الثلاثاء، أكتوبر 06، 2009

مين الضحية (تحديث )

انا مش قصدت بالضحيه حاله البنت بس انا بتكلم في العموم اللي عاملين دور الضحيه

في اي مكان واي موقف واي مجال بنقابلهم في كل مكان وزمان في الشارع في الشغل

في النت في في اي علاقه انسانيه  انا سلطت الضوء علي البنت لكن منها اتكلمت عن نوع

من البشر موجود بينا

حاجه كمان الحادثه دي حصلت في مايو تقريبا علي ما اتذكر

*******************

اكيد كلنا عرفنا حادثة الاغتصاب اللى هي

طفلة عندها 9 سنوات مش هتكلم

في الحادثه نفسها لان كتير اتكلم عنها وزيها بيحصل كل يوم  لكن وقفت عند موقف منها

اهل الجانى بيقولو لاخت المجنى عليها انتو فضحتونااااااااااا

قالت الاخت احنا المجنى علينا مش انتو

لا حظوا بقي معايا

الطفلة ــــــــــــــــ المجنى عليها

المغتصب ـــــــــــــ الجانى

ايه الفرق بينهم

الفرق كبير

اه ايه هو

مغتصب يعني مغتصب حق مش حقه

طفله اتسرق منها حقها

طيب هتسالوني انتي دلوقتي عاوزه توصلي لايه

~~~~~~~~~~~~~~

دور الضحيه الجاني عاوز ياخده من المجني عليها

الكل حابب الدور دا اوي

حابب دور الضحية حابب انه يطلع بدور المسكين عشان يسلب عطف الناس

وعشان يريح ضميره وينيمه

بس علي مييييييين

الضمير دا محدش يقدر يغلبه وهيفضل يتعب الجاني او اللي عامل نفسه ضحيه في

حياته لحد اما يفتح قلبه ويتوب ويصفى كل خلافاته ويبقي ابيض

لكن اللي حابب دور الضحيه وهو اصلا جزار يبقي هيفضل طول عمره

مناقض نفسه والناس

الناس عمرها ماهيتضحك عليها كتير بيعرفوا يفرقوا بين الجاني والمجني عليه

رساله لكل جاني

صفي قلبك وارجع لفطرتك اللي اتخلقت عليها

ارجع انسان

رساله لكل من توهم انه ضحية

واجه نفسك وارجعلها وقبل اما تقول انا ضحيه اتاكد انك ضحيه فعلا

مش وهم بتوهم نفسك بيه عشان ضميرك ينام

لو واجهنا نفسنا وحاسبناها اهون كتير من اننا نقل في نظر نفسنا و

غيرنا واهون اكتر من يوم الحساب

دعوه

ياريت نقابل ربنا ونفوسنا مش ظالمه حد مش قاتله حد مش مغتصبه براءه حد مش ... مش ... مش .......

يوم اما دا يكون يحصل فعلا الفرق هيكون كبير

وطبعا القصد في كلامي مش الحادثه اقصد عن اي حد عامل نفسه

مسكين وضحيه وهو اصلا مش كدا

اما الضحايا اللي اتظلمو بجد اللي اتاخدو غدر اللي اتشردو في دنيا معرفتش معني

انسانيه وماتت فيها الضماير من كل جانب فدول اللي بجد ربنا معاهم ومش هيتظلموا

كتير عارفين ليه

لان مهما طال الظلم فالديان لايموت

كما تدين تدان

الضحايا اللي هما بجد ضحايا قليليين اوي لان اي انسان فيه عقل يفكر امال العقل

معمول ليه عشان نحشي بيه محشي ولا ايه

~~~~~~~~~

كلمة اخيره

اللي بيقولوا عليه اسمه ايه استغفر الله العظيم لساني مش قادر يطاوعني وينطق اسمه

اتقى الله

وسلام بقي عشان انا مفروسة عاااااااااااااااااااااا

49 كلام قلوبهم:

الازهرى يقول...

أول كمان مرة

الازهرى يقول...

وكمان تانى
وكفايه كده

الازهرى يقول...

قلبى مش مطاوعنى
هاخد التالت

فتاه من الصعيد يقول...

فضحوهم .... ده ايه البجاحه دي؟!!!

ربنا مع اهل البنت .... وحقك تتفرسي

تحياتي

Sweet Violet يقول...

مين قالك ان الضمير ماحدش يغلبه ؟؟
لا فى ناس فعلا بتعيش دور الضحية و تصدق نفسها و تفضل كده طول عمرها الا اذا بقى حصل حاجة جامدة و فاقت منها
مع ان اللى بيكون من النوع ده مهما حصل صعب انه يفوق بردو

كيــــــــــــارا يقول...

ازهري

*******

انت احتليت ومشيت عااااااااااااااااا

كيــــــــــــارا يقول...

