السبت، أغسطس 08، 2009

بحبك اوى اوى اوى

في الاول انا بعتذر عن غيابي سواء في الميل او المدونة او الفون بس فعلا انا نفسيا مش متظبطه وبعمل اعادة ترتيب وعشان كدا الاختفاء دا هيستمر شويه
بالنسبة للقصة الجزء الاخير انا كتبت نصه ومش عاوزه  اكمله إلا وأنا في المود عشان مش تحسوا ان في انفصال في الاحداث

مش عاوزه حد يزعل اني مش بزوره انا في فتره اعادة ترتيب وان شاء الله هرجع قريب

572385262

 

اما الفيديو اللي نزلته من كام يوم
فخلاني افكر جدا جدا جدا

من كام يوم كنت بتكلم مع ماما وبنهزر ولاقتها بتقولي الهي يا مني تجيبي بنت وتكون نسخه منك كدا

يالهووووووووووووووووووووووووووووووووووووووووووووووووووووووووي ايه الدعوه دي لا انا مش لاعبة

راحت ضحكت ضحكــــــــــــة وتقولي يبقي عارفه نفسك

هههههههههههههههههههههه ايوه عارفه نفسي انا لو بنتي عملت فيا ربع اللي عملته فيكي ياماما انا همشي في الشارع اشد شعري

همشي اكلم نفسي واخري الخانكة من غير مناقشة

w6w_w6w_200505040801143fbe6d597

وسرحت وعماله اقول ياتري هقدر اتحمل ياتري هتحمل ايه ولا ايه ولا ايه

المقالب - المذاكرة والتربية - المرض اصله بيحبني ولا ايه ولا ايه

نيجي للمقالب

رجعت بالذاكرة لورا لما كانت كل البنوتات عندها عرايس وانا بشوف ماما بتخيط وبركز معاها قوي

اقوم اجيب المقص واروح علي لبس ماما الجليبات والبيجامات واجي علي الطرف الاخير منه واقصه ال ايه هعمل فستان للعروسة اشمعني يعني ماما تلبس والعروسة لا

وهي تيجي تلبس تلاقي اللي هتلبسة مقصوص  من تحت ومش تفتكر انها قصه مقص لانها متدرجه تفتكرها فار ويقلبوا الشقة علي الفار انهم يلاقوه ابداااااااااااا

ولا لما كنا بنرش الميه في الشقه بازاه ببتاعه زي القطارة كدا ومره هي كانت حاطه ازازه زيت جنب بتاعه الميه ورحت اخدت الزيت بدل الميه وهاتك يارش في الشقه كلها

كل حاجه اتبهدلت بعد اما كانت مروقة وماسحه

ولا لما  نمت تحت السرير وانتي فضلتي تدوري عليا والجيران اتلمت وانا كنت نايمه والكل قعد يدور عليا وانتي بقي منهاره وعماله تقولي بنتي وبعد كام ساعه من اللف والدوران عليا

اصحي واطلع من تحت السرير و اقولك هو ايه الدوشة دي

براءه يااخواتي

ولا لما حطيت العروسة بتاعت المولد في دولابك

ولا اللبن لما تكوني عملاه لينا وتروحي انتي هنا وانا اقوم رمياه في الحوض من هنا

ولا فاكره اللبن النيدو لما كنت بحب اكله بالمعلقة وانتي تحطية فوق وطبعا عشان صغننه كنت احط الكرسين فوق بعض واطلع اجيبه بس مش بينزل سليم

كان بينزل كل حبه مستقله بذاتها هههههههههههههههههه

1537941210415340yj0

دا انا شيبتك يامامتي مقالب

هقول ايه ولا ايه انا البلاوي اللي عملتها معاكي بجد لاتعد ابداااااااااااا

مش بنتك السوسه زي مابتقولي ههههههههههههههههههه

نيجي للتربيه والمذاكرة

طبعا  تربيتك لينا هي اللي مخلياني دلوقت كيارا اللي بيعرفها بيحترمها ربنا يخليكيي ليا يااجمل ام في الكون

اما المزاكره مش هنسي مادة الرياضة اللي خلتنيي اعشقها واطلع الاولي في المدرسة عليها اينعم انا كملت تاريخ بس الاهم انك كنتي محبباني فيها

