الأحد، مارس 22، 2009

كل سنه وانتي بخير يااجمل ام في الكون

طبعا انا شاكره ليكوا علي الي قلق عليا وانا بخير وهرجع بس ادعولي عشان اقدر اجع كيارا تاني 
وارد من تاني لكن انا متابعاكم 
البوست دا بدايتا هقول لامي كل سنه وانتي بخير اتحملتي من كتير
بحبك ييامي وانتي دايما اللي بتخليني متمسكه بحياتي ودايما بتجيلي في احلامي وانتي بتقولي
 ليا انا عايشه عشانك ربنا مايحرمني منك ومش هقول اي كلمه ليكي 
لان اي كلمه هقولها هتقلل منك عندي بحبك ياصديقه عمري ومش هقول اسم مامتي بقي :)
وهنا ياريت تقروا البوست دا شقى عمرهم راح  
وكل سنه وكل اللي ربنا مش رزقهم باطفال بخير وربنا كبير واحنا اولادكم بس بلاش اشوف اي دمعه في عيونكم
انا ظهرت عشان بس عيد الام دا لكن هرجع للبوتقة اللي كنت فيها تاني 
الفكره هي اني شايفه التدوين رساله وعشان كدا انا شايفه اننا نجمع بعض في يوم طبعا هيتحدد بناءا علي
 موافقتكم علي الفكره 
وهنزور احد دور المسنين لان الناس دي محتاجه فعلا اننا نقولهم كل سنه وانتم طيبين 
ساعتها هنحس فعلا اننا مش بنكتب وخلاص لا 
كلمه كل سنه وانتي طيبه بتفرح اللي محتاج يسمع كلمه ماما
فشوفوا ايه النظام ومين جاي ومين مش جاي وعاوزينها ازاي وقبلها اروح الدار اللي هنزورها
 وابلغهم عشان لما نروح
 ولو حد يعرف دار كويسه وقربه شوفوا انتو الاقتراحات ايا كانت وان شاء الله ربنا هيوفقنا 
مدام نيتنا اننا نسعد  امهاتنا 
وكل عام و كل ام انجبت او لم تنجب بخير

32 كلام قلوبهم:

adel يقول...

كيارا

انا زعلان

متبعانا فين بس
هنهزر :(:(:(

كل سنة و كل ام طيبة و انا معاكي في حكاية دار المسنين بس لو في اطفال يبقي قشطة اكتر :):):)

adel يقول...

اوبة اول تعليق عند كيارا

يافرحة ماما بيا :):)

adel يقول...

المكان فاضي بقي و بستغله

ههههههههههههه


و ازاب بعنب متبعانا دي

هنهرج

طب سمعتي ان سونيا جرهام جاتلي المدونة

طبعا لا

يبقي ازاي متبعانا بقي

هههههههههه

دومتي بوز :):)
علي رأي سوووول

لجين أبو الدهب يقول...

ربنا يخليها لك ويحفظها لك ..

ويحفظك ليها ..

ويبارك لكم فى بعض ..

وفى انتظار الخروج من البوتقة ..

دمتِ بخير ..

شمس النهار يقول...

شوفي ياستي دور المسنين
اللي اعرفها طبعا في محيطي الجغرافي
مثلا سيدات مصر بمصر الجديده تحديد المحكمه
ودار الصفاء بميدان الجامع
والخلفاء الراشدين بجوار الميريلاند
طبعا انتم عايزين حاجه قريبه منكم
كل سنه وانتم طيبين وفكره حلوه جدا
ربنا يوفقكم وتعملوها
بس ماتكنش جمعه عشان كده كده همه بيكون عندهم ناس يوم الجمعه

صوت من مصر يقول...

كل سنه ماماتك ومامات العرب والمسلمين بخير
الحمد لله جيت بدرى يا كياره

ELMASRYA - MOSLEMA LELLAH يقول...

