عالــم مــولان عالــم مــولان
randomposts

آخر الأخبار

randomposts
randomposts
جاري التحميل ...

قلبك بيشوف الحقيقه .. الخوف والشك بس هما اللي بيعموا

  1. هو انا هقسم قرايته على اجزاااء
    ينفع!!!

    ردحذف
  2. ايه ده!!!!

    ده كان اول كومنت
    عااااا
    :d

    ردحذف
  3. طيب اذا كان كده ققراااه وهاااجي اقول رائي


    :)
    بس مبدئيا خلي التهنئة في الاول
    كل سنة وانتي طيووبة
    رمضــــــــان كريم يا كيارا

    ردحذف
  4. احم,,, مش طويلة اووي ولا حااجة

    عجبني تحليل الدكتور لوصف الشخصيات الوهمية الغير واقعية لاحتياج شديد ليها
    بيفكرني باطفال لما حد قريب منهم بعيد قووي بيتيخيلوا شخصيات تعتني بيهم

    وحلووة اووي حركات محمد,,, وخلاص الامهات صدقوا ووفروا شقة

    الحوار,,,
    محمد ( وهو يقبل يدها ) : انا ملكك يا ندى

    ندى : و انا جاريتك يا محمد

    محمد : لا يا ندى انتي اميرتي وتاجي انتي اللي هتحافظي عليا وعلي شرفي وعلي كل شي يخصنا

    قشـــــــدة,,, جميل رده

    بالنسبة للاسلوب يا كياارا حلوو وممتع فعلا
    جوود لاك ان شاء الله

    رمضـــــان كريم

    ردحذف
  5. انا جيييييييييييييييييت

    ردحذف
  6. انا بس بحجز تاني تعليق
    هقرا ورااااااجع

    ردحذف
  7. ♥ Am fOpa'D ♥

    *****************

    مبروك عليكي اول تعليق ياقمر
    وكل سنه وانتي طيبه

    مبسووووووووووووووووطه ان الحوار عجبك والقصه عجبتك

    واه لازم الامهات يوفروا للعيال مش يعقدوها

    ردحذف
  8. محمد
    *******

    نورت البييييييييييييييييييييييت

    واحجز ياعم براحتك اقرا ومستنيه ردك

    ردحذف
  9. لا بجد ماشاء الله عليكي اول تجربة موفقة جدا والقصة كلها بصراحة عجبتني جدا
    حتى اني كل جزء اقراه ابقى متشوق اقرا اللي بعده على طول وده اهم عنصر
    المهم ماتقفيش وامتعينا بالجديد
    بالتوفيق ان شاء الله

    ردحذف
  10. ربنا يخليك يارب يامحمد

    دا بس من زوقكك :)

    ردحذف
  11. ايه الرقه دى
    كل سنة و انتى طيبة و رمضان كريم

    ردحذف
  12. !!!!
    انا قولتلك قبل كدة
    لو كانت بالفصحى كانت حتبقى احلى
    مش لازم فصحى كلها او عامية كلها
    ممكن فصحى على عامية فى بعض المواقف

    بس ان شاء الله تجاربك القادمة تكون
    متميزة و أفضل

    انا ممكن اجاملك و اقولك هايل و مفيش زيه
    بس الصراحة فكرة القصة مستهلكة حبتين

    كلنا مش متخصصين عشان نقيم بعض
    بس اعتقد ان النقد بيبقى ساعات كثير افضل من المدح
    و لا ايه
    ؟!!
    -------
    صحيح القصة ديه خيالية اوووى

    ام مين فين ديه اللى تسيب شقتها لبنتها
    و لا عروسة ايه اللى ترضى بجواز من غير فرح
    و من غير عفش جديد
    !!!!

    بس منكرش ان الجزء الأخير الرومانسى اوووووووى عجبى بجد

    خلانى و انا بقراه فى حالة من الفرحة
    الممزوجة بالحزن
    على اعتبار انه احتمال كبير لا انهارده و لا بكره و لا فى اي يوم
    حكون مكان الأخ محمد ده
    :-(

    مع تحياتى

    ردحذف
  13. بصي ياكيارا
    انتي عارفة ان مش بجامل ابدا

    لحد ما جاله انهيار تحفة

    حتة الارواح و الحاجات دي معتقدتش انها حقيقة علمية (دخلت علي اسف علي الازعاج بس بشكل جديد) وده مش صح لان القصة مش خيالية (الفكرة دي ليها استخدام تاني )

    حتة بقي المستشفي و الفرح و الامهات
    للامانة
    فيلم عربي من السيتينات

    انا طبعا كده شردت القصة

    بس طبعا يابخت من بكاني
    يعني انا انقدك عشان القصص اللي جاية تبقي بشكل محبوك اكتر و كمان حولي تستخدمي افكارك دي في قصة احلي

