الخميس، مايو 28، 2009

ماتيجو نحلم

148 كلام قلوبهم


الحلم هو لذه الحياه

فيه بستمتع بكل اللي مش حققته

بحلم وحلمي بعيد

وبعقلي وايماني بالله بقدر اخليه قريب

وفي كل لحظه بتمر بيكون اقرب ليا من ما كان

وبحققه بقدرة ربي الرحمن الرحيم

وبحلم تاني وتالت ورابع طالما احيا واتنفس من هواء الحياه



طيب ماتيجو نحلم وايه يمنع

اللي عاوز يكم ل البوست دا قرايه

ينفذذذذذذذذ

اولا

اقفل نور الاوضة

لا موش تنامو بس اقفلو النور بس

وغمضو عنيكم

يلا نبدا

اما اشوف خيالي النهارده هيروح فين



 

انا شغلت دلوقت حبك علمني

تصدقو حسه اني موش عاوزه افتح عيني 


هكتب وانا مغمضة بئه وبعدها اصلح الاخطاء

المكان

***

 

مكان بعيييييييد اوي عن العيون 

جزيرة وحواليها صخور بتبرق بالمية الي رايحه جاية عليها 
والبحرو امواجه صوتهم في وداني

صوته ناعم اوي صوته بيخترق القلوب

ويخليها سارحه في السما



 

شيفه النجوم بتلممع مع القمر

وفيه نجمه بتنادي عليا وبتقولي بقالك كتير موش بتيجي

قولتلها الحياه اخدتني لكن انا  جيت اهووووووووو


 

وانا بكلم النجمه لقيت حد جاي من بعيد


ياااااااه كان واحشني اوي



جاي ليا بشوق وحب وحنان



مسك ايدي وايدي بترتعش من لمسته


واخخدني في حضن قلبه  وغنالي بصوته الللي احلي نغم ربا وهبه لانسان


 
صوته زي زقزه العصافير بتسحر القلوب


وداني لدنيتي دنيا الحب


حسيت وانا معاه بالامان والحنان

حسيت اني اميرة لا انا اميرة بالفعل وهو معايا




حبيبي توهتني بنظرتك
  

نسيت الدنيا كلها بضمتك


سحرتني ببسمتك


جننتني بلمستك


رويت قلبي بكلمتك


وانا مغمضه شميت ياسمينا


ورده رايحه جايه علي وشي


فتحت لقيته بيفوقني بيها


وبيطلبني ارقص معاه


مسك ايدي وعلي اغنية


نسيني الدنيا رقصنا وطرنا


لعالم من غير اي صراعات


لعالم كله حب في حب


كله بيحب بعضه


كله صريح


كله بيخاف علي بعضه


طرنا بين النجوم


طرنا وكنا اسعد اتنين


حكينا كتيييييييييييييير



من غير اي صوت


كلامنا كان كله بلغة العيون والقلوب


كان ضاممني بقلبه زي ماكنت ضماه
  

كياراااااااااااااااااااااااااااااااااااااااااااااااااا


ستوب دا موش في الحلم


ماما بتنادي


في لحظه كله راح عااااااااااااااااااااااااااااااااااااااااااااا


ايه ياماما وقته يعني تقطعي الحلم


قالت تليفون


رديت


قلتلها يعني تقطعي حلمى عشان تليفون


طب احضر حبيبي تاني ازاي



اجيبه قدام عيوني تاني ازاي


راحت قالت


الخيال يامني مش هينفعك


موش هتلاقيه في الارض


كدا انتي عاوزه ملاك من السما


احنا هنا في الارض والارض فيها بشر موش ملايكة


ولقتني بقول


انا انسانة


وهحلم عمري بالانسان دا لحد اما الاقيه جايلي هو من غير مااناديه


الاقيه ضاممني بقلبه
 
 ماتيجو نحلم ونخرج من كم المشاحنات والصراعات اللي محطوطين فيها 


تحياتي

 