كل المواد كنتي بتزاكريها لينا وبتراجعي معانا ووقت الامتحانات بتاخدي اجازه وبتروحي معايا الامتحان وبتستنيني

ولما كنت باخد درس كان بيبقي في البيت وبتفضلي قاعده قدامنا شايفه المستر بيقول ايه كنت ساعتها بتضايق لكن عرفت بعد كدا انك صح وان غلط نتساب مع المدرس في اوضه مغلقة زي ما الكل كان بيعمل

ولما بقيت في الكلية وبقت المواد مختلفه وكبرنا كنتي بتقعدي تقري القران جنبي وانا بزاكر وبتديني الامان حتي لو مش بتزاكري معايا

كبرت معاكي في حضنك ياامي

sk-01b-mothersgen
كبرت لقيتك صديقتي واختي

حتي في مرضي بجد عانيتي معايا كتير فيه لاني كل شويه عيانه

ماما انا باقر وباعترف اني دوختك اوي


في شقاوتي وحياتي وفي كل حاجه


ربنا يخليكي ليا يااحن ام في العالم

وربنا يستر ومش بنتي تعمل فيا كل دا لحسن هشد شعري ويقولو البت اتجننت

بحبك يا مامتي  ياعسل يااجمل ام

04d342770aaaaa4602328c12828e5c8c

62 كلام قلوبهم:

كيــــــــــــارا يقول...

بحبك يامامتي يااغلي من كنوز الدنيا

طوبة ذهب وطوبة فضة يقول...

rbna ykhlehalk ya rab wtfra7 beky wboladk ya amraya wtgeby bnt shaaya zayk bs htsta7mleha lan el omoma de a3zm ghreza fldonya

طوبة ذهب وطوبة فضة يقول...
أزال المؤلف هذا التعليق.
كيــــــــــــارا يقول...

ربنا يسترررررررررررررررررررر لحسن بجد الامهات بتعاني معانا

نورتيني ياعسل

adel يقول...

انا جيت

هاقولك حاجتين لاني بجد مستعجل بس مقدرتش معلقش عندك و مش هاستني افضي كمان ساعة :):)

اولهم : طبعا ايه الحاجات دي بجد مسخرة بالذات الزيت :):):)
بس فعلا اكيد ماماتك نفس طيبتك عشان اكيد انتي زيها و مسير بنتك هتبقي زيك :):)

تاني حاجة انتي مجتيش لقاء المدونين ليه انا كنت هاقولك بس انشغلت ...كان بجد يوم جامد قوي :)

نهــــــــــار يقول...

السلام عليكم......
ربنا يخليلك مامتك يا كيارا يا عثل إنتي ...ههههه
ولو بنتك طلعت زيك دي حتبقى حكايه ....
كان الله بعونك دعوة الأم مستجابه حضري نفسك ...
سلامي لماما ...
في أمان الله..

أحــوال الهـوي يقول...

ربنا يخليك لمامتك و لينا
الشقاوة مطلوبه

و ده ذكاء


تحياتي

وومن يقول...

هههههههههههههههه كل دع عملتية في مامتك لا ليكي حق تخافي علي نفسك

بعد الشر علي نفسيتك يا كيارا احنا قاعدين مستنين اهو

ومازلتُ أتعلم يقول...

هههههه
لا ياكيارا

انا لو بنتى طلعت زييى
مش هخليها تعيش لحد يوم الثلاث
ولا الاربع
ههههههههههههههههه

يابنتى مافيش اغلى من الضنى:)

حمد الله على سلامتك ياجميل

Somaya Kamal El Din يقول...

ههههههههههههه


حرام عليكى كل ده
انا كنت ومازلت حمامة سلاااااام طيوبة اوووى


ربنا يخلى لك ماماتك ويخليكى ليها

حسن حنفى يقول...

ربنا يخليها ليكي ويخليكي ليها

يارب

الشاعر الحزين يقول...