فتاه من الصعيد

***********

اه شفتي بقي بس الحادثه دي قديمة حصلت في مايو تقريبا بس استعنت بيها

كيــــــــــــارا يقول...

نورا

*******

في ناس فعلا كدا عايشين دور الضحيه اوي ومتقمسينه لدرجه انهم صدقوا نفسهم ونسيو هما عملوا ايه وبيعملوا ايه

بس ندعي ربنا بقي انهم يفوقوا وربنا يهدي

آه وكفى يقول...

صحيح ايه البجاحة دي فضحوهم ايه ما يربوا ابنهم الاول ايه القرف ده
ربنا يكون في عون اهل البنت اصلا ليكي حق والله يابنتي تتفرسي

Mohamed Hamdy يقول...

فعلا حاجه تحرق الدم بصراحه

آيوشة يقول...

عارفة ان فين اللى بيحب بيعش دور الضحية دايما انا ناس قالتلى انتى بتحبى دايما تعيشى دور الضحية وانك مظلمة مزعلتش من كلامهم بالعكس حاولت اتغير علشان مشكلتى الصغيرة دى اللى بعانى منها مثلا لما بقول اصحابى بعدوا سابونى فى المستقبل هتكبر واخاف انى اظلم غيرى وانا مش واخدة بالى وافضل عايشة فى دور المظلومة

طوبه فضه وطوبه دهب يقول...

بجد الواحد مش عارف يقول ايه ربنا ينصفها الضحيه دى يارب ويخلص حقها من كل من هدم حقها حسبنا الله ونعم الوكيل

أبو العريف يقول...

طبعا انا مش فاكر الحادثه

بس طبعا الضحيه اكيد مش المغتصب

اكيد دا جاني

وحتي لو حد قال ضحية المجتمع

او الظروف او اواو

فدا كلام مش مقنع بالمره

ربنا يستر علي بنات المسلمين

ويهدي الجميع

شفقة هانم واحسان بك يقول...

ايه يا كيارا ده بجد الكلام ده جد؟؟
شوفى البجاحة بتاعة الناس صحيح ان لم تستحى فافعل ما شئت
قال ضحية قال امال البنت المسكينة دى اهلها يعملوا ايه وهى فى سن زى ده لا تعرف يعنى ايه اغتصاب ولا نيلة
ربنا يرحمها وياخد الجانى ويروح فى ستين داهية
وحشتينى اوى يا كيارتى

فكرة من الزمن ده يقول...

كيورة الامورة
ربنا يرحمنا برحمته
مافيش حاجة بقت تخليني استغرب صدقيني
تحياتي

الازهرى يقول...

لالالالا
انت حالتك صعبه جدا
بتوجهى رسالتك لمين ؟ المشكلة مش مشكلة ضمير المشكلة فى اصحاب الضمير لان لو انسان قام بجريمه زى دى اكيد لغى ضميره من قبلها وقفل عليه تمام
لكن المشكله الكبر ان الموضوع يتكرر
انا مش عارف القضيه اللى بتتكلمى عليها بس انا سمعت عن اكتر من حاله وواحده منها كانت عندنا فى بلدنا لكن التعامل معها كان اسهلل بعدها بساعه تقريبا الشاب ده كان مدفون فى الجبل ومن غير ما اى حد يسأل عنه سواء اهله او الشرطه
لإن لما قدر يقوم بكل الوحشيه دى معناه انه بقى وحش ولازم المجتمع يخلص منه علشان يقدر يكون احسن وأمن

ربنا يعين اهلها ويصلح نفوس الناس ويرجعهم للدين الصحيح


***************

اسف على التأخير بس زى كل مرة اجى اعلق عندك اتخطف من قدام الجهاز وعلى المشاوير لما يتهد حيلى
تفتكرى نستنتج من كده حاجه ؟

بدراوى يقول...

انا قريت البوست
و عاوز اقول انى عشت كثير دور الضحية
لكن اكتشفت الكلمات ديه و حستها
---------
وقبل اما تقول انا ضحيه اتاكد انك ضحيه فعلا مش وهم بتوهم نفسك بيه عشان ضميرك ينام لو واجهنا نفسنا وحاسبناها اهون كتير من اننا نقل في نظر نفسنا و غيرنا
-------------
طبعاً مقصدش انى جانى او او او بالمعنى الغلط
اقصد انى مأدتش اللى عليا صح و انى كل ظروفى الملخبطة انا مشارك فيها بإهمالى و استهتارى و عدم اخذ للأمور بجدية

اتمنى الكلام ده ميزعلش حد منى
بس اصل ديه الحقيقة

عاشقه الرومانسيه يقول...

الكلمه الاخيره
مش فاهماها
مين المقصود ده؟

عاشقه الرومانسيه يقول...

