الجمعة، يوليو 30، 2010

مرجيحة

ruby_by_gorjuss

بنلف فى دواير و الدنيا تلف بينا

دايما بننتهى لمطرح ما ابتدينا

طيور الفجر تايهة فى عتمة المدينة

بتدور

ما بنكتبش الرسايل ما بنتظرش رد

لا حد فى يوم سمعنا و لا بنسمع حد

طيور العمر تايهة فى عتمة المدينة

بتدور

ساكنين فى عالم يعشق الخطر

فيه الطيور تهرب من الشجر

و تهرب النجوم من القمر

و تهرب الوجوه من الصور

بنلف فى دواير ندور على الأمان

و نلائينا رجعنا تانى لنفس المكان

ندور ندور ندور

نحلم و نحلم بالحياة المفرحة

و اتارى احلامنا بلا اجنحة بلا اجنحة

ندور ندور ندور بجناح حزين مكسور

ساعات نشوف فى العتمة و ساعات نتوه فى النور

ساعات عيونا بالاسى تفرح وساعات فى ساعة الفرح ننوح

9 كلام قلوبهم:

اميرات الاسرار يقول...

السلام عليكم

اغنيه جميله جدا وكلامها اجمل

احسنتى الاختيار

سلمت يداكى
زهراء

احاسيس آيوشه يقول...

بحب الاغنية دى وكلماتها جدا
يارب تكونى بخير
لانلى مش بسمع الاغنية الا فى لحظات بكون مضايقة

أمير البلانكو يقول...

كيارا

ازيك

انا بصراحه ماعرفش دي أغنية ولا كلماتك
لكن في النهاية هييا كلمات جميلة جدا

ربنا يوفقك وتحياتي ليكي

أمير

MR.PRESIDENT يقول...

انا برضوا مش عارف الاغنية ,,,
بس بجد الكلمات روعة روعة بجد فله .
تسملي علي تعريفي بيها .
وتكرمي .

adel يقول...

نلف في سجاير

علي فكرة في كوبايلة ناقص
عندي انا الاغنية فيها كوبلية بزيادة

بيقول علي ما اتفكر
ولا حاضر ولا ماضي
تروس بتلف علي الفاضي
ولا فينا شباب تعبان
ولا فينا شباب راضي

أحــوال الهـوي يقول...

تصدقي انا دخت من اللف في دواير

ازيك يا بنوتي

لو الدواير تلفو ترجع بينا للفرح و السعاده

بس ليه دايما بتلف بينا للالم و الاحزان

تحياتي

Ramy يقول...

عارف الأغنية دى

جميلة جد بتاعة فيلم بس مش متذكره

هى بصوت وائل جسار

اختيار موفق

بالتوفيق دايما

Ramy يقول...

عارف الأغنية دى

جميلة جد بتاعة فيلم بس مش متذكره

هى بصوت وائل جسار

اختيار موفق

بالتوفيق دايما

emadiab يقول...

الاغنية دى بحبها جدا
صوت مروان خورى مع كلمات الابنودى بيدوا طعم تانى ليها
اختيار هايل