عالــم مــولان عالــم مــولان
randomposts

آخر الأخبار

randomposts
randomposts
جاري التحميل ...

قلبك بيشوف الحقيقه .. الخوف والشك بس هما اللي بيعموا

  1. دي حاجة بسيطة خااااااااالص
    عادي بقى
    ماتشيليش في نفسك
    اهمالاية صغننة من الاهمالات اللي في بر مصر رايح جاي
    بس انتي منفعلى لانها جت فيكي المرة دي
    ربنا يقومها بالسلامة

    ردحذف
  2. ياريتها فيا

    دي في حته مني

    ردحذف
  3. يااااااااااااااه
    هو لسه فى عقول كده
    لا تتدرك حتى قيمة الانسان
    يقينا دول اللى كانوا فى القراءن


    كالحمير تحمل اسفارا


    بس كله مننا
    اصلنا موكوسين
    وشعبنا سلبى


    الصح الام تعمل بلاغ ضد مدير المدرسه
    وكما بلاغ ضد وزير التعليم
    علشان
    بعين اغبيا


    ولنا الله

    ردحذف
  4. الموضوع مش هيتسكت عليه ياابوعلي

    دي مدرسة خاصه امال لو حكومه اللي فيها الناس امم كان الموقف بقي ايه

    ردحذف
  5. كمان مدرسه خاصه

    يبقى اعملوا الاول بسرعة محضر اثبات حاله
    مع اخذ اقوال الطبيب علشان تكون ليلتهم سودا
    وعلى التجارة اللى فاتحينها
    وتحت ستار التعليم المطور بيتخفوا

    حبة هلافيت معاهم فلوس
    وحكومة بايظة بتقبض ضرايب وخلاص

    ردحذف
  6. ايه البجاحة وقلة الادب اللى فى المدرسين وادارة المدرسة دى.. فعلا مفيش كلمة عليهم غير حسبى الله ونعم الوكيل انهم يعملوا فى طفلة صغيرة كدة.

    ردحذف
  7. هو اللي بحمد ربنا عليه انهم ودوها مستشفي حكوميه عشان التقرير يبقي معتمد مش يقولوا فبركه والمحضر هيتعمل بكرا ان شاء الله

    هيا فعلا بقت تجارة وتجاره زباله كمان

    ردحذف
  8. فعلا يامنوش قمة البجاحه

    لنا الله مع ناس لاتقدر قيمة انسان وطفل

    ردحذف
  9. حسبي الله ونعم الوكيل
    انا مش لاقي كلام يتقال

    ردحذف
  10. يا نهار ابيض
    دول بنى ادمين اصلا؟؟؟؟؟

    ردحذف
  11. يعنى هى جت على دى
    انتى مش عايشة ف مصر
    هى دى بلدنا
    منتهى الفوضى والاهمال
    مش عارفة ساعات بحس انهم نفسهم يرموا المصريين فى النيل عشان البلد تفض ليهم وبس
    يالله منهم لله
    مننا كلنا لله

    ردحذف
  12. معقول اللي حصل ده؟؟؟

    مش لازم تسكتو يا كيارا

    ردحذف
  13. يا ستى تعيش وتاخد غيرها


    متزعليش بجد عادى
    دا قضاء وقدر


    المهم انتى عامله ايه ؟
    مش بتسألى يعنى وحلاقالنا كدا

    مااااااشى

    ردحذف
  14. قولتهالك قبل كده
    دى بلد موظفيين وحكومه وبس
    وللاسف انا مش موظف لانى بشر

    ردحذف
  15. ببساطه


    هذه هى حال مدارسنا

    مدرستى جميله نظيفه متطوره

    فى المشمش طبعا


    نطلب من ربنا الرحمه فقط


    --------------------
    كان معكى من امام الكيبورد
    واحد مخه لاسع شويه
    شبـــ اون لاين ـــاب
    الاسكندريه
    -------------------

    ردحذف
  16. حسبى الله ونعم الوكيل
    بجد دى معندهاش قلب ولا ضمير ولا احساس نهائى لا هى ولا كل اللى ساعدوا واللى شافوها ومتكلوش كمان .

