عالــم مــولان عالــم مــولان
randomposts

آخر الأخبار

randomposts
randomposts
جاري التحميل ...

قلبك بيشوف الحقيقه .. الخوف والشك بس هما اللي بيعموا

  1. هههههههههههههههههههههه


    رمضان ليه بس دا هو شهر بس اللي غيبته

    ردحذف
  2. اه

    انتى قولتى حاجات كتير

    بس واضح انك بتاعتبى شخص بعينه

    اممممممم

    هو دا السبب انك كنتى مقلوبه القلبه دى؟

    يا رااااااااجل وشايل ف قلبك وساكت

    ردحذف
  3. لااااااااااااااااا خالث

    فهمت غلط

    مش بعاتب حد انا بس كان عندي ظروف

    خالي كان في المستشفي بيعمل عمليه وتيتا جالها جلته وكانت في المستشفي برده وانا جالي دور برد يعني كنت مقضيه الفتره دي في حاجات عجيييييييييييييييبه

    ردحذف
  4. ههههههههههه

    اومال ايه القصيده اللى انتى كتبيتها فيه دى

    انتى كان ناقص تزفيه ب زفه وهو راجع من الحجاز

    واللهى منا عارف يا بنتى

    طيب بصى

    قصيده جميله ابدعتى

    استمرى ههههههههههه

    ردحذف
  5. نسيت اقولك الف سلامه على خالك وعلى تيته

    والف سلامه عليكى
    استنى لما اقرى انتى كتبتى حد تانى ولا ايه


    ههههههههههه
    لا مفيش حد تانى

    هههههههههههههه

    ردحذف
  6. ههههههههههههههههههههه قصيده مره واحده دا بوست بس اجلته كتير وربنا

    ردحذف
  7. هههههههههههههه لا مش قلت حد تاني

    انت عاوز يبقي في حد تاني ولا ايه هو انا ناقصه

    ردحذف
  8. المهم انك رجعتى بالسلامه الى عالمك

    عالم مولان

    ورقصنى يا جدع على زره ونص

    ردحذف
  9. فعلا في ناس تحسيهم ظل للاخرين .... ملهمش طعم كده

    على العموم اعتقد ان نصايحك صحيحه

    عود احمد :)

    تحياتي

    ردحذف
  10. أزال المؤلف هذا التعليق.

    ردحذف
  11. السلام عليكم ورحمة الله وبركاته

    الحمد لله انها مجبتش جوكر تانى علشان

    تبقى شبهك هههههههههه

    وبهدى لصحبتك دى اغنيه دور جوه نفسك

    للفنان الكبير احمد مكى

    فى رعايه الله

    joker

    ردحذف
  12. السلام عليكم
    يا كيارا
    ***********************
    الإنسان يمر بمراحل تكوين حتى سن الأربعين تقريبا
    حيث لا يكون نفسه
    لأن النفس عدة أنفس
    يوم يكون قريب إلى الله فتكون نفسه مطمئنة
    و يوم تكون نفسه امارة بالسوء
    و يوم تكون نفسه متقلبة و أوابة إلى الله
    ************************
    ثم تمر التجارب فنعرف هذا و ذاك و تمر المواقف الحلو منها و المر و نتعلم و نغير انفسنا التى خلقنا عليها و اعتدناها إلى الأفضل لنا
    **************************
    تحياتي لك

    ردحذف
  13. فكرةرائعة بكل المقاييييييييس
    وفيه فلسفة كده
    وناقشتي الموضوع وحللتيه باسلوب جميل اوي

    فعلا الذكي مش اللي يتفرج علي شخص ناجح او محبوب ويتبهر بيه مجرد الانبهار ويقلده او يتكلم عنه وخلاص

    لكن الذكي اللي يحاول يستفيد منه يكتشف حاجات هو لسه ماكتشفهاش ويدون صفات و مميزات هو ميعرفهاش واول مرة يشوفها

    حتي فيه حاجة غريبة اوي بلاحظها ساعات ان فيه ناس بتبقي فيهم مميزات هما مش ملاحظنها وغيرهم بيلاحظوها ويتعلموا منها
    وطبعا مش بيقلدوهم وإلا هيقعوا في نفس الخطأ ويهملوا المميزات دي