يابنتى احنا فى زمن اتقلبت فيه كل الموازين
كل شئ اصبح عاااااااااادى

أحمد كمال يقول...

حلوة قوي الفكرة دي ، فعلا الحكاية دي بتحصل كتير ، و لو كل واحد فكر مع نفسه بصدق حيلاقي نفسه بيحاول يلعب دور الضحية كتير ، كل اما يحب يضحك على نفسه .

تحياتي

مسدس صغير يقول...

الطرفين احيانا بيعملو نفسهم ضحية
بس كل واحد له دور يعملو
زى منتى قلتى تمام
طب انا هقولك على حاجة السينما المصرية والتليفزيون كمان بيصورو لينا الجانى والمجرم على انه ضحية
ممكن يخلو اللى بيتفرجو على الفيلم او المسلسل يتعاطفو مع واحد حرامى او واحد مغتصب
او واحده من اياهم
وده غلط جدا
لأنهم بيطلعو الاطفال مش عارفين مين الصح ومين الغلط
اما الواحد اللى انتى مفروسة منه
انا مفروس اكتر
ربنا يهديه وان مهداهوش يهده

صوت من مصر يقول...

انتى وصحبتك نفس الكلام
اقصد بصحبتك
ضد
عن الضحايه

وومن يقول...

في ناس احتراف انها تعيش دور الضحية لأما علشان تنيم ضميرها او تكسب تعاطف الناس او هي مش مصدقة غير نفسها

ساعات الواحد بيحب يحس انه ضحية ، بس ساعات برضة في ناس بتقدر تواجه نفسها وتعرف انها مش ضحية ولا حاجة

كفاة بقي وجعتيلي قلبي بحكاية البنت المسكينة دي

سلام

ঔღঔ نـــوارة ঔღঔ يقول...

باحييك طبعا على كلامك الي طالع من القلب

حاجة تفرس فعلا تلاقي ناس ظالمة ومغتصبة وعاملة نفسها ضحية وبتظلم بخلق الله كمان وكمان

واساسا دوول ضمائرهم ميتة مفيش منهم امل الا نسبة ضئيلة منهم

ربنا يهدي الجميع

دمتي بحفظ الرحمن

أحــوال الهـوي يقول...

كتبتي كلمتين ابلغ من اي حديث
دور الضحيه الجاني عاوز ياخده من المجني عليها الكل حابب الدور دا اوي حابب دور الضحية

لخصت الموضوع كله الهدف و الغايه و لكن تانيب الضمير من النادر ان يصيب مثل هؤلاء الناس لانه مات و الا لاعترف بذنبه و جرمه

تحياتي

hérisson يقول...

اسلوبك جميل اوي يا مني
وعجبتني اخر جملة
كما تدين تدان
وفكرة ان الواحد يراجع نفسه دايما ويشوف هو ظلم مين وخدع مين
مهمة جدا
ودي اللي بتخلي الواحد يكتشف انه ضحية ولا كان السبب انه ينسب اللقب ده لحد تاني جني عليه وظلمه

الضحية هو اللي لما يراجع نفسه يلاقي ان حصله ضرر من غير مايكون ليه دخل فيه ومن غير ما يظلم ولا يخدع
وان السبب نزوة لناس او وسوسة شيطان ايا كان السبب فالزنب مش زنبه

طبعا كلامي عام بس ده مايمنعش انه ليه علاقة بالقصة اللي ذكرتيها وغيرها من القصص
بنت ضحية احتلال
مسجون ضحية فساد
وغيرهم كتييييير

معلش طولت شوية بس انا كمان اتعصبت من غير عااااا
احييكي علي موضوعك واسلوبك

طـــائر الليــــل الحـــــزين يقول...

طب ليه بعد المناقشة الحلوة دى مفروسة
معاكى فى رايك كتير بيكون حابب يعيش دور الضحية
مع انه بيكون الجانى
وازود من عندى انه كمان بيكدب الكدبة انه الضحية وفى النهاية بيصدقها

طـــائر الليــــل الحـــــزين يقول...

بس انا لسة زعلانة

mahasen saber يقول...

ضحيه ازاى يعنى ده حتى ميمشيش ضحيه لعيد الاضحى

ربنا ينتقم منه ومن امثاله وينتقم من اهله اليى بيناصروه على الظلم بالبجاحه دى
ده بدل ما يتبروا من معرفته ولاا يعاقبوه

ربنا يهدى وينتقم لان انتقام ربنا بالبشر رحمه

تايه في وسط البلد يقول...

أه كلامك مظبوط جدا

دور الضحية يستهوي الكل ولا ضمير لمن هنالك

عموما كتير قوي من المدعين دول بيردوا الدين اللي عليهم علي عينهم وفي حياتهم وفي أعز ما يملكون وبتدبير ألهي محكم ولا خلل فيه

ربنا اسمه العدل

دمتي بالف خير

إبن مصر يقول...

