عالــم مــولان عالــم مــولان
randomposts

آخر الأخبار

randomposts
randomposts
جاري التحميل ...

قلبك بيشوف الحقيقه .. الخوف والشك بس هما اللي بيعموا

  1. حجززززززززززز اول تعلييييق

    ردحذف
  2. ابحثوا عن امراءه الميزان


    وهتعرفوا كويس رايي في الموضوع دا


    عمرها ماباعت ودايما شاريه وبتصر علي نفس البيت وبتيجي علي نفسها اوي لكن يوم اما بتقول انا بعت

    يبقي فعلا الموضوع منتهي بالنسبة لها ومش بترجع حتي لو اتزلزلت الارض

    ردحذف
  3. يالهوي

    انتي اخدتي اول تعليق مني

    عااااااااااااااااااااا

    ردحذف
  4. اتحفظ!!!!!!!!!
    الظاهر كده انى مش اول تعليق (وش متغاظ)
    بس ما عليا
    انا مع اللى بيبنى بيت جديد بأساس جديد
    لأن انا مش بحب اخلى حياتى مرتبطه بشخصيه معينه لدرجه ان لو العلاقه اللى بينا اتهدت اموت عشان الشخصيه دى(سواد كانت علاقه حب صداقه زماله....الخ)
    وكمان بالنسبه للخيار التالت
    مش اى شئ انكسر
    مممكن يتصلح

    ردحذف
  5. تااااااااااانى تعليق محجوووووز


    joker

    ردحذف
  6. هيييييييييييييييييييييييييييييييييييييييييييييييييييييييييه
    هيصه ام كلالا خدت اول تعلييييييييييييق
    وجارى البحث عن امراه الميزان

    ردحذف
  7. نا احب اكون من اللي تحاول البناء من جديد

    بس انا للاسف مش كدا بس احب اكون كدا

    مرسي جدا علي موضوعك المميز

    ردحذف
  8. هى الدنيا مالها الايام دى
    كله داخل فى علاقات ومئثره عليه ذهنيا وبدنيا

    احنا مش حروب
    احنا كلنا انسان
    نخطىء ونصيب
    وبعدين ننجح او نفشل
    ونعرف نتيجة اخطاءنا
    ونتتدراكها فى علاقاتنا الجايه
    الامور بسيطه
    مش عارف ليه
    صعبه علينا الايام دى

    ابنى علاقات تكسب خبرات

    ردحذف
  9. كهرمانه

    *****

    في علاقات منفعش اننا مش نرجعها من تاني

    الموضوع نسبي بين ملابسات كل علاقة وعلاقة

    ومبروك اول تعليق
    مع اني كنت عاوزه ابقي اول تعليق عاااااااااااااااااااااااااا

    ردحذف
  10. بصى ياستى

    احب اقولك ان دة مش بأيد البونىادم مننا

    دا حسب الشخصيه

    فيه الحساس اللى بتدمر من اقل حاجه ومش بيقدر يكمل

    وفيه اللى بيستحمل ويلملم جروحه ويحاول يبدأ من جديد

    وفيه اللى جتته منحسه ولا يحوق فيه حاجه


    دى نقطه


    التانيه انها بتفرق حسب العلاقه

    فيه علاقه لازم نقاوم هدمها وندافع عنها لانها غاااليه قوى ومتتعوضش , دا غير انها تستاهل التعب اللى هنتعبه فى رفع الانقاض واعادة البناء
    وحرام نضيعها مننا

    وفيه علاقه نحمد ربنا اننا خرجنا منها وفلتنا بجلدنا

    وفيه علاقه بتعمل فينا جرح عميق بنحاول نعالجه مع الزمن ونتعلم منه خبرة ويبقى مجرد ذكرى نبوز او نبتسم باستخفاف كل لما نفتكرها....

