الخميس، أغسطس 05، 2010

تاج

ة

ازيكم عاملين ايه .. تاج من محمود

السؤال الاول

رتب الاتى حسب اهميتها بالنسبه لك

الصداقه _ الحب _ العائله_ المستقبل _ المال

الحب

رقم واحد

بالتالي هكون ناجحه مع بقية القائمة:)

السؤال التانى

اجب عما يلى

عرف الحب فى جمله صغيره ( حب الحبيب و الحبيبه) ,


امان

وهل يمكن ان نعيش بدون حب (الحبيبه او الحبيب برده ) ؟؟؟

يستحيل وجود حياه بدون الحب

2_ ما الرساله التى تريد ان تبعثها لحبيبك او حبيبتك ( زوج /ة المستقبل ) إن وجد أو لسه ماوجدش ؟

احتوينى

3- ياترى إيه أكتر حاجة بتكرهها فى الحياة ؟؟؟

الغدر

4- لو هتتمنى أمنية قبل ما تموت هتبقى إيه

احج – واتجوز  بس مش اي جوازه

5- مين أكتر حد محتاج تشوفه وترتاح فى حضنه أو تبص فى عنيه ؟؟

زوجى باذن الله


6- مين أكتر حد نفسك تخسره ؟؟؟

……

7- من وجهة نظرك ... إيه هى الحياة ؟؟؟

البحث عن المفقود


8- ياترى هتقع فى الحب تانى لو حبيبك/حبيبتك سابك أو لو كان سابك بالفعل ؟؟؟؟

لا

9- ياترى تقول إيه للعالم كله ؟؟


ارحمونا كفايه

10- ياترى لو هتخسر كل اللى حواليك فى سبيل حلمك ؟؟؟ هتكمل وتحاول تحققه حتى لو كان مستحيل ؟؟؟

وايه يخليني اخسر اللي حواليا من حلمي دا حلمي مش حلمهم


11- ياترى إيه أكتر إحساس عشته الايام اللى فاتت ؟

ضغط حتي الانفجار

بتمررى التاج دا لمين ......

اي حد

 

32 كلام قلوبهم:

ديالا يقول...

ايه ياقمر ده

ضغط ايه بس ياحبيتي بعد الشر عنك

ده انتي الي علمتينا الضحكه الحلوه

ويارب تحققي كل احلامك وتحجي وتتجوزي

بس مش اي جوازه(وش بيغمز)

كيــــــــــــارا يقول...

ازيك ياقمر

لا عادي هو كدا كل فترة لازم يحصل حاجه تضغط عليكي

يارب كل الناس تحقق احلامها :)

MR.PRESIDENT يقول...

ماشي يا ستي
انا علي فكرة بكره التيجان
وكان كفاية عليا واحد
اتمني انك تكوني بخير
وتلاقي ابن الحلال
و تعيشوا في تبات ونبات
في طاعة الرحمن
وتجبونا قطقيط وأطوقطات
قادر يا كريم
وافصلي كل اللي يفجر دماغك
مجرد فصل الكهربا عنه
النور هيجي



ومع السلام عليكوا

ديالا يقول...

يارب ياقمر

انا الحمد لله لسه محققه اكبر حلم حلمت بيه في حياتي

وده بفضل ربنا

ربنا ده كريم اوي

سبحان من يقول للشئ كن فيكون وسبحان من جعل خزائنه بين الكاف والنون

حنان الشافعي يقول...

حلوة قوي الاجابات يا موني مختصرة ومفيدة زي ما كنا بنقول زمان
خصوصا موضوع الحب ده
بجد لو اتصلح اس حاجه بتبقي حلوه بعدكده حتي المشاكل

فتافيت يقول...

دايما بتعجبني في اجاباتك انها محتزلة قوية

كل سنة وانتي طيبة يا قمر :)

نهــــــــــار يقول...

السلام عليكم..
إنتِ صح يا قمـــر ...
وإجاباتك جميله زيك..
..
يارب تكوني بأحسن حال
وكل سنه وإنتِ طيبه ورمضان مبارك أن شاء الله...
سلميلي على ماما وباركيلها برمضان بالنيابه عني وكل سنه وهي طيبه..
..
في أمان الله

طوبه فضه وطوبه دهب يقول...

ربنا يكرمك يا حبيبتى ويهنيكى ويرزقك باللى يحبك من جوا قلبه ويحافظ عليكى كل سنه وانتى بالف خير يارب

rack-yourminds يقول...

اجاباتك بجد جميله

وخصوصا اجابة هذا السؤال

5- مين أكتر حد محتاج تشوفه وترتاح فى حضنه أو تبص فى عنيه ؟؟

زوجى باذن الله

رزقكي الله بالزوج الصالح

محمود(باحث عن حب) يقول...