    بس انتى جمعتى ليه ! فى ناس كويسه برده :)

    ردحذف
  17. ربنا يتمم شفاءها على خير
    معلش حسبنا الله ونعمة الوكيل على الاهمال اللى فى مكان ده

    ردحذف
  18. مدرسة خاصة كمان لا يبئا الموضوع مش يتسكت عليه لازم تتصرفوا فيه

    ردحذف
  19. فعلا يا كيارا مافيش حاجه تتقال غير
    حسبى الله ونعم الوكيل
    بصراحة اتحرق دمى واتنرفزت
    انا مش عارفه هما المديرين حصلهم ايه فى دماغهم
    مش عارفه ليه تعاملتهم بقت غير آدميه
    حسبى الله ونعم الوكيل
    بس ابقى طمنينا على هدى
    ربنا يقومها بالسلامة وتبقى بالف خير
    تحياتى

    ردحذف
  20. حسبي الله ونعم الوكيل

    مش عاد فيه ضمير للاسف

    ردحذف
  21. السلام عليكم كيارا
    تحياتى
    ما تحطيش فى دماغك .. المدارس بقى فيها اكتر من كدا .. سمعتى عن المدرسه اللى بيدخنوا فيها بنجو .. يعنى هى جات على الكسر ... عادى
    تحياتى

    ردحذف
  22. يابنتى عادي
    بلدنا الجميله
    يارب يطمنكم عليها ويخليها يارب دايما

    ردحذف
  23. بجاحه والله وقله ادب
    مش عارف اقول غير حسبى الله ونعم الوكيل

    ردحذف
  24. مممم سلامتها و ان شاء الله تقوم بالسللامة
    بالنسبة للي حصل
    انتي في مصر
    مضايقة ليه ؟؟؟؟؟

    ردحذف
  25. بجد والله دمي اتحرق ايه دا مفيش دم مفيش رحمة دي طفلة ياشيخه انتي وهيا تعملو فيها كدا والله زي ما انتي قلتي حسبي الله ونعم الوكيل لنا الله

    والف الف الف سلامة على هدهد ربنا يشفيها ويقومها بالسلامة يارب

    ومتحرقيش دمك ياسكرة انتي سيبك منه اكيد حقها هيرجع ربنا مبيضيعش حق حد

    دمتي بخير
    تحيتي..

    ردحذف
  26. الف مليون سلامه عليها
    اما عن موقف المدرسه فهو عن جد غريب
    ربنا يهدي الجميع ويحنن قلبهم
    لمن هل انت متأكده من سيناريو الاحداث كما تقولين ام ان الخوف والقلق علي هدي يجعلكي تهولين من الموضوع
    ارجو الرد


    شكلها باظت
    انظر حولك
    د. خالد عزب

    ردحذف
  27. والله يا كيارا احنا لسه عندنا شويه سلبيبات نتمنى انها خلاص بقى تروح
    بس ادينا بنحاول
    صحيح مفيش حد بيسمع بس
    ادينا بنحاول

    الف سلامه عليها يا كيارا

    ردحذف
  28. ايوه اعملوا محضر و إشتكوهم و إخربوها عليهم
    دي ناس ما تجيش غير بالسك على دماغها
    دا الف باء التعامل مع الكسور هو عدم تحريكها
    و تجبيرها بأسرع ما يمكن
    شوفي آخر بوست عندي و شوفي البوست ده http://nouranelshamly.blogspot.com/2009/04/blog-post_25.html

    ردحذف
  29. .............الى متى...............
    .......سظل هذا التعليم...........

    ............العقيم.............

