السبت، يوليو 31، 2010

خلطبيطة

دماغي هتنفجر ونفسي اكتب كتير وفي مواضيع كتيره ومشتته وكل اما اكتب حاجه اجي عند اول سطر واقف واقول لا مش هينفع

Fallen_by_gorjuss

يعني كنت هكتب عن حاجات جوايا خاصة جدا وبعد كدا قلت

لا مش هينفع مش ناويه اكتب تاني حاجه جوايا

خاصة هنا في التدوين

ليه؟

عشان اكتشفت متاخر ان كل شئ سلاح ذو حدين

زي ما في ناس بتحبك وبتقربلك لما بتكتب بكل تلقائية

هتلاقي بردو  في ناس بتاخد دا ضدك

ال يعني عارفه عنك كل حاجه

I_Wanted_To_Be_by_gorjuss

وكنت هكتب عن كذا موقف شفته في الشارع

وبجد كل موقف  ينم عن وعي فزززيع مريييييع

منهم مثلا

واحده في المترو وقاعد قدامها ابنها عنده 3 سنين او ازيد سنة

المهم الولد كان بيشرب عصير

خلص العصير واداها العلبه فاضيه راحت ادتهاله تاني وقالتله ارميها من الشباك الولد رفض راحت مسكت ايده وحطت فيها العلبه وهي مازالت ماسكه ايده وودتها علي الشباك وحدفت العلبه من الشباك وبعدها قالته شاطر !!

طب علقو انتو علي الموقف بلاش انا

ى

كنت هكتب عن حاجه كمان وهي جروب الدعاء ياريت بجد ندعي من قلبنا بظهر الغيب لاي حد مهما كان لان في ناس كتير بجد محتاجه اننا ندعيلها

niayeshvl9

حاجه اخيرة

يمكن من رمضان اللي فات لرمضان دا " يارب بلغنا رمضان انا وكل الناس "

اكيد في ناس انا زعلتها وغلطت في حقها بقولهم انا اسفه وسامحوني من قلبكم

واكيد في ناس غلطت فيا وجرحت فيا من قدامي او من ورايا واي حد جاب سيرتي مهما كان فانا بقولهم انا مساااااااااااااااااااااااااااااااااااامحه من قلبي والله العظيم

173809 

 

31 كلام قلوبهم:

فتافيت يقول...

كيارا
كل سنة وانت طيبة يا قمر
اللهم بلغنا رمضان

بالنسبة للشاطر ابن الشاطرة.. فاحلى كمنت عليه صورة القطة اللي تحته :))

كيــــــــــــارا يقول...

وانتي طيبه ياقمر

اللهم امين

هههههههههههههههههههههههههههههههه ماشي ياثكره ضحكتينى وربنا

мαησηα يقول...

كل سنة وانتى طيووووبة يا كيارتى

وانا يا ستى مش مسمحااااااااااكى

هههههههههه لانك اصلا مازعلتنيش

ف حاجة يا سكر

بالنوسبة للولد وامه عادى ده كده

هى مصرية يابنتى :))

صفحة الدعاء ربنا يجازيكى خير

عليها يارب انتى منشطاها

ومخلياها جميلة بجد ربنا يجعله ف

ميزان حسناتك يارب

كيــــــــــــارا يقول...

وانتي طيوبة يامنوووووووون

ربنا يخليكي ليا ياقلبي ويارب مايجيب زعل ابدااااااا

بصراحه انا اتجننت لما شفت دا ومش بقيت عارفه اتصرف

ويارب الصفحه دي تكون عون لينا كلنا

Ramy يقول...

أنا بيكون عندى نفس الحالة عاوز أكتب كتير فى حاجات كتير بس مش عارف احدد

بس بأختار و خلاص بقى

بالرغم ان موضوعيى الأساسى واحد (:

بالنسبة للموقف طبعا دة الطبيعى دلوقت جدا (:

مفيش تعليم من البيت

علشان كدة أحنا محتاجين سنين للتغير
علشان نبقى الأحسن

و كل سنة و انت طيبة و ربنا يتقبل منك

بالتوفيق دايما و ربنا معاكى

أحــوال الهـوي يقول...

كل سنه و انتي طيبه
و اللهم بلغنا رمضان و اعنا علي ذكرك و شكرك و حسن عبادتك


تحياتي

بنت وولد يقول...