يارب يخليهالك ويخليكى ليها يارب

وتفرح بيكى وأنتى عروسه وتفرح بأولادك ان شاء الله

وصدقينى لو بنتك عملت فيكى أكتر من كده هتستحمليها وهتسمحيها طبعا

لأن هى دى الأمومه وهو ده الحنان اللى فى قلب الأم

دمتى بالخير

smilyrose يقول...

تصدقى انا هخصمك

طب اسالى عليه يمكن اكون مت

ههههههههههههههههههههه

البقاء لله فيه بقى ولا عزاء لكيارا

تصدقى لو تخيلنا نفسنا مكانهم

استحاله نتحمل اللى شافوه معانا

من يومين بابا كان بيكلمنى وزعلان بسبب

حالتى الصحية وبيقولى لو انا مكانك

وانتى العكس هتقدرى تتحملى قولت له لا

قالى طب ليه قلت له مش عارفة

بس صعب انى اتحمل كل دا

ساعاتها حسيت بدره الله وحب اهالينا لينا

ذو الوجه المبتسم يقول...

السلام عليكم

بحبك اوى اوى اوى
طبعا مش انتى
دي ماما ههههههههه

خلتينى وانا باقرأ البوست صورة امى مش بتفارقنى

ربنا يخلى لك مامتك ويبارك لها فيكى ويبارك لك فيها يارب

خدى راحتك لحد من تتظبطى وترجعى بحالة افضل ومود احلى

بس اول حاجة عاوز اشوفها منك فى اى تعليق انتى عارفاها
هههههههههههههه
ايون هى دي

تقبلى تحياتى

الازهرى يقول...

طيب أنا نفسى أفهم

لما تشدى فى شعرك هيقولوا اتجننت
ازاى ؟

يا بنتى ات مجنونه أساسا وجنون أصلى مش أى كلام
وألا بتحاولى تعملى نفسك مش واخده بالك من الموضوع ده

بجد ربنا يخليلك مامتك ويخليكى لها
وتكونوا دايما فى سعاده وصحه وأمان

ويرزقك بنت شبهك يارب

hasona يقول...

السلام عليكم

ربنا يخليها لك
وربنا يعينك علي هذه الدعوة
وعلي هذه الكلمات التي خرجت من فمها الي السماء سريعا وأكيد مستجابة ان شاء الله

ويعينك اللي هتشوفيه في تلك الايام وخصوصا مع التكنولوجيا الحديثة والتفكير العبقري للنشأ الحديث وقتها

،،،
وبعدين بلاش الاعلانات عن لبن نيدوا
والا الرقابة هتحذف هذه الاعلانات أو تحاسبك عليها


تحياتي

Manamino يقول...

يخليهالك يارب
وتفرح بيكي عليطول كدة
ويخليكي ليها

مامة مازن يقول...

يا حبيبتى يا كيارا ربنا يخليهالكم يارب ويخلى كل ام
امال ايه هو الجنة تحت اقدام الامهات من شوية ماهو من اللى بنعمله فيهم
طب تعالى شوفى ولادى مجننى يا اختى والله بس يلا الحمد لله ربنا يخليهم ويعملوا اكيد مامتك كانت بتقول كده برضه مش كده
ماما لما كانت بتقول لاختى ربنا يديكى بت وتعمل فيكى زى ما عملتى كانت تقولها بلاش ياماما الدعوة دى شوفىلنا غيرها هههههههههههههه اتجوزت اختى وجابت بنت منتهى الشقاوة نفس مقالب اختى بالظبط ههههههههههههههههههههههه
ربنا يسعدك يا منى يارب ونشوفك فى احسن حال

زهرة الحب يقول...

ربنا يخليها ليكى يارب تخيلى بقى بنتك عملت فيكى كده هتعملى فيها ايه؟

بـــــسمة انـــــــــور يقول...

ربنا ياااااااااااااارب يخليهالك
ومتتحرميش منها ابدا

ويارب تجيبى بنانيت زى القمر ويطلعوا زيك ساعتها ابقى قابلينى لو لاقيتى شعرايه واحده تشديها لانك هتكونى قضيتى عليه هههههههههههههه

وبعدين يعنى وحشاااااااااااااانى موووووت ويارب الهدنة بتاعك تخلص بسرعه بسرعه وترجعلنا
بمووووووت فيك يا منمن

فتاه من الصعيد يقول...

