السبت، يوليو 18، 2009

احلام ورديه الجزء الثاني

ويتوه محمد بين افكاره

محمد : خلصت الشغل اخيرا ..  اروح بسرعه بئه يمكن اشوفها .. تشوفها وهو انت عارف هي حقيقه ولا خيال .. بلاش تشائم بلاش كلام احمد ياثر عليك .. يارب مش ليا غيرك يارب انا نيتي خير .. يارب مش تكون وهم

احمد: محمد يلا عشان نمشي .. محمد يلا

محمد : ساكت ومش سامع احمد

احمد : محممممممممممممممممددددددددد انت يبني

محمد : نفس السكوت

احمد : طرررررررررررررراخ ( ضرب محمد بالمسطرة )

محمد : ايه الهزار التقيل دا يااحمد .. انت مش عندك دم اساسا

احمد : ههههههههههههه عمال انادي من الصبح حسي اتنبح  وانت مش سامعني اساسا

محمد : بفكر ايه مش من حقي افكر كمان

احمد:  لا فكر بس انا هموت وانام الجو زباله اوي وعاوزين نروح بسرعه

محمد : ماله الجو مهو كويس

احمد  : نعم انت مش شايف اننا بقينا كلنا ميه التكييف باظ والجو نار

محمد :  اه صحيح مخدتش بالي

احمد : نعممممممم مخدتش بالك هو دا فيها اخد بال دا الجو  بيخلي الجسم سخن خلقه .. يلا يامحمد نروح بدل اما الضغط يعلي عليا اكتر من كدا انا لسه صغير ياخويا ومش حمل سكته قلبيه

محمد بحزن:  كدا يااحمد انا هجبلك سكته قلبيه

احمد : لا طبعا بهزر :)

وهما في الطريق

محمد يارب الاقيها في البلكونه وانا مروح يارب اشوفها عشان تعب اليوم يروح

وهو قدام العمارة عنيه مش نزلت عن بلكونتها وبيسال نفسه فين هي فين ياربي هي فين  .. وصل البيت

والدته : ازيك يامحمد عامل ايه ياحبيب قلب امك

محمد : ساكت وبيفكر

والدته : محمد يانين عين امك مالك فيه ايه انت مش بتسرح الا لو في حاجه كبيره

محمد بيبصلها وكله اسي :  اه لو تعرفي اللي فيا ياامي

والدته اخدته في حضنها وقالتله : مهما كان اللي فيك ربنا كبير ومش ممكن يخزلك طالما انت ماشي صح ياقلب امك احكيلي حصل ايه

محمد : حكالها كل اللي حصل

والدته : يبقي نستني نشوف لو هي موجوده انا هسال عنها ونتقدملها علطول

محمد في فرحه  : بجد ياماما

والدته : طبعا بجد ياحبيبي

محمد: يعني مصدقاني انها موجوده مش خيال

والدته : مش عارفه هي موجوده ولا لا ..  لكن الايام هي اللي هتقول ..الاهم ان الموضوع دا مش ياثر علي شغلك والا هتتجوز ازاي ؟ وتبقي اكبر مهندس في الدنيا ازاي ؟

محمد : معاكي حق ياماما انا هغير هدومي واصلي وانتي حضريلي الاكل

والدته : حاضر ياحبيب قلبي روح فوق انت وانا مجهزه كل حاجه

ومحمد وهو ساجد لربه بقي يدعي انه ربنا يرزقه الزوجه الصالحه اللي تنفعه وتقويه وتساعدته في طاعته 

فات يوم والتاني ومحمد مش لاقيها بيدور عليها زي المجنون بيقعد ليالي وليالي في بلكونته ويقول يمكن الاقيها لدرجه انه بقي ينام علي كرسي في البلكونه لا تدخل بلكونتها وهو نايم

ويوم ورا يوم حالته النفسيه بقت اسواء وبقي بيغمي عليه كتير

وبقي كل تفكيره منصب علي انه بقي مريض نفسي وان كلام احمد صاحبه صح وانه وهم

والدته : محمد مش عاجبني حالك

محمد ساكت

والدته : محمدددددددددد

محمد : ايوه ياامي

والدته بكلمك وبقولك مش عاجبني حالك

محمد : ولا انا ياامي بس تفكتري ان اللي شفته دا كان وهم

والدته : ياحبيبي مهو ممكن تكون تعبانه ومش دخلت البلكونه

محمد : اسبوع ياماما اسبوع بحاله

والدته : سيب الموضوع لربنا سبحانه وتعالي وشوف شغلك بلاش تهمل فيه

ويسمع رنه موبايله ( بقلك شو بقلك بدي اقلك اني بحبك .. كلمة حبيبي ياحبيبي صغيره عليك بعشق كلامك صوتك وعينيك )