الثلاثاء، مايو 26، 2009

اخيرا حلم ابن متطقتىى اتحقق

34 كلام قلوبهم

اولا واولا واولا الف الف الف مليووووووون مبروك لابن منطقتي وسمعوني احلي سلام لاهل الحدائق

اخيرا وبعد طول صبر وانتظار ( اعترافات رئيس سابق ) ان ان اااااااااااااااااااان تش
انا طبعا لسه موش قلت رايي فيها مجرد اما تخلص هقول رايي هوا وعاوزكم كلكم تشترو
الكتاب وتقولوا رايكم كل صراحه

اغش بقي الكلام اللي مصطفي كاتبه عنده .. حد عنده اعتراض ههههههههههههههههه

اه بحسب يكون حد عنده ايها اعتراض ولا حاكه
:)
المجموعة تضم 19 قصة قصيرة ينتمى معظمها للادب الساخر والفانتزيا وهي قصص
هناك فرق – ناسيا العالم من حولي – الحل الامثل – فيلم الموسم – جلسات

المزاج - بث مباشر من حياة شاب معاصر - الذي حدث في مساء ذلك اليوم

زوجة بنت اصول - سارة الخنيقة – مظاهر خداعة – صديقة من لبنان – حدث في سيتى ستارز - قرار هدير

اعلان في اهرام الجمعة – طلاق شهادة دكتوراة – الحياة السرية لنجلاءالسيد – اغنية وردة بيضاء
ومسك الختام اعترافت رئيس سابق

تتميز المجموعة بعصرية الموضوعات حيث تناقش اهم القضايا والمشكلات التى نعشيها في حياتنا
اليومية مثل البطالة

ورتفاع سن الزواج ومواقع الانترنت والمدونات وتأثيرها على حياتنا قصة

( قرار هدير )
انا اول واحد يكتب قصة في الموضوع دة وبقول الكلام دة بس للتاريخ

والمناغشات الزوجية التى تحدث في كل يوم ، والمولات التى اصبحت واقعا ملموسا في حياتنا وتأثيرها على ثقافتنا
،
ايضا محاولة استخدام الحيوانات فى الحكي والسرد ( الذي حدث في مساء ذلك اليوم ) حيث البطلة
قطة

وظاهرة الدروس الحصوصية ومحاولة التجديد في شكل السرد والحكي القصصي وذلك من خلاله
مزجه بالسيناريو

السينمائى قصة ( فيلم الموسم )
وايضا القصة الرومانسية التي طلبتم منى كثيرا ان اكتبها وكل ذلك من خلال اسلوب شيق بسيط
يدخل القلب من اول

وهلة وبلا حدود او حواجز

واخيرا اماكن توزيعه الكتاب عمر بوك ستورز - 15 ش طلعت حرب – أعلى مطعم فلفله – 0103361217

مكتبة البلد - 31 ش محمد محمود . التحرير . أمام الجامعة الأمريكية - 27922768نون للنشر والتوزيع – 12117

ش السد العالي . ميدان فيني . الدقي - 37601041مكتبه ليلى – 17 شارع جواد حسنى من شارع قصر النيل – 23934402

مكتبة آفاق – 75شارع القصر . أمام دار الحكمة -279538

وقريبا بمكتبة ديوان ومدبولى والشروق في القاهرة

والمحافظ

وفروع دار اكتب في المحافظات : 1- الاسكندريةسان ستيفانو مولتليفون: 4690370/03- 1633685/010

معرض الكتاب السكندري:شارع صفية زغلول – امام ماكدونالدز – محطة الرمل ( 2 )

مكتبة سونة بمحطة الرمل :أ. سونةالعنوان : صينية محطة الرمل بجوار فيشار جوجو0124609082ت ( 3 )

مكتبة روايات الشبابأ.محمد قطبرقم 67 ش مسلم بن الوليد - الموازى لمصطفى كامل – محطة قطار السوقت: 0121731008 ، 5759865( 5 ) مكتبة أمير :خلف سينما أمير – محطة الرمل3-