    يعني حتة افكارهم من تقبلهم مرة واحدة دي خيالية موت بس تتقبل لو القصة نفسها فيها خيال كتير
    هتقولي مش بكتب خيال علمي هاقولك جربي
    الكتابة ايه غير تجارب
    كمان انتي غارقة في الرومانسية يعني كلام ندي و محمد ماهو الا حلمك انت و عريسك بجد ليوم فرحك ودي احلام مش عيب
    بس خرجتي القصة عن مسارها
    يارب مايكونش تعليقي سخيف او غرضه احباطك
    بالعكس انا بعمل كده عشان عاوز ااقري اللي جاي و حاسس انه هيكون افضل بكتير
    وخصوصا الرومانسية ...ناقص بس اغنية او مزيكا في المدونة
    بس ارجوك بلاش تيتانيك زي باقي البشر لاني مش بحبها :(

    ردحذف
  14. حلووة اوي القصة يا كيارا

    انا قرأتها كلها ^-^

    ردحذف
  15. على فكرة كنت هزعل قوى

    لو انتهت نهاية غير كدا

    بجد فرحتينى برغم ان قلبى حزين

    ردحذف
  16. اخيرا اتجوزوا يااااااه

    بس يا رب ما يطلعش حلم في الاخر

    ردحذف
  17. إيه ده !!!!!!
    أنا كنت فين كل ده ؟؟؟؟؟
    لازم كل مرة أجي على نهاية الفيلم
    عمري ما شوفو من الأول أبدا
    عاااااااااااااااااااا
    بس يلا أهم حاجة إن النهاية سعيدا

    و يا رب أحلامنا كلها تتحقق :)

    ردحذف
  18. جميله يا كيارا
    والنهايه جميله

    بس فيها خيال قوي
    وفي كل الاحوال اسلوبك حلو وممتع

    احييكي
    ورمضان كريم

    ردحذف
  19. ايه القصص السيكوباتيه دي

    دكتور روحاني حضرتك
    انت انسانه خياليه حالمة الي اقصي درجه من طيبة القلب و البراءة ده رائي فيك من زماان و اتأكدت منه ميه في الميه


    قصه و اقعيه في الخيال و خياليه في الواقع

    كل سنه و انت طيبه و يارب رمضان عليك و انت محققه امانيك

    تحياتي

    ردحذف
  20. اهم حاجه ان احساسك الصادق وصل اوى عقبالك ياقمر كل سنه وانتى يارب بالف خير وصحه وسعاده

    ردحذف
  21. ما شاء الله أسلوب القصة جميل والحبكة كمان لذيذة

    بس اشمعنى اعدادي هندسة يعني؟ مش حرام عليكي البنت الرقيقة دي تدفنيها في لومان الهندسة

    مش كنتي تخليها ألسن ولا تجارة علشان ماتنكديش على القراء :)))

    تحياتي

    ردحذف
  22. اية القصة الجميلة والرائعة دى
    بجد جميلة جدا جدا جدا
    ويمكن دى اول قصة تشدنى واقعد اٌقرأها للنهاية

    كل سنة وانتى طيبة

    ردحذف
  23. محتاج أقراها من الأول علشان أقول رأى

    تحياتى

    ردحذف
  24. السلام عليكم يا كيارا هانم
    مررت لأقول
    كل رمضان و أنتي إلى الله أقرب
    تحياتى

    ردحذف
  25. ايه ده كله

    كنت هعيط جنبها

    والله زى العسل بجد

    ردحذف
  26. السلام عليكم


    انتى عارفه يا كيارا انى جسمى كان بينتفض وبيرتعش لما كان احمد ووالدة محمد راحوا يسألوا البقال على مين هنا اسمها ندى كنت خايف أحسن تطلع وهم ومحمد يطلع فعلا موهوم
    هو فعلا طلع بيحلم ولكنه مش وهم بيحلم بالحقيقه
    التقاء الأرواح اجمل انواع الحب

    بصراحه عيونى دمعت من فرحة لقائهم وادعوا الله ان يجمع كل حبيبين فى الدنيا والأخره

    وربنا يبارك فيكى على القصه الأسطوره دى
    الأجزاء كلها انا قريتها وكلها عجبتنى جدا جدا
    بجد مش عارف اشكرك ازاى على القصه دى
    بس هقولك ايه غير متشكر يا احلى كيارا فى الدنيا فرحتينا بقصه جميله
    :)

    ردحذف
  27. السلام عليكم

    قصه طيبه ومؤثره

    ربنا يوفق حضرتك

    كل سنه وحضرتك طيبه

    ردحذف
  28. اولا كل سنه وانتي طيبه

    ورمضااااان كريم

    بالنسبه للقصه, هيا الفكره في الأصل جميله بس النهايه ممكن تكوني استعجلتي فيها

    لا لا لا انا مش بقول عشان احبطك او تزعلي, بس الفكره كله ان فعلا الفكره لذيذه
    ياريت الأحلام تبقى كلها كده

    ردحذف
  29. لالالالالالالالالالا
    الموضوع كبير وعايزله يجى جردل شاى
    اروح انا اصلى واجى استتربع قدام الكمبيوتر واقرا بقى بمزاج