    ردحذف
  11. جوكر

    *********


    فرحاااااااااااااااااااانه انك حجزت

    ردحذف
  12. صمت المشاعر

    *********

    نورتيني ياقمر

    ويارب مش تحتاجي لدا

    وتكوني مستقره وعلي اساس سليم

    ردحذف
  13. ابوعلي

    *********

    الدنيا زي الفللللللللللللللللللل

    ردحذف
  14. احمد سعيد
    ___________--
    الراجل ده بيقول كلام زى الفل(بعد ازنك يا كيارا)

    ردحذف
  15. يا فل وياسمين انت
    مال الجو مالو
    فيه تيااااااااااااارات
    من غير اساس

    ردحذف
  16. احمد سعيد

    *********
    بصينا يرجل الميزان

    معاك في اول حالتين

    اماالتالته فمش موافقه علي كلمة جتته منحسه

    لان في علاقات مش ينفع نسيبها هنخسر اكتر من انها تتهد

    ودي انا اتعرضت ليها شخصيا وعشان كانت ترجع قعدنا نرجع فيها اربع شهور

    بس رجعت والحمد لله فرحانه بده

    **********************

    ومعاك جداااااااااااا في النقطه التانيه

    ردحذف
  17. عندما يدرك الإنسان أن كل ما يحدث له هو لحكمة أرادها الله فمن السهل عليه
    أن يبدأ ثانية وثالثة ويحاول رابعا وخامسا وإلى الأبد

    ردحذف
  18. احيانا بيبقى الاصرار على نفس البيت او نفس العلاقه بيبقى مش سليم لاسباب راجعه للطرف التانى او لبقيت الاطراف انا عن نفسى بحاول فى كل حاجه ادخلها انى استمر فيها بس للاسف بتفشل جدا لو الطرف التانى شايف انى حد مش كامل لتكملة العلاقه الطريف فى الموضوع ان كل اصحابى الى هدوا الصداقه بينا فى وقت رجعوا كللللللللهم بعدها يقولوا يا ريتنا سمعنا كلامك بس للاسف كنت من جوايا طويت صفحتهم وانتهى الكلام فى امورهم بالنسبالى مببقاش الا طرف بيساعد الى حواليه وبس بس مشاعر وحب وكلام من ده تؤ متلاقيش معلش طولت بس حبيت اكتب كومنت لاحلى كيارا فى الدنيا ربنا يبدلنا واياكى بناس تقدر قيمة البشر من جوه من شكلهم من بره وبس

    ردحذف
  19. كهرمانه
    **********

    طبعاااااااا يابنتي مش ميزان

    ردحذف
  20. ابوعلي

    *******

    هههههههههههههه ماله الفل بس

    مافل الفل

    ردحذف
  21. ازهري

    ************

    صححححححححححححح جدااااااااااااا

    ردحذف
  22. السلام عليكم ورحمة الله وبركاته

    انتى فكرتينى بحكايه التالت ارانب

    اللى كل واحد هيبنى بيت علشان يستخبى

    من التعلب طبعا فكرها ههههههه

    هو اهم حاجه فعلا فى اى علاقه او شئ

    حتى لو صغير الاساس لازم يكون متين علشان

    تستمر انا الحمد لله بعمل كده

    ومكلم مقاول معرفه علشان يساعدنى

    فى الحكايه دى هههههههههه

    مش عاوزه حبت مسلح هههههههه

    فى رعايه الله

    joker

    ردحذف
  23. الله الله الله علي كلامك يامشمه

    وانتي احلي مشمه في العالم برقتك وطيبتك انا بحبببببببببببك اووووووووووي

    ردحذف
  24. وعليكم السلام ورحمة الله وبركاته

    هههههههههههههههههههههه

    طب والنبي كلملي المقاول معاك

    ردحذف
  25. جميييييييييييييل اوي المثال لانتي عملتيه

    فعلا الصداقة لو اتبنت على اساس متين بتكمل و بتكون علاقة جميلة

    بس لو هي اتبنت على اساس مش مظبوط و مش متين مسير الايام تفشل و تتهدم

    انا مبحبش اساسا ابني صداقات اي كلام او مصلحات

    و زي ما بيقولوا عني صحبت صحبتها

    و ابقي اسالي عني اصحابي هما يعرفوني اكثر

    و ابقي خلينا نشوفك يا مفترية مش عارفة مختفية مني فين

    ردحذف
  26. والله برافو عليكي ياقمر

    وحاااااضر قريبا هظهر في الاسواق

    بس يارب مش تزهقى انتي مني

    ردحذف
  27. هو بيت من غير اساس ولا بنوته من غير اساس
    انا هعلق دلوقتى ولما اصحى ابقى اقولك انا فهمت ايه