    اما التقليد الاعمي ده فهو في نظري قمة السذاجة لكن بيبقي بحسن نية

    همممممم لكيت كتييييييير
    بس ده مش معناه اني مش متضايق من الغياب
    مواضيعك ليها مزاق خاااااص جدا وبتوحشنااااااا


    تحيااااااتي لقلمك الاجتماعي دايما

    ردحذف
  14. ابو علي

    **********

    هههههههههههه ربنا يكرمك يارب

    ردحذف
  15. فتاه من الصعيد

    **************

    والله وحشتيني جداا


    فعلا هما مجرد ظل

    دمتي بود

    ردحذف
  16. جوكر

    ********

    هههههههههههههههههههههه

    اغنيه ايه دي موش سمعت عنها

    ردحذف
  17. Sonnet

    ***********

    هقولك

    عمر الشخصيه ماكانت بسن ابدا في ناس فوق الاربعين وشخصيه الاصغر منهم افضل الموضوع بيكون تنشئة وصدق مع النفس وحاجااااااات كتير جدا بتكون الشخصيه وطبعا انا مش هتكلم عنها لان دا موضوع كبير لكن انا بتكلم عن تفصيله واحده من التفاصيل

    ردحذف
  18. البنوته الصغنونه كيارا
    انا مادخلتش على البروفيل بتاعك بس موش عارفه ليه حاساكى بنوته صغنونه اوى كدا
    اد ييجى كدا 15 سنه
    ممكن اسم كيارا دا اللى مدينى الانطباع دا
    الف سلامه على خالك وتيته وعليكى انتى كمان
    وحمدالله على سلامتك
    اما البوست بقى
    فانا جات عليه فتره كانت لى صاحبه زى اللى بتحكى عنها دى
    لكن علاقتنا خلاص انتهت
    تحياتى
    وبجد وصلتى فكرتك بشكل حلو اوى

    ردحذف
  19. اشرف

    ********

    اتكلم براحتككككككككككك

    بالعكس بجد يااشرف كلامك كمل البوست

    وربنا يخليك يارب لمدحك اللي انا مش قده دا

    ردحذف
  20. ساسو

    *********

    بتفكريني بزميله ليا بقالها 3شهور معايا في الشغل وكانت فاكرني 20 سنه

    ههههههههههههههه

    *************

    الله يسلمك ياقمر

    وربنا يشفي كل الناس يااااااااااااارب

    *************

    وبالنسبه للبوست

    ميرسي علي كلامك الرقيق والنوع دا موجود في كل مكان ربنا يصلح الحال :)

    نورتيني ياعثل

    ردحذف
  21. السلام عليكم ورحمة الله وبركاته
    ازيك ياكيارا
    يارب تكونى بخير
    الف حمدالله على السلامه
    وسلامة خالو وتيته
    وسلامتك كمان من البرد
    *******
    معاكى حق فى كل الكلام اللى فى البوست
    للاسف فيه ناس كتير بتفتكر ان حب الناس لشخص معين بيكون عشان سبب ظاهرى زى اللبس او اسلوب الكلام ودايما بيحاولوا يقلدوه انما مهما عملوا برضو تلاقى الناس بتبعد عنهم لانهم نسخه باهته من الشخص ده ولأن الناس حبت الشخص ده مش علشان لبسه او اسلوب كلامه
    حبته كده كله على بعضه لانه اكيد هيبقى انسان كويس
    اما التانى اللى بيقلد بيبقى اكيد مش كويس وعشان كده حتى اللى كانو بيبقوا اصحابه بيبعدوا عنه

    انا كنت ناوى اقولك زعلان منك بس خلاص بقى عرفت السبب فى غيابك يبقى بلاش زعل

    ســــــــــــــــلام

    ردحذف
  22. وكمان تعليقى رقم 22 رقم فانله ابوتريكه
    ده ايه الهنا اللى انا فيه ده
    ههههههههههههههههه

    ردحذف
  23. ياااااااااااه
    بقالك كتير مكتبتيش :(:(

    مين مني دي ؟؟؟؟

    اصل انا دماغي مش بيستقبل الا اسم مني واحدة بس :):)

    بالنوسبة للتقليد هو موجود هنا ياما
    يعني في احد الكلمات بحب ااقولها لقيت مصر كلها بتقولها :):)

