الجمعة، ديسمبر 18، 2009

حوار بين كيارا ومولان

Mondinsieme_2007_Logo_Mani_500px

بقالي كام يوم بفكر ارجع للتدوين من تاني وارجع ارد واتابع واطمن

وناس كتير كلمتني اني ارجع واكتب من تاني بس ولانهم غاليين عليا مش اقدر مش البي الندا

واديني جيت

ولما جيت لقيت مولان المشتاقة ليا بتكلمني وحصل الحوار دا

مولان : ازيك ياكيارا المكان  محتاجكك التراب بقي في المكان محتاج كلامك روحك طبعك

كيارا : انا جيت لكن لما دخلت تقريبا بعض المدونات لاقيت  كوارث تتوزن  بالطن اه والله بالطن

وانا بقراها محستش غير ودموعي نازله وبتلسع قلت لا مش هرجع تاني المكان بئا مش يتسكت عليه

مش بقي  البيت اللي بعرف منه الاخبار الطازه مش بقي  المكان اللي اضحك والضحكة  تتحس من القلب

مش بقي  المكان اللي اكتب فيه احساسي

مولان : ايييييييييييييييييه مش المكان دا .. اللي يدايقك اخلصلك عليه و مش تنسي ان الخير دايما باقى

كيارا:  انتي مش شايفه محاسن صابر وبوستها وزعلها من الناس اللي بيتكلمو ليها

        مش شايفه صبرني يارب والكام بوست اللي في الاخر و قفلت التعليقات ومش عاوزه حد

فين بابا عصام اخر بوست من اسبوع ومش بيرد علي الناس

        فين بابا عمرو حبشتكنات اللي غايب بقاله كتير ومش في حد عارف يوصله بجد انسان ملوش حل ومفتقداه بشدة

        فين بابا من غير عنوان  اللي كل فتره ينزل بوست ويختفي تاني

        فين بابا وميض ابتسامه

        فين مامتي شمس النهار اللي ضيقوها وبعتولها ميلات وحشه وسابت البلوجر

       وريم اللي كانت هتقفل مدونتها ورجعت تاني

        فين عم فشكول

        فين ازهري   اللي ان شاء الله هولع فيه لو مش رجع

       فين اكون او لا اكون و ماما مازن و الطالبة عفو الله زوزو وبنت القاضي

      دكتور ياسر عمر عبدالفتاح  فين طوبة فضة وطوبة دهب  وبحبك وحشتيني ويوميات زوجه مخنوقة وروفى و  الشاعر   و  رقة الاحساس وخمسة فضفضه ومحمود قصر الرئاسة وسمكة واحده و  حاسوبتيه وغربتي و مجنون و يوميات طالب ثانوي وميمي و وماكس بتاع زمان ودكتور رامى شهاب الدين  و قصاصة ورق و انا مسلمة

       في ناس كتيييييييييييير مش موجوده ومشيت بسبب الخفافيش

        فين اللمه الحلوه اللي كنت بحسها وانا داخله اي بوست

        فين لما كنا بنتسابق علي التعليقات

        فين الهقهقه اللي من القلب مش بقي في غير صبرني عملت

  ومحاسن بتقول وبيعد وفلان بيزيد وفلان بيالف وفلان علي علاقة ومش عارف

مين اتجوز ومين طلق ومين حب ومين كره  خلاص خلصنا كل مشاكلنا ومش بقي لينا غير الكلام في سيرة الناس  اييييييييييييييييه دا بلوجر مش كان كدا

مولان : خلاص خلصتي كلامك

كيارا: لا لسه اما افتكر هقول :)

مولان: خلاص هرد علي كلامك ولما تفتكري حاجه قولي

       لوالعماره اللي انتي ساكنه فيها فيها  جيران وحشه ونمامه ومش بتعرف ربنا  هتعزلي انتي وجيرانك

كيارا :لا طبعا هو الواحد بيلاقي الشقه بسهوله

مولان :امال هتعملي ايه ياشاطرة

كيارا :هتفق انا وجيراني الكويسين ونغير العمارة ودايما الصالح بيبقي والطالح بيظهر

مولان: لوجر هو العماره والشقه هي مدونتك بنتيها بايدك يوم بيوم وتعبتي فيها تسبيها بسهوله عشان شويه كائنات مش بيراعو ربنا  ولا تمسكي فيها بايدك وبكل ما تمليكي عشان تحافظي علي تعبك

كنت قريت حكمة بتقول

من هتك حجاب أخيه هتكت عوراته

تفتكري ان ربنا مش شايف وعارف داانتي كل شويه تقولي داين تدان فالديان لايموت

يبقي ليه الياس ليه تنفذو اللي هما عاوزينه وتسبولهم الدنيا .. لا .. انتم تقعدو وتكتبو  وتعلقووتوصلوا صوتكو ورسالتكم واعرفي دايما انهم مجرد خفافيش مش بتظهر غير في الضلمة يبقي اللي عليكو انكم تكونوا ايد واحده وتملوا الدنيا نوووووووووررررررررررررررر وهما هيتمحو لوحدهم صح ياكيارا ولا لا

كيارا : وانا هقدر اتكلم

^^^^^

سئل أبو حازم ماشكر العينين؟ قال: إذا رأيت بهما خيراً أذعته وإذا رأيت شراً سترته.
وسئل ماشكر الأذنين؟
فقال: إذا سمعت بهما خيراً حفظته وإذا سمعت بهما شراً نسيته.

