عالــم مــولان عالــم مــولان
randomposts

آخر الأخبار

randomposts
randomposts
جاري التحميل ...

قلبك بيشوف الحقيقه .. الخوف والشك بس هما اللي بيعموا

  1. إنتى جاية تسمعينا الوصية الأخيرة
    ياعينى عليكى يا كيارااااااا

    ردحذف
  2. ههههههههههههههههههههههههههههه


    ايه بس مش من حقى اعمل وصيه ولا ايه

    عااااااااااااااااااااااااا

    زحلانه منك هه بس

    ردحذف
  3. لا حول ولا قوة الا بالله

    لا حول ولا قوة الا بالله

    لا حول ولا قوة الا بالله

    بجد مش مرتاحه لك

    انتى متأكده ان الجهاز هو اللى كان خربان ؟؟؟؟

    D:

    ردحذف
  4. اه والله ياضد ياحبيبتي كان خربان مش انا خالث

    عااااااااااااا يامظلومه ياني

    ردحذف
  5. اهئ اهئ اهئ

    اه زعلانه زحلانه اوى كمان


    ربنا يطولنا ف عمرك يا عثوووووله
    أمال مين اللى هيرخم على مدوناتنا

    متقوليش كدة تانى لحسن والله هبقى زحلانه خالث وعلطول

    ردحذف
  6. ربنا يقرب البعيد


    بقى انا لسه واصل من بره الاقى غرامة كده
    قال اسود قال
    طيب اتفرجى بقى على اللى انتى ببتدافعى عنها قالت عليكى ايه

    ردحذف
  7. اهئ اهئ اهئ

    متقوليش كدة تانى والا هزحل اوى
    ربنا يطول فى عمرك ويخليلك يا حثل

    ردحذف
  8. يا بنتى
    شيلى بقى النيلة الاشراف ده
    مش كفاية علينا ام اربعة واربعين

    ردحذف
  9. بسمه

    *******

    لا مش تزحلي ياقمريتي ربنا وحده العالم باليوم دا دي مجرد وصيه ( وش برئ)

    امممممممممموه انتي اللي زي الثكر

    ردحذف
  10. ازهري

    *******

    ههههههههههههههه اه اسووود

    وكمان تقول اللي تقوله دي صبحتىىىىىىىى

    ردحذف
  11. بسمه

    *********

    مش تزحلي ياقمر

    بوسه كبيره اهى اممممممموه

    ردحذف
  12. ازهري

    *******

    هشيله حاضر بس لما الاستاذ بتاع بحبك ياكيارا يتقى الله ويحل عني

    ردحذف
  13. ههههههههههههههه
    الله على الوصية اللى كلها حلويات
    وعندك واحد شاى كشرى علشان المزاج

    وصية معقولة بردوا

    كلام جد
    المسلم يجب عليه كتابة وصيته قبل موته
    خصوصا" ان يوصى اهله بعدم العويل والصراخ عليه


    يااااااااااللى موتى صغيره يا ختى
    يااااااااللى كنت بتحبى المثاثات يا ختى

    اه اه اه

    والى ميعاد

    ردحذف
  14. ياستى انتى تامرى
    بس للاسف المصاصات دى غاليا قوى

    ردحذف
  15. ابوعلي

    ****

    طبعا لازم نعمل وصيه ولازمن الحلويات امال ايه مش ابقي كيارا

    ردحذف
  16. صوت من مصر

    **********

    عاااااااااااا لازمن بقي مثاثات هه بس

    ردحذف
  17. السلام عليكم

    ربنا يطول في عمرك ياستي ..

    ويعدين انا ليه شويه في القانون .. اولاً علم المواريث ياستي بحر وفيه مجلدات وحسابات تجنن وما تتخيليها .. المهم مش حندخل في الحته دي .. هو مش لازم نعرف حجم الثروه عشان نعرف نقسمها زي ما انت عاوزه ؟ :)
    مش يمكن تكون ضخمه وأغلبها في بنوك سويسرا مش لازم نعرف ارقام حساياتها السريه اللي هناك .. ؟ .. وبعدين لما تقولي ..