المنصورةاند بينز – المنصورة : ش جزيرة الورد أمام نادى الجزيرة – 2242285/0504بوكس - بورسعيد مكتبة درغام - ش صفية زغلول - بجوار فندق انتركونتننتال - 01136999035-
طنطاالمكتبة القوميةمكتبة العز خلف سينما مصرمكتبة الصحافة بشارع أبو فريخة

ومبرووووووووووووووووووووووووك ياابن منطقتىىىىىىىىىىىىىىىىى

السبت، مايو 23، 2009

اهداء لشمس النهار

الاغنية اللي حطاها في المدونه اهداء الي شمس النهار كل سنه وهيا طيبة مقدما وبجد وجودك في حياتي فرق اوووووي يااغلي شمس في العالم بحبببببببببببببببببببببببببك

الجمعة، مايو 22، 2009

مفاجاه غريبة مفرحااني

112 كلام قلوبهم
ياااااااااااااااااااه موش قادره اقول المفاجاه دي مفرحاني ازاي

  خلتني اول اما شفتها طير في السما ومعنويات اتبدلت في ثانيه موش شايفه غير عصافير وشجر 


وصوت ميه شايفه الاخضر في كل مكان والسما صاااااااااااافيه اوي ياااااااااااااااه
 

يااااااااااه كان هيغمي عليا وقتها انا شفتها وتنحت وازبهليت وجتلي سكته لا عارفه انطق

ولا اابربش حتي لما تحس ان اللي جواك اتحس بالشكل الفظيع دا يبقي لازم تقول انك فعلا ماشي صح  

النهارده الخميس زي ماانتو عارفين واخويا قام من الجهاز علي 12 ولسه هقعد

وافتح الميل وارررررررغي بقي بس فتحت Gmail الاول عشان اقرا المسج الجديده وكدا ولسه بقول


ياهادي لقيت رساله بعنوان رساله الي طفلتي الصغيره بفتحها لقيت الكلام دا بالضبط
  
~~~~~~~~~~~~~


ابنتي الغاليه



ارسل لكي هذه الرساله وانتي لا تعلمين من انا


لكن انا اعلم من انتي جيدا فقد وجدت فيكي ابنتي اللي افتقدتها لظروف لا داعي لذكرها الان


عثرت عليكي بمحض الصدفة البحته


عندما نزل عنكي وعن دورك في عالم التدوين في جريدة العالم اليوم يوم الخميس


فوجدت براءه لم اعهدها الا في الاطفال


فارتحت الي وجهك البرئ المبتسم بكل وقار وهدوء


ولم اكن اتوقع ان هذا الوجه الملائكى يكمن بداخله كل هذه الشقاوة


فقمت بالبحث عن عالمك في جوجل ودخلت مدونتك


وعشقت حروفك وروحك المكمونه بداخل كل حروفك


فقرات كل مواضيع ضي القمر وعالم مولان وايام زمان


وجدت فيها مزج رهيب بين الجديه والهزل والشقاوة والسخرية والشخصيه المتزنه


فتاكدت انك بالفعل برج الميزان


فدائما تواق للتوازن والمثاليه برغم انه احيانا يتسم بالسلبيه


الا انه في كل الاحوال يصارع الامواج كي يصل الي البر


وجدت في صفاحتك روح المحبه التي يكنها لكي الجميع


فقرات لكي


قلبي يدمع دما فكاد قلبي يقفز من قفصه علي انينك اللي وصل ليا


قرات كيارا في المطبخ جوعتيني فيه


كيارا مع العريس  احسست اني لو قتلته الف مره كنت اخدت براءه


لاني سااساعد البشر من ارتفاع ضغط الدم والازمات القلبية


قرات اسعداء بالخوض في شرف اخواتكم احسست بشرقيتك وخوفك علي كل اخواتك في الله


قرات كلامك عن اصدقاءك وحبك لهم وكم تمنيت ان اكون مكانهم


اتكلم معكي بشكل مباشر واستمتع بالحديث مع طفلتي الصغيره


قرات شقي عمرهم راح واحسست انك بالفعل قلبك مصنوع من الماس


ويندر وجوده في هذا الزمان فحافظي علي الماس ياابنتي من الناس


قرات لكي اتسال حبيبي وتاكدت انكي امراه مفعمه بالرومانسيه ولستي طفله او عاقله


قرات فوقي ياقطه ورسالتك الموجهه للفتيات


قرات من سيملك قلبي عليه بتخطي حواجزي وهنا اقف معاكي فحواجزك بسيطه جدا


وهذا خطا فانتي بالفعل اميره ولازم الحواجز تزيد لانك تستاهلي دا


قرات العديد والعديد من موضعاتك المبهره


اصبح صباحي كل يوم  من وقت معرفتي بمدونتك هو قراءه موضوع لكي قبل ذهابي
للعمل وكم اتمني وجود موضوع جديد كل يوم وكل لحظه


فسعادتي الان هو قراءه الروح المكمونه داخل حروفك حتي وان كنتي كاتبه تهيس كما 


تقولين عندما تكتبين للهزل


انا الان اشفق علي الشباب منكي (هيروحو فين وسط الجمال الرباني )


انا لا اجاملك فانتي حقا جميله وجها وروحا



اعلم اني اطلت عليكي لكن الكلام عنكي مشوق للغايه



اتمني ان لا تطيلي المده بين كل موضوع وموضوع اعلمي ان والدك


متشوق لقراءه كلماتك والاستمتاع بتلقائيتك المعهوده



في رعاية الله



دمتي بود


