الثلاثاء، أبريل 28، 2009

خبرين

51 كلام قلوبهم
عاوزاكم تدعو لشخص عزيز عليا مش هقول مين لان دا اتطلب مني عاوزاكم تدعوله لان حالته خطيره بجد بجد وربنا يستر عشان حالته النفسية كمان متدمره واللي كاتبه ربنا هيكون


الخبر التاني هو عيد ميلاده اميرة الرومانسية سميلي روز 
 
وطبعا كنت ناويه اكسرلها الدنيا بااحل عيد ميلاد بس للاسف بعد الخبر الاولاني حسه اني من جوايا بدعيله انه يخف ويقوم بالسلامه للي بيحبوه ربنا الذي في السماء عرشه ، ربنا الذي في السماء تقدس اسمه، أمرك ماض في السماء والأرض ، وكما رحمتك في السماء ، فاجعلها في الأرض، اغفر لنا ذنوبنا وخطايانا، إنك أنت الغفور الرحيم ، اللهم أنزل رحمة من رحمتك ، وشفاء من شفائك ، على ما بفلان من وجع .

  وكوووووووول سنة وانتي طيبه ياسميلي ووعد هعملك عد ميلاد وقت اما الظروف تتحسن

الاثنين، أبريل 27، 2009

اعتذار

طبعا انا الريدر عندي فيه 460 بوست نازل وبجد انا مقصره اوي اوي في زيارتكم انا بعتذر بجد ليكم لان دا حقكم عليا بس انا فعلا افتره دي مش متظبطه ومش مركزه ومشغوله جداااااااااااا انا بجد بعتزر ليكم كووووووووووكلكم ودا انا بقوله لان لسه كلام شموسه معلق في دماغي اني في اسرة مش ينفع اهملها انا عارفه اني مقصره ومش بزوركم بس وربنا غصب عني اد عولي الفتره دي تعدي علي خير وهدي احمد لله بخير واخدنا خطوات فعلا عشان نحس ان حقها رجع

السبت، أبريل 25، 2009

حسبي الله ونعم الوكيل لنا الله بجد

86 كلام قلوبهم

بجد بجد انا مش عارفه اقول ايه او اكتب ايه 

فعلا حسبي الله ونعم الوكيل وربنا مش هيسبهم ابدا

قبل اما اتكلم عاوزكم تعرفوا قيمة هدي  عندي ايه من البوست دا اضغط هنا 

هدي بنوته اصلاكجسم ضعيفه خالث وصغننه خالث يوم الخميس ماما كلمتني هدي ايدها اتكسرت واحنا في المستشفي دلوقتي

ايدها اتكسرت قلقت القلق الطبيعي 

عاااااااااااااااااااااادي ياجماعه ما انا اتكسرت قبل كدا وكل يوم الكسر شغال
مجرد اما اول كام يوم يعودوا خلاث الموضوع بقي عادي 

لكن اني وانا بتابع الدكتور يجبسها 3 مرات ويكسره وعمال يزعق انتوا مش بتاكلوها البنت عندها 3 كسور وعضمها مفتفت كدا 

وانا دمي بيتحرق في كل لحظه برده عاااااااااااااااااااادي 

لكن اني اسمع كلمة ان البنت اول اما اتعرف انها مكسورة يقوموا مخرجينها من المدرسة والبنت تفضل تصووووووووت لحد اما خالتو تروح تجيبها 

دا منتهي الاستهانه دي جريمة بجد دي طفله يابشر 

اقوم احاول افهم التفاصيل 

زي ماااتقال بنت زقتها فوقعت واتكسرت 

فراحت للحكيمة اللي في المدرسة اللي مش عارفه لازمتها ايه في الدنيا غير حرق الدم واكل الفلوس 

تقوم المديره اللي يكرمها زي ماكرم السادات كدا 

تقوم تقول بكل بجاحه خرجوها طب بلاش تودها زفت مستشفي اتصلوا بمامتها وباباها باي حد فيهم 

البنت  خرجت وبتصوت وبتعيط وجت خالتو تاخدها فوجئت ان ايدها ملفوفه ولونها ازررررررررررق 

والدكتور شخطط فيها انها استنت عليها مع انها مش كانت تعرف 

بجد دا تصرف حقير من معلمه للاجيال معلمه ايه بلا نيله دا قلب الجزارة اللي في المبح هيكون ارق منها علي الطفلة 