    تالت حاجه ودي اللي يقدر عليها يعملها بجد كل شهر مره واحده بس تشتروا مصاصات واخدين بالكوا مصاصات

    وحلويات كدا وتروحوا دار ايتام واقعدوا مع الاطفال هناك والعبو معاهم وحسسوهم انهم مش لوحدهم

    هو ده برضه من الميراث اللي حتسيبيه لينا ؟ :) ههههههههه
    هو انا لما اروح واعمل الحاجات دي يبقى ليكي ..؟
    أه ممكن تاخدي اجره كداله عالخير لكن ده مش من ميراس سياتشك .. حلوه سياتشك دي ها :)

    ربنا يخليك لأهلك يا ستي ويسعدك في حياتك .. بلاش تفكري في تقسيم الثروه قبل ما تيجي :)

    في امان الله

    ردحذف
  18. .
    هههههه سديهات يا كيارا ويوزعوها على اللى محتاجها ؟
    واللى محتاجها دول يعنى عبارة عن ناس فقرا عندهم اجهزة كمبيوتر ودى فى دى لكن مش قادرين يشترو سى ديهات ؟
    طيب يا حبيبى قولى شرايط كاست او على الاقل كتيبات صغيرة فيها بعض سور القرأن
    مش سى ديهات يا حبيبى
    الشيوخ اللى على المقابر والناس المحتاجه مش بيستعملو الأى بود يا قمر
    .

    ردحذف
  19. علي محمد

    *******

    موضوع دار الايتام دي حاجه مش عاوزاها تتقطع واللي علمتهالي خالتو

    ودي بقي قلت اللي يقدر مش قلت من الميراث كمان الحمد لله نقدر نقول ربنا ساترها

    بس الكل عليق ليه علي كلمه مثاثات :)

    ردحذف
  20. صفاء

    *********

    ههههههههههههههههه موتيني من الضحك مش جه في بالي خالص طيب اشرطه يبقي علي بابا بقي اللي يعملها هيعرف يتصرف اصل العيله تخصصات :)

    ردحذف
  21. السلام عليكم....

    ايييه البوست العجيب الغريب ده

    هههههه
    هو حقك طبعا وكمان وصية الرسول صلى الله عليه وسلم اننا نعمل كده

    بس اغيب شويه اجى الاقى العنوان "وصيه"

    ربنا يطول عمرك يا ستى

    تحياتى وسلامى

    ردحذف
  22. هههههههههههههه ولا عجيب ولا حاجه يانبيل هو من زمان بفكر فيه وكل اما اكلم ماما تحدفنى بحاجه في وشي عااااااااااا اعمل انا ايه بقي

    ردحذف
  23. أول مره أشوف مصاصه بالحلويات

    ربنا يديكى طولت العمر
    وتحققى كل اللى تتمنيه :)

    ردحذف
  24. انتي اكيد بتهرجي ماشي يا كيارا
    بجد بتهرجي هو انا ناقصه كفايه محمد لسه ذكراه ماثرة فينا كدا بردو الكلام ده والله العظيم حرام عليكي
    وليكي نفس كمان تهرجي بجد مخنوقه منك جدا
    ربنا يسمحك
    سلام

    ردحذف
  25. هههههههههههههه

    تتؤتؤتؤؤتؤتؤ مثاثه وحلويات مش مثاثه بالحلويات
    .
    نورتيني ياقمر

    ردحذف
  26. ايه بس يامى

    مش غلط اننا نقول وصيه لينا واحنا في كامل صحتنا انا من ساعه موت محمد وانا اصلا مش متظبطه وبحاول اظبط نفسي بلاش تزعلي ياحبيبتي مش هيبقي انتي وماما اللي كل اما اجيب سيره الموضوع تبهدلني هو الموت مش حقيقه وقريب مننا ولا ايه

    عااااااااااااااااااااااااا

    كله مقموص مني عاااااااااااااااااا

    ردحذف
  27. لا اله الا الله

    وحدوووووووووووووه

    بتودعى يا كيارتى طب مشوار بكره اروحه مع مين

    ردحذف
  28. بحباااااااااااااااااااااااااااااااااااااااااااااااك
    ربنا يطول فى عمرك يارب
    الدنيا تبقى ازاى من غيرك ياكيارا
    ربنا يفرحك زي مابجددايما بتفرحيني

    ردحذف
  29. كيارا
    مكنتش احب ان اول زيارة ليا لمدونتك الجميلة تكون وصيه منك
    بس زى ما قولتى الاعمار بيد الله
    ربنا يكرمك ويجعلك دائما فى حياتك انك تعملى الخير اللى طبعا يظل معكى طول الوقت
    بس اكيد دى مش حتكون آخر زيارة ده لو طبعا سمحتيلى بكده
    دومتى سعيدة
    تحياتى

    ردحذف
  30. كيــــارا مافيش في الوصيه بالونات كمان هههه...

