الأحد، يونيو 28، 2009

يعني ايه صداقة



في الحياه بنقابل ناس بنعرفهم بيوصولو قلوبنا 

بنفرح معاهم بنحزن معاهم 

بس هما درجات في حياتنا 

كل درجة ليها مسمي 

ليها حقوق

ليها واجبات

لها حدود

مش معني ان حد منهم اتحط في الدرجه دي انه مش له مكان في القلب 

او انه مش ممكن يزيد لدرجه اعلي 

كل درجه وليها مواقفها وحدودها 

مواقف ظروف حاجات كتير بتخلي الحد يعلي من درجه لدرجه 

لكن مفيش حد بياخد درجه معينه فجاه بتيجي واحده واحده

اصلها لو جت بسرعه يبقي هتروح بسرعه

هنا 

عاوزه كل اللي يدخل يقول 

يعني ايه صداقة ؟؟

درجاتها ايه ؟؟

وكل درجه مسماها ايه ؟؟

الحقوق في كل درجه ايه 

الواجبات في كل درجه ايه؟

الحدود في كل درجه ايه؟

ايه اللي بيخلي فرد يعلي من درجه لدرجه ؟

ايه اللي بيساعد الصداقة علي الاستمرار ؟

ايه بيخلها مع اول مطب تقع ؟

طبعا انا هرد معاكم وهتكلم معاكم وفي نهاية البوست في بوست هينزل عن المجمل 

وبعده هتكلم عن مواقف حقيقيه بتحصل كل يوم 

والمناقشه مفتوحه تقدروا تناقشوا بعض وعيشوا بئه :)

لكم مني اطيب الامنيات 

كيارا 


110 كلام قلوبهم:

Sweet Violet يقول...

اووووووووووووووووول تعليق

Sweet Violet يقول...

هقرا و ارجع بقى براحتى

Sweet Violet يقول...

بس ايه الامتحان ده

كل دى اسئلة ؟

Sweet Violet يقول...

صحيح ايه اخبار الحر ؟؟

Sweet Violet يقول...

الخامس بقى علشان العين
^_^

ليا راجعة

كيــــــــــــارا يقول...

هههههههههههههههههههههههههههههه


يالهووووووووووووووووووووووي

وخلتيها خمس تعليقات

كيــــــــــــارا يقول...

وبعدين اه امتحان حندك مانع

مانتي بقالك كام بوست شغاله امتحانات

ياربي علي البشر

كيــــــــــــارا يقول...

الحر بدا يهدا ربنا يسترررررررررررررررررر


حلوان ياناااااااااااااااس

كيــــــــــــارا يقول...

هههههههههههههههههههههههههه

ايوووووووووووون العيييييييييين ياختي العين

كيــــــــــــارا يقول...

كووووووووووووول دا مش رجعتي دا حبه اسءله صغنين يلا عشان اديكي بوووووووووووووووثه كبيييييييييييييييله

Manamino يقول...

هانقلبها تشات ولا ايه
لا مش كدة بقي
خلونا نعرف نركز
وبعدين مش فاضل غير نص الوقت وهالم الورق
يالله منك ليها كل واحد يبص في ورقته
وماحدش يبص للي جنبه
ده الامتحان سهل خالص
واي حد هايستلف من اللي جنبه برجل او منقلة او مثلث ممنووووووووع
ده امتحان لغة عربية مش تاريخ
هاااااااه
واخدلي بالك انت يابتاع التاريخ ياللي قاعد جنب الحيطة هناك؟
يابتاع ايام زمان انت
فاهمني طبعا
ايوة انت ياللي بتبص وراك
انت
بص في ورقتك وماتبصش وراك
انا رايح الحمام وراجع
لو رجعت ولمحت واحد بيبص للي جنبه هاسحب ورقته
وقعد اعزر من اذعر

عاشقه الرومانسيه يقول...

هتلعبوا بقى انتى وضد ولا ايه؟
طيب ما تيجوا نلعب سوى؟
كركركركركرررررررررر

"يعني ايه صداقة"
***************
قولى انتى يافالحه
p:

ابو على يقول...

ايه دا
حوار صريح بتاع منى الحسينى ولا ايه
بصى الاجابه سهله ازاى
1- صداقه كليه
2- صداقه ما بعد الكليه
3- صداقه ف العمل
4- صداقه اثناء الجواز الواحد بردو يبقى محتاج يفضفض عن اللى بيشوفه
5- اخر حاجه بقى صداقه القبر والقرءان هو خير صديق

انا جاوبت على سؤال واحد اظن باقى الاسئله اختيارى

شاوو

ABOALI يقول...

الصداقة

ااثنين تحابا فى الله اجتمعا وتفرقا عليه
الغاية واحدة والاهداف متعددة

كفاية كده النهاردة

لاءن الموضوع متشعب

حزينه يقول...

يعنى لما تبقى فى شدة اوى
بتلجايله
لما تبقى تعبانه اوى
بترحيله
ولما بتلجائيله بيريحك
ولما بترحيله بتلاقيه بجد

حزينه اوى

اسماء واحلام فى وجدانى يقول...

انا هاقول رايى وبعد كده نشوف موضوع اللعب ده بعدين وحياتك يا دودو واحد شاى علشان نعرف نوزن الكلام

الصداقة هى ان الواحد يلاقى نفسه فى صديقه انهم يكمله بعض انهم يحسوا ببعض اوى وقت الشدة مفيش اعذار فى تضحية باى شىء ممكن حتى لو اضطر واحد فيهم انه يخسر شىء ده من وجهة نظرى
الصداقة هى الحب اللى مالهوش قوانين ولا فى شىء ممكن يحدد اقامته
الصداقة اللى اتنين يجمعهم حب الله فى الخير وعلى الشر مهما كانت قوته
الصداقة دى هى اللى انا عايشها دلوقتى مع اعز انسان عندى فى الدنيا واللى بصراحة جامدة اوى ساعات باحسد نفسى عليه وكل اللى يعرفنا يقر علينا بس الحمد لله مفيش شىء ممكن يفرق بينا غير اللى بالى بالكم بعد الشر عليكم مع انه حق علينا
الكلام ده يا كيارا مؤقتا
انا كل شوية يمكن اجىء اقول كلمتين وامشى بما انه بوست مفتوح

عاشقة القمر يقول...
أزال المؤلف هذا التعليق.
ابو على يقول...

معلش انا رجعت تانى ارد على عاشقه القمر لانها ركزت بين الصداقه بين الولد والبنت وكأن الصداقه كلمه اتنشأت عشان كده

ماهو بردو فيه صداقه بين البنات وبعضها والرجاله بردو وفيه صداقه بين الاب واولاده كده يعنى

حبيت بس اصحح معلومه:d

مامة مازن يقول...

الريدر بيقول منذ ساعة واحدة اجى الاقى 17 تعليق ماشى هما قاعدين جمب المدونة والللا ايه هههههههههه
ع العموم مساءك سكر هقرا بكرة بقى
تصبحى على خير

* Alwaan * يقول...

كل دى اسئله على حاجه خياليه اصلا ؟؟؟

تؤتؤ سامعاكى بتقولى متشائمة وملقتش صديق كويس

لا لقيت بس حاسه انهم لو فنتهم مش هلاقى اللى يغطى امتحان الفزيا بتاعك ده

بصى هى شلة كده عايشين الدنيا مع بعضينا بحلوها ومرها لا درجات ولا مراتب ولا مخدات حتى


هههههههههههههههه

سلاموز

اسماء واحلام فى وجدانى يقول...

فى صداقات نادرة شوية وفى ناس بترفضها بتكون بين الولد والبنت انا هاتكلم عليها لانها امر واقع فى حياتنا
انا باقول عليها نادرة لانها فعلا نادرة بس اجمل حاجة فيها انها بتكون واضحة من البداية بمعنى انهم بيتفقوا انهم يبقوا اصدقاء فقط طبعا فى ناس كتير جدا هتختلف معايا فى الكلام ده بس انا باتكلم عن واقع الصداقة دى طبعا بيكون لها حدود لكنها حدود وهمية بمعنى ان الظاهر قصاد الناس غير الحقيقى اللى بينهم يعنى تلاقى قلوبهم على بعض بجد بيخافوا على بعض بجد بس بحذر لاننا طبعا فى مجتمع شرقى فالكلام ده اكيد هيكون له تاثير اكتر على البنت
على فكرة الكلام ده حقيقى لانه عن تجربة لشخص ما
وطبعا الصداقة دى بتنهتى بارتباط احد الطرفين وبردة ميعاد انتهاء الصداقة دى بشكل رسمى بيكون متحدد لكن طبعا لو شاءت الظروف انهم يتقابلوا لاى مناسبة ما اكيد اكيد مفيش حد فيهم هيتاخر عن مساعدة الاخر

كلامى ده مجرد وجهة نظر عملية واقعية
انا باكرر كلمة واقعية كتير علشان محدش يقول ده كلام وبس

اسماء واحلام فى وجدانى يقول...