    ردحذف
  30. السلام عليكم
    ايه يا بنتى الاحساس ده

    خلتينى اعيش القصة كانها واقع بجد

    حاسس ان الرومانسية والخيال فيها عالي شوية

    تسلم ايدك

    كل سنة وانتى طيبة

    ردحذف
  31. انتي شكلك بئالك اجزاء كتير وانا متبعتكيش من الاول فهقرأ مع نفسي وارجع ارد
    انا بس قولت اقولك ازيك وكل سنة وانتي طيبة عشان لئيتيك وحشاني
    أموووووووه

    ردحذف
  32. ازيك
    وحشانى
    انا كنت غايبه الفتره اللى فاتت..هاقرا الاجزاء الى فاتتنى و بعدين ارجع


    كل سنه وانتى طيبه

    ردحذف
  33. احلام جميله متكتبهاش الا بنوته اجمل

    يله بئه تصبحى على خير يا كوكه

    ردحذف
  34. طبعا هي قصه جميله بس خليني اكون صريحه فيها جزء كبييييييير غير واقعي وكمان حلولهم لموضوع الشقه وان حماتها وحماته يعيشوا سوا كمان ماعجبنيش يفتقد للواقعيه بصراحه

    بصي ياريت ماتزعليش من كلامي هي قصه جميله جدا بس حالمه جدا جدا

    وطبعا تسلم ايدك

    ردحذف
  35. جميله جدا جدا جدا تسلم ايديكى بجد عيشتينى فى حاله فعلا زى الحلم زى الاحلام اليقظه الى الواحد غرقان فيها دلوقتى ما علينا كل سنه وانتى طيبه يا كيارتى يا حبيبتى ويا رب دايما تكتبيلنا حاجات جميله كتييييييييييير كتييير كتيييييييييير

    ردحذف
  36. السلام عليكم

    محاولة جميلة

    ان شاء الله يكون لك في المستقبل محاولات أخري جيدة وجميلة



    وكل سنة وانت طيبة بمناسبة قربنا من عتبة شهر رمضان

    ردحذف
  37. معقول دى أول تجربه ليكى فى الكتابه ؟؟
    أشك ..
    بس و الله برافو عليكى يعنى عرفتى تتحكمى كويس فى الأحداث و الشخصيات و التصارع ( مش التسارع ) الدرامى ..
    فيه أجزاء كنت بأتلخبط فيها شويه بس لما بأعيد قراءتها كنت بأفك غموضها و مش عارف هل ده يعتبر عيب أم ميزه فى الكاتب أو الفنان بصفه عامع لأن فيه اٍتجاهين اٍتجاه بيقول مش المفروض اٍن المتلقى يفهم من أول مره أو من أول لمحه و اٍلا يبقى فن سهل و مش متعوب فيه و اٍتجاه تانى بيقول لازم المتلقى يتعب و يكرر محاولة الفهم علشان يقدر يستوعب الموضوع سواء كان مكتوب أو مرئى أو مسموع ..
    بدايه جيده و أتمنة نقرا لك اٍنتاج جديد ..
    تحياتى و تقديرى ..

    ردحذف
  38. السلام عليكم ورحمة الله وبركاته
    كيارا
    كل سنة وانتِ طيبه
    ورمضاااااااااان كرييييييييييييم
    القصه حلوة ورومانسيه خالص
    وده اكيد الطبيعى بتاعك
    ههههههههههههههه
    صحيح فيه اخطاء بس مع الوقت والكتابة الكتير الدنيا هتتظبط
    البدايه مبشرة
    كملى بس حاولى تقرى كتير علشان تتعرفى على اساليب مختلفه فى الكتابه وتقدرى تستفيدى منها وتزودى موهبتك
    تقبلى مرورى وتحياتى
    وكل سنه وانتِ طيبه
    ســـــــــــــلام

    ردحذف
  39. ياعينى ياعينى

    بجد بعد لما جسمى قشعر فى بداية القصة انه طلع حلم دلوقتى حاسة ان قلبى بيرقص من الفرح والله بجد مش هزار

    الله الله عليكى تنفعى مؤلفة هايلة بجد

    معقولة دى اول تجربة ليكى اومال الجاى هتعملى فينا ايه

    بحب انا النهايات السعيدة

    لا وحلو حكاية التوفير دى هههههههههههههههههه لو كل الستات زى ندى كانت الرجالة ارتاحت

    وجميل ذكرك للتفاصيل زى دخل الاوضة وابتسم وقالها بحبك وصلاة الزواج كدة يعنى


    تحياتى

    ايمى

    ردحذف
  40. كيارا

    كل سنة وانتى طيبة وبخير دايما يارب

    رمضان كريم

    ردحذف
  41. لو كان دا حلم يا ريته يطول

    ردحذف
  42. ايه دة يا كيارا القصة حلوة قوي وخطفت قلبي دة انا حتي عونيا دمعت

    بس حكاية انهم بيحلموا ببعض دي مبلعتهاش خيالية زيادة عن اللزوم بس الواحد محتاج لجرعة رومانسية كدة

    كل سنة وانتي طيبة

    ردحذف
  43. بجد فصه حست بانفسي عبشتها ههههههههههه خلتني احلم معاهم ههههههههههههه
    ياريت لو احلامنا بتحقي زي دول هههههههه بجد قصة جميل نهايتها جمي
    كل سنه وانتي طيبه رمضان كريم تقبل الله مني وممنكم

    ردحذف
  44. الصراحة هو حلم كل واحد فى الشباب اللى مش متزوج انه يتخيل نفسه فى عالم تانى غير الواقع وممكن يقع على جذور رقبته عندما يصطدم بالواقع ولا يجد لحلمه سوى ذكرى فى العقل الباطن..