~~~~~~~~~~~
انا قريت الكلام من هنا وتهت من هنا انا موش مصدقه بجد

بقي الكلام البسيط اللي بكتبه ممكن حد يقول عليه كدا ممكن احساسي

يوصل كدا انا بحمد ربنا في كل سجده انه وهبني حب الناس وانه عوضني خير بجد
في حياتي انا فعلا عنيا دمعت من الكلام ومن الاحراج ومن كل حاجه

  موش قادره اتكلم او اعبر او اقول اي حاجه غير سبحانك يارب

الاثنين، مايو 18، 2009

هو مش في غيري

54 كلام قلوبهم
 




ماما : الا شوفت يامحمد مش في مدرس ضرب واد , الواد مات والمدرس اتسجن


محمد باصص بصه مستني ايه اللي ورا الكلام



ماما : وفي مدرس كان هيضرب بت والبنت خافت جريت وقعت من الشباك




محمد نفس النظره ومستني



بابا : والمدرسه اللي العيال فيها بيرقوصو وبيزعقوا للميس بتاعتهم دا جابو الموضوع في 90 دقيقه



ماما : ووو....و...........و...........



هههههههههههههههههههههههه وانا همووووووووووووووووت وهما اتحولو من اب وام لنشرة اخبار عن المدرسين والمدارس


ومحمد وشه بيتحول للقرموطي وهو بشنبات



ياحيني عليه



وانفجررررررررررررررررر



هما سابو انفلونزا الطيور



وغزة



والغلاء



والحكومات


والبرامج



ووالفساد

والرشوة


والواسطه

والبهائية


و........و...........و..........




ومسكو في المدرسسسسسسسسسسسسسسسين



هما مش وراهم الا احنا ولا ايه



يعني مش كفايه ان مرتباتنا كوحيييييييييييتي ومستحملين لا وكمان لوك لوك لوك




اييييييييييييييييه احنا عايشين عيشه كحت وساكتين



وهو بقي نافورة مقفولة واتفتحت فجاه



ومشي مع مبدا



اديلة ادي اديله ادي



وانا اضحككككككككككككككككك هههههههههههههه



منظره يموت من الضحك



هههههههههههههه



بقي صبحان عليا وربنا


وهو شغااااااااااااااااال يونيفرسال مفصلش ولا ثانيه هيق هيق هيق

****************


سؤال وفكيرة في انفوخي وضربت


انتى بتشجعى مين


انا بشجع اللعبه الحلوه


مش هنهزر بتشجعى ميييييييييييين


وربنا مابهزر يعنى بتفرج علي اي حاجه في طريقي


بببببببت النادي ايه



اي اي حاضر بشجع الاهلىىىىىىىىىىىىىىىىىىىى


ايون كدا عفارم عفارم


وبعدها سرحت


افتكرت ايه


زماااااااااااااااان وانا في في ابتدائي و صغننه وسفروته وعفريته ومش باينه من الهدوم هههههههههههه