السلام عليكم

اخطر حاجه انك تلاقى انسان مناقد لنفسه يعنى انسان ذو شخصيتين فى جسد واحد
انسان عامل برئ ومسكين وهو بيضحك على نفسه قبل ما يضحك على الناس

ربنا يهدى وينتقم من الظالمين إذا ما رجعوا عن ظلمهم

كل التحيه

معتز شاهين - باحث تربوي يقول...

بس كتير من الضحايا مهماش ضحايا
وفي الآخر بنطلع احنا ضحايا لكذبهم

ويبقى التواصل

الازهرى يقول...

مبروك ترانيم قلب

(green eyes) يقول...

فعلا الموضوع دا بقى كتير اوي
معاكي حق

akeed يقول...

انا طبعا تفهمت اللى انتِ عايزة

توضحيه ان كل واحد يفكر فى سبب اللى

خلاه ضحية او جانى مكن تكون الضحية هى

السبب فى حدوث المصيبة زى مثلاً البنت

لما تخرج فى منتصف الليل بملابس خليعة و


فيه شباب فى نفس الوقت فى الشارع و

نقول انها ضحية فى هذا الوقت هى

الجانية لأنها هى السبب فى ذلك و طبعاً

ممكن قياس امور كثيرة على هذا فليبحث

كل منا فى شخصية هل هو جانى ام ضحية





تحياتى على هذا الموضوع الاكثر من رائع

tarek alghnam يقول...

كيارا انتى جبتى من الاخر كما تدين تدان
ماشاء الله عليكى كتبتى عن مشكله وحلها فى اننا نتقى الله وياريت كل انسان يعرف ان بيته من زجاج
تقبلى تحياتى
واتمنى زياره مدونتى المتواضعه

Dr Ibrahim يقول...

الكل يريد أن يكون هو المظلوم والضحية ولكن سيتضح من المظلوم والظالم يوم القيامة يوم لا ينفع مال ولابنون الا من اتى الله بقلب سليم

تحياتى لك

MaNoOoSh يقول...

وحشتيني جدا يا كيارا يا قمر

سومه...مجنونه فى بلد عاقل يقول...

عارفه يا كوكى كل انسان ضحيه نفسه الضعيفه ...لازم نحاول نطوع نفوسنا اكتر من كدا ...
المشكله مش فى اغتصاب ولا ظلم وغيره المشكله ان دا اصبح سلوك مجتمعى من اول الحكام لحد الشعوب
عارفه انا متهيالى ضاقت فلما استحكمت حلقاتها فرجت وكنت اظنها لن تفرج
كل واحد يعمل اللى عليه ويترك الباقى لربنا سبحانه وتعالى

tota_fm يقول...

انا مبسوطه جدا انى عرفت مدونتك الرائعه
بجد ليكى حق تتفرسي انا معاكى فى الفرسه دى لان الموضوع اللى انتى اتكلمتى فيه مبقاش متمثل في قضيه البنت بس بقي فى جميع مجالات الحياه اى غلط بيحص من اى حد بيحاول يبرره انه مش غلطه ويبدا يلوم كل حاجه بدايه من الظروف والمجتمع الى جميع من حوله حتى لو دى كلها حجج واهيه

وكل سنه وانتى طيبه وعيد ميلاد سعيد وعقبال 100 سنه وانتى فى تألق ومعلش تهنئه متأخره

دمتى متألقه وناجحه ومحققه جميع امالك

تقبلى مروري
تحياتى
بطوطه

dalia يقول...

:)
wahshany ya Keara begad
Akra we ba3den a4lk

حلم بيعافر يقول...

ده اختلال فى شخصية المجتمع ككل

Sharm يقول...

في ناس كتير معندهاش ضمير

Saso يقول...

ماعدش فيه شىء يدعو للاستغراب لان كل حاجه ماشيه بالمقلوب
ربنا يستر

nour shahen يقول...

دايما متألقه فى وصف المعانى يا عزيزتى
واعجابى بكلماتك مش محتاج تعليق كبير لأنه هيكون دايما اقل من ان يهدى ليكى
ويا رب دايما اشوفك بخير
بوست هايل كالعاده
خالص تحياتى

rovy يقول...

السلام عليكم
ازيك يا كيارا ..
ربنا يرحمنا برحمته من الناس اللى مات ضميرها و اتقلبت عندها الموازين ..
و يحفظ بناتنا و يحميهم من كل شر يااارب
بوست رائع غاليتى ..
دمتى فى حفظ الله

تحياتى

Hager Za3bal يقول...

هي فعلا حاجه تحرق الدم :(

وحشاااااااااااااااااني

أحــوال الهـوي يقول...

انت فيييييييييييييين

طمنيني عنك

Mona يقول...

like