الجمعة، سبتمبر 10، 2010

احلام قلبي

الاول مش عارفه ليه نفسي اكتب البوست دا

يمكن لاني عامله البوم علي الفيس ومسمياه احلام قلبي

وبحط فيه اللي نفسي انه يتحقق

بس انا مش نفسي اعبر بصور اد اما اعبر عن احساس جامد بحلم بيه

ليل نهار رغم خوفي الشديد 

ماعلينا

^^^^^

يلا نبدأ

شايفه الدنيا بيضا اووووووي واوراق الشجر

والورد الروز نازل زي المطر من السما

image

خلاني احس اني فارده دراعي وواخده العالم بحضن كبير اوووووي

image

وانا بصلي العيد النهارده كان نفسي اووووووي اني مش انزل مع ماما وبابا

كان نفسي انزل معاه

وهو بعيد عني ومش ماسك ايدي عشان مش ننقض وضوء بعض

وبنسجد انا وهو في نفس اللحظه وبنقول يارب خلينا لبعض

وبنخرج من المسجد

وعنينا بتلمع من فرحة العيد

وبيمسك ايدي وحاضنها اوي عشان مش ابعد عنه

حلمت انه يكون امامي في الصلاه

image

يااااااااااااااااااااااه لما يحصل دا انا ممكن يغمي عليا فيها

اخيرا هقف ورا زوجى اللي بنيت في صفاته يوم بعد يوم من صغري

احساس لا يوصف

اني اقف وراه  اكيد هيبقي نفس موقف بابا وماما

لما كان بابا بيصلي بينا انا وماما ومحمد اخويا وكنا سفاريت صغننه

احساس حلو اوي

اننا نقعد ادام التليفزيون في عز الشتا والدنيا تلج

وجايبين طبق لب وبنتفرج وانا ايدي زرقا ولما يلاقيني كدا

يقوم واخدني في حضنه ومدفيني

وانا انسي اني بتفرج اصلا واناااااام

طبعا مش هو دفاني بقلبه

image

بحلم باول لمسة ايد اللي طبعا هيكون اتفرس مني عشانها

عشان هيقعد يقولي نفسي امسك ايدك اقوله تؤتؤ بعد كتب الكتاب

يقولي مااحنا مخطوبين

اقوله تؤتؤ ممنوع

والاحساس الاحلي بئا انه يكون هو كمان مقتنع بدا

عشان لما نيجي نمسك ايد بعض

تبقي بركة حلال ربنا ضمنا لبعض اكتر

image

image

نفسي انا وهو ناكل سوا بس يالهووووي هو ممكن يبص عنيا

واحنا بناكل انا هيغمي عليا من الكثووووووف

بس اكيد احساس حلو اوي انك تاكل مع نصك التاني عيش وملح :)

image

وياااااااااااه بئا لما الدكتور يقوله مبروك المدام حامل

image

ويحس ان جوا بطني حاجه صغننه كدا ربطتنا اكتر ببعض

 

الحاجه دي كل يوم بتكبر جوايا وقدامه

image

image 

وابننا بئا يقولي ياماما ويقوله يابابا

الله طعمها حلو اوي اوي

والاحساس الاحلي بئا اننا نكون فاهمين بعض

ويكون جوازنا هو بداية الحب مش مقبرته

احساس حلو اوي لما ابص في ايدى والاقي دبلته

في اي مكان اروحه هيكون حاضني بيها

image

مخلية اي حد ممكن يفكر فيا يقف

لا انا مش ملكك انا ملك زوجى

ملكك الله الكلمة دي طعمها حلو اوي

بعد كل اللي نفسي فيه اصلا

هيبقي وشي جايب الوان

image

 

هبقي مكسوفة اوي اووووووووووووي

داانا اصلا دلوقت لمجرد اني فكرت وشي بقي احمررررررررررر

والدنيا حررررررررررررر وشي بقي سخن ورحت غسلته بمية ساقعه :)

