الجمعة، يوليو 16، 2010

(تحديث ) يارب اصلح حالنا

تحديث هام

اولا دا لينك الصفحه علي الفيس واللي هكتب فيها

الاشخاص والدعوه اللي عاوزين ندعلهم بيها

اضغط هنا

ثانيا ياريت اي حد يعرف ريري صاحبة مدونة  فضفضة علي الماشي

ياريت ندعيلها هي محتاجنا جنبها اوي 

 

500X361

بصوا انا عاوزه اتكلم في حاجتين بس نفسي اتكلم فيهم زي منا بتكلم مع حد قدامي وبتكلم عادي

طبعا كل واحد في العالم دا عنده مشكله جواه وتعباه في اللي بيقدر يظهرها وفيه اللي بيخبيها جواه

لكن في الاخر كلنا مهما كان فينا جبروت واخطاء ومراكز وسلطات الا اننا كلنا مفيش فاضيين ومساكين اوي

وبنطلب من المقربين لينا انهم يدعولنا بالخير

فقلت طيب ما انا بطلب من صحابي يدعولي ان ربنا يكرمني وانه يحقق حلمى

وصحبتي بتطلب مني وهكذا

فقلت طيب وليه مش نستغل فكرة اننا مدونين وممكن الطلب دا يوصل لناس كتير

وهو ان كل يوم نحدد شخص كلنا ندعيله

بمعني

مثلا نختار كلنا فاتيما ندعيلها ان ربنا يجمعها بيوسف

يعني

ان انا وانت وانتي وكل حد يقرا الصفحه دي او توصله الدعوه دي هيدعي يوم السبت في كل سجده وهو ماشي وهو بيشرب وهو بيصلي وهو بينتهي من الاكل وبيقول ربنا يحفظلنا النعمه وهو قايم وفي بيفطر لو صايم انه يدعي لفاتيما

تخيلو كم واحد هيدعي في نفس اليوم وتخيلو التضامن وعدم الانانية وسبحان الله بردو لما ندعي لغيرنا اكننا بندعي لنفسنا

واليوم اللي بعده يكون منونه مثلا واللي بعده حد تانى يقترحه واللي بعده فلان يتحدد تكون حد هيولد مريض مثلا يكون مثلا شاب مقدم علي شغل وطالب اننا ندعيله

واحده هتتجوز باذن وندعيلها ان ربنا يوفقها وهكذا

وربنا يستجيب باذن الله

ايه رايكم انا عن نفسي هنفذ الفكرة دي وهخصص كل يوم لحد من اصحابي واتمني انكم تشاركوني فيها حاجه بسيطة اوي لكن يااااااااه لما تعرف ان فلان ربنا كرمه وفرحه متعه بجد :)

*****

34937_137344606293019_137342166293263_297475_4237407_n

الحاجه التانيه وهي الخاصة ببنك الدم

يمكن انا ناو بجمع الداتا اللي اخدتها من كتاب المدير بتاعي وناويه انزل المختصر المفيد باذن الله

لكن بج والله الفكرة جامده انا كتير بيجي الشغل اطفال من ابوريش وغيره محتاجين دم وللاسف فصايلهم نادرة

وليا طلب كمان اللي فصيلته نادرة يعني negative اي كاانت مش يتبرع ويكون تحت الطلب لان الفصيلة دي نادرة للاسف

ام هند

دي المدونة الخاصة ببنك الدم

ودا جروب الفيس

ودا صفحة الفيس

ولحد الان انا مش عارفه مطلوب مني ايه عشان اقدر اساعد في الموضوع دا عااااااااااااااااااااااااا

 

21 كلام قلوبهم:

MR.PRESIDENT يقول...

الفكرة طيبة وإن كان هتقعد وقت طويل لحد ما ندعو لواحد بس بس ربنا يتقبل .. قادر ياكريم .. وان شاء الله أنا فيها .. لو مكنش فيه مانع ..
وبنك المدونين تم التنويه عليه في جروبين علي قدي كدا .تحياتي .

Ramy يقول...

كيارا

فكرتك جميلة جدا وبجد انا دايما بدعى لهم

بس الفكرة عاوزة التركيز علشان الدعوة تبقى مركزة (:

خلاص انا معاكى يوم السبت لفاتيما

و الا حد منى واحد شاى

اختارى انتى و انا معاكى (:

بالنسبة للموضوع التانى بجد مش عارف اعمل اية انا متشحطط بين 3 مدن

بس لو فيه فرصة تبرع هتبرع بأذن الله

ربنا يوفقك و يزيدك حسنات على الكلام الجميل اللى انت كتبه و مقترحه

كيــــــــــــارا يقول...

والله خييييييير اول اتنين شجعوا الفكرة

وبجد مبسسسسسسسسسوطة جدا جدا من دا

وعشان الفكرة تتنظم اكتر

عملت صفحة علي الفيس عشان نقدر نحدد كل يوم الشخصية اللي هندعيلها وما اكتر الناس اللي محتاجه الدعاااااء

لينك الصفحه انا حطيت شارته علي المدونة

واهو اللينك

ابعتو انفيت بقي لكل الناس

واللي يحب يكون ادمين يقولي وان هعمله ادمين

http://www.facebook.com/pages/kl-ywm-hnkhtar-shkhs-wnkhss-alywm-klh-llda-lh/103046139750356?ref=sgm#!/pages/kl-ywm-hnkhtar-shkhs-wnkhss-alywm-klh-llda-lh/103046139750356?v=wall

لورنس العرب يقول...

