الأحد، مارس 22، 2009

كل سنه وانتي بخير يااجمل ام في الكون

32 كلام قلوبهم
طبعا انا شاكره ليكوا علي الي قلق عليا وانا بخير وهرجع بس ادعولي عشان اقدر اجع كيارا تاني 
وارد من تاني لكن انا متابعاكم 
البوست دا بدايتا هقول لامي كل سنه وانتي بخير اتحملتي من كتير
بحبك ييامي وانتي دايما اللي بتخليني متمسكه بحياتي ودايما بتجيلي في احلامي وانتي بتقولي
 ليا انا عايشه عشانك ربنا مايحرمني منك ومش هقول اي كلمه ليكي 
لان اي كلمه هقولها هتقلل منك عندي بحبك ياصديقه عمري ومش هقول اسم مامتي بقي :)
وهنا ياريت تقروا البوست دا شقى عمرهم راح  
وكل سنه وكل اللي ربنا مش رزقهم باطفال بخير وربنا كبير واحنا اولادكم بس بلاش اشوف اي دمعه في عيونكم
انا ظهرت عشان بس عيد الام دا لكن هرجع للبوتقة اللي كنت فيها تاني 
الفكره هي اني شايفه التدوين رساله وعشان كدا انا شايفه اننا نجمع بعض في يوم طبعا هيتحدد بناءا علي
 موافقتكم علي الفكره 
وهنزور احد دور المسنين لان الناس دي محتاجه فعلا اننا نقولهم كل سنه وانتم طيبين 
ساعتها هنحس فعلا اننا مش بنكتب وخلاص لا 
كلمه كل سنه وانتي طيبه بتفرح اللي محتاج يسمع كلمه ماما
فشوفوا ايه النظام ومين جاي ومين مش جاي وعاوزينها ازاي وقبلها اروح الدار اللي هنزورها
 وابلغهم عشان لما نروح
 ولو حد يعرف دار كويسه وقربه شوفوا انتو الاقتراحات ايا كانت وان شاء الله ربنا هيوفقنا 
مدام نيتنا اننا نسعد  امهاتنا 
وكل عام و كل ام انجبت او لم تنجب بخير