    ولكن الحلم يصبح ممتع وذات معنى ملموس ويصبح حلماً حقيقياً إذا حاول الحالم تحقيق الحلم كما فعل محمد فى الجزء الأخير

    وهذا رايى فى الاحلام

    فى مقال ما أجمل أن نحلم
    من هنا

    ردحذف
  45. جميلة يا كيارا
    بس واضح انك بتتكلمى عن ناس مش من الزمان ده
    الرومانسية الشديدة والاحلام الوردية زى ما سمتيها
    يعنى تفتكرى موقف زى بتاع الشقق والتجهيز ده ممكن يكون حقيقى
    هى رائعة عيشتنى فى دنيا تانية من الصفاء والنقاء
    واضح ان انتى قلبك ابيض قوى يا كيارا
    كل سنة وانتى طيبة
    واستمرى

    ردحذف
  46. مش لاقى غير انى اقولك
    يخرب بيت دماغك:))

    ردحذف
  47. كيااااااااااااااااارا
    روعة بجد القصة
    ونهايتها حلوة
    الحمد لله البت سابت النكد
    كل سنة وانتى طيبة

    ردحذف
  48. القصه جميله يا كوكى بس حساها رومانسيه فوق الخيال
    كنت اتمنى ان الاقيها فعلا فى الحقيقه لكن نادر او يكاد يكون معدوم وجودها اصلا
    بس احنا يهمنا ايه غير اللحظات الجميله اللي سرحنا معاها فى الخيال وخلاص
    لا بجد تجربه هايله وبداية موفقه كملى واحنا وراكى بس الله يكرمك بلاش احلام علشان لما بتخلص القصه بننصدم بالواقع تانى نقول ييييه
    خالص تحياتى ليكى وبالتوفيق يا رب
    كل رمضان وانتى بخير يا قمر

    ردحذف
  49. الحلم جميل زيك فعلا
    الانسان الجميل كل حاجه تطلع منه تبقي جميله فعلا
    تسلم ايدك ياكيارااااااا
    كل سنه وانت طيبه

    ردحذف
  50. كل سنة وانتى طيبة
    رمضان كريم عليكى

    جميل اوى الجزء ده برغم انى بصراحة مقريتش الاجزاء اللى فاتت لانقطاع النت
    "يرفض واقعه رافض ان يكون مجرد آله بدون ان يعيش انسان يملك قلب وروح "
    فعلا الانسان كده

    احييكى على البوست

    ردحذف
  51. كل سنه وانت والاسرة بخير
    رمضان كريم
    اعادة الله علينا وعليكم بالخيرواليمن والبركات
    لا تنسونا من صالح دعاءكم

    ردحذف
  52. السلام عليكم...

    حلوه النهاريه دى والقصه والله كانت حلوه جدا جدا


    ازيك اخبارك ايه؟؟

    كل سنه وانت طيبه يارب يعيده علينا وعليكم بكل خير

    ردحذف
  53. اولا انا بعتزر جدا جدا عن تأخري

    ثانياااا رمضااااااااااان كرييييييييم يا كيتي كل سنة وانتي طيبة

    ثالثا
    القصة رائعة بكل المقاييس عجبتني جداا
    وفيها تشويق مابين الحلم والحقيقة
    ونهايتها سعيدة الحمد لله

    تحياتي يا مني لقلمك المبدع
    ورمضااان كريييييم

    ردحذف
  54. كل سنة وانت طيبة
    ورمضان كريم
    ربنا يتقبل مناومنك
    على فكرة دي تهنئة من القلب لأخت غالية جدا
    خالص تحياتي

    ردحذف
  55. كيوره
    كل سنه وانتي طيبه باقطه
    رمضان كريم

    ردحذف
  56. ازيك يا كيارا

    كل سنه وانت طيبه

    رمضان كريم

    ايه يا بنتي الدماغ العاليه دي

    بس الموضوع فانتازي اوي

    يعني لايونكن تلاقي زيها

    ههههههههههههه

    ردحذف
  57. كيااااااارا


    كول سنه وانتي طيوووبه وبالف خير وصحة وسلامة

    وربنا يعود عليكي الايام بكل خير وفرح ورضا وراحة بال

    رمضان كريم عليكي يا بنوته

    ردحذف
  58. كيورةااااا
    المورة وحشتيني ووحشتني شقاوتك
    كل سنة وانت ومدونتك وماماتك طيبين وكل اللي تحبيهم
    لما اكمل الاحلام كلها على بعضيها ابقى اقول انها جميلة جدجا لكن لسة ما كملت قرايا
    تحياتي

    ردحذف
  59. انا قرأت البوست ده من اول لما

    نزل وحته سبتلك تعليق ع الميل

    عشان بلوجر مكنش راضى يدخل هنا

    ع العموم هو رررررررررررررررائع

    وجميل جدا ....