والله لو اشوفها هدمرها هخليها تندم علي اليوم اللي اتولدت فيه وشافت الدنيا 

لاول مره بقول بجد طول منا في البلد دي مش هقول غير لنا الله 





الخميس، أبريل 23، 2009

عبدالرحمن الرافعي الجزء الثالث

24 كلام قلوبهم
تحدثت في الاجزاء السابقه عن رجل قلما تجده بيننا فهو ي نظري من اهم مؤرخى التاريخ الحديث



والان سوف اتحدث عن الرافعى المؤرخ 

فقد خرج الرافعى بمحموعة من الكتب عن التاريخ لها اهمية كبري ساهمت في تشكيل العقلية التاريخيه لكافة الاجيال 

فان الرافعى لم ينظر الي التاريخ كعلم بل حصر نظرته اليه عندما اوضح انه وسيلة لتثقيف العقول وتوجيه المواطنين الي المثل العليا في حياتهم القومية وعلينا نحن الذين اوتينا شيئا من العلم والمعرفة ان نعلم الشعب تاريخ بلاده وكلما ازداد معرفة بتاريخها ازداد حبا لها وازاد اخلاصهم لها واذا اخلص المواطنون لبلادهم بذلوا كل مافي مقدرورهم ومايستطيعون لاسعادهم ورفع شانهم .

ومن هنا قال ان التاريخ مدرسة للوطنية 

والان ساعرض عليكم بعض من كتب الرافعي




قد ظهر اول كتاب للرافعى عام 1912 وهو حقوق الشعب ولم يرى الرافعى في وضع هذا الكتاب علي نمط الكتب التقليدية بل جعله في شكل محاورات علي لسان فئة من طلبة المدارس يتباحثون في مجتمع من سكان القري في حقوق الشعب




في عام 1914 اخرج مئلفه الثانى نقابات التعاون الزراعية  كان هدفه تنشيط الحركة التعاونية في مصر حتي يضمن لها الثبات والرقي والسير الي الامام




في عام 1922 مؤلفه الثالث بعنوان الجمعيات الوطنية صحيفة في تاريخ النهضات القومية في فرنسا وامريكا والمانيا وبولونيا والاناضول




وفي اوخر 1929 اخرج الرافعى مؤلفه الرابع تاريخ الحركة القومية وتطور نظام الحكم في مصر




وفي اواخر 1929 اخرج مؤلفه الخامس




وفي اواخر 1930 اخرج الرافعي كتاب بعنوان عصر محمد علي والكتاب استعرض فيه الفتره التي تولي فيها محمد علي حكم مصر 

وفي اواخر 1932  اخرج الكتاب السادس في جزئين بعنوان عصر اسماعيل




وفي فبراير 1937 اخرج كتابه الثورة العرابية والاحتلال الانجليزي




وفي يناير 1939 اخرج كتابه مصطفى كامل باعث الحركة الوطنية
وفي يونيو 1941 اخرج كتابه محمد فريد رمز الاخلاص والتضحية  استعرض فيه تاريخ مصر من عام 1908 الي 1919 



وفي يونيو 1942 اخرج كتابه مصر والسودان في اوائل عهد الاحتلال استعرض تاريخ مصر القومى بين 1882-1892


وفي ابريل 1946 ظهر مؤلفه الحادي عشر بعنوان ثورة 1919 في جزئين استعرض فيهم تاريخ مصر القومي بين 1914-1921


وفي يونيو 1947 في اعقاب الثورة المصرية الجزء الاول تناول فيه مصر من 1921-1927


ثم توالت باقي الاجزاء فاخرج في نوفمبر 1949 الجزء الثانى استعرض فيه تاريخ مصر من وفاء سعد زغلول الي وفاة الملك فؤاد 1936


واخرج الجزء التالت في اكتوبر 1951 استعرض فيه تاريخ مصر من ارتقاء الملك فاروق عرش مصر في 6 مايو 1936 الي سنة 1951

 
في مارس 1957 اخرج كتابه مقدمات ثورة يوليو 1952 استعرض فيها احداث مصر من الغاء معاهدة 1936 من اكتوبر 1951 الي ان قامت الثورة 