بالله عليكو اتقوا الله اللي عمال يتكلم ويلك في سيرة الناس احنا في ايام مايعلم بيها الا ربنا نفسي اعرف انت متخيل منظرك وانت واقف قدام ربنا سبحانه وتعالي وانت جايب في سيرة ناس اتقوا الله اتقوالله وارحمونا بئا

^^^^^^^

نداء عاجل

بابا عمرو وماما شمس و بابا من غير عنوان و ازهري وعم فشكول  ارجعو لينا تاني

و محاسن وصبرني عشان خاطري مش تتضايقو كدا

نداء لكل الغايبين ارجعوووووووووواااااااا

 

138 كلام قلوبهم:

ابو على يقول...

هيا دى بقى الخناقه

واللهى الضعيف اللى يستسلم لكلام حد

فيه مثل بيقولك كن ذئبا حتى لا تأكلك الكلاب

طيب انادى معاكى يا كيارا

ارجعووووووووو

كان معاكى طارق الشيخ:d

سلامززز

كيــــــــــــارا يقول...

هههههههههههههههه ايوه نادي نادي

ابو على يقول...

اعلان هام

ههههههههههههه

كيارا هاتسيب التدوين على ايدى

ههههههههههههههههههه

انا وراكى يا بنتى لغايه لما حد يجى ينادى عليكى ههههههههههههههههههههههههههه

أقصى خالد يقول...

الموضوعات الشيقة يحسب لها ميزانها الاخلاقى والتربوى والاجتماعى والثقافى .. والاهم من كل ده عامل الثقة فى نصوص الموضوعات وكمان يجب على كل اللى بيشاركوا فى الموضوعات او التعليقات يجب الدخول فى طرح مناقشات جادة وطبعا خفافيش الظلام ليها رأى تانى زى التشويش على المدونة ووضع موضوعات سلبية تنجرف وراء النزوات وكمان لا لا ترتقى ولا تعرف قدر المسؤولية لانها مجرد خفافيش لا تعقل غير إمتصاص الدماء فى ليل حالك الظلمة .. تحياتى .. مدون .. أقصى خالد

كيــــــــــــارا يقول...

ابوعلي

*********

ههههههههههههههههههههههههه ياربي علي الغلاسة

كيــــــــــــارا يقول...

اقصى خالد

***********

المفروض التدوين رساله مش فلان قال وفلانه بتعمل

م/ الحسيني لزومي يقول...

نحن مقبلون علي لحظات حرجه في تاريخ مصرنا
انتخابات مجلس الشعب 2010
انتخابات الرئاسه 2011
هل اعددت نفسك لتقول كلمتك
هل سجلت نفسك في الجداول الانتخابيه
اذا كنت قد سجلت نفسك ادعو غيرك
الحمله الشعبيه للقيد بالجداول الانتخابيه
باقي من الزمن 45 يوم

adel يقول...

يا اهلا بيكي :):)
يابنتي ازاي يعني نسيب مكان عشان شوية حيوانات او ان الحالة كئيبة

طب تصدقي اني عامل اشراف لاول مرة في حياتي عشان بس في حيوان بيدخل يشتم امي مش اكتر في مدونة السينما و بلا ادني سبب

تفتكري ااقفل المدونة بقي ؟؟

اهو وانا هاكتب تعليقك لسه سايبلي شتيمة

يابنتي مدونتك مينفعش تسيبها عشان حد كئيبق او حد شتم او الجو وحش و الكلام ده

اهلا بيكي تاني

عاوز الاقي كيارا راشقة في المدونة زي زمان و التعليقات و الاثاثت بقي :):)

كيــــــــــــارا يقول...

لا حول ولا قوة الا بالله طب يعني مامتك ذنبها ايه ربنا يهديهم بجد

وبس الاول نتفق عزمه علي مثاثه وفيلم شركة المرعبين (^_^)

adel يقول...

قشطة ياعثل
شلبي سولفان دايما يوفي بوعده

ياروز يا زهرة الخريف المتفجرة :):)

كيــــــــــــارا يقول...

مين شلبي سولفان دا ههههههههههههه

وردشان smilyrose يقول...

حمدلله على السلامة

وكل سنة وانتى طيبة

وحمدلله على سلامة ماما

وربنا يرجع لينا كل الاحباب

وبلاش غياب تانى

احنا اخوات وربنا يرجعهم لينا جميعا

بالسلامة ويرجع كل حبايبنا

بت كلمت اختى الحبيبة شمس وقولتلها

اننا نتقابل قالتلى اول ما كوكا تفوق من الظروف اللى عندها وضد تخف نتقابل باذن الله

فكرى وردى عليه

كيــــــــــــارا يقول...

ورده

********

ماشي افوق بس بس خلي بالكم المقابله تكون بدري عشان احنا في التوقيت الشتووووووووووووووووووي

adel يقول...

متعرفيش شلبي سولفان ؟؟؟؟
امال شركة مرعبين ايه بقي :)

ده البطل بتاع الفيلم مع بووووو :):)

كيــــــــــــارا يقول...

يالهووووووووووووووووووي انا نسسسسسسيت خالص اني كلمتك عن الفيلم وكل تركيزي انك بتتكلم عنك انا الزهيمر بقا عالي اوي

adel يقول...

ههههههههههه
انضمي للقافلة
انا و منامينو و كيارا
مين هيجي معانا في حملة محبي الزهايمر ؟؟

كيــــــــــــارا يقول...

هههههههههههههههههههههههههه

محاسن محاسن الزهيمر عندها عالي اوي

ابو على يقول...