    ورمضااااااااااااااااااااااااان

    كرييييييييييييييييييييييييييييم

    يااااااااااااااااااااااااااااجميل

    وكملى القصه دى رائعه انا قرأت

    الفصول كلها بجد جميله

    سنديسوووووووو

    ردحذف
  60. السلام عليكم ورحمة الله وبركاته

    كل سنه وانتى طيبه

    ورمضاااااااان كريم

    فى رعايه الله

    joker

    ردحذف
  61. يا سلام يا كيارا لو كل الاحلام تبقى حقيقه وتنتهى النهايه الحلوه دى
    ربنا يسعدك دايما
    وكل سنه وانتى بكل خير
    تحياتى

    ردحذف
  62. كــل عـــــام وانتم بــخـــــيــر

    ردحذف
  63. اييييييييييييييييه ده كله

    ايييييييييييه ده كله

    اييييييييييييييييه ده كله
    ( مع الاعتذار للفنان محمد صبحي)

    واول تجربة؟!!!!!!!

    يا ما شاء الله يا ما شاء الله

    ممتاز جدا وعندك استعداد هايل

    كل سنة وانت طيبة ورمضان كريم عليكي

    ثايمة الثنة دي ولا لحد الضهر بث؟

    ردحذف
  64. السلام عليكم


    كل سنة وانتى طيبة وبخير


    رمضان كريم

    مع خالص تحياتى

    ردحذف
  65. حلو الالسلوب و الخيال بس احيك من باب ما نحلم شنو المانع لان القصه فيها كمان رومانسيه شدتني اكمل قرايتها ان شالله حابا اقراء الباقي بي مزاج
    تحياتي
    ورمضان كريم
    علا

    ردحذف
  66. بجد خطيرة ولكي مستابل
    فعلا حلوة اوي بس خيال
    انا عجباني القصة لسببين الاول انها تحفة والتنية ان انا على طول عيشة في عالم الخيال زي حاة ندي

    ردحذف

احلام ورديه الجزء الرابع والاخيــر



يبتسم محمد ابتسامه رقيقة صافية .. و تغمر عيناه السعادة وهو يسمع زغروطة والدته .. يفتح محمد عيناه يجد نفسه جالس داخل شرفته وينظر الي والدته وهي بتزغرط

محمد ( يحدث نفسه) : ايه دا هو انا جيت من برا وعنيا غفلت ادام بلكونة ندي ولا ايه

والدته : مش فاهمه

محمد : هو احنا مشينا امتي

والدته : مشينا فين

محمد :مشينا من النادي

والدته :احنا مرحناش النادي من اكتر من عشر ايام ليه يا حبيبي

محمد : امال انتي بتزغرطي ليه

والدته : ما انت نايم وسرحان اختك يا حبيبي جابت بنوته زى القمر النهارده

محمد ( يحدث نفسه ):يعني ايه انا كنت في حلم ، كان وهم

وينهار محمد ويكسر في كل ما تصل له يداه

ويردد ( وهو في حاله هياج تام) : لا كفاية حرام انا تعبت انا عاوز اعرف انا ايه عايش ولا ميت صاحي ولا نايم انا فين انا في دنيا الغدر عنوانها راحت كل حاجه حلوه بحلم بيها انا ابقي عايش ليه وعشان مين ويصيح

ووالدته تحاول ان تهدئه لكن بلا جدوى ويخر محمد ساجدا لله ويدعو له وهو ينتحب محمد :يا غياث المستغيثين اغيثني يارب انا عبدك الضعيف الجأ اليك

وتزداد ثورته اكثر فأكثر ويزداد صوت بكائه وانهياره وتسرع والدته بالاتصال يا احمد صديقه

والدة محمد : احمد الحقني بسرعة محمد منهار . محمد بيروح مني يا احمد

احمد : انا جاي حالا يا ماما

ويزداد دعاء محمد وبكاءه حتى سقط مغشيا عليه فأسرعت والدته عليه وتحاول ان تيقظه بكل ما اوتيت من قوة

والدته : فوق يا محمد فوق يا ابني انا ماليش غيرك .. دا انت راجلي وسندي ياابني حرام عليك اللي بتعمله في نفسك دا .. دا مايرضيش حد


وحاولت والدته بشتى الطرق افاقته لكن بلا جدوى فقد غاب عن الوعي تماما غاب لانه يرفض واقعه رافض ان يكون مجرد آله بدون ان يعيش انسان يملك قلب وروح وتظل امه تبكي فهى كانت تخشي ان يكون فارق الحياة ودقائق وطرق احمد الباب فأسرعت اليه والدة محمد

والدة محمد : الحقني يا احمد محمد بيروح منى

فيسرع احمد عليه فوق يا محمد ويحاول ان يلكمه حتى يفيق لكن بلا فائدة فاتصل علي الفور بالإسعاف كي تنقله الي احد المستشفيات وبالفعل انتقل محمد الي المستشفي ومكث الطبيب في الغرفة مع محمد وقتا طويلا كادا فيه قلبيهما ان يقفذا خارج الصدور فاسرعا اليه كي يطمئنهم علي حاله محمد

والده محمد : طمنا يا دكتور عنده ايه

الطبيب : واضح انه اتعرض لصدمة شديد جدا مقدرش يتحملها سببت له انهيار عصبي انا إديتله حقنه مهدئه بس محتاج حد منكم يحكي لي ايه اللي حصله .