من الواضح يا كيارا انك هتتعبى اوى معانا والبوست اللى جاى هيكون قنبلة
ربنا يقدرك على الموجودين هنا
21 تعليق ورايك مش فيهم ينفع كده

اسماء واحلام فى وجدانى يقول...

عاشقة القمر

الصداقة مش عملة نادرة

الصداقة موجودة فى كل مكان بس احنا دلوقتى اللى بقينا نشك فى كل اللى حوالينا وطبعا من حقنا لان احوال الدنيا اتغيرت كتير
انا طبعا مش هاقدر اقولك ما تشكيش فى حد لا شكى براحتك بس فى ناس تستحق لقب انسان عايشة وسطينا احنا للاسف بنشك فيها وده من خوفنا بس هما ما يستهلوا كل ده ،،
الخير والشر اللى انتشروا اليومين دول هو اللى مدارهيم بالشكل ده

احنا يقول...

هاى
حلو قوى الموضوع وعجبنى لأنه بيخص موضوع مدونتنا كمان
الصداقة حاجة كبيرة قوى وقديما قالوا :
صديقك من صدقك
الصداقة يعنى : حد ترتاح له وتقدر تسند عليه وقت الشدة ، حد فاهم دماغك حتى لو كان مختلف عنك ، حد بينصحك من غير ما يكون له هدف من ورا النصيحة غير مصلحتك ، حد يشاركك فى أحزانك وأفراحك وبيرشدك دائما لطريق السعادة
أما أهم الحاجات اللى بتقوى الصداقة
إن ما يكونش فيه انا بين الاتنين وإن
يكون فيه عشرة واهتامامات مشتركة
ومن وجهة نظرنا البيزنس والتجارة بتقوى الصداقة
-------------------------
موضوع حلو قوى ومدونة متطورة
على فكرة إحنا ضفناكى وياريت تضيفينا
--------------------------
مع تحياتنا / حازم وهانى

اسماء واحلام فى وجدانى يقول...

والنبى يا كيارا

ممكن ورقة اجابة تانية الورقة اللى محايا خلصت وانا خايف الوقت يخلص
يلا بسرحة انا عايز انجح

بدراوى يقول...

معلش انا مش حينفع اجاوب
على البوست ده
عشان انا ماليش اصدقاء خالص
غير اصدقاء النت
لكن فى الحياة العادية ماليش اى اصدقاء
----
سلام

شمس النهار يقول...

شوفي الصداقه صوره من الحب
خخدي تاكسي علي حساب صوت من مصر واوصلي المدونه عندي وعلي سلسلة الحب جري
هتلاقي ردي

وهو يعني ده وقته وانا مش فاضيه
علي فكره السفر 5-7 مش 7-7

المعتصم يقول...

ماانا قلت مش عاوز اخوات بنات صغيرين
ربنا رزقنى باتنين عفاريت
نازلين لعب هنا ومطلعين عنيا وعنين باقى المدونين
بس يابنت منك ليها
وبعدين ياكيارا انتِ وضد هقوملكم وانتوا عارفين هه
طب ايه رأيك بقى مش هعلق ولا هقول يعنى ايه صداقه هه بس
وبعدين ايه الاسئلة دى كلها
هى ثانويه عامه ولا ايه
لاااااااااااااا
انا مابحبش الامتحانات
مش كفايه عليا المدرسه وعندى الملاحق بعد اسبوع
حرااااااااام عليكم ياعالم
وعلى فكرة مش هقولك على حكاية لما ولعت فى شارعنا كله وجابوا المطافى
هههههههههههههههههههه
ســـــــــــــــلام

عاشقة القمر يقول...

سوري انا مش اخذت بالي انا عشان عندي موضوع قريب منو لخبطبت بينك وبين المنتدي ومشتركه فيه
اضرات مسحت
انتي بتحكني ليه ههههه انا بجد متغاظه من موضوع صداقه اهتحلني عياط

صداقه هي الذي يتمنى لك ما يتمنى لنفسه

ولذا قيل "الكنز ليس دائما صديق ولكن الصديق دائما كنز "

" ومن السهل أن تضحي لأجل صديق .. ولكن من الصعب أن تجد الصديق الذي يستحق التضحية "

الصداقة عمله نادره الوجود في هذا العصر

الصداقة زهرة لاتذبل تسقى بالصدق والامل

متى أصبح صديقك بمنزلة نفسك فقل عرفت الصداقة

عاشقة القمر يقول...

ابو على
انا اسفه انا عنديموضوع في المنتدي قريب من موضوع انا ردت هنا مفروض رود هناك

المعتصم يقول...

ايه ده
يانهار اسود
يانهار اسود
في ناس بتقولك انها مالهاش اصدقاء غير على النت
وناس تقولك انه مافيش حاجه بالاسم ده مش عارف ولا ايه
او انك بتتكلمى على حاجه وهميه
ايه ده ؟؟؟؟؟؟؟؟؟؟
ايه ده ؟؟؟؟؟؟؟؟؟
هى الحياة تبقى حياة وليها طعم ومعنى من غير اصدقاء
صحيح اصدقاء النت بنعرفهم ونتكلم معاهم وممكن بعد كده تتحول المعرفه اللى بينا لصداقه فعليه
انما لازم الاصدقاء فى الحياة لازم يكونوا اشخاص نعرفهم ونتكلم معاهم ونحكيلهم ونفرح لفرحهم ونزعل على حزنهم
لازم يكون عندنا حد لما نبقى فى اى لحظه محتاجينه من غير مانقوله نلاقيه موجود
هو ده الصديق
والحمد لله انا عندى من ده ياحزنفل انا عندى من ده
امسكو الخشب كده وصلوا على النبى لاحسن اتخبط عين والاقى اصدقائى راحوا فى الكازوزة
وكفايه عليكم كده
ســــــــــــــــــلام

أبو العريف يقول...

شوفي
الصداقه لا ينفع يبقي ليها انواع
ولا تصنيف
الصداقه دي حاجه غريبه
انا فعلا عندي اصدقاء
كل واحد فيهم صديقي بشكل مختلف
كل واحد بحس انه اقرب حد ليه
كل واحد فيهم بحس انه هديه من القدر
ربنا يخليهملي يا بشر
اصلهم وحشوني جدا

بس عموما
الصداقه لما تحسي حد بيحبك بجد دون اي اغراض او مصالح
حد مهتم بيك بجد
حد بتقدر ترمي همومك عليه
ويرمي همومه عليك
من غير اي حرج
حد ممكن يقسم معاك اللقمه
حد مش بتستريح الا لما تحكيله كل اللي عندك
سواء كان فرح او حزن
حد بيشاركك كل مشاعرك واحاسيسك

طبعا مش هقدر اتكلم عن الصداقه
لانها شئ جميل جدا
انا مفتقد كل اصدقائي

عاشقة القمر يقول...

معلش انا عايزه عمل احتلال لي مدونتك
الصداقة ليست بناء كلمات وعلاقات مع أشخاص بل هى فى الحقيقة بناء أرواح
تقوم على المحبة والوفاء والمصارحه .. والتقدير كذلك
إن الصديق هو أعظم شىفى الدنيا بدونه لا نستطيع
العيش فيها قد يكون الصديق كتاب .. او اى شخص
ماء وقد يكون شى آخر ولكن ان اخترت انت عزيزى
شخص من البشر فأحرص عزيزى ان لاتخونه وان تمثل
له القدوة الحسنة فى كل شى .. إليك يا صديقى
كلماتى وإحساسى وهمسات روحى .. لكن هل تتوقع ياترى
ان يقدر ذلك .؟
ربما شخص يبنى صداقته مع آخر لأجل المصلحة مثلا
لكن هل تظنه يبنيها معك لأجل ذاتك ..؟ إن كان الجواب بنعم
هل سوف يقدرك ويحترمك وان لا يسئ الظن بك مطلقا وان
يصارحها كذلك ... اون كان الجواب بلا .. فأنصحك ان تقيم
تلغى هذه الصداقة وتبنى غيرها .. ان تلك الصداقة "المبنية على المصلحة" سريعة زوالها وقد تكون نهايتها بسبب او بدونه ... هل تريد تلك الصداقة ..؟
قد تعاشر أناس وتقضى اوقات سعيدة معهمولكن عند اى مشكلة كانت تجده ليس صديقك الذى كنت تمازحة وتضحك معه .. اين إختفى وقد يحلل ويتكلم كل ماكان بينكما على رأيه
هو المبنى على صداقة ليست لأجل ذاتك انت وتجده يهدم الذى كل شى وهو يعلم ولكن لا يبالى
عزيزى .. إجعل بينك وبين صديقك بين الحين والآخر جلسة
مصارحة يقوم كل منكما بالتحدث فى اموركما وان ينتقدك وعليك انت الإنصات له اون يوجهك إلى الطريق الإمثل.؟


على ان تكون بينكما روح تفائل والمحبة وحسن الظن ستجد تلك الطريقة هى الأمثل لبقاء صداقتكماعلى ماهى عليه وان
لا تتورط وتكتشف بعد فترة من الزمن ان هذا الصديق هو مجرد مخزن لغلطاتك "المقصودة والغير مقصودة" ويكون
هوالمحلل الوحيد لها ولا يعطيك فرصة للدفاع عن نفسك او الإستماع لك وتجده يكابر ويمتنع عن قول الحقيقة ..إن كنت
كذلك ... انصحك بالبحث عن صديق غيره وان تبى علاقتكما
على روح المحبة والأخاء وحسن الظن لا للمصلحة والتمثيل

أتمنى من كل قلبى ان نفهم أصدقائنا وان لا نغتر بالمظاهر
المزيفة والكلام المعسول .
ام بقول لي اسماء في زماننا داه بقيت نادره

ديالا يقول...

