الخميس، يونيو 18، 2009

النجوم تبكى


غمضت عينى

زي كل يوم

شفت النجوم حزينه

بصيت ليها

مقدرتش اقولها مالك بتبكي ليه

كانت بتبكي بصوت


لقتها بتكلمني بعنيها الملاينين دموع

بتقولي بتساليني بعيونك مالي

واللي فيا دا عشانك

بصيت اوي ليها وعنيا ماليها الدموع

مقدرتش اقول ليه


راحت اخدتني في حضنها

وقعدت ابكى

مش عملت حاجه غير اني بكيت

وهيا بكت علي بكائي اكتر واكتر

ولقتني سامعه اغنية استغربت للكلام وللتوقيت

كانت

ياصحبي زمنا غير زمن اللي شافو الخير

هما زمنهم كان كله حنان وضمير


ومهما زمنهم شاب تحس انهما شباب


واحنا زمنا ياصحبي واحنا زمنا ياصحبي

اول شبابه شاب

وزي كل مره لقيت احن ايد في الكون بتشيل دموعي

وبتاخدني في حضنها


كانت ايد ماما اكتشفت ان دموعي مع النجوم


كانت بتنزل فعلا مش مجرد غفوه :(


يلا الحمد لله علي كل شئ

43 كلام قلوبهم:

أحــوال الهـوي يقول...

لكل زمن امانه و اماله
و مهمل خدث لابد ان نحب احلي ما في زماننا فالماضي لن يعود

بسمة امل خير من الف دمعة

تحياتي

كاتب مصري يقول...

حاسس كده بنبرة غريبة عليكي مش جوك يعني وده معنا ان فيه حاجة
يا ستي ربنا يكتبلك الخبر وبكرة النجوم تضحكلك والدنيا تزهزه قوي
بس ايه ده بجد أنا الاول
كده هتغر قوي
سلام بأه قبل ما حد يسبقني

كاتب مصري يقول...

مش قلتلك حد هيسبقني يا الله ع العالم دي يلا التاني والتالت مش وحشين

مهندس مصري يقول...

إمسحي دموعك يا كيارا
الدنيا مازال فيها الخير
حتى و إن كان قليل و مش باين قوي

Eno يقول...

كلامات جميله اوووووووووووي
بس بعد الشر عليكي من الدموع
الدنيا مش مستهله صدقيني :(

تحياتي :)

Rooma Qandil يقول...

كيارا

وانا بقرء البوست بتاعك افتكرت اغنية كده حلووة اوي مش حافظاها اوي بس ده مقطع منها

يا نجوما زينت ثوب الليالي
احضنيني واعلمي سر انشغالي
ساناجي الله ربي ذا الجلالي
بخضوعي ونجومي وسؤالي

فعلا روحانية عالية فيها
بس بلاش الدموع الله يكرمك
احيانا الواحد بيلجئ للدموع عشان يفضض شوية مع نفسه
ربنا يبعد عنك الهموم يااارب

ربنا يخليكي لوالدتك ويخليها ليكي يااارب وتلاقيها دايما في حاجتك ليها

ديالا يقول...

كيارا

مالك بجد؟

اسلوبك النهارده حزين

طب عشان خاطر النجوم مش تدمعي


وافرحي وابتسمي للحياه

وخلي النجوم تضحك

جــــوه القـــلـب يقول...

مالك ياكيتى وانا بقرأالبوست حسيت انك حزينه يارب ماتكونش حاجه كبيره حاولى تبعدى عن اى شئ مضايقك وترجعى بكتاباتك ام دم خفيف ويكون فيها تفائل ....
rock...

Butterfly يقول...

ايه موضوع الاحباط اللى منتشر ده :(

بجد أنا كمان محبطه شويه وناس تانيه أرعفها
بس برده أرجع وأقول أكيد بكره أحسن ان شاء الله :)

Sweet Violet يقول...

على راى اينووو

"الدنيا مش مستهله"

انا عارفة السبب

ماهو انتى من وقت ماتحولتى من سمكة لأسد و كل ده حصل كان ماله البحر بس ^_^

عاشقه الرومانسيه يقول...

مالك ياكيكى؟
قلقتينى عليكى ياقلبى

عايش... ولكن !!!! يقول...

ازيك يا كيارا
احيانا بنكون محتاجين نبكى وفى اشد الاحتياج الى من يمسح دموعنا
اعتقد انك وجدتى الاتنين
بصى بقا لقدام وبلاش تفتكرى الماضى
خلى الامل فى بكره يغلب احزان الماضى

hérisson يقول...