والدته : حاضر يادكتور

وذهبوا الي غرفة الطبيب وروا له كل ما يعلموه من تفاصيل عن حلم محمد

الطبيب : انا فهمت الموضوع كدا روحوا انتو دلوقت هو مش هيفوق غير بكره

والدته : بس يادكتور

الطبيب (يقاطعها) : صدقيني ياحاجه لو هو محتاجكك دلوقت كنت هقولك اقعدي معاه هو محتاج يرتاح

وينصرفا من عند الطبيب وعندما وصلا عند مدخل المستشفي

والدة محمد : تعالي يا احمد معايا نسال عن ندي

احمد : انتي مصدقاه ياماما

والدة محمد : انا هسال يا احمد يمكن تكون شخصيه حقيقية مش من خياله بس هو بيحلم بيها وبيتخيل انها بتكلمه

احمد : خلاص ياماما اللي تشوفيه

ويذهبون الي عم احمد البقال

والدة محمد : عم احمد في حد في المنطقة هنا اسمه ندى

عم احمد : في كتير يا حاجه

والدة محمد : لا انا اقصد واحده تكون في مكان كاشف بلكونتنا

عم احمد : اه في

والدة محمد (بلهفه ): فين ياعم احمد

عم احمد : في بنت اسمها ندى في عماره 2 الدور الاول

وتنظر هي واحمد الي شرفتها يجدوها بالفعل كما وصفها محمد ويشكرون عم احمد وينصرفوا

احمد : يلا بينا نطلع يا ماما

والده محمد : مش نسال الدكتور

احمد : لا يلا نطلع وبعدها نساله نتصرف ازاي

في اثناء هذا الحوار دخل الطبيب غرفه محمد وحاول ان يحدثه لكنه كان يلتزم الصمت

الطبيب : انا عارف الموضوع .. ويصمت برهه من الوقت

فينظر محمد اليه بانتباه

فيكمل الطبيب حديثه : اوقات لما بنكون مختلفين عن الناس اللي عايشين حوالينا وتفكيرنا في المعنويات اكتر من الماديات بنخلق لنفسينا شخصيات نرسم شكلهم نحدد سماتهم وصفاتهم عشان نقدر نعيش وبنتوحد معاهم توحد تام لكن لما بنكتشف انهم مش ليهم وجود بتكون الصدمه وهو دا اللي انت حاسس بيه صعب تحلم يا محمد في زمن بيقتل الحلم قبل اما بيتولد

محمد ينظر الي الطبيب بصمت

الطبيب : طيب نكمل يوم تاني اسيبك ترتاح

ويصعد احمد مع والدة محمد الي منزل ندى

ترررن تررررن ترررن

وتفتح والدة ندى

والدة ندى: اهلا وسهلا مين حضراتكم

والدة محمد : انا ام محمد اللي ساكنه في العماره اللي قدامكم

والدة ندى:اهلا وسهلا بيكي اتفضلي

والدة محمد : باستحياء لا انا كنت جيالك اسالك عن حاجه

والدة ندى:لا والله ما ينفع لازم تتفضلوا الاول هو ينفع الكلام علي الباب كدا

ويدخل احمد ووالدة محمد ويجلسون في غرفة الضيوف وتجهز والده ندي كوبين من العصير لتقدمهم الي الضيوف وتبدأ الحديث ام محمد

والدة محمد : انا عندي ابن اسمه محمد مهندس اسم النبي حارسه

ولم تكمل والدة محمد كلامها إلا واعتقدت والدة ندى ان احمد هو محمد وإنهم سيطلبون ايد ندى وتستمر والدة محمد في الحديث

والدة محمد ( تكمل حديثها ) : وكان بيحلم وكل اما يفتكر ان الحلم حقيقة يتصدم ويلاقيه خيال وهو دلوقت في المستشفي عنده انهيار عصبي

وتسمع ندي الحوار وتأتي بسرعة بالغه

ندى : محمد في المستشفي

والدة محمد : تبارك الخلاق فيما خلق انتي ندي

ندى : أيوة انا ندي طمنيني يا طنط محمد في المستشفي ليه

ومن سؤال ندي اندهش كلام من والدة محمد واحمد و إتحرجت والدة ندى لتصرف ندى اللاإرادي

احمد : انتي عارفه محمد

ندى : قالته ايوه طبعا وعارفاك انت كمان


احمد ( باندهاش ) : ايه

ندى : ايوه انا ندي بنت الدكتور مروان وكنت في حفله تخرجكم و اتكلمت مع محمد كتير ساعتها وكنت انا طالبه في اعدادي هندسة

احمد : يااااااااااااه انتي .. انا هسالك سؤال واحد وتجاوبي بكل صراحة وعاوز اقولك ان اجابتك علي السؤال دا فيها روح انسان .. انتي كنتي بتحلمي بمحمد ؟؟

ندى : ايوه من ساعه اما شفته في حفل التخرج وهو مش بيغيب عني

احمد : انا كدا بدأت افهم .. انتم شفتوا بعض من 3 سنين مره واحدة ومن ساعتها وانتم في التصاق ارواح بينكم .. دي حاجه مش بتحصل غير في المليون مره معقول وصلتوا لدرجة النقاء دا !

