعاوزه الف منهم حد يبلغ محمد انه يعمل بيها سيديهات للقران ويوزعها للي محتاجها هو هيعرف يتصرف في الموضوع دا تاني حاجه ان بقيت التلت دا كله يتحط في بناء مسجد ولو مش عرفوا يبقوا في دار ايتام بس يكون دار ايتام فلوسه فعلا للايتام مش في بطون القائمين عليه تالت حاجه ودي اللي يقدر عليها يعملها بجد كل شهر مره واحده بس تشتروا مصاصات واخدين بالكوا مصاصات وحلويات كدا وتروحوا دار ايتام واقعدوا مع الاطفال هناك والعبو معاهم وحسسوهم انهم مش لوحدهم رابع حاجه اني اتدفن في المقبره اللي مات فيها جدي مش في مقابر عيله بابا اللهم احسن ختامنا وادخلنا فسيح جناتك احم احم الوصيه خلصت وطبعا طول منا عايشه هتزيد
************* بوست جديد ليا في مدونه مواطن تحت خط الفقر اسمه ظرف طارق لكن ربك كبير

الأربعاء، فبراير 25، 2009

اسمعوو واعوووووووو( تحديث )

35 كلام قلوبهم
الجهاز الحمد لله خرج من المستشفى امبارح الساعه 9 بس اخويا حبيب اخته 
قال معقول يخرج من المستشفي علي البيت كدا علطول لالالالالا موش ممكن لازمن ازوره السيده والحسين عشان يتهوي من رقده
 لمستشفى ورجع البيت الساعه 1 بليل وبالتالي جه وانا كنت باكل المصاصه في الحلم عودناااااااااااااااااااا هيييييييييييييييييييييييه 
*****************
محلش ياكماحه حارفه اني رخمه خالث مالث
انا كاتبه البتاح دا من السايبر اللي كمب البيت
معلش حهازي تبحان ثويه ووديته المستفشي عشان يتعالج
والدكتور قالي سبيه 48 ساعه المفروض يكونوا نهايتهم النهارده بليل يارب يرجع ومش ياخدلهم بيات كام يوم
وميرسي ياسنسنتي علي التنويه بتاحك اروح اكل المثاثه بقي سلاموز اه في كلمه كنت حابه اقولها من يتقى الله ..... اول اما جهازي يخرج من المشتفسي هجالكم جري سلام

الجمعة، فبراير 20، 2009

حبه تهيس وحبه جد

75 كلام قلوبهم
ياليل ياليلي ياليلي ياعيني ياليل ( اه ياعني مش تحاسب )

البت البت كيتي الحلوه الحلوه كيتي ( ياحلاوتي )

كتاكتاكيت سحرنى رمشها ( بربي كتاكيت انتوا مش تعرفوا دا )

فتافتافيت السكر دمها ( وبلم نمل للروووكب هيق هيق هيق )

وانا مالي ياخويا القلب حبها

ياورده غاليه سكنت قلبنا (ورقصني ياجدح )

اهو جينا لمربط الفرس ايه بتقولوا ايه مربط الفرس ودخل الفرس ايه هتسالوني هقول مش اعرف عاااااااا

انا طوووووووووووووووووووويله ياناس

كل شويه حد يقولي اتي قصيره انتي قصيره والبت انتيمي دي

عقدتني في حياتي وكل شويه تقولي وانتي كولك اد ايه اصلا عاااااااااااااا
انا طويله بقي طب اقولكم بقي ان القصر هيبه والطول عيبه ( متاخدوش في بالكم )

لما بلاقى ناس طويييييله بتنط فوق المكن ماشي انا قصننه فمش بحرف انط

لكن انا قصننه بنزل تحت المكنه ها في حد بينزل تحت المكنه هه احترفوااااااااا

طب بلاش لوماما نسيت البتاع بتاع المطبخ اللي فوق دا مفتوح وانا جايه فجاه

ومش اخدت بالي بمشي حااااااااااادى خالث ولا في حاجه خبططتني ولا اي حاجه
يجي اخويا اللي طوله 186 وبيكلم الناس اللي فوق دول مش عارفه بيعملوا ايه فوق ايه دا ناس متطفلة صحيح صيحيح يعني

