الثلاثاء، نوفمبر 17، 2009

اعتــرافــات رئيــس ســـابـق

كتاب اعترافات رئيس سابق  تاليف الكاتب مصطفى ريان ابن منطقتى 

اول حاجه لفتت نظري هو

~~ الاهداء ~~

اهداء الي روح ابي رحمه الله

والي امى

ربنا يجعلك دايما بار بيهم ياابن منطقتي

^^^^^

قبل اما اتكلم عن الكتاب عاوزه اقولكم ان اسلوبة روعه وبصراحه كنت حاسه اني بقرا لكاتب بيكتب من زمااااااااان مش اول كتاب ليه وخلصت الكتاب كله في حوالي ساعتين ببص لقتني خلصته حسيت بحزن شديد انه خلص وقعدت اقول في سري هو مستعجل ليه ايه الناس دي ماكان يحط كام قصه كمان ياساتر علي البخل وقلت يلا تتعوض في الكتاب الجاي اللي لن اقبل انه يكون قليل زي الكتاب دا لازم يحطله 100 قصه قصيرة ولا حاجه

~~ هناك فرق ~~

القصه هنا باختصار شديد رجل تزوج من امرأه علي حد قوله نكدية ههههههه واول اما توفت طلقها واتجوز من واحده تانيه مش نكدية بس مصاريفها كتير (^_^)

هنا طبعا هو سلط الضوء علي حاجه مهمه جدا وانا دايما بفكر فيها اني لما ارحل لاي سبب الناس تفتكر الذكري الحلوه مش تقول الحمد لله انها راحت

نقطة تانيه ان برغم ان الزوجه التانيه كانت مصاريفها كتيرة الا انها لما رحلت سابت ذكري حلوه عند الزوج واي حد هيقرا القصه دي مش هيقول غير فعلا هناك فرق

~~ناسيا العالم من حولي ~~

هنا بيوصف شعور بجد هو بيكون جوا كل حد عاشق للكتاب لما يكون بيقرا في كتا بالفعل بينفصل عن العالم ولو حد زعق حتي ولا هيسمع  واعتقد ان الاجيال الجايه هتفتقد الشعور دا تدريجيا .

~~ الحل الامثل ~~

هنا القصه باختصار زوجين بنو حياتهم سوا لكن الزوجه اهملت الزوج بشكل بشع فراح عمل ميل علي انه بنت وفبرك قصه وبعتها لزوجته وكان رد فعل زوجته انها رجعت ملكة قلبة كما كانت

رد الفعل الطبيعي بعد القصه الجميله دي ابتسامه رقيقه

بس السؤال اللي ورا القصه ليه دايما لما بنحس اننا امتلكنا حد بنهمله ومش بنراعيه وكاننا خلاص مسكنا في ايدنا وبننسي ان الضغط والمعامله السيئة ممكن تخلية يحارب قبضة ايدنا ويحاول الفرار ولما يبعد نقعد ننعي حظنا ونقول ياريت اللي جرا ماكان !!

ليه مش نراعي اللي حبانهم وحبونا وتكون معامله اول العلاقة مستمرة مش لحظات وتختفي ؟؟

سؤال يطرح نفسه لكن لن اجد اجابة !!

هكمل بئا المجموعه القصصية البوست الجاي

التعليق فوق

 

 

39 كلام قلوبهم:

7annen يقول...

شكله كتاب حلو اوى

فى انتظار باقى القصص
تسلمى ياقمر
وتسلم ايد اللى كتبه
فى حفظ الله ياقمر

7annen يقول...

لالالالا اول تعليق عند كيارا

دى اوووووول مره

7annen يقول...

نحتل طيب شويه بقى بما ان الناس نايمه
هههههههههههههه

7annen يقول...

والرابع على السررررريع

7annen يقول...

مش هتقل عليكى

خلى بالك من نفسك
سلام ياقمر

blue-wave يقول...

البدايه موفقه
ربنا يكرمه
ويكرمك يا قمر

أبو العريف يقول...

كلامك عن الكتاب شدني

اكيد هقراه

ايه الغيبه دي

انت فين من زمااااااااااااان

حمدالله عالسلامه

طوبه فضه وطوبه دهب يقول...