    ...........وتجاوزات ............
    .........بشتى الادارات ...........
    ...........ولكن ماذا ...........
    ...........اقول انهم ..............
    ...........من الشعب .............
    .........وليس من بلد............
    ........اخر فهذه المديرة.........
    ..........لديها اطفال ..........
    ..........فى مدرسة اخرى ...........
    ..........يمكن ان يحدث لهم..........
    ............مثلما حدث ...........
    ..........فماذا سيكون فعلها........

    ردحذف
  30. السلام عليكم

    شفاها الله وعفاها ..

    اسال الله العظيم رب العرش العظيم ان يشفيها ..

    والاهمال والاستهترار وقله الامانه وانعدام الضمير بقا حاجه عادي جدا في زمنا دا نسال الله السلامه .. وللاسف من الاسوء اٍلي الاسوء بس ليس لنا اٍلا الله لنشكوا له ونقول ربنا يعفاينا من زمن قل فيه الامن وانعدمت فيه الاخلاق ..

    دمت بخير كيارا

    ردحذف
  31. اولا الف سلامه على الاموره
    ثانيا المدرسه "بضم الواو"دى لازم تروحوا تبلغو عن اهمالها ...او تمسحوا بكرامتها الارض علشان تعرف ان الله حق ومتكررش عمايلها تانى
    ما هو يا بنتى كل واحد بياخد حقه بدراعه فى البلد دى
    دمتى بخير....تقبلى مرورى

    ردحذف
  32. تحياتى و ألف سلامة على الحلوين.
    هذه ليست سلبية أو إخلاء للمسئولية
    لكنها بجاحة متعمدة وغباوة من المدرسة و الميرة.
    لانها مسئولة عن الطفل حتى بعد خروجه من المدرسة. ليس كل المديرين بهذا الغباء.
    كان عندنا جارة طفلة سقطت و هى تلعب فكسر قدمها و المدرسة اتصلت بأهلها و ذهبوا معها للمستشفى تجنبا لشكوى الأهل و زاروها فى البيت.

    ردحذف
  33. حسبنا الله ونعم الوكيل ..

    يعينى البنت هاتخرج لوحدها تعمل ايه ؟؟

    ايه الناس الغريبة دى !!

    ده لو واحدة فى الشارع ما تعرفهاش مفروض تساعدها ما بال بتلميذة عندها ..

    بجد التعليم بقى اخر هرجلة وفوضى ..

    ربنا يشفيها يارب وترجع بالسلامة ..

    ما توعليش نفسك ياكيارا هى دى البلد للاسف ..

    ردحذف
  34. الف سلامة عليها
    وفعلا حسبي الله ونعم الوكيل
    الاهمال وعدم الامبالاة
    اصبح سمة علي غالبية الموظفين"مينفعش نقول عليها حكمية"
    ربنا معاكي ومعاها
    سلام

    ردحذف
  35. السلام عليكم
    شفاها الله وعفاها

    لازم مامة البنت تعمل محضر
    علشان كل واحد اهمل في المدارس الزفت ديه يتعاقب


    مش ممكن حال المدرسين والمدارس دلوقتي
    حسبي الله ونعم الوكيل
    ربنا يهدي الجميع

    ردحذف
  36. الاهمال ده موجود في كل مكان
    فيكي يامصر في الشارع في المدرسه
    في المستفيات
    في كل حته
    والحمدلله انها جت علي اد كده
    ان شاء الله ربنا هايكرمها ويشفيها
    وتبقي احسن من الاول
    وتقوم تتنطط حواليكي
    ادعيلها بسوزي ماانت علي حسبي الله
    ونعم الوكيل في اللي ارواح الناس لعبه في اديهم ومستهترين بيها