    ردحذف
  28. صعب جدا جدا ان حد يقول هيعمل ايه فى موقف زى دة غير لما يمر بيه فعلا
    احنا ممكن نتكلم كتير لكن بنعمل لما نتحط فى الموقف

    ردحذف
  29. كل بيت لازم يكون له اساس علشان يقدر يصمد ضد العوامل الأخره

    وعلشان كده لازم تبقي البداية حلوه وجميله

    ولازم يبقي في تكاتف وتعاطف بين افراد البيت علاشن يقدر يشيل السنين الي جايه

    تقبلي مروري سيدتي
    مجنووون

    ردحذف
  30. البيت محتاج كتير بجد
    تفاهم وحب وإحترام وغيرهم
    بالتوفيق

    ردحذف
  31. البوست جميل جدا
    شوفي ياستي
    لو العلاقه زواج وبيت واولاد لازم الانسان يحاول تاني وتالت ورابع الي ان يفشل تماما او ينجح نجح خير وبركه
    فشل يبقا ماعندوش غير حل من اتنين يعيش بنصف انسان عشان يحافظ علي البيت والاولاد
    يايهد اللي باقي ويعيش مع اولاده من غير وجع دماغ
    لكن لو العلاقه لسه علي البر مافيش بيت والا اولاد
    هنا بيختلف الامر
    طالما وصلنا لحالت الهد يبقا كده تمام جدا نفضها سيره وكل واحد يشوف طريقه واكيد كل واحد هيلاقي اللي يبني معاه بيت متين الاساسات
    هينجرح هيتعب شويه بس في النهايه هيخف
    ووجع ساعه والا كل ساعه

    ردحذف
  32. اساس ايه و اسمنت و مسلح ايه
    انتي شغالة مع احمد عز ولا ايه

    العلاقات الانسانية ممكن نشبها بكده اه بس مش ينفع نطبقها علي كل حاجة

    و حكاية الميزان و العقرب كل ده في الكلتش
    ماينفعش احكم علي واحد انه اسد ولا عقرب او انه مواليد يوم 1/1 ولا 5/7
    اه في صفات ساعات بتتشابة لكن كل ده اجتهاد شخصي

    و لو كده انا مستعد اجبلك بدل الواحدة اتنين و تلاتة من الميزان و يبيعوا ابوهم

    ردحذف
  33. فعلا موضوع مهم
    موضوع بناء العلاقات بس انا شايف انه بالعكس مع المبانى العادية دى..
    لان المبنى العادى بناءة صعب وهدمه سهل جدا
    على العكس من العلاقات زى الحب والعلاقات العادية سهلة البناء وصعبة الهدم جدا جدا.
    احييكى على البوست يا كيارا
    بوست هايل

    ردحذف
  34. رجل السرطان يفضل عدم بناء بيت من الاصل!!!

    الارض غالية اليومين دول!!

    ده غير الحديد!!

    ردحذف
  35. على حسب كل حالة
    لان العلاقات الانسانية لا تتوقف على طرف واحد
    وانما على الطرفين
    وعلى عمق العلاقة ذاتها

    تحياتى

    ردحذف
  36. اولا تشبيهك جميل
    فيه ناس برغم ان بيتهم بيتهد زيه زى شخصيتهم بس هما بيفضلو متمسكين بيها يعنى تمسك وخلاص

    بوست جميل
    ومدونتك جميييله اوى
    سلام

    ردحذف
  37. موضوعك مهم اوى يا كيارا

    انا شايفه ان فى الوضع ده ان كل واحد يدور على بناء جديد يبقى مبنى على اسس وقواعد متينه

    بس طبعا بعد ما تكون الجروح تدوات والنفسيه استقرت وكل واحد اخد فتره نقاهه

    تحياتى ليكى يا قمر

    امواااااااااااااه

    ردحذف
  38. تصرف الشخص بيختلف من علاقه لعلاقه
    يعنى أحيانا توجد علاقه تكون جديره بالمحتفظه عليها أو محاولة اٍعادة بناءها من جديد
    و فيه علاقه يكون فى هدمها كل الخير للطرفين او على الاقل لطرف منهما
    و علاقه يكون من الخير عدم بناءها اصلا لان فشلها بيكون واضح من البدايه لكن المعانده بتخللى الشخص يحاول فيها كثيرا عن جهل و غباء
    اشكرك على البوست الجيد و تقبلى تقديرى

