عالــم مــولان عالــم مــولان
randomposts

آخر الأخبار

randomposts
randomposts
جاري التحميل ...

قلبك بيشوف الحقيقه .. الخوف والشك بس هما اللي بيعموا

  1. السلام
    عليكم
    تدور الدائره
    وعلي الباغي تدور
    وكما تدين تدان
    وكلامك مش محتاج تعليق
    ربنا يسترنا جميعا

    ردحذف
  2. انا لسه كاتب الآيه حالا وهيا تصبير علي من خيض في عرضه



    (( وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ{155} الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ{156} أُولَـئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَـئِكَ هُمُ الْمُهْتَدُونَ{157} )) البقرة

    وكما قيل في حكمة " دقه بدقه ولو زدت لزاد السقا "

    ربنا يهدي الجميع قادر يا كريم

    ردحذف
  3. مجتمع يقتات على النميمه والغيبه للأسف

    ربنا يهدي الجميع

    موضوع جميل كالعاده

    تحياتي

    ردحذف
  4. طيب تقولي ايه لو واحد في شغل طلعوا عليه اشاعه انه بيسرب الموظفين من غرفه مكتبه عشان ينفرد هو بموظفه متزوجه بعيدا عن أعين باقي الموظفين؟؟؟؟

    مش هقولك غير حاجه واحده

    للأسف الناس الواطيه موجودين في كل مكان واعدادهم في زياده مستمره

    ردحذف
  5. فعل شنيع ومحرم في كل الديانات والإسلام
    حفظ عورات الناس ,, دين

    ربنا يسترنا

    ردحذف
  6. لو كل واحد عرف انه سلف ودين كان هيلم نفسه لكن ان لم تستح فاصنع ما شئت وطالما مفيش حياء من الله سبحانه وتعالى يبقى اكيد مش هيكون فى حياء من البشر

    القيامة قربت على فكرة

    ربنا يرحمنا برحمته

    ردحذف
  7. اااه بتتكلمى فى موضوع تاعبنى اوى من زمان
    وبكره أقعد مع اى ستات ولو حتى قرايبى عماتى وخالتى وكله عشان كده
    انا مش بحب أتكلم على حد

    ربنا يعافينا يارب ولا نجيب سيرة حد ولا حد يجيب سيرتنا

    ردحذف
  8. بجد موضوع مهم جداً
    عارفة لو كل الناس تتقي ربنا وتخاف من لسانها اللي هيوديها جهنم !
    كل حاجة هتتحل

    المشكلة انك لما بتقولي لحد اتقي الله متقولش كدا
    يقولك بمنتهي البجاحة .. هو انا بقول حاجة غلط ! .. ماهو صح :@

    مافيش دع الخلق للخالق ابدا <_<

    حسبي الله ونعم الوكيل

    جزاكي الله خيرا ياكيارا :)

    ردحذف
  9. السلام عليكم

    حفظنا الله واياكي من السنة السوء .. وللاسف هي صفة بشرية رذيلة ولن تنتهي ..

    واحسنتي في اختيار الآيات ولكن هناك آية لو قرأها كل من يخوض في اعراض الناس لبكى على نفسه :

    {إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالآخِرَةِ وَاللَّهُ يَعْلَمُ وَأَنتُمْ لا تَعْلَمُونَ }النور19

    ردحذف
  10. الموضوع حلو اوى ومهك جدا يا كيارا لان فعلا كتير منا بيتعرضله وللاسف الناس عايشة على الكلام وبس سواء بالصدق او الكدب
    عموما حسبى الله ونعم الوكيل فى اى حد يظلم او يتكلم على حد
    تحياتى

    ردحذف
  11. بجد بوست أحييكي عليه يامنى ...

    وربنا يحفظك ويجازيكي كل خير
    واللهم أهدينا جميعا ياااارب ...

