الأحد، فبراير 01، 2009

وحشتني اوي

من امبارح كدا ابتديت ارجع ارد في المدونات من تاني انتو هتلاحظوها
وكنت تقريبا خلصت نص المدونات وكان فاضل 200 بوست بس
اللي هشوفهم وهرد عليهم ومش كنت ناويه انزل اي بوست الا لما ارد علي البوستات السابقه واللي فاتني
لكن بصراحه قريت عند اميره (انا ودماغى)خبر وفاه جدها كلنا ندعي له بالمغفره
وانا بقراه بصراحه مش حسيت الا ودموعي بتنزل مني ومنهاره بجد
افتكرت حبيبي اللي بجد عمري ماهلاقي حد في حنانه ولا طيبته
فاكر ياجدي لما كنت بتقولي تعالي يابت اقعدي جنبي اقولك لا البنات مع البنات والصبيان مع الصبيان عمرك مارفضتلي طلب وحشتني اوي ياجدي بجد
وببص علي صورته وهو بلبس الاحرام الصوره بجد هتنطق وتقول ازيك يابت
اليوم ذكري رحيلك عن عيني 
 
دائما اراك ياضي عيني تأتيني في يقظتى وأحلامى 

فراقكك عني كاويني يااغلي حبيب عرفته سنيني

 
ياجدو يااغلي مني ومن عيني 

 
لكن مش بعيد عن قلبي 

 
لسه طيفك بيناديني 

 
وروحك في اي مكان بيأويني 

 
وحشتني اوي يااغلي من عيني بسال نفسي كل يوم بيعدي 

  امتي هلعب من تاني معاك وتلاعبني 

  امتي هتضرب ماما عشان كانت بتزعقلي 

  امتي اشوف ضحكتك من تاني 

 
هستناك دايما يانبض قلبي 

 
يارب اشوفك من تاني 
 
ماسك عروستي سفروتي
 
ومن تاني الاعبك وتلاعبني 
 
بحبك ومفتقداك ياجدي 
 
قلبتي الدنيا كلها عليا في لحظه يااميره ربنا يصبرك ويلهمك الصبر

51 كلام قلوبهم:

هانى زينهم يقول...

ربنا يتغمده برحمته يا كيارا ويلحقنا بيه على خير ويا ريت تدعيله .ر

Lady E يقول...

(امتي هتضرب ماما عشان كانت بتزعقلي)

لا شوريرة شوريرة يعني مفيش كلام

ربنا يرحم جدك وجدي وجد أميرة وجدتيني
سبحان الله هما رحلوا لكن ذكرياتهم معانا وكل حاجة علموهالنا معانا

الله يرحمهم ولازم دايما ندعيلهم ونترحم عليهم ونتصدق عنهم حتى لو اننا نقرأ قرأن وندعي ان ثوابه يوصلهم

كيــــــــــــارا يقول...

ربنا يغفرله ذنوبه

بدعيله والله

كيــــــــــــارا يقول...

ليدي

ههههههههه ماما علقت عليها برده ههههههههههه
ربنا يغفرله ياليدي بجد مفتقداه

الحاجه الحلوه انه بجد رحل والكل بيحبه وبيدعيله لحد الان

وحشاني يابت

كيــــــــــــارا يقول...

عارفه ياليدي ان جدو ياما زعق لماما لو بصتلي بس مش كان في حد يقدر يقولي حرف

الحمد لله علي كل حال وربنا يغفرله ذنوبه

roody hanem يقول...

قلبتى عليا المواجع يا كيكه

انا كمان جدو كان طيب اوى اوى

فاكراه وهو فى المستشفى اما روحت ازوره وانا فى سنه خامسه ابتدائى

مكانش حاسس بحد خالص ولكنه مد ايده ومسك ايدى وكان عايز يمد ايده التانيه كمان لكنه مقدرش

الله يرحمه ويرحم اجدادنا جميعا يارب ويغفرلهم ذنوبهم

إشراقة أمل يقول...

كيارا
كيفك
ربنا يرحمه ويرحمنا جميعا يارب
ادعيلية ربنا يغفرله كيارا ويغفر لكل المسلمين
تحياتي
اشراقة

كيــــــــــــارا يقول...