خرج كتابه الرابع عشر ثورة يوليو 1952 عرض فيه سبع سنوات من عمر مصر بين عامى 1952 و1959

في مايو 1963  اخرج الرافعي مؤلفه بعنوان تاريخ الرحكة القومية في مصر القديمة استعرض فيه بشكل سريع تاريخ مصر منذ فجر التاريخ وحتي الفتح العربي الاسلامى


******************

ماذكرته من مؤلفات فهو بعض من مؤلفاته وليس الكل لنا ان نتخيل هذا الرجل بحق هو مثل يحتذي به شبابنا بدلا من ان  يهتم بنانسي وهيفا وفرح الثانية واخبار الاولي

والان لنا ان نتسائل كيف قوبلت مؤلفات الرافعى هذه 


هل بالترحاب والاقبال ولا النفور ؟؟؟

ذكر الرافعى في مذكراته ان مؤلفاته لم تلقي الاستحسان المرجوه في السنين الاولي وانه لولا صبره واحتماله لوقف عند الجزء الاول والثانى ويقول " ان اقبال المثقفين في بلادنا علي القراءة ضعيف جدااااااااااااا " 

يالها من ماساه نواجهها بحق اكان هذا راي الرافعي في الجيل السابق في جيل حفر بمخالبه في الصخور 

الان حقا لا اريد سماع رايه في جيلنا الحالي كي لا اصعق ..
فيذكر علي سبيل المثال " انه سمع من بعض المثقفين اسئلة تثير الدهشه فبعضهم سأله  هل ارخت شيئا عن محمد علي مع انه قد وصل الي ثورة 1919 وبعضهم يساله بالاتي سمعت انك قدر ارخت تاريخ مصر فهل هو جزء ام جزئان 

يالها من اسئله تثير الاشمئزاز وتزرع الاحباط في نفوس المبدعين والراغبين في اعلاء الوطن 

كان الرافعى ينفق علي طباعة مؤلفاته من ايراده من المحاماه وكانت طريقه توزيعه كما يذكر في مذكراته انه يختزن عنده مايطبع من كل كتاب وتطلب منه المكتبات الكميات التي تريدها لتبيعها للجمهور وتدفع له الثمن مقدم بعد خصم 25% من ثمنها 


فقالوا له ان وزاره المعارف تقتني لمكتباتها في المدارس نسخا من كل كتاب مفيد ولتثقيف الطلبة وان عليه ان يعرض ما يظهر من كتب وعرض عليهم بالفعل

فكانت بعد الفحص عن كل كتاب تطلب النزر اليسير منه وكانت تدفع ثمنها مخصوم منه المتفق عليه بينها وبين المؤلف وهذه كلها مظاهر لتثبيط العزائم 


ويذكر ان مثل هذا التشجيع يعتبر خذلان للنهضة العلمية لكنه حمل ساله وكان له ايراد من المحاماه فعاونه علي سد العجز في النفقات فيذكر انه لولا ايراده من المحاماه لانصرف عن اصدار هذه المجموعه برغم اهميتها وضرورتها الثقافية للتاريخ والوطنية

والجدير بالذكر انه عندما قدم لوزارة المعارف كتاب عصر اسماعيل امتنعت الوزاره 1933 عن اقتنائه بل وارسلت له خطاب تفيده بذلك وقد جاء في ذلك الخطاب :

انه قال في تاريخ مصر الحالي ان اسماعيل سار في بذخ واسراف وان القروض التي اقترفها الخديوي ضاعت فيما لا ينفع البلاد لان تغيير نظام توراث العرش مسألة شخصية لاسماعيل كما ذكر ان اسماعيل اغرق في عيشة البذخ والاسراف وانتهت اللجنة الي رفض ايداع كتاب عصر اسماعيل بمكتبات مدارس وزارة المعارف واثار هذا القرار نقد الصحافة ومنها صحيفة البــلاغ التى نشرت ان وزارة المعارف تدل علي رغبتها في ان تتحكم في بحوث المؤرخين بحيث اذا لم يكتبوا علي هواها اقصتهم عن حظيرتها والغريب في عمل الوزارة انها تعلم ان في مكتبات مدارسها كتبا تحتوي علي احكام قاسية علي عهد اسماعيل ومنها كتاب مصر الحدييثة لكرومر ومع ذلك لم تفكر في اقصائه