محمد : الو ازيك يااحمد

احمد : انزل انا تحت

محمد: تحت فين

احمد : تحت العماره ياغلس هنخرج

محمد :طب اطلع طيب انا مش خارح مش رايق

احمد : هتخرج المره دي غصب عنك

محمد : مش خارج وبلاش رخامه واطلع

احمد : عارف مين معايا

محمد : لا

احمد : طب بص من البلكوووووونه

محمد : راح يبص معاه مين

صوت صفافير عاليه  جد ا .. مش معقول ازيكم ياعيال يافقر عاملين ايه

صوت جماعي انزززززززززززل يلا هنخرج بقالنا كتير مش اتجمعنا يابااااايخ

محمد : نازل حالا .. ماما انا نازل احمد جاب اصحابنا وهنخرج

والدته : ماشي ياحبيبي اخرج واتهني .. عاوز فلوس

محمد : ربنا يخليكي ياماما معايا .. لو اتاخرت نامي انتي

نزل محمد من العماره وهو بيبص علي شباكها بس اصحابه مسابهوش يسرح اخدوه في سلامات  واحضان 

علي : اخيرا اتجمعنا .. بس والله وحشتني قعدتنا

خالد : اه والله ياعيال فاكرين لما كنا بنسهر نذاكر سوا

احمد : آه كانت ايام حلوه والله عمرها ماهتتعوض

محمد : ياجماعه كان كل همنا نذاكر نخرج نتفسح مش في مسئولية كل اما المسئولية بتزيد بتقل متعه الحياه

علي : محمد احنا هنخرج مش عاوز اسمع اي حرف من حرو ف كلمه مسئوليه هشرحكم

وتتعالي الضحكات بينهم

محمد : احنا هنروح فين ياشباب

احمد : بص  برنامج اليوم ياسيدي  .. واحنا ماشين هنجيب اكل ومن 8 ل 12 هنكون في رحلة نيليه للقناطر الخيريه وبعدها هنروح الحسين وخان الخليلي  ونقعد زي زمان

محمد :الله يااحمد بروجرام تحفه يلا بينا

خالد : اخيرا يابشر هنخرج انا مش مصدق نفسي

علي : اقرصه يااحمد يمكن يصدق

احمد : اقرصه بس هههههههههههههههههه  دا انا هاعضه كمان وبيجري ورا خالد وخالد بيجري

خالد : يارخم بلاش استهبال بئه

محمد بضحك : ايوان ارجعو زي زمان قط وفار ههههههههه

في الرحلة النيليه

خالد : ايه ياعم محمد سرحان في ايه

محمد : منظر القمر والنيل متعه  بيخلك بتحلم

احمد : لاااااااااااااااااا بلاش حلم النهارده احنا بنتفسح لا تقولنا انها طلعت من الميه وبتكلمك المره دي

خالد وعلي في صوت واحد : هههههههههههههه هو لسه

محمد : غور انت وهو وهو لسه ايه والله هنط في النيل واروح واسيبكم

احمد وعلي واحمد في صوت واحد : لا ياعم قلبك ابيض مجنون وتعملها

بعدها الاربعه بصوا لبعض وقعدو يضحكوااااااااا

محمد بيستنشق هوا : ياااااااااااااه بقالنا كتير مش ضحكنا .. كنت محتاج خروجه زي كدا

لما الملايكه تسالك نبيك مين ومين ربك مين ساعتها هيرحمك آه يانا تعبانه آه يانا تعبانه آه يانا تعبانه لي اللي لا لا  جوا المولد شفت عجايب والانسان اتقل بقيمته كفايه راجل شايب عايب عاكس واحده وطلعت بنته آه يانا تعبانه

 

محمد واحمد وعلي وخالد انكمشو في بعض من كتر الخضة وفي نفس واحد مين الاخت التعبانه دي