كيارا

الصداقه دي لغز كبير اوي

انا لحد دلوقتي مش عارفه افسرها كل يوم اقابل ح واقول دي صاحبتي
دي انتيمتي

واخلصلها اوي

واعمل كل حاجه عشانها وببقي بجد شيلاها جوه عيني

بس الحمد باخد قلم زي الفل

يمكن طيبتي يمكن سذاجتي مش عارفه يمكن هنا طبع الاصحاب كده

صدقيني بقيت من كتر ماشفت منهم مش عايزه اصاحب حد

ولازم الصداقه يكون فيها حدود عشان صاحبك ممكن يتحول لعدو في ثانيه
فهو هيضرك اكتر لانه يعرف عنك كل حاجه

ده رايي معلش هو فيه شويه انحياز علي الاصدقاء بس رايي ده من تجارب شخصيه

Teawater يقول...

اصلا انا حاسه اني مفيش صداه كل بيكدب ع بعضوا وكلوا بيضحك علي بعضوا وكله بيبع بعضوا وكفايه ناس وكفايه كدب وكفايه حر
:D D:

جحا المصرى يقول...

يعني ايه صداقة ؟؟
يعنى اتنين يبقوا واحد يحسوا بعض من غير اى كلام .

درجاتها ايه ؟؟
أكيد بتختلف فى ناس قريبين منك جداااااااا وفى ناس قريببين الى حد ما وناس علاقتك معاهم عادية
وكل درجه مسماها ايه ؟؟
صداقة
صحوبيه
معرفه
زمالة
الحقوق في كل درجه ايه؟
انك على الأقل تحفظنى فى اى كلمة
الواجبات في كل درجه ايه؟
إنى برده احفظه والكلمة دى شامله حاجات كتير جداااااااا
الحدود في كل درجه ايه؟
حسب حدود الصداقة
ايه اللي بيخلي فرد يعلي من درجه لدرجه ؟
تميزه وقربه ليك

ايه اللي بيساعد الصداقة علي الاستمرار ؟
الحب والتسامح وإننا مش نمسك لبعض على كل حاجة

ايه بيخلها مع اول مطب تقع ؟

لو محصلش الى قولت عليه فى الإجابة الى فاتت
سلام واتمنى دوام التواصل

اسماء واحلام فى وجدانى يقول...

ديالا

انا معاكى فى الجملة دى

ولازم الصداقه يكون فيها حدود عشان صاحبك ممكن يتحول لعدو في ثانيه
فهو هيضرك اكتر لانه يعرف عنك كل حاجه

بس دى بتبقى حالات نادرة جدا


*****************************


Teawater



الصداقة فعلا موجودة وشىء ملموس فى حياتنا ربنا يوعدك بيها يا رب

mohamed ghalia يقول...

صعب أوى الصداقة بالنسبالى تخضع لتعريف أو حدود

ديالا يقول...

احمد

كويس ان انت معايا في رايي شكلك كده خايف من احتلال مدونتك انا وورده

بس احب اولك ان الحالات النادره ان صاحبك مش يغدر بيك

اما القاعده السائده

هو غدر الاصدقاء

mony يقول...

الصداقه اجمل حاجه فى الدنيا بس
صعب ان الواحد يلاقى صديق بمعنى الكلمه
مخلص.حكيم.صبور.يسمعنى.الاقيه فى كل وقت.وفى.كاتم سرى.والصديق بيبان وقت الشده
ماتتسرعيش وخدى وقتك لغايه ما تشوفى صديقك هيعمل ايهوقت الشده
باااااااااااااااى

hager za3bal يقول...

اولا
نورتي مدونتك من تاني والله :)

ثانيا بقي
ندخل في الموضوع

انتي سألتي أسئله كتيره اوي
بس انا هجاوب علي اللي فكراه

الصداقه دي يا كيارا مش حاجه سهله اننا نقولها تعريف.. بس عارفه ممكن يكون ليها مفتاح ، زي الصدق والاحتواء والتفاهم..

ان انا اكون لاقيه حد يحتويني ويفهمني ويقدر دايما وصادق معايا هو دا اللي بيعمل درجات للصداقه او درجات في العلاقات الانسانيه عموما..

مستنيه رأيك :)

MaNoOoSh يقول...

وهي الصداقة ايه غير شوية صبر على شوية اخلاص على شوية حب على شوية فضفضات على شوية آراء.


مدي انفتاحنا مع اللي قدامنا فى الحاجات دي وانفتاحهم معانا بالمثل.. ومدي حفاظهم وحفاظنا على الصداقة هو اللي بيحدد اذا كانت دي صداقة حقيقية مقدر لها الدوام بطول العمر.. أو صداقة هتتكعبل في أول مطب يوقع الاصدقاء دول.

حلم بيعافر يقول...

الصداقة نوع من الحب
ده اللى اعرفه
بس مالهاش عندى درجات
لما بصاحب بصاحب قوى

hérisson يقول...

في الأول الصداقة بتبدي بتجاوب
نتجاوب مع حد بيبقي صديق

تبتدي بدرجة 1
وتزيد مع العشرة والمواقف والأيام

بنكمل في صداقة معينة لو عدت الايام وزادت المواقف ولسه في تفاهم ورغبة ان الصداقة تزيد

وبيتقطع خيط الصداقة لما تتعارض المبادئ وتختلف وجهات النظر وبتبقي طرق التفكير مختلفة
وبالتالي مش هيبقي فيه تفاهم

والاصدقاء لو ماتفاهموش ما بقوش اصدقاء

الصداقة = تجاوب = تفاهم = تواصل = علاقة بلا مقابل = ثقة عمياء = علاقة تشابه

اجمل حاجة في الصداقة اننا بنختارهم وزي ماخترنا نصاحبهم ممكن نختار نبعد عنهم لو إختلفنا,,, عكس الاهل والاخوات والابناء
,,, وزي الجواز اختياري برضه مع الفرق ان في الحب لينا زمن معين نختار فيه لو خلص ماينفعش نتراجع عن قرارنا وهنظلم ناس كتير مالهمش زنب في سوء إختيارنا

اما الصداقة فهي ماتخصش غير الاصدقاء
ومش إجباري
ناس بنرتاح معاهم فبنحب نشاركهم افراحنا واحزاننا وحياتنا
وبيبقي ليهم مكانة في قلوبنا ماتقلش عن مكانة الاهل والاخوات والحبايب

ده مفهومي عن الاصدقاء
,,,,,,,
بجد يا مني موضوع شيق ومهم
والاهم إنك رجعتي بدري وما طولتيش في اجازتك :D
موضوع جميل كعادتك
تحيااااااااااتي

رحيق الحياة يقول...

بسم الله الرحمان الرحيم و الصلاة و السلام على رسول الله

مقدرتش أنام عشان الإمتحان إلّي بعد 3 ساعات, يعني حضرتي منمتش من إمبارح و خاااااااايفه بس متوكله على الله, على كل حال, قلت اجي أرد على ست البنات كيارا, أهو فضفضه بقى.....

في الحياة بنقابل ناس, نحبهم و لو طلبوا عيوننا ندّيهم, في الحياه بنقابل ناس ممكن يقدروا حبّنا و يمكن لأ, في الحياه بنقابل ناس نبكي لو بكوا و نفرح لو فرحوا, حتى لو كانت الدمعه في عنيهم, نمساحها و ترضاها فينا و لا فيهم, في الحياه بنتعلّم بس بندفع الثمن, و الثمن غالي أوي, الثمن هو قلبنا إلي بينكسر وإلي بيفضل مكسور, خصوصا لو مفهمش ليه إنكسر..... هذه كانت نتيجتي مع الصداقه...

نرد على الأسئله بدمعه في العين و جرح بينزف في القلب...