رودي

********

اه يارودي ان جدي مات في حادثه

ربنا يرحم اموتنا اللهم امين

كيــــــــــــارا يقول...

اشراقه امل

********

بدعيله والله

ربنا يرحم اموات المسلمين

انتي عامله ايه ؟؟

princess يقول...

ربنا يرحمه وتعيش وتفتكرى

blue-wave يقول...

ربنا يرحمهم يارب
ويرحم موتى المسلمين كلهم

مسدس صغير يقول...

ربنا يرحم الجميع ..
جدك وجدها
ووالد نوران الشاملى
وكل موتى المسلمين

الازهرى يقول...

رحمه الله رحمة واسعة واسكنه فسيح جناته
والحقنا به على خير

**************************
عارفه ياليدي ان جدو ياما زعق لماما لو بصتلي بس مش كان في حد يقدر يقولي حرف


وطبعا انتى كنتى بتفترى على حسه
وتضربى يمين وشمال

ما علينا
ربنا على الظلمة يا رب

جنّي يقول...

السلام عليكم

ربنا يرحمه ويغفر له ويرحم امواتنا واموات المسلمين ..

ABOALI يقول...

فالناءخذ منهم العبرة فى حياتنا
ونرى كما افتقدنا من يضمنا ويحنو علينا
وبهدوء يتحدث وبهدوء تنفك كل العقد والمشاكل وبهدوء نرى حنانه يشع منه

ان من بكينا على فراقه هو بالتاءكيد من زرع فينا واثر

واقل ما نرده اليه ان نحى ما ادركنا انها سبب من اسباب سعادتنا

رحم الله كل من مات
اللهم امين

Butterfly يقول...
أزال المؤلف هذا التعليق.
Butterfly يقول...

ربنا يرحمه ويرحمك يا جدتى :'(
ويرحم أموات المسلمين جميعا .

نهــــــــــار يقول...

السلام عليكم..
الله يرحمهم ويغفرلهم هم وسائر موتانى وموتى المسلمين..

فارس القمر يقول...

ربنا يرحمهم اجميعين

يارب يغفر لهم ويرحمم ويجعل مثواهم الجنه

عاشقه الرومانسيه يقول...

الله يرحمه
انتى قلبتى عليا المواجع
وافتكرت بابا اللى مش باقدر انساه اصلا
وده كان عندى اهم انسان فى الدنيا

ربنا يرحمهم ويرحم اموات المسلمين اجمعين

اقرأى له قران كل يوم وادعيله

لورنس العرب يقول...

اللهم ارحم موتانا وموتى المسلمين

adel يقول...

ربنا يرحمه و يرحم الجميع

انا جدودي الاتنين خالعوا قبل مايكونلي ذكريات معاهم للاسف :(:(

-------------------
حمدالله علي السلامة و هاسيبك لل200 بوست... هههههه ....لان في منهم عندي

مش جالي تاج

ههههههههه

وعملت فرح في المدونة و ماما وزعت شربات و متخافيش مخليلك كوباية

ههههههههههههه
----------------------
معلش بقي موضوع جد بس مبقدرش امسك نفسي من الهزار

خطي تائهة يقول...

رحمهما الله وغفر لهم
كلنا لما بنسمع خبر وفاة حد بنفتكر الناس اللي كانت عزيزة علينا زي ما انا افتكرت بابا الله يرحمه ويسامحه :)
بلوجاية جميلة اوي يا قمر

ريمان يقول...

يااااااه يا مولان


انا والله مش قادره امسك دموعى


فكرتينى بجدتى

انا اصلا كنت عايشه مع جدتى 16 سنه

واما ماتت رجعت لماما وبابا

بجد افتقدتها جدا

وبعد ما هى ماتت حسيت انى يتيمه

بد مفتقداها جدا ولو كانت عايشه الوقتى كانت حاجات كتير فى حياتى اتغيرت

ربنا يرحم جدك وجدتى ويا رب نلتقى بيهم فى الجنه ان شاء الله

mohamed ghalia يقول...