والدة محمد : بصي يا إم ندى لو بنتك فعلا هي البنت اللي ابني حلم بيها انا هطلب ايدها ليه

والدة ندى : والله يا حاجه انتي فاجئتيني وفعلا لو محمد هو اللي ندى كانت بتحكيلي عنه انا مش هلاقي حد غيره ائتمنه عليها

والدة محمد : اتفقنا انا هروح للدكتور واحكيله اللي حصل وهو يشور علينا نعمل ايه

ويذهبوا الي الطبيب المعالج ويروا له ما حدث فيقترح ان تذهب ندى الي محمد وبالفعل ذهبت الي غرفته .. وبمجرد اما عطرها انتشر في اركان الغرفه انتبه محمد اليها ونظر اليها والدموع تزداد تدريجيا لخوفه ان تكون حلم لكن تسابقه ندى والدموع تنهمر من عيونها الرقيقه عندما رأت حبيبها فى هذه الحاله ولكنها تمالكت نفسها وأسرعت اليه تجفف دموعه وتأكد له انها حقيقة وان كل ما حدث هو التقاء ارواحهم وأنهم أصبحوا كيان واحد لكنه كان يحاول ان يكذبها بنظرات عينيه لكنها كانت تصر علي موقفها وتأكد له انها حقيقة
ندى ( بصوت ملحوظ ) : لو مش مصدق اني حقيقة هجيب مشرط حالا و واجرح نفسي عشان تشوف الدم سايل مني .. انا ندى وأنت محمد .. و انا و انت ربنا قربنا من بعض
ولو اول مره يصدر صوت رغم انه مجروح

محمد : اكديلي انك حقيقة واني مش في حلم زى كل مره قالت له اسال قلبك وهو هايدلك

بكي بكاء حار كل من رآهم انهمر وا في البكاء حتى وصل الطبيب

الطبيب : طلع حقيقة اهو يا محمد قوم بسرعة عشان تتجوزوا ولا انت عجباك رقده المستشفي

ابتسم محمد ابتسامة رقيقة تنم عن فرحته رغم اختلاطها بدموع قلبه وعيناه وفي غضون ايام تعافي محمد تماما وذهب هو ووالدته الي منزل ندى وطلب يدها من والدتها واتفقوا علي كل حاجه

محمد : ازيك ياطنط

والدة ندى : ازيك ياحبيبي

محمد : طبعا انا عارف ان ماما طلبت ايد ندي و انا تعبان بس انا اصريت اطلبها وانا بكامل صحتي

والدة ندى : واحنا موافقين يامحمد مروان كان بيشكر فيك جدا وفي اخلاقكك

محمد : ربنا يخليكي يا امي .. طيب انا جاهز بس عاوز نكتب كتاب علطول وفي خلال 6 شهور نكون متجوزين وان شاء الله هاجر شقه هنا عشان نكون جنبكم

ندى : ممكن اتكلم

محمد : إتفضلي ياندى

ندى : انت عاوز تكتب الكتاب ليه ؟

محمد : عشان لما ادخل مش اكون غريب ابقي جوزك

ندى : طيب هو انت هتكون جاهز امتي

محمد : يعني قولي 6 شهور

ندى : طيب انا مش عاوزه فرح عاوزه كتب كتاب وبعدها نلف بالعربيات شويه ونروح بيتنا

والدة ندى : ليه ياندى كدا مش عاوزاني افرح بيكي و اشوفك في الكوشه زي ما إتمنيت

ندى : يا ماما الفرح في القلب ملايين عملوا افراح وبعدها انفصلوا وفي اللي اتطلقوا وهما في الفرح نفسه .. فلوس الفرح نستفاد بيها نزود ونجيب عربيه ، نعمل شهر عسل ، نجيب بيها حاجات في البيت دا افيد لينا ، الفرح في القلب مش في الهيصه

والده ندى : طييب انا عندي اقتراح كمان بدل ما انا اعيش لوحدي ووالدة محمد لوحدها انا وهي نعيش في شقه وانتم تاخدوا الشقه التانيه ويبقي كدا وفرنا ايجار شقه

والدة محمد : والله فكرا حلوه .. خلاص ابدئي واطلعي عندي

والدة ندى : لا احنا خلاص كبرنا وهنجنا وانتم في الرابع و احنا في الاول هما ياخدو الرابع هما شباب واحنا ناخد بتاعت الاول

والدة محمد : خلاص و انا موافقة

ندى(بسعادة بالغه ) : يافكارك ياماما .. كدا يبقي هنوفر في الفرش

محمد : ازاي ياندى هنسكن علي عفش قديم

ندى : استني بس يا محمد احنا نغير اوضة النوم ونشوف ايه عاوز يتجدد ونجدده بس كدا يبقي وفرنا في الشهور وممكن نتجوز بعد شهرين