ههههههههههههه
اجيلك انا يا عادل وانا معايا انفلونزا الخنازير؟؟

كيــــــــــــارا يقول...

لالالالالالالالالالالالالالالالالالالا

ابوعلي لالالالالالالالالالالالالالالالالالالالالالالالالا

adel يقول...

ابوعلي
لا احنا تخصص زهايمر :):):)
الخنازير القسم اللي جنبينا
اسال علي دكتور مدحت

ابو على يقول...

هههههههههههههه

معلش هيا طالبه غلاسه من الشتا اللى نزل على دماغى امبارح:d

عادى يعنى ادينى بشارك

كيــــــــــــارا يقول...

هههههههههههههههههههههههههه ايوه ياعادل اديله مش تحرمه من ايتها حاجه

كيــــــــــــارا يقول...

واحنا مالنا بئا تعدينا ياابوعلي بالخنازير ليه عاااااااااااااااااااا

adel يقول...

لا شارك معانا بقلبك و اتحساسك و بس

بلاش تبقي مشاركة فعليه :):)

ابو على يقول...

:d
لا انا قولت اشارك مش اتضارب

اوعو انا بلعب بوكس ههههههههه

كيــــــــــــارا يقول...

هههههههههههههههههههههههههههههههههههههههههههههههههههههههههههههههههه
ههههههههههههههه

موتني من الضحك وربنا هههههههههههههههه

كيــــــــــــارا يقول...

ههههههههههههههههه ابوعلي البوكس دا هيعمل اييييييييييييييه

ابو على يقول...

:d

اتزحلق يعنى
ليه كده يا عادل دنا بحبك

ابو على يقول...

عادل انت شكلك من ضهدنى

ابو على يقول...

قول حاجه يا عادل خلينى ارجع احبك تانى

هههههههه
متروحنيش مكسور الخاطر

adel يقول...

اقول كده هستنضمواااا
3 مرات

لو قالتها صح هاخدك معانا

او قول تذكرتينييييي
لقد زجحت لك تذكرتينييييي

كيــــــــــــارا يقول...

هههههههههههههههههههههههههههههههههه

هههههههههههههههههههههههههههههههههههههه

عادل مالكش حللللللللللللللللللل

من كام يوم موتني من الضحك علي حاله متباها نورا والنهارده هههههههههههههههههه

ابو على يقول...

ههههههههههههههههه


طب واللهى يا عم انا يأست انك مش هاترد

بس ياريتك مارديت انا زعلت منك

adel يقول...

لا لا لا

طب نسهلها

أسبل مانز
مرسي لبن المعلم زناتي اتهزم يا ...ماز

اهي ساهلة

اسبل = فنطت الحروف :):):)

كيــــــــــــارا يقول...

يالهووووووووووووووووووووي


هههههههههههههههههههههههههههه


ميته من الضحك وماما ماصدقت انها نامت ساعه هتصحي تاني ومش هعرف انيمها

ابو على يقول...

يا جماعه انا جاى اهزر معاكو مش جاى اتخانق

ابو على يقول...

اضحكى يا كيارا ان شاء الله القوضه هاتنفجر بيكى

عاشقه الرومانسيه يقول...

انا كمان باضم صوتى لصوتك وبنادى على كل الناس الجميله دى ترجع للتدوين تانى
انا بقالى فى التدوين سنه اهو وشكل التدوين اختلف نهائيا عن ما كنت داخلاه
حاجات كتير اتغيرت والناس الجميله اللى بتناقش مواضيع مهمه اختفوا
ربنا يرجعهم كلهم لنا بالسلامه ياااااااارب

كيارا
عادل
ابو على
منورين ياجدعاااااااان

adel يقول...

هههههههههههه
ياه ياعمونا انت زعلت ولا ايه ؟؟
انا بهزر

خلاص تعالي معانا و هيجيلك زهايمر زينا وهتوه عن المدونات و هتبقي زي كده
هههههههههههههههههه

هو صحيح دي مدونة مين يا كيارا ؟؟

كيــــــــــــارا يقول...

ابوعلي

***********

انت موش عاوزني اضحك ولا اييييييييييييييه ههههههههههههههههههههه

عاشقه الرومانسيه يقول...

ابو على يقول...

اضحكى يا كيارا ان شاء الله القوضه هاتنفجر بيكى
************************
ههههههههههههههههههههه
انت عسسسسل ياابو على والله

ابو على يقول...

دا هزار ولا تهزيق يا باشا؟:d

كيــــــــــــارا يقول...

دودو

**********

اخيرا حد بيناقش الموضوع طيب نادي معانا عليهم

منووووووووووووووووووره ياجدعايا ههههههههه

كيــــــــــــارا يقول...

عادل

***********

مدونة مين مدونه مين

تصدق موش فاكره

مين فاكر ياجدعااااااااااااان

عاشقه الرومانسيه يقول...

عادل
عادل
عاااااادل
اجى انا والنبى
انا عايزه انسى
انسى ايه؟
اى حاجه اهو انسى وخلاص
تعرف تخلينى انسى اسمى؟
والله فكره

adel يقول...

هههههههههههههههههههههه

ياعم لو تهزيق يبقي بهزق نفسي
انا الزهايمر بجد عندي مش طبيعي و مش هتصدق لو حكيتلك :):):)

واكيد لا مش تهزيق لاني مبعملش كده نهائي

ابو على يقول...

ههههههههههههههههه

كملت /عاشقه الرومانسيه اقفى جمبى قصاد الاعداء دول

adel يقول...