ام هند يجى يمشي وفجاتا ومش اخد باله ان الدولاب اللي فوق ده مفتوح يقوم ايه دشششششششششششش

حتته خبطه ويقعد يقول اه ياوشي اه ياراسي احسسسسسسسن عشان بتتريق حليا اني قصننه

عاااااااااااااا لا انا بقي مش قصننه طب حد من الطوال اللي فوق دول وبيلعبوا مع السحاب

يقدر يستخبي جوا الدولاب وهو بيلعب مع العيال

لا طبعا اصلهم بيلعبوا مع السحاب

طب انا جالى عريس طوله 204 والله انا كنت بموت من الضحك وانا بسلم عليه
قولتله ورحمه الغاليييين ماتقوم اذا كان طولك وانت قاعد اطول منى
وانا همووووووووووووت من الضحك لا كنت ميته ميته يعني
طب دا كنت هقوله ايه في 50سم فرق همشي جنبه ازاي دا
وماما كان كل اللي عليها انها فطساااااااااااانه ماسي ماسي ياماما دا مقلب يتعمل برده
طب بلاش انا ببص لفوق وهو دايما بيبصوا لتحت مين احسن بقي هه احترفواااااا

اللي بيبص لتحت ومش عنده طموح ولا اللي بيبص لفووووووووق وعنده طموووووح

هيييييييييييييييييييييييييييييه انا طويله بقي هه

وباحتراف رسمى نظمى فهمي مني بقي نياهاهاهاهاهاهاها

حد عنده اعترااااااااااااااااااااض ( مش سامعه )

ايوان كدا مش في حد عنده اي اعتراض

ونغنى بقي

ذكى ياذكى ياذكى

تؤتؤتؤتؤتؤتؤتؤؤتؤ

سويت يا سويت ياسويت

سويت يا سويت ياسويت

سويت يا سويت ياسويت
سويت يا سويت ياسويت

سويت يا سويت ياسويت

سويت يا سويت ياسويت
هو انا هرحمك مش هتعتقك عشان تبقي تقولي انتي كلك اد ايه

ياحيني كان منظرك صبحان عليا امبالح وانتي مش عارفه تشلبى

اءاءاءاءاءاءءاءاءاءاءاءاء

وضد ماله ماله ياخويا نياهاهاهاهاها

طب

سويت يا سويت ياسويت

سويت يا سويت ياسويت

سويت يا سويت ياسويت
سويت يا سويت ياسويت

سويت يا سويت ياسويت

ايه ايه اه يانا تبحانه اه يانا تبحانه ( لا مش انا اللي بقول كدا )

عاوزين نعمل بقي مظاهره ونبخر شموستى حبيبتي

اصلها واضح كدا ان الاربع بوستات اللي نزلت عن المقابله اتت بثمارها ومحتاجين نبخرها

ونبخرها بخور من ايو 2000 جنيه حشان ياتى بثماره :)

وايييييييييييييييييييييييييييييه اه يانا تبحانه اه يانا تبحانه

( مش في حد يعرف الاغنيه دي ايه اصل سمعتها في ميكروباص وكرهت يومى ساعتها )

كد بقي

احب اطمنكم اني بخير بس دي شويه تشريدات علي خفيف

تاني حاجه ندعي لشمس النهار ان ربنا يخرجها من الكام حاجه اللي هيا فيها

تالت حاجه زحلانه ان ضد غيرت اسمها

رابع حاجه لازم نشوف حل للاغاني البيئه اللي بقت اكتر من الهم علي القلب لاني

في الميكروباص دا سمعت اغنيه مش فاكره كلامها بس فيما معناها ميوزك بتتشغل

في الافراح وبيقول استغفر الله العظيم علي ما جري منى

هو ربنا بقي نستهين بيه كدا ونحطه في اغانى وبشكل مسف يعني مش كفايه ان غنى

لا وكمان نحط اسم ربنا وندعي واحنا بنرقص ايه الاسفاف دا مش ممكن بجد شي زاد عن الحد