    ردحذف
  37. أحمـــــــــــــد أبو العلا

    *****************

    ولا انا والله ياحمد

    نورتني

    ردحذف
  38. blue-wave

    *************

    معتقدش انهم بني ادمين دول رسل الشياطين في الارض

    ردحذف
  39. طـــائر الليــــل الحـــــزين

    **************

    لنا الله يبنتي والله

    ردحذف
  40. Lady E

    **********

    اه معقول واكيد مش هنسكت

    تصدقى ان ممكن اسكت عن حقي او عن حق حد يخصني ؟؟

    ردحذف
  41. المبرمج المحترف

    ***************
    مش حالقه ولا حاكده انا لو تشوف مش برد عند حد الا باعجوبه الايام دي مشغوله خالص بجد

    الممه زاكر كويس الفاينال قرب

    ردحذف
  42. صوت من مصر

    *************
    فاهمه وجهه نظرك بس انا موظفة ليه مش باذي وبخلص شغلي اللي عليا

    ردحذف
  43. شبــ اون لاين ـــاب

    ****************

    لنا الله بجد يااحمد

    نورتني ياخويا الصغنووووووووون

    ردحذف
  44. Butterfly

    **************
    هقولك حكايه صغننه

    كان في طالب في مدرسة

    شوية بلطجيه دخلوا المدرسة وششرحوه وبعد اما خلصوا واجبهم راح المدير امر الفراشين وشالوه وخرجوه برا وعمل الطالب غياب عشان يخلي مسئوليته

    الحكايه دي اتحكتلي اول اما قلت موضوع دودو

    عرفتي في البوست جمعت ليه

    عارفه ان في كويس بس بقي مختفي

    وفي الاخر هقولك الخير في امتي الي يوم الدين كما قال رسولنا الكريم

    ردحذف
  45. ايوشة

    *******

    يارب ياايوشه

    وفعلا حسبنا الله ونعم الوكيل

    ردحذف
  46. ايوشة

    **********

    اه والله خاصه

    واكيد مش هنسكت

    ردحذف
  47. فراشة

    ***********

    الحمد لله علي كل حال

    اللي بجد بستغربه انها طفله لو حد كبير ماشي ممكن يتحمل الا انها طفله وصغننه وضعيفه تصرف ا يمت بصله الي الانسانيه حسبي الله ونعم الوكيل

    ردحذف
  48. الف سلامه ليها يا ستي
    بس عايز اقولك الناس بقت تخاف من المسؤليه
    بقينا زي دول بره كله عايز يبقى في حاله
    واللي يموت يموت بقى
    كله خايف يتسئل هو فيها
    فممكن يبيعوا ضميرهم ويسيبوها في الشارع علشان محدش من اهلها يرفع قضيه على المدرسه ويبهدلهم
    خاصة ان في تشديد دلوقتي على حوادث الأطفال في المدراس

    ربنا يشفيها ويقومها بالسلامه

    سلااااااااااااااااااام
    اخوكي ايهاب

    ردحذف
  49. حسن حنفى

    ***********

    الضمير مات ياحسن

    عاممل ايه في المذاكره

    ردحذف
  50. فشكووول

    **********
    وعليكم السلام ورحمه الله وبركاته

    لاحول ولا قوة الا بالله فعلا لنا الله

    ردحذف
  51. GiGi

    *********
    يارب دودو تخف


    وبلدنا فعلا ز ي الفل اللي مخلي ريحتها كدا هما اللي فيها

    ردحذف
  52. أمبارح كان عمرى عشرين

    ************

    اه والله بجد حاجه تحرق الدم

    ردحذف
  53. adel


    ***********

    ياربي هي مصر بقت علامه مسجله للاذي حسبي الله ونعم الوكيل في اللي خولوكي كدا يابلدي

    ردحذف
  54. الشيماء صلاح*shosho*

    *****************

    معاكي حق ياشوشو ربنا مش بيضيع حق حد

    حسبي الله ونعم الوكيل

    ردحذف
  55. daktara

    ***********

    الله يسلمك


    انا مش قلت كل حاجه انا مش رضيت اقول عشان مش احس ان من القلق هولت

    عاوزه اقولك ان خالو وزوج خالتي واخو زوج خالتي راحو المدرسه وبهدلوا الدنيا بقوا يتحيلوا اننا مش نعمل محضر وانهم هيخلوا بالهم عليها و....و.......و....