    ردحذف
  39. ممكن أحب أحتفظ بالعلاقات
    بس لو محصلش
    بدور على بناء جديد
    مش هموت طبعا

    ردحذف
  40. انا في الاول قلت ايه فيلم الرعب في حزيرة الاموات ده

    وبعدين قلت كيارا دخلت على عمارة الموت في مصر الجديدة ولا عمارة لوران
    بس بجدحلو جدا تشبيهك وواقعي اوي




    بس احب اقولك ان كمان بتلاقي بيوت اتبنت على اساس سليم ومتين لكن مش بتسلم من العواصف والزوابع



    اما انا بالنسبة لي
    من النوع اللي يفضل الموت لو البنا اتهد

    لما احب مش اشيل ولا حتة من قلبي تنفع لحد تاني
    فمن الطبيعي اني ما اعرف احب حد تاني


    وفنفس الوقت مستحييييييييل اتمسك باللي باعني او نسيني او حتى انا مش من اولوياته لو كان اخر نفس في عمري متعلق بيه حتى وان كان الحد ده ابو عيالي زي مابيقولو

    تحياتي ياكيوورة عالمناقشة الحلوة زيك دي

    ردحذف
  41. فيه علاقات معينة يستحيل رجعوها من تانى
    ولذلك أفضل أنا أبدأ من جديد
    تحياتى

    ردحذف
  42. سيدتي
    اكيد ان العلاقات بين البشر بتتعرض لهزات و مواقف صعبة بس لو هي مبنية على اساس قوي (حب حقيقي صداقة حقيقية) اكيد حترجع العلاقة و ممكن اكثر من الاول ولو كان الاساس هش ومبنية على المصالح المتبادلة اكيد لو انتهت و انتفت المصلحة حتكون العلاقة في خبر كان و مش حيكون لها وجود
    دعوة للتواصل
    مودتي

    ردحذف
  43. بوست حلو وكلام احلى
    شخصيا بحاول كتير لحد ما الموضوع يرجع زى الاول بس لو بعت مفيش حاجة ترجعنى تانى
    تحياتى لكلماتك الرائعة

    ردحذف
  44. الرجوع صعب والاصرار على البناء في نفس المكان مش سهل, لأنه هيكون بيت مبني على ذكرى صعب نسيانها وبالتالي صحة البيت هيكون مشكوك فيها

    طبعا هنبني في مكان تاني
    هيكون البناء صعب ومجهد ومؤلم من آثار البيت الأول, بس لازم نبني تاني عشان منمتش

    ياريت تنوريني تاني, بقالك كتير مقاطعه مدونتي

    ردحذف
  45. اجمل ما في البيت الحب اللي مواجود في داخله ولو في حب وحنان وتفاهم هيبقى في كل حاجه تانيه ليها معنى حلو اوي في حياتنا ومنقدرش نستغنى عنو

    ردحذف
  46. والله انا شايف أنه المقاومة من أجل البناء مرة أخرى هي الحل الأمثل
    صعبة بس أحسن الحلول
    ويبقى التواصل

    ردحذف
  47. بعد التهييس الشديد اللى حصل من يومين واضح انك رحتى لدكتور كويس رجعلك عقلك
    بجد كلامك حكم يا ست كيارا
    والموضوع جميل محتاج تفكير يمكن ارجع اكتب رايى بالتفصيل

    ردحذف
  48. كيارا ام مثاثة
    احب اقولك كلمة واحدة بس
    موضوعك جميل جداااااااااا

    ردحذف
  49. السلام عليكم

    هناك فرق بين بيت شيد من عدة طوابق وبيت في اول التشييد ..

    الاول يجب التنازل احيانا للمحافظة عليه من الانهيار خوفا على ساكنيه ..

    اما اثاني في اول الطريق يمكن البحث عن بناء جديد ..