 

بس ياتري هيبقي شكلي كدا بعد الجواز

image

image

يالهووووي ربنا يستر وكل اللي بحلمه دا مش يطلع في الخيال بس

يارب اعيش دا مع الفارس اللي عماله ابني في صفاته يوم بعد يوم

ويارب كل البنات تحس الحاجات دي :)

بالله عليكو اللي يدخل هنا يدعيلي ان كل دا يحصل ازاي بئا مش عارفه

يارب حقق احلامي واحلام كل البنات والشباب والناس كلهاااا

image

 

49 كلام قلوبهم:

الازهرى يقول...

يارب يحقق كل أحلامك
ويزقك الإنسان الصالح اللى يصونك وتعيشى معاه أحلى أيام فى طاعة ومحبة وهناء وسرور

ربنا يكرمك دايما بكل أحلامك تتحقق

Silver Eyes يقول...

عنيا دمعت يا كيارا :(

ربنا يحققلك احلامك كلها ويرضيكى يااااااارب

كل سنة وانتى طيبة
:)

همسات وبحــ الحياه ــر يقول...

الله احلاااام جميله والله
ربنا يفرح قلبك ويحققك كل كل كل كل احلامك ياثكره ياعثل انت

وردشان smilyrose يقول...

كل سنة وانتى طيبة ياقمر

ويارب تحققى كل احلامك يارب

والعيد الجاى نعيد عليكى انتى وهو يارب

هو مين فارس احلامك طبعا

يارب

وردشان smilyrose يقول...

عارفه يا كوكا للحظات عشت معاكى

الحلم واتمنيته اه اتمنيته

زوج طيب القلب وحنيته ملهاش مثيل

وطفل ينور علينا الدنيا

يااااااااااااااه نعمه من ربنا

مفيش شئ فى الدنيا يساوى للحظة

ربنا يارب يكرمنا جميعا بالازواج

الصالحين اللى يتقوا ربنا فينا يارب

ويرزقنا بالذرية الصالحه يارب

اللهم آمين

كل سنة وانتى طيبة يا حبيبة قلبى

وعيد سعيد عليكى يارب وعلى الجميع

وحشتينى قوى قوى قوى

طوبه فضه وطوبه دهب يقول...

يارب يا حبيبتى يحقق لك كل اللى تتمنيه وتحلمى بيه وعن قريب نبارك لك وهو بيحصل كل اللى نفسك فيه جميله يا كوكو

Ramy يقول...

قد ايه يا كيارا

انا و بقرا البوست

مكنتش عارف هعلق اقول ايه اصل انا فى البوستات اللى زى كدة بكون فرحان و مش عارف اكتب ايه

بس يا رب

يسمع منك و ينولك اللى بالك

و نفرح فبكى قريب (:

كل سنة وانت طيبة

اميرات الاسرار يقول...

السلام عليكم

يارب يحقق ليكى كل اللى بتتمنيه ياااارب
ويجمعك مع الزوج الصالح فى كل خير ان شاء الله
وكل سنه وانتى طيبه
عيد سعيد
زهراء

قوس قزح يقول...

كل سنة وانتى طيبة يا جميل
يارب احلامها كلها تتحقق و اجمل منها كمان

MR.PRESIDENT يقول...

ربنا يقر عينك بما تحبي قادر يا كريم .
ويرزقك النفع في كل إنسان
والبعض من ضرر كل إنسان
قادر يا كريم

اللهم اجمع بين المحبين بالزاوج والعمل الصالح اللهم أمين .

Abu ShoSho يقول...

الفارسة مولان حارسة عالم الحب

تقبل الله من حضرتك و العائلة الكريمة و أسعد الله أعيادكم بواقع أجمل من الحلم، فالحلم يصنعة خيال منفرد و الواقع تشاركك فيه أيدي متوضئة و قلوب بالإيمان عامرة و وجوه بحب ربها ناضرة.
سيأتي يا أستاذة فارسك ليس كالحكايا فوق حصان أبيض، بل ممسكا بمصحف وسعه قلبه و فاض سلوكا على جوارحه، اختارك لنفسه زوجة في الدنيا و الآخرة.