واضح ان الكاتب اكثر من رائع وحلو قوى قضيه اننا بنهمل الشىء بعد ما بنحس اننا بقينا نملكه مش بنحافظ عليه ونحيطه بالحب عشان يملا قلوبنا زياده لا بنساعده عشان يهرب من بين ادينا افكار حلوه مستنين البقيه

mostafa rayan يقول...

كيارا بنت منطقتى الف شكر ليكى يا قمر على العرض الجامد للكتاب
وكلامك انك خلصتيه فى ساعتين ده معناه قمه النجاح ليا انه شدك من اول سطر لحد الاخير وماحستيش ولا لحظه من الملل وصدقينى بجد ده اكتر شيئ بيطمع له اي كاتب
اشكرك يا جميله ويلا بقى فى انتظار الباقى خلينى اكتشف نفسي من خلالك

mostafa rayan يقول...

اصدقائي القراء
اشكركم واتمنى الكتاب يعجبكم وهنتظر رأي كل قارئ فيكم عنه

حلم بيعافر يقول...

ماتجيبوا لينك الكتاب طيب
اللى يقرا لوحده عنيه توجعه برضه

Angel يقول...


مساء الخير .. كيارا
(:

حلو أوي سردك للي بداخل الكتاب بطريقة موجزة

بطريقة بجد تجذب الانتباه وحقيقي نفسي اقراه أوي أنا كمان (:

شكراً .. لكاتبنا مصطفى ريان


...........

حلو أوي الاستايل الجديد يا كيارا
(:


دمت بكل ود واحترام

Angel love

Wanda يقول...

و بعدين كملى :-) شوقتينى

د. ياسر عمر عبد الفتاح يقول...

مصطفي طبعاً غني عن التعريف
وطبعاً كل قصصه القصيرة بتعجبني جداً

جميل أوي التعليق بتاعك عن الكتاب
وإن شاء الله متابع كل البوستات معاكم

amirelhob يقول...

شدينى اوى الكلام عن الكتاب حسيت انى لازم اقراه واوعدك انو لو عاجبنى هخلى جزء كبير اوى من اصحابى يقرواءه وانا متوقع انو هيعجبنى جدا كمان لان شكلو يجنن من خلال السطور القليله دى
ومن قلبى بتمنى النجاح للكتاب وبتمنلكم كل خير وسعاده وصحه وتوفيق وفرح وابتسامه تدوم يا رب طول العمر

عاشقه الرومانسيه يقول...

مبرووووووووك الكتاب يامصطفى

كيارا
اقدر اجيب الكتاب ده منين فى اسكندريه؟
ياريت تعرفى لى بيتباع فين؟

mostafa rayan يقول...

مدونه بنتمنطقتى وارد بقى براحتى
ههههههههههههههههه
اصدقائي اشكركم جدا على اهتمامكم
______________________
حلم بيعافر
الكتاب مطبوع مش على النت فانت لازم تشتريه
على فكره هو سعره فى متناول الجميع 8جنيه فقط
لك كل النحيه
*************
انجل
الله يخليكى يا انجل واتمنى الكتاب يعجبك


- وندي
وبعدين ده بقى انت تعرفيه لما تشترى الكتاب .. لازم نشوقك ليه
هههههههه
تحياتى لك واتمنى بجد انه يعجبك ويكون عند حسن الظن


- د. ياسر
الله يخليك يا صاحبى وكيارن ونعم الاخت بجد


- امير الحب
وانا ياعم اللي هنتظر رأيك و{اي اصحابك وان شاءالله هيعجبكم
تحياتى لك


- عاشقه الرومانسيه
الله يخليكى وحالا بأذن هنقولك على اماكن التوزيع
تحياتى لك ودمت بكل الخير

mostafa rayan يقول...

اضدقائي دي اماكن توزيع الكتاب فى القاهره والمحافظات
وده لينك جروب داراكتب على الفيس لمعرفه المزيد من المعلومات عن اماكن البيع وللاتصال بهم لمعرفه اقرب اماكن توزيع الكتاب بالنسبه لكم
http://www.facebook.com/home.php?#/group.php?gid=5057370325&ref=mf

أماكن التوزيع
1- القاهرة:
عمر بوك ستورز - 15 ش طلعت حرب – أعلى مطعم فلفله – 0103361217
مكتبة البلد - 31 ش محمد محمود . التحرير . أمام الجامعة الأمريكية - 27922768
نون للنشر والتوزيع – 12117 ش السد العالي . ميدان فيني . الدقي - 37601041
مكتبه ليلى – 17 شارع جواد حسنى من شارع قصر النيل – 23934402