محمد : الله يحرقهم فسدو الجو الرومانتيك اللي كنت حاسس بيه

احمد : رومانتيك مين هما يعرفوا رومانتيك دا انا اتخضيت خضه هههههههههههه

خالد : ياعلي روح قولهم  يشغلو ام كلثوم

محمد : اه ياعلي خليها ام كلثوم سيرة الحب

علي : اييييييييييه انتم عاوزينهم يحدفوني في النيل ولا ايه

محمد : مهو مش ممكن هفضل سامع التعبانه دي طول الرحلة

- دا انتي حته يابت ولا راحت ولاجت مش عاوزين نلعب نلعب زي الفار والقط

- امال لو كنت جميل وحليوة كنت عملت ايه داانا لو قلبي فكر يحبك كنت اولع فيه

- واوعي تفكري نفسك حلوه ولا عليكي العين ولا يكون حد ملا دماغك وقالك كلمتين

- انت مبتبصش في مرايه ولا معندكوش دا انت ياواد اهلك رامينك ياابن حلق حوش

- فاكره لما عنيكي احمرت من كتر العياط وبتسهري بالليل تستني  وتعدي الساعات

مين هيبص لجردل زيك دا انت حلنجي كبير ياما قابلت انا من عينتك وشفت من دا كتير

 

احمد : اهم غيرو الاغنيه وبقت  اتنين مش طايقين بعضهم اساسا هههههههههه

محمد : دول ناقص يمسكو العصيان ويضربوا في بعض ياعم هههههههههههه

خالد : لا دول بيحبو بعض كدا بس انتم مش واخدين بالكو ههههههههه

علي : ياجمااااااااعه انا هقولكم خبر

محمد : ايه هو

علي : انا  هروح انتحر ههههههه

احمد : بضحك  شكلك ناويها

علي : يافاهمني يانصه

محمد : ايه ياض رايح فين

احمد : رايح للي مشغل الاغاني الغريبه دي هههههههههههههههه

وتتعالي ضحكات خالدو علي ومحمد واحمد

 

انا بعشق الكلمه اللي بتقولها وبعشق ضحكتك

انا بعشق الليل اللي في عيونك وبعشق رقتك

انا بعشق الارض اللي عديت يوم عليها خطوتك

ياللي هواك غير حياتي ودنيتي جيت بالربيع غير اهاتي بضحكتي

انت الامل نورليلاتي وحدتي

في عيوني بسمه جوايا همسه بتسالك بتسالك

بتحبني ولا الهوا عمره مازارك

بتحبني ولا انكتب علي القلب علي نارك نارك

محمد : الله ياميااااااااااااده

علي : شفتم الانتحار اللي عملته

محمد : اه يابني شوف المزاج

 

انا بعشقك انا انا كلي لك انا انا انا انا انا يامن ملك روحي بهواه الامر لك طول الحياه طول الحياه .. الماضي لك وبكره لك وبعده لك انا في سهادي وفي منامي بندهك وبسالك بتحبني ولا الهوا عمره مازارك بتحبني ولا انكتب ع القلب نارك نارك

احمد : هههههههههه لا لا لا اللي بيضربوا بعض  كانو عاملين جو برده

محمد : ياه الرحلة النيليه ممتعه اوي الميه والهوا والصحبة :)

احمد : للاسف خلصت بسرعه

خالد : ومالكم بتتكلموا وكأن  الخروجه خلصت دا احنا رايحين الحسييييين  وياسلام علي الحسين بالليل متعه لوحده

علي : يلا بينا

محمد : بس عاوين نصلي ياجدعان

احمد : طبعا هنصلي

وصلو جماعه

الله واكبر

ومع بداية الصلاه

بكو والدموع كانت بتحرق عيونهم كانت بتغسل زنوبهم بتغسل قلوبهم اللي قست

محمد وهو ساجد بيدعي يارب اصلح لي شانى ولا تكلني الي نفسي يارب ارزقني بالزوجه الصالحه ومش يكون وهم

احمد وخالد وعلي

يارب اغفرلنا ذنوبنا توب علينا ياارحم الراحمين

وبعد الصلاه

اتمشو في الحسين ومستمتعين بوقتهم ومش حسوا بالوقت لحد الفجر

وصلو الفجر في الحسين وبعدها راح كل واحد منهم لبيته

ونام محمد نوم عميق

ولاقها مره تانيه كالملائكة

تحلق بين الزهور 

 

thumb_angel_in_the_fairy_tale

قام مفزوع هي تاني بنفس الشكل ياااااااارب مش يكون حلم ويبقي واقع

ستوووووووووووووووووووووووب

^^^^^^^^^^^^^^^^

طبعا انا بعتذر عن تقصيري بس الفتره دي بجد الجو نار ومش عارفه اقعد علي الجهزا مش تزعلوا مني

31 كلام قلوبهم:

الازهرى يقول...