الام لا تعوض بحنيتها

يا ريت اكون نص والدتي مع ولادي

ربنا يخاليهالك ويخليكي ليها

mahasen saber يقول...

ربنا يحليكوا لبعض وميحرمكيش منها ابدا ابدا

وعشان تعرفوا قيمتكوا عندنا وتقدروا قيمتنا عنكوا يا كوكى


عارفه كل ما احس بلهفتى على بيرو وااقله لا فى حاجه وتكون عشان خوفى عليه افتكر ماما علطول

حنين القلب يقول...

ربنا يخليها ليكى ويخليكى ليها

بس ايه الشقاوة دى كلها يا بت
دنا بنتى اللى هموت عليها لو عملت نص اللى انتى عملتيه هحط ليها سم فى الاكل واخلص منها
ههههههههههههههههههههههههههه

بس هفرح اوى لو كبرت ولقيتها زيك طيبه وحنونه ومؤدبه ساعتها بس مش هندم على اللى عملته وهحس بفخر انها بنتى وحته منى
يا رب يا كيارا ربنا يرزقك ببنت شبهك

جــــوه القـــلـب يقول...

من عمل يعمل كل العملناه واحنا صغيرين لازم يحصلنا ولازم هيطلع على عنيناهنروح منه فين ....
ربنا يخليلك مامتك ويخليكى ليها....
rock 

د. ياسر عمر عبد الفتاح يقول...

ربنا يخليهالك
ويباركلنا في كل أمهاتنا وأبائنا

أحمـــــــــــــد أبو العلا يقول...

السلام عليكم

ألف حمدلله على السلامه

ويارب تكوني بخير ويروق بالك ويرزقك السكينه والطمأنينه

رنا يخليك ولدتك ويمتعكم بحياتكم مع بعض

بس ايه المقالب ديه كلها؟
بصي اللي اعرفه انه كله سلف ودين,
هههههههههههه

وشكلك كده والله اعلم هيجيلك بنوته اموره شقيه وهتتعبك شويه بس هتكون ان شاء الله اغلى حاجه في دنيتك

وردة يقول...

ربنا يخليهالك يارب ويحفظك ليها
وتكوني دايما بارة بها
ساعات بحس ان الامهات بيحبو شقاوتنا
بيفرحو بها رغم انا ساعات بتغيظ اوووي
حنعمل ايه بس يا بنتي
طيب ادينا كبرنا والمفروض عقلنا واحنا برضو لسه زي ما احنا
هههههههههههه
ربنا بيديهم صبر علينا منين
مش عارفة
ربنا يخلينا امهاتنا يارب
سلام

مهندس مصري يقول...

إفعل ما شئت كما تدين تدان
دا إنتي بنتك حتشيبك إن شاء الله :))
ربنا يخلي لك ماما و يخليكي ليها و يكرمكم دايماً

ابو على يقول...

عشان كده الام ليها الجنه

سفروتة يقول...

ربنا يخليكي ليها ويخليها ليكي
يعني يخليوا لبعض من الاخر
ههههههههههههههههههههههههههه
لا بجد انتي كارثة
كنتي شقية اوي يا كركورة
اصبري بس وشوفي بنتك هتعمل فيكي ايه
هههههههههههههههههههههه
ادعي بقي من هنا للصبح انك تخلفي ولد
ولو يا بنتي هيعمل فيكي اللي معملتيهوش في مامتك
D:

وحشتيني يا بنت انتي
امووووووووووووووواة
دمتي بخير
:)

maioya يقول...

بجد الام دي نعمه ربنا مديهالنا
مش اي حد يحس بيها
بستغرب اوي لما بسمع عن حد عاق مع اهله
وامه بالذات
ماما مسافره السعوديه كمان اسبوعين
وانا مش راضيه افكر انها هاتسبنا شهر
بحاله كده
انتي خليتيني افكر مع اني عاوزه انسي
:(
يارب يخليلك مامتك وكل امهات المسلمين
ويفرحهم ديما بينا يارب
جميله اوي ياكيارا :)

Hossam يقول...