دودو :
تعالي
انا بسكر في بار ياني ...اللي جمب خمار ابو سنب
وكيارا بتحسابلنا


كيارا : واجب بقي مع دودو

وواللهي يابنتي مش مهم مدونة مين
ادينا قاعدين و خلاص بقي
هو انا مخي بلوك نوت يعني

كيــــــــــــارا يقول...

انتي مع ميييييييين يابت يادودو

قولي والا هفجر بلوجر عليكي قبل اما الناس الغايبه ترجع هه بث

ابو على يقول...

طيب يا عادل يعنى رجعت لحالتك الطبيعيه

ههههههههه اضحك بقى انا جاى اضحك معاك

يختى اصمالله اصمالتى:d

كيــــــــــــارا يقول...

عادل

************

خلاص عنيا بتدمع من كمتر الضحك ارحم يابني

ابو على يقول...

يعنى انتو بتخوفو البنت يا جدعان عشان تقف معاكووو

adel يقول...

نكتة سخيفة موز لسه شايفة علي الفتيس بؤز

ليــــــه سمو الراجل الاخضر كده ؟؟!؟؟ ... .. اكيد علشان لما كان بيركب الموتوسيكل بتاعوا كان بيعمل جريــن جريــــن جريـــــــــــــن

ههههههههههههههههههههه
عرفت ليه يابو علي الزهايمر بينفع
عشان انسي الحاجات دي :):):)

عاشقه الرومانسيه يقول...

انا تبع اللى تبعه ياكيارا
هع هع هع
وتبع اللى تبعه بيقولك ... مش فاكره
هههههههههه
هو كان بيقولك ايه
استنى كده اروح اسئله

عاشقه الرومانسيه يقول...

عادل
ايه ياابنى النكت اللى تجيب الضغط دى؟
ههههههههه
من حقك تنسى
انت تمسك فى الزهايمر بايدك وسنانك
ههههههههههه

ابو على يقول...

بصراحه نكته بايخه خالص
انا مضحكتش خالص

ابو على يقول...

هو البوست اسمه حوار بين الاربعه دول على فكره مش كيارا ومولان

بس احنا هانعتقل كيارا ونبقى تلاته

عاشقه الرومانسيه يقول...

عادل
كيارا
ابو على
انتوا رحتوا فين ياجدعااااان
كده تسيبونى لوحدى؟
عااااااااااااااااااااااااا

ابو على يقول...

متحطنيش الاخير يا عاشقه انا اطول واحد فيهم

adel يقول...

ما انا قولتلك يابو علي
يعني انا اتخنق لوحدي لما ااقراها ؟؟
اتق و اموت لوحدي ؟؟
مش انت عاوز تشاركنا
هههههههههههه

شورير انا

ومن عادل لدودو
هل تسمعني
كلمة السر مهبلبية

كيــــــــــــارا يقول...

مييييييين دا اللي يعتقل كيارا انا اولع فيه

انا اهووووووو يادودو

كيــــــــــــارا يقول...

لاااااااااااااااااااااا


مش في حد يتكلم عن الطول هولع في بلوجر وفي البلد وهطفش لمملكة الاقزام عشان ابقي طويله ههههههههههههههههه

ابو على يقول...

هاتولعى ف مين يا كيارا
هو انتى جركن جاز ولا ايه هههههههههه

كيــــــــــــارا يقول...

لا
انا بوتوجاااااااااااااز

adel يقول...

ولا تخافي ياكيارا
محدش يقدر يقربلك طول ما انا موجود

انتي ناسية انا طولي قد ايه :):):)

ابقي خلي ضد تقولك علي الصدمة وفرق الطول بيني وبينها
هههههههههههههههههههه

ابو على يقول...

اوعى يا عاشقه تكونى كلتى المهلبيه بتاعه عادل

هههههههههههههه هو بيعمل كفته حلو خالص

كيــــــــــــارا يقول...

انا مش فاكره طولك خالص تصدق نسيت

عاشقه الرومانسيه يقول...

ابو على الطويل
عادل مهبلبيه
كيارا متفجرات
منوريييييييييين
ههههههههههههههههههههههه
مساء الخييييييييييييير

ابو على يقول...

عادل بيبقى طولك يا كيارا وهو قاعد
هخههههههههههههههههههههههه

كيــــــــــــارا يقول...

مسااااااااااء النوووووووووووور


هههههههههههههههههههههههههههههههههه

ابو على يقول...

ابو على التويل؟:d

يعنى انتى شايفه دا لقب انفع بيه وسط الجهابزه دول

كيــــــــــــارا يقول...

يالهوووووووووووووووووووووووووووووووووي

عادل اياك اشوفك في اي لقاء تدويني عارف لو سمعت بس انك جاي


























مش هاجي هه بث

عاشقه الرومانسيه يقول...

من ناحيه الطول فعادل ماشاء الله عليه طويييييييل قوى ورفيع قوى قوى
هههههههههههههه
ايه؟ الحقيقه
اكدب يعنى؟

كيــــــــــــارا يقول...

غلووووووووووش غلوووووووووووش

ابو على يقول...

ههههههههههههههه

اه اصل كيارا مقطعاها كل يوم ف لقاء تدوينى

عاشقه الرومانسيه يقول...

بيتهيقلى ياابو على لو دخلت فى منافسه مع دوله على الطول هو اللى هيكسب اصل الواد ماشاء الله عليه فرررررع
انا شفته بنفسى
هههههههههههههههههه

كيــــــــــــارا يقول...

هههههههههههههههههههه ليه الفضايح دي عديها عديها

ابو على يقول...