الصداقه في حياتي كانت حلوه أوي أوي أوي, كانت الأخوه و القلب و العيون, كانت توأم الرّوح و الأخت إلي ماما مجابتهاش, كانت صديقتي و أختي الكبرى, الصداقه و بكل بساطه كانت كذبه في حياتي و كانت فيضان جرف الزرع و الورد إلي زرعتهم...كانت النار إلي حرقت قلبي و كانت السكين إلي قسمته إتنين, كانت و لازلت دمعة العين إلي بتنزل كلّ لحظه و كسرة النفس إلي بتشوفيها في عنيا لو بصيتي كويس....
درجاتها؟؟؟ مكنش في درجه, أصلها كانت الدرجات كلّها, تخطت كل درجه, أو بمعنى اخر لم يكن هناك درجات أمامها, بل دخلت القلب من الباب الكبير و سكنته على أجمل كرسي و فعلت به ما تريد...
الحقوق؟؟ كانت كل الحقوق, ماكنش في قوانين عشان يكون في حقوق أو واجبات... كانت هي القانون و لكن صانع القانون يخونه, يالسخرية الزمن...
واجبات؟؟ كانت كلمه تطلع من فمي كل مرّه, متكسريش قلبي, عشان مش حمل كسر.... هو كتير عليا ده؟ اه كان كتير عندها, عشان كده كسرت قلبي..
يااااااه, من إيطاليا لتونس في حدود, في بحر و جبال, في شرطه كنترول,بس من هنا لبلدي بيني وبينها مكنش في حدود, و الله ماكان في حدود, كسرت الحدود و شلت الحدود بس للأسف إنكسرت إيدي إلي شالت الحدود ديه و إنكسرت رقبتي إلي رفعت راسها بالصداقه ديه....
هيا عليت كتيييير, قلتلك كانت الدرجات كلها فمكنش في درجه تطلعها, أنا إلي طلعت الدرجات ووقعت بعدهازز
الحب, الود, التفاهم, فهم معنى الصداقه هو إلي بيخلي الصداقه تكمّل..
الخيانه, ثم الخيانه, ثم الخيانه, هيا إلي بتخلي الصداقه تموت مش تقع... الخيانه بالكذب و التزوير و بكل ما في الجرح من معنى هو ما يدفن الصداقه..

عايزه أكمل و إلا كفايه؟؟؟
أقولك حاجه؟؟؟ أنا بشوف الصداقه في كل دمعة عين بتنزل من عيني و بشوف الصداقه فكلّ دقّة قلب تدق و هي حزينه و بشوفها في كل كلمة اه من قلبي بتخرج...

ألف شكر يا كيارا على الدموع إلي نزلت, و ألف شكر أختي في الله على هذه الفضفضه الجميله....

مع السلامه

أختك في الله رغده أو رحيق الحياه

smilyrose يقول...

يعنى ايه ياااااااااااااااه

سؤال مينفعش يتسأل ولا اجابته تنكتب

يعنى لما اغيب وتفضل تليفوناتكم معايا

ولا لما بتعب ولا قلوبكم حسه بيه

والاقيكى والاقى سول وضد قلقانين

يعنى ايه لما احس انى وحيدة ابص الاقيكم

جنبى حسين بقلبى ودايما معايا

حاجات كتير ملهاش اجابة

لانها احساس وشئ صعب يتوصف

وحشتينى جدا

وردشان

روح الحب الصادق

مصعب صلاح يقول...

السلام عليكم

الصداقة مش درجات

لكن فيه اصحاب وفيه زملاء

لكن الاصدقاء قليل انك تلاقي صديق

تقبلي مروري

حواء يقول...

تلاقي صديق بقي صعب في الزمن ده
لان صديق ديه كلمه كبيره

وبصراحه عمر مفكرت في الصداقه بالتحليل ده
انا عايشه الدنيا ابسط من كده وخصوصا مع اصحابي واصدقائي ويمكن هو ده سبب كل قفا بخده علي فترات بعيده
وبعيد عنك غبيه مش اتعظ
لا
تحياتي

مامة مازن يقول...

اولا كده اسئلة جميلة واستفسارات هائلة
يعنى ايه صداقة دا انا بقى اللى بسئلك
طب هى فين الصداقة دا انا برضه اللى بسئلك
الصداقة من المخلص لغير المخلص متنفعش ابدا
لما افضل احافظ على صديقى واخد من مشاعرى واديله واخد من قلبى وحبى واديله افتحله مكان فى بيتى واقول دا اخويا اجرى عليه لما يكون تعبان ادافع عنه فى غيابه ابقى جمبه فى وش الدنيا واقف معاه وهو ولاااا الدموع علشان مصلحته مش معايا مصلحته مع فلان فيروحله ويتمسح فيه علشان فلان يعرف ناس او ابوه فلان هيمشيله المصلحة الفلانية فيبقى فلان ده قبلى ويبقى كل حاجة فيبقى خلاص هستمر فى حبى واخلاصى مع صاحبى ليه اوسع له سكة يمين يمشى بره او انا كمان اللى اطلع بره
وعلشان الدنيامبتقفش فبدور تانى بس معايا كل ذكرياتى فى الصداقة اللى فاتت محذر ومش مطمئن لحد ما تبان اى علامة تقولى مخلص زيك فاابقى اديله الامان
شوفى يا كيارا لما بدات المدونة فى فبراير اللى فات كان بقالى مايقرب9 سنوات بلا اصدقاء بالمعنى المتعارف عليه يعنى صديق غير اخواتى البنات رغم انهم ساعات بحس انهم اصدقائى فعلا فى المرتبة الاولى وبعدين اخواتى من امى وابى فى المرتبة التانيه فهمانى
بس كنت برضه مفتقده حاجة اسمها اصدقاء فتحت المدونة وانا فى قمة ياسى وحزنى ونفسلا لتكلم مع حد ماهو ولادى حبايبى برضه مش هيفهمونى صغننين قوى وزوجى حبيبى بيبقى فى بره البيت حوالى 14 ساعة لظروف العمل ومش من مشجعى الشات ابدا ابدا فقلت اكتب هنا يمكن حد يسمعنى ومرت الايام وبقى لى ناس بحبهم جدا وواضح محبتهم لى صحيح مش عارفين بعض صحيح مش مكبرناش سوا صحيح معرفش شكلهم ايه ولا ساكنين فين لكن لو كنت مبشوفش منهم الا كل خير بيسالوا عليا لو غبت لو كنت متضايقة بيخففوا عنى بالكلام حتى ما هو الكلمة كبيرة برضه دى الكلمة الطيبة صدقة ناس زى دى يسعدنى ويشرفنى جدا يبقوا اصدقائى العزاز جدا حتى ولو كانوا على صفحات المدونة بس بالنسبة لى هما خرجوا من المدونة ودخلوا جوه قلبى
معلش طولت عليكى وما جاوبتش اجابة مباشرة وخدت الموضوع من ناحية شخصية بس انتى حبيبتى ووريتك حته من قلبى
تسلمى يا كيارا ويحفظك من اى صديق يجرحك لان جرحهم فعلا فعلا بيبقى صعب وبيوجع قوى

انا ودماغي يقول...

يعني ايه صداقة ؟؟

يعنى المشاركة فى الاحزان و الافراح و الاسرار و المشاكل و انتى وقت ما افكر انى احتاجك الاقيكى جنبى يعنى الإخلاص و الوفاء يعنى ذكريات جميلة و ذكريات وحشة مشتركة بيننا و بنفتكرها

درجاتها ايه ؟؟

فى زمالة و فى معرفة و فى انتمة و انتمة دى اقوى درجة...أما زمالة فهو انا عرفاكى ممكن نخرج مع بعض ممكن اكلمك فى مشكال عادية لكن مش حاجات خاصة أوى...معرفة هى انى لما اشوفك اسلم عليكى كويس و خلاص

الحقوق في كل درجه ايه؟

فى المعرفة...حقك عليا انى لما اشوفك اسلم عليكى كويس و اسأل عن اخبارك و الكلام اللى احنا عارفينه ده

الزمالة...انك لما تغيبى أسأل عليكى و اطمن...لو عندك مشكلة و حاسة انى ممكن احلها احاول اساعدك فيها

الانتمة.... حقك عليا انى اكون جنبك فى كل موقف تمرى بيه و متخلاش عنك ابدا انك لما تتعبى اكون أنا أول واحدة جنبك..انك لما تقوليلى سرك يبقى كأنك بتقوليه لنفسك لانك متأكدة انه لا يمكن يخرج برة و هى انى ارد غيبتك و انى مجبش سيرتك بوحش مهما حصل


الواجبات في كل درجه ايه؟

اعكسى الحقوق حتلاقيها الواجبات

الحدود في كل درجه ايه؟

المعرفة... هى نفسها علاقة محدودة يعنى مقدرش استرسل معاكى فى الهزار و انا يدوب اعرف من بعيد لبعيد

الزمالة... و الله مش عارفة الحدود بتبقى على حسب شخصية الزميل

الأنتمة...ملهاش حدود المفروض يعنى

ايه اللي بيخلي فرد يعلي من درجه لدرجه ؟

درجة توافقه مع شخصيتى و لما احس انه جدع و بيحبى بجد و لما الاقيه فى مواقف معينة وقف جنبى جامد..كدة يعنى


ايه اللي بيساعد الصداقة علي الاستمرار ؟

مدى المحافظة على الحقوق و الواجبات

ايه بيخلها مع اول مطب تقع ؟

المعرفة من اول مطب بتتدمر لانها اساسا ملهاش اسس

الزمالة هى و الانتمة (بس النتمة بدرجة أعلى) ممكن تقع على حسب الموقف

رؤية يقول...