وكنت فاكره اييييييييييييه ان كلمة بتشجع ايه .. دي عامله زي ايه


بطاقة تعارفك


اسمك سنك جنسيتك دينك


يعني حاجه بتلزق في البوطاااااااقه



لا وايه استنو استنو


بابا زملكاوي يبئى انا ايه زملكاويه زيه اااااااااااه زي الجنسية والديانه



وماما كانت اهلاويه اااااااااااااه يبئه بقي جدو اهلاوي


يابختك ياماما



طلعتي اهلاوية ماليس دحوه عاااااااااااااااااااااااااااا


ويوم المباريات بقي اللي بتجمع الاهلي والزمالك



حررررررررررررب بابا وماما


بس مين المستفييييييييييييييييد



انا الاهلي يكسب مستفيده



الزمالك يكسب مستفيده


ولما كبرت وبقيت في الاعدادية لولولولولولي



مش حبه الزمالك انا الله بقي


بحب النادي بتاع الجنتله كلها صالح سليم الراجل دا بمووووووووووووت فيه والله علي شياكته واناقته عثل عثل


ام هند قلت ايه هغير النادي بتاعي


امال اييييييييييييييه حد له عندي حاجه


وفي يوم كدا بقيت اعكس بشجع الاهلي وايييييييييييييييييه


جه بقي اليوم اللي مات فيه صالح سليم كنت في اولي ثانوي او تانيه ثانوي



واتحطت صورته وهو علي الاريكه


بصراحه راجل تحسه ملك كدا



الله يرحمه


وفضل اللعيبه بجد زعلانه عشان هو اللي بني الاهلي في رايي بصراحه


وبعد كدا ايييييييييييه بقي


كان في متش بين الاهلي والاسماعيلي انا بعتبره بجد احسن متش


كنت انا في ثالثه ثانوي يعني 2001/2002


وخلص 4/4 والاتنين بجد بذلوا مجهوووووووووووود كبير


ومتعه المباريات بقي انك بعد المتش بتلاقي المظاهراااااااااااااااات عشانهم ومين النادي الميه ميه ومين النص نص



اللي هيا اصلا عمرها مطلعت لا لغزة ولا لحد مات في يومها


كانت المدرسة بتتقلب ومحدش في الفصووووووول وكله في الحوش بيضرب في بعضه ليه موش عارفه



يعني هو لو ضربنا بحضينا النادي هيكسب


وبصراحه بستمتع اووووووووووووووووووي بالمتش اللي فيه اهلي وزمالك


البيت بيبقي عثللللللللللللللللللللل وتعليقات ماما وبابا تهوووس


وفي 2006 لما كنا بنلعب باسم مصر


انا قلبي كان بيقع مع كل كوره


بس كنت مبسوطه اوي لماكنت بنزل الشارع بلاقي الست اللي علي ادها بتنزل بعد كل مباره توزع بنبون


علي العيال الصغننه وبترقص مع ابنها ولا اكنه فرحه


وزعلت اوي لان كان في متش بين الاهلي والززمالك يوم التلات بعد نهاية الدورة وفجااااااااااااااااه الناس اتحولوا لاعدااااااااء


ورجعوا تاني انت اهلي وانت زمالك


لو الاهلي لعب مع اسرائيل هشجع اسرائيل


وبيع من تحت الطرابيزة و... وكلام بقي انتو عارفينه


واخر مره عملت حتته حركه



كان الاهلي بيلعب مع نادي مش فاكره اسمه


وكان خسران وانا بسمع في الراديو


قلت دا جابو جون وربنا سمعت انهم جابو جون وقولتلها لاستاذ ابراهيم زميلي في الشغل وبصراحه هو متوصاااااااااااااش