أستاذتي يوم يمسك بيدك و بيد الصغير فارس يطوف بكما حول الكعبة يلبي و أنتما ترددان خلفه، يومها أذكريني في دعائك (أنا و شوشو).


تحياتي
أبو شوشو

عاشقه الرومانسيه يقول...

احلامك طبيعيه جدا ومشروعه ياقلبى
ربنا يحققها لك بقدرته على كل شئ


البوست ناعم قوى يامنى
(فاهمه قصدى؟؟)


كل سنه وانتى طيبه ياروح قلبى

كيــــــــــــارا يقول...

ازهري

ياااااااااااارب انا وكل الناس يارب

ويكرمك يارب

كيــــــــــــارا يقول...

سيلفر

ليه بس انا كنت بكتبه وانا في حاله حلوه اوووووي

ربنا يحقق احلامنا كلها ياااااااااااب

كيــــــــــــارا يقول...

همسات

انتي الاجمل ياقمرر


ياااااااااااااارب انا وانتى وكل الناس

كيــــــــــــارا يقول...

وردتي

وانتى طيبة ياحبيبة قلبي

وربنا يحقق احلامنا ياااااااااارب

انتي فين بئا

كيــــــــــــارا يقول...

دهبتي

ياااااااارب ياقمر ويحقق احلامنا كلها

كيــــــــــــارا يقول...

رامى

كفايه وجودك والله يارامي

ربنا يحقق احلامنا كلها

كيــــــــــــارا يقول...

اميرات الاسرار

وعليكم السلام ورحمة الله وبركاته

يارب ياتوتا يحققها لينا كلها

كل سنة وانتى طيبة

عيد سعيد

كيــــــــــــارا يقول...

داليا

كل سنة وانتي طيبة ياحبيبتي

ويارب يحققها ياداليا

كيــــــــــــارا يقول...

الرئيس

ياااااااارب ويحقق احلام الناس كلها

اللهم امين

كل سنة وانت طيب

كيــــــــــــارا يقول...

ابو شوشو


زحلاااااااااااانه منك كل دي غيبة :((

يااااااارب يحقق كل دا ياااااارب

وهدعيلك انت وشوشو وبدعيلك :)

ربنا يسعدكم يارب

كيــــــــــــارا يقول...

دودو

يارب يحققها يادودو

وكل سنة وانتي ثكر ياثكرتى :)

بس مش فاهمه ناعم ازاي ؟؟

sweet angel يقول...

ربنا يحققلك كل احلامك يا حبيبتي

وتيجي كده قريب تقولي دعواتكم ليا استجابت

ربنا يرضا عنك ويزكي نفسك ويرزقك السعاده التي تستحقينها

بسنت يقول...

كل سنه وانتى طيبه
وان شاء الله ربنا يحقق احلام قلبك الطيب
بطيب زيه
دمتى بكل الخير

محمود(باحث عن حب) يقول...

السلام عليكم
كيارا
انتى النهارده
مش نمتى خالص

بوستين فى يوم واحد بسم الله ما شاء الله
كل سنه وانتى طيبه
انا متربص قدام المدونه اى حد اشوفه عندى متلبس ببوست جديد اقبض عليه على طول
بس نمت للاسف لسه صاحى
ايه الجمال ده فى الاحلام
ياااااااااااه
بصى دهخ حلم كل البنات اللى قلبهم صافى زيك كده
وحلم كل الشباب اللى بيحلموا بالاستقرار التام والموت الزؤام
يعنى بصى
_(الطيبون للطيبات)
خليكى واثقه فى ربنا
والله لن يخزيكى الله ابدا

