الأربعاء، فبراير 03، 2010

جرح الناس

813837ad79xz7h9s

بعيدا عن الحكومة وعيوبها والكلام اللي مش بيخلص عنها  

جرح القلوب مش بسبب قرار وزاري او قرار افنديني

لما شخص يتجرح في كرامته ومشاعره واحساسيه من شخص اخر

دا نابع من انسان دنئ مش يعرف قيمة القلب ومايحتوية

مش يعرف ان القلوب ضعيفة اوي اوي ومش بتقوي الا بحب الله و الناس

مش يعرف ان القلوب شكة دبوس كفيلة بقتلها وتغيير مسار حياتها

مش عارفه هو ازاي اللي بيجرح دا بيقدر يجرح

بيقدر يضغط علي الجرح لحد اما ينزف

ويشوف الدم قدام عنيه ويضحك بسخرية

يشوف الدموع سايله علي الخد ومش ينهار قدامها ويقول اسف

يشوف دمار ويفرح

مش قادره اتخيل المنظر بجد

كل حاجه وبنقوول حكومة

وقرار وهباب

لكن

الظلم والغدر والجرح

دا من ايه

من قلب منحوت بالسوس

قلب مات مش شاف الحياه

^^^^

لكل واحد فينا نقطة ضعف

واتحدا اي مخلوق في الارض

من كبير لصغير لضعيف لقوي ولذكي لغبي لمتفائل لمكتئب انه مش له نقطة ضعف

لو الانسان مش اذانا وبيعاملنا بما يرضي الله

ليه نموته بكلام اقل مايقال عنه انه اكتر من السم

ليه انا مش عارفه

ليه بنستحل موت الغير

الموت مش موت جسد

الموت موت كرامة ومشاعر واحساسيس

لما نقتلها هنستفاد ايه

نفسي اعرف

نفسي بجد

لحد امتي هتفضل الغابة دي موجوده

لحد امتى

لما يتهان حد في منزلة امي وقدام عيني

انا تنحت بجد

انا ضعيفة ضعيفة اوي

مش عرفت اخد حق حد

مش عرفت اعمل حاجه

حتي مش عرفت اقول كلام بجح وقليل الادب

ارد بيه حتي لو هكون بهبل بالكلام

بس اهو اكون خدت حقها

كل اللي عملته اني تقوقعت علي نفسي وبكيت زي الاطفال

اتمني بجد ان الغابة دي تنتهي ومش يكون ليها وجود

^^^^^^

بعيدا عن اللي حصل النهارده  واللي ملخصه ان في

واحده هانت واحده اكبر منها بشكل مش ممكن حد يتخيله

فهو بيحصل في كل مكان بطريق مختلفة

في معركة الجزائر ومصر  وف … وف…. وف……

انا قريت كلام عمري في حياتي ماتخيلت اني ممكن اسمعه

وفي كلام كتير مش فهمت معناه بس هو اكيد شتومه

ربنا يعديني من الدنيا دي علي خير

^^^^

دعوه

ياريت بجد لو حد قال لينا كلام وحش نقوله كلام نكسفه بيه ( ربنا يسامحك …… )

ومش نجاريه في كلامه الوحش ونرد الغلط بغلط

خلينا احنا اللي نكسب حسنات منه مش هو اللي يكسب مننا

ويوقعنا في الغلط

وربنا يبعد عننا القلوب المصنوعه من الصوان

ويقرب مننا قلوب الماس

يارب ارحمنا برحمتك

25 كلام قلوبهم:

أبو العريف يقول...

علي فكره

انا جاي اقووول

اني مش علق هنا

اه طبعا مش معلق

بس هه

أبو العريف يقول...

ايه ده

وكمان اول تعليق

تعليقي اللي معلقتش فيه

طاب بما اني اول تعليق

فانا مش علق تاني

7annen يقول...

انا مش عارفه اقولك ايه بصراحه

بس ربنا يصلح الحال ويرحمنا برحمته

P A S H A يقول...

بخ !!!

هاقرا وأرجع

:))

كيــــــــــــارا يقول...

ابو العريف

^^^^^^^^^^

ليه بث ياعم

كيــــــــــــارا يقول...

حنين

^^^^

ربنا يصلح الحال

نورتيني ياقمر

كيــــــــــــارا يقول...

باشاااااااااا

^^^^^^^^^^^

ممنوع حد يخرعني لو جرالي حاجه هيبقي ذنبي ف رقبتك بئا هه بث


اوك اقرا وانا منتظره رايك

P A S H A يقول...

يااااااااااه


إيه يا بنتي الحلاوة والجمال ده بجد .. إحساسك حلو قوي فيها .. تسلم إيدك .. رغم إنها زعلتني .. بس برضه تسلم إيدك :))

وبالنسبة للقلوب أياها هانقول إيه ؟؟ حسبي الله ونعم الوكيل !!


تحياتي

:))

سلام

SHAPE YOUR LIFE (ABOALI) يقول...