    وفي حد برضه ليه كلمة مشهورة اي كومنت دلوقتي بلاقي الكلمة دي هههههههههههههههههههه
    تقليد اعمي
    مع ان ربنا ادي لكل شخص شخصيته و مصطلحاته و مواهبة ....الخ

    ولا ايه يابتاعت المثاثة
    ولا بلاش يا يتقال بقلدك :):)

    ردحذف
  24. امممم
    انتى عارفة انا لو اتكلمت هعمل بردو اسقاط
    فبلاش احسن انتى عارفة وجهه نظرى فى الموضوع و على فكرة انا بردو كاتبه حاجة عن النوعية دى فى لحظة جنون ابقى شوفيها
    بس الصراحة موت ضحك فى جزئية معينه لما اشوفك هقولك بقى هى ايه
    ^_^

    ردحذف
  25. حمد الله على سلامتك يا كيارا وحشتينا
    الف سلامه على خالو وتيته وعليكى
    ربنا معاكى يا كيارا
    وبعدين نورتى مدونتك يا قمر
    وبعدين كل واحد له شخصيه مميزه واكيد التغيير فى الشخصيه بيفقدها جمالهااللى ربنا خلقها بيه

    ردحذف
  26. انتى يا كوكى يا حبيبتى لازم تتقلدى لانك سكر وعسل ده كفاية الضحكة ولا المثاثة دى كوم تانى
    الا صحيح يا كيارتى انتى لسه بتحبى المنثاثة عموما ابقى تعالى زورينى هتلاقى عندى مثاثة ابقى خديها

    ردحذف
  27. ازيك
    نورتى مدونتك
    اما بخصوص البوست
    فاعتذر عن التعليق عنه
    لأنى الصراحة البوست ده بيفكرنى بمشكلة معينة عندى مش عاوز افتكرها

    انا اسف

    ردحذف
  28. جيت اسلم واقول وحشتينى

    ردحذف
  29. ازيك واحشتني جدا
    بارضو زعلان منيك بيقت مش بتدخل مدونتي بارغم كنت دايما اول تليق او ثاني تعليق
    مهيم الف سلامه علي خالك
    كل الانسان لها مميزه التغيير فى الشخصيه بيفقدها طعمها
    مفروض احد يستفد من تجرب الحياه

    ردحذف
  30. السلام عليكم ورحمة الله وبركاته
    منى انا يمكن مكتبتلكيش قبل كده....بس ده ميمنعش اننا ممكن نكون اصحاب
    انتى انسانه قريبه اوى فى كلامك من الحقيقه اللى احنا عايشينها
    مش عارفه ليه حساكى هاديه اوى
    بالنسبه للموضوع اللى انتى اتكلمتى فيه طبعا عندك حق وانا اوافقك الراى تماما
    الانسان عمره ماكان بلبسه ولا بكلماته حتى ...فقد تحتمل الزيف
    الانسان بصورة قلبه الحقيقيه ...وطباعه الحقيقيه
    الانسان بفعل جميل يصدر منه ....بسلوك طيب يتعامل بيه
    بقلب من دهب بيدور على الخير وبيلاقيه
    والمثل بيقولك
    من عرف نفسه لا يضيره مايقول الاخرون

    ردحذف
  31. حمد الله ع السلا مة يا قمر وحشاني

    معك حق فكل لي قولتيه بس احيانا الناس بتقلد حبا ف الناس لي بتقلدها او من اعجابها في الحاجة الي بتقلدها

    بس الاحسن والافضل ميقلدش حد خالص بعد النظر عن السبب ايجابي ولا سلبي

    كل واحد ليه القالب بتاعه مش ينفع يستعمل قالب غيره مش حيبقى هو

    وتحياتي يا جميل

    وتسلم ايدك على الموضوع الجميل

    ردحذف
  32. يوضح دكتور مصطفى محمود فى المقال العاشر-"الإنسان العادى"- من كتاب يوميات نص الليل الذى تناولته هنا أن لكل إنسان مميزاته وصفاته ومواهبه
    ------------------------
    وهذه نظرة سليمة فقد نقلد الأخرين ولكن يظل الأصل كماذكرتى ..
    وعندما ننظر إلى شخص يجب أن ننظر إلى ما بداخله وليس الخارج