كيتي زحلانة ليه؟
اكيد بطلوا يجيبوا مثاثات :D

برغم من الحزن اللي ظهر في سطورك وكلامك
بس احساسها كان عالي وتوصل للقلب بسرعة
والنهاية كمان عجبني اوي انك قفلتيها بعلاج حقيقي لاي لحظة ضيق او حزن
وهي لمسة واحدة من إيد الأم

ربنا يخليها ليكي
ويخليكي ليها
ويسعدك ياااااااا رب

دعاء يقول...

طب ليه بس الدموع دي
ابتسمى وسيبى كل حاجه لله
ربنا يريح بالك

ABOALI يقول...

فى الشر يقينا" يكمن الخير
تعرفى ذلك يقينا"
ولكنها تلك الاحاسيس التى نمت فى البعض
ولم تلق النمو المناسب فى البعض الاخر

كلنا ياءتى علينا الفعل
ولكن ليست كل ردود افعالنا واحدة

فاءذا بكت النجوم
فهى تغسل هموم البشر
وان اضاءت ليلهم
فهى تقول ان فى الغد كل الامل


تحياتى مع بالغ تقديرى

شمس النهار يقول...

هو في ايه
مالك ياجميله
والا يهمك انت اكبر من الدموع والنجوم وكل حاجه
الانسانه اللي زيك قايمه نايمه بهموم غيرها وجدعه مع الكل
قلبها دايما جميل والهم مايقدرش عليه
لينا تليفون كبيييييييييييييير

فتاه من الصعيد يقول...

ليه الحزن ده ....... بس الدموع اللي بتبكي على احوال الناس دي دموع نبيله جدا
تفائلي فما زال في الناس خير

سفروتة يقول...

اكيد وقت بيعدي يا كركورة
مش كل الوقت هنبقي فرحانين ولا كل الوقت هنبقي زعلانين
بس الاهم اننا منستسلمش


وحشتيني جدا جدا جدا جدااااااااااااااااااااااااااااااااااااااااااااااااااااا

امووووووووووووووووووووة

همس الاحباب يقول...

امسحى دموعك يا امال
يا بنتى حرام عليكى خليتى النجوم بكت
انا سمعن عن بكاء القمر
بس اول مرة اعرف بكاء النجوم
جامدة منك قوى
والواضح ان الاحساس بداخلك عالى قوى
ووصل لحد النجوم
ربنا يسعدك ويزيح همك
تحياتى وتقديرى

Medus يقول...

للنجوم دموع لكنه الضياء اللي بنهتدي بية في ليلة ظلماء
دمتي بخير تحياتي وللامام

adel يقول...

ايه ده يابنتي ؟؟؟
ده انا تنحت في الاخر
انا قلت ده شعر
بس مش موزون
بس ليه طعم
شوية و الاقي وزن
شوية الاقيها قلبت جد ؟؟؟

بس كفاية انك لقيتي في الحقيقة حد يمسح دموعك
في ناس بتعيش تبكي للنجوم و بس

عمرو وجيه يقول...

نعيب زماننا و العيب فينا وما لزماننا عيب سوانا

صوت من مصر يقول...

لكل زمان حكايه
وحكايه النجوم اجمل الحكايات
لكن ليه شايف نبره خزن فى الموضوع

smilyrose يقول...

ياااااااااااااااااااه يا وجعه

قلبى الموجوع بتبكى ويا النجوم

وانا ببكى لليل طويل ملوش اخر

دموعنا ملهاش حدود ياترى هتفضل

تنزل وتمسحها النجوم ولا يا رفيقة

طريقى هتمسحها ايدينا

مهما كان يا زهرة الياسمين

لا تجعلى دموعك عنوان فدموعى ارهقت

قلبى حتى ضعف فلم يعد يتحمل الدموع

وحشتينى يا موجعة قلبى الموجوع

وردشان

mahasen saber يقول...

ايه يا منمن مالك يا جميله

طب افتحى موبايلاتك بكلمك الخطين غير متاح

اطلعى من تحت السرير عشان الشبكه

روقى كده قال دموع قال هيا يا كوكه ناقصه

mohamed ghalia يقول...

النجوم تبكى
يابنتى حرام عليكى كفاية نكددددددددددددددددددددددد

أبو العريف يقول...

كيــــــــــــــارا

ليه صوتك حزين قوي كده

انا كنت باجي هنا الاقي المدونه مليانه حياه وفرح
بحس بعالم تاني
عالم خيالي
عالم مولان


ارجعي زي الاول

راسبوتين يقول...