وظل قرار وزارة المعارف ثلاث اعوام باقصاء كتاب عصر اسماعيل من  مكتبات المدارس حتي جاء 1936 والغت لجنة اخري هذا القرار وكان القرار الاول في عهد اسماعيل صدقى اما الثانى في عهد حكومة الوفد والفرق واضح بين العهدين

موقف الصحافة 

قد نوه الرافعي عن موقفها في مذكراته بقوله ""استقبلت الصحافة كل مااخرجته من الكتب استقبالا حسنا ويذكر ان بدء الاقبال علي كتبه كان ف عام 1943 عندما طلبت مكتبة النهضة المصرية بيانا بعدد ماكنت اختزنته من كتبي وقتئذ فلما اطلعتها علي هذا البيان اعربت لي عن رغبتها في شراء هذا المخزون كله دفعه واحده وان تدفع لي الثمن فورا مخصوما منه نسبة اكثر من النسبة التي كنت احاسب عليها المكاتب "

فقبل الصفقه وادرك ان كتبه لاقت شيئا من الاقبال 

لكن مهلا ياساده رايتم ان الاقبال كان من 1943 برغم انه اصدر اول كتاب في عام 1912

اي انه لم يحبط ويكف عن الكتابه ويقول ان مااكتبه ليس بالقيمة المرجوه التي تجذب القراء والمثقفين 

********

مرضه ووفاته 

وفي الرابع والعشرين من نوفمبر 1946 ادهمه المرض الذي ظل يعانى منه الي ان لقى ربه في اليوم الثالث من ديسمبر 1966 ووري جسده التراب 

**********

في النهاية اشكر كل من ساندني في خروج هذا العمل بدون ان اذكر اسمائهم   




 
 

الخميس، أبريل 16، 2009

اصل وصورة

68 كلام قلوبهم


بنقابل ناس بنعرف ناس هما اصل في حياتنا
اتاثرنا بيهم جدا وحسانهم جدا
شفنا فيهم اللي مش قدرنا نشوفه في حد تاني
هما بمعني ادق الحياه
والحياه اثبتت انهم اصل مش تقليد
وبقوا شي اساسي في الحياه
مش نقدر نبعد عنهم ولا نستغنى عنهم بقوا زي الميه والهوا

للاسف بنفتكر اننا امتلكانهم ومنعرفش انهم طيور لو مش راعيناها
وقدرنا قلوبها هتطير
وبعد اما بيطيروا
http://1.bp.blogspot.com/_q6CwuYO0LdQ/Rzn6SriPP3I/AAAAAAAAAIQ/yqnq5sg3JDc/s400/81662453mk6.jpg

بنقعد نلف وندور في الوجوه علي حد زيهم لكن بتكون صور مشوهه

لانهم تقليد ممكن نلاقي كل الميزات اللي فيهم في غيرهم بس عمرهم ماهيكونوا زيهم
علي راى مروان بنلف فى دواير و الدنيا تلف بينا

دايما بننتهى لمطرح ما ابتدينا

طيور الفجر تايهة فى عتمة المدينة

بتدور

ما بنكتبش الرسايل ما بنتظرش رد

لا حد فى يوم سمعنا و لا بنسمع حد

طيور العمر تايهة فى عتمة المدينة

بتدور

ساكنين فى عالم يعشق الخطر

فيه الطيور تهرب من الشجر

و تهرب النجوم من القمر

و تهرب الوجوه من الصور

بنلف فى دواير ندور على الأمان

و نلائينا رجعنا تانى لنفس المكان

ندور ندور ندور
نحلم و نحلم بالحياة المفرحة
و اتارى احلامنا بلا اجنحة بلا اجنحة

ندور ندور ندور بجناح حزين مكسور

ساعات نشوف فى العتمة و ساعات نتوه فى النور
ساعات عيونا بالاسى تفرح وساعات فى ساعة الفرح ننوح
 
 

http://shots.ikbis.com/image/77339/medium/5enses.jpg
يبقي لية نسيب الاصل ونروح للصورة
دعوة للجميع خلي بالكم من الاصول اللي في حياتكم وبلاش الصور وبريقها يخدع اعينكم

