عالــم مــولان عالــم مــولان
randomposts

آخر الأخبار

randomposts
randomposts
جاري التحميل ...

قلبك بيشوف الحقيقه .. الخوف والشك بس هما اللي بيعموا

  1. السلام عليكم ورحمه الله وبركاته
    موضوعك جميل قوى وفعلا كلنا عندنا كلام كتير ويمكن اغلب المدونات دلوقتى في اللى متوقف عن التدوين وفيه اللى بيتكلم عن اللى بيحصل وطبعا ده امر طبيعى لان اللى بيحصل ده كان لازم يحصل وممكن نقول جه الوقت بس محدش عارف بكره فيه ايه والمفروض ان ميكونش مجرد كلام وخلاص
    ربنا يسترها على اللى جاى
    تحياتى

    ردحذف
  2. صدقيني ياكوكي انا رغم كل شئ متفائله جدااااااا

    كله هيبقا في السليم

    ادعي وقولي يارب

    ردحذف
  3. الامور فعلا تغيرت
    لكن لما يمر علينا فتره زي كده لازم نترك الناس يشتغلوا
    ما أراه الآن هو محاوله من الناس للتدخل في كل شيء وأي شيء كأن كل واحد هو رئيس الوزراء او الحاكم العسكري
    ولله انا عندي كلام كتير عاوز اقوله
    لكن انا عارف ومتأكد ان الناس مش بتحب تسمع
    ما لاحظته حاليا ان البلد تسير بالدراع وان كل واحد عاوز يعمل حاجه بيعملها غصبا عن أي حد اعتقادا منه ان ده الصواب
    حجم الفساد كبير- لكن بردو لو لم نترك القائمين على الامر يشتغلوا هاتبقى المشكله اكبر والحلول سوف تتأخر

    ردحذف
  4. متفق معاكي
    في ناس لسه عايشة بعقلية العبيد
    سيبوا اللي عقليتهم حرة يحرروا البلد

    ردحذف
  5. عارفة اكبر كارثة حصلت ف مصر ايه ... القضاء على اى شخصية يمكن ان يتبلور حولها وعى المصريين ... لان النظم السابقة شوهت كل الرموز ... ولذلك كما ترين ... يجرى الان قراءة واعادة مراجعة لجميع الثوابت والمسلمات والمرجعيات والقيم .

    ردحذف
  6. وربنا
    وربنا
    وربنا كمان مرة

    لأنيمك من المغرب يا صين

    دا شعار الفترة الجاية

    ردحذف
  7. حمدالله على السلامه الاول يا كيارا

    تسلم ايدك على الكلام الجاد ده

    بس لازم نعرف ان لكل ثوره منتفعين ومتسلقين
    تماما الغربان التى تنزل على الجيفه او على بقيا ما اكل السبع
    الاحزاب القتيله واللمستئنسه بتقوم بالدور ده بمنتهى البراعه ربنا يكفينا شر كل متسلق ومشتاق


    تحياتى

    ردحذف
  8. السلام عليكم

    انا عارفه اني مقصره معاك في التعليق والمتابعه الفتره اللي فاتت ولكن ده كان لظروف :)

    عندي بوست وطلب مهم ارجو المساعده فيه :)

    http://mal2atlhash3noan.blogspot.com/2011/03/blog-post_24.html

    ردحذف
  9. السلام عليكم

    الدايرة بتلف وحتلف رغم انف الجميع ان شاء الله البلد دى رايحة على خير كبير اوى وفى تفائل ان شاء الله

    ردحذف
  10. معاكي حق بس كل اللي مدايقني كم البلطجه اللي بقى موجود بشكل واضح وملحوظ في الناس
    بحس ان بيجيلي احباط كل شوية

    ردحذف
  11. اتمنى ان بكره يكون احسن

    ردحذف
  12. كيااااارا


    فينك يا بنتى طمنينا عليكى لو سمحتى

    ايه الغيبة دى

    معلش الفترة اللى فاتت كانت صعبة شوية و كنت مش متابع حد

    ياريت تطمنينا عليكى

    ردحذف
  13. كيارا أذيك
    الحقيقة احساسك الصادق ده هو بالتأكيد احساس أبناء مصر الغالية علينا كلنا لذلك الفترة القادمة مهمة جداً في تاريخ مصر
    تحياتي
    حسن ارابيسك

    ردحذف
  14. قرب رمضان فكرنى بناس يهمونى قلت اهنيهم قبل ما يسبقونى .. رمضان كريم

    ردحذف

25يناير

كل ثانية بتعدى بحدث جديد
وكل اما نقول هنهدى ونستني التغيير نلاقي الاحداث بتلاحقنا وبقينا في عجلة بتجري بينا وبنجري بيها
لو وقفنا فجاه هنقع ولو وقفت هى هنقع بردو
من الاخر سيبونا يااهالينا نغير البلد دي
كانت معاكم ودمرتوها بسكوتكم خلوها معانا يمكن حماسنا واتحادنا يقومها من كبوتها تانى
الحزب الوطنى .. ارحمنا ياعم الحج كفايه عليك كدا ابعد عن البلد دي بكل سرطاناتك
المعارضين يامن كنتو مؤيدين واصبحتو عكس ذلك مش بخونكم ولا اقدر اقول دا لانكم مصريين زيي يمكن اختلفنا في طريقة تعبرنا لحب مصر
لكن ليا طلب بجد قارنو الفترات واقرو تاريخ وشوفو كم الفساد
اللي بيقولو ان شباب التحرير سقف طلباتهم مش بيخلص .. عارفين ليه مش بيخلص عشان اصلا بنلاقي الفساد اكبر من توقعاتنا
عشان اصلا فيه التوااااء في تحقيق المطالب .. عارفين محسسني اننا هناخد الطلبات دي ونحطها في جيبنا مااحنا بنطلب عشان البلد دي
واللي بيقول الاستقرار مليون مرة نقول مش احنا اللي مانعين الشرطة مش احنا اللي خرجنا البلطجية مش احنا اللي خلينا المحلات تتسرق مش احنا مش احنااااااااااا
نفسي اتكلم كتير بس فعلا مش في وقت للكلام العجلة شغاله وبتلف بسرعة وللاسف ردود الافعال بتخلينا نغضب اكتر ويكون رد فعلنا غير محسوب
انا من يوم الجمعة مش شاركت بحاجه :( وحاسه بإكتئاب بسبب دا امال اللي مش شارك من الاول بئا شعوره ايه ؟؟

عن الكاتب

Kiara بنت مصريه بحلم بدنيا صافيه مش فيها غدر وكل اللي فيها اننا نحب بعض مش لهدف ما لكن نحب بعض عشان نشوف الدنيا صح

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

عالــم مــولان