البوست كله حكايه وكل كلمه احلى من التانيه
اللى عجبنى قوى

اخيرا هقف ورا زوجى اللي بنيت في صفاته يوم بعد يوم من صغري احساس لا يوصف اني اقف وراه

يااااااااه
جميله قوى
بس لازم نعيش الواقع يا كيا را
ايوه نحلم ونحلم ونحلم
ونأمل فى ربنا لانه ملناش حد غيره
بس برضوا نحط اقدامنا على ارض الواقع
لان لو كل البنات بتحلم زيك كده محدش هيتجوز لان الاولاد برضوا نفسهم يحلموا
شويه تنازلات
احلام جميله
يارب تتحقق يارب كلها
يارب يسعد ايامك باللى يستحقك ويحافظ عليكى ويحسسك بالامان اللى هو فى الاصل
امانك انتى ربنا يكرمك بكل خير

د. ياسر عمر عبد الفتاح يقول...

ربنا يحقق لكل بنات وشباب المسلمين أحلامهم
ويزقهم الأزواج والزوجات الصالحين والصالحات


تقبل الله منا ومنكم

ادم المصرى يقول...

ربنا يحققلك احلامك وامانيك


كل عام وانتى بخير

والله يتقبل منك طاعتك وعبادتك

حنين القلب يقول...

رووووووووووووووووعه يا مون
احساسك حلو اوى
واحلامك احلى
ربنا يحقق ليكى كل ما بتتمنى

بحبككككككككككككككككككككك

احساس لسه حى يقول...

عزيزتى

كل سنه وانتى طيبه وعيد سعيد عليكى على كل حبيبك

ويارب يحقق كل امنياتك واحلامك الجميله ده ويكون مكتوب ليكى السعاده دنيا واخره ان شاء الله

واحلامك جميله وكل الناس تتمنا الدفئ اللى فيها

تحياتى

سلام

*الطالبة عفو الله *زوزو يقول...

الله يا سلام ع الاحلام الجميلة قد ايه كنت رقيقة في وصف احاسيسك
ربنا يا رب يحققهالك و يناولك مرادك يا رب

موجة يقول...

هههههههههههه
كل سنة وانتى طيبة يا كيارا يا سكر
انتى جميلة اووى واحلامك بسيطة اووى
ربنا يحقق احلامك
ويارب يكون زى مابتتمنى
رفيق الحياه مش خنيق الحياه وعكننة الحياه
بس ماتستعجليش يا اختى
خدنا ايه م الرجالة غير حلاقة الدقن
بكرة ييجى وتفرحى بيه وتزهقى كمان

Timo.. يقول...

الللله على الوصف..
حلو قووووي..
خاصة الحاجات الصغنونة وانتوا بتعملوها سوا..
وكل كل كل التفاصيل المنمنمة دي ها يتبنى عليها قصص وحكايات تحكوها لاطفالكم بعد سنين :)

الغريبة اني بالصدفة باسمع اغنية (تبات ونبات) وانا باقرا البوست..بجد عيشت وقت حلووو قوي طول ما ان بأقرأ :)

ربنا يهديك للي بتتمنيه ويرضيكي بيه ويبارك لك فيه :)

كيــــــــــــارا يقول...

sweet angel

******************
يااااااااارب ياقمر
ويسعدك انتي كمان وكل الناس كل سنة وانتي طيبة

كيــــــــــــارا يقول...

بسنت

*********

وانتي طيبة ياحبيبتي

ربنا يكرمك ياااااااااارب

اللهم استجب

كيــــــــــــارا يقول...

محمود(باحث عن حب)

*************

وعليكم السلام ورحمة الله وبركاته

مش نمت خالص اول يوم عيد بئا
ربنا يكرمك يارب بزوجه صالحه

تعرف نفسي اوي اوي يكون امامى في الصلاه

ليه بس محدش هيتجوز

انا مش قلت شقة وعربية وفلوس في البنك انا طلبت معامله حسنة :)
ربنا يسعدك يارب انت وكل الناس ويشفي عبدالوهاب يارب

كيــــــــــــارا يقول...