طويل ولا قصير يا عاشقه هو انتى معاكى متر تقيسى
شغاله ف المساحه

adel يقول...

كده ياكيارا
مش هتجي

براحتك
P:P:P

adel يقول...

انا عموما طولي
182 سم
عشان محدش يتخانق بس
ههههههههههههه

ابو على يقول...

ايه يا كيارا انتى بقى هاتغلوشى انتى كمان

عادل باسم الله ما شاء الله طويل بما فيه الكفايا ووسيم وحليوه

هههههههه انا لو بنت كنت اتجوزو

ههههههههههههه

حد فيكو يا بنات يتقدملو وهو هايقبل

كيــــــــــــارا يقول...

هو ممكن اجي بس بشرط







تكون قاعد علي كرسي باستمرار جيب غرا واالزق نفسك فيه

ابو على يقول...

182 سنتى بالشراب ولا من غير الشراب يا عادل هههههههههههههه

عاشقه الرومانسيه يقول...

لا مش معايا متر
بس انا لما شفته كنت بابص له فوووووق علشان اكلمه
اصلى اوزعه قوى جنبه

كيــــــــــــارا يقول...

182 وطوووووووويل
يالهووووووووووووووووووووي

انا اخويا 185

adel يقول...

لا من غير الشراب وش طبعا

لو بالشراب فيها يجي بتاع @#$%$#% سم زيادة

ابو على يقول...

انت لو 182 سنتى ابقى انا مترين وعشرين سنتى

عاشقه الرومانسيه يقول...

واخوكى ده بتتفاهمى معاه ازاى؟
بيسمعك عادى ولا بتحتاجى ميك؟

ابو على يقول...

هههههههههههههههههههههههه
عسل

عاشقه الرومانسيه يقول...

ابو على
الله يعسلك ياباشا

ابو على يقول...

شوفتى مفضلش غيرنا اصحاب البلوجات هاجرو

عاشقه الرومانسيه يقول...

ولا يهمك
الحمد لله طفشناهم
قعدتنا مع بعضشينا بالدنيا
هههههههههههههههه

ابو على يقول...

هههههههههههههههههههههه

ميرسى ليكى

احلى حاجه طفشناهم من بيوتهم

هما دالوقت بيتفرجو علينا بيشوفو هانيزلو امتى

اى حد ينزل عايزك تحلقى عليه وهاندبحه

عاشقه الرومانسيه يقول...

ندبحه؟؟؟؟!!!!!!!!
لالالالالالالا
ماليش فى الدم انا
انا بتاعه رومانسيه بس ياعم

صبرني يارب يقول...

بصي يا كيارا انا مشكلتي ما لهاش اي علاقه بالبلوج

ده انا باتكلم على اصدقائي على الميل

وبعدين ما حدش قال عني حاجه على البلوج

ولا انا ناويه اسيب البلوج دلوقتي

انا قافله التعليقات عشان مزاجي مش حلو وانا باحب ارد على الناس اسم اسم ومش هاقدر واصلا مافيش حاجه فى الموضوع يترد عليها


اما الناس الى قولتي عليهم بالذات شموسه واستاذ عمرو لو مش رجعوا انا هاروح اجيبهم من البيت

وانا غلبت فيهم تليفونات والله


وكل الناس الى قولتيهم ان شاء الله هايرجعوا

بس انا دايما باعمل زي ما انتى بتقولي

مش ممكن اسيب مكاني انا عشان حد اهبل ضايقنى

لا هو الى غلط هو الى يمشي

وتحياتي ليكى يا جميل ومستنياكي ترجعي مش عايزه عبط بقى في المنطقه

ابو على يقول...

ههههههههههه
بس اسكتى بقى انتى بطيئه

انا هاروح انام بقى اتمسوووو بالخير

سهره سعيده ليكو وعليكو

ابو على يقول...

هههههههههههههه

صبرنى يا رب منوره البلوج بتاعى

على فكره انا اللى كتبت انك هاتسيبى البلوج

ابو على يقول...

طيب اديكى نمره تليفونى لو انا غبت ولا حاجه تعرفى تجيبينى هههههههههههههه

عاشقه الرومانسيه يقول...

كيارا
ابو على
دوله اللى روح نام
تصبحوا على خيييييييييير

صوت من مصر يقول...

كيارة
مش هقولك ان صوت من مصر كانت هتتقفل وكده وكده وكده
لكن هقولك حاجه
العمارة فيها ساكن مش راضى يخرج من شقته

Dr Ibrahim يقول...

بالفعل انا مش حاسس للتدوين طعم من فترة
وربنا يصلح الحال..

علاء سالم يقول...

السلام عليكم

بوست جميل بجد وبيعبر عن حال التدوين
فعلا فيه مدونات كانت حلوة أوي وعملت بصمات في قلوبنا وإختفت فجأه
وللأسف الوحش أصبح أكتر من الكويس
بس العوده للتدوين قرار حكيم لأن مدونتك من المدونات الجميله اللي أتمنالها الإستمرار

blue-wave يقول...

الف مليون حمدالله على السلامه
وبرافو انك سمعتى الكلام:))

فكرة من الزمن ده يقول...

كيوووووووورة االامورة
وحشتيني
كنتي مختفية فين
ولابسة نضارة

حمدالله على سالمتك وانا كمان زعلني اوي اللي حصل لصبرني ربنا بجد يصبرها وترجع زي الاول
واكيد معاكم في جمعية مش محبي الزهايمر
تحياتي

صيدلانيه طالعه نازله يقول...

