الثلاثاء، أكتوبر 01، 2013

بدون عنوان

اجمل حاجه في الدنيا هى ضحكة بيبي 

بتفرحنا مش عشان حبنا للاطفال المفرط 

بتفرحنا عشان بتحسسنا ان فى خير من ربنا لسه الدنيا مغيرتهوش 

ساعات بسرح في الابتسامة لابعد من كونها ابتسامة 

بسرح للبيبي دا لما يكبر 

هيكون شخص برئ زى ضحكته بتاعت زمان 

ولا الدنيا والحياه هتغيره وتبدل البراءة لحاجات تانية

ساعاتها بفضل ادعى ان البيبي دا يكون خير لنفسه وللي حواليه 

 رغم رعبي الشديد ان اللي حواليه يدمروا انسانيته يدمروا حيويته وحبه للحياه 

""""""""""""""""""""""

اغلب اللي يعرفنى كان بيقول فيا براءة ... كنت بحس ان دا عادى 

او مش حاسه باختلاف عن الغير 
 
حتى لما كان بيحصل ليا صدمات علي حسب قوتها وضعفها

 كنت بعرف امتصها بتوجع بس كنت بعرف امتصها

لحد اخر عام

بسمية  " عام النكسة "  هو انتكاسة ليا

 اه انا واقفه علي رجلي وبضحك وبهزر وبتعايش مع وضعي الجديد لكن 

سيظل في زهنى انه مجرد " نكسه ليا "

حسيت بمعنى كلمة فيكي براءة في الوقت دا

عشان فعلا انا عمري ما تخيلت بوجود حاجات كدا وحسيت لحظتها باختلافي  

الحمد لله ربنا بردوا معايا  سبحانه وتعالى  قادر يفرحنى اوووووى 

بجد مبيخلنيش حزينه وبيخلينى مبسوطة 

وعشان كدا وبجد انا دايما مبسوطة 

وقادرة علي اي مشكلة حتى لو فيا حاجه اتجرحت بس

 لسه فيا حاجات زى ما هى 

ويبقي دائما الامل بداخلي لا ينقطع 

""""""

كانت معكم كيارا من جديد 


12 كلام قلوبهم:

rovy يقول...

و يبقى الأمل اكيد غاليتى .. عودا أحمد للتدوين كيارا بس يا رب تستمرى و ما تندهك نداهة الفيس تانى :)

كيــــــــــــارا يقول...

يارب ياروفي اصل الفيس سريع واحنا بيشدنا السرعه للاسف

tarek momen يقول...

شوفتي بفي ان الموضوع سهل ...استمري علي بركة الله

L.G. يقول...

ههههههههههه شفت الصورة الاول شفت انا بريئة ازاي وبسمع الكلام
فيما يخص الاطفال انا بحبهم لنفس السبب وبخاف عليهم يعيشوا زينا
فيما يخص الفرح انا عن نفسي بطلت افكر اني في يوم ممكن افرح
اكتبي وانا حكتب تعليقات هنا :)

فارس القمر يقول...

دايما كان كلك براءة وهتفضلى كلك براءة وتسعدنا كلماتك وعودتك من جديد وانسى النكسه وخليكى فى براءتك اللى اتعودنا عليها جميله ومطله دائما بشمس مشرقه نحس فيها بـ الامل

مخنوق كيك يقول...

ازيك يا كيارا عامله ايه . ليكي وحشه يا وحشه

حلم بيعافر يقول...

الامل خدعة كبرى
هيا بنا ننتحر :P

كيــــــــــــارا يقول...

بابا طارق

منا مش عاوزه اكتب حاجه حزينة

كيــــــــــــارا يقول...

ان شاء الله هتفرحى والدنيا هتكون مش سايعاكى

بتتكتب كدا ولا ازاي الكلمة دى :)

كيــــــــــــارا يقول...

فارس


ربنا يكرمك يااااااارب ميرسي

كيــــــــــــارا يقول...

مخنوق كيك

انا موجوده ع الفيس والله مش مختفيه

Foxology يقول...

أولاً : حمد الله على السلامة

ثانياً : البراءة حالياً موجودة في موضعين .. الموضع الأول وجوه الأطفال، الموضع الثاني أحكام القضاء على الوجوه الفاسدة من الأنظمة السابقة !

تحياتي