فيه ناس تغوص فى اعماق البحر تستخرج
اللؤلؤ و والياقوت والمرجان

وناس تغوص فى اعماق البحر وتستخرج الثعابين واسماك القرش والقواقع


لذا البحر فيه جميع الاشكال

نحتاج مع كلمة الله يسامحك ان يكون معانا قوة الاسلوب والبيان فى الرد
ونقول لمن يهيننا

اذهب لتشكر اباك وامك على حسن تريبتك

فاءن زاد فى الاهانة
نقول له
كلامك يدل على حسن تربيتك فعلا


وسياءتى رد فعل الكلام انفعال منه وتغير لبوصلة عقله
لانك جعلتى جسده عارى ويظهر له انه لم ينل اى قصد من التربية

كلمة الله يسامحك جميلة ولكن بقوة البيان


تحياتى لغيرتك وصرختك ولكن تسليط الضوء على الغوغاء يقويهم ويشعرهم ان لهم دور

كيــــــــــــارا يقول...

باشاااا

**********

ربنا يكرمك يارب

رفعت المنعويات شوية رغم حزني الدفين

نورتني باول كومنت في المدونة ياباشا

كيــــــــــــارا يقول...

ابو علي

*********

اكيييييييييييد

وكل اناء ينضخ بما فيه

ولازم قوة البيان مع حسن الاسلوب والثبات وعدم الانفعال

كيــــــــــــارا يقول...

اه نسيت

الغوغاء دول زي الدود لازم نقفلهم مش نكون سلبين اللي للاسف انا كنت سلبية النهارده جدا

شمس النهار يقول...

مالك ياكوكي

انا مش عارفة بتتكلمي عن ايه


بس واضح انه شئ مش لطيف


هي الناس بقتت اغلبها كده
تطاول للتطاول

سلامي

فتاه من الصعيد يقول...

الناس فعلا بقيت زي وحوش الغابه

متزعليش نفسك

تحياتي

لجين أبو الدهب يقول...

ساعات بيكونجرح الكرامة اصعب بكتير من الجرح الدموى ..

وفى ناس عندها سادية فى جرح الكرامة والاحساس ..

وللاسف جرح الكرامة مش سهل مدواته زى اى جرح ..

ربنا لا يجعلنا جارحين لاحد ابدااا ..

دمتِ بخير حبيبتى ..

نهــــــــــار يقول...

السلام عليكم....
يا حبيبت قلبي مين إلي مزعلك كده ....
بصي يا كوكي ...
القلوب أوعيه نملأها بما يرضي الله في الدنيا
ليسرنا محتواها في الآخره ....
خلينا كده ...
أحسن قلوب نظيفه صافيه زي قلبك...
.........
ودوما أوكلي أمرك لله
حسبنا الله ونعم الوكيل ...
.......
في حفظ الله

mohamed ghalia يقول...

ربنا دايما يرزقك باصحاب قلوب الماس ياكيارا

ابو على يقول...

جرح الناس لايهاب توفيق ولا ايه

هو للاسف اللى ف دماغه حاجه مش هايغيرها اصل كله ماشى بدماغه

الحل الوحيد الكلمه الطيبه قصاد السيئه دى كفيله لارتجاع الشيطان والناس كلها بتغلط من كبيرها لصغيرها متقنعيش نفسك بغير كده ف نحاول بقى ان الكلمه الطيبه هيا صدرنا الرحب اللى تحتوى سيئات البشر

hérisson يقول...

شكلك كبيرتي يا كيتي
وابتديتي تتكلمي عن جرح الناس مع انها مش حاجة جديدة بس بالنسبة لعنيكي جديدة
وده لا يجوز لانك هتخرجي من عالم مولان وتدخلي في عالم مافيهوش احلام بريئة اللي هتحقق طول ماحنا بنتكلم عنها وبنحلم بيها
وكمان كده بالمنظر ده مش ينفع اجيب معايا مثاثات مش مناسبة للموقف خالث يا كيتي
اللي عايز اقوله باختصار انك تتمسكي بالعالم اللي بتمتلكيه وتبصي لعالم غيرك من غير ما تعيشيه او تقلديه
وده اللي انتي قولتيه تقريبا وجميل اوي النصايح اللي في الاخر
بس برضه مافيس مثاثات

تحياتي

صدى الصمت - عاشقة الورد - يقول...

والله عندك حق يا كوكى أنا كمان قريت كلام كتير وتعليقات كتير فى أماكن متنوعة زعلتنى قوى قوى وكلها شتايم فينا وفى بلدنا
ربنا يهديهم ويهدي الناس ال بتنفعل وترد عليهم
تحياتى

مصطفى أبوزيد يقول...


السلام عليكم

أنا متابع القصة دي كلها على صفحات المدونات
لكن انا قلتهالك في الفيس بوك

طالما أن مفيش مراقبة و إحساس إن ربنا هيحاسبنا على كل اللي بنقوله و نعمله يبقى توقعي اي شيء

ربنا يحفظك من كل سوء يا كيارا

Hager Za3bal يقول...

:(

صوت من مصر يقول...

احمدك ياربى
مش هتحبس لوحدى

Dr Ibrahim يقول...

جرح الناس شىء صعب ..وكما تدين تدان..
والغدر والخيانة موجودة فى بنى آدم..
ولكن هناك الجزء الصالح فى هذه الحياة
والذى نتمنى أن ننتمى إليه

ghada mOhsen يقول...

كيااااااااااارا

اول زياره ليا اخيرا ..
معلش زياراتى هاتكون خفيف خفيف كده بسبب امتحاناتى ...

بجد البوست ده اثر فيا اوى
وربنا يصلح الحال يااااارب ...

وبجد الجرح من اقرب الناس بالذات بيبقى صعب كتيييييير ...
بس احلى شى نعمه النسيان


انا معاكى اوى فى دعوتك دى

تسلمى كتييييير
... ;) ,,, ;) ...