الأحد، مارس 06، 2011

25يناير

كل ثانية بتعدى بحدث جديد

وكل اما نقول هنهدى ونستني التغيير نلاقي الاحداث بتلاحقنا وبقينا في عجلة بتجري بينا وبنجري بيها

لو وقفنا فجاه هنقع ولو وقفت هى هنقع بردو

من الاخر سيبونا يااهالينا نغير البلد دي

كانت معاكم ودمرتوها بسكوتكم خلوها معانا يمكن حماسنا واتحادنا يقومها من كبوتها تانى

الحزب الوطنى .. ارحمنا ياعم الحج كفايه عليك كدا ابعد عن البلد دي بكل سرطاناتك

المعارضين يامن كنتو مؤيدين واصبحتو عكس ذلك مش بخونكم ولا اقدر اقول دا لانكم مصريين زيي يمكن اختلفنا في طريقة تعبرنا لحب مصر

لكن ليا طلب بجد قارنو الفترات واقرو تاريخ وشوفو كم الفساد

اللي بيقولو ان شباب التحرير سقف طلباتهم مش بيخلص .. عارفين ليه مش بيخلص عشان اصلا بنلاقي الفساد اكبر من توقعاتنا

عشان اصلا فيه التوااااء في تحقيق المطالب .. عارفين محسسني اننا هناخد الطلبات دي ونحطها في جيبنا مااحنا بنطلب عشان البلد دي

واللي بيقول الاستقرار مليون مرة نقول مش احنا اللي مانعين الشرطة مش احنا اللي خرجنا البلطجية مش احنا اللي خلينا المحلات تتسرق مش احنا مش احنااااااااااا

نفسي اتكلم كتير بس فعلا مش في وقت للكلام العجلة شغاله وبتلف بسرعة وللاسف ردود الافعال بتخلينا نغضب اكتر ويكون رد فعلنا غير محسوب

انا من يوم الجمعة مش شاركت بحاجه :( وحاسه بإكتئاب بسبب دا امال اللي مش شارك من الاول بئا شعوره ايه ؟؟

 

14 كلام قلوبهم:

حياه بلا عنوان يقول...

السلام عليكم ورحمه الله وبركاته
موضوعك جميل قوى وفعلا كلنا عندنا كلام كتير ويمكن اغلب المدونات دلوقتى في اللى متوقف عن التدوين وفيه اللى بيتكلم عن اللى بيحصل وطبعا ده امر طبيعى لان اللى بيحصل ده كان لازم يحصل وممكن نقول جه الوقت بس محدش عارف بكره فيه ايه والمفروض ان ميكونش مجرد كلام وخلاص
ربنا يسترها على اللى جاى
تحياتى

شمس النهار يقول...

صدقيني ياكوكي انا رغم كل شئ متفائله جدااااااا

كله هيبقا في السليم

ادعي وقولي يارب

لورنس العرب يقول...

الامور فعلا تغيرت
لكن لما يمر علينا فتره زي كده لازم نترك الناس يشتغلوا
ما أراه الآن هو محاوله من الناس للتدخل في كل شيء وأي شيء كأن كل واحد هو رئيس الوزراء او الحاكم العسكري
ولله انا عندي كلام كتير عاوز اقوله
لكن انا عارف ومتأكد ان الناس مش بتحب تسمع
ما لاحظته حاليا ان البلد تسير بالدراع وان كل واحد عاوز يعمل حاجه بيعملها غصبا عن أي حد اعتقادا منه ان ده الصواب
حجم الفساد كبير- لكن بردو لو لم نترك القائمين على الامر يشتغلوا هاتبقى المشكله اكبر والحلول سوف تتأخر

مهندس مصري يقول...

متفق معاكي
في ناس لسه عايشة بعقلية العبيد
سيبوا اللي عقليتهم حرة يحرروا البلد

ENG./ELSAYED,PMP يقول...

عارفة اكبر كارثة حصلت ف مصر ايه ... القضاء على اى شخصية يمكن ان يتبلور حولها وعى المصريين ... لان النظم السابقة شوهت كل الرموز ... ولذلك كما ترين ... يجرى الان قراءة واعادة مراجعة لجميع الثوابت والمسلمات والمرجعيات والقيم .

الازهرى يقول...

وربنا
وربنا
وربنا كمان مرة

لأنيمك من المغرب يا صين

دا شعار الفترة الجاية

momken يقول...

حمدالله على السلامه الاول يا كيارا

تسلم ايدك على الكلام الجاد ده

بس لازم نعرف ان لكل ثوره منتفعين ومتسلقين
تماما الغربان التى تنزل على الجيفه او على بقيا ما اكل السبع
الاحزاب القتيله واللمستئنسه بتقوم بالدور ده بمنتهى البراعه ربنا يكفينا شر كل متسلق ومشتاق


تحياتى

فتاه من الصعيد يقول...

السلام عليكم

انا عارفه اني مقصره معاك في التعليق والمتابعه الفتره اللي فاتت ولكن ده كان لظروف :)

عندي بوست وطلب مهم ارجو المساعده فيه :)

http://mal2atlhash3noan.blogspot.com/2011/03/blog-post_24.html

elsha3er يقول...

السلام عليكم

الدايرة بتلف وحتلف رغم انف الجميع ان شاء الله البلد دى رايحة على خير كبير اوى وفى تفائل ان شاء الله

Mai يقول...

معاكي حق بس كل اللي مدايقني كم البلطجه اللي بقى موجود بشكل واضح وملحوظ في الناس
بحس ان بيجيلي احباط كل شوية

(green eyes) يقول...

اتمنى ان بكره يكون احسن

Ramy يقول...

كيااااارا


فينك يا بنتى طمنينا عليكى لو سمحتى

ايه الغيبة دى

معلش الفترة اللى فاتت كانت صعبة شوية و كنت مش متابع حد

ياريت تطمنينا عليكى

حسن ارابيسك يقول...

كيارا أذيك
الحقيقة احساسك الصادق ده هو بالتأكيد احساس أبناء مصر الغالية علينا كلنا لذلك الفترة القادمة مهمة جداً في تاريخ مصر
تحياتي
حسن ارابيسك

nour shahen يقول...

قرب رمضان فكرنى بناس يهمونى قلت اهنيهم قبل ما يسبقونى .. رمضان كريم