الجمعة، أبريل 10، 2009

بيت من غير اساس

83 كلام قلوبهم
احم احم نرجع نعقل بقي الاجازه خلصت في النوم
بيت
اي بيت في الدنيا
مكون من اساس وعدة طوابق فيها ناس عايشين هما اللي بنوا البيت دا
لو البيت داكان اساسه مخوخ ومش سليم
هتكون نتيجته ايه
هيقع ويتساوي بالارض
وكمان غباره هيضايق الناس اللي كانت حواليه
اما الناس اللي كانت جواه
منهم اللي مات تحت انقاضه
منهم اللي هرب منه وجري يدور علي ملجا له ويحاول يبني بيت جديد باساس متين
عشان مش يشوف اللي حصله تاني
وفيهم اللي هيصروا علي انهم يبنوا البيت تاني من جديد هيتعبوا شويه
لان بنايه شي اتهد واتكسر هتكون صعبه ومرهقهه
البشر كذلك
لما بيدخلوا علاقة ايا كانت صداقة زماله حب اي مسمي المهم ان العلاقة دي هنشبها بالبيت
لو مش له اساس سليم
هتتهد
وهتضر كل الناس اللي حواليهم بغبارها
اما بقي بالنسبة لمؤسسين العلاقة
فيهم اللي مشاعره بتنجرح لدرجه انه بيرفض الحياة وبيموت فعلا
وفيهم اللي بيروح يبني علاقة جديدة
وفيهم اللي بيصر ان العلاقة اللي اتهدت ترجع زي الاول
هيتعب شوية كتير لان اللي اتكسر مشاعر مش طوب وزلط
انتم بقي
تفضلوا تكونوا في علاقتكم انه شخصية
اللي بتموت
ولا اللي بتدور علي بناء جديد
ولا اللي بتصر علي بيتها وعلاقتها
بس خلص الكلام ورايي هقوله في اول تعليق

الخميس، أبريل 09، 2009

هي دي اغانى بلدنا

39 كلام قلوبهم

الاول كدا بشكر جوكر من شباب اون لاين علي الهديه اللي وصلتلي من اسكندرية للقاهره
وثانيا عاوزين ندعي لكل الطلبة وخاصة اميرة صاحبة مدونه انا ودماغي
 
بابا يابا ماما ( يابابا رد عليييييييييييييه )
 
بابا ياماما بابابا
 
الست الست ( مالها السسسسسسسسسست )
 
الست لما لما لما هههههههههههههههههههه وايييييييييييه لما لما دي 
 
الست لما لما لما 
 
الست الست ميه ميه 
 
ميه ميه عسليه ( ايوان ايوان عثلايه طبعا مش ست اومال ايه )
 
والبنت البنت حرامية مفتريه وشقيه
 
( هههههههههههههههههههههههه دا احنا مسااااااااااااكين ولا بنهش ولا بنش ياموسكينة ياني )
 
الست عاليوم عاليوم (معرفتش اكتبها قعد اعيد وازيد فيها

اني افهم بيقول ايه وبرده مفهمتش العيب شكله مني نيهاهاهاا)
 
اوووووه يووووووه ايوووووووووووه 
 
ياحبيبي ياحبيبي ياحبيبي ( ايوه ياحبيب حببي )
 
نفسي اغني للعيون السود وخايف يزعلوا يزعلوا يزعلوا
 
(ههههههههههههههههههههه ماتغني ياعمونا واجع الدوماغ

ليه الواحد اما بيصدق يظبطها 3 نسكافيه في بعض وصللللللللحه )

 
ولعهاااااااااااااااااااااااااااااااااااا ( حد يطفيهاااااااااااااا)
 
ياعم ابو احمد ياعم ابو احمد معلش المكان ولع مني ( بتانادي علي خالي ليه عاااااااااااااااااااااا)

 
بعد اما حبيناهم قالوا علينا مجانين 
 
بتلموني ليه احنا عملنا ايه 

 
(عملتوا بلااااااااااااااااااااااااااااااااوي )
 