اول تعليق

أحمـــــــــــــد أبو العلا يقول...

الجو نار؟
هنجيبلك تكييف
بس متتأخريش علينا في الموضوع ده


هوا الحكايه شكلها غريب بس مفيش اختلاف ان فيه تشويق
مستنييييييييييييين

الازهرى يقول...

وتانى تعليق
مين عارف ؟
للزمن

كيــــــــــــارا يقول...

ازهررررررررري

*******************

فينك ياكابتن حامل ايه

كيــــــــــــارا يقول...

احمد

********

ايون ايون جبولي تكييف

الحكاية شكلها غريب ازاي عااااااااااااااااااااااااااااااا

كيــــــــــــارا يقول...

الازهري

*********

تؤتؤتؤ مش بقي تاني تعليق بقي التالت هيق هيق هيق

ذو الوجه المبتسم يقول...

السلام عليكم
ازيك اختى الصغنونة
اخبار الحر معاكى ايه
اوعى تقولى ناااااااااار
القصة بدأت تحلو والتشويق فيها بقي للركب
بس بصراحة كده
هى وهم والا حلم ولا حقيقة
ناوية تنهي القصة دي بايه
اوعى تقولى جواز
ههههههههههههه

تقبلى تحياتى

كيــــــــــــارا يقول...

وعليكم السلاااااااااااااام

هههههههههههههههههههههههههه

عاوز تعرف كدا علطول طيب خمن انتتتتتتتتت ههههههههههههههه

adel يقول...

احجز التخليق ده عقبالما اقرا

ههههههههههه

فووووووووووووووو

كيــــــــــــارا يقول...

هههههههههههههههه احجز التخليق

ماثي ماثي

adel يقول...

عاوزة الحق ولا ابن عمه


انا للاسف مش بعرف اجامل

عارفة الافلام العربي
اهي دي زايه

في افلام القصة مكررة كذا مرة و برضه بيعملوا نفش الفيلم



بس

حاجة واحدة غيرت المود شوية



روحك الطفلة و صدقيني مش بتريق
دي خليتني حاسس الفيلم العربي بتحكيه بنت عندها 4 سنين يدوب بتتكلم

بتدي طعم و براءة للقصة

وهو ده احساسي مش اكتر


ملحوظة نونو :
الوصف حطيه بين قوسين كانه سيناريو

مثال :
محمد (يفكر) : ......
احمد : فينك يابني
محمد (لازال مفكرا): .....

كده يعني

دي مش فذلكة دي نصيحة نونو لو تقبليها مني

كيــــــــــــارا يقول...

اممممممممم اولا مبثووووووطه جدا بالنقد دا وحاضر هحط الوصف بين اقوااااااااس

hérisson يقول...

الله عليكي يا مني
حقيقي رااااااااااااائعة
انا اللي عجبني اوي جو الحنين بين محمد ووالدته

ومعني الصداقة الجميلة اللي ظهرت في اصحابه
والرحلة النيلية
حسيت إني بلف في شوارع مصر بعيني وبشوف اجمل ما فيها

ده غير ان فيه افشات كوميدية ضحكتني جداااااااا

ومع ذلك انا ماحسيتش بقصة الحب الافلاطوني اللي عايشها محمد
اكتر ما حسيت بمعاني تانية جميلة اوي
الصداقة والامومة والانتماء لاماكن بلده اللي مختوم عليها اسم مصر

بجد روووووووووووووعة
ابدعتي يا كيتي
تحياااااااااااتي لقلمك اللي ابهرني وملي قلبي بنشوة غير عادية

hérisson يقول...

اه كنت عايز اقول كمان إني كنت في رحلة مع ام واصحاب و نيل وغنا وشوراع
مش موجودين غير في مكان واحد
مصر

بجد خليتيني اعيش جو رائع
انا مش خارج انهارده كفاية الرحلة الجميلة دي
حسيت إني في رحلة تاريخية جوة حدوتة بتحكيها كيتي الصغيرة
تحيااااااااتي

MaNoOoSh يقول...

انتى كل مرة هتوقفينا كده مستنيين
ههههههههههه

لا بجد مشوقة وجو الفسحة دة عجبنى جدا وكان نفسي يبقى فيه تفاصيل اكتر تبين جو المكان وجو الصداقة

ابو على يقول...