صديقتى الجميلة كيارا
وحشتينى جدا جدا ومش هقولك زعلان انك مش بتخشى عندى بس عزرك
ربنا يخليلك ممتك يا رب وميحرمكيش منها ابدا
وواضح انك كنتى مغلباها اوى
فى حد يرش زيت hahahahahahhahahaha
والله جامدة ولا حتة الكرسيين اللى فوق بعض والله الواحد هيخاف منك بعدين
وحشتنيى جدا
كل سنة وانتى بخير و رمضان كريم
تحياتى

EMMY BABY يقول...

هههههههههههههههههههههههههههههههههه يخربيت كدة

ضحكتنى اوى بتاعت ايه الدوشة دى

بحب اوى مواقف الطفولة دى
ربنا يخليلك مامتك يارب ويخليلنا امهاتنا

تحياتى

ايمى

*البت المشمشية *حلوة بس شقية * يقول...

ربنا يخليهالك يا حبيبتى

مشمشه يقول...

ربنا يخليهالك يا رب ويكرمك باطفال زى السكر زيك كده ويومها حتعرفى قيمتها اكتر واكتر ربنا يخليكو لبعض

عمرو يقول...

ربنا يخلى لك ست الحبايب و يخليكى ليها و يجازيها خير جزاء عن معاناتها معاكى يا مولان :)
و على فكره الأبهات كمان بيعانوا معاناه جنونيه زئبقيه فتاكه ثلاثية الأبعاد مع عيالهم بالمناسبه برضو :)
ما هو أنتم ولادنا ربنا يخليكم لينا و أنتم اللى حتسندونا فى كبرنا يعنى أنتم أحسن اٍستثمار فى الحياه الحقيقه ..
تقبلى تحياتى و تقديرى ..

آيوشة يقول...

ربنا يخليكوا لبعض يااااااارب وربنا يكرمك باولاد كتييييير بس مش يتعبوكى زى ما كنتى بتتعبى مامتك

Dr.A.S. black armor يقول...

كل سنة وانتى مامتك والاسة كلها بخير رمضان قرب
وربنا يخليها لك وكل الامهات ربنا يديم عليهم الصحة
ويعنى بقى احنا عرفنا ان الشقاوة دى عندك تاريخ طويل هههههههه
بس هى شقاوة لذيذة بتملا مدوناتنا بالبسمة
وعلى فكرة انا مستنى الجزء الاخير
دمتى بخير

hérisson يقول...

اولا بعتذر بجد عن تأخري في التعليق علي الكلام اللي هزني من جوه
بس كان عندي ظروف كده

بجد يا مني البوست مليان مشاعر حسيت بيها اوي واحترمتها جدا
وعارفة بر الوالدين ثمرة بتحصديها في اولادتك اللي هيجوا قريب وتفرحي بيهم وتلاقيهم شبهك ناجحين وشاطرين ومحبوبين ومؤمنين

زي ما مامتك حصدت ثمرة حبها ليكي واهتمامها بيكي وخوفها عليكي
وبقيتي اجمل كيارا
اللي اي ام لازم تفخر بيها

حقيقي بوست اثر فيا اوي
والحمد لله انك رجعتي بسرعة وما غيبتيش علينا
في انتظار الجزء الاخير من القصة
تحياااااااتي يا كيتي

إبن مصر يقول...

السلام عليكم

ربنا يخليها ليكى ويخليكى ليها

وربنا يرزقك ببنت زيك او زى مماتك لأنكم انتوا الإتنين طيبين وحنيني على بعض جدا جدا ومش هتلاقوا احسن منكم تتمنوه لنفسكم


وترجعلنا ان شاء الله بعد ترتيب الاوراق بأحسن حال بس مش تطولى علينا :)
تحياتى

آه وكفى يقول...

ربنا يخليهالك ياكيارا وتفرح بيكي
وياما انا كمان لعبت في حوض الزرع وبهدلتلها الشقة طين وياما لعبت في الزبالة وطلعلتها عضم الفراخ واتكسرت 8 مراة وتجري تجبسني
العيال دوول هم ياشيخة

بزنس تعيش يقول...

مش اوى كدة يا كيارا


اكيد
ماماتك كانت سعيدة بكل دا


وبالتالى انتى هتسعدى بدا من بنتك


اتكلى انتى على الله وخلفى ومالكيش

دعوة

فاتيما يقول...