خامس حاجه بقي انا شردت فيي نفسي ومش رديت لا اشرد عاشقه الرومانسيه

ولا ورده ولا سوووووووووول تؤتؤتؤ صوووووول هه بس

محدش ياخد علي البوست دا ياجماحه حبه تهيس ومدونتي بقي ومستحملانى :)

الأربعاء، فبراير 18، 2009

نشرة الساعه السادسه (تحديث )تحديث تاني

99 كلام قلوبهم
مدونة البت ضداو سويت فلويت خاصمتها ومش بتظهر في الريدر حد يعرف حل للمشكله دي 

  

في واحده اسمها مولان كدا وحاطه صوره مولان مش اناااااااااااااا الاكونت بتاعى كيارا 

 

سيداتي انيسااااااااااااااتى واتكو علي انيساااااااااااااااتى دي تحيا البنانيت في اي مكان هه بس يمكن انا دلوقتي في حاله نفسيه مش ينفع اكتب اي حاجه بس لاني لحظه اما سمعت الخبر كنت هطير من افرحه فلازم افرحكم بالخبر ده الف الف الف الف الف الف مليون مبروك للشاعر الكبيييييييييييييير
   
محمد فكري
  بجد خبر حلو اوي اوي اوي وبجد انت تستحقه يالهوي علي الزهيمر نسيت اقول انا اصلا بقول مبروك علي ايه محمد فكري اخويا الصغنون الشاعر الكبير في نفس ذات الوقت حصل علي المركز الاول والميداليه الذهبيه علي مستوى مصر في الشعر كان دا في اسبوع شباب الجامعه كل جامعة عاملة تصفيات فيها ومسابقات بحيث إنها تطلع أفضل شاعر من 7 فبراير لحد 11 فبراير والتورتايه الصغننه دي هديه منى ليك فعلا انت تستحق دا ومتوقعالك اكبر من كدا بجد قلمك علامه مميزه 


********  


والان مع الخبر الثاني النهارده نيجار صاحبة مدونة بنت القاضي كلمتني وانا في الشغل وكانت مستعجلة وبلغتني انها بخير لاني كنت هقطم رقبتها بس هي في البلد في مكان مش فيه شبكة ولا اي حاجه وقالتلي اطمنكم عليها 

*********  

ونقول الف مبروك للبت انا ودماغى لنجاحها في الميد يترم وجابت فيه جيد جدااااااا الف الف الف مبرووووووك وعقبال اما اشوفك متخرجه كدا :) 


*********  


خبرين في خبر عيد ميلاد البت ايمي اللي م ش لمضه وكمان نجاحها قولوا هيييييييييييييييه


  ******** الخبر التالت هو اجااااااااااااااااااااااااااااااااااااااازه لان نفساويتي متضاربه خالص بعد اما كنت تقريبا رجعت لنفسي وبدات امارس حياتي بشكل طبيعى زي ماكنت حابه لكن من امبارح وانا مودي مش عاجبني ونفسيتي مش عارفه مبسوطه ولا حزينه ولا ايه المشكله ولا فين المشكله فاهقعد يومين كدا مع نفسي هاخد فيهم بريك من اي ضغط وانتهت نشرة الساعه السادسة

الاثنين، فبراير 16، 2009

اذيه والتمن شرفها

62 كلام قلوبهم
بسم الله الرحمن الرحيم طبحا انا جالى ضغط وثكر ولثه ياما هيجيلي شكل المناعه لسه مش جتلي قولت انزل حاجه كوميدي عشان اخف شويه من وقع صدمة البوست اللي فات بس في مفاجاه هتكون الجزء التالت وهو حوار كامل بيني وبين بنت متجوزه بالطريقه دي وهعرضه في جزء لوحده اما دلوقتي قلت لازمن ولابد اجيبلكم الضغط اذيه والتمن شرفها طبعا كلنا سمعنا عن الدجالين وعن الناس اللي بتعمل العملات او الاعمال زي مابيقولوا اللي هو زي ماقالولى يوم السبت في الشغل واحده عاوزه تزرع المشاكل بين واحده وجوزها تمنع فلانه انها تتجوز وحاجات كدا وانا اقولها مش في حاجه كدا اصلا يعني ربنا هيكون عاوز ان واحده تتجوز وكاتبلها انها هتتجوز في اليوم الفلاني العمل دا بقي ان شاء الله هيمنعها انها تتجوز في اليوم دا الله واحد قهار رحمن رحيم تقولي السحر مذكور في القران وكمان انتي متعرفيش قولتلها لا مش عرفوني 
 
