الجمعة، مارس 19، 2010

صباح جديد

29-79

دقيقة الألم ساعة.. وساعة اللذة دقيقة

ودا اللي حسيته الفترة اللي فاتت

يمكن في الصباح الجديد دا مش هكون في حياة البعض ومش هيكونو في حياتى من تانى

لكن هقول الكلمة اللي مقتنعه بيها

"لعله خيـــر"

بحلم ان اللي جاي في حياتى يكون زي مابتمنى من خالق الكون

ياااااااااااااااه وانا بكتب الكمة دي اذان العشاء اذن

يارب يارب حقق احلام كل الناس وانا من ضمنهم

واشفى ماما ورجعهالي تاني

بصراحه اكتشفت ياماما انك انتي صديقتي الوحيدة

كل سنة وانتى معايا ووخدانى في حضنك الدافى

~~~~~~

ملحوظة صغيرة

انا مش حذفت نفسي من عند حد في الفيس بوك انا حذفت الاكونت كلة

اتمنى الصباح الجديد يكون مشرق مش مؤلم

23 كلام قلوبهم:

وردشان smilyrose يقول...

اخبارك ياقلبى وحشانى قوى

مقصرة معاكى غصب عنى وربى عالم

ويارب يرجعلك ماما بالف سلامة

ويتم شفائها على خير

وعلى فكرة انا كمان قفلت الفيس بوك

من زمان ومعلش ادعيلى ربنا يجمعنا

تانى ويحقق ليكى كل امالك واحلامك

يارب وتبقى دايما بخير

وربنا يطمنى عليكى

كيــــــــــــارا يقول...

انا الحمد لله ياورد

ويارب يشفى ماما عشان اعصابي والله ما مستحمله منظرها كدا

ويارب يحقق احلامك واحلام كل الناس

طمنيني انتى عليكي

فاتيما يقول...

ربنا يروق بالك يا كوكى

انا بطمن عليكى من علا دايما

ربنا يا حبيبتى يكتبلك الخير و يصلحلك الامور
الدنيا دايما كدا

توقع مننا ناس
و تقرب مننا ناس

المهم اننا فى الآخر منظلمش حد و لا نكون حاسين اننا أذينا حد و حتى لو كان على حساب روحنا ففى النهاية بنكون مش ندمانين على قرارتنا
و كفى

بحبك يا بنوتة يا عسولة انتى

و بخصوص الفيس بوء
انا معاكى قلبا و قالباً
عشان انا مليش فيه اشاساً
و بالتالى مش فارقة معاي على رأى الست فيروز


بوسات و حضونات
يا بنوتات يا عسولا

كيــــــــــــارا يقول...

اية التوارد دا

لسه ببعتلك مسج وانتى بتردي عندي

ربنا يسعدك يافاتى

ويخليكي ليا يااحلي مامى

ومبسوطة ان يوسف كلمك عقبال اما تشوفيه وتحضنيه يااااااااااااارب

انا كمان بحبك يافاتى اوي

وبوثات كتير وحضونات لحد اما نشوف بعض قريب باذن الله

اكون تخنت شويه ورديت

والحمد لله علي كل شي يافاتى

SHAPE YOUR LIFE (ABOALI) يقول...

ان شاء الله ايامك كلها تكون مليئه بالاشراق والبسمات فى كل الاوقات ومادام التفاؤل والايمان الجميل ده موجود يبقى الاحلام كلها هتتحقق باذن الله ...
ادام الله عليكى البسمه واسعدك فى ظل من تحبين (اميييييييييين)

كيــــــــــــارا يقول...

اللهم اميييييييييين

ربنا يكرمك يارب ويحقق احلام كل الناس

ميرا ( وومن ) يقول...

مالك بس يا كيارا وحذفتي الأكونت ليه ؟؟؟

يعني تعمليلي أد وبعدها بيومين تحذفية

هي فعلا الدنيا كدة بنخسر واحد وبنكسب قدامة واحد

بننسي واحد ويفتكرنا واحد

ربنا يحقق احلامك واحلام كل الناس ياااااااااااارب

كيــــــــــــارا يقول...

هي الدنيا كدا ياميرا الحمد لله علي كل شئ

hérisson يقول...

اولا الف سلامة علي مامتك وربنا يشفيها وإن شاء الله تبقي احسن من الأول

ثانيا الفيس بوك ده اختراع فاشل وبيجيب ضغط وسكر و هطل نصفي
كده احسن