ذاعها في اذاعة الب بي سي

واحد قاله انا لسه جاي من القهوه ومخنوق لانه خسران


قاله لا جون جابو جووووووووووووون


وانتهي المتش


ههههههههههههههههههههههههههههههههههه



والاهلي خسران


وكان شكله ههههههههههههههههههه بلاش بقي لحسن انا بقيت متراقبه


بس بجد بقي


انا ليه حطيت اللي فوق اللي هو خاص باخويا واتكلمت عن الاهلي معايا


عشان اقول ان الاعلام دا بيرفع اللي هو عاوزه وبينزل اللي هو عاوزه يعني شوفوا اللي عملوه في الحضري


اللي خلاهم ياخدو الدوري والبطولات شوفوا هما محتاسين من غيره ازاي


الاعلام بقي ساب الكوسة والبطاطس اللي شغاللللللللللللللللللين ومسك في الحضري وقعد يسلخ فيه

ياجودعان الناس برا واخده الكورة رياضة ومتعه


مش حرب كلام وضرب من تحت لتحت


اهدو شوية خلاونا نحس ان الكره متعه مش وسيلة لحرق الدم اكتر مهو محروق



اعرف ان مادام في اشغال للراي العام يبقي في حاجه

الخميس، مايو 14، 2009

بص من الشباك هترتاح ومش هتحتاج

108 كلام قلوبهم
ازيكم عاملين ايه بقالي كتير مش كتبت
في حاجه بتززززززن كدا في دماغي وانا قاعده
مش اعرف ليه دماغي راحت لمحاضرة خاصة في نقطه
شاهد العيان لما بنأرخ حدث ما كنا بنقول انك ممكن تسمع الحدث من كذا شاهد عيان 

وتلاقي اختلاف في كل رواية
واللي بياثر في اختلاف رواية
الحدث كذا حاجه
اولهم ان اي حد بيقرا حاجه بيشوف حاجه بيلزقها دايما مع معتقداته

فتلاقيه بيقول الروايه من منظوره
مع ان ممكن يكون منظروه رونج
تاني حاجه انه مثلا شاف الحدث دا من الزاوية الفلانيه والتاني شافها من الزواية دي والتالت وهكذا
وطبعا ادام من الزاوية دي يبقي مش شاف دي وهكذا
فسرحت مع الفقرة دي اوي
وطبيعي لما بنكون في مشكلة كبيرة مش بنشوف كل الزوايا

بنشوف الزاوية اللي احنا واقفين فيها بس



واللي طبعا مخلوطة بمنظورنا بس اللي في الغالب ممكن يكون رونج 


وممكن يكون رايت بس اني واي هو منظور محدود

لانه مش كاشف كل الحدث من كل الجوانب 
وفكرت لو طلعنا البيت في مكان الحدث (اقرب مكان للحدث .. الحدث خارج البيت امام الشرفة )
وبصينا من الشباك هنشوف كل جوانب الحدث
ساعتها هنقدر نحكم بشكل اوسع مين الصح ومين الغلط
مين اللي لفق ومين اللي اتلفق له و
مش هنحتاج لكذا شاهد عيان مش يمكن يكون مستني الفرصة 

عشان يفبرك حكايه ويتوهك عن الحدث نفسه
ويكون سبب في توهانك
طب نرجع تاني احداث تاريخيه كتيره تاهت وسط روايات الشهود
مابالك بقي الاحداث اللي بتخصنا خناقة قدام الكل تتفرك

ويتعمل فيها قيل وقال وتتوه الحقيقه



لكن لما بتخرج منها وبتبص من الشباك عليها هتظهر الحقيقة


اللي حاول الشهود يطمسوها ويتوهوك فيها

 


يبقي بص من الشباك عشان ترتاح ومش تحتاج 



الاثنين، مايو 11، 2009

تفاصيل الحوار

104 كلام قلوبهم



وبعض المدونين يتحدثون باسماء مستعاره لتكوين شخصية ما تكون جديدة وتثير فضول الزوار فتحقق الجذب لهم وتساعد في شهرة المدونة وحوار اليوم مع مدونة اشتهرت بين المدونين بصاحبة عالم مولان او كيارا.