    لكن علي مين

    بجد الموضوع اللي كتباه ابسط من الاحداث الموضوع لو قلته بحزافيره كنتم هتصعقوا

    نورتني باول زياره

    ردحذف
  56. romansy

    *********
    شويه سلبيات

    انت متفائل اوووووووووي

    قول عندنا شويه ايجابيات والباقي سلبيات

    الله يسلمك يااحمد

    ردحذف
  57. مهندس مصري

    ***************

    دا هيحصل والموضوع بدانا فيه من امبارح

    لان الحق اللي ربنا عمره مابيروح

    وحاضر هشوف البوستين

    انا رايحلهم اهو

    ردحذف
  58. حسبى الله ونعم الوكيل
    بس لازم انتو ماتسكتوش
    مش يمكن اللى ضربها كمان مدرس او ابلة فى المدرسه
    لازم تتخذو معاهم كل الاجراءات
    ده اسمه استعباط

    ردحذف
  59. الناس قلوبهم بقت أقسى من الحيوان
    اتوقعي منهم اي حاجة
    معندناش غير ربنا نشكيله

    ردحذف
  60. العيسوي الصغير

    ***********

    انا ايضا اتسائل

    الي متي

    ردحذف
  61. ghorBty

    *************

    وعليكم السلام ورحمه الله وبركاته

    ربنا يشفيها يارب

    معاكي حق لنا الله بجد

    ردحذف
  62. فتاه من الصعيد

    ****************

    الله يسلمك يارب

    الاهمال مش من مدرسه بضم الواو الاهمال من اس البلاء المديره

    لا حول ولا قوة الا بالله بجد

    ردحذف
  63. Sonnet

    **********
    مش كان مطلوب اكتر من انهم يتصلوا بحد من اهلها

    حسبي الله ونعم الوكيل بجد

    ردحذف
  64. لجين أبو الدهب

    ***************

    امال انا مرراتي وجعتني من ايه

    بجد قمة الغباء

    ردحذف
  65. وردة

    *********

    الله يسلمك ياقمر

    معاكي حق في كلامك ياوردتي

    ردحذف
  66. حواء

    ***********

    وعليكم السلااااااااااااام

    اللهم امين

    ودا هيحصل فعلا

    الضمير مات خلاص هنعمل ايه

    ردحذف
  67. maioya

    ***********

    الحمد لله علي كل شي وربنا هيقومها لالف سلامه
    منهم لله ربنا كبيررررررررر

    ردحذف
  68. الشنكوتي الكبير

    ************

    دا بالعكس لو كانو اتصلوا او خلوها في المدرسه او اي حاجه تتعمل بس كمساعده مش كنا عملنا حاجه

    ربنا يشفيها يارب

    نورتني ياايهاب فينك من زمان

    اكسرلك كل يوم بونيه عشان تزورنا :)

    ردحذف
  69. المعتصم

    **********
    احنا فعلا مش هنسكت الموضوع مش سهل خالص

    واي استعباط يامعتصم بجد استهبال فاق الحد

    ردحذف
  70. بنوتة
    **********
    الحيوان عنده قلب وبيخاف علي الاطفال
    لنا الله بجد

    ردحذف
  71. ربنا يشفيها ويخفف الامها
    اما عن المهملين فى اداء عملهم فهنيئا عليهم ماسيلاقونه فيما بعد فى الدنيا والاخرة

    ردحذف
  72. بجد النوعية دى ملهاش غير انها تتحط فى صاروخ وينفوهم كوكب تانى
    حاجة بجد بشعة

    ردحذف
  73. كيتى الجميلة

    اولا : ربنا يطمنك عليها يارب
    و يتم شفاها على خير يارب يا جميل

    عارفة يا كيتى لو كل انسان يخاف على التانى زى مانتى خفتى على هدى كدا و منفعلة عشانها
    فعلا ماكنش حاجة من دى حصلت

    لكن خلاص ماعدتش فى ضمير


    .....................