    تحيتي

    ردحذف
  50. اعتقد ان موقفي انا هيتغير تبع الشخص نفسه ودرجه قربه مني ودرجه انكسار العلاقه معه

    ردحذف
  51. بصى يا قمر
    انا عن نفسى مش هينفع اختار من اختيارتك لأن الاختيار بيتوقف على الشخص اللى كنت معاه فى العلاقة
    سواء كانت حب او حتى صداقة
    فى حد ممكن ميكونشى يستاهل ان الواحد يفتكره تانى ويكون جزئه ان لما الجرح يهدى ويخف لو اقدر ادخل فى علاقة تانية لما قدرت
    وفى حد ممكن يكون يستاهل انى اتعب عشان ارجع علاقتى معاه تانى
    عشان ممكن يكون ليه دخل فى هدم العلاقة
    عموما موضوع البوست جميل
    تحيااااااااااتى يا قمر

    ردحذف
  52. مدونتك جميلة ومميزة

    والبوست جميل اوووووي

    واختياري هيكون على حسب علاقتي والاغلب هبدأ من جديد لانه الي انكسر صعب يتصلح والي باعني هبيعه

    تسلم ايدك ياقمر عالبوست الجميل

    دمتِ بود

    ردحذف
  53. كيتىىىىىىىىىىىى

    حبيبة قلبىىىىىىىىىىى




    أخبارك ايه؟؟؟
    وحشانى بجد

    يارب تكونى بخير


    ................

    بصى يا ستى

    فى الاول أنا مش من النوع اللى بينهى أى علاقة بسهولة
    أيا كانت
    حتى لو شخص أساء ليا كتير جدا
    دايما مابحبش أقطع الحبال
    بأسيب الباب موارب

    لكن صدقا بأتعب جامد جدا فى البداية و بأزعل
    لكن مش ببين

    بعد كدا بئا بأستنى لحد ماأصفى من جوا و أحكم على الشخص دا عقليا

    لقيته انسان كويس و يستحق فعلا انى مش أخسر العلاقة باحاول اصلحها
    حتى لو ماكنتش غلطانة

    لو لقيته انسان مش يستحق ، مش بأقفل الباب .. لكن بأعامله كأى انسان و بأدور على انسان يستحق المكانة اللى كان فيها

    ردحذف
  54. ايييييييييييه داااااااااا

    كلامك صح جدا جدا جدا يا كيتىىىىىىىىى
    هو انتى كمان برج الميزان؟؟؟



    بصرة يا عم

    ردحذف
  55. كيارا

    أخيرا وصلت
    وأخيرا لقيت اللى كنت بدور عليه

    أنا بقالى فتره طويله بدور على مدونتك

    مش عارف ليه بس حسيت انى عايز أدخل مدونتك وأقرأ فيها

    والحمد لله لقيتها

    فأتمنى أن تقبلينى زائر لمدونتك الجميله

    ولكى وافر الشكر والتقدير

    الشاعر الحزين

    ردحذف
  56. انا من النوعيه اللى ما تعرفش تبيع بسهوله
    يعنى باخاف على علاقتى بالناس القريبين منى قوى
    وانتى طبعا عارفه عنى ده كويس
    (:
    بحبك
    واسفه على التاخير ياقمر

    ردحذف
  57. هحاول علي اد ماقدر
    اصلح البيت اللي انا فيه
    وممكن اخد الناس اللي فيه
    وننقل بيت جديد
    بس اكيد بنفس سكانه
    اه اللي انكسر مش هيرجع زي الاول
    بس الايام كفيله انها ترجع
    وتداوي كل الجروح

    ردحذف
  58. موضوعك جميل قوي يا كيارا

    وأنا عن نفسي بتمسك قوي قوي بالعلاقات الإنسانية اللي بتربطني بمن حولي

    لكن أوقات لما بيكون مافيش تكافوء في مشاعر الآخرين بالنسبة لمشاعري تجاههم بمعنى إن العطاء بيكون في اتجاه واحد أو أتفاجيء بالخيانة وعدم الإخلاص واللامبالاة

    ببقى في الوقت ده فعلا شخصية أخرى وبقطع العلاقة دي نهائي وبلا رجعة

    وبقول إن اللي لا يكون بجانبي في أوقات الشدة ويتخلى عني نفسيا لا يستحق حبي وعطائي

    لما اطلعت على مدونتك قلت أكيد إنك تتمتعي بعقل راجح وموضوعك ده أكد ليا رأيي فيكي

    دمتي سالمة

    ردحذف
  59. السلام عليكم

    ازيك كيارا

    بما انك متبعه تشبيه البيت للعلاقه دى هقولك انا اختار ازاى وايه ممكن يحصل بعد الإختيار