د. ياسر عمر عبد الفتاح

*************

اللهم امين
كل سنة وانت طيب

كيــــــــــــارا يقول...

ادم المصرى

**********

الهم امين

كل سنة وانت بخير

كيــــــــــــارا يقول...

حنين القلب

************
حبيبتي حبيبتي

انتي اللي روعه وحشاني اوووووووووووووووووووووووووووي

وبمووووووووووووووووت فيكي

بحب اسم مووووووون اوي ؛)

يارب ادعيلي ياحنونة قلبي

كيــــــــــــارا يقول...

احساس لسه حى

***********

وحضرتك طيب وعيد سعيد عليك وعلي الاسرة


اللهم امين ياااااااااااااااااارب

اكيد الاحلام دي كتير بيتمناها

ربنا يحققها للجميع يارب

سلام

كيــــــــــــارا يقول...

*الطالبة عفو الله *زوزو

***************

انتي الارق عشان كدا شوفتيها رقيقة :)

بحبك ووحشتني

كل سنة وانتي ثكر ياقمر


وربنا يستجيب ياااااااارب

كيــــــــــــارا يقول...

موجة

**********

ههههههههههههه وانتي طيبة ياعثل
انتي الاجمل واحلامك اجمل
ربنا يحققها ليا وليكي ولكل الناس
ياااااااااارب ياموجتى

ههههههههههههههههه بصي طالما اللي مش في خيالي فانا مش مستعجلة اما لو اللي في خيالي فانا قطعا مستعجلة :)

كيــــــــــــارا يقول...

Timo..

**********

ياسلااااااااااااام كنت بكتبه واصلا مشغلها :)

هي تفاصيل صغيرة ومنمنمة لكن في معناها ومحتواها فهي كبييييييييييرة اووووووووووي

ومبسوطة انك عشت وقت حلو وانت بتقرا البوست :)

يارب انا وانت وكل الناس

ويارب ربنا يجمعك بفريده :)

ReEm يقول...

البوست ده حلو بشكل بجد كل احساس
فيه كأنه بيوصف داخل اي بنت

بجد تسلم ايدك عليه

كيــــــــــــارا يقول...

انتي الاحلي ياقمر

وفعلا كل بنت بتحلم بدا يااااااااارب حقق احلامهم وحلمى

مخنوق كيك يقول...

مش عارف ايه اللي خلاني اكتب بجد يا كوكي

بس حسيت فعلا بصدق الاحساس اللي جواكي وحسيت اد ايه انتي رايقة ومفيش وراكي وجع دماغ وبطنك مليانه وضاربه ميرادوكس

ما علينا

مفيش احسن من التكامل بالنص التاني والحياه الثنائيه والشعور المزدوج اللي بيخليك دايما حاسس انك مهم

وبتعمل حاجة بتسعدك وتسعد غيرك وتبني اسره انت اهم حاجة في حياتها وهي اهم حاجة في حياتك . احساس صافي بدون مجاملات وحلم بنعيش جواه وبنحققه

ربنا يهنيكي ان شاء الله قريب وتعيشي في فرح وسعادة دائمين

مخنوق كيك يقول...

انت عملتي نظام الموافقة وكده ؟؟

يبقي اكيد كلامي مش هيتذاع
مش هعلق تاني علي فكرة

كيــــــــــــارا يقول...

ممكن لان البوست بيتكلم عن مشاعر محبوسه بس ايه مش في وراكي وجع دماغ دي بئا ؟؟؟ وبطني مليانة كمان :)

اه طبعا التكامل دا هو اساس اي حياه

اه والله صح كلامك صح جدا

ياااااااااااارب ويهني كل حد

كيــــــــــــارا يقول...

كلامك هيتذاع طبعا مش تقلق

بس ليه مش هتعلق بس :((((((