الأربعاء، مارس 18، 2009

وحدى

52 كلام قلوبهم

الخميس، مارس 12، 2009

عبدالرحمن الرافعى 2

55 كلام قلوبهم
في الاول احب اقول ان الحمد لله انا وعاشقه الرومانسية بقينا تمام وان شاء الله في بوست هانزله  مشترك وتاني حاجه المدون محمد عادل بيسلم عليكم كلكم  
طبعا كان الجزء الاول لحياة الرافعى نزلته في ضي القمر وانا عارفه يومي بسنه 
في هذا الجزء سوف اتحدث عن حياه الرافعى العملية فهو حق مثلا يجب ان يحتذي به شباب هذا الجيل 
1- المحاماة
عمل محاميا تحت التمرين باسيوط شهرا واحدا بمكتب الاستاذ محمد علي علوبة وفي اثناء عمله كان الاستاذ محمد علي علوبة علي اهبة الاستعداد لقضاء اجازته وترك مهمه تمرين عبدالرحمن لوكيل مكتبه ولنا ان نتخيل ان اول تمرين كان علي يد وكيل المكتب فلم يروق لعبدالرحمن طريقته فاخذ يفكر لبرهه من الوقت في حلم حياته في الجهاد وفي تلك الاثناء دعاه احد اصدقائه للعمل بالصحافة محررا بجريدة اللواء وبالفعل ترك الرافعي العمل بالمحاماة بعد شهر واحد وبدات حياته الصحفية في عام 1908.
2- الصحافة 
ذكرت انه بدا حياته الصحفية في عام 1908 وكانت اول سلسة مقالاته في موضوع الدستور وعنوانها امالنا في الدستور وعندما كنت ابحث عن هذه الشخصية الثرية وجدت عقلية فذه في اسلوب العرض وطريقة التناول وجدت شابا بداخله مصر قلبا وقالبا وليس اسما في بطاقته الشخصية وتوالت مقالاته فقد كتب رد علي تقرير السير داون جورست المعتمد البريطاني 1908 وكتب فيه حوالي 19 مقالة نشرت في مايو 1909 تضمنت عرض تحليلي للحركة الوطنية وموقف الاحتلال والحكومة حيالها 
ايضا كتب عدة مقالات عن حياتنا الاقتصادية وما يتعهدها من خطر عن الاحتلالين السياسي والاقتصادي والانقلابات الاقتصادية ومن يريد الرجوع لهذه المقالات سيجدها في جريد ه اللواء اعدا 11-14-26 يناير , 28 فبراير - 7مارس 1909 بالفعل اثري الصحافة المصرية بعده مقالات سجلها له التاريخ .
3- العودة الي المحاماة مره اخري 
قد نصحة احد اصدقائه بالعودة الي المحاماة مع الاستمرار قي الكتابة بالصحف وفعلا عاد الي ممارسة المحاماة بالزقازيق منذ يناير 1910 وفتحوا في نفس العام مكتب اخر في المنصورة وكان الرافعي يتولي مباشرة قضاياه حتي انتقل بمفرده الي المنصورة 1913 حيث انشئت بها المحكمة الابتدائية وظل بها نحو عشرين عام وانتقل الي القاهرة نهائيا عام 1932
وكانت اول مقاله للرافعي وهو يعمل بالمحاماة في 13 مارس 1910 تحت عنوان قوة الراي العام والحكومة  وفي سبتمبر 1910 انقطع مؤقتا عن العمل بمكتبه وتولي رئاسة تحرير العلم في غيبة شقيقه امين الذي سافر الي اوروبا لحضور جلسات المؤتمر الوطني .
وقد ساهم الرافعي في مؤتمر بروكسل 1910 وكان موضوع الخطبة " الصحافة في مصر والادوار التي تعاقبت عليها في عهد الاحتلال وقد القاها عنه فؤاد بك حسيب بجلسة 24 سبتمبر .
وتم اعتقال الرافعي في عامي 1915-1916 بعد نشوب الحرب العالمية الاولي وقد ذكر في مذكراته عن تفاصيل الاعتقال وعن الفتره الي قضاها به 
دخول الرافعى الي البرلمان:
بمقتضي دستور 1923 شهدت مصر اول معركة انتخابية لانتخاب اول برلمان بعد ثورة 1919 وقد قدر للرافعي ان يكون طرف في هذه المعركة عندما رشح نفسه عن دائرة مركز المنصورة وحالف الرافعى التوفيق في ان يمثل دائرة مركز المنصورة بمجالس النواب لكن حل المجلس بعد مقتل السردار في 24 فبراير 1924 عندما اصدرت وزارة زيوار مرسوم بحل البرلمان .
وعندما عادت الحياه البرلمانية علي اثر اجتماع البرلمان في 30/11/1925 واعقب هذا الاجتماع ائتلاف الاحزاب وانعقاد المؤتمر الوطني ثم انتخابات عام 1926 وهي الانتخابات التي احجم الرافعي عن دخولها بسبب موقف الوفد من مركز المنصورة وكانت صدمه شديده للرافعي سجلها في مذكراته وقد اثرت هذه المحنه علي صحته .
وبعد مرور 14 عام قدر للرافعي ان يدخل للبرلمان كنائب في مجلس الشيوخ عن دائرة كفر بدواي بمديرية الدقهلية وهي دائرة قد خلت بوفاة نائبها, وظل الرافعي نائب لهذه الدائرة حتي خروجه بعد انتخابات التجديد 1951 الذى وصفه الرافعى انه اقصاء بسبب موقف الوفد في هذه الانتخابات وقد نصحه اصدقائه عن الكف عن المعارضة النزيهة ولكن لم يقتنع بها الرافعي لان النيابة رساله وليست حرفة .
الرافعى وزير للتموين 
تولي الرافعى مقاليد الوزارة في عهد وزارة حسين سيري الائتلافية ( يوليو - نوفمبر 1949 ) وقد كشف الاساليب الاستغلالية التي كانت تمارسها شركات السكر ورئيس مجلس ادارتها احمد عبود وكذلك اصحاب شركات الغزل والنسيج ويذكر الرافعي انه بعد دخوله الوزارة لاحظ احترام الناس حتي اقاربه قد زاد ماكان عليه اضعافا مضاعفه ولم ترضيه هذه الظاهرة فانها ان دلت فستدل علي قلة تقدير الناس للجهاد البعيد عن مظاهرة الحكم وفي 03/11/1949 استقالت الوزارة 
وكانت اول اذاعه للرافعي بالراديو يوم السبت الموافق 10/02/1940 الساعة الثامنة وكانت عن ذكري رحيل مصطفى كامل
انتهي الجزء الثاني بحمد الله وان شاء الله الجزء القادم هيكون عن الرافعي  والتاريخ 