    الله يطول في عمرك وتشوفي ولاد ولادك...
    الوصيه شيء مهم جداً...
    بس اللي اعرفه وعلى حد معلوماتي البسيطه...إنك مش حتقدري توصي شيء من الميراث... طالما إن والدك ووالدتك طيبين الله يطول في عمرهم... وطالما إنك مش ورثتي لسه وخصوصا إنتي مش متزوجه وليس عندك أطفال...
    فـــ الميراث حيبقى لأصحابه الأصليين اللي هم والدك ووالدتك... الله يخليهم لك.. ويشوفوا ولادك... و ولاد ولادك... اللهم امين...

    بالنسبه لوصية المصاصات... ولا يهمك... ده مقدور عليها.... هاااااااااهاااااااااهاااااااا

    : )

    أراك بخيــــر ياودتي...

    ردحذف
  31. بعد الشر عليكي وربنا يديكي طولة العمر

    وبعدين انا مش شايف اسمي مكتوب في الوصيه أنتي ناوية تحمرقي والا ايه ههههههههههه

    وبعدين فكرة الوصية دي جميلة قوي ودا المفروض كل واحد يعملها ويحطها تحت المخده قبل ما ينام

    تقبلي مروري سيدتي
    مجنووون

    ردحذف
  32. mahasen saber

    *****************
    محمد رسول الله

    هههههههههههههههههههه


    جايه معاكي ياسنسنتي في مشوار بكرا مش تقلقي خااااااااااالص


    اه اجيب مصاصه لبيرو ولا ايه النظام اوعي يضربني في الشاررع

    وحشاني خالث يامحاسن

    ردحذف
  33. الف بعد الشر عليكى ربنا يحفظك يارب بس بجد الانسان مش بيفكر ابدا فى موضوع الوصية ده والعمر مش مضمون
    هروح اشوف البوست التانى

    ردحذف
  34. ايه بس يا بنتى فى ايه


    ربنا يباركلك فى عمرك يا كيارا يا رب

    وجميل اننا نكتب وصيتنا

    ربنا يقدرك على فعل الخير يا رب

    ردحذف
  35. GiGi

    *******

    وانا بحببببببببببببببببببك حالث خالث ياجي جي

    ويطولي في عمرك يامظبطااااااااااااانى رثايل

    بجد رثايلك زي العثل ربنا يحميكى يارب

    ردحذف
  36. فراشة

    *******

    اهلا بيكي ياقمر في اول زياره بجد اسعدتيني بكلامك والمدونه بتاعتك ياقمر تيجي اي وقت

    اهو تصريح رسمى فهمى نظمي ان المدونه بتاعت فراشه

    ردحذف
  37. أكون أو لا أكون

    ***************

    كونتي حبيبتي انا بتكلم عن مالي الخاص ربنا يدي بابا وماما طوله العمر انا عمري يماهفكر في فلوسهم ابدا كفايه هما ماليين الدنيا عليا

    وانا مقدرش اقول فلان ياخد وفلان مش ياخد لكن في نسبه التلت انا بوصي بيها اللي هي من حقي اقول تروح فين يعني