مكتبه ديوان – 159 ش 26يوليو . الزمالك -37362582

مكتبة الدار المصرية للنشر والتوزيع
الزمالك - بجوار سوبر ماركت مترو

مكتبة مدبولي
ش الجزائر - المهندسين - خلف فندق أطلس

مكتبة نفرو
ش معروف - وسط البلد

مكتبة آدم
جراند مول المعادي
محل 140
25195351-27456353-0106737589

الجيزة
فرست مول – 35 شارع الجيزة
تليفون:5735035 - 5685187

مكتبة النوالي - ش الأهرام - مصر الجديدة

فيرجن - مول سيتي ستارز - مدينة نصر


الاسكندرية
سان ستيفانو مول
تليفون: 4690370/03- 1633685/010

2- الإسكندرية
معرض الكتاب السكندري:
شارع صفية زغلول – امام ماكدونالدز – محطة الرمل

( 2 ) مكتبة سونة بمحطة الرمل :
أ. سونة
العنوان : صينية محطة الرمل بجوار فيشار جوجو
ت : 0124609082

( 3 ) مكتبة روايات الشباب
أ.محمد قطب
رقم 67 ش مسلم بن الوليد - الموازى لمصطفى كامل – محطة قطار السوق
ت: 0121731008 ، 5759865

( 5 ) مكتبة أمير :
خلف سينما أمير – محطة الرمل

3- المنصورة
بوكس اند بينز – المنصورة : ش جزيرة الورد أمام نادى الجزيرة – 2242285/050

4- بورسعيد
مكتبة درغام - ش صفية زغلول - بجوار فندق انتركونتننتال - 0113699903


طنطا
1- مكتبة العز - خلف سينما مصر - ميدان الساعة
2- المكتبة القومية للتوزيع - ش القاضي
3- كشك محطة القطر - محطة قطار طنطا
4- مكتبة الأندلس - خلف عمر أفندي

&&&&&&&&&&&
المنصورة
1- مكتبة بوكس آند بينز - أمام باب نادي جزيرة الورد
2- مكتبة الصحافة - ميدان المحطة

&&&&&&&&&&&
دمنهور
1- مكتبة الأمل - بالقرب من دوران الإستاد
2-مكتبة الصحافة - محطة القطار

********************

الدول العربية ودول الخليج :
الدار الوطنية الجديدة - السعودية (read less)

sookra يقول...

مبروك لابن حتتك على الكتاب

mohamed ghalia يقول...

عينى ياعينى
وناقدة كمان
عديتى ياكيارا ههههههههههههه
جميل عرضك بجد

حنين القلب يقول...

اجمل ما فى الكتاب البساطة

اما بالنسبه لسؤالك
الراجل هو الراجل بكل مسئولياته
شغله وبيته ودنيته ايه اللى بيتغير فيها

انما الضغط الاكبر بيبقى على الزوجه
النهارده زوجه كل اللى يهمها فى دنيتها تسعد زوجها
بكرة ام متحمله طفل بكل مسئولياته ومع ذلك الزوج يرفض انه يقلل من طلباته او يساعدها فى تربيه الطفل

ازاى هتقدر تقوم بدورها كامل وكل المسوليات على راسها
الزوج والاولاد وطبعا اهلها برضه ولو بتشتغل يبقى كمان الشغل
يبقى بالله عليكى
المفروض مين اللى يلتمس العذر للتانى

بعيد عن كل ده بقى
اموووووت واشوفك ام كده واعرف هتعملى ايه يا فيلسوفه
ههههههههههههههههههههههههههه

حنين القلب يقول...

الف مبروك يا مصطفى
وعقبال الكتاب التانى

وانا باذن الله هحاول اجيب الكتاب
بس بجد واضح انه كتاب روعه وطريقتك واسلوبك فيه روعه

ربنا يوفقك

فكرة من الزمن ده يقول...

كيووووورة الامورة
فينك من زمان يا وحشة
وحشتيني
ضحكت اوي على كلمة
الراجل اللي طلق مراته بعد ما ماتت
طيب دي ماتت والضرب في الميت حرام
ولا علشان ماتلحقش بيه لو دخل الجنة
تحياتي
وفي انتظار الباقي

romansy يقول...

