الجمعة، نوفمبر 06، 2009

وفاتت سنه

15845_1287093056869_1216445108_858671_1086439_n

في نفس الشهر دا من سنه

راحت مني ضي القمر

راحت مني لحظات لايمكن انساها

راحت مني تعليقات محفوره جوايا

وراحت بشكل مؤلم

اتاخدت مني لما بشوف البوستات بتاعت ضي القمر مش بحس بيها

اد ماكنت بحس تعليقات الناس فيها

لكن تاتي الرياح بما لاتشتهي السفن

وعملت عالم مولان اللي عمره الان سنه

وكل اللي دخل العالم دا في البدايه

كان بيدعي ان العالم دا يكون افضل من ضي القمر

وبصراحه مش عارفه هو فعلا كان افضل ولا لا

الحكم ليكم خاصه الناس اللي كانت عارفه ضي القمر وكانت متبعاه

ومعلش هستاذنكم اني هغيب شويه عنكم عن التدوين والميل كمان

بس اكيد هبقي اطمن عليكم من وقت للتاني

وبتمني ان عالم مولان كان ضيف خفيف عليكم السنه دي

البوست مفتوح قدامكم قولو رايكم في العالم دا وفي كل بوستاته

ايه الغلطات اللي وقعت فيها والمميزات

 

وسلامي للجميع 

 

42 كلام قلوبهم:

romansy يقول...

مش عارف

هل يا ترى

بعد سنه

هكون اول تعليق


هنا

romansy يقول...

مش عارف

هل يا ترى

بعد سنه

هكون اول تعليق


هنا

romansy يقول...

اد ايه ضى القمر كانت جميله
وعالم مولان جميله
علشان الاهم ان الاصل موجود

التعليقات جوانا

كل سنه وعالم مولان طيبه
كل سنه وانتى طيبه يا كيااارا

mido يقول...

نفس الأسلوب

لكن أعتقد فى ضى القمر كنتى أنشط زيادة

كيــــــــــــارا يقول...

اوووووووووووول تعليق لرومانسي بعد سنه (^_^)

كيــــــــــــارا يقول...

ميدو

*******

انشط كتيييييييييييييييييير جدا

مش كان في مدونة الا وكنت اول تعليق فيها

الشغل وضغطه بئا عاااااااااااااااااا

smilyrose يقول...

السلام عليكم

وحشانى يا قمرى

اخبارك يارب دايما بخير

وكل عيد حب وانتى طيبة

وعقبال مليون سنة لمولان

ومهما عدت سنين ضى القمر فى قلوبنا

ومعاها ذكرياتنا واحلامنا

دايما فكراها ودايما فكرينها

ويارب دايما مع بعض


بحبك مووووووووووت

فتاه من الصعيد يقول...

انا ماشفتش ضي القمر للاسف

بس حابه عالم مولان

كله جميل ورقيق وطيب زي صاحبته :)

كل سنه وانتي طيبه

تحياتي

أحــوال الهـوي يقول...

في حاجة غريبه في المدونات كل اللي باحبهم بيبطلوا كتابه
\
في ايه

طيب ايه الحل ممكن بس كل اسبوع تطمنينا عليكي ببوست

تحياتي

بدراوى يقول...

على فكرة انا البوست ده زعلنى بجد
مش لإختيارك انك تأخذى اجازة
لكن طريقة الكلام بحس فيه نبرة الفراق و الوداع
انا اسف لو كلامى بايخ او جارح ليكى
بس ممكن تقوليها بشكل اكثر جمالاً من كدة

و انتى طبعاً عارفة اننا كلنا بنعزك ازاى

ربنا يكرمك و يسعدك و يطمنك

انا مش حقول رأيى لأنى حديث العهد بمدونتك
فمش اقدر اقول رأيى

الشاعر الحزين يقول...

[ما انى مش عارف ضى القمر

ومعرفتش غير عالم مولان

أحب أقولك انها من المدونات اللى وقفت قدامها كتير قوى قوى

والكلام ده أنا قولته قبل كده لو تفتكرى لكن بجد عالم مولان من أكتر المدونات اللى بجد بحافظ قوى على متابعتها لأنها بجد تستحق المتابعه

والله كلامى ده مفيهوش أى شئ من المجامله

كل سنه وأنتى طيبه وكل سنه وعالم مولان بخير يارب

دمتى بكل خير

أبو العريف يقول...

السنه الجايه اجي اقولك

ايه المميزات

وايه المميزات برضه

عشان هركز بقي واقعد انتقد

وانتقد

وانتقد


كل سنه وانت طيبه يا كيارا

ويارب اللي جاي احسن من اللي فات

وفي تقدم مستمر


وياريت بلاش تغيبي عننا

๓คภ๏ภค يقول...

