عالــم مــولان عالــم مــولان
randomposts

آخر الأخبار

randomposts
randomposts
جاري التحميل ...

قلبك بيشوف الحقيقه .. الخوف والشك بس هما اللي بيعموا

  1. الحمد لله انى قاعد ع الجهاز

    و بأكتب الكومنت دة

    الحمد لله على نعمه اللى شايفها و اللى مش شايفها

    متفرسيش نفسك

    كتيييييييييييييير جداً كدة

    ردحذف
  2. الحمد لله طبعااا

    دا اكتر مما حد يتخيل ايه دا مش ممكن ابدا

    ردحذف
  3. السلام عليكم
    بعيد عنك ربنا يرحمنا ويبعد عنا الانفس دي دول مرضى
    كل عام وانتم بخير

    ردحذف
  4. بعد السلام والتحية
    من البعد عن الدين يا كيارا
    والدين عبادة وأخلاقيات
    فيه ناس اما سابت الإثنين
    أو خدت الولي وثابت الثانية ولا
    يصح إلا الثانية إلا بالأولي
    المهم
    إدعي لهم بالهداية وليكي .
    ربنا يكرمك يا رب .

    ردحذف
  5. فعلا هو شئ بالشكل دة زاد عن حده لكن انا شايف انه مافيش مانع انه يكون فى غيرة فى الشغل وحاول اطور من نفسى زى مثلا فلان ما طور من نفسه وأكون عندى غيرة ان ما يكنش احسن منى ولا أكثر علم وثقافة منى انا شايف ان دة شئ مشروع جدا ولكن لا يتطرق لان يكون حسد بزوال النعمة

    ردحذف
  6. اااازيك

    يارب تكوني بخير
    انتي كمان وحشتيني جدا

    هي الناس بقت كده

    والناس اللي كده عمرهم مابيعيشوا مرتاحين
    دايما زعلانين وحاسين ان في ميت حاجه نقصاهم

    ربنا يهدي

    ردحذف
  7. ياما اكترهم

    بيفسدوا حياتهم والله ما بيحسوش بمعنى اي ساعده عندهم

    كنت كاتبه حاجه انا مره بس ما نشرتهاش لسه اسمها الصياد لما تشوفيها هاتلاقيها نفس المعنى

    ربنا يهدى

    ردحذف
  8. الحمد لله على نمة الإسلام وكفى بها نعمة لو أدركهاهؤلاء لما وقع أحد منهم فى كل تلك المتاهة الأزلية التى لا تفيد أحدا بل تضر الجميع

    تخيلى بع صلاة الجمعة جالى برد
    ربنا ياخد اللى كان السبب
    بطلوا القلب الأسود دا بقى

    ردحذف
  9. دي مشكلة بنعاني منها كتير
    وبنشوفها كتير
    زي ما تكون طبع في الإنسان ميقدرش يستغني عنه

    وهنقدر نقول غير ( حسبي الله ونعمة الوكيل )

    تقبلي مروري
    مجنووون

    ردحذف
  10. جيت ارمى السلام لقيت انى نفسى افهم واعيش احلام
    ان لكل واحد ذاته بس الناس لئام
    وارجع واقول ده حال الدنيا
    يعيش فيها الصادق والخاين والحرامى وابن الحلال
    وعلينا اننا نقول ربنا يهدى ويغير الحال الى الحال

    وعجبى
    ميا مسا عليك انت يا منور

    ردحذف
  11. هههههههههههههههههه

    ردحذف
  12. الرضا هو أصل السعادة ولو كل واحد رضى باللى ربنا كتبهوله كان الناس هتعيش مرتاحة

    اكيد انشغال الانسان بغيره بيعطله فى حياته والانسان اللى قلبه بيحقد ويحسد انسان تعيس ومش هيتحرك خطوة واحدة للامام

    تحياتى

    ردحذف
  13. النوعية دى وجودها شئ طبيعى جدااا لعملية الحراك الاجتماعى اللى حصلت والفروق الاجتماعية والمادية الرهيبة اللى بقت موجودة