طب بذمتك يا شيخة
بعد الكام كلمة الحلوين اللى قولتيهم ف الآخر دول ميبقاش نفسك تجيبى بنوتة زى القمر زيك تقولك كدا ؟!!!!
ربنا يرزقك بنين و بنات و تفرحى بيهم
و يتربوا فى عز جدتهم
يا رب
و لمعلوماتك
شوفى إنتى إتدلعتى و إتحبيتى جامد ازاى من مامتك رغم كل الشقاوة دى
.. بصى بقى بنتك هتتعامل احسن منك الف مرة
أعز الولد يا كيارا
ربنا يسعد أيامك يا حبيبتى و يخليلك ست الكل

قيس بن الملووووح يقول...

ابنتي الشقيه كيار
واضح انك مش مظبطه خالص بدليل انك حرماني من مشاغباتك الممتعه
تحياتي

حاجات جوايا يقول...

اللــه يا كوكى
بوست تحفة
جميلة ذكريات الطفولة اوى
واجمل ما فيها امهاتنا
ربنا يخليهم لنا ويباركلهم فى صحتهم وعمرهم وفينا

كل سنة وانتى طيبة يا قمر
والى الله اقرب وعلى طاعته ادوم


لما تفضى تعالى استلمى التاج اللى عندى يا جميل

رمضان كريم

أنفاس الصباح يقول...

الله ..

خلتينى احب مامتك قوى

واحب فيك احاسيسك الندية ووفائك لمامتك

ربنا يخليكوا لبعض وميحرمكمش من بعض

انا جيت علشان اشكرك على زيارتك لى ودعائك الجميل الى انا فعلا محتجاه

والغريبة انى لقيتك بتمرى بحالة شبيهه
الظاهر انها عدوى :)

رمضان فرصة جميلة نجدد اروحنا المرهقة والمظلومة معانا

واكيد هنكون احسن بعد شحنة الايمان الى رمضان ممكن يوفرها لنا لو اسغليناه كويس

ربنا يقويك ويوفقك ويرضيك ويرضى عنك

ويباركلك فى ماما وتكونى زيها ام حنونة

كل سنة وانت طيبة يا منى

موناليزا يقول...

ربنا يخليهالك وتستحملك كمان وكمان:)

طـــائر الليــــل الحـــــزين يقول...

ايه يا بنتى
خير
فينك بجد انا مش عارفة حاجة خالص
على العموم تحيااااااااتى
ويارب تكونى بخير
وكل سنة وانتى طيبة والامة الاسلامية كلها بخير

blue-wave يقول...

دانتى كنتى مجرمه وانتى صغيرة:))

Darsh يقول...

هههههههههه

ياه

ده ياريت الاطفال كلهم يبقوا طيبيييييين قوي زيك وانتي صغيرة

براءة و طيابة مفيش كده (",)

و إن شاء الله بنتك تطلع زيك بالظبط

علشان تحبي مامتك اكتر و تقدري هي تعبت علشانك قد ايه :)

ريمان ونوسه فى هاكونا مطاطا يقول...

انت لسه هنا؟


لا لا تعالى بسرعه عندنا


تيمون وبوبما عايزينك


كل ما تضحك اكتر كل تاكل بطاطا اكتر

هاكونا مطاطا

مش هتقدر تغمض عنيك

هاكونا مطاطا هديتنا لكل المدونين عشان نخرج من حاله النكد

هاكونا مطاطا تهييس للصبح

هاكونا مطاطا ... لااااا للملل


هاكونا مطاطا... قول لاء للهم

هاكونا مطاطا.... اوعى تزعل ابدااا

هاكونا مطاطا... ارمى الماضى ورا ضهرك


انسى الماضى اللى يغيظ


يلاااااااااا تعالى مستنى ايه


وياريت تضيف اللينك عندك ومش هتندم

مودتى

Shimaa Esmail يقول...