كلنا بدأنا تدوين بسبب حاجات كانت مضايقانا و رغبتنا فى البوح لحد يكون ميعرفناش عشان يبقى حيادى و عادل
كون ان فيه حاجات حصلت من بعض الناس ضايقتنا ده مش مبرر اننا ننسحب و نمشى و نسيبلهم الساحه يعكوا فيها براحتهم
حمد الله على السلامه و كل سنه و انتى طيبه

أحمـــــــــــــد أبو العلا يقول...

صامدون ضد الاكتئاب
صامدون ضد الاختفاء
صامدون ضد التشاؤم
صامدون ضد الزعل

يارب منفضلش صامدون كده لوحدنا

أحــوال الهـوي يقول...

حمد الله علي السلامة

كيارة مولان بس ترجعي تنورينا

و اجماع الناس علي رجوعكم

مش محتاج كلام

و يارب تكون وزارة الصحة بخير

تحياتي

اقصوصه يقول...

احلى شي فيكم

انكم قلبتوا الردود شات :)

كلام من قلبي يقول...

حمدالله على السلامة المكان والله كان وحش من غيرك

لورنس العرب يقول...

لا يوجد مبرر للإبتعاد
حتى وان قام احد بالتطاول وسمعتي بعضا من قلة الادب، فهذا دلل على تأثير الموضوع في القاريء لدرجة أنه انفعل لدرجه اخرجته عن شعوره
وتعرضت لمثل هذا الموقف لكن انا مهمنيش
انا استبيعت وعملت برنامج صوت وصورة في مدونة الاتوبيس
ولا همني من أي حد
وقلت اللي عاوز يتريق يتريق واللي عاوز يقول حاجه يقولها

فتافيت يقول...

تعرفي انك وحشااني موت
كل غايب معاه حجته صدقيني
انا لسه راجعة للتدوين من يومين بس
عارفة المدونة فعلا شقتك.. وتقدري تتحكمي في مين مرغوب في زيارتها ومين لا
انا لما بعدت.. ماكنش ضعف.. ولا عدم مبلاه
بس بجد الدنيا ساعات بتاخد الناس لبعيد.. وفي الوقت نفسه تلاقي حد بعاميله تشجعك انك فعلا تبعدي
بس انا قررت ارجع.. ولازم كل الغايبين يرجعوا تاني
وحشاااااااني موت انتي وكيارا
ويارب تكوني اصلا لسه فكراني

مسدس صغير يقول...

مش عارف اقول ايه بصراحة

مممممممممم

ربنا يهدينا

مهندس مصري يقول...

ارجعي يا كيارا
عودي يا هاميس
:)
عوووودييييييييييييييي
:))


الواحد موده بيتغير من فرح لزعل من وقت للتاني
المهم تكون فكرة هجر المدونة غير واردة لإنها بيتك فعلاً
و ربنا يرجع الغايبين

ثم ما انتي بتضحكي في التعليقات اهوه و تمام التمام
أمال بتمثلي إنك مكتئبة ؟:)

أبو العريف يقول...

اولا عودا حميدا

ثانيا فعلا مدونين كتير مختفيين

وناس كتير بتكتب كلام صعب قوي

لكن مازال هناك امثال ابو العريف

لسه بيهيس ويخرف

hérisson يقول...

ولو اني مش عارف ايه قصة خفافيش الظلام دول بس شكلهم من الاسم كده يكرهوا الواحد في اي حاجة
بس عموما انا معاكي الشاطر اللي مايسبش العمارة اللي ارتبط بيها وارتاح فيها وحبها لمجرد وجود جار مزعج
بجد انا عجبني اوي مثال العمارة ده وخاصة انه بينطبق علي حالات كتير اوي غير التدوين في امور سياسية واجتمعية ووطنية وغيرها كتير

في النهاية طالما كيارا قامت ومسكت المايك ونادت يبقي اكيد لو حد كان بيفكر ولو لفانية < اللي هي اقل من الثانية > يبعد عن مدونته هيفكر الف مرة وغالبا هيقتنع
الهيبة برضه يا كيتي :D

حمد الله علي رجوعك
تحياتي وبارك الله فيكي

moory-mero يقول...

السلام عليكم و رحمة الله و بركاته

موش عارفه اقول ايه

نسيتيني طيب :(

هرد على الموضوع واقول

حسبي الله ونعم الوكيل
خلي اللي يتكلم يتكلم يبقوا يوروني شطارتهم ادام ربنا عز وجل
في رعاية الله

saragebaly يقول...

كيارا

الف حمدلله على السلامة

نورتي بلوجر من تاني

عقبال باقى الغايبين


الغريبة ان كل الناس الحلوة بيمشوا!!!

سبحان الله


انا عندي صديقة

نفسي اقولها ارجعي .. وكفاية .. بلوجتك وحشتني اوووووي

بس يا ترى هتسمعني؟؟

ولو سمعتني هتنفذ طلبي وترجع؟؟

يارب كل غايب يرجع

ولو يطمنا عليه حتى


وحشتيني يا كيارا

دام قلبك بكل خير وحب

سارة

نهــــــــــار يقول...

السلام عليكم...
أولا أهلا بقمرنا كيــارا وحبيبتنا مولان
إنتي عندك إنفصام بالشخصيه يا بت يا منى..
بس إنفصام عســـل ...
.....
بخصوص الموضوع معاكِ حق
بس بما إننا متفقين الأغلبيه هي الكويسه
فهي إلي حتغلب ...
وبجد كل البلوجريه وحشونا
وإنتي وحشاني جدا جدا يا قمر ...
ولا يصح إلا الصحيح ...
...
في أمان الله

نهــــــــــار يقول...