    تحياتى لك

    ردحذف
  33. هو اصلا مينفعش نكون غير نفسنا
    بس فى ناس بتبقى مش عارفة تحدد شخصيتها او طريقها وبيكون عندها المبادئ والافكار والاراء مهزوزة و وقت ما تلاقى حد ناجح بدون اى تفكير لاسباب نجاحة او اية السئ او الجيد فى شخصيتة تلاقيها بتقلد اى تصرف عشان توصل لنجاح الشخص دا ولو معرفتش تحاول تدمر نجاحة

    التفكير بالشكل دا يثير الشفقة والاشمئزاز ربنا يبعدهم عنا ويارب منكونش غير نفسنا دائما

    دمتى بكل خير
    تقبلى مرورى

    ردحذف
  34. ياه كل ده شيلاه في قلبك و ساكته

    انا باقلدك صحيح و باكل مثاثه في الشارع
    لكن لانك بنوتي الجميلة
    ياريت حد يقلدني

    اول مرة اشوف حد بيتضايق لو اتاخد قدوة

    صلي ع النبي

    تحياتي

    ردحذف
  35. الف حمد لله على السلامه ياقمر وحشتينى مووووووووووووووووووووووووت مووووووووووووووت والله وطبعا ما ينفعش تكونى غير انتى لانك فعلا حد يحترم وشخصيه لها الحق ان تعتز بنفسها

    ردحذف
  36. سلام عليكم

    كيفك كيارا


    دى اول زيارة وان شاء الله مش الاخيرة

    حابب اول بس انه الانسان اللى الناس بتحب تقلده ده انسان ناجح ومميز وله شخصية

    كانت فيه كلمة بتقول
    انه لكل انسان طعم ولون وريحة
    فياريت كله واحد يحافظ على تميز شخصيته دى


    عندى سؤال واحد
    انتى قولتى
    انا بحب المثاثه بقدرة قادر تحب المثاثه اكل المثاثه في الشارع


    يعنى مثاثة دى انا مش عارفها

    ردحذف
  37. سلام عليكم

    كيفك كيارا


    دى اول زيارة وان شاء الله مش الاخيرة

    حابب اول بس انه الانسان اللى الناس بتحب تقلده ده انسان ناجح ومميز وله شخصية

    كانت فيه كلمة بتقول
    انه لكل انسان طعم ولون وريحة
    فياريت كله واحد يحافظ على تميز شخصيته دى

    ردحذف
  38. حمدلله على السلامة
    نورتى المدونة من جديد
    وطبعا الموضوع هام جدا وبيحصل كتير جدا
    متفق معكى قلبا وقالبا فى انتقاداتك
    لهؤلاء الاشخاص
    تحياتى

    ردحذف
  39. صحيح نسيت أقولك حاجة

    انا فضلت طول الموضوع مش فاهم يعنى ايه مثاثة
    حتى انى كنت بحسبك خليجية او حاجة ودى حاجة عندكم
    هههههههههههههه


    وفين وفين لما فهمت انها مصاصة
    اظن انها مفروض تتكتب كده
    من
    مص يمص مصاصة
    بتخيل انها مش عامية كمان دى من الكلمات العربية عادى


    ومعذرة للاطالة والتعقيب

    ردحذف
  40. ازيك يا كياراaعودا حميدا

    اناحاولت اعلق امبارح لكن النت ابى

    وقال والله مانت معلق


    طبعا كعادة كيار تغييب تغيب وترجع بكلام جامد

    طبعا انا اؤيد ماما تماما

    وبقول ياريت الاقي حد يقلدني

    لان ده معناه اني ناجح

    اما عن الاشخاص اللي بيقلدوا

    فالمفروض انه لو حابب يبقي زي الشخص اللي شايفه كده يحاول يقلد الجوهر

    الاخلاق

    مش القشور

    ردحذف
  41. ازيك يا كيارا ..
    وحشاانى ..
    انتى طبعا صح و عندك حق ..
    استنساخ الشخصيه مرفوض لانه بيكون مسخ مالوش لون و لا طعم ..
    لكن ده ما يمنعش ان لو فيه اثنين اصحاب جدا بتلاقيهم اخذوا حاجات من بعض بس ده حاجه ثانيه دول بيكملوا بعض و بيحبوا بعض جدا لكن بتفضل كل شخصية فيهم محتفظه باصالتها..
    العنوان جميل جدا .. لن اكون غير انا
    ربنا يوفقك دايما