 مني خريجة كلية الاداب قسم تاريخ جامعة عين شمس وصاحبة مدونة ضي القمر وعالم مولان عالم التدوين منذ 2007 وترجع بداية تعرفها علي عالم التدوين الي صديقة لها طلبت منها ان تشاركها في كتابه بعض الموضوعات لمدونة مجرد انسانه وبالفعل شاركتها مني او كيارا في كتابة موضوع عن الحضارة الفرعونية القديمة وكما تقول مني كان الموضوع تاريخيا من الناحية الاجتماعيه فقد اهتمت بان تتناول الجوانب الاجتماعيه منذ ان بدات التدوين حتي الان . 


بعد ذلك بدات مني تفكر في عمل مدونة خاصة بها وبالفعل نجحت في انشاء مدونة بعنوان ضي القمر ثم مدونة عالم مولان وكانت مني قبل ان تدخل عالم التدوين تعتقد ان التدوين ماهو الا كلام سياسي فقط وهو ما كانت ترفضه لانها تري ان اصلاح المجتمع يسير في اتجاهين واحد سياسي والاخر اجتماعي وكانت هي من انصار الاتجاه الثاني لذلك جعلت من المدونتين وسيلة للحديث عن النواحى الاجتماعيه ونقد الظواهر الغريبة التي انتشرت في المجتمع فتحدثت عن الزواج العرفي والاغاني الهابطه والاهمال والعديد من المشاكل الاجتماعيه التي بدات تغزو مجتمعنا . 



وبجانب ذلك تهتم صاحبه عالم مولان بالحديث عن الحضارات - مجال دراستها - وتتحدث عن الحضارة مشيرة الي ان اصحاب الحضارات كانوا بشرا مثلنا ولكنهم اجتمعوا علي هدف واحد وكان ايمانهم به قويا جدا للدرجة التي جعلت منهم اصحاب حضارة .


ومع كل ذلك لم يكن هناك اهتمام كبير بما تكتبه في المدونه فما كان منها الا انها تابعت الموقف من بعيد لتعرف ردود افعال زوار المدونات علي مختلف الموضوعات وخلال تلك الفتره استطاعت ان تحدد شكل وطبيعه مدونتها في الفتره القادمة والتي بداتها في يونيو 2008 . 


واستطاعت مني من خلال مدونتي ضي القمر وعالم مولان ان تناقش العديد من الموضوعات داخلهم وان كان اهم موضوع من وجهه نظرها طرف تالت والذي تحدثت فيه عن العلاقة بين المسلمين والمسحيين وبرغم من كونه موضوعا شائكا الا انها استطاعت ان تتوغل فيه برفق وتناقش القضيه بحياد وحكمة وتضيف مني ان عدد التعليقات علي تدويناتها قد يصل في بعض الاحيان الي 300 تعليق وهو ماتقول عنه ان التعليقات في بعض الاوقات تستحق ان تكون في حد ذاتها موضوعا خاصاوتحدثت ايضا عن موضوعات اخري مثل الابتسامه . 


وعن اختيار اسم كيارا مستعار لها داخل المدونة قالت انهام ن عشاق افلام الكارتون وبخاصة فيلم سمبا وداخل الفيلم كانت ابنة الاسد سمبا تحمل هذا الاسم وكانت رقيقة جدا وقد اعجبت مني بكيارا فهي رقيقة الي جانب انها اسد وورثت عنه الشجاعة والقوة. وتضيف قائلة ان التدوين قد اثر فيها بشكل كبير جدا فقد استفادت من خبرات العديد من الزوار والمدونين واستطاعت ان تتعرف علي العديد من الصداقات والخبرات امام شاشة الكمبيوتر .