دي كانت الست لما ودماغي الي ضربت معاها 
 
وكله كوووووووووووووووووووووووووووم واللي مش عارف نفسه كووووووووووووووووم 
 
انا انا انا انا انا نا انا
 
يالهوي خلاص عرفنا انت ايه بقي
 
انا مش عارفني
 
يادهوتي امال مين بس اللي يعرفك لما انت مش عارف نفسك
 
انا تت مني
 
ياحيني الواد تاه ياولداه طب شوفوه هو فين
 
انا انـــــــا مش انا
 
يانهار ابيض لتكون كوفي عنان وانت مش عارف
 
لا دي ملامحي
لا دىىىىىىىىىىىىىى ملامحي
 
غيروها ياحيني طب ارفع قضيه
 
ولا شكلي شكلي
 
نهار الوان هما سرقوا شكلك ياضنايا 
 
يابني مكنش يوووووووووومك
 
ولا ده ولا ده ولا ده ولا ده همممممممولا ده انا

 
انا مش عارفني
 
ابص لروح فجاه لقتني
 
لقتني كبرت فجاه كبرت
 
يالهوي مره واحده مش كويس عشانك
 
تعبت من المفاجاه
 
مفاجاه مش متوقعه الصراحه
 
ونزلت دمعتي
قوليلي ايه يامرايتي 
 
ياحلاوه ياولاد المرايه ببتتكلم طب هاتولي واحده العب بيها 
 
قوليلي ايه حكايتي
 
ماتقولي ياست مرايه هانم الراجل تبعان
 
ومش عارف هو ايه ولا مين شكله فقد الذاكره
 
تكونش دي نهايتي واخر قصتي
 
اهي اهي اهي
 
انا مش عارفني انا تت مني انا مش انا
 
لا دي ملامحي ولا شكلي شكلي ولا ده انا
 
استوووووب هنا موسيقي ولولولولولولولي
 
يادنيا طفيتي شمعي ياناس كترور دمعي 
 
عااااااااااااااااااااااا ليه بس طفيتو الشمعه الكبريت خلص في ولاعه
 
والعمر راح هدر 
 
كتبت الاه بقلمي
 
كسرتوا سن قلمي وبرده بقول قدر
 
ياحيني هو البرايات خلصت من البلد
 
طب نستورد من الصين برايه ولا ايه
 
وايييييييييييييييييييييييه دونيا
 
حزين من صغر سني ومين علي الاه يعيني
 
ووخداني الخطاوي لسكة تايهة مني 
 
لالالا عيب سبيه ياخطاوي مش تاخديه ايه ده بقي ده
 
وموسيقس تانيه وهييييييييييييييييييييييييه
 
 لازم نشوف حل للاغاني البيئه اللي بقت اكتر من الهم علي القلب
لاني في الميكروباص دا سمعت اغنيه مش فاكره كلامها بس فيما معناها 
ميوزك بتتشغل في الافراح وبيقول استغفر الله العظيم علي ما جري منى 
  هو ربنا بقي نستهين بيه كدا ونحطه في اغانى وبشكل مسف يعني مش كفايه 
ان غنى لا وكمان نحط اسم ربنا وندعي واحنا بنرقص ايه الاسفاف 
دا مش ممكن بجد شي زاد عن الحد
بجد ومن الاخر وصلنا لتدوني رهييييييييييييييييييييييييييب في  الاغانى 
وكمان مش كدا وبس لا وفي اغاني كمان فيها تعدي علي ربنا سبحانه 
وتعالي هنفقضل كدا كتير 
ننزل لانهو مستوى احنا كدا وصلنا لتحت الانقاض  
 