    كل واحد لو فكر ف نفسه فعلا مكنش ده بأة حالنا

    تحياتى

    ردحذف
  14. الصورة حلوة خالص خالص
    والله
    والعروسه كأنها
    تتألم وتبكى
    بجد الصورة حلوة

    الموضوع ده الكل بيحسد بعضه
    وبيحقد على بعضه
    علشان مفيش قناعه
    مفيش رضا
    الحمد لله

    ردحذف
  15. متهيألي ان النوعية دي من الناس مرضي وماأكثرالمرضي حولنا الأن

    ميرسي علي سؤالك وترحيبك بي

    تحياتي ليكي

    ردحذف
  16. في ناس للأسف الشديد الشىء الوحيد اللي بيحركهم الغيرة و كراهية الغير ، و النوعية دي للأسف كترت

    ردحذف
  17. انا اللى نفسى افهم ليه؟

    الف حمد لله على كل شىء طبعا

    مون
    وحشتينى اوى والله
    طمنينى عليكى
    بحبك

    ردحذف
  18. اول مره ازور مدونتك

    الحمدلله علي كل النعم اللي ربنا ادهالنا , عارفه انتي بتكتبي اللي بيحصل حواليا وخصوصنا في العيله عندنا حاجه تزعل لما الواحد يشوف ناس ديما بصه لغيره وديما نقمه علي النعمه

    ردحذف

نفسي افهم ليه

image

من ينظر الى غيره فقط .. لا يرى نفسه .. لا يرضى بالمقسوم له .. لايرى نجاحه .. تصبح حياته مرتع للفشل :(

بجد انا نفسي اعرف بيفكرو ازاي

ازاي يبقي كل حياتهم التفكير في الغير

فلان جاب شقة – فلان الناس بتحبه – فلان نجح في الدراسه – فلان معاه عربيه – فلان بيقبض فلوس اد كدا – فلانه بتحب يابختها – دي مخطوبة وقرقر علي البت مش يعرفو ان ممكن تكون عندها مشاكل اد الدنيا ومش بتتنفس حتي بس مش بتتتكلم – دي فلانه متجوزة مهو ممكن مش تكون سعيده ولو خيرو الواحد بين انه يتجوز ويبقي عنده المشاكل دي وانه يبقي زي ماهو يرفض المشاكل بالجواز بكله – دي فلانة عندها عيال – دا عيالها ناجحين  - دا كل شويه يشترو حاجه جديده

طب انا اسمع ان في واحده فضلت سهرانه طول الليل وتخبط راسها في الحيط عشان واحده تانية جابت شقة !!

 

كل دا في دماغهم طب بالله عليكم لما افكر في كل اللي حواليا بالمنظر دا

انا هنجح ازاي هركز في شغلي وحياتي ازاي نفسي افهم هما سايبين نفسهم كدا ليه

بدل اما تركزي في ولاد غيرك ركزي في عيالك وربيهم

بدل اما ابص لفلانه انها ناجحه طب خليني فيا اشتغل واتعب عشان انجح

مااللي ينجح ينجح واللي يجيب شقة يجيب واللي يتجوز يتجوز

ادعيلهم بالتوفيق ليه الحقد والغل علي خلق الله

من حمده زاده

احمدو ربنا علي نعمه

اما بنعمة ربك فحدث

والله انا تعبت من النوعية دي والمشكله انهم كتير اوي حوالينا

واحده بتتجوز وحاضرين فرحها مش يدعو ان ربنا يباركلهم  في بعض

لا ازااااااااااااي

شفتي الفستان شفتي الحفلة متكلفة كام

والله الناس دي خلت الناس تكتم فرحتها

ربنا يهدى بجد

في الاخر

الحمد لله علي نعم ربنا التى لا تحصى

عن الكاتب

Kiara بنت مصريه بحلم بدنيا صافيه مش فيها غدر وكل اللي فيها اننا نحب بعض مش لهدف ما لكن نحب بعض عشان نشوف الدنيا صح

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

عالــم مــولان