    ثانيا : معلش انا عارفة انى مقصرة فى حقك الفترة دى
    بجد سامحينى

    و يارب تكونى بخير

    هاحاول اكلمك فى اقرب فرصة


    تحياتى ليكى يا قمر

    ردحذف
  74. عزيزتى

    كما قال سمير بقيت الحاجات دى عادى والاخبار دى مبتوجعناش زى زمان

    الواحد كل يوم يقرئ مقاسى بيضيع فيها ارواح ناس

    من الاهمال والقهر والظلم والافترى

    ربنا يشفيها وان شاء الله تبقى زى القردة قريب وتتشاقا تانى

    تحياتى

    سلام

    ردحذف
  75. لانك فاهمه الحياه ماشيه ازااااااااى
    ومن الاخر احنا اسمنا مش موظفين حتى لو كنا كده
    اسمنا مطحونين

    ردحذف
  76. ازيك
    ماتحرقيش دمك خالص
    ده العادي في البلد دي
    وعلي فكره المدرسه دي هي اصلا كده هتلاقيها كده برضه مع اولادها
    سلامتها البنوته الف سلامه

    ردحذف
  77. انا مش مصدوم لا متفاجأ خالص

    دى الوضع الطبيعى فى بلد عشوائى زى بلدنا

    الكل فيه بيصحى الصبح وكل همه اليوم يخلص ويروح ويقبض اخر الشهر

    ولا يهمه غير نفسه

    على رائيك حسبنا الله ونعم الوكيل


    تحياتى

    ردحذف
  78. ألف سلامه على هدى
    وربنا يقومها بالسلامه
    أما بالنسبه للمديره
    فربنا يكرمها زي ما كرم السادات هههه
    أو بما إنها المفروض ست
    فزي ما كرم بناظير بت بوتو يكون أليق عليها

    ردحذف
  79. السلام عليكم...
    الله يشافيها يارب ...
    .......
    وبالطبع يوجد مختلف الأصناف من البشر ...
    ولو أنه من الصعب أن تسمي مثل تلك المعلمه بشر ...
    ......
    دمتِ بخير

    ردحذف
  80. بجد دي حااجه تفور الدم
    بس العيب مش من البلد العيب من الناس اللي في البلد اللي يوصل عدم الاحساس للدرجه دي
    بجد انا مش لاقيه كلاام توصف المخلوقات دي
    :(

    ربنا يتمم شفاها ان شاء الله علي خير

    ردحذف
  81. السلام عليكم

    الف سلامة على بنت خالتك ..

    واللي حصل لها دا حلقة من سلسلة الفساد المستشرية في كل مجال في البلاد ..

    وحسبنا الله ونعم الوكيل ..

    ردحذف
  82. اهدي كيارا
    بس جد هو شي بنرفز
    بس شو بايدنا نعمل
    اهمال وعدم التزام
    بس جد شكلك بتحبيها هالبنوته
    وجد والله شكلها بتنحب الله يخليلكوياها
    وحمد الله عسلامتها
    والله يعينك علي مشاغلك
    تحيـــــاتي

    ردحذف
  83. رغم انك قافلة التعليقات فى البوست الجديد

    لكن طبعا انتى عارفة الغلاسة و الرخامة و لازم اعلق بردوا

    مش أقول اللى فى نفسى؟؟؟؟

    يعنى حتى فى المدونة كمان اكتم الكلمتين اللى حيلتى

    المهم ...