    تحياتي الملونه لروحك الطيبه
    ^_^

    ردحذف
  12. السلام عليكم ..
    جزيتِ خيرا
    وجعل الله هذه التدوينه في ميزان حسناتك
    أنا فاكره موضوع مدونة لا لنميمه أظن كان الموضوع من بعد نشرك لهذه التدوينه في السابق ..
    ....
    قال تعالى
    وما يلفظ من قول إلا لديه رقيب عتيد
    ...
    في حفظ الله

    ردحذف
  13. يا الله بوستك مهم جدا كيارا

    كان فيه حديث عن رسول الله ص

    قال لهو احد الصحابه يا رسول الله ص
    من اكثر اهل النار قال النساء قال لهو الصحابى ولما قال لأنهما يكثرن السب ويتغون بل عشى,,,

    معنى السب كلنا عرفين السب ولكن يتغون بل عشى يعنى يزمو وينمو وينكرون المعروف المهم مش اننا منقعدش معاهم او نقعد معاهم المهم اننا ننصح النساء دائما وابدا لأن اغلبيه الى بيعملو كدا امهتنا كلنا الا من رحم الله

    بوست هائل كيارا

    ردحذف
  14. سلام عليكم
    واحشتني جدا
    مشكوره على موذوع هام وجميل
    ربنا يهدنا ويهديه جميع المسلمين وغير المسلمين
    سلمن اناملك
    جزاك الله خيرا
    تحياتي

    ردحذف
  15. السلام عليكم
    ازيك يا كيارا
    الحقيقه ده موضوع مهم جدا وياريت كلنا نتعلم ازاى نمسك لسانا وندربه على انه ماينطقش الا بالخير لان الكلمه السيئه والنميمه على الناس مش هتفيدنا ابدا بالعكس ده احنا هنقع فى معصيه كبيره احنا فى غنى عنها وربنا يهدينا ويعافينا

    ردحذف
  16. والله مش هلاقي رد علي الموضوع ده غير الاية الكريمة

    قال الله تعالي
    {إن الذين يرمون المحصنات الغافلات المؤمنات لعنوا في الدنيا والآخرة ولهم عذاب عظيم. يوم تشهد عليهم ألسنتهم وأيديهم وأرجلهم بما كانوا يعملون. يومئذ يوفيهم الله دينهم الحق ويعلمون أن الله هو الحق المبين}النور:23-25


    وحسبي الله ونعمة الوكيل علي كل واحد يتكلم علي واحد او وحده

    وربنا يوريه الي بيعمله في بنات الناس في بناته واهله

    تقبلي مروري
    مجنوووون

    ردحذف
  17. السلام عليكم

    ربنا يبارك لك يارب عندك حق في كل كلمه ربنا يهدي نفوس الناس وكل واحد ينشغل بحاله ونفسه ويسيب الخلق للخالق

    ردحذف
  18. جزاكى الله خيرا

    موعظه نحتجها جميعا خصوصا النساء

    كفانا الله واياكم شر الافك


    تحياتى

    ردحذف
  19. ربنا يهدى كل عاصى ويجعله فى ميزان حسناتك يارب بس فعلا ذى ماقلتى الموضوع خطير مش سهل ابدا ياكيارا اللهم اتى نفوسنا تقواها وذكها انت خير من ذكاها

    ردحذف
  20. يا رب فعلا الكل يتعمل الدرس ومش هنكر انى كنت واحد من الناس دى لحد ما عرفت ان دا كلو غلط ومش هنكر كمان انى كنت بتباهى بكدا لكن بجد والله طلعت من التجربه دى بندم عمرى يمكن مش مكسوف وانا بعلن لكن عشان بجد بيعمل كدا يصدق انو فى يوم هيندم ندم عمره ما حسه قبل كدا

    بوست جميل جدا وبتمنى يا رب انو يعلم معانا كلنا ونفهم الدراسه

    تقبلى تحياتى

    ردحذف
  21. معلش .. أصل
    الفضا وحش .. والفضول أوحش

    ردحذف
  22. سلامتك يا كيارا من فقع المرارة..
    ده انت لو بصيتي على كل الحاجات اللي احنا بنعملها وبنبررها لنفسنا بانها (مش غلط) مرارتك ها تتفقع كمان وكمان..
    للاسف احنا شعب محتاج اعادة تربية وتثقيف في كل حاجة.