السبت، أبريل 04، 2009

كوفرتينا علي العريس يبقي هيتجوز ويهيص لوووووووووولي

75 كلام قلوبهم
طبعا سي السيد حابب يعرف امينه مبسوطه معاه ولا لا
فسلط محمد غاليه انه يرزعها تاج ميخرش الميه
ومحمد طبعا مش كدب خبر
ورزع امينه اللي هي كيارا تاج وقال لسي السيد يساله ليها ويفصصها تفصيص
السؤال الأول:ماهى السعادة من وجهة نظرك يابت ياكيتي ؟
السعاده بالنسبالي هي راحه البال
السؤال الثانى: كيف تصل إلى السعادة؟
ايه السؤال دا ياسي السيد مفيناش من عربي
صرااااااخ اخرسي خالث جاوبي وانتي ساكته
عاااااااااااااااااااااااا حادر ياسي ... ولا بلاش نيهاهاهاها
اوصلها اني ابات وانا راضيه ربي علي اد مقدر
مش اجرح اي انسان مهما كان هو نفسه يضرني المهم مش اجرح
يابخت من بات مظلوم ومش بات ظالم وده اللي بسعي ليه
مش اني ابقي مظلومه لا
اني انام علي المخده ومش ظالمه حد
ارسم الضحكه في قلوب كل اللي حواليا اهلي اصحابي اي حد ساعتها هتكون بسمتي
لاني بستمد ضحكتي من الضحكه اللي بيضحكها اللي حواليا من قلبهم
كتير هيستغرب اللي هقوله
ان اي بوست انا كتبته وانتو قريتوه وضحكتو منه
انا مضحكتش فيه وانا بكتبه ولا كنت حساه انه كوميدي شيفاه موقف عادي
واوقات كتير كمان بكتبه وانا منهاره في البكاء تخيلوا دي بقي
لكن مع كل تعليق منكم فيه ضحكه
كنت بقرا البوست من تاني لكن بعنين المعلق وبضحك من قلبي علي اللي ضحك المعلق
السؤال الثالث: هل السعادة وهم أم أنها حلم صعب؟
ولا وهم وحلم صعب المنال
السعاده قريبه مننا بس المهم نصفي قلوبنا من جشع الدنيا ونقول يارب
السؤال الرابع: هل السعادة طريق للنجاح ؟وضح؟
مش عارفه بس انا هجاوب عني انا
ايوه السعاده طريق للنجاح
انا لما بكون سعيده بيكون عندي قوه اهد جبال بقدر ادي لشغلي ادي لدراستي
اما وانا حزينه مش بقدر اتكلم اصلااااااااااااا
السؤال الخامس: ماهى أكثر اللحظات التى شعرت فيها بالسعادة؟
وعنيا بتدمع من خشيه الله
وانا بحب
واانا مع الاطفال
السؤال السادس:هل ممكن أن تحقق كل شىء؟
لا مش ممكن بس في حاجه ممكن تحققها تعادل كل شي
ودي بتختلف من شخص لشخص في حد بيكون الفلوس في حد تاني العلم و في الحب وركز علي الحب
انا بقي بالنسبالي هتكون الحب وبيه كل شي بيهون والصعب بيمر
السؤال السابع: السعادة تجعلك تقبل على الحياة أم لا؟
طبعا ومع اي لحظه حزن بتمر بيكون جواك شعور انك مش قادر تكمل لكن طالما انت سعيد بتكون واخد الدنيا بالحضن
السؤال الثامن: هل أحسست يوما انك وصلت لقمة السعادة؟
وانا مع الاطفال
السؤال التاسع: لماذا تمر أوقات السعادة بسرعة؟
لان اي الوقت الحلو مش بيتحس بيه لكن الوقت المر بيتحس بكل لحظه
وانت سعيد مش بتفكر اصلا لكن و انت حزين بتفكر وتفكر وبس
السؤال العاشر: هل ترى السعادة فى التدين؟
ده اكيد
السؤال الحادى عشر: هل أنت متفاؤل وعندك أمل؟ وضح؟
ايوه عندي امل وشيفاه لكن احيانا لما الدنيا بتاخدني من دنيتي بتعب وبحس باحباط
بس برجع تاني اصل دنيتي دي مستحيل حد يخرجني منها
اوقات ناس بتشدني للعالم بتاعكم لكن مش بيقدروا عليا اصلي قويه ومفتريه هههههههههههههههههه
السؤال الثانى عشر: إذا شعرت بالحزن ماذا تفعل؟
بقرا قران واقف في البلكونه ابص للقمر
السؤال الثالث عشر: هل يستمر معك الحزن فترة ام ينقضى فى الحال؟
حسب السبب بس عادتا مهما كانت المشكله مش بتاخد وقت اصلا لاني دايما بسيبها لله
السؤال الرابع عشر: ما رأيك فى الأفراد المتشائمين؟
مرو بظروف خلتهم كده ربنا معهم وياريت يبصوا للنص المليان
انا عند ظن عبدي بي
هييييييييييييييييييييييييييييييييييييييييه اخيرا التاج خلص
التاج دا هوديه مجانيه لكل اللي عاوزه