بصى ياستى
لظن كدا والله اعلم
ان كلمة الصداقة لا تطلق الا على اقرب الاقربين
اللى بنقول عليهم الانتيم يعنى
لكن الباقى بيبقوا مجرد اصحاب
يعنى ندرجها نقول
اصدقاء
اصحاب
زملاء
معارف

الاصدقاء.... هم المقربون لقلبك وهم بنزلة الاخوة وقد يزيدون
الاصحاب.... مقربون لكن ليست بالدرجة السابقة ولكن توجد بعد النقاط التى تعتبر كحدود او خط احمر لا يتعدوها وان كانوا لهم ماليس للغير
الزملاء... بحكم العادة بتكون ملازم ليهم بتحصل الفة ومودة وحقوق متبادلة لكن ابدا ما بيوصلوش لدرجة الاصحاب او الاصدقاء يعنى صحوبية مقننة شوية
المعارف.... بتكون الحدود كاملة مكملة والمجاملات بتقوم بدورها ى هذه العلاقة


وبس كدا
عل لديك اقوال اخرى...؟

عمرو وجيه يقول...

السلام عليكم


الصداقة هي علاقة إنسانية مينية علي حب لذات الشخص

درجاتها

مش عارف الصرحاة

بس اعتقد ان درجاتها بتخلف من شخص لشخص


بس اللي يخلي الشخص يعلي من درجة لدرجة المواقف و الشدائد

بيبان المعدن

و كمان من الحاجات اللي بتخلي الصداقة تستمر

المكان


يعني أصحابي الانتيم اللي في المدرسة لما دخلت الجامعة تلاشت الصداقة

و اصبحت صداقات قديمة

بس كل م الواحد بنتقل من مرحلة إلي مرحلة اصحابه بيتغيروا

بس أسئلة في الجون يا كيارا

e_emy يقول...


يعني ايه صداقة ؟؟

درجاتها ايه ؟؟

وكل درجه مسماها ايه ؟؟

الحقوق في كل درجه ايه

الواجبات في كل درجه ايه؟

الحدود في كل درجه ايه؟

ايه اللي بيخلي فرد يعلي من درجه لدرجه ؟

ايه اللي بيساعد الصداقة علي الاستمرار ؟

ايه بيخلها مع اول مطب تقع ؟


كل دى اسئلة

انا حاولت اجاوب مع نفسى
بانى احط ناس ف حياتى واسأل نفسى الاسئلة دى ملقتش اجابة

اعتقد مفيش للصداقة درجات
ولا هفكر وانا بتكلم مع صديقتى ياترى درجة صدقتى بيها تسمحلى اسألها او اقولها ع حاجه معينة مثلا

لو عملت كده يبقى دى مش صداقة
تبقى مجرد زميلة ودى الى ليها حدود

واكيد الصداقة بتبدأ اننا نبقى زملاء ف الاول بعد كده درجة التفاهم او حبى ليها تجيب الصداقة

بس كده
يارب اكون وصلت مفهومى

وموضوع تحفة ياكيارا

المعتصم يقول...

ولعتيها انتِ وضد امبارح وخلعتوا
مش كده ؟؟
مش هتبطلوا اجرام ؟؟؟؟
ااااااااه منكم

أحــوال الهـوي يقول...

الصداقه من الصدق


وكل ما يحتويه معني الصدق تكون الصداقه

شوفي بقي انت و كملي المعني
10 اسئله بسؤال


تحياتي يا بنوتي الحرانه

صفــــــاء يقول...

فكرة جميله يا كيارا
وتستحق النقاش
بس الاول الواحد يفكر فى الموضوع وبعدين يشوف هيقول ايه

تحياتى وسلامى لك يا جميله

عايش... ولكن !!!! يقول...

بسم الله الرحمن الرحيم
الاجابه
رقم
امممممممم 5
يارب انجح
ها صح ؟؟؟؟؟؟؟؟؟؟

معنديش اجابه لكل اللى بتقوليه
كل اللى اعرفه ان دى احاسيس انك حاسه ان ده قريب منك تقدرى تحكيله و....و

أحمـــــــــــــد أبو العلا يقول...

تك تك
تك تك
صديق بيخبط, ممكن أدخل؟

الصديق بيطلع على السلم على أد تعودنا عليه
يعني اللي طباعه مقبوله لينا وومكن نعيش معاها
مش لازم يكون زي طباعنا بالعكس الاختلاف بيوجد مساحه صداقه
المهم الاختلاف في ايه ولفين؟

الصديق بيطلع على السلم لو قدر يستمر واستمراره بيزيد تعود البني آدم عليه الى ان يتحول الا شئ مهم صعب جدا الاستغناء عنه في الحياه

الصديق بيظهر في الشده, بيكون الشخص اللي ممكن يسمع ويفهم موقفك
الصديق هوا اللي ينصح ويساعد ويعيش حياتك معاك

صعب الحياه من غير صديق

blue-wave يقول...

هوا الحر مخليكى مش بتزورينا ولا ايه بقى؟؟؟

وميض ابتسامة يقول...

العزيزة كيارا

مقالك فكرنى بكلمات اغنية لعبد الحليم بتقول

على طول الحياة
نقابل ناس
ونعشق ناس
ونرتاح ويا ناس عن ناس

ولو كان لينا حكم على قلوبنا لما حبينا من لا يستحق حبنا .. اوالعكس

خالص مودتى

اسماء واحلام فى وجدانى يقول...

ديالا

القاعدة الثابتة غدر الاصدقاء

صعب اوى المعنى ده

الصديق لو خان اكيد العيب مش فيه اكيد العيب فينا احنا لاننا لامة نسلم احساسنا لشخص ما اكيد بنحس باى تغير فى اى وقت

ولا تصدقى فعلا لكل قاعدة شواذها
بس بتبقا صعبة اوى
يارب يبعدنا عنها يارب

mahasen saber يقول...

الله ينور ابو على قال المفيد
ااقصد aboali
انما انا نسيت اسئلتك الطويله دى انتى فاكرانى ايه ده انا غلبت منامينو فى قوة الذاكره

حنان سعيد يقول...

حببتي
انا جايه اوك وحشتيني
وموضوعك بجد عاجبني
وخصوصا اني لسه معمول فيا موقف خلاني بلف حولين نفسي من حد مفروض صحبي
بجد هفضي نفسي واحاول اجاوب اسئلتك
تحياتي حببتي

Manamino يقول...

لالالالالالالالالالالالالالالالالالا
ايده بقي
انا احتججججججججج
ايه ده يامحاسن
هوانا بقي بينضرب بيا المثل في قوة الذاكرة ولا ايييييييه
لالالالالالالالالالالالالالالالالالالالالالالا
لالالالالالالالالالالالالالالالالالالالالالالالالا
لالالالالالالالالالا والف لالالالالالالالالالالالا
انا سحلالالالالالالالالالان

نبراس العتمة يقول...

العزيزة كيارا
بوست هايل

ملاحظة: هذا هو ما يسمى بالحوار الأفقي
ستلاحظين ولع المدونين بالكلام الطويل حتى أنك لن تستطيع القراءة لبعضهم/أنا مثلا

على خلاف ذلك لا تحتكرين الكلام أنت مغلبة منطق الحوار والاستفادة والافادة

أعجبتني فكرة الدرجات هذه وجعلتني أتساءل أي درجة أحتلها يا ترى عندك المليون ولا أكثر
الصداقة يا صديقتي كيارا كلمة إنسانية قيل فيها الكثير ولا زال يقال
وانا رايي فيها من راي الكندي الصديق "انسان هو انت غلا انه غيرك" ومن راي ابن المقفع " الصديق اخ نسبته الى الروح"

اما درجاتها فتتحدد بمدى تآلفها ومواقفها وهي درجات تتراجع وتتقدم
وان اردت التصنيف اصنف على غرار كتاب طبقات الشعراء
فأقول هناك الطبقة الاولى وتعد على رؤوس الاصابع هذه مقربة جدا لنسميها طبقة الالفة وحقوقها عندي تتلخص في تحقيق الالفة بمعانيها العميقة التماهي بحيث لا نميز انواتنا وفيها تزال الكلفة وتصبح حقوقي حقوقها وواجباتها واجباتي وهي في الحقيقة طبقة قد ابخسها احيانا حقها كما ابخس حقي لاني لا اشعر بفرق بينها وبين نفسي. الحد الفاصل بين هذه الفئة هو التواجد الجسدي لان كل منا له جسد..وهي استحقت عندي هذه الدرجة بناء على اختيار مؤسس عقلي وحدسي لمجموعة من المواصفات النادرة ومجموعة من خطوط الالتقاء التي تزيد الصداقة توطدا..واهم ما يساعد على استمرار هذه العلاقة هو عدم التباعد في المكان، عدم تغيير المواقف، تجذر العلاقة يوما عن يوم

الفئة الثانية الطبقة الثانية، هي فئة عريضة اغلبهم مرشحون بشدة لان يكونوا في الطبقة الاولى الا ان الظروف باعدت بيننا او ان لكل همومه واتجاهه في الحياة ومن اهم حقوق هذه الفئة السؤال عن احوالها من حين الى اخر. عدم التنكر لهذه الصداقة، تجديد العهود، والحقوق هي نفسها واجبات

الطبقة الثالثة هي فئةمن الصداقات العابرة اشخاص اعزاء تلتقيهم في سفر، زملاء عمل، اصدقاء الاصدقاء، اصدقاء الطفولة الذين اتخذوا اتجاهات متعددة، الكثير من اصدقاء النت

العزيزة كيارا امر الصداقة يدفعنا الى طرح نقاش في الصميم حول الصداقة : ذكر/أنثى وهو موضوع عرض تلامذي كانت الجرأة متاحة يوما للاساتذة والتلاميذ لمناقشته بالثانوية التي درست بها

مودتي الفائقة

rovy يقول...