افتح قلبك للدنيا
حتلاقى الكون حاجة تانية
والفرحة تملى تجيلك
وتعيشها ثانية بثانية

افرح.. لما الناس تفرح
وإياك تكدب أو تجرح
وابعد عن كلمة لو كان
واليأس أوعاك ليه تسمح

ربنا يخلى ماما ....شكرا

احساس لسه حى يقول...

عزيزى

مالها الدموع ايه بتريح

واللى يعيش زمانا لازم يبكى على حاجات كتير

بس اكيد ربنا شايلنا اللى يفرحنا

واحنا لازم نستناه

ونستعد بحاجات كويسه ليه

سلام

marmar يقول...

تفائلو بالخير تجدوه ولازم تتفائلي كده يا موني يا حبيبتي بالخير
ومهما حصل في الدنيا لسه فيها خير ولسه فيها ناس بتحب بعض وانا من ضمن الناس اللي بتحبك وبتتمنالك الخير



عايزه اقول لكل مصري اهلاوي بالزات
مبروووووووووووووووووووووووووووك
مبروووووووووووووووووووووووووووووك
مبرووووووووووووووووووووووووووك عل فوز الجااااااااااامد على ايطاليا
مبروووووووووووووووووووك يامصررر رافعه راااااااااااااااااسنا

لاسع افندى يقول...

واحنا زمنا ياصحبي
اول شبابه شاب
اطفاله فقدوا البراءه
زمن المبادىء الملونه
ولكل لون معنى
ولكل مبدأوقت


تقبلوا تحياتى ومرورى

Hossam يقول...

صديقتى كيارا
فى بعض الاوقات تحدث اشياء كبكاء النجوم
وهذا نتيجة للعقل الباطن
اتمنى ان تبكى النجوم معى
وان اغفو مثل غفوتك
تحياتى صديقتى

بدراوى يقول...

جميل اووووى
الكلام ده

شكراً ليكى

للأسف زماننا ده مش جميل خالص

MaNoOoSh يقول...

لا يا كيارا.. الدنيا لسة فيها مسحة خير ومسحة حب ومسحة رحمة

ويارب تشوفي لمعة عيون النجوم وهي بتضحك

وتنسي الدموع كلها

أحمـــــــــــــد أبو العلا يقول...

ليه بس ياكيارا
طب ده ضحكة النجوم وابتسامتها اجمل بكتير من حزنها ودمعتها

بس للنجم وهوا بيلمع بجد
بيلمع وتحسي برومانسيته

الضحك اجمل لكتير

حواء يقول...

ياصحبي زمنا غير زمن اللي شافو الخير

هما زمنهم كان كله حنان وضمير
صحيح والله
ربنا يبعد عنك الحزن يارب
ويملا حياتك بالابتسامه والفرحه
قولي امين
أأأأأأأأأميـــــــــــــن

ياسر سليم يقول...

دا بجد ده ولا ايه ؟

*البت المشمشية *حلوة بس شقية * يقول...

على فكرة
مفيش حاجة تستاهل نبكى عليها

emadiab يقول...

احيانا الدموع بتنزل معاها بعض من هموم و احزان الانسان
و انا عاوز اعرف ايه مغيك و مزعلك كده النهاردة

مصعب صلاح يقول...

السلام عليكم

حتى لو بكت النجوم لازم قلوبنا تنسى البكا وتفكر في الخير اللي ممكن يكون موجود بس احنا مش شايفينه

تقبلي مروري

GiGi worled يقول...

ياحبيبى اهدا ونتعلم من التجربه
صدقينى مفيش حاجه تستاهل وده قدر وحكمه هنفهمها بعدين
اهدى كده وربنا كريم
تحياتى وكمنينا عليكى فى اقرب وقت

mero-moory يقول...

السلام عليكم و رحمة الله وبركاته

طبعا ده شيء متوقع وبجد يا منى لو موش رجعتي للي قلتلك عليه

هيبقى في رد فعل تاني مني

بلا دموع بلا زفت بلا وجع قلب

منى نفذي اللي قلتلك عليه وبلاش تتعبيني معاكي عشان موش اضطر اعند واخليكي تفوقي بجد وترجعي لمنى اللي اعرفها غصب عنك

والنهارده تنزلي بوست كعادة كيتي والا حسابي معاكي انتي عارفاه

بس يا جماعه منى روحي مفيهاش حاجه ودلوعه بس عايزة تعرف ميرو بتموت فيها اد ايه

واديني بعترف اهو

منى تتكوزيني :d
ههههههههههههههههههه
بموت فيكي يا مجنونه
وبحبك ربنا يخلينا لبعض يا اوحي

بوثه كبيلة خاااااااالث

في رعاية الله

blue-wave يقول...

معلش
ربنا معاكى