    هختار اجود انواع الحديد ومواد البناء هتكون على أعلى مستوى
    فهمتى
    يعنى هختار اللى شايفها دى اجود انواع البنات
    ومواد البناء اللى هى حياتها صفاتها اخلاقيتها
    وبكده اكون اتطمنت على البيت وبعد ده مش اعتقد انه يقع ولو حصل ووقع ممكن اعيد بناءه من جدي طالما متأكد من مواد بناءه

    يعنى هفضل متمسك بكل طوبه فيه

    تحياتى

    ردحذف
  60. السلام عليكم
    ازيك يا كيارا
    أنا يا سيدتي عاوزك تختاري على راحتك وتكتبي بمزاجك مش عاوز أحجمك وأقولك تكتبي ايه عندك أقسام المجلة وشفتي مشاركات الناس أظن فهمتي وجهة المجلة وطريقتها وإن كانت دي يعني بداية
    ياريت بأه تشاركينا
    على هذا الأساس
    مودتي

    ردحذف
  61. كيارا

    وحشانى يا نسيانى

    بجد وحشانى

    وحمدلله على السلامة


    على فكرة انا حاولت ابنى بس بنيت وغيرى

    هدم مش عارفة اعبر بس انتى

    فهمانى

    منتظراكى


    smilyrose

    وردشان

    روح الحب الصادق

    ردحذف
  62. طبعا يصبروا ويحافظوا على اغلى بيت اتبنى بالدم والعرق والحب
    لازم يحاولوا
    وحشتسنى موووووووووت يااغلى كيارا

    ردحذف
  63. لو كان الشخص عزيز عليا هدافع عن العلاقة دى لاخر نفس سواء كانت صداقة زمالة اى كان انما لو جرح كرامتى فى لحظة هدور على غيره فورا جرح الكلام مش بيعالج بسهولة

    ردحذف
  64. السلام عليكم ورحمة الله وبركاته

    كيتي حبيبتي وحشاني مووووووووووووووووووووت يابت اخبارك ايه معلش طولت في فترة غيابي بس ايه الجمال ده موش عرفت المدونة من كتر الجمال اللي حصل فيها اكتر

    موضوعك مفيد بكد بكد يا عثل ومفيد كمان بث انا بقى حن نفثي هقولك جملة انا مؤمنه بيها جدا وبطبقها في حياتي وياريت كله يعمل بيها لا تبكي على اللبن المسكوب فلازال هناك آخر تستطيع تناوله فقد يكون ما تم سكبه ملوث وقد حمانا الله منه

    متهيالي الكلام مفهوم

    وبجد مبثوطة خالث مالث بالبوثت ده وبالمعني اللائح اللي فيه

    وحثاني بابت خدي بوثه كبيلة خالث

    وفين المثاثه والثوكولا بتاحتي

    في رعاية الله

    ردحذف
  65. السلام عليكم و رحمة الله و بركاته

    كيتي في جزء نثيت اعلق عليه في ردك على احد المدونين امراة الميزان
    موث تحكمي على حد من خلال برجه احمي من خلال عشرة فقط ومواقف بتبين الصالح من الطالح ماثي يا ثكل

    في رعاية الله

    ردحذف
  66. عن جد موضوع كتيييييييير حلو
    عجبنى اوى التعليق قعن اماءة الميزان
    تحياتى للموضوع الجميل
    سلام

    ردحذف
  67. بالنسبة ليا اللي يجرحني ويفكر مجرد تفكيرانه يبعني مايلزمنيش
    هسيبه وادور على حب تاني وبيت تاني يساعني
    تحياتي ليكي

    ردحذف
  68. النهاردة ( الاثنين ) ان شاءسوف يتم استضافتي في برنامج الانسانية اليوم على قناة الانسانية الساعة 9 بليل وهتكلم على الكتاب والمدونة
    عايزك تتفرجي وتقوليلي رأيك ولومش سامعة عن القناة اعملي عنها سيرش
    منتظر رأيك في الظهور التلفزيوني الاول ليا
    سلاموز يا بنت منطقتي

    ردحذف
  69. موضوع جميل اوى يا كيارا

    انا زيك ميزان
    يوم ما اقول انا بعت خلاص خلصت الحكاية
    لكن عمرى ما ابيع بسهولة الا لو كان الجرح كبير