    تحياتى

    ردحذف
  42. حاجة تخنق الناس اللي بتكون مسخ دي
    ربنا يصبرك

    ردحذف
  43. شئ حلو ان الانسان ياخد قدوة مثالية
    بس يبخدوا قدوة داخلية مش خارجية
    التقليد في الكلام واللبس والمظهر الخارجي هوة ده اسموا التقليد الاعمى

    ردحذف
  44. ازيك يا مونمون واحشانى والله جداا
    فكرتينى بنفسى وبماما :)) كان عندى نفس الرقابه ومازالت
    المشكله بقى انى ادمنت تلك الرقابه حتى انى اصبحت بطبقها لوحدى حتى فى عدم وجود ماما:))
    وربنا يسعدك يا رب ويفكلك كل كروبك يا كوكى
    ولسه ياما حتعيشى وتشوفى وتبقى الحكايات دى هزيان من الماضى

    ردحذف
  45. اهلا مني

    بعودة ايام التدوين والف سلامة

    انا من وجهة نظري الشخصية باقول ان الإنسان مخلوق في الدنيا دوما يحسن من نفسه باستمرار ويطلب الكمال

    في اخلاقه وفي مظهره وفي علاقته بربنا ..كل حاجة

    ومفيش مانع اني اشوف الصفة الفلانية الحلوة في فلان اقوم اقلدها..لكن بروحي انا ومن جوايا انا وبطريقتي انا وباضافتي انا لغاية ما تبقي جزء مني انا

    لكن من ناحية تانية فيه ناس بتيقي عاملة زي العروسة اللي بتمشي بالحجارة لكن الحجارة مش بتتحط الا اذا كان فيه شخص حواليها تتعلق بيه..تقلده..تمشي وراه..واذا بعد الشخص ده تتشال الحجارة وتتحول العروسة لحتة جماد مش ليها طعم ولا لون

    عموما..كل ما نحن فيه منحة من الخالق نحمده عليه ونتمني ان يديمه ويزيده

    تحياتي

    ( نصيحة : مش تبقي تاكلي مصاصة في الشارع لأن مش كل الناس بتفهم انك شخصية منبسطة قوي كده )

    ردحذف
  46. الشخصية دي قابلت زيها كتيير جدا

    حد يقتبس كلامك وردود أفعالك ولبسك وطريقة كلامك

    حاجة تخنق بجد

    الله يكون في عونك

    تحياتي

    ردحذف
  47. اه سوري يا كيارا

    انت زرتي المدونة عندي يبقي انت استلمتي التاجين يا جميل وباقي انك تجاوب

    مش تتأخري بس الله يكرمك!!

    ردحذف
  48. الناس دى مش المفروض تاخد من تفكيرنا كتير ..

    حلوة مثاثة دى .. !!!!

    ردحذف
  49. حمدلله على السلامة
    ياأم أجمل أبتسامة
    ياكيارا دليل الحيارى
    وسلامة خالك وتيتة وسلامتك
    مليوووووووووووووووون سلامة
    وبعدين حد يقلد هدومى كنت
    ادبحه أهــ:)هى لعبة ولا ايه؟
    دى هدومى اعدادى وتنفيذى
    تيجى كدهـ ببساطة تاخدها
    فيها دبــــح وسلخ وقطع
    رقاب كمان:)

    ردحذف
  50. سيبك من الكلام الاصلي يككسسسسسسب
    هههههههههههههههههههه
    وحشتيني اوي يا احلى كيكي
    ومتعصبيش نفسك تاني مره سيبيها على الله وهو اللي بيعديها

    ردحذف
  51. نحن هنا
    انا جيت اسلم عليكى يا كيكو
    واقولك انتى واحشانى بجد

    ردحذف
  52. فعلاص والله يا كوكى عندك حق
    أنا بأقابل ناس كتيير من الصنف المستنسخ دة وبأستغرب ليه همة معدومين الشخصية وبيحاولوا يكونوا حد غيرهم
    الأحسن إنهم يدوروا جواهم على نفسهم ويكونوا شخصيتهم مش حد تانى
    تحياتى

