عالــم مــولان عالــم مــولان
randomposts

آخر الأخبار

randomposts
randomposts
جاري التحميل ...

قلبك بيشوف الحقيقه .. الخوف والشك بس هما اللي بيعموا

  1. كيارا

    انا زعلان

    متبعانا فين بس
    هنهزر :(:(:(

    كل سنة و كل ام طيبة و انا معاكي في حكاية دار المسنين بس لو في اطفال يبقي قشطة اكتر :):):)

    ردحذف
  2. اوبة اول تعليق عند كيارا

    يافرحة ماما بيا :):)

    ردحذف
  3. المكان فاضي بقي و بستغله

    ههههههههههههه


    و ازاب بعنب متبعانا دي

    هنهرج

    طب سمعتي ان سونيا جرهام جاتلي المدونة

    طبعا لا

    يبقي ازاي متبعانا بقي

    هههههههههه

    دومتي بوز :):)
    علي رأي سوووول

    ردحذف
  4. ربنا يخليها لك ويحفظها لك ..

    ويحفظك ليها ..

    ويبارك لكم فى بعض ..

    وفى انتظار الخروج من البوتقة ..

    دمتِ بخير ..

    ردحذف
  5. شوفي ياستي دور المسنين
    اللي اعرفها طبعا في محيطي الجغرافي
    مثلا سيدات مصر بمصر الجديده تحديد المحكمه
    ودار الصفاء بميدان الجامع
    والخلفاء الراشدين بجوار الميريلاند
    طبعا انتم عايزين حاجه قريبه منكم
    كل سنه وانتم طيبين وفكره حلوه جدا
    ربنا يوفقكم وتعملوها
    بس ماتكنش جمعه عشان كده كده همه بيكون عندهم ناس يوم الجمعه

    ردحذف
  6. كل سنه ماماتك ومامات العرب والمسلمين بخير
    الحمد لله جيت بدرى يا كياره

    ردحذف
  7. كيارا الرقيقة ازيك يا حبيبتي

    دي تاني زيارة ليا لمدونتك

    كان أول تعليق ليا في موضوع المولد النبوي

    وبعدها قريت موضوع انتي حطيتيه وشيلتيه على طول

    ودلوقتي قريت هنا كلام أول مره حد يدعوا ليه

    ربنا يبارك فيكي يا إبنتي الرقيقة المشاعر

    دعوتك دعوة خير جميلة ياريت صديقاتك يتعاونوا معاكي وتنفذوها وصدقيني هتحسي بإحساس رائع لما تدخلي الفرحة لقلوب آباء وأمهات سواء أنجبوا أو لم ينجبوا واضطرتهم ظروف الحياة للبقاء داخل بيت ليس ببيتهم وليس هو المكان الذي عاشوا فيه طوال حياتهم وقدموا العطاء والحب والصحة والتضحية بداخله

    هتسمعي قصص يلين لها قلب أقوى الناس صلابة وقوة

    قصص لجحود الأبناء وقصص لتغير الأحوال بعد عز وغنى

    هتشوفي ناس ممكن يكون كل أملهم أن يمتلكوا ثمن أكفانهم بعد موتهم

    النماذج دي موجوده في إحدى دور المسنين بالإسكندرية وحكتها لي إحدي قريباتي ممن يترددون عليهم

    ولا يمنعني من الذهاب إلا خوفي من أن تغلبني دموعي أمامهم وبدلا من أن أفرحهم أشعرهم بالتعاسة والحزن

    ياريت تنفذي فكرتك يا كيارا وربنا يجعلها لكِ ولمن يشاركوكي فيها في موازين حسناتكم

    خالص مودتي وتحياتي

    ردحذف
  8. ربنا يخليلك مامتك و كل سنه و أنتم طيبين
    زيارة دار المسنين فكره طيبه و اٍن شاء الله تكون فى ميزان حسناتك لأنهم بالفعل فى أشد الحاجه لتطمينهم خاصة أن الكثيرين منهم عندهم شعور بالوحده و أنهم بقوا مهمشين فى الحياه ..
    فيه دار مسنين فى 6 أكتوبر لو كانت مناسبه لكم ..
    تحياتى

    ردحذف
  9. كل سنة وكل أمهاتنا بخير
    حلوه الفكرة
    دمتى فى سعادة

    ردحذف
  10. كل سنه ومامتك طيبه
    وكل الأمهات بخير ان شاء الله .

    ردحذف
  11. كل سنة ومامتك وكل الأمهات بخير

    ومبروك الخروج من البوتقة

    ردحذف
  12. كل سنة وانتى بخير
    وكل سنة وكل الامهات بخير
    تحياتى

    ردحذف
  13. يارب يخليكي يا أمي .. يا ست الحبايب يا حبيبه وحبيبه وحبيبه


    كل عام والجميع بخير

    ردحذف
  14. كل سنة ومامتك طيبة
    وكل مامات المدونين.
    وكمان كل سنة وانتى طيبة بمناسبة عيد مامتك.
    وكل سنة وكل ست ربنا مرزقهاش بابناء طيبة وبخير وتكون راضية بقضاء الله .

    ردحذف
  15. كل سنه والناس كلها طيبه
    وحمدالله على السلامه

    ردحذف
  16. كل سنه ومامتك بالف خير يا كوكه

    وبالنسبه للدار شوفوا فى محيبطكم القاهرى وانا معاكم ان شاء الله

    ردحذف
  17. السلام عليكم

    كل عام وكل ام بالف خير ..

    ورحم الله أمي واسكنها الجنة ..

    وربنا معاكي يا كيارا ويوفقك لعمل الخير .. الفكرة جميلة .. وربنا يتقبل منكم ..