السبت، مارس 07، 2009

المولد النبوي

129 كلام قلوبهم

سيدي ياسيدي علي المزاج ههههههههههههه لا فرخه مزاجها عالي اوي اوي حجرين 


والنبي للست الكتكوته
اول اما شفت الصوره دي فطست من الضحك بجد فرخه عثل خالث


 لا والناس بتنام علي قطن وفايبر 
ودي بقي اللي اختارت فرش اسبيشيل رز بق في حد يقدر

يعمل زيها ههههههههههههههههههه

نيجي بقي للمولد النبوي بجد اليوم دا من اجمل الايام هو اليوم اللي ولد فيه الحبيب المصطفى 

صلي الله عليه وسلم
وبما اني وانا صغيره  وعندي 4 سنين كنت مش فاهمه اي حاجه

 غير ان في اليوم دا لازم حلاوة المولد ولازم عروستى اللي لابسه احمر تيجي 

وارسم في الفصل اي حاجه للمولد النبوي فكنت دايما ارسم عروسه بفستان احمر 

وفي ضهرها 3 دواير 

وكنت اتفرج علي البرنامج اللي بيجيب طريقه عمل العرايس 
اما محمد فكانوا بيجبوله حصان علي اساس انه ولد
فكان محمد دايما بياخد عروستي  
فقلت ايه لازمن الفوكيره تشتغل فرحت فتحت اوضه ماما وحطيت الكرسي  ووقفت عليه

وخبيت العروسه في دولاب ماما في وسط الهدوم ونسيتها خالصههههههههههههه

ماما تيجي تغير اللبس  تهرش وجسمها ياكلها تقوم تاخد شاور وتغير   يحصل نفس الموقف

كل شويه قالت هو في ايه  بتفتح الدولاب وبتفتش


لاقت طابووووووووووووووووووووور نمل
هههههههههههههههههههههههههههههه  فضلت ماشيه وراه  لحد 


اما لاقت العروسه ههههههههههههههههههههههههههه
ومن ساعتها لا الحصان ولا العروسه دخلوا البيت هههههههههههههههههههههههه 
بجد كل سنه وانتم طيبين وياريت نحيي سنه من سنن الرسول صلي الله عليه وسلم 

ولقاء يوم الجمعه  كان لقاء فيه كميه مدونين سعدت برؤيتهم
  برغم اني كنت 
وديييييييييييييييييييعه وساااااااكته ومش بعمل المهرجانات بتاعتي
 
يعني اللي مش عارفني فيهم اكيد افتكر اين مش برغي :)

الثلاثاء، مارس 03، 2009

كان يوم جميييييييييييييييييييييييييل

36 كلام قلوبهم
انا فرحاااااااااااااااااااااااااااااااااااااااانه اووووووووووووووووووووي 
بجد اخدت باور يكفيني اربع سنين 
النهارده كان حفل توقيع كتاب انا انثي وكنت بجد هطير من السعاده
انا لسه جايه اما ارتاح هحكيلكوا اللي حصلي في اليوم بس بجد كان يوم تحفففففففففففففه