    ردحذف
  53. كيااااااارا

    فعلا معاج حق

    هالنماذج موجوده بكثره فالحياه

    وهم من النوع اللي بالنسبالي

    يكسرون الخاطر او يثيرون الشفقه

    ما احس بالنقمه عليهم

    ووجهة نظري بالموضوع

    مثل وجهة نظر والدتك :)

    الا قوليلي

    انتي ليش قاطعه ها؟

    ردحذف
  54. هههههههههههههههههه

    أنا كان لي واحد لازقلى كده لدرجة إنه كان بيخطف منى السندوتشات علشان ياكل زيى

    الناس دى بتبقى شخصيتها ضعيفة جداً وصدقينى حتى لو إنتى بعدتى عنها هاتروح هى لواحدة تانية علشان تقتبس منها شخصيتها

    وفى الآخر ربنا يحفظنا من الأشكال دى

    ردحذف
  55. ياااااااااااااه انتى فين يا بنتى
    انا قلت انتى نسيتينا خلاص
    يالا حمد الله على السلامه

    بالنسبه للموضوع بقى
    أنا برده بكره الشخصيات دى أوى
    بيتهيألى أصلا انهم لما يبقوا كده يبقى معندهمش شخصيه أصلا
    والحمد لله متعرضتش لمواقف زى دى والا كان مررت اتفقعت وانا مش ناقصه ههههههه

    ردحذف
  56. ياااااااااااااااه يا كيارا
    فكرتنى بزمان
    كان بيحصلى حاجات زى دي و كنت بازعل كده برضه
    لسه ياما هاتشوفى
    المهم ان زي ما ماما قالت ده معناه انك شخص ناجح و انهم نفسهم يبقوا زيك بس مش قادرين

    ردحذف
  57. فعلا ليكن كل منا نفسه

    كل واحد يكون ليه شخصيته المستقله
    مش معنى كده انى متعلمش من تجارب الاخرين
    لا
    انما اتعلم منها بس بطريقتى واسلوبى واكيفها مع نفسى وبس
    مش مجرد تقليد اعمى
    احييكى على فكرة البوست الروعة
    وبلاش حكاية المثاثة فى الشارع دى
    ههههههههه
    سلاموهم

    ردحذف

لن اكون غير انا

 

11137alsh3er

في فتره من حياتي كنت مش اجتماعية نهائي ومش بتكلم زي دلوقت ومش كنت افهم حاجه

في نفوس الناس او انواعهم زي اغلبنا

وكان في بنات بتحاول تقربلي وكان اي بنت بتعرف عليها لازم تعدي من الرقابة وهو ماما طبعا

اتعرفت ببنت مش مهم اسمها لكن الحياه اكدتلي انها موجوده في الدنيا دي باسماء كتير اوي

وكلنا بنقابلهم

كانت كوبي مني بالضبط

بمعني

اجيب الطقم الفلاني مثلا اول اما تشوفه تاني يوم تجيب زيه تيبكال حتي نفس اللون اجيب مثلا

كشكول شكلا ما تفضل تدور لحد اما تجيب زيه

اخد درس عند مدرس ما تاخد عند نفس المدرس

كانت كوبي مني في كل حاجه لدرجه انها كانت بتاخد كلامي مثلا وتقوله

الاول كنت فاكرة ان دا من حبها ليا لكن بالوقت عرفت ان دا رغبه في ان الناس تحبها زي ما

شايفه حب الناس ليا

لدرجه ان كان استاذ انور مره قالها طيب طالما بتحبي تقلدي مني في الحاجت دي ليه مش

بتزاكري زيها

اقول انا بحب المثاثه بقدرة قادر تحب المثاثه اكل المثاثه في الشارع تنتقدني وتقولي ايه شغل