فكره رائعه بارك الله فيكي

موناليزا يقول...

فكرة الدعاء فى حد ذاته جميلة طبعا
بس ربنا كريم اوى يعنى لو دعينا لاكتر من شخص فى اليوم هيكون اجمل من اننا ندعى لشخص واحد يوم واحد وبعد كده ندور على غيره وخصوصا ان اللى بيبقى محتاج حاجة من ربنا بيبقى عايز هو وحبايبه يدعوله على طول مش مجرد يوم وبس

(تعرفى اللى بيطلب منى دعاء معين بكتبه فى ورقة ولما اجى ادعى بدعى لكل الناس مع بعض والحمدلله ربنا استجاب دعائى فى حالات كتير)

وبالمناسبة دى احب استغل الفرصة واطلب من كل زوارك انهم يدعولى ان ربنا ينصرنى على اللى ظلمونى
بس على طول مش مجرد يوم واحد وبس:)

أبو العريف يقول...

الفكره حلوه قوي يا خياره

ربنا يصلح حالك وحالنا جميعا

مش هدعي هنا هدعي ف سري بقي

طوبه فضه وطوبه دهب يقول...

ربنا يكرمك يارب ويديلك على قد قلبك الابيض حمد لله على السلامه وبجد وحشتينى اووووووووووى

المتبهـدلـون فـي الأرض يقول...

الله يكرمك .. والله فعلا أنا حاسس إن فيه حد بيدعيلي..ياسلام أحمدك يااارب

شكرن شكرن ..وبالنبسة للدم أنا نيجاتيف p-

كيــــــــــــارا يقول...

لورنس

ميرسي جد مش تنسي تدعي :)

كيــــــــــــارا يقول...

موناليزا

*********
ممكن طبعا ياموني اننا نجمع بين شخصين تلاته المهم المبدا اننا مش ننسي ندعي للغير :)

وانا كتبت علي الووول انتي ومنونه :)

كيــــــــــــارا يقول...

ابوالعريف

*********

اول مره تدخل ومش ترخم :)

لا انت رخمت وقلت خيارة مش في فايده عاا


ربنا صلح الحال يارب لكل الناس ويرزقهم يارب

كيــــــــــــارا يقول...

طوبتي

وحشتيييييييييييييييييييييييني جدا كنتي فين دورت عليكي كتير ومش لاقيتك :)

كيــــــــــــارا يقول...

المتبهدلون

**********

انت -B يبقي مش تتبرع الا لو في حد احتاج الفصيلة دي لانها نادرة جدا

وبالنسبة للدعوه اكتب عاوزنا ندعيلك بايه واحنا هندعيلك علطووووووول

محمود(باحث عن حب) يقول...

السلام عليكم
سمعت مقوله ان الصحابه كانوا يجتمعوا فى بدايه الشهر الغربى خصوصا رمضان
فيقول كل واحد للاخر هيا بنا نؤمن ساعه
بمعنى كل واحد يفضفض ويحكى لصاحبه
فيتعهد كل واحد بدعوه الاخر بيكون محتاج ليها ولا يمر هذا الشهر حتى
تتحقق فيه تلك الدعوه
من خير
علشان الصدق توفر فى الحب فى الله
فكره رائعه
كيارا
ربنا يبارك فيكى

كيــــــــــــارا يقول...

مية مية كدا نعتبر انك معانا في الموضوع :)

ندى الياسمين يقول...

الفكره جميله

بلغونا بس انتم مين عليه الدور

وبنك الدم طبعا معاه
والاهم انتى وحشااااااني يا بت انتى

ومنوره البلوج

P A S H A يقول...

جميلة الفكرة سموك .. الخير ده مش غريب عليكي يا كيارا :)

ربنا يا رب يكرمك ويوفقك ويهديكي ويفرح قلبك ويحفظك من كل سؤ اللهم آمين

إدعولي يوم الأربعاء ولو مش فاضيين خلوها الخميس الصبح D:

ربنا يتقبل منا ومنكم صالح الأعمال والدعوات إن شاء الله

خالص تقديري لفكرتك الجميلة .. جزاكي الله كل خير وجعلها في ميزان حسناتك اللهم آمين

maioya يقول...

حلوه اوي فكره الدعاء بظهر الغيب دي
ربنا يصلحنا الاحوال كلنا
ويكرمنا ويحقق لكل حد اللي بيتمناه
اللهم امين

فتاه من الصعيد يقول...

ايه الافكار البيضاء دي :)

جازاك الله خيرا يا رب

وربنا ييسر لمشروع بنك دم المدونين

تحياتي

وردشان smilyrose يقول...

وحشتينى قوى قوى قوى

عامله ايه يارب تكونى بخير

معلش مقصرة معاكى وصدقينى مش بقدر

استخدم التليفون كتير بسبب شوية تعب

ربنا يسهل ويعدو على خير واكون عندك

قريب جميلة قوى الفكرة ومش جديد عليكى

ويارب دايما تكونى بخير


طمنينى عليكى بالميل

لحد ما ربنا ياذن ونتقابل


ربنا عالم محتاجه لوجودك ووجود اللى بحبهم قد ايه

ربنا يجمع شملنا على خير يارب

adel يقول...

البت منونا وصلت السؤال ولا نفضت ؟؟

صحيح وصلني حالا بالا خبر عنها
لو صحيح وصليلها مكاني بقي