    يا بنتى ماتعمليش فى نفسك كدا
    اعصابك

    كدا خطر على صحتك
    ههههههههههههه

    ايه يا كيتى

    اكيد طبعا يا جميل مقدرين الظروف
    و مش زعلانين

    اهم شئ انك تكونى بخير
    و دايما تطمنينا عليكى



    دمتى بكل ود يا قمر

    ردحذف
  84. اولا يا كوكي ربنا يشفيها

    ثانيا المديره الحيوانه الى لازم على الاقل تشكيها شكوى من فضلك وترفعي قضيه على المدرسه دي


    ثالثا بقى وده اهم حاجه

    البنت دي تودوها لدكتور تاني جايز جدا يكون ده حمار عادي بتحصل

    وتشوفوا يمكن عندها هشاشه

    لان مش كل طفل بيقع ايده بتتكسر كسر مضاعف

    وجايز تكون محتاجه لعمليه عشان تحط دعامه ولا حاجه

    لو طلع عندها هشاشه فعلا
    امها اعدميها فى ميدان عاااااااام

    البنت دي تشرب كل يوم كيلو لبن طبيعى وحبذا لو طازه وبيضتين على الاقل
    وتتعرض للشمس الصبح لمده ساعه على الاقل

    على فكره مش عايزه اقولك عملت ايه فى جارتي الى ولاده ال3 اتكسروا فى وقت واحد

    انا كده هاديه خالص معاكي

    امهااااااااات شلت

    ردحذف
  85. ربنا يكون بالعون ..


    مدونتك رائعة وتشرفت بالمرور فيها .. لك ودي وسلآمي ..

    ردحذف
  86. ولا تعتذرى ولا حاجة
    بجد احنا مقدرين
    المهم ترجعلنا وانتى سعيدة هههههههههه

    ردحذف

حسبي الله ونعم الوكيل لنا الله بجد


بجد بجد انا مش عارفه اقول ايه او اكتب ايه 

فعلا حسبي الله ونعم الوكيل وربنا مش هيسبهم ابدا


هدي بنوته اصلا كجسم ضعيفه خالث وصغننه خالث يوم الخميس ماما كلمتني هدي ايدها اتكسرت واحنا في المستشفي دلوقتي

ايدها اتكسرت قلقت القلق الطبيعي 

عاااااااااااااااااااااادي ياجماعه ما انا اتكسرت قبل كدا وكل يوم الكسر شغال
مجرد اما اول كام يوم يعودوا خلاث الموضوع بقي عادي 

لكن اني وانا بتابع الدكتور يجبسها 3 مرات ويكسره وعمال يزعق انتوا مش بتاكلوها البنت عندها 3 كسور وعضمها مفتفت كدا 

وانا دمي بيتحرق في كل لحظه برده عاااااااااااااااااااادي 

لكن اني اسمع كلمة ان البنت اول اما اتعرف انها مكسورة يقوموا مخرجينها من المدرسة والبنت تفضل تصووووووووت لحد اما خالتو تروح تجيبها 

دا منتهي الاستهانه دي جريمة بجد دي طفله يابشر 

اقوم احاول افهم التفاصيل 

زي ماااتقال بنت زقتها فوقعت واتكسرت 

فراحت للحكيمة اللي في المدرسة اللي مش عارفه لازمتها ايه في الدنيا غير حرق الدم واكل الفلوس 

تقوم المديره اللي يكرمها زي ماكرم السادات كدا 

تقوم تقول بكل بجاحه خرجوها طب بلاش تودها زفت مستشفي اتصلوا بمامتها وباباها باي حد فيهم 

البنت  خرجت وبتصوت وبتعيط وجت خالتو تاخدها فوجئت ان ايدها ملفوفه ولونها ازررررررررررق 

والدكتور شخطط فيها انها استنت عليها مع انها مش كانت تعرف 

بجد دا تصرف حقير من معلمه للاجيال معلمه ايه بلا نيله دا قلب الجزارة اللي في المبح هيكون ارق منها علي الطفلة 

والله لو اشوفها هدمرها هخليها تندم علي اليوم اللي اتولدت فيه وشافت الدنيا 

لاول مره بقول بجد طول منا في البلد دي مش هقول غير لنا الله 





عن الكاتب

Kiara بنت مصريه بحلم بدنيا صافيه مش فيها غدر وكل اللي فيها اننا نحب بعض مش لهدف ما لكن نحب بعض عشان نشوف الدنيا صح

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

عالــم مــولان