    ربنا يحفظك يارب

    ردحذف
  38. مـجـنـووون

    ************

    مجنووووون حمدالله علي السلامه

    ربنا يخليك يارب

    هههههههههههههههههههه طب تاخد كام مثاثه هههههههه


    وبصراحه انا شيفاها ضروريه

    انا مش حطاها تحت المخده حطاها في المدونه وفي الفايل اللي فيه الملفات بتاحتي

    نورتني

    ردحذف
  39. ايوشة

    **********

    ويحفظك ياقمر

    احنا لازم نفكر في الوصيه محدش ضامن حياته

    وشوفي ياقمر وقوةوليلي رايك

    ردحذف
  40. ريمان

    ************

    ويباركلك ياقمر

    انا بخير طالما انتو معايا

    وربنا يحسن ختامنا

    منوراني يااحلي قمر في الكون

    ردحذف
  41. البقاء لله

    ايه كلنا لها و مادايم الا وجة الله

    و هنيالك يافاعل الخير و الثواب

    وبيقولك اعمل الخير ....و ايه
    ايوة ارميه في الزبالة

    و يابخت من زار و غار

    سلام

    هههههههههههههههه

    ردحذف
  42. كيارا
    عمر الشقى بقى

    ردحذف
  43. ليه كده بعد الشر عليكى انتى فظيعه بجد


    اه الاعمار بيد الله طبعا و كل حاجه
    لكن مش من الضرورى نتكلم عنها كده


    و متخافيش انا حطلع على روحك مصاصات و حلويات للايتام اللى فى اسكندريه علشان يدعوليك

    ------------------------
    كان معكى من امام الكيبورد
    واحد مخه لاسع شويه
    شبـــ اون لاين ـــاب
    الاسكندريه
    -----------------------

    ردحذف
  44. طبعا يا حابيبتي الموت علينا حق

    ربنا يديلك طولة العمر ويبارك فيكي


    اللهم آآآآآآآآآآمين

    ردحذف
  45. السلام عليكم
    كيارا حبيبة قلبي وحشاااااني ربنا يطول في عمره لطاعته يا جميل

    وكل وصيتك دي قادرة تحققيها دلوقتي وتشوفي الفرح لي حتكسبيها والحسنات لي حتستناك في الفردوس الاعلى

    غاليتي دمتي بصحة وخير وسعادة

    وألف سلامة عليك وعلى الجهاز سلامي لسمبا فاكراه هههههه

    كل لحضة وانت بهنا وخير

    ردحذف
  46. خير اللهم اجعله خير
    وصيه وموت
    عموما المسلم لازم يكتب وصيه ويشلها في مكان معلوم لأهله
    ربنا يبارك في عمرك وتحققي كل احلامك علي خير

    ردحذف
  47. اخس عليكى ده كلام برضه؟
    والله وجعتى قلبى
    لانى بحبك
    بعد الشر عليكى ياقمر
    ان شاء الله اليهود
    انا مش قريت البوست لسه
    هبقى اقراه لاحقا
    بس اشوف ايه موضوع الوصيه دى الاول

    ردحذف
  48. هههههه

    دى الوصية بس

    دا انتى قنوعة بشكل

    خلاص مش هنفذ ولا اى حاجة من اللى انتى

    قلتيها دى.

    بعيد الشر عليكى يا كيارا..

    ان شا الله عدوينك

    وربنا يديكى طول العمر ويمنح لكى فيه

    البركة والخير ويرزقك من بعدها الجنة

    وإيانا...

    ردحذف
  49. بسم الله الرحمن الرحيم
    السلام عليكم ورحمة الله وبركاته
    كيارا
    ربنا يديكى طولة العمر(اهى اى حاجه تبقى طويله معاكى والسلام يعنى كله هيبقى قصير ماينفعش طبعا)
    بس انا عاوز اعرف ايه اللى سخنها فى نافوخك
    ولا تكونيش كشفتى عند الدكتور اللى وديتى عنده الجهاز(كشفين بتمن كشف واهى فرصه)
    لابجد مش هينفع انا عاوز اعرف
    والا كمان موضوع المصاصات ده
    طب انتى (بعدالشر بعد الشر)هتبقى موتى احنا مالنا احنا ومال المصاصات وهو يعنى ماينفعش الواحد يروح دار ايتام من غير مصاصات!!!!!!!
    يلا ربنا يشفيكى
    تحياتى ودمتى بكل خير وود
    والسلام عليكم ورحمة الله وبركاته