لا ن دى النفس البشريه
لانها بتحب دايما شئ بعيد
مش فى ايدك
بتحب دايما الامتلاك
بتحب تبقى هى السياده
مش العبيد

فتاه من الصعيد يقول...

مبرووووك لاستاذ مصطفى

وقصص جميله

تحياتي

mostafa rayan يقول...

اصدقائي اشكركم جميعا لتفاعلكم مع البوست وادعوكم لمشاهده تسجيل لحلقتى على قناه النيل الثقافيه برنامج ثقافيه كافيه فى البوست الاخير بالمدونه

********&&&&&@@@@@@@@@@@

سكره
الله يبارك فيك ويارب يعجبك

- محمدغاليه
طبعا يا بنى مش بنت منطقتى
هههههههههههه
تحياتى لك


- حنين القلب
المفروض فى الزمن ده يا حنين كلنا نلتمس الاعذار لبعض ستات ورجاله
هنتظر رأيك ضورورى عن الكتاب
تحياتى لك


- فكره من الزمن ده
طب يارب نقدر نفرحك على طول
بس الباقى ده تعرفيه لما تشترى الكتاب
وهننتظر رأيكعنه ضروري
تحياتى لك ودمت بخير


-رومانسي
تحليل رائع للقصه
هننتظر رأيك بقى عن بقيه قصص الكتاب يا جميل
لك لك التحيه


- فتاه من الصعيد
الله يبارك فيكى وهننتظر رأيك عن الكتاب
لك كل التحيه
_________
وطبعا مش محتاج اقولك شكرا تانى وعاشر لبنت منطقتى الجمليه كيارا

Dr Ibrahim يقول...

من هذه المجموعة التى طرحت تبدو مجموعة قصصية جيدة تناقش العديد من المشاكل الزوجية ولكن هل المجموهة كلها تدور حول المشاكل والعلاقات الزوجية

فى انتظار القادم

mostafa rayan يقول...

د. ابراهيم
اهلا بحضرتك واشكرك على ثنائك على المجموعه واريد ان اخبرك ان المجموعه تناقش موضوعات اخرى كثيره غير المشاكل الزوجيه وهذا ما ستتأكد منه عندما تقرأ بوست كيارا القادم وعندما تقرأ انت الكتاب ان شاء الله
لك كل التحيه والود

mahasen saber يقول...

كيارا الناقده الادبيه .....

طب تصدئى بئا انك جميله حتى فى قرائتك لقصص الرئيس درش ريان

جميله يا كوكا انتى دايما ونفسى اشوفك واشوف الكتاب ودررش كمان

mahasen saber يقول...

درش عندك ناقده رائعه اهى استعين بأررائها النقديه فى المحافل الثقافيه

والله انتا انسان رائع وموهوب وتستاهل كل خير

وهي انسانه محترمه وصديقه صدوقه وتستاهل كل خير

ربنا يبارك فى روحكوا الراقيه دى

نهــــــــــار يقول...

السلام عليكم..
إزيك يا قمر أخبار إيه...
...
ماشاء الله هو مصطفى قصصه حلوه ...
الله يوفقه ...
...
في أمان الله

شبــ اون لاين ـــاب يقول...

الرجاء الدخول علينا


...


و اتمنى تحديد موقفك من القضيه

اقصوصه يقول...

شكل الكتاب حلو :)

mohamed يقول...

لطيفة مدونتك يا كيارا

تايه في وسط البلد يقول...

اهلا كيارا

كده يا كيارا تتأخري في الكتابة عن ابن منطقتك ده كله؟!!!!

ده الدم بقي ميه يا جرعااااان!!!

هههههههههههههه

انا باهزر طبعا يا كيارا لأنك سبقتي ناس كتير وانا ضمنهم لعرض المجموعة الجميلة للمبدع درشاوي

ميرسي كتير انك سبقتي بالخير

كلام من قلبي يقول...

الكتاب شكله مشهي كدة ويفتح النفس
تسلم ايدك يا جميل
على فكرة انتي وحشاني وكلامك ومدونتك بقالي كتير متاخرة

عاشقة القمر يقول...

كل سنه وانتي طيبه ربنا يحقق امنياتك

حـــــدوتـــــة يقول...

السلام عليكم

كل عام وانتم الى الله اقرب

وعيد اضحى مبارك

قيس بن الملووووح يقول...

كل عام وانتم الي الله اقرب
وعلي طاعته ادومِِ