كيارا الرقيقة ازيك يا حبيبتي

دي تاني زيارة ليا لمدونتك

كان أول تعليق ليا في موضوع المولد النبوي

وبعدها قريت موضوع انتي حطيتيه وشيلتيه على طول

ودلوقتي قريت هنا كلام أول مره حد يدعوا ليه

ربنا يبارك فيكي يا إبنتي الرقيقة المشاعر

دعوتك دعوة خير جميلة ياريت صديقاتك يتعاونوا معاكي وتنفذوها وصدقيني هتحسي بإحساس رائع لما تدخلي الفرحة لقلوب آباء وأمهات سواء أنجبوا أو لم ينجبوا واضطرتهم ظروف الحياة للبقاء داخل بيت ليس ببيتهم وليس هو المكان الذي عاشوا فيه طوال حياتهم وقدموا العطاء والحب والصحة والتضحية بداخله

هتسمعي قصص يلين لها قلب أقوى الناس صلابة وقوة

قصص لجحود الأبناء وقصص لتغير الأحوال بعد عز وغنى

هتشوفي ناس ممكن يكون كل أملهم أن يمتلكوا ثمن أكفانهم بعد موتهم

النماذج دي موجوده في إحدى دور المسنين بالإسكندرية وحكتها لي إحدي قريباتي ممن يترددون عليهم

ولا يمنعني من الذهاب إلا خوفي من أن تغلبني دموعي أمامهم وبدلا من أن أفرحهم أشعرهم بالتعاسة والحزن

ياريت تنفذي فكرتك يا كيارا وربنا يجعلها لكِ ولمن يشاركوكي فيها في موازين حسناتكم

خالص مودتي وتحياتي

عمرو يقول...

ربنا يخليلك مامتك و كل سنه و أنتم طيبين
زيارة دار المسنين فكره طيبه و اٍن شاء الله تكون فى ميزان حسناتك لأنهم بالفعل فى أشد الحاجه لتطمينهم خاصة أن الكثيرين منهم عندهم شعور بالوحده و أنهم بقوا مهمشين فى الحياه ..
فيه دار مسنين فى 6 أكتوبر لو كانت مناسبه لكم ..
تحياتى

mohamed ghalia يقول...

كل سنة وكل أمهاتنا بخير
حلوه الفكرة
دمتى فى سعادة

Butterfly يقول...

كل سنه ومامتك طيبه
وكل الأمهات بخير ان شاء الله .

حسام غانم يقول...

كل سنة ومامتك وكل الأمهات بخير

ومبروك الخروج من البوتقة

همس الاحباب يقول...

كل سنة وانتى بخير
وكل سنة وكل الامهات بخير
تحياتى

من غير عنـــوان يقول...

يارب يخليكي يا أمي .. يا ست الحبايب يا حبيبه وحبيبه وحبيبه


كل عام والجميع بخير

مسدس صغير يقول...

كل سنة ومامتك طيبة
وكل مامات المدونين.
وكمان كل سنة وانتى طيبة بمناسبة عيد مامتك.
وكل سنة وكل ست ربنا مرزقهاش بابناء طيبة وبخير وتكون راضية بقضاء الله .

اسامه عبدالعال يقول...

كل سنه والناس كلها طيبه
وحمدالله على السلامه

mahasen saber يقول...

كل سنه ومامتك بالف خير يا كوكه

وبالنسبه للدار شوفوا فى محيبطكم القاهرى وانا معاكم ان شاء الله

جنّي يقول...

السلام عليكم

كل عام وكل ام بالف خير ..

ورحم الله أمي واسكنها الجنة ..

وربنا معاكي يا كيارا ويوفقك لعمل الخير .. الفكرة جميلة .. وربنا يتقبل منكم ..

kochia يقول...

كل سنة وانتي وامك بكل الخير

Soul.o0o.Whisper يقول...

كيتى حبيبة قلبى

والله آسفة موت موت يا كيارا على تأخيرى عليكى


بس والله مش معايا رصيد

هأحاول أشحن قريب عشان انتى عارفة الموضوع

ربنا ييسر الحال


بس طبعا مش تهربى ، اتفقنا؟؟؟




بالنسبة لزيارة الدار فكرة كويسة

مش عارفة هأقدر اكون موجودة و لا لا

الله المستعان





عاوزة أشوفك و اتكلم معاكى


وحشتينى

حسن حنفى يقول...

كل سنه وكل ام طيبه

اللي مش يعرف حق والدته عليه مش ليه حق انه ياخد من حنانها وعطفها

وردة يقول...

كل سنة ومامتك بخير
وكل الامهات يارب
بس احنا منتظري كيارا ترجع من تاني
وبسرعة كمان
ربنا يكرمك
ويفرج همك
سلام

catroz يقول...

لو هتروحوا فعلا دار مسنين عرفينى
انا نفسى ااروح ..

رؤية يقول...