بس المهم تفضلي كيتي اللي بتشوف الحياة جميلة مهماالظروف رسمت العكس
ويفضل الأمل طريقك دايما والابتسامة في كتابتك علي طول
وبكرة هيبقي احسن إن شاء الله

دمتي كيتي الصغيرة

كيــــــــــــارا يقول...

الله يسلمك ياااااااااااارب

فينك بئا مش في بوستات لية ؟

romansy يقول...

ربنا يحقق احلامك يا كيارا واحلام كل البشر
وربنا يشفيلك ماما وكل المسلمين يارب

وترجعلنا برضه كيارا بتاعه زماااان قوى قوى

adel يقول...

ليه طيب ؟؟
اجيبك منين انا دلوقتي ؟؟

وسلامة مامتك
طب بجد انا اطمن عليها ازاي يعني ؟؟
هنهرج

حنين يقول...

يارب يحقق احلامك
وييسر لكى مايحبه ويرضاه
ويقدر لكى الخير حيث كان
تحياتى

صوت من مصر يقول...

صباح اللى بتغنى
صباحو شربات

*الطالبة عفو الله *زوزو يقول...

حبيبتي الف سلامة للمامتك ربنا يشفيها و يعافيها و يرجعهالك بسلامة

انا معنديش خبر بدة خالص

المهم ربنا يسعدك يا قمر و ينور حياتك و يشرق ايامك كلها يا رب

خلي املك في ربنا و ان شاء اللهمش حيخيبك

ربنا يبارك فيك يا جميل

وحشاني

جنّي يقول...

السلام عليكم

ازيك يا كيارا لعلك بخير والحمد لله ..

نسأل الله تعالى ان يشفي والدتك ويجمعك بيها على خير ان شاء الله وترجع بالسلامة ..

اما الفيس بوك وغيرها وحتى المدونات يجب ان نوغل فيها ولكن برفق وبحدود ..

ربنا معاكي يلهمك للصواب دايما ..

تحيتي

صيدلانيه طالعه نازله يقول...

ربنا مخلقناش نتألم عادى بنغلط و بنتعلم

انغام قالت كده

حنفضل طول عمرنا نتخبط فى الدنيا عشان نفهم و نتعلم و برضه حنغلط تانى و حنعيط

بس اهم حاجه اللى نعلم عليه نشطبه من حياتنا و منسمحش برجوعه تانى

خصوصا لو اتسبب فى المنا و جرحنا

انسى بقى يا كيارا و ارمى ورا ضهرك

و زى ما باقول لاصحابى القريبين منى قوى
اضحكى و انسى مش مستاهله دمعه واحده

خساره نضيع عمرنا فى حزن و الم



واخده بالك انتى مين اللى بيتكلم و يقول حكم

ahmed_k يقول...

ألف سلامه على الوالده يا مولان
وربنا يرجعهالكم بألف عافيه
وكل سنه وهي بخير ووسط أولادها وأسرتها
وبإذن الله ربنا يحقق كل أمانيكي وامانينا

تقبلي تحياتي

طوبه فضه وطوبه دهب يقول...

حبيبتى الدنيا كدا وكدا سطر عسل وصفحه بصل ما تزعليش على اللى فات اكيد اكيد ربنا اعلم بخير حال لنا ولكنا نستعجل دائما على ما نريد وما ضاع منك فثقى ان الله سيعوضك بخير منه ان لم يكن عاجلا فهو اجلا اوصيكى ونفسى بالصبر فهو خير دواء ربنا يشفى مامتك ويقومها بالف سلامه لان كلنا مالناش غير الاب والام فى الدنيا ربنا يكرمك ويعفو عنك ويبعد عنك كل ما يضايقك اللهم امين

سلسبيل يقول...

يارب يحققلك أحلامك

كلها أن شاء الله ويحقق أحلام كل الناس

تحياتى

star in the sky يقول...

لعله خير

وان شاء الله الجاى احسن بكتير

وربنا يشفى ماماتك ويرجعهالك بالسلامة ويليهالك وتفضلوا دايما صحاب

موناليزا يقول...

ربنا يشفيهالك يارب ويقومها بالسلامة
ويحقق للجميع كل ما يتمنوا

nour shahen يقول...

ربنا يسعدك دايما يا كوكى

بس هو انتى بقالك كتير مش كتبتى ولا انا اللي جالى حول أذلى فى عيونى

مش عارفه المهم حبيت امر واطمن عليكى
فيارب دايما اشوفك بخير
بين قوسين زياره وديه وليست تدوينيه