    ردحذف
  50. وبعدين ثوانى تعالى هنا
    ايه العك ده
    هو مش الوالد ربنا يطول فى عمره عايش ؟؟
    والوالده ربنا يطول فى عمرها عايشه ؟؟؟
    يبقى انتى ان شاء الله هتورثى مين ياناصحه
    ماهو انتى لو موتى قبلهم يبقى مالكيش حاجه فى ذمتهم ومحمد هيعمل زى ولد الكوتشينه يقش كل حاجه
    لأ وقاعده تتشرط الف سيديهات ومش عارف ايه
    وانتى فى الاخر ماطلعش حيلتك ربع جنيه مخروم
    روحى نامى احسن
    ســــــــــــــــلام

    ردحذف
  51. ربنا يكرمك يابنتى وتعيشي ايامك كلها حلوة :)

    ماتقلقيش عليا انا المثاثات

    ربنا يبارك فى عمرك يارب :)

    ردحذف
  52. طيب ابقى اعملي حسابي في سي دي
    ههههههههههههه

    ماشي يا ستى يدلك ويدينا طولة العمر ماحدش عارف مين هايروح الاول

    بس كلنا بنروح فىالاخر


    عبيته انتى يا لولو

    ردحذف
  53. بت يا كيتىىىىىىىىىىىىى

    ربنا يبارك لنا فى عمرك
    و مش يحرمنا من تشريداتك يارب
    هههههههههههههههههههه

    انا بردوا كنت كاتبة وصيتى من زماااااااان و عيناها ..ربنا يستر


    اما أروح أشوف بئا مين طارق دا
    ههههههههههههههههههههه





    سلام

    ردحذف
  54. كيارا
    مالك ياحبيبتي
    ربنا يخليكي يارب ويحفظك
    وتعملي كل اللي انتي ذكرتيه ده في حياتك
    انتي هيستي علي الاخر
    هههههههههههه
    اقولك
    دخلي دماغك تحت الحنفيه حتفوقي علي طول
    سلام ياحبيبتي
    ربنا يخليكي

    ردحذف
  55. السلام عليكم .
    وحدووووووووو ههههههههههههه
    اولا ربنا يطول فى عمرك يااااااااارب
    ثانيا عشان عوزه اسمع صوتك تانى الى كلوووووووو براءه
    والف سلامه على الجهاز وحمدله على السلامه لى تحياتى سونه او كوكى عشان تفتكرينى او اسالى زوزو ونور عليه سلام ياحميل .

    ردحذف
  56. انا دخلت المدونه بتاعت خط الفقر
    وقريت البوست بس مش عارفه اعلق عليه
    عموما هو الموضوع حلو
    وربنا معاها ويعينها
    وفعلا محدش بينام من غير عشا
    يابنتى من كان رزقه على الله فلا يحزن

    ردحذف
  57. وانا ااقول ابعتلها ااقولها التعليق التانى وصل ولاا لا

    قلت اعقلى يا سنسن هتضحكى البلوجر علينا


    فيقوم يكون متبعتش
    اخس عليه كسفنى وخيب ظنى

    ردحذف
  58. انا كنت بقول ايه يا لمضه اه كنت بقول

    ده كله خوف من نص ساعه نص ساعه يا بنتى خلاص لغينا النص ساعه اليى بترعبك دى

    انا بقولك يا كوكتى بعد الشر عليكى يا قمر
    تعيشى وتدوبى مصاصات الدنيا كلها
    وتخلصى على سويتس العالم كله
    وتمسحى باستيكه حقوق الملكيه الفكريه لعالم ديزنى هههههههههههه
    شكلى هوديكى فى داهيه قبل الوفاه قضية ملكيه فكريه

    ردحذف
  59. كيارتى مين فكريه

    تعرفيها
    ..انا مؤدبه ومش بطلع لسانى ..
    انا قايمه ماشيه ادعيلى
    سلام يا قمر
    واقئرصيلى البت ضد وممكن بوكس فى وشها
    ده محبه محبه بحبها بس وبحب اشوفكوا حبايب خالص
    بريئه انا طول عمرى
    سلام يا قمر

    ردحذف
  60. على فكره كتابة الوصية دي سنه ولازم كلنا يكون عندنا وصيه ...يعني دي مش تشاؤم ولا حاجه ...بجد عمل ممتاز ويمكن اضافة حاجات للوصيه كل فتره فعلاً .... دائماً نسأل الله أن يرزقنا طول العمر مع حسن العمل .
    شكراً على الوصية