خير الكلام ما قل ودل
والايجاز والاختصار
مع تحمل جميل المعانى
هو الذكاء كله
الحب امان
يااااااااااااااااه
جميل قوى
ربنا يرزقك
بالامان كله
وبالجوازه اللى
تتمنيها فى حياتك
يارب
شكرا على
الاجابه للتاج
وحضرتك
اول من
تجيبنى فى
التاج
من اول
ما
دخلت عالم
التدوين
لسه فيا امل
ربنا يحافظ عليكى يار
كيارا

Ramy يقول...

(:

جميل التاج

و أجاباتك عجبتنى قوى خايف أغش منها (:

ربنا معاكى و يوفقك

الحب الجميل يقول...

جميل التاج
ربنا يسعد ايامك
يابختك جاوبتيه ان لسا كسلانه
تقبلى مرورى
دمتى فى حفظ الرحمن

adel يقول...

يمكن برضه
P:P:P:

همس الاحباب يقول...

اجابة تتميز بالسهل الممتنع
اجابات مختصرة فى حروفها
كبيرة فى معانيها
تسلم الايادى
وسلامتك من الانفجار يا ستى
تحياتى

أحــوال الهـوي يقول...

رومانسيه
حالمه

شايفه الدنيا بعيون بريئه


تحياتي

blue-wave يقول...

الله عليكى يا كركر:))

كيــــــــــــارا يقول...

الرئيس

*****
قريت التيجان البتيجان تنحت شويه واخدت فتره علي اما استوعبت :(

يارب دعائك ربنا يستجيبه اللهم امين

بس سؤال افصل الكهربا ازاي ؟

كيــــــــــــارا يقول...

ديالا

انا مبسوطالك جدا وانتي بجد مدياني امل كبير ادعيلي كتير ياديالا

كيــــــــــــارا يقول...

حنونة

*********

ربنا يخليكي ياحبيبتي

والحب هو الاساس في كل شئ

كيــــــــــــارا يقول...

فتافيت

******

انا اتكثفت

وانتي طيبة ياقمري :)

كيــــــــــــارا يقول...

نهار

*****
وعليكم السلام ورحمه الله وبركاته

مبسوطة اني صح

ولو علي الجمال فاانتي اجمل بلاشك

وكل سنة وانتي طيبة وحاضر هوصل كلامك لماما ؛)

كيــــــــــــارا يقول...

طوبتى

ربنا يكرمك ياحبيبتي ويسعدك انتي كمان

كل سنة وانتي احلي قمر في الدنيا

كيــــــــــــارا يقول...

rack-yourminds

************

ربنا يكرمك يارب

ويستجيب دعائك

نورتني جدااا في مدونتي التانيه

كيــــــــــــارا يقول...

محمود

ربنا يخليك يارب لكلامك اللي شجعني داا

وبجد دي اول مرة اعملها اني اجاوب تاج بالسرعه دي

ربنا يكرمك ويسعدك يارب

كيــــــــــــارا يقول...

رامي

مبسوطة ان اجاباتي نالت الاستحسان دا :)

وغش براحتك ؛)

كيــــــــــــارا يقول...

الحب الجميل

ربنا يخليكي وجاوبيه دا زي شكة الدبوس


كل سنة وانتي طيبة ياقمر

كيــــــــــــارا يقول...

عادل

***
مش فاهمه ؟؟

كيــــــــــــارا يقول...

خالد

********

كل دا في الكلمتين اللي كتبتهم :(

ادعيلي ياخالد ان ربنا يكرمنيي ويعدي الايام دي بخير

كيــــــــــــارا يقول...

بابا

****
ليه بس

كيــــــــــــارا يقول...

ابو مالك

**********

:))

ربنا يسعدك ياعمرو بجد

maxbeta3zaman يقول...

صدقت ياكيارا يا دليل الحيارى
التاجات دى شىء محير انا اتخبطت تاج جاوبته وكأنى دخلت الأشعه المقطعيه على المخ والقلب والغشه
اتا عتدى موضوع هام عن الصحه والدم شرفوتا تجدوا مابفبد وكل عام واتم بخير

كلام على بلاطة يقول...

يارب اجعل ايامنا اعياد والكل يفرح ونعيد/
ونعيش فى سلام وامان وبالتوفيق نتأيد..../
ونعلو ونسمو ونملك ارادتنا بانفسناونتسيد/
ولا يتحكم فينا كأننا من كان لاعبد ولا سيد/
وعن الشر نبعد بعيد ونكون بالخلق الجيد/
ونغفر ونسامح ولا نكون بالطبع الكيد..../
وبالاخلاق والمثل والقيم نتمسك ونتقيد/
ونقيم جسور الحب مع البشر نبنى ونشيد/