السلام عليكم
ازيك يا كيارا ؟؟ بأشكرك حبيبتى لأهتمامك و سؤالك عنى .. بارك الرحمن فيكى ..
الصداقه هى اكيد من اجمل نعم الرحمن لنا خصوصا اذا احسنا اختيار الصديق
فالصديق هو فى تلك الحياه و كأنه سند لنا و للحظات التى تتغير فيها احوالنا .. لذا فالصديق الحق يصمد دائما معنا و يشعر بنا نجده وقت احتياجنا له .. ربما هو عمله نادرة الوجود فى زماننا هذا و لكنه موجود و ان قل ..

صحيح الصداقه ممكن تكون درجات ..
يعنى الاول بنعرف ناس و نحس انهم قريبين من قلوبنا فبيكونوا معارف مقربين و من ثم اذا توطدت تلك العلاقة و دامت بامكانها ان تتحول الى صداقه و مع مرور الوقت اذا اثبتت تلك الصداقه استمرارها و ازديادها بترتقى لدرجة الاصدقاء المقربين .. و هذا النوع من الصداقه ( الصديق المقرب ) هو ارقى و اهم انواع الصداقه فى حياتنا و دائما ما لعب دورا هاما جدا فى حياة كل منا
بوست رائع .. احييك غاليتى

ارق تحياتى

كيــــــــــــارا يقول...

مناميييييييييييينو


******************

موش فاهمه انت بتتكلم عن مييييييييييييييين

في حد هنا بتاع تاريخ

مفيش هه بث

يلا مش قلت ايه النوظاااااااااااااام

وث بيغمز

كيــــــــــــارا يقول...

عاشقة الرومانسية


***************

يبقي استني البوست اللي هينزل

كيــــــــــــارا يقول...

ابو على

************

هههههههههههههههههه ايون هواااااااااااا

اللي قلته درجات

لكن انت ذكرت انواع الزماله

مجرد اما الشغل ينتهي ولا تعرفهم مجرد اما الكليه تخاص ولا تعرفهم كدا تبقي زماله

منتظرة الاجاببببببببببببببببببببببة

كيــــــــــــارا يقول...

ABOALI

************
هو فعلا الموضوع متشعب ومنتظره اجابه وافيه شافيه

كيــــــــــــارا يقول...

حزينه

********

اكيد دي حاجه من الحقوق والواجبات


نفسي تغيري الاسم دا

كيــــــــــــارا يقول...

اسماء واحلام فى وجدانى

***************
اشطه فل عليك بجد

تماااااااااااام جدااااااااااااا

ومستنياك تيجي كل شويه

شبــ اون لاين ـــاب يقول...

السلام عليكم ورحمة الله وبركاته

الصداقة امممممممممممممم

على ما اظن ان معناها حسى

وعلى حسب الموقف

وكبرى دماغك من الكلام ده كله

ايه السته دى كلها

الصديق مش محتاج كل ده ولا مقيض بشروط

ودرجات

فى رعايه الله

joker

كيــــــــــــارا يقول...

ابو على

***********

هيا نسيت وضافت رد مش كان المفروض يكون هنا

براااااءه ياابوعلي :)

وتيجي اي وقت النقاش مفتوح

كيــــــــــــارا يقول...

مامة مازن

**************

ههههههههههههههههههههههههههههه

باييييييتين فيها

منوراني ياعثل

كيــــــــــــارا يقول...

* Alwaan *

***************

يبقي لحد الان مش قابلتي الصديقه الصح

كيــــــــــــارا يقول...

اسماء واحلام فى وجدانى

*************************

نفس رايي في النقطه دي

كيــــــــــــارا يقول...

اسماء واحلام فى وجدانى

******************
اووووووووووووووووووووي

هتعب جداااااااااااااااااااااااااااااااا

عاااااااااااااااااااااااااااااااااا

انا اللي جبت دا كله لنفسي انا اللي جبت دا كله لنفسي

راي هيكون في البوست الجديد

كيــــــــــــارا يقول...

اسماء واحلام فى وجدانى

***********************
ياسلام عليك يااحمد

متابعه روعه واراء تحفففففففففففه


متيجي تعمل معايا البوست :)

طمااااعه انا

كيــــــــــــارا يقول...

احنا

**********

راي قوي بس البيزنس مش بيقوي صداقه بالعكس

افرد خسرو والبيزنس راح

المصلحه هتحكم وقتها

انا متبعاكم ومتضافين عندي في الريدر

كيــــــــــــارا يقول...

اسماء واحلام فى وجدانى

********************

ههههههههههههههههههههههههه

ياسيدي خد رزززززززمه ورق

كيــــــــــــارا يقول...

بدراوى

**********

علي فكرا يابدراوي

انتيمتي اول تعارف بينا كان في منتدي والعلاقه وصلت اننا اصبحنا انتيمات

مفيش حاجه اسمها نت وشارع وشغل وجامع الصديق صديق مهما كانت وسيله التعارف عليه كانت ايه

النت مش وهمي والا انت كمان هتكون شخص وهمي وانا شخصيه وهميه

في اللقاء الاخير اللي جمعني مع شموستي واستاذ عمرو حبشتكنات واستاذ من غير عنوان

كانت الكلمه اللي بتتردد في كل لحظه

احنا تلاقينا فكريا وعشان كدا لما شفنا بعض مش مستغربين بعض

كيــــــــــــارا يقول...

شمس النهار

**************
واخده من زماااااااااااااااااان

وطبعا سلسه اتكلمت بشكل رائع

الف الف سلامه ياقمر

ههههههههههه ومعلش ياقمر نزلته في وقت سفرك

رابطة هويتي اسلامية يقول...

السلام عليكم ورحمه الله وبركاته

موضوع الصداقه هام جدا و الضامن الوحيد الذى يضمن لهاالاستمرار ان تكون حب فى الله
فما كان لله دام واتصل وما كان لغير الله انفصل وانقطع

تدعوكم اسره رابطه هويتى اسلاميه الى زيارتكم لها

نسعد بذلك

لو عرفوه هيحبوه يقول...

" الا تنصروه فقد نصره الله"
عاوز تعرفى نبيك اكتر
عاوز تنصر نبيك وتعرف الناس عليه

شاركنا فى حمله لو عرفوه هيحبوه لنصره النبى صلى الله عليه وسلم

طيف السودان يقول...

هو قصتك ايهمش بترودي علي تعليق

Butterfly يقول...

ياااااااااااااه
تصدقى ان الأسئله بالرغم من بساطتها الا انها مش سهله خااااااااااالص بجد

الصداقه بقت بالنسبالى مجرد أمنيه متحققتش وبالرغم انى مكنتش عندى غير الأمنيه دى وواحده كمان والحمد لله الاتنين بقوا فى خبر كان ههههه حلو السجع ده .

وبناءً عليه مش هقدر أجوبك على الأسئله دى !!!

marmar يقول...

الصداقه يعني توافق فكري بين اي اتنين يعني استمتاع بالوقت ما بين الصديقين يعني تفاهم وحب وعشره يعني صدق في المشاعر يعني اخلاص يعني حاجات كتيره اوي
بتبتدي من الزماله لحد الصداقه الحقيقيه اللي بيكون الصدق والوفاء عنوانها وممكن شخص يعلي من درجه لدرجه على حسب قلبو وعلى حسب تفكيرو وعلى حسب التوافق ما بين الاتنين في المشاعر

nona يقول...