لوووووووووووووووولوووووووووووووووووووووووووووووووى شفتى بعرف ازغرط ايون ايون دى من مواهبينى بس مش بحب اظهرها

هههههههههههه

كل سنة وانتى طيبة يا احلى كيارا ف الدنيا كلها

حبيبتى الاتنين حلوين لان اللى بيكتب ف الاتنين واحد قلب واحد وشخصية حبوبة ودمها خفيف وجدعة كلنا عشقناها

وعشقنا روحها الحلوة الطيبة

وان شاء الله حتى تبقى الساحرة الشريرة ههههههه هموت فيكى بردو

ربنا مايحرمنا منك ابدا وتفضلى كده ع طول منورانا وتعيشى وتفتكرى احلى الذكريات وامتعها يارب اللهم اميييييييييييييين

๓คภ๏ภค يقول...

لوووووووووووووووولوووووووووووووووووووووووووووووووى شفتى بعرف ازغرط ايون ايون دى من مواهبينى بس مش بحب اظهرها

هههههههههههه

كل سنة وانتى طيبة يا احلى كيارا ف الدنيا كلها

حبيبتى الاتنين حلوين لان اللى بيكتب ف الاتنين واحد قلب واحد وشخصية حبوبة ودمها خفيف وجدعة كلنا عشقناها

وعشقنا روحها الحلوة الطيبة

وان شاء الله حتى تبقى الساحرة الشريرة ههههههه هموت فيكى بردو

ربنا مايحرمنا منك ابدا وتفضلى كده ع طول منورانا وتعيشى وتفتكرى احلى الذكريات وامتعها يارب اللهم اميييييييييييييين

7annen يقول...

كل سنه ومدونتك بخييييييييييييييير

وانتى بخير يارب

وعقبال مليون سننننننه

عاشقه الرومانسيه يقول...

هتغيبى ليه ياقلبى؟
خييير يارب

حلم بيعافر يقول...

عقبال 100 سنة نتكلم فيها مع بعض ونتعلم فيها من بعض كلنا كمدونين
بجد انا لسه مكملتش 6 شهور فى البلوجر بس الفترة اللى بغيب فيها عن التدوين لاى ظروف ببقى زعلان جد وحاسس انى ناقصنى حاجة كبيرة قوى

mohamed ghalia يقول...

ياهلا ياهلا
بلوجر نور من جديد
وهيضلم تانى ياخسارة لسه هتغيبى شوية
تيب زى بعضه
طبعا أنا كنت من الى اسعدهم الحظ وحضرت المدونة الأولى
شخصيا مقتنع بكلامك حاسس انى ضى القمر كانت أقوى
يمكن عشان هنا صاحبة ازمات اكتر شوية انتى بعدتى شوية كان فيه غيابات كتير
بس المهم انك موجودة ودى معناه انك تقدرى تخلى دى بنفس القوة واكتر
المهم العقل يامان ههههههههههههه
والراس موجود والمال عند عمى
وكده تبقى ملت
وكل سنة ومدونتك بخير وصاحبتها فى سعادة

سومه...مجنونه فى بلد عاقل يقول...

حتوحشينا يا منمن كان نفسى تشاركى معايا فى الحمله الجديده
تروحى وترجعى بالسلامه يا رب متطوليش الغياب بجد عشان المدونات بتضلم منغيرك

Angel يقول...


صباح الخير .. كيارا

أولا كل سنة ومدونتك أحلى وأجمل
وأنتي معاها ومع كل أحبابك المدونين
ثانياً للأسف أنا محضرتش ضي القمر

بس أهم شيء أن روح المدونة موجودة

(:

دمتِ بكل خير وحب وسعادة

Hager Za3bal يقول...

كل سنه وعالم مولان طيبه :))))

مش مهم المسمي .. المهم ان روح مني هي اللي طاغيه علي الاتنين ..:)

متغيبيش كتير عشان بتوحشينا

حنان الشافعي يقول...

كل سنهوانتم الاتنينبالفخير
انا معرفتش ضي القمر بسعرفت هنا
وحبيتهاجدا


حبي

ريمان يقول...

لا لا


زعلااااااااااااانه منك يا وحشه


ولا بتسالى ولا اى حاجه


كده خلاص نسيتى ريمان


طيب ماشى بس واخده على خاطرى منك شويتين تلاته اربعه

بس وةالله وحشانى اوى

متطوليش بقى الغيبه اكتر ما هيا


تحياتى ليكى

ابو على يقول...