وعن التعليقات التي ترد في المدونة قالت مني انها مهمه جدا بالنسبة لها فالتعليقات في مجملها تكون خلاصة تجارب مجموعة كبيرة من البشر وبالتالي فهمي ليست وسيلة للتواصل فحسب ولكنها ايضا تكسب الخبرة لصاحب المدونة ولزوارها . ولكن البعض يستعمل حق التعليق علي الموضوعات الموجوده بالمدونة بمايسئ للزوار وبالتالي تضطر حينها الي حذف تلك التعليقات او ما يسمى بلغة المدونين موديريشن للتعليقات وذلك كما تقول حفاظا علي زوار المدونة .

ومني تشارك ايضا في مدونة ايام زمان وهي مدونة تاريخيه تحكي فيها عن الحضارة المصرية القديمة وايام المماليك وفترات تاريخيه كثيرة وتعلق مني علي هذا الموضوع قائلة ان التدوين اصبح صحافة الكترونية اي انه يجب ان يحكى عن الماضي والحاضر والمستقبل . 

وعن اكثر الموضوعات التي لاتنساها موضوع هل كوني مدونة وصمة عار وتحدثت فيه عن الازواج الذين يمنعون زوجاتهم عن التدوين . 

وعن افضل المدونات الغربية التي شاهدتها كانت مدونة عرض فهيها شاب قصه تعرفه علي فتاه وحكي فيها كيف ارتبطوا وتزوجو وفيها صور زفافهم ثم صور اول طفل لهم وقد تعلقت كثيرا بهذه المدونة والتي قال اصحابها انها كنز من المشاعر والتجارب التي سيتركونها لابنهم عندما يكبر ليعرف كيف تعرف والده علي والدته ويكتسب من قصتهم الخبرة 

فمني تري ان فكرة المدونة نادرة جدا ومميزة ولم تجد لها مثيلا في العربية

ووجهت كلمة لكل المدونين قائلة ان التدوين اصبح امرا مؤثرا للغاية فيجب علي الجميع ان يراعي مايكتبه في المدونة فلسانك حصانك


السبت، مايو 09، 2009

الحوار اهوووووووووووووو

51 كلام قلوبهم
الكلام اللي مكتوب هكتبه بكره في البوست

الجمعة، مايو 08، 2009

شوية اخبار حلووووووووووه

56 كلام قلوبهم
يوووووووووه ابداها ازاي

  تب تب هقول اهو

من غير ضرب  

اتبعتلي رساله ان الحوار اللي عملته معايا اسماء نزل النهارده في العالم اليوم
 

بكرا ان شاء الله هعمل سكانر للحوار


  اعيااااااااااااااد ميلاد 

  كل سنه وجوكرطيب
 
كل سنه وازهري طيب
 
كل سنه وبرنسيس طيبه

  كل سنه وسمايلي طيبه

كل سنه وداليا طيبة
 
كل سنة وريمان طيبة

انتظرو عيد ميلاد جماعي
 
اما بالنسبة للحوار ان شاء الله بكرا هيكون نازل في المدونه 

قولت افرحكم معايا وطبعا لمصطفى ريان جاري العزيز كل التقدير  

هو اول واحد يقولي مبروك وهو اللي عرفني الخبر 

وسمسمه بجد بنوته زي العسل موش عارفه اقول ايه

بس وشي النهارده كان احمررررررررررررررررررر 

خالث ومكسووووووفه يلا سلام

الأحد، مايو 03، 2009

والان

تنويه : مش هنشر اي تعليق للبوست دا

السبت، مايو 02، 2009

انا لله وانا اليه راجعون

66 كلام قلوبهم
مش عارفه اقول ايه بجد اعصابي بايظه 

  الشخص الغالي اللي كنت قولتلكم تدعوله راح للي احن عليه منا 

  ربنا يصبر اهله ويدخله فسيح جناته مش قادره اتكلم


او اكتب بوست وادعي

ربنا يدخله فسيح جناته 
 
ياااااااااااااه النهارده بشوف فصيلتي عشان اتبرع له بالدم 

وبعد الضهر ااااااااااااااه احساس صعب اوي

ياااااااارب اغفرله ذنوبه وادخله فسيح جناته 

  اللهم الهم اهله الصبر والسلوان