العيال دا ولما اجيبها ومثلا نهزر انا وبقيت اصحابي

تروح تشتريها وتاكلها في الشارع

كان لحد  المواقف دي التقليد بيعدي كانت بكل الطرق بتحاول تتقمصني بشكل بشع بشكل

خلاها حد ماسخ ملوش اي شخصية ولا له شكل ولا استايل خاص بيه

لحد اما بدات تشوف لبسي قبل اما اي حد يشوفه وتقوم تجيب زيه وتقول لاصحابنا دي مني

مستلفه اللبس مني

لحد اما بنت تانيه كسفتها وقالتلها ازااااااااااااي وانتي طويلة وهي قصننه

كنت بحكي لماما ومتعصبة من دا اصله موضوع يخنق لما تلاقي حد بيحاول ينسخك كدا

ماما كانت بترد عليا

يااااااااااااااااااريت في حد يعمل معايا  اللي صحبتك بتعمله دا

ابقي مستغربه

تقولي كلمة واحده

دا معناه يامني انك بنوته شاطرة وناجحه وهي شايفه دا وعاوزه تبقي زيك

بعد فتره بعدت عنها وريحت دماغي

لكن فضلت اقابل نماذجها دي في الجامعه وفي الشغل وفي النت كمان

 

كنت مش مستغربه من حاجه اد موضوع النت

لان مش في استايل معروف للشخص

لكن النت هو القلم اللي بطلع منه افكاري اسلوبي في الكلام ولاني بكتب زي مابتكلم

فتلاقي الفاظ معينه اقولها وتلاقي الالفاظ دي بقت منتشرة لدرجه انها بقت اساس لغة

ماعلينا من النقطه دي

وانا بفكر في الموضوع

قلت مش غلط اني اتعلم من  حد طالما شيفاه  شخصية ناجحه

بس اتعلم منه ازاي ؟؟؟

مش اروح زي الهبله اخد القشرة الخارجيه لبسه .. اسلوبه .. طريقه كلامه … الفاظه

لا

لا

والف لا

ادخل جواه واتعلم

الاقيه مثلا عارف طريقه

يبقي اختلي بنفسي واحدد انا بحلم بايه واحد خطوات عشان الحلم يتحقق والخطوات احولها

لنقط كل نقطه هدف اخلص هدف اروح للي بعده وهكذا

متصالح مع نفسه

اقعد مع نفسي اشوف الكلام اللي بقوله والكلام اللي بكتبه واشوف الكلام اليل جوايا ومش

بيطلع للناس واشوف انا مقتنعه باللي برا واللي جوا ولا في كلام بقوله وانا مش بنفذه ولا في

كلام بقوله زي البغبان مجرد اني سمعته في نشرة اخبار ولا حد قاله قدامي من غير لا فهم ولا

وعي ولا اي حاجه

انه بيتقي ربنا

اقرب من ربنا وارا القران دليلي للطريق الصحيح

انه مثقف ( اقرا واتعلم )

ان قرارته حد السف

انه صديق صح

الخ الخ الخ 

وكل صفه وصفه انا لاحظتها  انا هتعب فيها

عشان تكون صفه مني انا مش من حد 

بمعني ان مش اقول خلاص انا بقيت كذا وكذا وكذا

النقط دي مش لبس هلبسه ولا ماسك هحطه دا بتدخل في تكوين شخصية الانسان

يعني هتاخد من اي حد  كتير وكتير عشان يكون كدا

لكن

اشباااااااااااااااااااااااااااااااه الاشخاص دي

 

اللي شغالين يقلدو عشان يسلبو حب ناس لشخص ما ليهم 

علي فكرا

الناس لما بتحب فلان

مش بتحبه عشان هو بيكتب كيكيكيكييك ولا بيقول عاوز مثاثه

ولا بتحبه عشان كتب القصه الفلانيه ولا لبس الطقم اللي لونه كذا ولا عشان مش بيسمع

اغاني ولا عشان مش بيسمع ولا عشان بيرسم

ولا عشان اي حاجه

الناس حبته عشان قلبه اللي جواه الصفات اللي فوق دي وضيف عليها حاجات كدا خلت

لشخصيته رونق خاص

ممكن اي حد يقلده لكن مش هيكون زيه لانه عمل لنفسه شخصية ومش كان غير هو لا

متقمص شخصيه حد ولا بيقلد حد

ولان كل انسان له حاجه خاصه بيه هي اللي خلت لكل حد شكل غير المظهر

والاصلي هيفضل الاصلىىىىىىىىىىىىىى

عن الكاتب

Kiara بنت مصريه بحلم بدنيا صافيه مش فيها غدر وكل اللي فيها اننا نحب بعض مش لهدف ما لكن نحب بعض عشان نشوف الدنيا صح

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

عالــم مــولان