عالــم مــولان عالــم مــولان
randomposts

آخر الأخبار

randomposts
randomposts
جاري التحميل ...

قلبك بيشوف الحقيقه .. الخوف والشك بس هما اللي بيعموا

  1. كملي جازاك الله خيرا للمعلومات المفيده وسرد التاريخ :)

    تحياتي

    ردحذف
  2. بعد السلام والتحية
    أما بعد
    من رئيس الجمهورية

    شكرا للمعلومات وربنا يجعلها في ميزان حسانتك .

    قادر يا كريم

    ردحذف
  3. يا بنتى ، انا نفسى افهم انتى ايه حكاية الموضوع ده ؟!! وايه اللى كبرها فى دماغك تمسكى الموضوع ده.

    وبعدين بتجيبى الكلام ده كله منين ؟!
    هل هو فى تخصص دراستك يعنى والدكاتره كانوا مطلعين عنيكى فيه وبتطلعيه علينا ولا ايه الحكايه؟!! :)

    ردحذف
  4. ميرسي ليكم ربنا يكرمكم ياااااااارب.

    ردحذف
  5. ويكاااا

    لو قريت اول جزء هتعرف ومع ذلك نجبلك الكلام كوبي

    *********
    كنت قلت اني هنزل بوستات عن التبرع بالدم واهمية الدم لكن بما اني عملي في نفس المجال فحبيت ان لما انزل بحاجه تكون متخصصه مش من موقع او منقوله فكلمت المدير وقلتله طلبي اني عاوزه اكتب عن الدم واهميته وضرورته للانسان بصراحه بشكره لتعاونه معايا واداني الدتا اللي بكتب منها مش شفهي فمصدري موثوق منه والحمد لله ولاني كنت فاكرة ان الموضوع هضربه في بوست ولا اتنين واخلص لكن لما قريت لقيت ان الموضوع كبير جدا جدا وممكن اقعد اكتب فيه شهر معايا ومعاكم ربنا لكن انا قررت اني هكمل الموضوع للاخر اولا عشان نعرف الدم دا هو ايه بالنسبه لينا وبيعمل ايه ولما بنفقده بيحصل ايه ونفهم كل حاجه ثانيا : عشان لما حد يتبرع بالدم في اي مكان يبقي فاهم هو بيتبرع ليه يلا نبدا وبلاش رغى

    ردحذف
  6. معلومات غاية في الاهميه

    ربنا يجازيكي خير

    تعرفي انتي واحشاني في بنت تنسي باباها كده

    تحياتي

    ردحذف
  7. جميل جدا الموضوع بصراحة عرفت معلومات جديدة
    ‏:-)‏
    جزاكي الله كل خير
    تحياتي

    ردحذف
  8. السلام عليكم

    انا سعيد بجد .. :)

    معلومات مفيده جدا ..

    "وفي اثناء الحرب العالمية الثانية ونظرا للاحتياج الشديد للدم ومكوناته"

    فعلا على فكره الحربين العالميتين على الرغم من كل مساوئهم الا انهم طوروا علم صناعة الأسلحة والطب بصورة كبيره جدا


    "NAT"

    ياريت لو تكتبى عنه فعلا

    ردحذف
  9. جزاكى الله خيرا
    معلومة مفيدة وهامة
    وفى انتظار المزيد
    مجهود رائع حقا
    تحياتى

    ردحذف
  10. معلومات قيمة الحقيقة وكنت اجهلها تماما :)