    لو شايفة ان ممكن نرجع باحاول باقصى قدرة

    ردحذف
  70. من أحلى ما قرأت لك




    أمنياتي

    ردحذف
  71. تشبيهك رائع يا نيمو و عميق أوي
    و أنا من النوع اللي يبيعني ببيعه و عمرى ما اشتريه تاني عشان اللي يبيعني مرة حيبيعني ألف مرة
    بس عمر ما انا اللي ببتدي هد البيت
    و عشان أبني بيت جديد بأساس جديد أكيد محتاجة فترة نقاهة لأن الموضوع مش سهل تماما

    ردحذف
  72. موضوعك جميل اوي ياكيارا

    بجد بناء البيت هو بناء الحياه ومعنا اني حد يبني حياته من غير اساس سليم مايترب علي بناء حياته دي هيكون كله مش سليم :)

    تسلم ايدك تحياتي :)

    ردحذف
  73. عزيزتي مولان:
    او كيارا:

    انا مش معاكي

    مي اي شئ انكسر بيكون قابل للتصليح
    انا بشوف ان في حاجة زي الطرابيزة مثلا لو اتكسرت رجلها ممكن نصلحها
    انما لو القزاز اتكسر ستين حته اكيد مش هتعرفي تلميه تاني

    العلاقات بين البشر كدة

    في علاقة هشه اي حاجة تكسرها واذا ده حصل اكيد مش هترجع تاني
    وعلاقة متيه مهما حصل اكيد ممكن ترجع تاني
    انا اتعرضت لموقف قريب لعلاقه هشه اقدر اقولك ان عمرها ما تقدر ترجع تاني زي ما كانت مهما حصل
    تحياتي ليكي على البوست المميز
    رنا

    ردحذف
  74. السلام عليكم
    كيارا .. كيف حالك
    المعذرة على فترات غيابى .
    يا ابنتى الغالية المحترف فقط هو الذى يعرف متى يتحمل انهيار المبنى ومتى يرتب الانقاض ليتفحص الامر وليتعرف على سبب الخلل والبناء فن وأى فن ومعاملة بشر ايضاً فن وأى فن وذوى الخبرة يتحملون الخسارة ولكن لا تهزمهم الخسارة مهما كانت فادحة فهم من يملكون الحكمة لإعادة البناء بإحكام
    مع خالص تحياتى

    ردحذف
  75. انا ميزان زى حالاتك ، صعب اوى انى استسلم فى علاقه بحاول مره واتنين وتلاته بس لما بحس ان اللى قدامى مش مقدر بنسحب بكل هدوء و بلا رجعه

    ردحذف
  76. مبقاش عندى استعداد ابنى اى حاجه خلاص

    هدور على شقة مفروشة

    ردحذف
  77. بعد السلااااااام

    كيارتى

    انا وحثه وحثه خالث وانتى ووحششششششانى موووووت


    اكيد الحياه مش بتقف عشان علاقه اتهدت وكان الاساس غلط من الاول واحنا كنا عاملين نفسنا شايفينه صح ومش قادرين نقوم ونخليه صح لكن كنا مستحلينها زى ما بيقولوا، لكن بعد ما انتهت اكيد محدش هيحب يحط نفسه فى تجربه غلط تانى لكن نبدأ فى البناء الجديد والحياه الجديده



    اه صحيح عايزه رايك ضرورى فى اخر بوست عندى

    سلاااااموز

    ردحذف
  78. انتى قلتى احلى ايجابه انتى ممكن تتمسكى واكيد هتتمسكى لو كان البيت ده يستاهل انك تتمسكى ببناه ولو حتى اخد عمرك كله لكن لو للحظه حسيتى انه مش هو دا البيت اللى يستهلك ساعتها هتبيعى ولو الدنيا قامت استحاله تتنازلى وترجعى تسلم ارائك ياقمر وحشانى مووووووووت

    ردحذف
  79. ازيك يا كيارا معلش لو اتأخرت عنك
    بس اول ما دخلت وقريت البوست
    قولت في نفسي كيارا ديه بنت حلال والله
    ساعات بتمر بينا تجارب مش نبعرف نفسرها
    انتي في البوست ده جبتي من الاخر
    وانا عن نفسي شايفة اصعب الانواع اللي بيحاول يرجع اللي اتكسر لان زي ما انتي قولتي ديه مشاعر مش زلط وطوب
    اما عني شخصيا انا من انو نوع مش عارفة
    ممكن اكون الاخير ممكن
    مش عارفة احكم علي نفسي
    ربنا يكرمك البوست جميل بجد
    سلام

    ردحذف
  80. والله ياكيارا على حسب العلاقة ..