اللهم ارحم موتانا وموتى المسلمين
رحم الله الجميع
أكيد كل واحد بيفتقد حد ليه عزيز عليه
دمتى بكل الود

سمكه واحده يقول...

ربنا يرحمهم يا جميله
اذيك يا كيورتي ليك وحشه والله
حبيت اسلم يا قمر
والبقاء الله وربنا ريحمهم
وريحم اموتنا واموات المسلمين
حلوه البنات مع البنات والصبيان مع الصبيان
انا بئي كنت بقول مبكلمش الرجاجيل
ولما ماما كانت تدفع تذكره الترام مثلا للكمسري اقوله ماما متكلميش الرجاجيل وابرقلها وانا غضبانه وهي تضحك وتروح بيساني وتقولي حاضر اه وربنا عرفت تربي
كنت مؤدبه يعني مؤدبه هههههه ميغركيش يعني مشي بليل في المدونات وكده

msafa يقول...

البقاء لله

mahasen saber يقول...

كيارتى ربنا يرحم جدك ويرحم والدى ويرحم جد اميره
ويرحم جميع اموات المسلمين

معلش يا كيا الموت ده الشى الوحيد اليى مفيش مفر منه

البت المشمشية حلوة بس شقية يقول...

فكرتينى بأحن ناس عندى فى النيا جدو وستو ربنا يرحمهم ويرحم جميع موتانا

romansy يقول...

ربنا يرحمه ويرحمنا جميعا يارب العالمين

ويدخله فسيح جناته يارب العالمين

حاسوباتيه يقول...

البقاء لله

Soul.o0o.Whisper يقول...

كيتىىىىىىىىىىى

انتى كمان فكرتينى
بس للأسف أنا مش شفتى جدى خالص

لا جدى لبابا و لا لماما

بس فكرتينى بجدتى لبابا
و لماما

بس جدتى لبابا كانت أقرب
بجد كانت قريبة منى أوى

علمتنى حاجات كتيييييييييييير جدا
أول شئ علمتنى الحب
حب ربنا اول شئ
حب بابا و ماما
علمتنى اعتمد على نفسى

كانت السبب فى عشقى للشعر و اللغة العربية
فقد كانت أديبة العائلة

ياااااااااااااه يا كيتى
رجعتيلى ذكريات حلوة اوى


ربنا يرحمها
و يرحم جدك
و جميع موتى المسلمين

norahaty يقول...

السلام عليكم ورحمة
الله تعالى وبركاته
تغمده الله تعالى وجميع
موتى المسلمين اجمعين برحمة
واسعة ويرحمنا اذا صرنا
الى ماصاروا اليه وحدنا

حسن حنفى يقول...

انا لله وانا اليه راجعون

فكرتيني بجدي الله يرحمه كان من اقرب الناس ليا بعد وفاته حاجات كتير اتغيرت

دمتي بخير

NUMBERONESHOUT يقول...

دعوه
الأخ العزيز/او الأخت العزيزه
تحيه طيبه
ندعوك للمشاركه فى برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام وهو يذاع يوميا التاسعه وعشر دقائق صباحا عدا الجمعه وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
المدونه
http://netonradio.blogspot.com
الموقع
http://dear.to/cairo

Mohamed Hamdy يقول...

ربنا يرحم كل الراحلين ويمتع كل العايشين باحبائهم

ذكرى الراحلين المؤلمه تهون لو منينا نفسنا بلقاء قريب فى الجنه باذن الله

Manamino يقول...

تعيشي وتفتكري ياكيارا

حـــــدوتـــــة يقول...

السلام عليكم

ربنا يرحمه ويدخله فسيح جناته

سلالالالالالالالالالالالالالالام

EMMY BABY يقول...

ربنا يرحمها ويحشرك معه فى جنات النعيم باذن الله

وربنا يرحم جد انا ودماغى ويرحم اموات المسلمين

جميل النيو لوك الجديد

لما شفت اسم كيارا افتكرتك رجعتى مدونتك اللى فاتت لكن فوجئت انها مدونة مولان انا بحب اسم كيااااارا اوى على فكرة

امممممممواة ربنا يسعدك دايما يارب

تحياتى

ايمى

وردة يقول...