    تحياتى وفى انتظار القادم

    ردحذف
  11. انت فيييييييييييييييييييييييييييييييييييييييييييييييييييييييييييييين

    طمنينا عليكى

    ردحذف
  12. ألف ألف سلامة

    تقومى بالسلامة بسرعة أن شاء الله

    ردحذف
  13. معلومات جميله اوى

    فيه حاجات كنت عارفاها

    بس اكترها حاجات جديده

    عشان معظمهاتاريخيه

    تسلمى يا قمر و كتر خيرك

    ردحذف
  14. انا لقت على البوست ده؟


    تعليقى راح فين

    وانتى اساسا رحتى ين

    ردحذف
  15. اييييييييييييية يا بنتى فينك

    دة كلة دور انفلونزا

    طمنينا عليكى

    ردحذف

تابع تاريخ التبرع بالدم



عاوزه اقول حاجه الكلام اللي انا كتباه انا كتباه في دقايق وهو بيتنفذ في ساعات بس عشان يكتشف اخد عصارة شهور وسنين ومراحل كتير
يلا نكمل
كانو بينقلوا الدم من غير تحاليل ومااكثر الامراض عندنا فكان المريض ياقلبي ياني هو اصلا تعبان خلقه تقومو تدوه دم فيه فيروسات كمان هو ملاحق اصلا علي اللي هو فيه دا اللي خلاهم يوصولوا لفكرة التحليل للدم قبل اما ياخده المريض وفي اماكن كمان بتحلل للمريض كمان عشان مش يكون عنده فيرس ويقول مش كان عندي وجالى من الدم .
كفايه رغي وخلينا في المهم
وكان من اهم المضاعفات المعروفة لنقل الدم في هذه الفتره هو نقل عدوى مرض الزهرى مما كان عامل مؤثر قاد الى اجراء  تحليل الكشف عن الزهري للمتبرعين بالدم قبل تبرعهم .
اتبع ذلك اكتشاف لاندشتاينر سنة 1940 لمعامل ريسوس " RH" مما فسر ماكان يحدث من تكسير لكرات الدم الحمراء بالرغم من تطابق الفصيلة لبعض المرضي وقد فتح هذا الاكتشاف الطريق لمنع حدوث وعلاج حالات تكسير كرات الدم الحمراء للاطفال حديثي الولادة ، ان طرق تحديد مضادات كرات الدم الحمراء (Antibodies) ادت الي تعريف العديد من مجموعات المستضدات (Antigens) وجعلت من الضروري اجراء اختبارات التوافق بين دم المتبرع ودم المريض قبل اجراء عملية نقل الدم .
وفي اواخر الثلاثينات واوئل الاربعينات توصل الدكتور تشارلز دريو الى اكتشاف امكانية فصل الدم الي بلازما وكرات دم حمراء كما يمكن تجميد البلازما لحفظها وفي اثناء الحرب العالمية الثانية ونظرا للاحتياج الشديد للدم ومكوناته واستخدام نقل الدم لاول مرة بصورة كبيرة وعلي نطاق واسع تم تقدم وتطور خدمات نقل الدم فكان يتم تجميع الدم بزجاجات معقمة وفي خلال الاربعنات تم ظهور اول بنوك الدم المدنية والتى تعمل علي تجميع الدم علي نطاق واسع.

imageالاداة المستخدمة في نقل الدم المباشر بين المتبرع والمريض اثناء الحرب العالمية الثانية
ثم تتابعت بعد ذلك التطوارات فتم معرفة ان البلازما الطازجة تعالج مرض الناعور " الهيموفيليا " وان عملية تغيير الدم تمنع حدوث هبوط المخ الناتج عن ارتفاع نسبة البليروبين الناتج من تكسير الدم للطفال حديثى الولادة .
وفي الخمسينات قدم العالمان "كارل والتر" و "ميرفى" اكياس الدم البلاستيكية لحفظ الدم بدلا من القوارير الزجاجية مما قلل التلوث البكتيري للدم وساعد في امكانية فصل الدم "  كرات الدم الحمراء – البلازما – الصفائح الدموية – الراسب القري (الكرايو ) " بطريقة مغلقة مما ساعد علي تخزينها لمدد طويلة .
استخدم مكونات الدم في العلاج بديلا  للدم الكلي , اكتشاف المستضاد المسمى " استراليا " المصاحب للاتهاب الكبد الوبائي B  مما ادخل تحليل جديد لضمان سلامة الدم في عام 1970 لتحديد المتبرعين الذين يحملون "HBsAg " ثم في خلال الثمانينات والتسعينات تم ادخال العديد من التحاليل لضمان سلامة الدم واهمها الخاصة بمرض الايدز والالتهاب الكبد الوبائى C والفيرس المسبب لسرطان الخلية الليمفاوية ( HTLV).
كما صاحب ذلك تحسين المحاليل المستخدمة لحفظ الدم وزيادة مدة صلاحية استخدام الدم من (21) يوم ACD وCPD الى (35 ) يوم CPD-A1 ثم الى (42) يوم باضافة محاليل إضافية الى كرات الدم الحمراء بعد فصل البلازما ( SAG-M,ADSOL) كما تم ادخال مرشحات الدم لازالة كرات الدم البيضاء المسئولة عن اكثر من 90% من مضاعفات نقل الدم .
وحديثا تم تطوير اجهزة الفصل الالي لمكونات الدم (SELL SEPARATOR) للحصول علي مشتقات الدم ( الصفائح الدموية – البلازما – كرات الدم الحمراء – الخلايا الجذعية ) بصورة نقية وبالجرعات العلاجية مما ساعد علي انتشار عمليات زرع النخاع في علاج كثير من الامراض .
حاجه اخيرة في تحليل كمان جديد اسمه تحليل الحمض النووي NAT  ودا مش انتشر بين بنوك الدم معلوماتي انه في 3 اماكن بس لانه غالي جدااااا وكمان ادق جدااااااااا من تحليل الاليزا وان شاء الله هبحث عنه واجيبلكم كل حاجه تخصه
الجزء الجاي هيكون عن الاستخدام الامثل للدم

عن الكاتب

Kiara بنت مصريه بحلم بدنيا صافيه مش فيها غدر وكل اللي فيها اننا نحب بعض مش لهدف ما لكن نحب بعض عشان نشوف الدنيا صح

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

عالــم مــولان