انا دايما اقول ان الصداقة تختلف عن الزمالة وعن الصحوبية
بس مكنتش بلاقى حد يفهمنى

يعنى انا ممكن يكون ليا 20 زميل مثلا منهم 10 اصحابى ومن العشرة صديقة واحدة

طبعا المعنى مختلف
زملاء دول درجة تالتة
اما اصحاب درجة تانية وبيختلفوا كمان
اما صديق دة بيبئا درجة اولى

الصداقة اصلا قائمة على الحب والتضحية والاخلاص والوفاء
صعب اوى انها تتوجد فى شخص واحد

THE illusionist يقول...

الدرجه لو جت بسرعه يبقى هتروح تانى بسرعه

حلو قوى قوى الجزء ده
فعلا والله
الواحد بيبقى مستعجل على الزماله
فى حين انها لازم تتوطد اولا
الموضوع جميل جدا

دودو يقول...

اول تعليق ليا فى مدونتك العسولة

بصى بقى ياست مفيش حاجة اسمها صداقة ودة عن تجربة

لان احنا فى زمن محدش فية بيحب حد
حتى اللى بيعرفك بيعرفك علشان مصلحة ما مش لازم تبقى حاجة كبيرة اى منفعة والسلام

و اغلب الناس دلوقتى وزمان متغيرتش
لان انتى ممكن تعطى من قلبك وتخلصى فى صداقتك والمقابل فى اغلب الاحيان هو نكران الجميل

وعلشان كدة انا زى بدراوى
ماليش اصدقاء

Karim يقول...

اولا ازيك يا كيارا عمله ايه
موضوعك مجال مناقشه حلو اوى و مختلف
بالنسبه للاسئله اللى طرحتيها
انا شايف ان الصداقه كلمه عظيمه اوى و بتعبر عن علاقه اساسها ان كل فرد من افراد العلاقه دى يبقا مرايا للتانى يعنى علاقه خالصه من الكذب و النفاق و دى عظمتها..و الصداقه هى الصداقه ملهاش درجات هى درجه واحده ملهاش علاقه باى مسميات تانيه...والاستمراريه هى طبيعه العلاقه دى لان بمجرد ان الصداقه اتبنت بين شخصين مفيش مجال انها تتهد ف يوم من الايام والا متكنش صداقه

صدى الصمت - عاشقة الورد - يقول...

بصراحة الصداقة معناها إتغير الأيام دة كتير عن زمان
تلاقى واحد بيعاملك معاملة حميمية جداً وتعتقدى إن هوة دة الصديق الحقيقى ثم تجدى إنة عاوز منك مصلحة ولو ماعملتيهاش يتقلب عليكى ومايغرفكيش تانى ويتغير تماماً
المقاييس دلوقت إختلفت خالص عن زمان
وأصبح صعب قوى إنك تعرفى مين الصديق الحقيقى
وبيبان دة فى أى موقف صعب بتواجهية
ساعتها تعرفى المعدن الأصيل من الفالصو
تحياتى

فتاه من الصعيد يقول...

انا رايي ان الصداقه درجه واحده ...... ممكن المعرفه درجات
يعني في زماله ...... معرفه ....... صداقه ...... ايخاء
وكل واحده ليها حدود تعامل
وكمان اثناء تدرج المعرفه المواقف بتعرفنا الناس .... وبترفعهم درجات جوانا وفي حياتنا
بس موضوع حلو

ابو على يقول...

شوفى انا جايبلك الاجابه النموذجيه من كتاب الاضواء عشان ميبقلكيش حجه
الصداقه هيا التضحية الوفاء الصدق الصبر المحبة في الله بدل الحب

انا رايى بقى ان الصداقه دى نوع من انواع الحاجه والحاجه هيى حالة من النقص تقترن بنوع من الضيق والقلق والتوتر الذي لا يلبث ان يزول متى قضيت الحاجه
وممكن نقارن الصداقه بانه نوع من انواع الحب الذى يقترن بالرغبه ف احداث نوع من التغيير داخل الكينونه الانسانيه سواء بالتاثير على الشخص نفسه او التأثير على ذات النفس التى لديها الرغبه ف تكوين صداقه

مما سبق:d يتبين لنا انه لا يوجد معنى شمولى للصداقه

اى خودعه

Lola يقول...

صداقه !!

تعرفين ؟؟ صداقه حقيقه يعنى شيء افتقد وجوده الحقيقى بالمعنى العميييييييييييييق جدا الذى يتناسب مع قدسيه الكلمه ..
صديق يعنى امتداد انسانى لنا ..كائن آخر يحتل فى اعماقنا مساحه لا تخص احدا سواه .. يكملنا لحظات الضعف ..يسندنا لحظات الإنهيار..يشاركنا من القلب لحظات الفرحه .. ويكون وجوده دوما مهما تسربت لزوجه الحياه وروتينها لتقلل من لقائتنا يظل هناك توهج لا ينطفىء فى هذه العلاقه ..
صديق يعنى اخ او اخت لم تلده امك يا كيارا الرائعه..
تظنين الحياه اصبحت تجود علينا بهكذا لقاءات باشخاص نسميهم بحق اصدقاء لا تتأثر علاقتنا بهم باى تيارات فى الحياه او عواصف عاتيه ..

هكذا ارى الصداقه يا نقيه كالورد.


لولا

أقصى خالد يقول...

الصداقة : درجات صادقة , درجات هائمة , ودركات قاتمة .. بقلم . أوكتافيوس أغسطس .

الصداقة ليست حكرا على مجموعة ما, ولا نعتبر الصداقة فرعا من فروع العلم , ولا نعتبرها قيداً ملزماً لنا طوال فترة وجودنا على وجه الارض . إنما نستمدها من ضعفنا وإحتياجاتنا لمن حولنا , الصداقة عنوانها يتطرق لعدة مسميات عديدة ودرجات متفاوتة . تلك المسميات والدرجات هى فى ذواتنا وأخلاقنا , فى أحلامنا وأوهامنا , هى نبض لمن لا نبض له و هى قياس ومرجع لمن ليست له قيمة فى الحياه ,,,
الدرجات الصادقة :
1ـ الصدق مع النفس أولى درجات الصداقة مع الناس .
2ـ حب الآخرين بشكل عام وبلا تحفظات يعطيك الفرصة للتجاوب وبأسرع وقت ممكن فى إرساء أولى دعائم الصداقة المجتمعية .
3ـ تحفيز النفس على تقبل الآخر أيا كان وضعه المتدنى أو المرتقى لأعلى أو أسفل درجات المجتمع , وهو أيضا عامل مهم من عوامل تكامل الصداقة فى الغد القريب
4ـ الإقتدار فى محاورة أنفس الآخرين بخطاب عقل متفتح وقلب مضىء بحب الصداقة الخالصة لوجه الله تعالى , وهذه هى أسمى درجات سمو الصداقة فيما بعد ..
5ـ التروى فى إتخاذ خطوات جادة وهامة فى طريق مستقبل الصداقة حتى لا تشوبها شوائب التسلق على أكتاف الآخرين , وحتى لا نتهم من قبل الآخرين بزيادة النفوذ على حساب الصداقات المتعددة الأركان.
6ـ ومن الدرجات الصادقة أيضا . العمل على إيجاد ذوات لا تخضع لتجارب الآخرين , ولا تنعكس بالسلب على مسميات الصداقة التى تأخذ مجراها الفعلى فى طريق الحياه الملبد بالهوامش التافهة والتى لا تكون فى حد ذاتها رابطاً مميزا لصداقة دائمة ,
7ـ ومن أصدق الدرجات وأقصاها هى الحيلولة دون وقوع خسائر نفسية تنعكس بالسلب على مقدرات تلك الدرجة العليا والتى تكون فى حد ذاتها قمة القمم .... وللحديث بقية

elsha3er يقول...

السلام عليكم

جميل الموضوع دة بس انا شايف الصداقة هى الصداقة بلا درجات بس لكل قاعدة شواذ فا فى اشخاص معينة لهم معذة خاصة دة زى ما قلتى نتيجة تجارب ومواقف


تحياتى


احمد الشاعر

قيس بن الملووووح يقول...

بنوتتي /كيارا
المرأة هي كل مخزون الحب داخل البيت والرجل كلما تقدم به السن يزداد احتياج للعاطفة هو بطبعه متحفظ ولكن عندما يري العاطفة تسير في اتجاه واحد هنا يختلف الامر.
تحياتي

ليكوريكا يقول...

روحي لصديقه ليكي واسأليها اللي بينكم ده اسمه ايه ونوعه ايه ؟

هتقولك معرفش :)

ولو قالتلك حاجه تانيه قوليهالنا

جايز نعرف ...

Soul.o0o.Whisper يقول...