الأستاذة الفاضلة: كيارا
صاحب مدونة: عالم مولان
" تحية طيبة" وبعد..
اعتذر عن الخروج من موضوع التدوينة، لقد أرسلت لك رسالة عبر البريد الإلكتروني تتعلق باستمارة استقصاء بيانات عن المدونات المصرية تشتمل على البيانات التي تساعدك على الإجابة عن الاستمارة.
أرجو الاهتمام والرد سريعا.
تحياتي وتقديري.
شيماء إسماعيل
باحثة بالماجستير- كلية الآداب جامعة القاهرة.

Abu ShoSho يقول...

و أنا كمان
الجنة غالية يا فارسة و في حالة خالتو أم مولان و اضح أن الثمن كان مضاعفا.

بارك الله لك فيها و لها فيك و جعلك العمل المتصل لوالديك.

تحياتي

قيس بن الملووووح يقول...

ابنتي كيار
المشكله احنا بنعملها وبنعيشها بنجري دائما وراء تطلعاتناورغباتنا التي لا تنتهي ..تعرفي دخل الزوجه ضاع في ايه ..لبس زياده..مصاريف انتقالها... مساحيق وبودرات...مصاريف حضانه للرضيع.... الست زمان كانت بتوفر ده كله وكانت بتغسل علي ايديها وتضبخ علي وابور الغاز وتكوي بالمكوه الحديد وتعصر الطماطم في المصفاه وليس الخلاط او الكتشن ماشين ..وتكنس بالمكنسه الليف مش الكهرباء ...وكانت تخلف سبع اوعشرة وتربيهم احسن تربيه ويتعلموا احسن تعليم وكانت مطيعه لزوجها
ابنتي لقد شققنا علي انفسنا فشق الله علينا

kmt يقول...

السلام عليكم ورحمة الله وبركاته

وانتي بكل صحة ورضا وايمان

تحياتي
الى اللقاء

سماء يقول...

هههههههه


ربنا يكون فى عون مامتك

عايزة اسئل الصورة اللى انت حاطة فى الموضوع بتا عتك وانتى صغيرة

بس كل المواقف اللى حكيتى عنها عسولة

وبالذات النوم تحت السرير

عاشقه الرومانسيه يقول...

ربنا يكون فى عونها
والله لها الجنه
ياجبااااااااااره
(:

آه من قلبي يقول...

ربنا يخليكم لبعض
ويسعدكم
حلو البوت اوي
ممكن تزوري مدونتي هي لسة جديدة

rovy يقول...

السلام عليكم ..
ازيك يا كيارا .. ؟ يارب دايما بخير حبيبتى ..
ربنا يخلى لك ماما و يخليكى لها يارب و ما يحرمكوا من بعض ابدااااا ..
بس انتى بجد كنت شقيه جدااااااااااا
الحمد لله ان الشقاوة الجامده دى اصبحت ذكريات .. ربنا يرزقك كل السعاده انتى و ماما و كل احبابكم ..

كل سنه و انتى طيبه و يارب رمضان كريم علينا و يتقبلنا الرحمن فيه برحمته و غفرانه .. امين

ارق تحياتى

طيـــ الجنه ــــور يقول...

عاوز تعرف دينك اكتر

وكمان ازاى تكسب ثواب وحسنات فى نفس الوقت

تعالوا زروروا مدونه طــ الجنه ـــور

اللى هدفها زياده الثقافه الدينيه وكمان خدمه الاسلام

عاوزين تعرفوا ازاى تخدموا اسلامكم انتوا كمان وتكسبوا ثواب

تعالوا وهتشوفوا بنفسكوا

صدى الصمت - عاشقة الورد - يقول...

أنا كمان كنت مجنناهم وأنا صغيرة ودلوقت طلع على عينى لأن بنتى بتعمل فيا كل ال عملته زمان
كل سنة وانتى طيبة يا كوكى ورمضان كريم

حياتي كلها لله يقول...

السلام عليكم

واااااو يا كيارا
مش قادرة أقولك كلامك مأثر في قد إيه

تخيلي إن مقدرتش أطلع من عندك غير لما قرأت أحلام وردية كلها من أولها لآخرها كمان

هاااااااااايلة مووووت
بس فين بقي الجزء الأخير
بسرعة بقي بالله عليكي أنا أصلي بجد مبحبش الإنتظار


تحياتي
سلمي