    ردحذف
  61. امممممممممممم هى فكرة حلوة كتابة الوصية على فكرة

    وجميل انك تفكرى فى الموت من دلوقتى

    حتى فى الوصية مش عاتقة المصاصات

    الله يرحمك يا كيارا

    تحياتى

    ايمى

    ردحذف
  62. انا مش فاهم حاجة
    بس طبعا الاعمار بيد الله وحده
    وربنا يديلك طول العمر والصحة
    سلاموز يا بنت منطقتي

    ردحذف
  63. كيارا
    إنت عارفه عند بلوغ الحلم سن البلوغ وجب وضع الوصية مكتوبه تحت الرأس يعنى تحت المخده
    بس أنا شايف فيه حاجات حلوه و حاجات فيها جهد وحاجات ناقصة فى الوصيه
    الحاجات الحلوه كونك فكرتى فيها أصلا والتوجيه لما تريدين
    الحاجات فيها جهد عمليه المصاصات و الحلويات تفتكرى لو لغو المصاصات هيعملوا إيه وقتها يفرقوا بنبونى مينفعش
    حاجات ناقصه ديه حاجات تكتب فى الوصيه إبحثى عنها وإن لم تعرفى أمرك لله وقولى لى و أنا هعرفهالك
    أدام لك الله حياه رغده وأمد عمرك ألف ألف سنه فى طاعته

    نسيت أقول شكلك دمك خفيف
    تقبلى مرورى

    ردحذف
  64. بقالك كم يوممدخلتيش


    ايه ننفذ الوصيه والا ايه


    وبعدين اناعاوزك تكتبيني ف الوصيه

    انا عاوز شويه اشتري شقه



    اشطه

    ردحذف
  65. ههههههههههههه
    يخربيت التهيس
    انتى ايه شاربة ايه ع الصبح
    ههههههههههههههههههههههههههه

    ردحذف
  66. وصية
    كان بدرى عليكى عليكى بدرى ههههههه
    ربنا يطول عمرك يا بنتى:))
    تحياتى:)

    ردحذف
  67. وصية ايه بس يا ست كيارا
    يحينا ويحيكى ربنا
    ويديكى يا ستى طولة العمر
    مجنونة
    اوعى تنسى تكتبيها فى الوصية
    تحيااااااااااااااتى

    ردحذف
  68. الوصيه واجب... والموت حق..
    بي الصغيرين اللي زيك.. يدوروا على مستقبل جميل من غير ما يزعلوا أهلهم..

    نرضى بقضاء الله.. ونسأله تعالى أن يخففه عنا..

    بلاش تقولي كده لماما

    أمنياتي

    ردحذف
  69. الف الف الف بعيد الشير عليكي يا كيكي يا قمريه
    وربنا يزيدك خير ويقوي ايمانك

    ردحذف
  70. كيارتى الجميلة ،،

    بعد الشر عليك من الموت .. ربنا يخليك لماما ولأخواتك ولينا ولكل اللى بتحبيهم .

    تحياتى .. دمتى بألف خير ،،

    نفرتارى

    ردحذف
  71. كيارا العزيزة
    وحشتيني جدا، ووحشني عالم مولان البريء الجميل المليء بخفة الدم والبراءة
    سمعت انك كتبتي وصيتك فقولت آجي أشوف بنفسي إيه الحكاية... ربنا يديك طولة العمر والصحة يا قمر ، ووصيتك جميلة وبريئة زيك وكلها خير

    تحياتي وحبي

    ردحذف
  72. ربنا يديكى طولت العمر
    ويوفقك لما يحب ويرضى

    ويهديكى لصالح الاعمال

    تحياتى

    ردحذف
  73. إنا لله وانا اليه راااااااااااجعون..

    كلنا لها....

    كات بت زاى الورد كات شمعه منوره

    ياعينى عليكى يابت ياكياره راحت ايامك


    وشبابك.....

    __________________________

    ايه الى فوق ده....لالالالالالالاللالالالالالالالالا


    ربنا يديكى طولت العمر (علشان ان

    شاء االله تجددى الوصيه وتكتبينى تبع

    الى هيورثوا ).:)....