ألا يجيكى اتى ألا يجيكى اختك
ههههههههههههههههههههههههههههه

ضى القمر اكيد كانت جميله مع انى ماقرتهاش
ومولان كمان جميله
وكله هايبقى ذكريات متخافيش
هههههههههه
وبدعى ربنا انك لما تيجى تبطلى تدوين ابقى عايش عشان اشوف اليوم دا ههههههههه
تغوووحى وتغجعى بالسلامه

د. ياسر عمر عبد الفتاح يقول...

أنا مشفتش ضي القمر
علشان لسه جديد

لكن أنا بأوكد إن العالم ده كان عالم ثري وممتع إلى درجة كبيرة

ضحكات الحياة يقول...

السلام عليكم

تروحي و ترجعي بألف سلامة ان شاء الله
بس انا للأسف المدونه من سنة بس تقريبا كانت مع عالم مولان
بس أكيد ان غرقت في عالم مولان و كان عالم خاص بيه

تحياتي لكي

نهــــــــــار يقول...

السلام عليكم..
إزيك يا قمر وحشاني خالص ...
بصي ضي القمر هي إلي تعرفت عليكي من خلالها ولها مكانه غاليه عندي زي عالم مولان إلي مستمر تواصلنا من خلاله ..
......
سلميلي على ماما ..
في أمان الله

صوت من مصر يقول...

حتى لو نسيتيها
لسه فاكرينها كلنا

zikooooo يقول...

صراحه انا مشفتش ضي القمر بس شفت عالم مولان وعجبتي اوووي

Butterfly يقول...

تعيشى وتفتكرى
وكل سنه وانتى ومدونتك كويسين :)

بســـمة انور يقول...

منون
بحببببببببببببك موت وربنا

انا معرفتش ضى القمر بس عرفت مولان وطبعا كيارا
وحبيتك بجد فى الله

ويارب متتاخريش علينا يا قمرة

لورنس العرب يقول...

مش مهم ضي القمر أو مولان
المهم ان اللي بيكتب الاتنين هو نفس الشخص


لا تغيبي كثيرا

يعني ساعه وارجعي!

Dr Ibrahim يقول...

مش مهم ضى القمر او عالم مولان

مادام الكاتب واحد يبقى مفيش حاجة هتتغير..

الشنكوتي الكبير يقول...

الأتنين هم انتي
وبالتالي اللي عجبته دي واللي عجبته دي في الأخر هو عجبه كلامك انتي

واحنا عاجبنا انتي يا فالحه
اهمدي بقى


سلاااااااااااااااااام
اخوكي ايهاب

صدى الصمت - عاشقة الورد - يقول...

أنا فاكرة طبعاً يا كوكى لما المدونة إتغيرت وإنشئتى عالم مولان
ليست الأشياء هى التى تصنعنا ولكن نحن نصنع اللأشياء
بمعنى إن الشخص هو الأساس ومدام الفكر موجود ومتجدد هيكون رائع ومبدع فى أى مكان ودة إل حصل معاكى
ومدونتك الجديد أكثر من رائعة
دمتِ متألقة كعادتك
تحياتى

Nabil يقول...

السلام عليكم...

ازييييييييييك؟؟؟ اخبارك ايه

ضى القمر كانت جميله ومولان جميله جدا

لان المهم نفس الروح

~PakKaramu~ يقول...

Visiting your blog

د/ رامي شهاب الدين يقول...

تعيشى وتفتكرى

blue-wave يقول...

انتى عارفه انك اروع من الروعه
واى حاجه بتعمليها بتبقى حلوة
لأن روحك نفسها حلوة
ماتزعليش من اللى فات
وفكرى دايما فى اللى جاى
اسيح بقى واقول ان صورة البنوته اللى فى البوست دا شبهك فعلا؟:))

* Alwaan * يقول...

ازيك يا كيكتى


انا كنت بحب ضى القمر جداا عشان هى اللى عرفتنى عليكى

بس بعد كده حبيت عالم مولان جدا عشان على اتصال بيكى ومحرمتناش من بوستاتك الجميلة ام دم خفيف


كل سنة وانتى طيبة و وكل سنة وانتى معانا

تايه في وسط البلد يقول...

ضي القمر كانت حلوة

وعالم مولان كمان حلوة

والروح فيهم واحدة ولا خسارة كبيرة هنالك ما دام الأصل موجود

شدي حيلك بس وانتظمي في الكتابة ومش تكسلي

عام تدويني رائع وجميل باذن الله

شفـقــة و إحســــان يقول...

يا جامد انت يا بتاع الكتب والثقافة بس بقولك ايه انتى تحكيلى اللى مكتوب فى الكتاب بالظبط اه علشان انا بخيلة ومش بشترى كتب
وحشتينى ووحشتى المصاصات