قالتلي ان الناس اللي بتروح تعمل العملات دي بيبقي التمن مش فلوس قولتلها مش فاهمه قالتلي لما بتروح للراجل اللي بيعمل العمل دا بيقول لها التمن معاشرتها تنحت وفتحت بوقى 60 سم ازاي يعنى قالت بيطلب معاشرة اللي راحتله وانا حسه ان جالي حاله من التوهان علي راي ضد اللي مش بقت ضد قلتلها معلش يامس قولي تاني كدا كررتها تاني وانا متنحه وحسه ان من الصدمه اتمنيت اني مش اسمع اواني اموت بدل اما اشوف ان الحال بينزل اوي كدا مش بقي الحال في الصغيرين لا وكمان الكبارا اللي المفروض يكونوا قدوة يعني ااستغفر الله العظيم ازنى عشان اضر حد

انا والله الكلام كله رايح لا عارفه اقول ايه ولا اكتب ايه يعني اصلا كارثه ان الناس بتروح لسه للدجل والشعوذه لا وكمان التمن شرفك ونفسك وحياتك فعلا فعلا مش هقول غير انا لله وانا اليه راجعون يارب فعلا اموت قبل اما اشوف بلاوى تانيه اكتر من كدا وفي الاخر هوجه رساله للكبار اللي المفروض يكونوا قدوتنا

****** 

عن أبى العباس عبدالله بن عباس رضى الله عنهماقال كنت خلف النبى صلى الله عليه وسلم يوماً فقال "ياغلام إنى أعلمك كلمات :أحفظ الله يحفظك أحفظ الله تجده تجاهك إذا سألت فسأل الله إذا أستعنت فاستعن بالله واعلم أن الأمة لو أجتمعت على أن ينفعوك بشئ لم ينفعوك إلا بشئ قد كتبه الله لك وإن أجتمعواعلى أن يضروك بشئ لن يضروك إلابشئ قد كتبه الله عليك رفعت الأقلام وجفت الصحف وعلينا بالدعاء والتضرع فيه فاالله الواحد الرزاق هو بس اللي نلجا اليه لا عبد ولا اهل ولا اي حد في الارض اقرب للقلب من الله

كانت معكم كيارا

الأربعاء، فبراير 11، 2009

فوقي ياقطة احنا في غابه الجزء الثانى

165 كلام قلوبهم

ودلوقتي الجزء الثاني من ياقطه احنا في عصر الغاب كان في تساءلات كتيره عن الجوازات اللي حطتها في الجزء الاول هنـــــــــــــــــــــــا حبيت افسرها حبه عشان نعرف اد ايه النور حلو زواج النت
*********
هو : حياتي وحشاني ومشتقالك اوي

هى : وانا كمان مشتقالك

هو : بحبك اوي ونفسي اخدك في حضنى

 
هى : وانا كمان ياحبيبي بسس مش ينفع ان شاء الله هتاخدني في حضنك بس لما نتجوز

هو: طبعا ياحياتي انا مش ممكن اعمل حاجه حرام (افلح ان صدق )
 

هي : طب هتجوز ازاي 

 
 