السلام عليكم...
أولا أهلا بقمرنا كيــارا وحبيبتنا مولان
إنتي عندك إنفصام بالشخصيه يا بت يا منى..
بس إنفصام عســـل ...
.....
بخصوص الموضوع معاكِ حق
بس بما إننا متفقين الأغلبيه هي الكويسه
فهي إلي حتغلب ...
وبجد كل البلوجريه وحشونا
وإنتي وحشاني جدا جدا يا قمر ...
ولا يصح إلا الصحيح ...
...
في أمان الله

maxbeta3zaman يقول...

والله ياكيارا التى هى دليل الحيارى ويا مولان التى اختفت ولم تبان
انها شوطه وصابت البلوجات ...أنا غبت 7شهور لظروف قهريه...لكنى فوجئت بأن كثيرين غابوا أيضا وهناك من مل ومن فل ومن امتنع عن الطل وهناك من انزوى فى الظل ...لكن العود أحمد وحتى لو عاد من عرفناهم ولو على فترات متباعدة يبقى حبل من المودة يربط بين الجميع ويطرد بدوره الدخلاء وذوى النيات غير الطيبة
عودا حميدا

MR.PRESIDENT يقول...

كيارا ، لو قلت لك معاكي حق ، وبجد أنا مفتقد شمس النهار جداً ، لأنها في الوقت اللي فكرت اقفل مدونتي حييت فيا الأمل تاني يا ريت لو حد يعرف نمرتها يبعتها ليا عشان أطمن عليها ، ويارب كل المدونين العزاز علي قلب أي مدون أخر يفضلوا يكتبوا .

shemo يقول...

السلام عليكم....
ازيك كيارا ...اعرف مدونتك من فترة من التعليقات بس اول مرة ادخل واقرا واعلق هنا .....عندك حق اوى فعلا فى الحوار فى ناس كتير فعلا من الى مديين عالم التدوين قيمة وبيخلينى نحس اننا بين اسرتنا غيبين ...او مواقف كتير فى الحياة ماثرة فى كتابتهم والكئابة والحزن حاسة انة بقاه سحابة فى كل البلوجات .....يارب العالم الحلو الى احنا دخلناه عشان هو كده يرجع زى الاول ويتاثر فينا الناس الى مش كويسة ...ويبعد عننا الخفافيش دى....دومتى بخير يا كيارا ...فى رعاية الله.
shemo

!!! عارفة ... مش عارف ليه يقول...

إن شاء الله عودة حميدة للجميع بإذن الله

وبعدين طبيعي إن الواحد يتخنق شوية ويرجع تاني

إنما مش الطبيعي أبداً إنه ينفض للناس اللي بتابعه كده مرة وحدة وشششششش ويديهم السكة

لأ طبعا ممكن ياخد اجازة يعيد تقييم التجربة ويرجع برؤية جديدة

وده المهم إننا نتعلم من أخطائنا


تحياتي
وليد

mohamed ghalia يقول...

انا كمان مفتقد الناس الى قولتيها دى
بس بجد هو ليه كل واحد تصادفه مشكلة يتوقف عن التدوين ايه علاقه ده بده
التدوين تنفيس واخراج لمشاعر وأحاسيس وأفكار
انا بدعوكى لزيارة موضوعى الأخير يمكن يفرق معاكى

الازهرى يقول...

تررررررررررررررررن
وتانى واحد يسجل بعد صبرنى يا رب
انا اساسا راجع بيتنا من خمس سا عات تقريبا واول مرة ايدى تلمس لوحة مفاتيح كومبيوتر من شهرين هى من عشر دقايق بس وجاى على هنا على طول
ولقيت الدعوة الجميلة
هتولعى فى ؟ ماشى الايام بيننا يا
خيارااااااااااااااااا
خيارااااااااااااااااا
خيارااااااااااااااااا

صحيح انا كنت ملاحظ التناقص قبل اما اسافر لكن لو الوضع وصل لكلامك ده يبقى فى حاجة غلط ولازم الناس دى كلها تراجع نفسها وتلاحظ ان الناس كانوا بيحبوهم لدرجة كبيرة وبيتابعوهم بشغف لان كتاباتهم صادقة وعميقة وبسيطة وبتخلى الكل يفكر فى الامور ونحاول نحلها وفى روابط جميلة بين الكل

مش عارف ايه الاسباب عندهم بس فى رأيي وزى ما قلت لفشكول زمان
لو لم نكتب هنا ما نحب فالى اين سنذهب
ولو تنازلنا عن اخر خيط للحرية وهو ان نتكلم بصراحة وصدق عما بداخلنا فاين ادميتنا
واين نحن من الانسانية

هاخد لفة وارجع تانى

MaNoOoSh يقول...

وحشتيني يا كيارا
دة مش انا لوحدي بقى اللي كنت مختفية

MaNoOoSh يقول...

انا كمان بنادي على كل اللي اختفو علشان يدونو تاني

صدى الصمت - عاشقة الورد - يقول...

إنشاء الله الكل هيرجع وتبقى سنة جديدة جميلة على كل الناس
تحياتى

همس الاحباب يقول...