كل سنة والامهات كلها بخير

وكل سنة وانتى بخير
واخرجى من البوتقة
كفاية كدا

تحياتى

mostafa rayan يقول...

كل سنة وكل ام بخير
ماتطوليش في البوتقة

Son of Egypt يقول...

السلام عليكم

انا كنت جاى اتطمئن لقيتك خرجتى ورجعتى جرى على بوتقتك تانى وفعلا مش هيخرجك الا عمل خيرى منتظر الميعاد والمكان وان شاء الله انا معاكى

تحياتى لكل ام مصريه مخلصه محبه لأبنائها وتحياتى لكل ابن محب لأمه شايل جمايلها على دماغه وشايل امه وابوه فوق راسه
وتحياتى ليكى وان شاء الله ترجعى احسن من الأول يا احلى كيارا فى الدنيا

dramaqueen يقول...

كل سنة وماماهتنا طيبيبن

فكرة حلوة
ياريت اقدر ابقى معاكم

شفقة هانم واحسان بك يقول...

كل سنة وانتى وماما وكل الامهات طيبين
بس تعالى هنا انتى مختفية فين؟؟ وشايفة كده فى البوست انا بخير وكلام من ده
انتى فيكى حاجة ولا ايه؟؟
طمنينى عليكى
وحشتينى

شموسة يقول...

كل سنه وكل أم بخير
وماماتك كمان يا كيارا بخير

تحياتي لكي
شموسه..

سجل المزورين يقول...

سجل المزورين
شباب مصر الأوفياء
أمل الحرية وبناة المستقبل
ندعوكم للمشاركة معنا في
التحالف الوطني ضد التزوير
تحالف يضم كافة القوى الوطنية الموجودة على الساحة المصرية
نهدف إلى فضح وتوثيق كافة أشكال التزوير التي تتم في الانتخابات المصرية
نهدف لنشر الوعي الانتخابي وثقافة المشاركة و مبدءا المساواة والحرية
ندعوكم للمشاركة معنا بالإدلاء بشهادتكم و أرائكم حول تزوير الانتخابات وما هو منشور
ندعوا كل صاحب كلمة حرة للتعبير معنا عن رأيه في هذا الداء وطرح صور للدواء
ندعوا كل شريف حر يستطيع مساعدتنا للمشاركة معنا بما لدية من إمكانيات ومواهب ووقت
و نرجوا منكم المساهمة معنا في نشر إعلانات الموقع والجروب والقناة على مدوناتكم الشخصية في سبيل نشر الحق والعدل ومن باب المشاركة في التوعية والتوثيق لحقيقة هذا النظام المزور لإرادة الشعب
نرجوا ممن يضع الإعلان لدية إبلاغنا عبر أيميل الموقع لوضع أسم موقعة او مدونتة ضمن قائمة المواقع الصديقة لدينا
شاكرين لكم حسن تعاونكم معنا

موقعنا www.sgelalmozwreen.com سجل المزورين

لتحميل إعلانات الموقع هنا
http://sgelalmozwreen.com/images/e3lan-1.gif
أو
http://sgelalmozwreen.com/images/e3lan-2.gif
أو
http://sgelalmozwreen.com/images/e3lan-3.gif

لتحميل إعلانات قناة سجل المزورين على اليوتيوب
رابط القناة http://www.youtube.com/Sgelalmozwreen

الاعلانات
http://sgelalmozwreen.com/uploads/you tube.jpg
أو
http://sgelalmozwreen.com/images/1.gif
أو
http://sgelalmozwreen.com/images/1%5C%27%5C%27%20copy.gif
أو
ولتحميل إعلان جروب الفيس بوك
رابط الجروب http://www.facebook.com/group.php?gid=57329097688
الاعلانات
http://sgelalmozwreen.com/images/11%5C%27%5C%27.gif

حـــــ الــجــنــة ـــــور يقول...

كل سنة وكل أمهات المسلمين بصحة وخير وسعادة

كيارا صاحبة المبسم الشجي أين إبتسامتك التي طالما وعدتنا بها؟؟؟

واين مرحك الذي طالما صاحب خطاك؟؟

في انتظارك غاليتي فلا يوجد شي يستاهل

الله معك وهذا كاافي وشافي

دمتي بكل الخير

norahaty يقول...

كل سنه وانتِ وماما
وكل الامهات بخير
وصحة وعافية

فكرة من الزمن ده يقول...

كل سنة وكل الامهات بخير معلش اتاخرت عليكي