هو : انا هشتغل ليل مع نهار عشان اجي اتقدملك

 
هي : بجد ياحياتي

 
هو :طبعا بس انتي وحشاني دلوقتي لسه هستني لحد اما اتقدم

 
هي : طب هنعمل ايه 

 
هو : ايه رايك نتجوز دلوقتي

هي : ازاي ياحياتي


هو: هتقولي زوجتك نفسي علي سنه الله ورسوله وانا هقولك وانا قبلت زواجك

 
هى: لا مش ينفع وبعد اقناع ماخدش ثواني يحجه الحب والهيام اللي ياحيني مقطع بعضيه

 
في قعده مش كملت ربع ساعه علي الشات اتجوزو
ولا عقد ولا حتي حصل العرفي علي الاقل العرفي في ورقه وفي شهود بلا قرف جبتولي الضغط






************
 
زواج الكاسيت
 
نفس النغمه اللي فوق
بس بالمقابله بقي ومشغلين كاسيت وهى بتقول زوجتك نفسي علي سنه الله


ورسوله وهو بيقول وانا قبلت زواجكك 


******** 
زواج بالدم
الاخت القموره بتعور نفسها عند قرب الوريد كدا والشاب الفلللللللللللله بيعور
هو كمان نفسه ويحط ايده علي ايدها
ومبروك للعروسين لولولولوللولولولولوللىىىىىىىىىىىىى وزغروطه للحروسين



******** 
دا غير بقي الزواج العرفي اللي اصلا استهلك نقاش وكلام


ولسه ياما في طرق بيخترعها الشيطان وبيوصلها لرسله في الارض


مح تحياتي
كيارا

السبت، فبراير 07، 2009

لقاء الحسناوات( تحديث هام )

165 كلام قلوبهم
تبعا مش عاوزه اشرد خالث مالث (وش برئ) برئ علي الاخر يحني اول امبارح كدا جالي تليفون يوه يوه لا استنو هقول حاكه كدا قبل الفون

شمس النهار / بجد بجد بجد انا مش هقولك بعد كدا غير الاميرة الحسناء انا شفت جواكي انسانه بجد اميرة من العصور الوسطى في رقتها واميره فرعونيه في اهتمامها بنفسها واميره مسلمة في حفاظها علي دينها وشفت طفله عندها 3 سنين في شقاوتها وامراه عندها 300 سنه في حكمتها وصبيه في العشرين مش يتقال عنها كبيره خالص وشفت ام حنانها لا يوصف واهتمامها بكل اللي حواليها انتي بجد بجد روووووووووووووووووووووووووووووووووووووووووووووووووووووووعه (حطو مليون واو )

 
محاسن صابر / هههههههههههههههههههههههههههههههههههههههههههههههههههههههه مش هقول الضحكة دي ليه ولا اقول تب اقول ولا مش اقول لا هقول لا مش هقول حد يجبلي ورده ياجودعان ياكماحه اثل محاسن كانت في كولامبور وجياها من كولالمبور لمصر موتورجل تؤتؤتؤتؤتؤتؤ مش اي موتورجل لالالا دا السلحفاء لو دخلت في سباق معها هتفوز باكتساح هههههههههههههههههههه يحني من الاخر بتحافظ علي مواعيدها وعندها كل حاجه نص ساعه نص ساعه نص ساعه نص ساعه نص ساعه نص ساعه دانا جالي هوس هوس اسمه نص ساعه هتعرفوا ليه وانا بتكلم 

ضد التيار / مش هقول غير انك بجد كنتي وحشاني اوي لدرجة لا تتخيلها امممممممممموه 

 

ام هند كونا بنقول ايه بنقول ايه آآآآه جاني فلفوووووون ( تليفون يحني واتحدد فيه خلاص لقاء الحسناوات ) يوم الجمعه الساعه واحده امام سيتي سنتر في مدينة نصر وبكلم ضد حبيبتي وبقولها قالت لا مش هينفع وقالت هتجلنا هي علي 2 او2.30 كلمت محاسن قالت احنا هنتقابل 1 انا وانتي وموسه وضد تيجي بعد كدا قولت ماشي
 

تاني يوم صحيت الساعه 7 الصبح اجازه ياناس واصحي الصبح موش ممكن قلت انام شويه وعلي 10 اتصلت بمحاسن عشان اشوف بيرو جاي ولا لا عشان لو جاي اجيب بقي مثاثات بزياده وحاجات كدا بقي للاطفال قالتلي لا مش جاي فقلتلها انتي فين قالت انا في العربيه وفي طريقي للقاهره فل كدا وقالت اول اما تبقي في مدينة نصر نتكلم ونتقابل اوكش ركزوا الساعه كام 10 عشررررررررررررة ياناس
 