    امدك الله فى عمرك.....قولى اااااااااااااميييييييييييييين


    والله وحشانى موووووووووووووووووووووت


    سندس

    ردحذف
  74. معلش ياجميل هزعجك شوية لو تعرفى رق موبايل دهب صاحبة مدونة طوبة فضة وطوبة دهب تبعتهولى على الايميل ضروررررى بليز او تعرفى حد يعرفه ياااااااااريت علشان عايزة اطمن عليها من فترة غايبة وعايزة اعرف هى غايبة ليه

    ردحذف
  75. لاحول اللة يا رب

    مالك بس يا بنتى

    هوة انتى لسة خرجتى من البيضة؟

    ربنا يديكى العمر المديد فى طاعتة باذن اللة

    ردحذف
  76. الف بعد الشر عنك ياقمر

    ربنا يديلك الصحه والعمرو تشوفي احفادك كده وتجبلهم مصاصه وتكليها منهم كمان :))

    بس ان دل علي شئ يدل علي انك انسانه قريبه من ربنا اوووووووووووي

    ربنا يكرمك :)

    تحياتي :)

    ردحذف
  77. صحيح ايه موضوع لقاء المدونين ده بتاع يوم التلات

    ياريت تقولي ليه التفاصيل :)

    متشكره :)

    ردحذف
  78. يااه مش أنا بس اللي بوصي ماما على حاجات تعملها لما أتوفى
    بس أنا أول شرط عندي إن ماحدش يلبس أسود
    وصيتك بتدل على صفاء قلبك و إنك شخصية تستاهل كل خير
    ربنا يطول عمرك و يحسن عملك و يخليلك كل اللي بتحبيهم
    و عن وصية المصاصات فامتقلقيش انا اول واحدة حقوم بيهاو من دلوقتي كمان ;-)
    تحياتي لكِ و سعيدة إني رجعتلكو

    ردحذف
  79. ممكن اسأل سؤال

    هي التركه أد أيه بالظبط؟؟؟

    ردحذف
  80. ربنا يديكي طولت العمر
    وان شاء الله تنفذي كل ده في حياتك

    ردحذف

وصيتى + بوست

الاول انا جيت اهوووووووو والله وحشتونى خالث خالث لازمن نكون متفقين ان الاعمار بيد الله صح ولا مش صح ( صح طبعا ) الكلام اللي هقوله انا قلته لماما وكتبته في ورقى يعني لما اموت ان شاء الله لما هيدوروا في ورقى هيلاقوه الوصيه دي مكتوبه وطبعا اما اموت ان شاء الله ممكن ماما تنسي ودا انا خايفه منه وعشان كدا فكرت اكتب الوصيه في المدونه كمان وواللي مش هيعرف يوصل لاهلي عن طريق الموبايل هتكون الوسيلة التانيه تليفون البيت اللي مع 3 ضد التيار وسميلي روز وشمس النهار اول حاجه انا مش هوزع حاجه بس ليا الحق تقريبا في 1/3 الميراث دا اللي اعرفه والله اعلم برده اصلي مش فكرت قبل كدا في توزيع المواريث فعاوزه الف منهم حد يبلغ محمد انه يعمل بيها سيديهات للقران ويوزعها للي محتاجها هو هيعرف يتصرف في الموضوع دا تاني حاجه ان بقيت التلت دا كله يتحط في بناء مسجد ولو مش عرفوا يبقوا في دار ايتام بس يكون دار ايتام فلوسه فعلا للايتام مش في بطون القائمين عليه تالت حاجه ودي اللي يقدر عليها يعملها بجد كل شهر مره واحده بس تشتروا مصاصات واخدين بالكوا مصاصات وحلويات كدا وتروحوا دار ايتام واقعدوا مع الاطفال هناك والعبو معاهم وحسسوهم انهم مش لوحدهم رابع حاجه اني اتدفن في المقبره اللي مات فيها جدي مش في مقابر عيله بابا اللهم احسن ختامنا وادخلنا فسيح جناتك احم احم الوصيه خلصت وطبعا طول منا عايشه هتزيد

عن الكاتب

Kiara بنت مصريه بحلم بدنيا صافيه مش فيها غدر وكل اللي فيها اننا نحب بعض مش لهدف ما لكن نحب بعض عشان نشوف الدنيا صح

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

عالــم مــولان