السلام عليكم و رحمة الله و بركاته

كيتىىىىىىىىىى
اثيك يا كتكوتة؟؟؟

وحثانى انتى كمان
بثى يا ستى

الصداقة بالنسبة لى هى احلى علاقة بالوجود كله
و علاقة من اسمى العلاقات اللى مش ممكن تلاقيها بسهولة

و اعتقد حياى بدون بدون صداقات هى حياة لم تتذوق اجمل ما فيها بعد

بعض الناس عارضيتنى لما قلت كدا مرة
و بعضهم قاللى ان علاقة الزواج مثلا اسمى من الصداقة
و كذلك مثلا الابوة و غيرها

لكن اللى انا قصدى عليه هى الصداقة فى كل هذه العلاقات

بين زوج و زوجة بدون صداقة بينهما
ياترى فعلا يقدروا يتكلموا و يتشاركوا الاراء و تكون فى صراح بينهم و لا هتكون علاقة حقوق و واجبات و خلاص؟؟

الاب و الابن بدون صداقة؟؟
هتكون علاقة أوامر و تمرد

فالصداقة يا كيتى بالنسبة لى علاقة ساممية تجمع بين شخصين و ممكن اكتر
يخافوا على بعض يشاركوا بعض فى كل حاجة حلوة ووحشة
ينصحوا بعض بحق و يتناقشوا
الصداقة مش معناها نبئا نسخ طبق الاصل
بالعكس .. الصداقة معناها ان اعمل اللى يعجبنى و اللى انا عاوزاه ، بس من غير ما يجرح صديقى و انى احافظ على مشاعره
وهو بردوا

مع الحفاظ على حدوم الادب و الاحترام اذا كان هذا الصديق مثلا اب او مدرس او خلافه

و اهم مقومات الصداقة عندى انها تكون لله ، فعلا والله ربنا بيبارك فيها و بيجعلها تستمر طول الحياة

و اكيدالشخص منزلته بتعلى عندى لما الاقيه بيخاف عليا ، و ينصحنى بجد و مش يخاف ازعل لو فعلا عملت غلط
يكون همه انى اكون احسن و احسن و ناخد بايد بعض اننا نعلى

بس الشئ الوحيد اللى يخلينى ابعد عن شخص ايا كان ..
حتى لو كان وصل فى قلبى مكان كبير
لو خاننى او غدر بيا ..

صحيح مش باحب اخسر حد
و باحب دايما يكون فى ود مع اى انسان عرفته

لكن فى قلبى بيكون خلاص ... ماعدتش له مكان


ها؟؟؟
النتيجة امتى بئا؟؟

احمد بدر الدين يقول...

كيارا كيف الحال
الصداقة الحقيقية
لا تظهر الا بعد فترة طويلة من التعامل مع الصديف
اتذكر انة كان فى حياتى اشخاص كنت اضنهم اصدقاء
اتضح عكس ذلك
يحتاج الامر الى وقت

Hossam يقول...

صديقتى العزيزة كيارا
الموضوع جميل جدا خصوصا ان عندى صديقة بجد كويسة واسئلتك دى كلها معرفش ارد عليها لانى بحسها من جوايا وصديقتى بتعلى فى نظرى من مواقف بتعملها معايا ممكن من كلمة تقولهالى
النقاش يطول والموضوع جميل جدا
تحياتى

اقدم عاصمه فى الحب يقول...

كيارا
******
يعنى ايه صداقه؟؟
- سعات بنلاقى احساس مالهوش ترجمه بالكلام الصداقه نوع من الاحاسيس اللى مش بتترجم بالكلام بتتحس وبس

درجاتها ايه ؟؟ ومسماها.؟؟
درجات كتير طبعا
يعنى مثلا صاحب الشارع ((الجيران )) او صاحب المنطقه ده اكيد بيبقى صديق العمر كله او فى معظم الاحيان بيكون كده

وكمان فيه صاحب المدرسه حتى لو خلصنا المدرسه وكل واحد راح فى حته بيبقى لسه لكل واحد مكان فى قلب التانى

وكمان فى صاحب الشغل وفى صاحب السفر
وفى صاحب الجيش وناس كتير صاحبتهم من عير داعى الانواع كتير وربنا مبارك والحمد لله (( خمسه وخميسه )).

الواجبات فى كل درجه ايه؟؟
الواجبات ...؟ هو مين اللى حط الواجبات دى....؟!!
لالا اكيد لما انا بصاحب حد مش بصاحبه كده وخلاص
اكيد من نفسنا كده بنمشى على نهج الانسان الصجيج
الانسان لما بيحب بيعامل الانسان اللى بيحبه على القوانين الكونيه الصحيحه
يعنى مش بيزعله وبيحاول يفرحه ويواسيه ويقف جنبه وبيرده عن ظلمه ( ظالم او مظلوم) وكده يعنى.

ايه اللي بيخلي فرد يعلي من درجه لدرجه ؟؟
انا عن نفسى كل شخص دخل قلبى بدرجه بيفضل عليها الغالى غالى واللى اغلى منه اغلى منه
ثم انا مش هصحى كل يوم الصبح العب بازيل فى قلبى

ايه اللى بيخليها من اول مطب تقع؟
لو اتنين صحاب اتعرفوا على بعض عن طريق حاجه غلط مثلا اتعرفوا على بعض عن طريق المخدرات او عن طريق عركه او عن طريق واحد بيزور الباصبورات لازم فى اول مطب تقع وتترمى فى الزباله
.
.
.
.
.
موضوعك غايه فى الروعه
فكره جميله جدا
بس مش غريبه عليكى
دمتى كما تحبين ان تكونى
لقلبك منى اطيب ورده بيضاء
ولمدونتك اجمل ورده زرقاء

تقبليهم منى يا صديـــقـــتـى

Hadota ... حدوتة يقول...

بصي يا كيارا
الصداقة دى حاجة حلوة
انك تلاقى حد واقف جنبك وبيخاف عليكى


بس مش عارفة اكتر من كده
عمرى ماعرفت اقع على تعريف محدد للصداقة
منكم نستفيد يا توتة


انا هتابع لما اشوف

تحياتى يا جميل

:)

علي محـمــــــد يقول...

السلام عليكم

كيفك احوالك يا اختي العزيزه كيارا .. ؟
انا كنت حاطط في بالي ان اول تعليق بعد ما احط البوست الجديد يكون عند كيوره :)
اشكرك يا كيارا على سؤالك عني واهتمامك .. وهذا جزء من موضوع البوست بتاعك وعن الصداقه تحديداً .. اعتقد يا كيارا انه لازم يكون هناك حدود في العلاقات الاجتماعيه بين الناس وبين بعضهم حتى الابناء لهم حدود مع اهلهم في التعامل وهذا شي صحي ومش غلط لان النظام مطلوب في كل شيء .. اعطيك مثال لو اخ شتم اخوه بالمزاح اكيد راح يزعل .. عشان لازم يكون فيه حدود نلتزم فيها مع بعضنا وتوجهنا دايماً لاحترام بعضنا .. اعتقد انه مهم جدا يا كيارا اننا نراقب انفسنا في تعاملنا مع غيرنا عشان نحافظ على علاقات الصداقه اللي نحبها .. وكلامي هذا ما يعني الرسميه في التعامل بس لازم نخلي للانفسنا خطوط حمراء .. ومثل ما تفضلتي الصداقه درجات وهي رصيد من المواقف والافعال وراداتها .. احياناً تكون عندك صديقه من سنوات لكنها ما ترقى لمستوى صديقه تكوني تعرفتي عليها من شهرين .. احنا عباره عن شخصيات فيها تنوع كبير ومعقد جداً وكأننا مركب كيميائي صعب تحليله .. انا ما ادري عن اخواني المعلقين هل قالو شي من كلامي او لا ؟ لاني ما قريت التعليقات بس هذا رأيي :)

وشكرا لك مره ثانيه يا صديقتي :)

في أمـــــان الله

MR.PRESIDENT يقول...

يعني ايه صداقة يعني مشاركة ، درجاتها زميل - صديق - صديق صدوق ودي اعلي درجة وبمعني اخر خليل ، الحقوق في الزمالة الإحترام ، الحقوق في الثانية الإخلاص ، الحقوق في الثالثة التفاني ، الواجبات في الأولي لا يوجد ، الثانية خدمة الغير ، الثالثة تصنيع السعادة للخليل والمشاركة في كل شيي تقريبا ، الحدود بتقل كلما صعدنا من درجة لأخري ، التعبير عن السعادة وتعبيري عن السعادة معه ، اللي بيساعد علي الإستمرار رغبة الشخصين في الإستمرار ، وايه اللي بتخليها تقع الخيانة

قطرات من شواطئ الحياة يقول...

بيقولوا المستحيلات تلاتة العنقاء و الغول و الخل الوفي

يمكن دافعت زمان كتير عشان أخليهم أول اتنين بس .. لكن الزمن علمني إنهم تلاتة فعلا

:)

Dr.A.S. black armor يقول...

ايه ده فين تعليقى انا علقت تعليق جامد امبارح
عموما الموضوع جميل والكلام اللى اتقال عنه اجمل
والمناقشة اعطيته ابعاد اعمق
دمتى بخير

شخص حزين يقول...

يا كيارا انا عاوز ايميلك بتاع الفيس عاوز اكلمك انبوكس عشان فعلا انا نفسيتي تعبانه اووووووي من صحابي