وعلي 11 ابتديت اجهز ونزلت الساعه 12 نزلت التحرير واخدت ميكروباص مش رحت مدينة نصر بمواصلات فكنت حسه اني تايهه المهم وصلت لمكرم عبيد وشفت الاميرة الحسناء وطبحا بعد السلام والتحية قالت "" مواعيدكم وحشه يامدونين مصر "" قلتلها انا اول حد اهو قالت الساعه كام ببص لقتهخا 1.15 طبحا كنت متاخره ربع ساعه (ياكزوووووووووووووفى وش محمر خالث مالث )
 

رحنا كوستا وكان معها بنوتتها بجد زي العثثثثثثثثثثثثل ووشها مالوف بالنسبه لي يحني كنت حسه اني عارفها من زمان ومكلمها كمان وبجد حسه اني شفتها قبل كدا مش كان اول مقابله يحني وقعدنا نرغي وكدا لحد اما ضد حبيبتي جت وكانت زي القمر كعادتها واول اماشفتها حست ان قابلت توائم روحي وقعدت شموسه بقي تحكيلنا حبه عن الحج وبصراحه لولا البرد اللي كان مهنجني دا كان زمانهم مش عرفوا يسكتوني من الضحك خاصه لما كانت عامله ورقه بالدعوات وبيسالوها يعني ايه مدونين قالت وانا لسه هشرح هههههههههه بجد شخصيه زي العثل
 

وكلمنا استاذ عمرو طبعا لاول مره وكنت محرجه جدا وانا بكلمه بس هو بجد شخصية لذيذه اوي اوي
 

الساعه جت 4 ومحاسن كلها اللي عليها نص ساعة نص ساعة نص ساعة نص ساعة نص ساعة نص ساعة نص ساعة نص ساعة نص ساعة نص ساعة نص ساعة نص ساعة نص ساعة نص ساعة نص ساعة نص ساعة نص ساعة نص ساعة نص ساعة نص ساعة لحد اما عنيا اتحولت اصلا من البص برا عشان المحها اول اما تيجي والظريف بقي ان واحنا في القحدة الاقي فون يجيلي من محمد وبكل هدؤ يقولي هاتيلي كتاب شطرنج وبحدها مشينا لما اتاكدنا ان سنسنتي مش هتيجي ونزلنا انا وضد علي التحرير واكلنا ايس كريم ولفينا شويه علي المكتبات والغريب ان ماما اتصلت بيا 3 مرات بس عشان تطمن عليا بصراحه تاخد جايزه اول مره تعملها :) لان دايما الفون مش بيتشال من ايدها


وبعدها روحنا وكان وشي بقي سخن خالص من البرد ومحمر اوي قعدت شويه وبعدها كلمتني محاسن وقولتلهاا هشرررررررررررررردك وقد كان اخ خ خ خ خ نوسيييييييييييييييييت محاسن بيعي تليفونك هههههههههههههه ملوش لازمه خالص ههههههههه وطبعا اللي معايا في الكلام دا شموسه
محاسن ياجماعه بتزل اللي بيتصل بيها يعني لازم تتفقع المراره ويجلنا حصبه وسكر وطحال وضغط عشان ترد واحتماال برده يجيلنا كل دا ومش ترد برده هههههههههههههههه بيعي بقي الموبااااااااااااااااااااااااااااااااااااااااايل شردتك علي خفيف اهوووووووووووووو مردتش اتقل العيااااااااااااار كيكيكيكييكيكيكيكيكيكيكيك

