الثلاثاء، سبتمبر 07، 2010

الدنيا صغيرة اوي

Baby34

حصل موقف صغنن النهارده بس كان رساله جامده من ربنا اني مش

اخاف وان ان شاء الله حلمي هيتحقق

اكتشفت النهارده ان زميلتي في الشغل اللي بقت صبحتي

من السنة اللي فاتت كدا

وكنا في البنك بنفتح حساب وهي بتطلع البطاقة

ونسيت وطلعت كارنية الكلية بالغلط

الاحظ البادج بتاع الكلية اقولها ورهولي

الاقيها كانت معايا في نفس الكلية

وقضينا فيها نفس الوقت

واننا كان طريقي وطريقها من البيت للكلية واحد

وبنركب نفس المواصلات

ومش خدنا بالنا حتي من بعض

وبعد سنتين

تلف الدنيا ونشتغل في نفس المكان

ونفاجئ بعد صداقة سنة كامله

اننا كنا زمايل دراسة

وان انا وهي كمان نفس العمر :)

الدنيا دي صغيرة اوي :)

بعد العيد بئا هبدا تاررررررررررريخ التبرع بالدم تاتاتاتا

كوووول سنة وانتو بالحب متجمعين

22 كلام قلوبهم:

Ramy يقول...

ياااما

هتشوفى من المواقف دى كتير

كل سنة و كلنا طيبين (:

ويكا يقول...

افهم انا بقى ايه دلوقتى؟؟
ايه علاقة الحلم اللى هيتحقق بالموضوع ده؟؟
ها؟؟

ولا صيام بقى؟

rack-yourminds يقول...

حقق الله احلامك

كل سنه وانتي طيبه

كيــــــــــــارا يقول...

وانت طيب يارامي :)

كيــــــــــــارا يقول...

ويكا

هههههههههه لا مش تهيس

العلاقة ان ربنا لما بيريد بيكون :)

رغم انك عمرك ما هتتوقع انه هيحصل

بس الواحد القهار قادر علي كل شئ:)

كيــــــــــــارا يقول...

rack-yourminds

***********

اللهم امين

وانت طيب

دموع القمر يقول...

ربنا يحقق كل احلامك ويوفقك

وكل سنة وانت طيبة
ليكى عندى هديه صغونة (عديه ) فى دموع القمر ابقى خديها
وهسمحلك تاخدى كعكايه

محمود(باحث عن حب) يقول...

كل سنه وانتى طيبه بخير وسعاده
معلش الدنيا كده
شكرا على سؤالك على عبد الوهاب الحمد لله جبنا الدوا من ابو الريش بس لسه بعد العيد هنروح دكتور تانى ان شاء الله
كل سنه وانتى طيبه

كيــــــــــــارا يقول...

وانت طيب يامحمود وياريت تطمني عليه اول باول

ولو في اي حاجه اقدر اساعد بيها والله العظيم ماهتاخر

ربنا يشفيه هو وباباه يارب

كيــــــــــــارا يقول...

دموع حبيبتي

ربع جنيه بس العدية

طب دي اجيب بيها بومب ولا صواريخ ولا بنبون ولا مثاثه ولا ايه بالضبط

زوديها شوووووووووووويه

صيدلانيه طالعه نازله يقول...

كل سنه و انتى طيبه يا كركرتى
و عيد سعيد علينا و عليكى يا حبيبتى
بحبك

كيــــــــــــارا يقول...

وانتي طيبة ياحبيبة قلبي

بموت فيكي وفي شادن وسيف :)

عاشقه الرومانسيه يقول...

رب صدفه خير ان شاء الله
(:


كل سنه وانتى طيبه ياكيكى
بحبك

شمس النهار يقول...

طبعا الدنيا صغيرة
بس ساعات من كتر انشغلنا مابنشوفش الناس اللي حوالينا

تحياتي

فتافيت يقول...

قصة لذيذة وجميلة :)

كل سنة وانت طيبة يا قمر

عيد سعيد

نهــــــــــار يقول...

السلام عليكم..
سبحان الله ..
كل شيئ لخيره..
...
كل عام وأنتِ بخير يا قمــــر
ونسأل الله ان يتقبل منا ومنكم الصيام والقيام وصالح الأعمال ..
..
في حفظ الله

Timo.. يقول...

يااااااااه..
اللي يعيش ياما يشوف وكمان الدنيا اصغر مما نتخيل عاملة زي اوضة صغنونة ملياااااااانة تفاصيل.. ومن كتر التفاصيل اللي فيها بننسى باقي الاوضة ونتخيلها مليانة اكتر كل ما بندور في التفاصيل لكنها في الاخر (اوضة) وصغنونة كمان..
كل سنة وايامك كلها اعياد :)

maioya يقول...

هيا الدنيا ايه غير اوضه وصاله
ههههه
هيا فعلا صغيره اوي
لو دققتي في كل اللي تعرفيهم
هتعرفي انها صغيره جدا
كل سنه وانتي طيبه

Sameh Ezzat - (خواطر خاطر) يقول...

الدنيا ضيقه يا كياراا
كل سنه وانتي طيبه..

حَـبآيـۃْ.بـטּـدۉڷ يقول...

يــآه فعلاً الدنيا طلعت صغيره اووي .. :)

كل سنه وانتي طيبه .. ويـآرب يكون عيد سعيد عليكي .. :)

فكرة من الزمن ده يقول...

كل سنة وانت طيبة ياكيورة وعيد سعيد هوكدة العيد هدة وتعب بس في الأخربيكون شكل البيب جميل ومعيد وننسى التعب

اسماء واحلام فى وجدانى يقول...

كل سنة وانتى طيبة وبخير يا كيارا