ربنا يرحمة ويصبرك انت واميرة
اويرحم كل الناس يارب
اجمل حاجة انك دايما فكراه وعمرك ما حتنسيه
ربنا يكرمك
سلام

أخـــ مسلمة ـــت يقول...

ربنا يرحمه
ادعيل كتييييير
وتذكري : "ولد صلح يدعو له"

ربنا يعوضك خير يااااااااارب ويجمعكم في الجنة

أحــوال الهـوي يقول...

انا باحلام اكون جد و ساعتها هاتمني حفيدتي تبقي بتحبني زيك

و تبقي بنوته شقيه
هتستغربي لو قلت لك اني اول مولوده لدي تمنيتها بنت و زوجتي كان نفسها بولد و لما ولدت بنتي كنت اسعد مخلوق في الكون لدرجة ان الناس كانوا بيتغربوا اول مرة نشوف و احد فرحان بالبنات بالشكل ده
و نفس الاحساس رايح ناحية الحفيدة

تحياتي

ولد مصري يقول...

نعم هي الدموع التي لم يبقى لنا سواها لتملأ علينا ذلك الفراغ الذي تركوه خلفهم

هم ذهبوا وتركوا لنا ذكريات نحيا بها حتى إذا راودتنا تذكرناهم فدعونا لهم بالرحمة والغفران


ربنا يرحمه ويرحم جميع اموات المسلمين

البقاء لله

esraa يقول...

ربنا يرحمهم هم الاتنين ويرحم موتانا وموتي المسلمين

maioya يقول...

يارب يرحمه ويرحم اموات المسلمين اللهم امين

fashkool يقول...

العزيزه كيارا .. مولان
تحياتى
انت ليه يا كيارا ما كنتيش حفيدتى عشان تحبينى قوى كدا .. يعنى البنت ملك بنت بنتى حتحبنى زى انت ما كنت بتحبى جدك .. يا رب .. بس هم الجدود بيموتوا بسرعه والا ايه .. اصل يا كيارا الحفيد ده تقريبا بيبقى اغلى عند الجد من ابوه ومن امه كمان .. والواحد بيبقى يلعب بالبت ملك اللى بتركبنى وتقول شيى يا حمار وركبى من كتر ما انا عامل حمار بقت بتوجعنى وكمان احمد اللى راكب على كتفى طول النهار وكمان مش عاجبه وبيعيط ..
سلام يا كيارا

اللؤلؤة يقول...

إنا لله وإنا إليه راجعون ولا حول ولا قوة إلا بالله اللهم أنزله منزل صدق
ويسعدنى التواصل معك

elsha3er يقول...

ربنا يغفرله ويغفر للمسلمين اجمعين

احمد الشاعر

علي محـمــــــد يقول...

السلام عليكم ورحمة الله وبركاته

كياااااارا ازيك واخبارك ايه ؟

تعرفي الجنه او بالأصح عمرك شفتي الجنه ؟
انا دايماً اتوقع ان كل المسلمين مصيرهم ومثواهم الاخير هو ( الجـنــــه ) يمكن احد يختلف معاي في هذا ولكني اظل دايماً احسن الظن بربي وبرحمته بعباده وانا على يقين كامل بهذي الرحمه الكبيره .. وعشان كذا انا اطلب من الله سبحانه وتعالى ان يرحم جدك وكل ابناء المسلمين الاحياء منهم والاموات ..
وعلى فكره صورة البنت اللي فووووق شكلها كيارا :)

في امان الله

انا ودماغي يقول...

الله يرحمه يا رب

آسفة يا خيارة إنى عملت فيكى كدة بجد مكنتش عارفة إن ممكن حد يتأثر للدرجة دى

ربنا يصبرك و يصبرنا

DoNyA يقول...

البقاء والدوام لله وحده
ربنا يصبرك ويصبرها يارب
و يرزقهم جميعا بجنات عرضها السماوات والارض
اللهم ارحم موتانا وموتي المسلمين