الأربعاء، فبراير 04، 2009

انا لله وانا اليه راجعون

60 كلام قلوبهم
كان نفسي ان البوست دا يكون غير كدا لكن بجد حسه اني في عمليه بسترة لحظات حزن ووراها لحظات فرح انتقل الي رحمة الله محمد الفارس الملثم محمد طبعا كنت اعرفه مش شخصيا من زماااااااان من اكتر من ست شهور وكان عاجبه اوي مدونة ايام زمان ودايما يقولي لو عاوزه حاجه هيساعدني لانه تخصص تاريخ وساعتها انا سمعت انه تخصص تاريخ قلتله طيب ماتشترك معايا وساعتها وافق وقالي انه بيحب اوي تاريخ العصور الوسطى واتفقنا اني اول اما اخلص تدوين للتاريخ الفرعوني هيدون هو تاريخ العصور الوسطى واتفقنا علي كدا وهو عنده مدونتين ثرثره مع نفسي وثرثرة تحت المطر هو كان عمل ثرثره مع نفسي من غير تعليق ولما توقف عن الكتابه في ثرثره تحت المطر كنت بطمن عليه عن طريق الريدر من البوستات اللي بينزلها في ثرثره مع نفسي بس مش بفتحها لاني كنت معتقده انه قافل الكومنتات فيها وانا امبارح بفتح الريدر لقيت بوست عند نهر الحب بيقول انه توفي ياااااااااااااااااااه كانت حتته صدمه هزت كل كياني محمد بجد انسان محترم اوي ومش يعرفه غير اللي اتعامل معه كلمت والدته النهارده وقولتلها اننا كلنا مش هنسبها ولو احتاجت اي حاجه احنا موجودين اد ايه صوت مامته قتلني ودمرني بجد ياااااااه وهي بتقولي كان بيحب يخدم كل الناس انا مش متخيله انه مش معانا دلوقتي اللهم ارحمه واغفر ذنوبه وثبته عند السؤال وادخله فسيح جناته والهمنا يارحم الراحمين الصبر والسلوان الفتره الجايه هنقطع في التدوين عن تاريخ الفراعنه وهعمل بوست في فتره العصور الوسطئ اللي كان بيحبها اهداء له

الأحد، فبراير 01، 2009

وحشتني اوي

51 كلام قلوبهم
من امبارح كدا ابتديت ارجع ارد في المدونات من تاني انتو هتلاحظوها
وكنت تقريبا خلصت نص المدونات وكان فاضل 200 بوست بس
اللي هشوفهم وهرد عليهم ومش كنت ناويه انزل اي بوست الا لما ارد علي البوستات السابقه واللي فاتني
لكن بصراحه قريت عند اميره (انا ودماغى)خبر وفاه جدها كلنا ندعي له بالمغفره
وانا بقراه بصراحه مش حسيت الا ودموعي بتنزل مني ومنهاره بجد
افتكرت حبيبي اللي بجد عمري ماهلاقي حد في حنانه ولا طيبته
فاكر ياجدي لما كنت بتقولي تعالي يابت اقعدي جنبي اقولك لا البنات مع البنات والصبيان مع الصبيان عمرك مارفضتلي طلب وحشتني اوي ياجدي بجد
وببص علي صورته وهو بلبس الاحرام الصوره بجد هتنطق وتقول ازيك يابت
اليوم ذكري رحيلك عن عيني 
 
دائما اراك ياضي عيني تأتيني في يقظتى وأحلامى 

فراقكك عني كاويني يااغلي حبيب عرفته سنيني

 
ياجدو يااغلي مني ومن عيني 

 
لكن مش بعيد عن قلبي 

 
لسه طيفك بيناديني 

 
وروحك في اي مكان بيأويني 

 
وحشتني اوي يااغلي من عيني بسال نفسي كل يوم بيعدي 

  امتي هلعب من تاني معاك وتلاعبني 

  امتي هتضرب ماما عشان كانت بتزعقلي 

  امتي اشوف ضحكتك من تاني 

 
هستناك دايما يانبض قلبي 

 
يارب اشوفك من تاني 
 
ماسك عروستي سفروتي
 
ومن تاني الاعبك وتلاعبني 
 
بحبك ومفتقداك ياجدي 
 
قلبتي الدنيا كلها عليا في لحظه يااميره ربنا يصبرك ويلهمك الصبر