كل سنه و انتى طيبه يا قمر
و يارب ينعاد علينا رمضان و احنا بكل صحه و سعاده و خير

بحبك

بنت

احاسيس آيوشه يقول...

كل سنة وانتى طيبة ياجميل
ورمضان كريم

كلام من قلبي يقول...

كل سنة وانت طيبة يا جميل
الحقية الحكاية مش محتاجة تعليق هية معلقة على نفسها

همس الاحباب يقول...

كل سنة وانتى طيبة
ورمضان كريم ان شاء الله
اما المواقف عادية دى مصر يا عبلة
مفيش فايدة فى تغيير سلوكياتناونمط حياتنا
تحياتى

شفـقــة و إحســــان يقول...

كل سنة وانتى طيبة يا قمراية وحشتينى خالث خالث

اقصوصه يقول...

اللهم بلغنا رمضان

في عامنا وهذا وفي كل عام

من زمان ما مريت ع هالصفحه

وحشتينا :)

blue-wave يقول...

دا فيه اللى بتقول لآبنها روح اعمل حمام هناك يا حبيبى:))
واحشانى يا كركر والله ولو انك ماباركتيليش

طوبه فضه وطوبه دهب يقول...

كل سنه وانتى بالف خير يا حبيبتى ربنا يريح قلبك ويكتب لك اللى فيه الخير

ديالا يقول...

كل سنه وانتي طيبه ياقمر

غبت عنك تقريبا سنه وانتي برضه زي مانتي زي العسل وقلبك زي العسل ربنا يباركللك يارب ياحته سكره

محمود(باحث عن حب) يقول...

السلام عليكم

كل سنه وانتى طيبه

والام مدرسه وبتعلم الولد النظافه فى المتروا
امال تودى علبه العصير فين ؟
جروب رائع يا كيارا
طبعا

ياريت متزعلنيش منك بقه وتعالى زورينى

يارب يبارك فيكى يارب

مـجـنـووون يقول...

ايه التاج المكشر ده

اضحك عودتينا انك تضححي زي زمان

اول تاج تجوبية بالطريقة دي

تقبلي مروري
مجنووون

كيــــــــــــارا يقول...

رامى

****

طبعا حاسه بيك اوي

ربنا يصلحلك الحال ويسعدك يارب

حتي السنين لو عدت مش هنتغير المهم الاول الرغبة في التغيير

كل سنة وانت طيب

ورمضان كريم

كيــــــــــــارا يقول...

بابا

وانت طيب ورمضان كرييييييييييم

كيــــــــــــارا يقول...

بنت وولد

وانتي طيبة ياحبيبتي

وانا بمووووووووووت فيكي

كيــــــــــــارا يقول...

ايوشة

وانتي طيبة ياجميلة

رمضان كريم

كيــــــــــــارا يقول...

كلام من قلبي

*********
وانتى طيبة ياجميلة وعلي رايك هي معلقة نفسها

نورتيني ياقمرة

كيــــــــــــارا يقول...

خالد اليائس

ليه بس يااهمس

سيبها لله
وكل سنة وانت طيب

كيــــــــــــارا يقول...

شفقتي

وانتي طيبه ياحبي

وانتي كمان اوي اوي اووووووي

كيــــــــــــارا يقول...

اقصوصه



يااااااااااه وحشتيني اوي

كل سنة وانتي طيبة ياقمرة

وربنا يبلغنا رمضان اللهم امين

كيــــــــــــارا يقول...

ابومالك باشا ؛)

ياربي هو في كدا ايه الامهات دي

باركتلك بئا بلاش فضايح

كيــــــــــــارا يقول...

طوبتي

*****

وانتي طيبة ياحبيبتي ادعيلي كتييييييير

كيــــــــــــارا يقول...

ديالا

وانتي طيبة ياقمر نورتينا من تاني

بحبك

كيــــــــــــارا يقول...

محمود

وعليكم السلام ورحمه الله وبركاته

وانت طيب وبخير دايما

عندك حق ليه تمسكها في ايدها او تحطها في شنطة طالما في شباك :)

ويارب الجروب دا يكون بجد نواه لوحده قلوبنا

وانا جيت اهو بس الحر مش اقولك جبااااااااااار

كيــــــــــــارا يقول...

مجنون

للاسف اه بس المره دي مش هقدر اضحك لاني مش بخبي شئ جوايا ادعيلي :)

كيــــــــــــارا يقول...

صحيح انت رديت في بوست مختلف التعليق فوووووق مش تحت