    يعينى لو حد بحبه بجد وروحى من غيره تموت هايبقى هحاول بدل المرة ألف علشان ارجع العلاقة ..

    انما لو جرحنى اوى وفعلا موت شئ جوايا وانتهت اى مشاعر بينا سواء كانت مشاعر حب او صداقة او اى شئ فحاول ابدأ بداية جديدة وعلاقة جديدة ..

    لان انا طبيعتى كده ما بحب اللى اتقوقع احب اجرب مرة واتنين وتلاتة وممكن اتلسع بس بحب اجرب والمرة اللى بعدها بتكون بحذر ..

    انما الخيار الاول فامش بلجأ له خالص ..

    حمد لله على السلامة ..

    دمتِ بخير ..

    ردحذف
  81. مش عارفه اقولك ايه اللى ممكن يحصل
    ممكن يحصل كل اللى قلتيه
    يعنى ممكن الواحد يحاول يموت علشان مش هايقدر يعيش فى بيت تانى
    و ممكن يحاول يرجع العلاقه لو تنفع ترجع لانها ممكن ما تنفعش ترجع
    و ممكن يحاول يبنى بيت جديد بس هاياخد وقت شويه لان الجرح مش بيتنسى بسهوله
    و البيت الجديد مش بالساهل زى ما الناس فاكره
    بس الاكيد ان فى كل الاحوال هايكون فيه جرح حتى لو العلاقه رجعت مش بترجع زى الاول
    فمن الاحسن اننا ما نسيبش البيت يتصدع و احنا واقفين نتفرج
    كل شويه نعمله صيانه
    تحياتى على الموضوع العميق ده

    ردحذف
  82. انا اصر علي بيتي ومشاعري الاولي
    ولا ابيعها ابدا بسهوله
    واتمسك بها لاخر لحظات عمري

    الا اذا
    احسست بالاهمال وعدم التقدير
    ساعتها بجد ممكن انا اللي اهد البيت

    حمد له علي سلامتك يا جميل

    ردحذف

بيت من غير اساس

احم احم نرجع نعقل بقي الاجازه خلصت في النوم
بيت
اي بيت في الدنيا
مكون من اساس وعدة طوابق فيها ناس عايشين هما اللي بنوا البيت دا
لو البيت داكان اساسه مخوخ ومش سليم
هتكون نتيجته ايه
هيقع ويتساوي بالارض
وكمان غباره هيضايق الناس اللي كانت حواليه
اما الناس اللي كانت جواه
منهم اللي مات تحت انقاضه
منهم اللي هرب منه وجري يدور علي ملجا له ويحاول يبني بيت جديد باساس متين
عشان مش يشوف اللي حصله تاني
وفيهم اللي هيصروا علي انهم يبنوا البيت تاني من جديد هيتعبوا شويه
لان بنايه شي اتهد واتكسر هتكون صعبه ومرهقهه
البشر كذلك
لما بيدخلوا علاقة ايا كانت صداقة زماله حب اي مسمي المهم ان العلاقة دي هنشبها بالبيت
لو مش له اساس سليم
هتتهد
وهتضر كل الناس اللي حواليهم بغبارها
اما بقي بالنسبة لمؤسسين العلاقة
فيهم اللي مشاعره بتنجرح لدرجه انه بيرفض الحياة وبيموت فعلا
وفيهم اللي بيروح يبني علاقة جديدة
وفيهم اللي بيصر ان العلاقة اللي اتهدت ترجع زي الاول
هيتعب شوية كتير لان اللي اتكسر مشاعر مش طوب وزلط
انتم بقي
تفضلوا تكونوا في علاقتكم انه شخصية
اللي بتموت
ولا اللي بتدور علي بناء جديد
ولا اللي بتصر علي بيتها وعلاقتها
بس خلص الكلام ورايي هقوله في اول تعليق

عن الكاتب

Kiara بنت مصريه بحلم بدنيا صافيه مش فيها غدر وكل اللي فيها اننا نحب بعض مش لهدف ما لكن نحب بعض عشان نشوف الدنيا صح

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

عالــم مــولان