اممممممممم
الواحد شكله مش عايش فى عالم التدوين يا جدعان
هو الواحد يغيب كام يوم يرجع يلاقى الجيران عزلوا
والمدونات تاهت وسط الزحمة
سبحان الله ايه الجديد فى كده مع الاسف المدونات لا تختلف عن الواقع لان من يديرها بشر منهم الصالح والطالح
بس اعتقد لو تركنا الطالح يعيث فسادا يبقى البقاء لله فى كل صالح
تحياتى

شمس النهار يقول...

ياابله كياره
انا رجعت تاني اهو

تسلم ايدك علي البوست

:)

أحمد شريف يقول...

السلام عليكم
تمسكوا بالأمل في الخير فالخير موجود في كل زمان ومكان
ولا تجعلوا التجربة تعمم شكل القياس على رِدة الفعل

تذكري السلوكيات المختلة شاذة والقاعدة تقول " الشاذ لا يُقاس عليه "

لأن الأصل هو صلاح النفوس لذلك فدع عنك تلك الأمور وارمي ورى ظهرك ودعي الأمل دائماً عكازك

أتمنى لكم جميعاً عودة للتدوين خاصة وأني كفردِ من عوام الناس المتابعين لكم أحمل بعض الرؤى في ذاكرتي عن تدوينِ هادف وخلاق لكم جميعاً

دمتم جميعاً بكل ود

حسن ارابيسك يقول...

كياراً
أذيك وعامله أيه
تصدقي وتأمني بالله
لسه الموضوع ده ورد على خاطري من عدة أيام قلت لنفسي بالضبط فين الناس اللي كانت لنا معه علاقات تدوينية جميلة وكلما دخلت إلى مدونة أحدهم لاتفتح المدونة أو تلاقي ان أخر بوست له منذ شهور
وذلك ما أحزن الواحد كثيراً كثيراً وطبعاً نتمنى عودتهم ولكن سنة الحياة هكذا نفارق ناس ونعرف ناس من تاني
تحياتي لموضوعك الذي أثار الشجن بداخلي
تحياتي
حسن أرابيسك

Sonnet يقول...

ولكن هل هناك من استورده فعلا؟
كتبت اميرة الطحاوي- بقليل من البحث والتدقيق وقبل أن تثار معركة الغشاء المقدسة كان من الممكن اكتشاف عدم صحة المنشور على موقع الإذاعة الهولندية عن "رواج غشاء البكارة الصيني في مصر"، والذي نقل عنه موقع اليوم السابع ثم تبعه آخرون من صحفيين ورجال سياسة ودين بين استنكار وتحريم، وهكذا (كما حدث مع خبر ساركوزي ومباراة الجزائر والذي تم نقلة عن موقع ساخر كما لو أنه خبر حقيقي): تم تدشين معركة اجتماعية وأخلاقية بسبب موضوع مختلق، بلا أي مصدر أو دليل.

http://kashfun.blogspot.com/2009/12/blog-post_8521.html

محمد فكري يقول...

كيارا
.....

ازيك..أتمنى تكوني بخير
..
كنت حابب أدعيكي لحفلة توقيع ديواني يوم الخميس القادم ليلة رأس السنة 31\12 الساعة 6 ونص في مكتبة البلد
..
أتمنى تشرفيني..
تحياتي

حنين يقول...

كل سنه وانتى طيبه

د/ رامي شهاب الدين يقول...

أنا جيييييييييييييت

كلكم وحشتونى والله

تعرفى ياكيارا أو يامولان مش هتفرق طبعا كلكم واحد ، كلامك بجد هزنى من جوة ، وحشتنى الأيام دى فعلا

كلها اسبوعين إن شاء الله وأخلص إمتحانات البكالوريوس .. دعواتكم جميعا .. وأكيد إن شاء الله لى وقفة مع نفسى للبت فى أمر التدوين ، ولو قررت الرجوع أكيد هيكون بشكل أفضل ومختلف

آسف إن بقالى فترة بعيد عنكم ومش بزوركم ، لكن أنا كنت بمر بظروف ملخبطة شوية .. عموما هاااااانت .. هانت أوى إن شاء الله

سلامى إلى الكل بلا إستثناء

mimi يقول...

حبيبتي كيارا
عمو فشكول كان تعبان شوية والحمد لله رجع
وأنا كنت مخنوقة من الخفافيش بس رجعت تاني مش قدرت أبعد عنكم
محاسن صابر هتفتتح الاذاعة خلاص ونزلت بوست جديد
شمس النهار .. رجعت ببوست جديد
ريم فتحت مدونتها وبتردعلي التعليقات ورجعت في كلامها


والناس الحلوة الرايقة كلهم موجودين وعاوزين نستقبل 2010 مع بعض إيد واحدة زي ما كنا في 2009

ياريت

سمكه واحده يقول...

ميمي عندها حق
وزي ما بيقولوا الدنيا ملاهي

اذيك يا كيوره يا ارق البشر
والله انتي بنوته عسوله جدا بجد ربنا يكرمك
والله هو حاله من معرفش ايه بس خير
وعاوزين كلنا نستقبل السنه دي استقبال حافل يليق بيها ويارب تبيض وشنا كده وتبقي سعيده علينا بأذن الله

شوفي هو انا معاكي بجد معرفش هو في ايه ولا حصل ايه والناس بعدت ليه وانا منهم بس والله حاله ركود ملل انشغال خمول بيات شتوي سميها اي حاجه متعرفيش بس خير
كفايه ان في العالم ده ناس رقيقه صافيه قلبها نقي ذيك عشان الواحد يتشجع انه يفضل معاهم وبروحهم الحلوه دي
سنه سعيده عليكي ياقمر
وانا مقدرش ابعد طول ما في ناس جميله كده
(: