الخميس، ديسمبر 31، 2009

لا تعليق

من كام يوم قاعده مع  بنات وفي بنت منهم جالها عريس

وهو انسان محترم جدا والكل بيشهد له علي احترامه واخلاقه

فبنسالها عملتي ايه مع "ع " مش في اخبار لسه ؟

قالت اخويا رفضه

استغربت فقلت  ليه؟؟ دا انسان كويس وهتخسريه بجد

قالت اصل اخويا  شافه ماسك مصحف !!!!

 

ولا تعليق …..

47 كلام قلوبهم:

Dr Ibrahim يقول...

إذا أتاكم من ترضون دينه وخلقه فزوجوه...حسبنا الله ونعم الوكيل..

بدراوى يقول...

ّحسبى الله و نعم الوكيل
طب حتى يا خى شوفه فى تعاملاته
لكن مش عشان ماسك مصحف يبقى مدعى و مرائى
اظن عيب اوووى

ABOALI يقول...

ههههههههههههه

لا تعليق فعلا
مااااااااااسك مصحف

بس تفتكرى لو كان معاه سبحة كان ممكن يوافق

او يمكن اخوها كان عاوزة حافظ القراءن عن ظهر قلب

احتمال برضوا يا اختى


منورة 2010

نـــــــــــــور يقول...

استنى بقى عشان انا اول مره احس انى عايزة اتخلى عن بنت الناس المؤدبه اللى جوايا واقول كلمة عيب
ولولا الهوا والملأ كنت قلتها

كل سنة وانتى طيبه ياكيارتى بس حاجبى اترفع مش عارفه انزله من وقتها D:

!!! عارفة ... مش عارف ليه يقول...

اللهم نسألك العفو والعافية

كل سنة وانت طيبة كيارا

e_emy يقول...

لا اله الا الله ..

هو اكيد فى حاجه غلط !!!!!!
ربنا يهدي

------------
كل سنة وانتى طيبة
ويارب تكون سنة سعيدة ليكى
وتحققى كل الى بتتمنيه (:

sookra يقول...

لاحول ولاقوه الا بالله
صحيح لاتعليق
كل سنه وانتى طيبه ياسكر

saragebaly يقول...

لا حول ولا قوة الا بالله

صدق رسول الله صلى الله عليه وسلم عندما قال
( آتي الإسلام غريبا كما انه يعود غريبا فطوبى للغرباء ))

ربنا يرحمنا برحمته يارب


عامك سعيد

سارة

صوت من مصر يقول...

ههههههههههههههههههههههه
عارفه انا بقى بيدورولى على عروسه
بس اتمنى تكون متخلفه عقليا عشان ارتاح من التفكير
لا تعليق بجد يا كيارة

adel يقول...

يالهوي :| بتهرجي صح
الولد كده انحرف
ماسك مصحف !!!!!
لا اخوها عنده حق طبعا
هههههههههههههه

Sometimes يقول...

ههههههههههههه
والله يا بنتى هم يضحك وهم يبكى
كل سنة وانتى طيبة يا كيارا

فتاه من الصعيد يقول...

هو اخوها يهودي ولا ايه ؟

والله حاجه تحبط ان الناس بقيت كده

تحياتي

تايه في وسط البلد يقول...

مش عارف بس حاسس ان الموضوع فيه ابعاد اخري لانه معروف للكل بأخلاقه مش انت لوحدك

كل سنة وانت طيبه

م/ الحسيني لزومي يقول...

عام سعيد وكل عام انتم بخير
نحن مقبلون علي لحظات حرجه في تاريخ مصرنا
انتخابات مجلس الشعب 2010
انتخابات الرئاسه 2011
هل اعددت نفسك لتقول كلمتك
هل سجلت نفسك في الجداول الانتخابيه
اذا كنت قد سجلت نفسك ادعو غيرك
الحمله الشعبيه للقيد بالجداول الانتخابيه
باقي من الزمن30 يوم

شمس النهار يقول...

كيااااااارا
كل سنه وانتي طيبه
ماكنتش ناويه اعلق النهارده علشان انتي عارفه النهارده الراديو هيبتدي

ومشغوله
قلت ادخل اشوف في الاواو اوام حبايبي عاملين ايه

او م الاقي بوست كارثه

شوفي يااخت كياااره

اخو صحبتك

قال حاجه من اتنين

ياالعريس ده مدعي ومنافق علشان المتدين مابيمشيش وفي ايده مصحف علي طول كده
وطبعا المدعي والمنافق ماينفعش زوج وخصوصا لما يكون ده في الدين كمان

يااما متشدد ومبتوع ثكلتك امك وويحك وطبعا هو مش عايز تكفير وهجره يبقي نسيبه
فاريح نافوخه ورفضه

الموضوع ده خطير جدا

وله دلالات كتير
توضحها عايز بوستين تلاته ياساده


صباح الفل

سلام

mohra يقول...

غريب هذا كما هو غريب موقفها السلبى
لابد ان هناك جزء ناقص فربما يخشى الاخ من ان يكون العريس متزمتا و ربما ترى هى ذلك فلم تمانع
لان اظن انه من الغريب ان يرفض اى انسان لتدينه(رغم ان مسك المصحف ليس دليلا للتدين الصحيح و لكنه ليصس سبب للرفض ايضا)

حنين يقول...

افضل تعليق
هو لاتعليق
ده اكيد مش طبيعى


__________________
كل سنه وانتى طيبه
واتمنى اشوفك عندى
تحياتى حنين

romansy يقول...

بقى فيه كده فى الدنيا دى
حسبى الله ونعم الوكيل
كل سنه وانتى طيبه يا كيارا
وحشانا قوى قوى

Sameh Ezzat - (خواطر خاطر) يقول...

صعب شويه ..

Sameh Ezzat - (خواطر خاطر) يقول...

وصعب اكتر اني اصدق ..

مسدس صغير يقول...

لا تعليق
فعلا
حاجة تكسف
كل سنة وانتى طيبة

ميرام يقول...

لا تعليق برضو

لورنس العرب يقول...

يعني هو شافه ماسك زجاجة ويسكي؟

بـــــسمة انـــــــــور يقول...

اخس عليه

لالا هو اللى غلاطان
هو عبيط
ازاى يمسك مصحف ؟؟

لا حول ولا قوة الا بالله
ربنا يهديى ويشفى اصحاب القلوب المريضه

وردشان smilyrose يقول...

يا نهار

حسبى الله ونعم الوكيل

ومبلغش عنه


فعلا دا زمن ؟؟؟؟؟؟؟؟؟؟؟؟؟؟


كل سنة وانتى طيبة يا حبيبتى الغالية

blue-wave يقول...

لأ فيه تعليق
حسبى الله ونعم الوكيل بجد

مهندس مصري يقول...

البت و اخوها حمير
و ما يستاهلوش الواد ده
و الحمد لله اللي نجاه منهم

لجين أبو الدهب يقول...

لا حول ولا قوة الا بالله ..

فعلا
لا تعلييييييييق

:((((((

bos bos بسمه عبدالباسط يقول...

يا خبر

ده انا افتكرته مثلا شافة فى حاجة غلط

سبحان الله

MR.PRESIDENT يقول...

أولا بعد السلام عليكم فين رأي العروسة ، ثانيا ربما يكون في خلل في الشخص اللي رفض ، ثالثا أمال كان عايزة يمسك ايه صجات عشان يرضه بيه ، خامساً كلنا فينا عيوب ومفيش حد كبير علي العيوب ودي صفة النفس البشرية فما بالك اترفض عشان ميزة ، ربنا يهديني ويهدي الرافض للعريس ويهدي العروسة اللي سابت اخوها يرفضة عشان " ماسك مصحف " .

صدفة جميلة يقول...

السلام عليكم

mohamed ghalia يقول...

لاده شر البلية مايضحك

اقصوصه يقول...

طيب ان بعدني ما فهمت

شو الرابط بين انه ماسك مصحف

وبين الرفض؟

قهوة بالفانيليا - شيماء علي يقول...

لا اله الا الله ..
ممكن يكون في مبرر اقوى هي متعرفهوش .
برضه الواحد مش عارف ظروف الناس ايه.

Manamino يقول...

ههههههههههههههههههههههههههههههههههههههههههههههههههههههههه
والله هلكتيني من الضحك يابت ياكيارا
بس تصدقي برضو عنده حق اخوها
امال لو شافه بيصلي كان قتله ؟

د/ رامي شهاب الدين يقول...

أصحاب العقول فيما يبدو فى راحة

hasona يقول...

السلام عليكم

كل سنة وانت بخير


ماسك مصحف ازاي يعني

يعني اخوها أخده ان ده تظاهر ولا ايه اللي حصل

ولا اظهار المصحف أصبحت جريمة


الله المستعان

أبو العريف يقول...

ازيك يا كيارا

كل سنه وانت طيبه

وبرضك

لا تعلييييييييييييييييييييييييييييييق

أحــوال الهـوي يقول...

و المصحف
؟؟؟

جديده دي

ازيك و حشاني

reem يقول...

كيارا

ازيك ياقمر

طيب وهو لو ماسك مصحف دى سبة يعنى في نظر اخوها ؟

ولا كل واحد ماسك مصحف يبئا متطرف

غريبة الناس دى بجد


كيارا انا مبسوطة انك رجعتى تانى اوى

يمكن كلامة متأخر بس انا كنت فاكرة انك مش تعرفينى خالص

لحد ما شفت البوست اللى قبل دا وشفت اسمى فيه وميرسي اوى لاهتمامك

ونورتى التدوين تانى يا قمر

صدى الصمت - عاشقة الورد - يقول...

لا حول ولا قوة إلا بالله
هيه بقت كدة ؟؟؟
ربنا يتولانا برحمتة

فلسطينية الهوى يقول...

لو فعلا ده السبب الحقيقي

فانا اقترح على اخوها يجيب لها عريس ملحد يعني اريحله

وانا مش شايفة بتاتا انه ماسك مصحف يبقى مرائي او متزمت

فيها ايه لو قرأ قرآن فالمواصلات ولا في أوقات الانتظار

أحسن من الرغي في الفاضي

بس لسه مش مقتنعه ان ده السبب

واسمحيلي صاحبتك غريبة شويتين

انه تسكت على سبب زي ده

يعني لو هو مناسب المفروض تتمسك بيه


كل سنة وانتي طيبة :)

z!zOoOo يقول...
أزال المؤلف هذا التعليق.
z!zOoOo يقول...

لسلام عليكم

سيدنا محمد صلى الله علية وسلم قال "سيأتى زمان القابض فيه على دينه كالقابض على جمر من النار"

ورغم عدم فهمي

لكن الحال يتلخص في هذا الحديث الشريف

تحياتي

وكل عام وانتي بخير

Zika يقول...

يعني ايه .. ؟
ايه سبب الرفض مافهمتش

شفـقــة و إحســــان يقول...

مبررررررررررررررررررررررررررروك لمصر
وحشتينى يا كيارتى موووووووووووووووووووت

نهــــــــــار يقول...

السلام عليكم..
كده عرفنا أن الله إختار له ما هو أفضل ...
وسيعوضه خير أن شاء الله ...
....
في أمان الله