    ردحذف

أسعداء بالخوض في شرف أخواتكم ( اعادة نشر )

سوف اتحدث في موضوعي هذا عن قضيه هامه للغايه وكثيرا ماعانينا منها
كم من بنت في هذا العالم خيض في سيرتها
وشرفها كم من بنت وامراه وزوجه لم يتم مس سيرتها وشرفها بسوء الكلم
كم من فتاه خسرت حياتها بسبب كلمه من امراه مع امراه اخري
في احد الاسواق او احدي المواصلات العامه
كم من فتاه تركها زوجها او خطيبها لمجرد انه سمع عنها من فتاه
اخري كلام يسئ لها علي الرغم من انه من الممكن ان تكون هذه الفتاه
تغير من الفتاه الاولي
يااخواني
قال الله تعالي
{إن الذين يرمون المحصنات الغافلات المؤمنات لعنوا في الدنيا والآخرة ولهم عذاب عظيم. يوم تشهد عليهم ألسنتهم وأيديهم وأرجلهم بما كانوا يعملون. يومئذ يوفيهم الله دينهم الحق ويعلمون أن الله هو الحق المبين}النور:23-25
وقال الله تعالي ايضا
**ولا يغتب بعضكم بعضا أيحب أحدكم أن يأكل لحم أخيه ميتا فكرهتموه**
و
أخرج البخاري ومسلم وأبو داود والنسائي عن أبي هريرة رضي الله عنه أن رسول الله صلى الله عليه وسلم قال { اجتنبوا السبع الموبقات , قيل يا رسول الله وما هن ؟ قال الشرك بالله , والسحر , وقتل النفس التي حرم الله إلا بالحق , وأكل مال اليتيم , وأكل الربا , والتولي يوم الزحف , وقذف المحصنات الغافلات المؤمنات }
والرسول صلى الله عليه وسلم هنا اعتبر رمي المحصنات الغافلات المؤمنات: من (الموبقات السبع) التي حذر الأمة منها والموبقات تعني المهلكات
يااخواني فلا نتخيل مدي الضرر الذي يقع علي اي بنت او امراه مطلقه او ارمله او متزوجه من هذه النميمه
اسمع احدكم يقول لي انه لا يجلس مع احد كي ياتي بسيرة الناس
اقول والماسنجر اخواني فلانه ذكرت كذا وفلانه قالت كذا
وهذه قالت وهذا قال
الي متي سنظل هكذا
الي متي نري عيوبنا ونسكت ونقول انا لم اضر احد بكلامي انا بوضح
حقائق فقط
الي متي ياخواني الاعزاء
لنفق قليلا من غيبوبتنا هذه
اسعداء بالخوض في شرف اخواتكم اعلموا ان ماتقوله في سيره احد
الفتيات
تدور الدائره ويقال علي اختك او امك او بنتك او زوجتك
مثلما قلت انت علي الفتاه سابقا
كما تدين اخي واختي تدااااان
كلامي جد في الموضوع ده ومش يمكن فيه اي نوع من المرح
لكن لا وقت للهزل الموضوع خطير بالفعل
فنري الغيبه والنميمه في كل مكان
في المترو وفي الطرقات وفي العمل وفي المنازل والشات كله يتحدث علي كله كله
ومن يقول ان هذه الفتاه هي من اعطت الفرصه للتحدث عليها
فيذكر الله في كتابه العزيز سورة النساء
وَاللاَّتِي يَأْتِينَ الْفَاحِشَةَ مِن نِّسَآئِكُمْ فَاسْتَشْهِدُواْ عَلَيْهِنَّ أَرْبَعةً مِّنكُمْ فَإِن شَهِدُواْ فَأَمْسِكُوهُنَّ فِي الْبُيُوتِ حَتَّىَ يَتَوَفَّاهُنَّ الْمَوْتُ أَوْ يَجْعَلَ اللّهُ لَهُنَّ سَبِيلاً
الايه مفسره نفسها يعني المراه اللي عملت فاحشه معروف انها عملت
فاحشه ربنا سبحانه وتعالي قال استشهدو باربعه يعني بيصعبها
مش انها ادت فرصه حد يتكلم
يعني في كافه الاحوال لا يجوز ان احد يتكلم عن إمرأه سواء هي غلطت او لا
عملت الفرصه ان حد يتكلم او لا
اللهم ارحمنا يارحم الراحمين
في الاخر  احنا مالنا باللي اتجوزت ولا اتطلقت ولا اتخطبت ولا بتحب ولا اترملت ولا ماتت حتي ولا حتي مشيها بطال
ياباي ايه سيرة الناس لبانه كدا 
المفقوعه مرارتها كيارا

عن الكاتب

Kiara بنت مصريه بحلم بدنيا صافيه مش فيها غدر وكل اللي فيها اننا نحب بعض مش لهدف ما لكن نحب بعض عشان نشوف الدنيا صح

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

عالــم مــولان