    ردحذف
  18. كل سنة وانتي وامك بكل الخير

    ردحذف
  19. كيتى حبيبة قلبى

    والله آسفة موت موت يا كيارا على تأخيرى عليكى


    بس والله مش معايا رصيد

    هأحاول أشحن قريب عشان انتى عارفة الموضوع

    ربنا ييسر الحال


    بس طبعا مش تهربى ، اتفقنا؟؟؟




    بالنسبة لزيارة الدار فكرة كويسة

    مش عارفة هأقدر اكون موجودة و لا لا

    الله المستعان





    عاوزة أشوفك و اتكلم معاكى


    وحشتينى

    ردحذف
  20. كل سنه وكل ام طيبه

    اللي مش يعرف حق والدته عليه مش ليه حق انه ياخد من حنانها وعطفها

    ردحذف
  21. كل سنة ومامتك بخير
    وكل الامهات يارب
    بس احنا منتظري كيارا ترجع من تاني
    وبسرعة كمان
    ربنا يكرمك
    ويفرج همك
    سلام

    ردحذف
  22. لو هتروحوا فعلا دار مسنين عرفينى
    انا نفسى ااروح ..

    ردحذف
  23. كل سنة والامهات كلها بخير

    وكل سنة وانتى بخير
    واخرجى من البوتقة
    كفاية كدا

    تحياتى

    ردحذف
  24. كل سنة وكل ام بخير
    ماتطوليش في البوتقة

    ردحذف
  25. السلام عليكم

    انا كنت جاى اتطمئن لقيتك خرجتى ورجعتى جرى على بوتقتك تانى وفعلا مش هيخرجك الا عمل خيرى منتظر الميعاد والمكان وان شاء الله انا معاكى

    تحياتى لكل ام مصريه مخلصه محبه لأبنائها وتحياتى لكل ابن محب لأمه شايل جمايلها على دماغه وشايل امه وابوه فوق راسه
    وتحياتى ليكى وان شاء الله ترجعى احسن من الأول يا احلى كيارا فى الدنيا

    ردحذف
  26. كل سنة وماماهتنا طيبيبن

    فكرة حلوة
    ياريت اقدر ابقى معاكم

    ردحذف
  27. كل سنة وانتى وماما وكل الامهات طيبين
    بس تعالى هنا انتى مختفية فين؟؟ وشايفة كده فى البوست انا بخير وكلام من ده
    انتى فيكى حاجة ولا ايه؟؟
    طمنينى عليكى
    وحشتينى

    ردحذف
  28. كل سنه وكل أم بخير
    وماماتك كمان يا كيارا بخير

    تحياتي لكي
    شموسه..

    ردحذف
  29. كل سنة وكل أمهات المسلمين بصحة وخير وسعادة

    كيارا صاحبة المبسم الشجي أين إبتسامتك التي طالما وعدتنا بها؟؟؟

    واين مرحك الذي طالما صاحب خطاك؟؟

    في انتظارك غاليتي فلا يوجد شي يستاهل

    الله معك وهذا كاافي وشافي

    دمتي بكل الخير

    ردحذف
  30. كل سنه وانتِ وماما
    وكل الامهات بخير
    وصحة وعافية

    ردحذف
  31. كل سنة وكل الامهات بخير معلش اتاخرت عليكي

    ردحذف

كل سنه وانتي بخير يااجمل ام في الكون

طبعا انا شاكره ليكوا علي الي قلق عليا وانا بخير وهرجع بس ادعولي عشان اقدر اجع كيارا تاني 
وارد من تاني لكن انا متابعاكم 
البوست دا بدايتا هقول لامي كل سنه وانتي بخير اتحملتي من كتير
بحبك ييامي وانتي دايما اللي بتخليني متمسكه بحياتي ودايما بتجيلي في احلامي وانتي بتقولي
 ليا انا عايشه عشانك ربنا مايحرمني منك ومش هقول اي كلمه ليكي 
لان اي كلمه هقولها هتقلل منك عندي بحبك ياصديقه عمري ومش هقول اسم مامتي بقي :)
وكل سنه وكل اللي ربنا مش رزقهم باطفال بخير وربنا كبير واحنا اولادكم بس بلاش اشوف اي دمعه في عيونكم
انا ظهرت عشان بس عيد الام دا لكن هرجع للبوتقة اللي كنت فيها تاني 
الفكره هي اني شايفه التدوين رساله وعشان كدا انا شايفه اننا نجمع بعض في يوم طبعا هيتحدد بناءا علي
 موافقتكم علي الفكره 
وهنزور احد دور المسنين لان الناس دي محتاجه فعلا اننا نقولهم كل سنه وانتم طيبين 
ساعتها هنحس فعلا اننا مش بنكتب وخلاص لا 
كلمه كل سنه وانتي طيبه بتفرح اللي محتاج يسمع كلمه ماما
فشوفوا ايه النظام ومين جاي ومين مش جاي وعاوزينها ازاي وقبلها اروح الدار اللي هنزورها
 وابلغهم عشان لما نروح
 ولو حد يعرف دار كويسه وقربه شوفوا انتو الاقتراحات ايا كانت وان شاء الله ربنا هيوفقنا 
مدام نيتنا اننا نسعد  امهاتنا 
وكل عام و كل ام انجبت او لم تنجب بخير

عن الكاتب

Kiara بنت مصريه بحلم بدنيا صافيه مش فيها غدر وكل اللي فيها اننا نحب بعض مش لهدف ما لكن نحب بعض عشان نشوف الدنيا صح

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

عالــم مــولان