محمد : لا مش ينفع ياندى

ندى : عشان خاطري يامحمد الفلوس نوفرها في حاجه تانيه احنا ورانا مصاريف ياما

محمد : ماشي ياندى خاطرك غالي عليا

والدة محمد : كدا يبقي متفقين ياجماعه

والدة ندى : متفقين

محمد : نقرا الفاتحه

وقرئوا الفاتحه وكل قلوبهم موجهه لله ودعوا رب القلوب ان يبارك لهم في حياتهم ويرزقهم بالزريه الصالحه .. ومر شهرين علي الاتفاق وجاء موعد كتب الكتاب .. وكان في المشيخة

المأذون : قولي ياندى زوجتك نفسي علي كتاب الله وسنه رسوله وعلي مذهب ابي حنيفة النعمان

ندى : زوجتك نفسي علي كتاب الله وسنه رسوله وعلي مذهب ابي حنيفة النعمان

المأذون : قول يا محمد انا قبلت زواجك

محمد : وانا قبلت زواجك

لولولولووللووللوولولوللوولولولولي

اهل العروسين : مبروك يا محمد مبروك يا ندى

ويخطف محمد ندى من بين الجميع ويركبوا سيارة احمد صديقه وذهبوا الي النيل ووجدت ندى ان محمد مجهز لها نزهه نيليه وهي بالفستان الابيض و لأول مره يقول لها

محمد : بحبك

ندى : ياااااااااااااااااااااه يا محمد اخيرا قلتاها كان نفسي اسمعها اوي رغم اني حساها منك في كل كلمه

محمد : مكنتش اقدر اقولها ياندى إلا لما تكوني مراتي عشان ربنا يبارك لينا في حياتنا لازم كنت احافظ عليكي

ندى : و انا بحبك

محمد ( وهو يقبل يدها ) : انا ملكك يا ندى

ندى : و انا جاريتك يا محمد

محمد : لا يا ندى انتي اميرتي وتاجي انتي اللي هتحافظي عليا وعلي شرفي وعلي كل شي يخصنا

ويذهب محمد الي صاحب الفرقه كي يطلب منه ان يقوم بتشغيل اغنيه الفستان الابيض وبالفعل وافق صاحب الفرقه

الفستان الابيض مش شاغله انسان .. شاغلينه الملايكة لقمر الزمان

ليله بالف ليله والاهل والعيله .. شايلين شموع الفرح لاحلي العرسان

والكوشة جنينه من اجمل الازهار .. عازمين الحبايب من كل دار ودار

يارب يهنيهم حقق امانيهم .. من فضلك ياربي اديهم كمان

يارب يعيشهم في تبات ونبات .. وترزقهم يارب صبيان وبنات

وخرزه زرقا تساعد .. تبعد عين الحاسد .. اسعدهم ياربي علطول الزمان

كانت ندى بفستانها الابيض تتراقص كالفراشات .. تتراقص مع محمد قليلا وتجلس قليلا حتي انتهت الرحلة النيليه

ندى : الوقت جري بسرعه يامحمد

محمد : يلا علي بيتنا ياحبيبتى

ندى : يلا يا حبيبي

وعندما يفتح محمد باب الشقه تجد ندى علي ارضيه طرقة الشقه قلب بالورد الاحمر وبداخله مكتوب بحبك يا احلي ندى و اوعدك اني اصونك و اخاف وا حافظ عليكي حتي مني انا يا ارق مخلوقة راتها عيناي .. وتشعر ندي بسعاده شديده

ندى ( في خجل ) :ربنا ميحرمنيش منك يااحلي زوج في الدنيا

محمد : ولا منك يا مراتي ياعسل

ويصلوا صلاة الزواج وبعدها ياخذها من يديها علي الشرفة

محمد : شايفه القمر دا انا ياما كلمته عنك ياما اتمنيت نمشي تحت ضوئه .. شايفه الحته دي كنت ببص عليكي منها .. شايفه الركن دا كنت بنام من كتر السهر عشان اشوفك

ندى : وانا كنت قاعدة دايما شيفاك حسه بيك حسه بحبك بس حيائي بيمنعني اني اتكلم

محمد : في اسبوع انتي اختفيتي فيه صح ؟

ندى : امتي يامحمد

محمد : من مدة مش فاكر بالضبط

ندى : ممكن اكون ساعتها كنت في المصيف

محمد : ربنا جمعنا بالخير ياندا ويارب يكون حياتنا كلها بركه

ندى ، يارب يامحمد

محمد : يلا بينا ننام

ندى ( بخجل ) : يلا

وتوته توته خلصت الحدوته حلوه ولا ملتوته
دي اول تجربه ليا يارب تكون عجبتكم رغم اني عارفه ان فيها اخطاء وكل سنة وانتم طيبين

عن الكاتب

Kiara بنت مصريه بحلم بدنيا صافيه مش فيها غدر وكل اللي فيها اننا نحب بعض مش لهدف ما لكن نحب بعض عشان نشوف الدنيا صح

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

عالــم مــولان