الجزء التالت انا خايف على محمد دا لا يجيله سكته قلبيه لما يشوفها حقيقى

او يمكن يجيله صدمه كهربائيه وتطلع وحشه ههههههههههههههههههه

جميله بجد
استمرى

حـــلـــم كــــان يقول...

والله محمد ده واد غلبان وانا حبته

هاتى التالت خليكى جدعه

الازهرى يقول...

يا دوب عرفت أقرأ الجزئين النهارده فى حاجة غريبة عندك فى المدونة بتمنع الظهور الكامل لها عندى

اما بخصوص صاحب الاحلام فدى مشكلة ناس كتير لانه بتعطلهم عن حاجات اهم


اما القصة فجميلة (بعيد طبعا عن اللغة )

وفى انتظار باقى الاجزاء

بدراوى يقول...

جميلة القصة
بس مازلت عند كلامى لو كانت فصحى كانت حتبقى احلى بكثييير
مش عارف بقى بس بداية موفقة ليكى
و ربنا يوفقك

ادم المصرى يقول...

القصه دى انا مستنى نهايتها على احر من الجمر

لئنها مشوقه جدا يا كيارا

Sweet Violet يقول...

اممممممممممممم
طب مش انا حبيبتك انتمتك روح قليك
^_^
احكى لى القصة كلها بقى و انا مش هحرق حاجة
بطلى رخامة يابت انتى بقى عااااااااااااااااااااااااااااااااااا

هو اللى كنت بعمله هيطلع عليا ولا ايه
بس لما اشوفك ×_×

امشى
هه
بس

ريمان يقول...

هههههههههههههه


حلوه يا كيارا

بجد حلوه

تحياتى

اموووووووووووووووواااااااه

Dr.A.S. black armor يقول...

بجد من جمال لجمال
اسلوبك بيجننى سلس وسهل ومسترسل كده كتير
انتى تعرفى فكرتينى بشلتى الفقر ايام زمان ياااااه
تسلم ايدك يا كيارا
وهاستنى الحلقة الجاية

أحــوال الهـوي يقول...

الجو في النيل يجنن مع ام كلثوم تعيش في حالة استرخاء و راحه


و عيشتيني في ليلالي الحسين و عبق التاريخ

رحلة جميلة

و مازال الغموض يكتنف الحدوته

تحياتي

جحا المصرى يقول...

روووووووووووووعة بجد
صياغتك للقصة هايلة بجد
ربنا يكرمك ويسعدك

عاشقه الرومانسيه يقول...

جميله يامنتى
تسلم ايدك
بس انتى بعدتى محور الكلام عن البطله ليه المره دى
وليه ركزتى على الاصحاب اكتر
عموما هى فى كل الاحوال حلوه
بس عايزه اعرف هى حقيقه ولا خيال؟

فكرة من الزمن ده يقول...

اخيرا عرفت اكتب تعليق
وكشتيني ياكيورة الامورة
وحشتيني جدا
وربنا يعينا كلنا على الحر
الاكيد ان الحر حارمنا من الاحلام
زي محمد
تحياتي

dalia يقول...

كياراااا الشقية
ازيك يا بنتي وحشااااني جدا بس واضح من البوست ان الجو حار خالص :)
طيب لو كان الجو شتاء كنت كتبتي مثلا 3 آلاف كلمة ما شاء الله انا من كتر الشغل مش عارفه اقرأ حاجه سمحيني وبعدين عندى شغل التنسيق مولع نار وكل يوم نزول في الشمس دعواتك علشان الواحد على آخره

سلااااام كبير يا منى

إبن مصر يقول...

ههههههههههههههههههههه
السلام عليكم

اول ما قريت ستوووووب دى ضحكت وقولت انتى بتهزرى والله با كيارا

عموما انا منتظر النهايه ولو انى متوقعها

بس هقولها فى سرك عشان مش احرق القصه الرائعه دى
وياريت مش تتأخرى بالجزء التالت يا ست الكل

حنين القلب يقول...

يا بنتى ارحمينا من التعليقه دى

البت بحق وحقيقى ولا الواد محمد ده عنده انفصام فى الشخصيه وعايز يتعالج

هههههههههههههههههههههه

بس حلوة الفسحه دى
ابقى اعزمينى على واحده زيها

ماااااااااااااشى

Rania يقول...

ازيك يا قمره عامله ايه .. ايه القصص الحلوة دى